მცხეთა-მთიანეთი. მცხეთა-მთიანეთის რეგიონული ჰაბი მოხალისეობის კვირეულს იწყებს მცხეთა-მთიანეთის რეგიონში. ადგილობრივმა ახალგაზრდებმა დაგეგმეს მოხალისეობრივი აქტივობები, რომლებიც 27 მაისიდან 1 ივნისის ჩათვლით განხორციელდება. 27 მაისი - მეორადი ნივთების გამოყენებით ღია ახალგაზრდული სივრცის შექმნა -დაბა თიანეთში, (მეორე საბავშვო ბაღის წინ) 15:00 საათი. 28 მაისი, ფილმის ჩვენება - a dog way home, წეროვნის დევნილთა დასახლება, სკვერი, 20:00 საათი. 29 მაისი - ძაღლის საკვებურების დამონტაჟება, მიუსაფარი ცხოველების კასტრაცია-სტერილიზაცია და საინფორმაციო კამპანია. 30 მაისი - ლექცია ქაღალდის გადამუშავებაზე და მაკულატურის შესაგროვებელი პუნქტების დამონტაჟება, ქ. დუშეთი (ყოფილი სამუსიკო სკოლა), 15:00 საათი 31 მაისი - გამწვანების და დასუფთავების აქცია, ყაზბეგის მუნიციპალიტეტის საბავშვო ბაღებში: არშა, გარბანი, აჩხოტი, სნო, სიონი ) 1 ივნისი - ბავშვთა უფლებების სტენდის შექმნა და საინფორმაციო შეხვედრა, ქსნის საჯარო სკოლა, 14:00 საათი. შეუერთდით მოხალისეობის კვირეულს და შეიტანეთ წვლილი ადგილობრივი თემების განვითარებაში. კვირეული ტარდება პროექტის „სამოქალაქო საზოგადოების ინიციატივა“ ფარგლებში, ევროკავშირისა და კორნად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

სსო მეტრი მონიტორინგის ინსტრუმენტია, რომლის გამოყენებითაც აღმოსავლეთ ევროპის პარტნიორობის ქვეყნებში ფასდება საზოგადოებრივი ორგანიზაციების, ადამიანის უფლებათა დამცველებისა და აქტივისტების საარსებო გარემო – კანონმდებლობა და პრაქტიკა. ანგარიში 11 უფლებრივი სტანდარტით და 7 ქულიანი სისტემით ფასდება (ყველაზე დაბალი ქულაა 1 – უკიდურესად არახელსაყრელი, ავტორიტარული გარემო, ხოლო 7 ქულა – მაქსიმალურად ხელსაყრელი გარემო).  2021 წლის სსო მეტრის თანახმად, საქართველოში საზოგადოებრივი ორგანიზაციების, ადამიანის უფლებათა დამცველებისა და აქტივისტებისთვის გარემო მაქსიმალური 7 ქულიდან 4. 7 ქულით შეფასდა (კანონმდებლობა: 5.2 ქულა, პრაქტიკა 4.3 ქულა).  სსო მეტრის შედეგების მიხედვით: საქართველო, საზოგადოებრივი ორგანიზაციებისთვის საშუალო რისკის ქვეყანას წარმოადგენს.  სსო მეტრზე მუშაობდნენ სამოქალაქო საზოგადოების ინსტიტუტი (CSI), საქართველოს ახალგაზრდა იურისტთა ასოციაცია (GYLA) და ინფორმაციის თავისუფლების განვითარების ინსტიტუტი (IDFI), პროცესის მხარდამჭერები არიან ევროკავშირის და არაკომერციული სამართლის ევროპული ცენტრი (ECNL).  სსო მეტრი – ქვეყნის ანგარიში, 2021

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. საქართველოს ახალგაზრდა იურისტთა ასოციაცია (საია) აქვეყნებს საკონსტიტუციო სამართალწარმოების იურისტის ვასილ ჟიჟიაშვილის ბლოგპოსტს: უნდა ავკრძალოთ თუ არა პრორუსული პარტია „კონსერვატიული მოძრაობა“.? „ისევე როგორც საქართველოს კონსტიტუცია, ადამიანის უფლებათა და ძირითად თავისუფლებათა დაცვის კონვენცია ითვალისწინებს პოლიტიკური პარტიის აკრძალვას, თუკი მის მიზანს წარმოადგენს დემოკრატიული წესწყობილების დამხობა. სრულიად ვეთანხმები მოსაზრებას, რომ პარტია „კონსერვატიული მოძრაობის“ საქმიანობა მიზნად ისახავს დემოკრატიული წესწყობილების დამხობას, ამისთვის კი იყენებს სიძულვილის ენას, ომის პროპაგანდასა და ძალადობას. ეს კი, რა თქმა უნდა წარმოშობს პარტიის გაუქმების ფორმალურ-სამართლებრივ საფუძვლებს, თუმცა მიმაჩნია, რომ ამის მიუხედავად, დემოკრატიული ღირებულებებისადმი ერთგულმა ინდივიდებმა დღეს არ უნდა მოვითხოვოთ ასეთი პარტიის აკრძალვა“. სრულად... წყარო: gyla.ge

გურია. ევროკავშირის ელჩი კარლ ჰარცელი გურიას ეწვია რეგიონში ევროკავშირის მხარდაჭერის წარმოსაჩენად და ადგილობრივ სკოლას და ევროკავშირის მიერ მხარდაჭერილი პროექტების ბენეფიციარებს ესტუმრა. სრულად... წყარო: www.eeas.europa.eu

შიდა ქართლი. 21 მაისს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და შიდა ქართლის რეგიონული ჰაბის - საზოგადოება „ბილიკის“ ორგანიზებით, გორის სახელმწიფო სასწავლო უნივერსიტეტში „რეგიონული ფორუმი ახალგაზრდული და მოხალისეობრივი საქმიანობის განვითარებისთვის“ გაიმართა. ფორუმის მიზანი იყო შიდა ქართლის რეგიონის ახალგაზრდების აქტიური ჩართვა ადგილობრივი თემის საჭიროებების გადაწყვეტაში, მოხალისეობის კულტურის პოპულარიზაცია, მოხალისეების მიმღებ ორგანიზაციებსა და მოხალისეობით დაინტერესებულ პირებს შორის კომუნიკაციის ხელშეწყობა, ახალგაზრდული საბჭოების როლისა და საქმიანობის მხარდაჭერა. ასევე, მოსახლეობაში რეგიონული საზოგადოებრივი ორგანიზაციების ცნობადობის გაზრდა... ფორუმის ფარგლებში, ახალგაზრდებმა, მცირე ჯგუფებში, ფასილიტატორებთან ერთად, შეიმუშავეს საპროექტო იდეები. გამოფენაზე გორის ახალგაზრდულმა საბჭომ, ახალგაზრდული საბჭოების როლის და საქმიანობის პოპულარიზაციის მიზნით, საზოგადოებას საბჭოს საქმიანობა გააცნო. შტეფან მალერიუსმა, რეგიონული პროგრამის „პოლიტიკური დიალოგი სამხრეთ კავკასია“ ხელმძღვანელმა, სიტყვით მიმართა აუდიტორიას. ასევე, ფორუმის ფარგლებში გაიმართა პანელური დისკუსია თემაზე -  „სამოქალაქო აქტივიზმი და მოხალისეობა“. ღონისძიება განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: პროექტის გვერდი სოციალურ ქსელში

თბილისი. საზოგადოებრივი ორგანიზაციების, ადამიანის უფლებათა დამცველების და აქტივისტების საარსებო სამარვლებრივი გარემოს და პრაქტიკის ანგარიშის – სსო მეტრის პრეზენტაცია გაიმართა 24 მაისს. 2021 წლის სსო მეტრის თანახმად, საქართველო საზოგადოებრივი ორგანიზაციების, ადამიანის უფლებათა დამცველებისა და აქტივისტებისთვის გარემო მაქსიმალური 7 ქულიდან 4. 7 ქულით შეფასდა (კანონმდებლობა: 5.2 ქულა, პრაქტიკა 4.3 ქულა). სსო მეტრის შედეგების მიხედვით: საქართველო, საზოგადოებრივი ორგანიზაციებისთვის საშუალო რისკის ქვეყანას წარმოადგენს. ანგარიში მომზადდა სამოქალაქო საზოგადოების ინსტიტუტის (CSI), საქართველოს ახალგაზრდა იურისტთა ასოციაციის (GYLA) და ინფორმაციის თავისუფლების განვითარების ინსტიტუტის თანამშრომლობითა (IDFI) და საზოგადოებრივი ორგანიზაციების მონაწილეობით. ანგარიში განხორციელდა პროექტის – „სამოქალაქო საზოგადოების ორგანიზაციების გაძლიერების და ხელსაყრელი გარემოს შექმნის გზამკვლევის“ ფარგლებში, რომლის მხარდამჭერია არაკომერციული სამართლის ევროპული ცენტრი (ECNL) და ევროკავშირი (EU). პროექტი აღმოსავლეთ პარტნიორობის 6 ქვეყანაში მიმდინარეობს. ანგარიში: სსო მეტრი, 2021... შეფასების ინსტრუმენტი...

თბილისი. ინფორმაციის თავისუფლების განვითარების ინსტიტუტმა (IDFI-მ) საჯარო ინფორმაციის ხელმისაწვდომობის ანგარიში წარადგინა და 2021 წლის ყველაზე ღია და დახურული საჯარო დაწესებულებები დაასახელა. ორგანიზაციამ სიგელები გადასცა ყველა იმ უწყებას, რომელმაც 2021 წელს საჯარო ინფორმაციის ხელმისაწვდომობის 100%-იანი მაჩვენებელი აჩვენა. IDFI-ის მიერ ყველაზე დახურულ საჯარო დაწესებულებად კულტურის, სპორტისა და ახალგაზრდობის სამინისტრო შეფასდა. გაეცანით კვლევას...  წყარო: idfi.ge

თბილისი. საქართველოს სტრატეგიის და განვითარების ცენტრი (GCSD) იწყებს ახალ პროექტს - „უკეთ გავიცნოთ ნატო“.  „პროექტის მიზანია, ახალგაზრდებს და საზოგადოების სხვა ჯგუფებს გააცნოს ჩრდილოატლანტიკური ხელშეკრულების ორგანიზაციის შესახებ არსებული აქტუალური თემები და ხელი შეუწყოს ამ საკითხებზე დისკუსიის წარმართვას“. პროექტი ხორციელდება ნატოს სახალხო დიპლომატიის განყოფილების მხარდაჭერით ახორციელებს. დამატებით იხილეთ ბმულზე...  წყარო: ორგანიზაციის გვერდი სოციალურ ქსელში

სამოქალაქო საზოგადოების ინსტიტუტის სამოქალაქო აქტივიზმის ონლაინ სასწავლო პროგრამის კიდევ ერთი კურსი წარმატებით დასრულდა.  პროგრამამ, სხვადასხვა იდეის გარშემო გაერთიანებულ და აქტიურ ადამიანებს, სამოქალაქო კამპანიების დაგეგმვის მიმართულებით ახალი ცოდნის და პრაქტიკული უნარების შეძენის საშუალება მისცა.  128 მსურველიდან პროგრამაში მონაწილეობა 30 აქტიურმა ადამიანმა მიიღო, რომელთაც ყველაზე უკეთ დაასაბუთეს როგორ და რა მიმართულებით გამოიყენებდნენ მიღებულ გამოცდილებას.  ახლა ამ ცოდნის პრაქტიკაში გამოყენების ეტაპი აქვთ წარმატებულ მონაწილეებს – ვულოცავთ კურსის დასრულებას და მოუთმენლად ველით რა სტრატეგიას ან ტექნიკებს გამოიყენებენ სამოქალაქო კამპანიების დაგეგმვისას, რათა დადებითი ცვლილებებს შეუწყონ ხელი.  დადებითი ცვლილებების მოლოდინს კი მონაწილეთა მოსაზრებები გვისახავს:  „ჩემი და ჩემი მეგობრების აქტივობები სხვა თვალით შევაფასე, მივხვდი რა გვაქვს დასახვეწი, გამოსასწორებელი კამპანიის მასშტაბის გასაზრდელად და მიზნის მოკლე დროში მისაღწევად“. ... „კამპანიას მომავალში უფრო მიზანმიმართულად და ორგანიზებულად დავგეგმავთ“... „კურსმა, უკვე განხორციელებული კამპანიების მიმოხილვამ და ანალიზმა უკეთ დამანახა როგორ განვახორციელოთ არაძალადობრივი, სამოქალაქო კამპანიები“. კურსი ჩატარდა  პროექტის „სამოქალაქო საზოგადოების ინიციატივის“ ფარგლებში, ევროკავშირისა (EU) და კონრად ადენაუერის ფონდის (KAS) მხარდაჭერით.

გურია. 16 მაისს, პროექტის „სამოქალაქო საზოგადოების ინიციატივა“ ფარგლებში,  ოზურგეთის მუნიციპალიტეტში, მოეწყო სასაწავლო ვიზიტი ადგილობრივი სამოქალაქო საზოგადოების ორგანიზაციების - „ინოვაციებისა და სამოქალაქო განვითარების ცენტრი - პროგრესის სახლის“ და „ინოვაციების და ცვლილებების ინსტიტუტის“ ოფისში. ადგილობრივი დემოკრატიის სააგენტო საქართველოს ინფორმაციით, სასწავლო ვიზიტში მონაწილეობდნენ იმერეთის მხარის ადგილობრივი არასამთავრობო და სათემო ორგანიზაციის წარმომადგენლები. ამ აქტივობით მათ მიიღეს ინფორმაცია, რჩევები მოსაზღვრე რეგიონებში მოქმედი, წარმატებული სამოქალაქო საზოგადოების ორგანიზაციების მხრიდან ორგანიზაციის სტრუქტურული გაძლიერების, განვითარების და შენარჩუნების მიმართულებით. შეხვედრებზე, აქცენტი გაკეთდა იმ გამოწვევებზე, რომელიც რეგიონულ ორგანიზაციების ჩამოყალიბებისა თუ განვითარების პროცესს თან ახლავს. სასწავლო ვიზიტების მიზანია ერთის მხრივ, გაიზარდოს, იმერეთის მხარის CSO’s/CBO’s წარმომადგენლების გამოცდილება  ორგანიზაციის მართვისა და განვითარების მიმართულებით და მეორეს მხრივ, გაფართოვდეს საკონტაქტო პირთა წრე მოსაზღვრე რეგიონებში მომუშავე ორგანიზაციების სახით. სასწავლო ვიზიტები იმართება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: LDA Georgia-ს გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრი (CSRDG) ახალ ინიციატივას „იდეების აუქციონს“ იწყებს. „ვქმნით სივრცეს, სადაც სხვადასხვა ჯგუფებს დავეხმარებით აუდიტორიას საკუთარი იდეებიი წარუდგინონ და საჭირო მხარდაჭერა ცოცხალ რეჟიმში მოიპოვონ. აუქციონი ხორციელდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის (KAS) მხარდაჭერით“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. საზოგადოებრივი ორგანიზაციები მხარდაჭერას უცხადებენ ნიკა გვარამიას და „მთავარი არხის” გუნდს. „თბილისის საქალაქო სასამართლოს მიერ 2022 წლის 16 მაისს მიღებული გადაწყვეტილება და ნიკა გვარამიასთვის თავისუფლების აღკვეთის მისჯა აღიქმება როგორც გაფრთხილება და მუქარა სხვა დამოუკიდებელი მედიასაშუალებების მიმართ, რათა შეწყვიტონ ხელისუფლების საქმიანობის კრიტიკულად გაშუქება, არ შეასრულონ ხელისუფლების მაკონტროლებელი ფუნქცია და უარი თქვან ხელისუფლებისთვის არასასურველი ფაქტების საზოგადოებამდე მიტანაზე. ვფიქრობთ, მსგავსმა პროცესებმა შესაძლოა უარყოფითი გავლენა მოახდინოს  საქართველოს ევროპული ინტეგრაციის პროცესზე“, ნათქვამია განცხადებაში. სრულად... წყარო: transparency.ge

თბილისი. 17 და 18 მაისს, USAID-ის სამოქალაქო საზოგადოების ჩართულობის პროგრამა გამართავს საინფორმაციო შეხვედრებს სტრატეგიული მხარდაჭერის და პოლიტიკის კვლევის საგრანტო კონკურსზე. სრულად... წყარო: პროგრამის გვერდი სოციალურ ქსელში

თბილისი. საქართველოს პრობონოქსელი სამოქალაქო ორგანიზაციებს აძლევს შესაძლებლობას მიიღონ მაღალკვალიფიციური (პრო ბონო) საექსპერტო დახმარება, რაც მათთვის, მეტწილად, მიუწვდომელია.  ქსელი „საქართველოს სტრატეგიული კვლევებისა და განვითარების ცენტრის“ ინიციატივით დაარსდა და CSRDG მას შემდეგ საქმიანობის საექსპერტო და ადმინისტრაციულ მხარდაჭერას კოორდინირებს. პრო ბონო საქმიანობას მხარს უჭერს ევროკავშირი და კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

სამეგრელო. „საერთაშორისო გამჭვირვალობა - საქართველო” აქვეყნებს ანგარიშს, 2021 წელს, სამეგრელოში, ორგანიზაციის სამოქალაქო საბჭოების მუშაობისა და ადვოკატირების შედეგების შესახებ. „საერთაშორისო გამჭვირვალობა - საქართველოს” ზუგდიდის ოფისისა და სამოქალაქო საბჭოების წევრების მუშაობა-ადვოკატირების შედეგად, ხობში, ზუგდიდსა და წალენჯიხაში 2021 წელს განხორციელდა 10 პროექტი, მიმდინარეობს და 2022 წელს დასრულდება 11 პროექტი, წინა წლების მიმართვებიდან 2022 წლის ბიუჯეტით გათვალისწინებულია 5 პროექტის დასრულება. სრულად... წყარო: transparency.ge

გურია. 8 აპრილს, ახალგაზრდა პედაგოგთა კავშირში საინფორმაციო ტური გაიმართა. „შეხვედრის განმავლობაში, ორგანიზაციის სხვადასხვა მიმართულების წარმომადგენლებმა დამსწრეებს ორგანიზაციაში მიმდინარე პროექტები გააცნეს. ისაუბრეს თუ რა სერვისების მიღება შეუძლია თითოეულ მოქალაქეს ორგანიზაციის მიერ განხორციელებული პროექტების შედეგად. რატომ არის მნიშვნელოვანი საკითხები რომლებზეც ისინი მუშაობენ.  ახალგაზრდა პედაგოგთა კავშირი 1996 წელს დაფუძნდა და მისი მისიაა საქართველოს მოსახლეობის მოწყვლადი ფენების სოციალური უფლებებისა და ინტერესების დაცვის მექანიზმების გაუმჯობესება სამოქალაქო ცნობიერების მქონე საზოგადოების ჩამოყალიბებისა და სამოქალაქო პროცესებში ცალკეული პირების ჩართვის სტიმულირების გზით“. საინფორმაციო ტურის ჩატარება შესაძლებელი გახდა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ქალთა ფონდის ინფორმაციით, ორგანიზაციამ 2021 წელს 10 საგრანტო პროგრამის ფარგლებში, 78 პროექტი დააფინანსა.  საქმიანობის მთავარი მიმართულებები იყო:  შრომითი უფლებები; სექსუალური და რეპროდუქციული ჯანმრთელობა და უფლებები; გარემოსდაცვითი სამართლიანობა; ფემინისტური მოძრაობის და აქტივისტების მხარდაჭერა და გაძლიერება და სხვ. მხარდაჭერილი პროექტების მიზნებს, ფონდის მიერ ცნობიერების გასაზრდელად მომზადებულ პუბლიკაციებს, ვიდეოებს და სხვა აქტივობებს, ილუსტრაციებთან ერთად გაეცნობით აქ...  წყარო: womenfundgeorgia.org

თბილისი. ევროკავშირის მხარდაჭერით შეიქმნა პროგრამა GEO PARLIAMENT, რომელიც საშუალებას გაძლევთ ჩართული იყოთ საპარლამენტო საქმიანობაში, გაეცნოთ კანონპროექტს, დატოვოთ კომენტარი, დაამყაროთ ონლაინ კომუნიკაცია ნებისმიერ დეპუტატთან და ა.შ. აპლიკაციის ჩამოტვირთვა შეგიძლიათ ANDROID (Play Store) და IOS (App Store) ოპერაციული სისტემებიდან: Play Store... App Store... სრულად... წყარო: ევროკავშირის გვერდი სოციალურ ქსელში

აჭარა. 10 მაისს, თავისუფალ ჟურნალისტთა სახლმა „განათლების განვითარებისა და დასაქმების ცენტრთან“ ერთად, ხელი მოაწერა ბათუმის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურთან ურთიერთანამშრომლობის მემორანდუმს.  თანამშრომლობის საგანი მოიცავს: •    ქალაქ ბათუმის მუნიციპალიტეტის მერის სათათბირო ორგანოს - ახალგაზრდული საბჭოს გაძლიერებას; •    საბჭოს თანამშრომლობის გაზრდას ადგილობრივ და საერთაშორისო ორგანიზაციებთან; •    ადგილობრივ ახალგაზრდებთან კომუნიკაციისთვის ეფექტიანი მექანიზმის შემუშავებასა და დანერგვას; აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში  შეიქმნა.  პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში