თბილისი. 12 აგვისტო ახალგაზრდობის საერთაშორისო დღეა. ამ დღეს საქართველოს პოლიტიკის ინსტიტუტი სოციალური კამპანიით „ახალგაზრდები ცვლილებებისთვის“ უერთდება. ორგანიზაცია წარმოგიდგენთ პირველი სამუშაო თემატურ ჯგუფს „გარემოსდაცვითი საკითხები – ნარჩენების მართვა საქართველოში”, რომელიც „ცვლილებებზე ორიენტირებული ახალგაზრდების ხელშეწყობა საქართველოში” პროექტის ფარგლებში შეიქმნა.  ჯგუფმა ჩაატარა კვლევა და მოამზადა პოლიტიკის დოკუმენტი. კვლევის მიზანი იყო მყარი ნარჩენების მართვის სპეციფიკის გარკვევა მუნიციპალიტეტების დონეზე... „პოლიტიკის დოკუმენტი შეიცავს: არსებული გამოწვევების განხილვას, შეფასებასა და შესაბამის რეკომენდაციებს, მათ შორის, არსებული პრობლემების მოგვარების მიზნით, ადვოკატირებისა და ლობირების საჭიროების შესახებ, რათა სახელმწიფო ბიუჯეტიდან და დონორი ორგანიზაციებიდან დამატებითი რესურსები გამოიყოს“. გაეცანით დოკუმენტს... წყარო: gip.ge

თბილისი. სოციალური სამართლიანობის ცენტრი გთავაზობთ დოკუმენტს, რომელიც წარმოადგენს მეთოდოლოგიურ ჩარჩოს ყველა იმ სტრუქტურული ფაქტორის შესასწავლად, რომლებიც ხელს უშლიან ინდივიდებს მართლმსაჯულების ინსტიტუტებზე წვდომაში. სრულად... წყარო: socialjustice.org.ge

თბილისი. სოციალური სამართლიანობის ცენტრი გთავაზობთ კვლევას ნამახვანი ჰესის პროექტის ისტორიის შესახებ. „მოცემული დოკუმენტი აჯამებს ინფორმაციას ნამახვანის ჰიდროელექტროსადგურის დაგეგმვის და მშენებლობის პროცესში გამოვლენილი ყველა ხარვეზული და უკანონო გადაწყვეტილების შესახებ. ერთის მხრივ, კვლევაში შეფასებულია კომპანიის შერჩევის დახურულობის და ნამახვანის ხელშეკრულების გაფორმების, როგორც კანონიერების ისე სამართლიანობის საკითხი, ხოლო მეორეს მხრივ, წინამდებარე დოკუმენტში მოცემულია გარემოსდაცვითი და მშენებლობის ნებართვების სამართლებრივი შეფასება და მნიშვნელოვანი ინსტიტუციური ჩავარდნების კრიტიკული ანალიზი, რამაც პროექტის უკანონობა განაპირობა“. სრულად... წყარო: socialjustice.org.ge

თბილისი. 22 ივლისს, რეპრესირებულთა ხსოვნის დღესთან დაკავშირებით, ინფორმაციის თავისუფლების განვითარების ინსტიტუტი (IDFI) გთავაზობთ საბჭოთა რეპრესიების შესახებ ქართველი სტუდენტების მიერ შეგროვებულ და მოთხრობილ ისტორიებს, რომლებიც უშუალოდ მათ ოჯახებს გადახდა. „ისტორიები ამ სახით საუკეთესოდ წარმოაჩენს, თუ როგორაა დალექილი საბჭოთა ტერორი და რეპრესიები ქართველი ახალგაზრდების მეხსიერებაში, რომლებიც არც საბჭოთა ტერორს და, თავისთავად, არც საბჭოთა კავშირს თავად არ მოსწრებიან. ქვემოთ წარმოდგენილი სამი ისტორია სტუდენტებმა შეაგროვეს ოჯახის წევრებთან, ახლობლებთან და ნაცნობებთან ინტერვიუების შედეგად, თუმცა სამივე მათგანი დაწერილია თავად სტუდენტების პერსპექტივიდან“. სრულად... წყარო: idfi.ge

აჭარა. ინფორმაციის თავისუფლების განვითარების ინსტიტუტი დეკომუნიზაციის და ზოგადად, დერუსიფიკაციის პროცესში, წლებია აწარმოებს კვლევებსა და შესაბამის ადვოკატირებას საზოგადოებაში.  ამ ეტაპზე, ორგანიზაცია ქობულეთს ესტუმრა, რომლის შემადგენლობაშიც შედის ადმინისტრაციული ერთეული - „ციხისძირი, სტალინისუბანი, შუაღელე“. IDFI თვლის, რომ სახელი „სტალინისუბანი“ პრობლემურია, რასაც ადგილობრივი ხელისუფლებაც იზიარებს, თუმცა შეხვედრაზე დამსწრე მოსახლეობის ნაწილი კვლავ ეწინააღმდეგება სტალინისუბნისთვის სახელის შეცვლას.  ორგანიზაცია აღნიშნავს, რომ შესაძლებელია, ტურისტებმა, რომლებსაც სწორი და ობიექტური ინფორმაცია აქვთ სტალინზე, კურორტზე ჩამოსვლისგან თავი შეიკავონ, ეს კი მოსახლეობის შემოსავალს უფრო შეამცირებს. IDFI გააგრძელებს დიალოგს ტოტალიტარული რეჟიმის ტოპონიმიკასა და მისი მატერიალური თუ სიმბოლური მემკვიდრეობის მნიშვნელობაზე ადგილობრივებთან. სრულად... წყარო: idfi.ge

თბილისი. 2021 წლის 8 ივლისს ინფორმაციის თავისუფლების განვითარების ინსტიტუტსა (IDFI) და Transitions Online (TOL) შორის თანამშრომლობის მემორანდუმი გაფორმდა. „დეზინფორმაციისა და პროპაგანდის წინააღმდეგ ბრძოლის მიმართულებით, მემორანდუმი მიზნად ისახავს ერთობლივ მუშაობას მედიისა და ჟურნალისტური საქმიანობის მიმართ ნდობის ხარისხის გაუმჯობესებისთვის. გარდა ამისა, მხარეები თანხმდებიან კოლაბორაციული ტრენინგების ჩატარების მნიშვნელობაზე საზოგადოების ყველაზე მოწყვლადი ჯგუფებისთვის, ფაქტების შემოწმებისა და დეზინფორმაციის ამოცნობის/განეიტრალების კუთხით“. სრულად... წყარო: idfi.ge

თბილისი. სოციალური სამართლიანობის ცენტრი აქვეყნებს სტატიას: მესხების რეპატრიაციის პოლიტიკური, სამართლებრივი და სოციალური დაბრკოლებები. „ტექსტი მიმოიხილავს საქართველოში რეპატრიანტი მესხების დაბრუნების პროცესის თანმდევ დაბრკოლებებს. გაანალიზებულია ამ პროცესის სხვადასხვა ეტაპები, დაბრუნების პროცესის ძირითადი შემაფერხებელი გარემოებები და საქართველოს ხელისუფლების მიდგომები რეპატრიაციის პროცესის მიმართ. თანამედროვე საქართველოს პოლიტიკური დღის წესრიგიდან მესხების დაბრუნების საკითხი გამქრალია, რასაც თავისი ობიექტური მიზეზებიც აქვს. შესაძლოა ეს ტექსტი გახდეს ერთ-ერთი საფუძველი იმისა, რომ განახლდეს მსჯელობა უსამართლოდ გადასახლებული ადამიანების მიმართ მისაღები გადაწყვეტილების შესახებ“. სრულად... წყარო: socialjustice.org.ge

თბილისი. სოციალური სამართლიანობის ცენტრი გთავაზობთ ბრიტანელი ჟურნალისტის და მკვლევრის თომას დე ვაალის სტატიების მოკლე მიმოხილვას. „თომას დე ვაალი პუბლიკაციაში „გაურკვეველი საფუძვლები“ (Uncertain Grounds) ცდილობს, შეისწავლოს უჩვეულო გამძლეობით გამორჩეულ დე ფაქტო სახელმწიფოებს შორის არსებული განსხვავებები და მსგავსებები. ამ ტერიტორიებზე წარმოშობილი კონფლიქტების დინამიკის განხილვის ფონზე, დე ვაალი მსჯელობს კონფლიქტების მოგვარებაში ევროკავშირის ჩართულობაზე, აანალიზებს ამ ჩართულობის პროცესში დაშვებულ შეცდომებს და მომავლის შესაძლებლობებს“. სრულად... წყარო: socialjustice.org.ge

თბილისი. ეკონომიკური პოლიტიკის კვლევის ცენტრი აქვეყნებს ლუკ კოფის და დოქტორ ჯეიმს ჯეი კარაფანოს პუბლიკაციას: „დროა დასრულდეს რუსეთის ვეტო საქართველოს ნატოში გაწევრიანებაზე“. „იმისთვის, რომ დასრულდეს რუსეთის ვეტო საქართველოს ნატო-ში გაწევრიანებაზე, ომისა და საქართველოს ტერიტორული მთლიანობის რღვევის თავიდან აცილებით, საჭიროა შემოქმედებითი პოლიტიკური ნების გამოჩენა“. სრულად... წყარო: eprc.ge

თბილისი. 30 ივნისს ჩეხური არასამთავრობო ორგანიზაციის Post Bellum-ის წარმომადგენლებმა ინფორმაციის თავისუფლების განვითარების ინსტიტუტის (IDFI) თანამშრომლებისა და სხვა დაინტერესებული მკვლევრებისთვის გამართეს ონლაინ ტრენინგი, რომლიც მიზანიც იყო დამსწრეებისთვის გაეცნო Post Bellum-ის ონლაინ არქივის - „ერების მეხსიერება“ (Memory of Nations) შედგენის მეთოდოლოგია, სტრუქტურა და სხვა დეტალები. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტმა (IDFI) ჩაატარა ფართომასშტაბიანი კვლევა, რომლის ფარგლებშიც შეისწავლა საქართველოს სახელმწიფოს კონტროლირებად ტერიტორიაზე არსებული კომუნისტური, ტოტალიტარული რეჟიმის სახელწოდებების მატარებელი დასახლებული პუნქტების, ქუჩების, სკვერების, მოედნების და სხვა  ტერიტორიების ტოპონიმიკა. „შესწავლილი 80 დასახლებული პუნქტიდან საბჭოთა ტოტალიტარული ტოპონიმები გვხვდება 46 პუნქტში. 35 დასახლებულ პუნქტში გვხვდება ისეთი პიროვნებების, მოვლენების, ორგანიზაციების სახელების მატარებელი ადგილები, რომლებსაც მიუძღვით განსაკუთრებული დანაშაული საქართველოსა, თუ კაცობრიობის წინაშე. ტოპონიმებში ფიგურირებს პიროვნებები, რომელთა სახელებსაც თანამედროვე რუსული პროპაგანდა აქტიურად იყენებს“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტმა (IDFI) და Post Bellum-მა ურთიერთთანამშრომლობის მემორანდუმი გააფორმეს. „Post Bellum 2001 წელს, ჟურნალისტებისა და ისტორიკოსების მიერ ჩეხეთში დაფუძნებული არასამთავრობო არაკომერციული ორგანიზაციაა, რომელიც დოკუმენტურად ასახავს მე-20 საუკუნის მნიშვნელოვანი ისტორიული მოვლენების მოწმეების მოგონებებს და ცდილობს ამ ამბების ფართო საზოგადოებაში გავრცელებას. Post Bellum-ის მთავარი პროექტი არის „ერების მეხსიერება“ (Memory of Nations), იმ ადამიანების მოგონებათა კრებული, ვინც მე–20 საუკუნის ტოტალიტარული ეპოქა გამოიარა, ასევე ფოტოები, გაზეთები და სხვადასხვა ისტორიული ჩანაწერი. კრებული 12,000-მდე ისტორიისაგან შედგება და საზოგადოებისთვის ხელმისაწვდომია ონლაინ, მონაცემთა ბაზის საშუალებით. დღესდღეობით გარდა მთავარი პროექტისა, Post Bellum მსოფლიოს მასშტაბით ახორციელებს 23 საერთაშორისო პროექტს.  IDFI აქტიურად მუშაობს მეხსიერებისა და დეზინფორმაციის კვლევებზე. IDFI იზიარებს Post Bellum-ის მისიასა და ხედვებს ზემოაღნიშულ საკითხებთან დაკავშირებით. აღნიშნულიდან გამომდინარე, ორგანიზაციები თანხმდებიან რომ Post Bellum საკუთარ ცოდნას გაუზიარებს IDFI-ს და სამომავლოდ IDFI-სთან ერთად დაგეგმავს საერთო პროექტებს აღნიშნული მიმართულებით“. სრულად... წყარო: idfi.ge

ლექსიკონში შესულია კორპორაციულ პასუხისმგებლობასთან და მდგრად განვითარებასთან დაკავშირებული ტერმინები და კონცეფციები. მაგალითად: მდგრადი განვითარების ანგარიში, კორპორაციული მდგრადობა, მწვანე მარკეტინგი და ა.შ.). ასევე, უფრო თართოდ გავრცელებული ტერმინები, რომლებიც მნიშვნელოვანი და არსებითია კორპორაციული პასუხისმგებლობის კონტექტსშიც. ლექსიკონი შეიქმნა CSRDG-ის კორპორაციული სოციალური პასუხისმგებლობის პროგრამის მიერ, პროექტის "სამოქალაქო საზოგადოების ინიციატივის" ფარგლებში, ევროკავშირისა და კორნად ადენაუერის ფონდის მხარდაჭერით. წიგნის ავტორია ლელა ხოფერია. ლექსიკონი...

თბილისი. სოციალური სამართლიანობის ცენტრი გთავაზობთ ინტერვიუს სტივენ ჯონსთან, რომელიც ორგანიზაციის მკვლევარმა მარიამ შალვაშვილმა ჩაწერა. სტივენ ჯონსი ისტორიკოსი და პოლიტიკის მკვლევარია, რომელიც ათწლეულებია საქართველოს, რუსეთის და ზოგადად სამხრეთ კავკასიის თემატიკას სწავლობს. ინტერვიუ ეხება საქართველოს ნაციონალიზმის ისტორიას მეცხრამეტე საუკუნიდან დღემდე და საქართველოს კონფლიქტის რეგიონების ისტორიული კონტექსტის გააზრებას. სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ინტერვიუს გარემოს დამცველთან, „საქართველოს მწვანეთა მოძრაობა - დედამიწის მეგობრების“ თანათავმჯდომარე ნინო ჩხობაძესთან. „ჩერნობილის კატასტროფა ეწინააღმდეგებოდა საბჭოთა ძლიერებისა თუ სამეცნიერო სფეროში უპირატესობის ნარატივს, საფრთხეს უქმნიდა საბჭოთა კავშირის პოლიტიკას. ამის გამო დიდი ხნის განმავლობაში სსრკ-ში ცდილობდნენ ჩერნობილის შესახებ ინფორმაცია არ გაევრცელებინათ“.  „დღესაც [სისხლში] ტყვიის მაღალი შემცველობის გამოვლინება დასავლეთ საქართველოში, ჩვენი აზრით, შესაძლებელია, იყოს ჩერნობილის კატასტროფის შედეგი“, ამბობს ნინო ჩხობაძე. სრულად... წყარო: idfi.ge

თბილისი. ინფორმაციის თავისუფლბის განვითარების ინსტიტუტმა (IDFI) მოამზადა კვლევა - „პანდემიის გავლენა დანაშაულის სტატისტიკაზე".  „ქვეყანაში რეგისტრირებული დანაშაულის მაჩვენებლებზე პანდემიის გავლენის შეფასების მიზნით, IDFI-მ გაანალიზა საქართველოს შინაგან საქმეთა სამინისტროს მიერ რეგისტრირებული დანაშაულის სტატისტიკის მაჩვენებლები. 2018 წლიდან, საქართველოს შინაგან საქმეთა სამინისტრო ყოველთვიურად პროაქტიულად აქვეყნებს დანაშაულის სტატისტიკას დანაშაულის სახეების მიხედვით, რაც საშუალებას გვაძლევს პანდემიის და მასთან ბრძოლის ფარგლებში გატარებული შემზღუდავი ღონისძიებების გავლენის შეფასებას კონკრეტული დანაშაულების მიმართებით“, - ნათქვამია კვლევის შესავალში.  სრულად...   წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტიs (IDFI) ინფორმაციით, ღია მონაცემების მზაობის (Open Data Maturity) შეფასება წარმოადგენს ევროპული მონაცემთა პორტალების ყოველწლიურ კვლევას. „2020 წელს, ამ შეფასებაში პირველად მოხვდა აღმოსავლეთი პარტნიორობის რეგიონის რამდენიმე ქვეყანა (აზერბაიჯანი, მოლდოვა, უკრაინა და საქართველო). შეფასება ღია მონაცემების მზაობას ზომავს ოთხი მიმართულებით: პოლიტიკა, გავლენები, პორტალი და ხარისხი. კვლევის ფარგლებში საუკეთესო შედეგები დანიამ აჩვენა, რომელიც ოთხივე მიმართულებაში მაღალი შეფასებით გამოირჩევა. ღია მონაცემების მზაობის კვლევის მიერ შეფასებული 35 ქვეყნიდან, საქართველო ბოლოს წინა ადგილს იკავებს“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. 11 თებერვალი მეცნიერ ქალთა და გოგონათა საერთაშორისო დღეა. გაეროს ქალთა ფონდი გთავაზობთ, გაიხსენოთ ქალები და გოგონები, რომლებმაც საკუთარი წვლილით მეცნიერებაში (STEM) მსოფლიო უკეთესობისკენ შეცვალეს. მათ შორის აღსანიშნავია მარია სკლადოვსკა-კიური, როზალინდ ფრანკლინი, ქეთრინ ჯონსონი, ვალენტინა ტერეშკოვა... სრულად... წყარო: ორგანიზაციის გვერდი სოციალურ ქსელში

თბილისი. 3 თებერვალს, ინფორმაციის თავისუფლების განვითარების ინსტიტუტმა (IDFI), მეხსიერების კვლევების საერთაშორისო კოალიციისა (International Coalition of Sites of Conscience) და შვედეთის საერთაშორისო განვითარების სააგენტოს (SIDA) ფინანსური მხარდაჭერით, გამართა ონლაინ კონფერენცია „საბჭოთა რეჟიმის მსხვერპლთა მასობრივი სამარხების აღმოჩენა, არქეოლოგიური და მეხსიერების კვლევები - საერთაშორისო გამოცდილება“. კონფერენციის ჩანაწერი ხელმისაწვდომია ამ ბმულზე... სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტმა (IDFI), საერთაშორისო მკვლევრებთან ერთად, 2019-2020 წლებში განახორციელა პროექტი - „სახელმწიფო არქივების ღიაობის შეფასება ყოფილ საბჭოთა რესპუბლიკებში და აღმოსავლეთის ბლოკის ქვეყნებში“. კვლევამ გამოავლინა რეგიონის 18 ქვეყნის სახელმწიფო არქივების გამჭვირვალობის რეიტინგი და ასევე საკმაოდ საინტერესო მიგნებები და სპეციფიკა, რომლებიც ამა თუ იმ ქვეყანაში სახელმწიფო არქივებს გააჩნიათ. „COVID-19-ით გამოწვეულმა რეალობამ განსაკუთრებით თვალსაჩინოდ წარმოაჩინა არქივების ვებგვერდების გამართული ფუნქციონირებისა და მომხმარებლებთან ონლაინ კომუნიკაციის მნიშვნელობა, რაც მოცემული კვლევითაც დასტურდება. მაშინ, როდესაც ადამიანებს მთელი მსოფლიოს მასშტაბით მოუწიათ სახლში ყოფნა და დისტანციურად მუშაობა, ისტორიკოსებისა და მკვლევრებისთვის საარქივო დოკუმენტებზე წვდომის ერთადერთი საშუალება გახდა ინტერნეტი, არქივების ვებგვერდი, იქ განთავსებული ფონდები და ელექტრონული მონაცემთა ბაზები“. სრულად... წყარო: idfi.ge

თბილისი. გაეროს ქალთა ორგანიზაციის ინიციატივით, საქართველოში პირველად, მოსახლეობის მიერ დროის გამოყენების კვლევა იწყება. კვლევას სტატისტიკის ეროვნული სამსახური ატარებს და მისი შედეგები 2021 წლის ბოლოს გახდება ცნობილი.  რა დროს უთმობენ ქალები და კაცები: საოჯახო საქმეებს;  ანაზღაურებად სამუშაოს;  განათლებას, სპორტსა და დასვენებას;  ტექნოლოგიებსა და ტრანსპორტს;  მოხალისეობასა და სხვა აქტივობებს - ეს არის საკითხები, რომელსაც კვლევა მოიცავს.  სრულად...  წყარო: გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს კვლევას - „საქართველო და ნატო: მცირე ქვეყანა უსაფრთხოების ძიებაში“. „1991 წელს, დამოუკიდებლობის აღდგენიდან მოყოლებული, საქართველოს არასდროს უგრძვნია ცივი ომის დასრულების სიკეთე. ევროპის ქვეყნებისგან განსხვავებით, მას უწევდა რუსეთისაგან თავისი საზღვრებისა და სუვერენიტეტის დასაცავად ბრძოლა. მიუხედავად რთული დასაწყისისა, საქართველომ მოახერხა მნიშვნელოვანი წინსვლა დემოკრატიის მშენებლობის გზაზე და ნატოსთან მჭიდრო თანამშრომლობის დამყარება. თუმცა მისი მთავარი მიზანი - ორგანიზაციაში გაწევრიანების პერსპექტივა კვლავ ბუნდოვნად რჩება”, - ვკითხულობთ კვლევაში. სრულად...  წყარო: ორგანიზაციის ვებგვერდი