ამერიკის შეერთებული შტატების საელჩო თბილისში ღრმა მწუხარებით უსამძიმრებს ლექსო ლაშქარავას ოჯახს, უპირველეს ყოვლისა ლექსოს დედას, მის კოლეგებს ტვ პირველში და ყველას, ვინც შეძრულია და დამწუხრებულია მისი გარდაცვალებით." ლექსო, როგორც მედია პროფესიონალი, მრავალი წელი კამერის უკან მუშაობდა და შეიძლება ზოგს ის ვერც კი ეცნო, სანამ მას სასტიკად არ გაუსწორდნენ ის პირები, რომლებმაც ადამიანის სიცოცხლისადმი პატივისცემის სრული უგულვებელყოფა აჩვენეს. ლექსოს მიერ კოლეგის დაცვისას გამოვლენილი სიმამაცე და მისი ერთგულება ფუნდამენტური თავისუფლებების მიმართ, რასაც ოდითგანვე აფასებდნენ ამ ქვეყანაში, წარმოადგენს ქართველი ხალხის საუკეთესო თვისებებსა და ტრადიციებს. ლექსოს თავდასხმასთან დაკავშირებით რამდენიმე პირის დაკავება პირველი დადებითი ნაბიჯია სამართლის აღსრულებისკენ. თითოეული ქართველი ჟურნალისტის უსაფრთხოება და დემოკრატიისადმი რწმენა საქართველოში მოითხოვს, რომ ყველა, ვინც თავს დაესხა მშვიდობიან მოქალაქეებსა და ჟურნალისტებს 5 და 6 ივლისს, ან ვინც წააქეზა ძალადობა, უნდა გამოვლინდეს, იქნას დაპატიმრებული და უნდა წარსდგეს სასამართლოს წინაშე კანონის სრული სიმკაცრით. ჩვენ მოვუწოდებთ სიმშვიდისკენ და იმ ძალადობის დასრულებისკენ, რომელმაც უკვე გამოიწვია ერთი ადამიანის ტრაგიკული სიკვდილი", ნათქვამია განცხადებაში. სრულად... წყარო: აშშ–ს საელჩო საქართველოში

ევროკავშირის ელჩის კარლ ჰარცელის კომენტარი ბ-ნ ლექსო ლაშქარავას გარდაცვალებასთან დაკავშირებით: "დღეს გულისტკივილით შევიტყვე ტელეკომპანია პირველის ოპერატორის ლექსო ლაშქარავას ტრაგიკული გარდაცვალების შესახებ. ვიზიარებ მისი ოჯახის, მეგობრებისა და კოლეგების ღრმა მწუხარებას.  ბ-ნი ლექსო ლაშქარავა სასტიკად იყო ნაცემი, რადგან ის აშუქებდა ძალადობას, რომელიც თბილისში 5 ივლისს, პრაიდის მოვლენების გარშემო ხდებოდა.  მიუხედავად იმისა, რომ ჯერ კიდევ ველოდებით მისი გარდაცვალების მიზეზების გამოძიების შედეგებს, ნება მომეცით კიდევ ერთხელ გავიმეორო, რომ ევროკავშირი მკაცრად გმობს ძალადობას და მტკიცედ და ურყევად მხარს უჭერს მედიისა და შეკრების თავისუფლებას", ნათქვამია ევროკავშირის გვერდზე სოციალურ ქსელში. სრულად...  წყარო: ევროკავშირის გვერდი სოციალურ ქსელში

თბილისი. 8 ივლისს კონსულტაციის და ტრენინგის ცენტრის დირექტორმა ირინა ხანთაძემ და საქართველოს უნივერსიტეტის რექტორმა კონსტანტინე თოფურიამ ხელი მოაწერეს ურთიერთთანამშრომლობის მემურანდუმს, რაც საუნივერსიტეტო კურსის „სამოქალაქო საზოგადოების როლის“ შემდგომ განვითარებას და მხარდაჭერას გულისხმობს. საუნივერსიტეტო კურსი „სამოქალაქო საზოგადოების როლი“ შემუშავდა პროექტის „სამოქალაქო საზოგადოების განვითარების ინიციატივა (CSSIGE) ” ფარგლებში ადგილობრივ უმაღლეს სასწავლებლებთან და ექსპერტებთან თანამშრომლობით. საუნივერსიტეტო კურსის მიზანია ახალმა თაობებმა სწავლების საბაკალავრო საფეხურზე მიიღონ სანდო და აკადემიური ცოდნა სამოქალაქო საზოგადოებისა და ორგანიზაციების შესახებ. კურსი დაინერგა 2018-2020 წლებში ქვეყნის სხვადასხვა რეგიონში მოქმედ 6 სასწავლებელში. სამოქალაქო საზოგადოების ინიციატივის (STAR Initiative) ფარგლებში გაგრძელდება კურსის შემდგომი განვითარება და დანერგვა. სრულად... წყარო: პროექტის გვერდი სოციალურ ქსელში

თბილისი. აღმოსავლეთ-დასავლეთის მართვის ინსტიტუტი (EWMI) აქვეყნებს საქართველოში სამოქალაქო საზოგადოების გაძლიერების პროექტის (ACCESS) ფარგლებში განხორციელებული სიახლეების ბიულეტენს. სრულად... წყარო: ewmiaccess.createsend.com

თბილისი. ადამიანის უფლებათა ცენტრმა დაასრულა პროექტი „უფასო იურიდიული ადვოკატირება და ადამიანის უფლებების მონიტორინგი კორონავირუსის პანდემიის შემდეგ“. ორგანიზაციის ინფორმაციით, ცენტრმა: „2010 უფასო იურიდიული კონსულტაცია გასწია; წარმოებაში აიღო 130 საქმე, რომელთაგან 60 წარმატებით დასრულდა“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) 2020 წლის საპარლამენტო არჩევნების სადამკვირვებლო მისიის წინასაარჩევნო გარემოს, არჩევნების დღისა და არჩევნების შემდგომი პერიოდის მონიტორინგის ანგარიშს აქვეყნებს. ორგანიზაციამ მიგნებებზე დაყრდნობით, შეიმუშავა რეკომენდაციები, რომელთა ნაწილი 2021 წლის საარჩევნო რეფორმის ფარგლებში დამტკიცდა. თუმცა, საიას შეფასებით კვლავ რჩება საკითხები, რომელთა გათვალისწინებაც, ეფექტურ აღსრულებასთან ერთად, კრიტიკულად მნიშვნელოვანია საარჩევნო პროცესების გასაუმჯობესებლად. სრულად... წყარო: gyla.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

სამცხე-ჯავახეთი. „საერთაშორისო გამჭვირვალობა - საქართველოს“ სამოქალაქო საბჭოებისა და ორგანიზაციის ახალციხის ოფისის ორგანიზებით, ახალციხეში საზოგადოებრივი ტრანსპორტის პრობლემის მოგვარების მოთხოვნით, საკრებულოში პეტიცია დარეგისტრირდა. „მოქალაქეები ითხოვენ მუნიციპალური ტრანსპორტის, მარშრუტების რაოდენობისა და სამუშაო საათების გაზრდას. ასევე, საზოგადოებრივი ტრანსპორტის დანიშვნას აბის, რაბათის, საბარგო სადგურის, დევნილების დასახლებებში, ასევე, ასპინძისა და ცხრა აპრილის ქუჩებზე. ორგანიზაცია მოუწოდებს ახალციხის მუნიციპალიტეტის საკრებულოს, განიხილოს და მხარი დაუჭიროს წარდგენილ პეტიციას, შემდგომ კი მუნიციპალიტეტმა ცვლილებების განსახორციელებლად შესაბამისი ცვლილებები შეიტანოს მუნიციპალურ ბიუჯეტში. სრულად... წყარო: ორგანიზაციის გვერდი სოციალურ ქსელში

აჭარა. „სამოქალაქო საზოგადოების ინსტიტუტის” (CSI) ბათუმის ფილიალის მხარდაჭერით, ივნისში, საინიციატივო ჯგუფებმა ბათუმისა და ხელვაჩაურის მუნიციპალიტეტების საკრებულოებში ონლაინ პეტიციები დაარეგისტრირეს. ბათუმში რეგისტრირებული პეტიცია „მწვანე უბნები ბათუმს“ ქალაქ ბათუმში მწვანე, რეკრეაციული სივრცეების სახელდებას, მათთვის შესაბამისი სტატუსის მინიჭებას და დაცვას ითვალისწინებს. პეტიციის მიზანია ბათუმის 14-ვე უბანში არსებობდეს ყველასთვის თანაბარი და ხელმისაწვდომი მწვანე გარემო. ხელვაჩაურში რეგისტრირებული პეტიცია – „გარე განათება მაჭახელას სოფლებს“ ხელვაჩაურის მაღალმთიანი სოფლების შიდა გზების გარე განათებით უზრუნველყოფას ეხება. მაჭახლის ხეობა ერთ-ერთი უნიკალური ბუნებრივი ტერიტორია და მნიშვნელოვანი ტურისტული დანიშნულების ადგილია. სამოქალაქო საზოგადოების ინსტიტუტის ბათუმის ფილიალი, ორგანიზაცია „პური მსოფლიოსთვის“ (Brot für die Welt) და „ღია საზოგადოების ფონდთან“ თანამშრომლობით, მხარს უჭერს სამოქალაქო აქტივიზმს და მოქალაქეთა მონაწილეობის გაძლიერებას ადგილობრივი გადაწყვეტილების პროცესში. სრულად... წყარო: civilin.org

თბილისი. საქართველოს პოლიტიკის ინსტიტუტის ინფორმაციით, მომავალ ლიდერთა სკოლის (#ELS) 2021 წლის გამოშვება მონაწილეებისთვის შიდა ქართლისა და მცხეთა-მთიანეთის რეგიონებიდან დასრულდა.  „პროგრამის მიმდინარეობის 6 თვის განმავლობაში, ჯამში სულ 24 ტრენინგ-მოდული მომზადდა ისეთ საინტერესო თემებზე, როგორიცაა ეთნიკურ უმცირესობათა უფლებები და სამოქალაქო ინტეგრაციის პოლიტიკა, საქართველოს ეკონომიკური გამოწვევები და მათი დაძლების გზები, ახალგაზრდული პოლიტიკის არსი და საჭიროება, განათლების პოლიტიკა საქართველოში, ახალგაზრდების ჩართულობა დემოკრატიულ პროცესებში, მედიაწიგნიერება, ადვოკატირების კამპანიის დაგეგმვა, სამოქალაქო ლიდერობა და სხვა. მომავალ ლიდერთა სკოლა არის ინიციატივა, რომელიც GIP-ის მიმდინარე პროექტის „ცვლილებებზე ორიენტირებული ახალგაზრდების ხელშეწყობა საქართველოში“ ფარგლებში ხორციელდება USAID/Georgia-ს ფინანსური მხარდაჭერითა და კავკასიის კვლევითი რესურსების ცენტრთან (CRRC Georgia) თანამშრომლობით“. სრულად... წყარო: ორგანიზაციის გვერდი სოციალურ ქსელში

თბილისი. გამოცხადდა აპლიკაციის მიღება არასამთავრობო ორგანიზაციების, მედიის, ახალგაზრდული ასოციაციების, უმაღლესი საგანმანათლებლო დაწესებულების და კულტურის სფეროს პროფესიონალებისთვის. მიიღეთ მონაწილეობა Civil Match 2.0-ში - 2,5-დღიან ციფრულ შეხვედრაში, სადაც საშუალება გექნებათ გაიცნოთ პარტნიორები 10 სხვადასხვა ქვეყნიდან და კავშირები დაამყაროთ დონორ ორგანიზაციებთან, რომლებიც მხარს უჭერენ საერთაშორისო პროექტების განხორციელებას მედიის, კულტურის, განათლების და კონფლიქტის მოგვარების მიმართულებით.  დარეგისტრირდი ახლავე, რათა იპოვოთ თქვენთვის საუკეთესო უცხოური ორგანიზაციები. რეგისტრაციის ბოლო ვადა 29 ივნისია. სრულად... წყარო: civil-match.online

ფონდი „აფხაზინტერკონტის“ (AIC) ინფორმაციით, 24 ივნისს, ევროკავშირის ელჩი, კარლ ჰარცელი რაჭა-ლეჩხუმს და ქვემო სვანეთს სტუმრობდა. „ვიზიტის ფარგლებში ევროკავშირის ელჩს, ბატონ კარლ ჰარცერს მასპინძლობდა რაჭა-ლეჩხუმის და ქვემო სვანეთის რეგიონული ჰაბი, რეგიონში დასაქმების ცენტრი - ფონდი „აფხაზინტერკონტი“ (AIC).  პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რეგიონული ჰაბის ორგანიზებით, შეხვედრა გაიმართა რეგიონში მოქმედ სამოქალაქო საზოგადოების ორგანიზაციების, სათემო კავშირების წარმომადგენლებთან. შეხვედრისას განხილულ იქნა სსო, სათემო კავშირების და სამოქალაქო საზოგადოების წინაშე რეგიონში არსებული გამოწვევები, შესაძლებლობები და ადგილობრივ თვითმმართველობებთან თანამშრომლობის თემები, პროექტებში და გადაწყვეტილებების მიღებაში, ადგილობრივი მოსახლეობის ჩართვასთან დაკავშირებული საკითხები“. სრულად... წყარო: ორგანიზაციის გვერდი სოციალურ ქსელში

პოლონეთის სოლიდარობის ფონდი, თბილისში პოლონეთის საელჩოსთან ერთად ქუთაისსა და ბათუმში ღონისძიებას უმასპინძლებს. შეხვედრის ფარგლებში მოეწყობა საჯარო დისკუსია მოსახლეობისათვის ურბანული დაგეგმარების მნიშვნელობის და ამ პროცესში მათი ჩართვის აუცილებლობის შესახებ. ღონისძიების მთავარ კომპონენტს წარმოადგენს დანიური ფილმის „ადამიანის მასშტაბი“-ს (The human scale) ჩვენება. ფილმში აღწერილია პროცესი, თუ როგორ მოქმედებს ქალაქები ადამიანთა შორის ურთიერთობაზე და როგორ უნდა შევქმნათ სივრცეები, რომელიც უბიძგებს ახალი ინტერაქციის წარმოქმნას.  ღონისძიების განრიგი: ქუთაისი - ქუთაისის ბოტანიკური ბაღი - 29 ივნისი, 15:30- 20:00 საათი; ბათუმი - 1 ივლისი - ბათუმის თოჯინებისა და მოზარდ მაყურებელთა პროფესიული სახელმწიფო თეატრი, 16:30 - 20:00. გთხოვთ, დარეგისტრირდეთ 29 ივნისამდე ბმულზე... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ მონაწილეობა მიიღო ქუთაისის მეორე საერთაშორისო ფორუმზე „ქალაქების პასუხი თანამედროვე გამოწვევებზე“. „ფორუმზე ორგანიზაციის აღმასრულებელმა დირექტორმა - ნინო ხუხუამ ისაუბრა მუნიციპალიტეტების ეკონომიკური სტიმულირებისა და კარგი მმართველობის შექმნის პროცესში სამოქალაქო საზოგადოებრივი ორგანიზაციების როლზე. მან კარგი პრაქტიკების გაზიარების მიზნით მიმოიხილა უახლოეს წარსულში ორგანიზაციის მიერ განხორციელებული პროექტები, რომლის ფარგლებშიც კარგი მმართველობის ხელშეწყობისთვის შეიქმნა SMS ონლაინ პლატფორმები, შემუშავდა საშუალოვადიანი განვითარების დოკუმენტები და საინვესტიციო პროფილები, მოეწყო სამეწარმეო-საინვესტიციო რეგიონული ფორუმი და და ა.შ.“ სრულად... წყარო: ორგანიზაციის გვერდი სოციალურ ქსელში

საზოგადოებრივი ორგანიზაციების საარსებო გარემოს მონიტორინგის ინსტრუმენტის – სსო მეტრის გაფართოვება იგეგმება. ინსტრუმენტის შემუშავებაში აღმოსავლეთ ევროპის 800–ზე მეტი ორგანიზაცია მონაწილეობდა.  შეგახსენებთ, რომ საერთაშორისო სტანდარტებზე დაფუძნებული ეს ინსტრუმენტი მოიცავს 10 სხვადასხვა სფეროს და ინდიკატორს, რომლითაც იზომება სსო–ების საარსებო გარემო - როგორც საკანონმდებლო, ასევე პრაქტიკული კუთხით. სსო მეტრი დაყოფილია 2 ძირითად ნაწილად: 1. ფუნდამენტური უფლებები და თავისუფლებები, რომელიც არის სამოქალაქო საზოგადოების არსებობის საფუძველი. 2. აუცილებელი პირობები, რომლებიც უზრუნველყოფს დამატებით მხარდაჭერას და მნიშვნელოვანია სამოქალაქო საზოგადოების განავითარებისთვის. ინსტრუმენტის საფუძველზე მომზადებულია რეგიონული ანგარიშები, მათ შორის საქართველოს შესახებ. საქართველოში კვლევას სამოქალაქო საზოგადოების ინსტიტუტი (CSI) არასამეწარმეო სამართლის ევროპული ცენტრთან (ECNL) თანამშრომლობით აწარმოებს.  უახლოეს მომავალში, როგორც ზემოთ აღვნიშნეთ იგეგმება ინსტრუმენტის დახვეწა. კერძოდ ECNL, სამოქალაქო საზოგადოების ინსტიტუტთან და სხვა პარტნიორებთან ერთად გეგმავს ინსტრუმენტს ქულების შეფასების სისტემა დაუმატოს. რაც დაინტერსებულ პირებსა და მხარეებს საშუალებას მისცეს შეადაროს კვლევის შედეგები წლების, სფეროების, ქვეყნების მიხედვით.  გარდა ამისა, მომდევნო წლებში გაფართოვდება ინსტრუმენტის საკვლევი არეალი – მაგალითად, სამოქალაქო ჯგუფებზე ციფრული ტექნოლოგიების ან ხელოვნური ინტელექტის საშუალებით გავლენის შეფასება. ასევე იგეგმება სსო მეტრის, როგორც მონიტორინგის საშუალების, მომხმარებლების – სსო–ებისა და აქტივისტების წრის გაფართოება სამიზნე ქვეყნებში.  ახალი ინიციატივები და ცვლილებები განხორციელდება პროექტის – „სსო მეტრი: ხელსაყრელი გარემოს და ძლიერი საზოგადოებრივი ორგანიზაციების მეგზურის“ ფარგლებში. მას არაკომერციული სამართლის ევროპული ცენტრი (ECNL), ევროკავშირის ფინანსური მხარდაჭერით, პარტნიორ ორიგანიზაციებთან: საერთაშორისო გამჭვირვალობა – სომხეთი (TIAC); შპს MG ქონსალთინგი (აზერბაიჯანი), სამოქალაქო საზოგადოების ინსტიტუტი (საქართველო), პრომო-ლექს ასოციაცია (მოლდოვა), უკრაინის დამოუკიდებელი პოლიტიკური კვლევების ცენტრი (უკრაინა) – ერთად ახორციელებს.

თბილისი. პუბლიკაცია „შიდაპარტიული დემოკრატია ქართულ პოლიტიკურ სისტემაში“ მომზადდა აღმოსავლეთ ევროპის მრავალპარტიული დემოკრატიის ცენტრის (EECMD) დაკვეთით, დანიის პოლიტიკური პარტიებისა და დემოკრატიის ინსტიტუტის (DIPD) მიერ დაფინანსებული პროექტის „დემოკრატიული პოლიტიკური პარტიების ინსტიტუციური და საარჩევნო შესაძლებლობების გაძლიერება“ ფარგლებში. სრულად... წყარო: eecmd.org

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოში სოციალური მეწარმეობის ხელშეწყობის მიზნით ევროკავშირმა 12 ახალგაზრდულ სტარტაპ პროექტს გრანტი გადასცა, ევროკავშირი ახალგაზრდობისთვის (EU4Youth) პროექტის „სოციალური მეწარმეობა საქართველოსა და სომხეთში“ (SEAG) ფარგლებში. პირველ შვიდ გამარჯვებულ ახალგაზრდა სოციალურ მეწარმესთან საგრანტო ხელშეკრულებაზე ხელმოწერის ცერემონიალი ქალაქ რუსთავში მდებარე, ერთ-ერთ გამარჯვებულ სოციალურ საწარმოში, კაფე „კაფუნეში“ გაიმართა.  პროექტი მიზნად ისახავს საქართველოსა და სომხეთში მცხოვრებ ახალგაზრდებს დაეხმაროს საჭირო უნარებისა და ცოდნის განვითარებაში და მისცეს უნიკალური შესაძლებლობა განავითარონ არსებული ან დააფუძნონ სოციალური მიზნის მქონე ახალი მდგრადი ბიზნესი. სრულად... წყარო: eeas.europa.eu

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

ლექსიკონში შესულია კორპორაციულ პასუხისმგებლობასთან და მდგრად განვითარებასთან დაკავშირებული ტერმინები და კონცეფციები. მაგალითად: მდგრადი განვითარების ანგარიში, კორპორაციული მდგრადობა, მწვანე მარკეტინგი და ა.შ.). ასევე, უფრო თართოდ გავრცელებული ტერმინები, რომლებიც მნიშვნელოვანი და არსებითია კორპორაციული პასუხისმგებლობის კონტექტსშიც. ლექსიკონი შეიქმნა CSRDG-ის კორპორაციული სოციალური პასუხისმგებლობის პროგრამის მიერ, პროექტის "სამოქალაქო საზოგადოების ინიციატივის" ფარგლებში, ევროკავშირისა და კორნად ადენაუერის ფონდის მხარდაჭერით. წიგნის ავტორია ლელა ხოფერია. ლექსიკონი...

საზოგადოებას საშუალება ეძლევა გაეცნოს ახალ კვლევას საქართველოში მომუშავე საზოგადოებრივი ორგანიზაციების შესახებ. კვლევაში წარმოჩენილია სსო–ების სამოქმედო გარემოს სამართლებრივი და სტრუქტურული თავისებურებები, ორგანიზაციების შიდა მმართველობის სტრუტურა და მათი ეკონომიკური, ფინანსური მდგრადობა, ასევე ორგანიზაციების შესაძლებლობები და სხვა აქტორებთან თანამშრომლობის ხასიათი და ასე შემდეგ.  კვლევა „სამოქალაქო საზოგადოების ორგანიზაციები საქართველოში: რუკა და ანალიზი“ შეიქმნა ევროკავშირისა და კონრად ადენაუერის ფონდის მხარდაჭერით, პროექტის „სამოქალაქო საზოგადოების განვითარების ინიციატივის” ფარგლებში. კვლევა....

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...