თბილისი. საიამ საქართველოს პარლამენტის საგაზაფხულო სესიის გახსნისას საკანონმდებლო ხელისუფლებასა და საზოგადოებას გასული სესიის თანმდევი პროცედურული ხარვეზები შეახსენა. ასოციაციამ პარლამენტს საკანონმდებლო პროცესის გამჭვირვალობისკენ და დაჩქარებული წესით კანონპროექტის აუცილებლობის შემთხვევაში განხილვისკენ მოუწოდა. „მნიშვნელოვანია, რომ საქართვლოს პარლამენტის მომავალი საქმიანობა სრულ შესაბამისობაში მოდიოდეს რეგლამენტთან. ამავდროულად, კანონმდებლობით უნდა იყოს უზრუნველყოფილი მაღალი სტანდარტები პარლამენტის ღიაობისა და მის საქმიანობაში სამოქალაქო საზოგადოების ჩართულობისათვის", – ნათქვამია ახალგაზრდა იურისტთა ვებგვერდზე. სრულად წყარო: gyla.ge

თბილისი.„საერთაშორისო გამჭვირვალობა – საქართველომ" საპარლამენტო ამბების მორიგი, ყოველკვირეული პოდკასტი გამოაქვეყნა. 4 თებერვლის გამოშვების თემებია „ქართული ოცნების" განცხადება საკონსტიტუციო ცვლილებებზე, პრეზიდენტის დაგეგმილი გამოსვლა პარლამენტში და სხვა კვირის საინტერესო თემები. პოდკასტს უძღვება: ლევან ნატროშვილი, „საერთაშორისო გამჭვირვალობა – საქართველოს" პროექტების ხელმძღვანელი და გიგი ჩიხლაძე, იურისტი. საპარლამენტო ამბების პოდკასტი: 4 თებერვალი წყარო: transparency.ge

გაეროს უმაღლესი კომისარიატის ადამიანის უფლებების ოფისმა (OHCHR) გამოსცა ადამიანის უფლებების მიმართულებით მომუშავე საზოგადოებრივი ორგანიზაციებისთვის პრაქტიკული გზამკვლევი – ფონდების, გრანტებისა და სტიპენდიების პროგრამების შესახებ ("Human Rights Funds, Grants and Fellowships – A Practical Guide for Civil Society”). ეს პრაქტიკული სახელმძღვანელო მეოთხეა იმ სერიიდან, რომელიც საზოგადოებრივი ორგანიზაციებისთვის გამოიცა. გზამკვლევი ხელმისაწვდომია არაბულად, ჩინურად, ინგლისურად, ფრანგულად, რუსულად და ესპაენურად სრულად წყარო: un-ngls.org

თბილისი. ვისაც სურს გაიგოს უფრო მეტი ბიოლის ფონდის შესახებ, ფონდი ძალიან მარტივ და სახალისო გზას სთავაზობს – ვირტუალურ სივრცეში მოგზაურობას. სადაც დაინტერესებულ პირებს შეუძლიათ გაეცნონ ფონდის საქმიანობას მსოფლიოს სხვადასხვა ქვეყნებში. ვისაც ჯერ არ უნახავს ან უნახავს და აღარ ახსოვს ესტუმრეთ ბიოლის სამყაროს წყარო: სამხრეთ კავკასიის ბიუროს გვერდი სოციალურ ქსელში

თბილისი. „ინფორმაციის თავისუფლების განვითარების ინსტიტუტი" ცენტრალური ხელისუფლებისთვის 2012 წელს გაცემული პრემიების შესახებ მონაცემების გამოქვეყნებას აგრძელებს. 1 თებერვალს გამოქვეყნებულ მონაცემებში 2012 წელს რამდენიმე საჯარო დაწესებულების მიერ გაცემული პრემიების რაოდენობაა მოცემული, მათ შორისაა: რეგიონული განვითარებისა და ინფრასტრუქტურის სამინისტრო, იუსტიიის სამინისტრო, კულტურის სამინისტრო, განათლებისა და მეცნიერების სამინისტრო, მთავრობის აპარატი. „ინფორმაციის თავისუფლების განვითარების ინსტიტუტი"  პრემიერ–მინისტრების, სახელზე გაცემული პრემიების შესახებაც აქვეყნებს ინფორმაციას. სრულად წყარო: opendatablog.wordpress.com

აჭარა.1 თებერვალს, ბათუმის დემოკრატიული ჩართულობის ცენტრის ორგანიზებით გაიმართა საჯარო დისკუსია თემაზე: „სტიქიის შედეგად დაზარალებული მოსახლეობის სოციალურ–ეკონომიკური მდგომარეობა". შეხვედრის მიზანი იყო ადგილობრივი მთავრობის, თვითმმართველობის ორგანოებისა და სამოქალაქო საზოგადოების დაინტერესებისა და ჩართულობის გაზრდა სტიქიური მოვლენების შედეგად დაზარალებული მოსახლეობის პრობლემების გადაჭრის საკითხებში. დისკუსიის მსვლელობისას ისაუბრეს ეკომიგრაციის სფეროში ეფექტური და ცენტრალური სახელმწიფო პოლიტიკის შემუშვებაზე, სახელმწიფო სტრუქტურებს შორის კოორდინაციასა და პასუხისმგებლობის გადანაწილების მექანიზმის შექმნაზე. შეხვედრას ესწრებოდნენ აჭარის ჯანმრთელობისა და სოციალური დაცვის სამინისტროს, გარემოს დაცვისა და ბუნებრივი რესურსების სამმართველოს, უმაღლესი საბჭოს, თვითმმართველობის წარმომადგენლები, საზოგადოებრივი ორგანიზაციები და სტუდენტები.

სამეგრელო. საინიციატივო ჯგუფმა „დევნილთა კავშირმა", რომელიც რამდენიმე დღის წინ ჩამოყალიბდა, 1 თებერვალს, საზოგადოებას კავშირის წევრები წარუდგინა. ერთ-ერთი წევრის, ლონდერ ცანავას განცხადებით, წარმომადგენლობა საქართველოს ყველა რეგიონში ჰყავთ, თუმცა იძულებით გადაადგილებულ პირთა სიმრავლის გამო ზუგდიდში ჩვეულებრივზე მეტი - ათი თანამშრომელი ეყოლებათ. საინიციატივო ჯგუფის ხელმძღვანელად ზუგდიდში აფხაზეთიდან დევნილი, ოთარ ბერიშვილი დაინიშნა. მისი განცხადებით, „დევნილთა კავშირის" მიზანი დევნილთა პრობლემებზე მუშაობა და მათი მოგვარების პროცესებში უშუალოდ იძულებით გადაადგილებული პირების ჩართვა იქნება. საინიციატივო ჯგუფს „დევნილთ კავშირს" ერთ-ერთ მთავარ მიზნად ქართულ-აფხაზური ურთიერთობის ხელშეწყობა აქვს დასახული. საინიციატივო ჯგუფის შეხვედრას აფხაზეთიდან დევნილები და არასამთავრობო ორგანიზაციის წარმომადგენლები ესწრებოდნენ.

სამცხე-ჯავახეთი. 2 თებერვალს, ახალციხეში, ორგანიზაცია ,,დემოკრატ მესხთა კავშირის” ოფისში, პროექტ „სამოქალაქო განვითარების  რეგიონული ქსელის” ფარგლებში,  არასამთავრობო სექტორის, თვითმმართველობისა და მედიის წარმომადგენლებმა რეგიონის პრობლემებზე იმსჯელეს. „სამოქალაქო განვითარების რეგიონული ქსელი” გასული წლის 21 დეკემბერს შეიქმნა. მასში გაერთიანებული 40 არასამთავრობო ორგანიზაციიდან ოთხი სამცხე-ჯავახეთში  ფუნქციონირებს. ესენია: „დემოკრატ მესხთა კავშირი”, ასოციაცია „ტოლერანტი”, „ახალციხის ახალგაზრდული ცენტრი” და „სამცხე-ჯავახეთის მომხმარებელთა კავშირი”.  პროექტის მიზანია რეგიონების პრობლემების გამოკვლევა და ასევე ადგილობრივი არასამთავრობო და სამოქალაქო სექტორის გაერთიანება პრობლემების ეფექტური მოგვარებისა და ხელისუფლების საქმიანობის მონიტორინგისთვის.  სამცხე-ჯავახეთი მეათე რეგიონია, სადაც მსგავსი შეხვედრა გაიმართა. სამოქალაქო განვითარების სააგენტოს წარმომადგენლის თქმით, ახალციხეში შეხვედრით პროექტის პირველი ეტაპი დასრულდა. პროექტს „სამოქალაქო საზოგადოების რეგიონული ქსელი”  სამოქალაქო განვითარების სააგენტო სიდა, აღმოსავლეთ–დასავლეთის მართვის ინსტიტუტის საჯარო პოლიტიკის, ადვოკატირებისა და სამოქალაქო საზოგადოების განვითარების პროგრამის  მხარდაჭერით ახორციელებს.

იმერეთი. ქუთაისის ახალგაზრდული ცენტრმა თავისი წევრებისათვის მოაწყო დოკუმენტური ფილმის „დების" ჩვენება. ფილმი მოგვითხრობს პალიატიური მზრუნველობის ქვეშ მყოფი ადამიანების ცხოვრებას ფერისცვალების დედათა მონასტრეთან არსებულ ჰოსპისის – მოწყალების სახლში. ახალგაზრდული ცენტრის წევრებმა ფილმის დასრულების შემდეგ გამოთქვეს საკუთარი შეხედულებები პალიატიური მზრუნველობის და ჰოსპისების არსებობის მნიშვნელობის შესახებ. ფილმის ჩვენება ორგანიზებული იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

იმერეთი. იმერეთის საზოგადოებრივი ორგანიზაციები ყოველთიურ საინფორმაციო შეხვედრებს მართავენ ისინი საკუთარი პროექტების შესახებ მოხსენებას აკეთებენ და აჯამებენ მუშაობას. ასევე შეხვედრებზე სამომავლო პროექტების გაცნობა მიმდინარეობს. მაგალითად, საიას ქუთაისის ფილიალმა დაასრულა ერთ–ერთი პროექტი, რომელიც დაფინანსებული იყო აშშ–ს საელჩოს მიერ – „იცოდე ვის და რისთვის ირჩევ". აღნიშნული პროექტის ფარგლებში საია გეგმავს პროექტის ანგარიშების პრეზენტაციას რეგიონებში. პრეზენტაციებში მონაწილეობას მიიღებენ როგორც არასამთავრო, ასევე მედია საშუალებების წარმომადგენლები.

თბილისი.„კივიტას გეორგიკა" ახალი საერთაშორისო პროექტის ფარგლებში არასამთავრობო ორგანიზაციების, ბიზნეს სექტორისა და მედიის წარმომადგენლებისთვის სამუშაო შეხვედრებს იწყებს. პროექტი ვიშეგრადის ფონდის მიერ ფინანსდება და კავკასიის რეგიონში მდგრადი სამოქალაქო საზოგადოების განვითარებას ემსახურება. პროექტის ფარგლებში პირველი სამუშაო შეხვედრა თბილისში 5 თებერვალს „კივიტას გეორგიკას" ოფისში გაიმართება. წყარო: civitas.ge

თბილისი. „კონსტიტუციის 42–ე მუხლი"  პარლამენტის ინიციატივას საქართველოს კონსტიტუციაში შესატან ცვლილებებს ეხმიანება და 29 იანვარს განცხადება გაავრცელა. განცხადებაში აღნიშნულია, რომ მნიშვნელოვანი საკითხების განხილვა ხალხის ჩართულობის გარეშე ხდება. განცხადებაში „კონსტიტუციის 42–ე მუხლი" ყურადღებას ამახვილებს პარლმენტის ადგილმდებარეობის საკითხზე – „მიზანშეუწონლად მიგვაჩნია პარლამენტის ადგილმდებარეობის საკითხის კონსტიტუციით განსაზღვრა. მიგვაჩნია, რომ მთავრობა, სხვა საჯარო და დიპლომატიური წარმომადგენლობა, რომელთანაც აქტიური თანამშრომლობა პარლამენტის ვალდებულებაა  უნდა მდებარეობდეს ერთი და იგივე ადმინისტრაციულ ერთეულში". ორგანიზაცია იმედს გამოთქვამს, რომ საქართველოს პარლამენტი მაქსიმალური პასუხისმგებლობით  მოედინება ქვეყნისათვის მნიშვნელოვან საკითხებზე გადაწყვეტილების მიღების პროცესს და ხელს შეუწყობს ქვეყანაში დემოკრატიული პრინციპების განმტკითებას". სრულად წყარო: npo.ge

თბილისი. კავკასიის კვლევითი რესურსების ცენტრი, ამერიკული საბჭოები და სამხრეთ კავკასიის ამერიკული კვლევითი ინსტიტუტი წარმოგიდგენთ მიმდინარე პროექტების სერიის 2013 წლის  პირველ სესიას. „მიმდინარე პროექტების სერიის" მიზანია კავკასიის რეგიონის გარშემო კვლევითი და აკადემიური პროექტების მხარდაჭერა და კრიტიკა.  2013 წლის პირველი შეხვედრა გაიმართება 30 იანვარს, 18:15 საათზე, სადაც  ლაშა ბაქრაძე წარმოადგენს  პრეზენტაციას თემაზე: „სტალინი საქართველოში დღეს". წყარო: crrc.ge

აჭარა. 29 იანვარს, ბათუმის პრეს–კაფეში, ევროკავშირის წარმომადგენლობამ გამარათა შეხვედრა, სადაც  ადგილობრივ საზოგადოებრივ ორგანიზაციებს სამი საგრანტო პროგრამა წარუდგინა. შეხვედრის მიზანს, წარმომადგენლობის მხრიდან საკონკურსო განაცხადის ფორმების დეტალური ახსნა და კონკურსზე გაგზავნილი პროექტის შეფასების გაცნობა წარმოადგენდა. ადგილობრივი საზოგადოებრივი ორგანიზაციების წარმომადგენლებმა ყველა კითხვაზე,  ევროკავშირის წარმომადგენლობის მხრიდან, ამომწურავი პასუხები მიიღეს . საგრანტო პროგრამები  

აჭარა. 29 იანვარს, ბათუმის დემოკრატიული ჩართულობის ცენტრში, ბრიტანეთის საელჩოს წარმომადგენლობა ადგილობრივ საზოგადოებრივი ორგანიზაციების და მედიის წარმომადგენლებს შეხვდა. შეხვედრა გაცნობითი ხასიათის იყო და მიზნად ისახავდა საელჩოსათვის რეგიონში არსებულ მდგომარეობასთან დაკავშირებით ინფორმაციის მიწოდებას. კერძოდ, – არჩევნების შემდგომ აჭარის რეგიონში მიმინარე ცვლილებების შესახებ. შეხვედრის მონაწილეებმა ერთმანეთს შეადარეს ცენტრალურ და ადგილობრივ დონეზე არსებული ცვლილებები, ისაუბრეს იმ მოლოდინებზე, რაც არჩევნების დასრულების შემდეგ ესახებოდათ. ასევე განიხილეს,  აჭარაში არსებული პრობლემები სამოქალაქო საზოგადოების დაბალი ჩართულობის კუთხით და იმსჯელეს დასმული პრობლემების ერთობლივად გადაჭრის გზებზე. 

აჭარა. 29 იანვარს, ბათუმის შოთა რუსთაველის სახელმწიფო უნივერსიტეტის საკონფერენციო დარბაზში აჭარის ავტონომიური რესპუბლიკის სოფლის მეურნეობის სამინისტრომ გამართა, 2013 წლის მიზნობრივი პროგრამების, საჯარო განხილვა. შეხვედრას მინისტრი – ზაურ ფუთკარაძე უძღვებოდა, ასევე მონაწილეობას ღებულობდნენ აჭარის ა.რ. საბჭოს აგრარული კომისიის წევრები, აგრარულ სფეროში მომუშავე მეცნიერები , ფერმერები, მეწარმეები, მედიისა და არასამთავრობო ორგანიზაციების წარმომადგენლები. აღნიშნულის მიზანს წარმოადგენდა, საზოგადოების ინფორმირება სამინისტროს მიმდინარე საქმიანობის და სამომავლო ხედვების შესახებ. შეხვედრის მონაწილებმა განიხილეს 2013 წლის მიზნობრივი პროგრამები, რეგინში აგრარული სფეროს პრიორიტეტები და განვიტარების პოტენციალი.

თბილისი.ფონდ „ღია საზოგადოება – საქართველოს" მხარდაჭერით იწყება კრეატიული დოკუმენტური ფილმის ჩვენებები, დისკუსიები და დებატები. „დოკუმენტური ორშაბათები" მოიაზრებს ფართო საზოგადოებისთვის მაღალხარისხიანი შემოქმედებითი დოკუმენტური ფილმების პრეზენტაციას. პროექტი დიდი პოპულარობით სარგებლობს ისეთ ევროპულ ქალაქებში, როგორიც არის: ლონდონი, ათენი, პრაღა, ბუხარესტი, სადაც საზოგადოების თანამონაწილეობა საკმაოდ დიდია. პროექტის მიზანი არა მხოლოდ დოკუმენტური ფილმების სეანსებია, არამედ ღია დისკუსიებისა და დებატების ინიცირება დამსწრე საზოგადოებისათვის. სრულად წყარო: osgf.ge

თბილისი. საერთაშორისო გამჭვირვალობა – საქართველომ მორიგი აუდიო პოდკასტი გაავრცელა. იგი საპარლამენტო ცხოვრების ყველაზე საინტერესო და მინიშვნელოვან მოვლენებს ეხება.  28 იანვრის გამოშვებაში ყურადღება ეთმობა ისეთ საკითხებს, როგორიცაა შრომის კოდექსს და საკონსტიტუციო ცვლილებების ინიციატივას. საპარლამენტო ამბების პოდკასტი: 28 იანვარი წყარო: transparency.ge

სამცხე–ჯავახეთი.28 იანვარს, ახალციხის დემოკრატიული ჩართულობის ცენტრში  არასამთავრობო სექტორის, მედიისა და სამოქალაქო საზოგადოების წარმომადგენლები ახალციხის  მაჟორიტარ  დეპუტატს  შეხვდნენ. შეხვედრაზე განიხილეს მაჟორიტარი დეპუტატის სამოქმედო გეგმა,  მისი დამოკიდებულება სხვადასხვა აქტუალურ საკითხებთან დაკავშირებით, ისაუბრეს ადგილობრივ პრობლემებზე და მოსახლეობის მოლოდინებზე. შეხვედრა, კითხვა-პასუხის რეჟიმში, სამ საათზე მეტ ხანს გაგრძელდა. პირველი კითხვა  საკონსტიტუციო ცვილებების შესახებ დაისვა, ასევე საუბარი შეეხო ჯანდაცვის სფეროს,  სოფლის მეურნეობას, საგარეო პოლიტიკასა და ქვეყანაში მიმდინარე პოლიტიკურ პროცესებს. შეხვედრა დეპუტატთან დემოკრატიული ჩართულობის  ცენტრის ინიციატივითა და ორგანიზებით გაიმართა.

თბილისი. კონსულტაციისა და ტრენინგის ცენტრმა გამოაქვეყნა „საზოგადოების დამოკიდებულება სამოქალაქო საზოგადოების ორგანიზაციების მიმართ – დისკუსიის პროცესის ანგარიში". დოკუმენტის მომზადებისას გამოყენებული მასალები ეფუძება 2012 წლის მარტიდან კონსულტაციისა და ტრენინგების ცენტრის მიერ ორგანიზებულ დისკუსიათა ციკლის დროს გამოთქმულ მოსაზრებებს, რომელიც, სამოქალაქო საზოგადოების ორგანიზაციების მონაწილოებით ჩატარდა. ამ პერიოდში ოთხი თემატური დიკუსია იყო ორგანიზებული. თითოეული დისკუსიის შემდეგ, მასში მონაწილე საზოგადოებრივი ორგანიზაციებისაგან შექმნილმა სამუშაო ჯგუფებმა  იმუშავეს პრობლემების ანალიზსა და რეკომენდაციებზე. პროექტის ბოლოს, სამუშაო ჯგუფების მიერ შექმნილ თემატურ მასალებზე დაყრდნობით, შემუშავდეა ერთიანი ანალიტიკური და სარეკომენდაციო ხასიათის დოკუმენტი. წარმოდგენილი დოკუმენტი ანალიტიკური და სარეკომენდაციო ხასიათისაა. დოკუმენტის პირველ ნაწილში განხილულია პოლიტიკური კონტექსტი და მისი განვითარების დინამიკა, რომელშიც საქართველოს სამოქალაქო საზოაგდოებას უხდება არსებობა და გამოვლენილია ის პრობლემები, რომელიც პოლიტიკური ცხოვრებაში მის სრულყოფილ  ჩართვას  და მონაწილეობას ხელს უშლის. მათ დასაძლევად დოკუმენტის შემაჯამებელ ნაწილში მოცემულია შეხვედრებზე  გამოთქმული მნიშვნელოვანი რეკომენდაციები, ინიციატივები და ინოვაციური მოსაზრებები. კონსულტაციისა და ტრენინგის ცენტრმა, აღმოსავლეთ-დასავლეთის მართვის ინსტიტუტის (EWMI) პროგრამის - „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების" (G-PAC) მხარდაჭერით, განახორციელა პროექტი „დიალოგი სამოქალაქო სექტორის განვითარებისათვის”. პროექტის მიზანი გახლდათ, სამოქალაქო საზოგადოების ორგანიზაციების, მათი ძლიერი და სუსტი მხარეების შესახებ საჯარო დისკუსიის წარმართვის ხელშეწყობა და სექტორში არსებული პრობლემების  გადალახვის გზების ძიება. „საზოგადოების დამოკიდებულება სამოქალაქო საზოგადოების ორგანიზაციების მიმართ – დისკუსიის პროცესის ანგარიში". წყარო: ctc.org.ge

თბილისი. საერთაშორისო გამჭვირვალობა საქართველომ 28 იანვარს, ორგანიზაციის ვებგვერდზე გამოაქვეყნა პულიკაცია – „რამდენად მიზანშეწონილია ინვესტიციების დაცვის ორმხრივი ხელშეკრულებების დადება". ავტორის თქმით, იმის გამო რომ საზოგადოება ნაკლებად არის ინფორმირებული ამ საკითხებზე განმარტების მიზნით გამოქვეყნდა აღნიშნული პუბლიკაცია. საქარველოს 23 ქვეყანასთან აქვს გაფორმებული ინვესტიციების დაცვის ორმხრივი ხელშეკრულებები. რამდენად მიზანშეწონილია ინვესტიციების დაცვის ორმხრივი ხელშეუკრულებები წყარო: transparency.ge

თბილისი. საქართველოს ახალგაზრდა იურისტთა ასოციაცია აქვეყნებს სამართლებრივ დასკვნას, „საქართველოს კონსტიტუციაში ცვლილებების შეტანის თაობაზე" საქართველოს კონსტიტუციური კანონის პროექტთან დაკავშირებით. რომლის გამოქვეყნებისა და საყოველთაო-სახალხო განხილვის საორგანიზაციო კომისიის შექმნის შესახებ დადგენილება საქართველოს პარლამენტმა 2012 წლის 28 დეკემბერს მიიღო. დასკვნა წყარო: gyla.ge/