თბილისი. თბილისის ადამიანის უფლებათა სახლი და მისი წევრი ორგანიზაციები შეშფოთებას გამოთქვამენ საქართველოში ბოლო პერიოდში განვითარებული მოვლენების გამო და მოუწოდებენ ხელისუფლებას დაიცვან უფლებადამცველების და აქტივისტების უფლებები.  „იმ პირობებში, როდესაც სასამართლო დამოუკიდებლობა პრობლემატურ საკითხად რჩება ქვეყნაში და საქმე ეხება მმართველი პოლიტიკური ძალის საწინააღმდეგო პოლიტიკური პროტესტის ფარგლებში შესაძლო გადაცდომას, დამოუკიდებელმა მოსამართლემ სახდელის დაკისრებისას სასამართლოს მიუკერძოებლობის ეჭვები უნდა გააქარწყლოს, და არ გააღრმავოს“, - აღნიშნულია განცხადებაში, - „თბილისის ადამიანის უფლებათა სახლი და მისი წევრი ორგანიზაციები მოუწოდებენ ხელისუფლებას, მაქსიმალურად დაიცვან უფლებადამცველების, სამოქალაქო აქტივისტების, ოპოზიციური პარტიების წევრებისა თუ მათი მხარდამჭერების გამოხატვის თავისუფლება და ამ თავისუფლების ყველა ფორმა, შეწყვიტონ პოლიტიკურად მოტივირებული დევნა და სასამართლო პროცესები წარიმართოს სამართლიანი სასამართლოს და სხვა კონსტიტუციური ღირებულებების დაცვით“.  სრულად...  წყარო: https://hrht.ge

თბილისი. ევროკავშირის მხარდაჭერით, საქართველოში, სტრატეგიული კომუნიკაციების საერთაშორისო კონფერენცია მიმდინარეობს.  ღონისძიება, რომელიც პირველად იმართება, 15 ქვეყნის ექსპერტებს - ოფიციალურ პირებს, დიპლომატებს, ახალგაზრდა პროფესიონალებს, სამოქალაქო საზოგადოებისა და მედიის წარმომადგენლებს მასპინძლობს. კონფერენცია სტრატეგიული კომუნიკაციებისა და დეზინფორმაციის საკითხების ირგვლივ საზოგადოების ინფორმირების, ევროკავშირისა და აღმოსავლეთ პარტნიორობის ქვეყნების გამოცდილების გაზიარებასა და სახალხო დიპლომატიის ხელშეწყობას ეძღვნება. მისი მზიანი დეზინფორმაციის საფრთხის უკეთ გააზრება და მასზე კოორდინირებულად რეაგირებაა.  სრულად... წყარო: https://eeas.europa.eu

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. სამოქალაქო საზოგადოების ორგანიზაციებმა და სამოქალაქო აქტივისტებმა „ევროპის სოციალისტურ პარტიას”, სტანიშევსა და გენერალურო მდივანო პოსტს, წერილობით მიმართეს.  „ჩვენ – საქართველოს სამოქალაქო საზოგადოების წარმომადგენლებსა და სამოქალაქო აქტივისტებს – გვსურს მოგმართოთ თანამედროვე საქართველოს ისტორიის ამ მნიშვნელოვან მომენტში და გთხოვოთ რეაგირება იმ სერიოზულ გამოწვევებზე, რომელთა წინაშეც დღეს დგას პლურალისტური და მონაწილეობითი დემოკრატია საქართველოში. გამოწვევები უკავშირდება მმართველ პარტია „ქართულ ოცნებას“, თქვენი – „ევროპის სოციალისტური პარტიის“ (PES) პარტნიორს, რომლის ქმედებების შედეგად გრძელდება სახელმწიფოს მიტაცების პროცესი საქართველოს არაფორმალური მმართველისა და პარტიის თავმჯდომარის ბატონი ბიძინა ივანიშვილის მიერ“, - ვკითხულობთ მიმართვაში.  სრულად...  წყარო: https://www.gdi.ge

თბილისი. საქართველოში ევროკავშირის წარმომადგენლობა და აშშ საელჩო, თბილისში განვითარებულ მოვლენებთან დაკავშირებით, განცხადებას ავრცელებენ.  „ევროკავშირის წარმომადგენლობა საქართველოში და ამერიკის შეერთებული შტატების საელჩო აცნობიერებენ ქართული საზოგადოების ფართო ნაწილის ღრმა იმედგაცრუებას იმის გამო, რომ პარლამენტმა არ მიიღო 2020 წელს სრულ პროპორციულ საპარლამენტო არჩევნებზე გადასასვლელად საჭირო საკონსტიტუციო ცვლილებები“, - აღნიშნულია განცხადებაში, - „დღევანდელი ვითარების გათვალისწინებით, არსებითად მიგვაჩნია გადაუდებელი მუშაობა მთავრობას, ყველა პოლიტიკურ პარტიასა და სამოქალაქო საზოგადოებას შორის ნდობის აღსადგენად მშვიდი და პატივისცემაზე დაფუძნებული დიალოგის საშუალებით, ისეთი სამომავლო გზის საპოვნელად, რომელიც მისღები იქნება. ჩვენ სრულად ვუჭერთ მხარს მშვიდობიანი შეკრების უფლებას და გამოხატვის თავისუფლებას. მოვუწოდებთ ყველას, ვინც ამ უფლებას ანხორციელებს, კანონის დაცვით და კონსტიტუციის ფარგლებში იმოქმედონ“.  სრულად...  წყარო: https://eeas.europa.eu

თბილისი. ხელისუფლების წევრების მხრიდან მედიის წარმომადგენლებზე გახშირებული თავდასხმების გამო, საქართველოს ჟურნალისტური ეთიკის ქარტიის საბჭო შეშფოთებას გამოთქვამს.  „ხელისუფლების მხრიდან ამა თუ იმ მედიასაშუალების მიმართ ასეთი დამოკიდებულება ჩვენთვის იმის ნიშანია, რომ ხელისუფლების სურვილია შეცვალოს, დააშინოს, თუნდაც დააფიქროს ჟურნალისტები დაუბრკოლებლად გაავრცელონ თუ არა კრიტიკული ფაქტები და დასვან მწვავე კითხვები ხელისუფლების ნებისმიერი შტოს მიმართ“, - ვკითხულობთ ქარტიის საბჭოს განცხადებაში, - „მოვუწოდებთ საერთაშორისო საზოგადოებას, საქართველოში პოლიტიკური პროცესების გააქტიურებასთან ერთად, გააძლიერონ მათი ყურადღება ხელისუფლების მხრიდან ჟურნალისტებზე თავდასხმის, მათი დისკრიმინაციის მცდელობის ფაქტებზე, ყველა მსგავს შემთხვევას მისცენ სათანადო შეფასება და რეაგირება“.  სრულად...  წყარო: https://www.qartia.ge

იმერეთი. ადგილობრივი დემოკრატიის სააგენტო საქართველომ, ზესტაფონის მუნიციპალიტეტში გამართა მოსახლეობის ფორუმი, რომელშიც მონაწილეობა მიიღეს მუნიციპალიტეტის მოსახლეობამ, მუნიციპალიტეტის მერის მოადგილემ, მერიის სამსახურების უფროსებმა და მერის წარმომადგენლებმა ადმინისტრაციულ ერთეულებში. ფორუმის ჩატარების მიზანი გახლდათ მოქალაქეთა პრობლემების იდენტიფიცირება, მომდევნო წლის ბიუჯეტის პრიორიტეტების სწორად განსაზღვრის მიზნით; მუნიციპალურ დონეზე ბიუჯეტის დაგეგმვის პროცესში მოქალაქეთა ჩართულობის გაზრდა, ადგილობრივი ხელისუფლების წარმომადგენელთა და მოსახლეობას შორის კომუნიკაციის გაუმჯობესება. სრულად… წყარო: https://www.facebook.com/LDAGeorgia

თბილისი. საქართველოს პარლამენტის მიერ, საარჩევნო სისტემის ცვლილებების პაკეტის ჩაგდებას, საზოგადოებრივი ორგანიზაციები ქვეყნის დემოკრატიული განვითარებისთვის საბედისწეროდ მიიჩნევენ.  „პროპორციულ საარჩევნო სისტემაზე გადასვლა არ იყო მხოლოდ რომელიმე პოლიტიკოსის დაპირება ან საზოგადოების მცირე ჯგუფის ახირება. ის მთელი საზოგადოების მოთხოვნა იყო, რომელსაც მხარს უჭერს ფაქტობრივად ყველა პოლიტიკური პარტია და საზოგადოებრივი ჯგუფი ვინც ხედავს არსებული მმართველობის სისტემის სრულ დისკრედიტაციას“, - ნათქვამია სსო-ების მიერ გავრცელებულ განცხადებაში, - „მოვუწოდებთ ბიძინა ივანიშვილს და „ქართულ ოცნებას”, გაიაზრონ ის მძიმე პოლიტიკური კრიზისი, რომელშიც ქვეყანა შევიდა და მიიღოს ყველა პოლიტიკური ზომა მის დასაძლევად, რომლის ერთადერთ და უალტერნატივო გზად პარლამენტის მიერ სრულად პროპორციული საარჩევნო სისტემის დაუყოვნებლივ მიღება წარმოადგენს“.  სრულად...  წყარო: http://www.mdfgeorgia.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი... 

თბილისი. საქართველოს სახალხო დამცველმა საკონსტიტუციო სარჩელით მიმართა საქართველოს საკონსტიტუციო სასამართლოს და იუსტიციის უმაღლესი საბჭოს მიერ უზენაესი სასამართლოს მოსამართლის თანამდებობაზე ასარჩევად საქართველოს პარლამენტისათვის წარსადგენი კანდიდატების შერჩევის წესის არაკონსტიტუციურად ცნობა მოითხოვა.  სახალხო დამცველი მიიჩნევს, რომ იუსტიციის უმაღლეს საბჭოში საქართველოს უზენაესი სასამართლოს მოსამართლის თანამდებობაზე ასარჩევად საქართველოს პარლამენტისათვის წარსადგენი კანდიდატების შერჩევის წესი ეწინააღმდეგება საქართველოს კონსტიტუციით გარანტირებულ, მოქალაქის საჯარო თანამდებობის დაკავების (კონსტიტუციის 25-1), სამართლიან სასამართლოზე წვდომის უფლებებს (კონსტიტუციის 31-1 პირველი წინადადება) და დამოუკიდებელი და მიუკერძოებელი სასამართლოს უზრუნველმყოფელ პრინციპს (კონსტიტუციის 31-1).  საკონსტიტუციო სარჩელი ეფუძნება ვენეციის კომისიისა და ადამიანის უფლებებისა და დემოკრატიული ინსტიტუტების ოფისის (ეუთო/ოდირი) დასკვნებს, ასევე, მოსამართლეთა შერჩევის პროცესის მონიტორინგის (საქართველოს სახალხო დამცველი, ეუთო/ოდირი) შედეგად გამოვლენილ ფაქტობრივ გარემოებებს.  სრულად... წყარო: http://ombudsman.ge

საქართველო. სამოქალაქო კამპანიის, „ეს ქვეყანა შენია“, ფარგლებში, სამოქალაქო საზოგადოების ინსტიტუტი ატარებს კონკურსს „ჟურნალისტები სოციალური ცვლილებებისთვის“.  კონკურსის მიზანია საქართველოს ყველა რეგიონში გამოვლინოს ჟურნალისტები, რომლებიც, თავიანთ საქმიანობაში, ეყრდნობიან სამოქალაქო საზოგადოების ძირითად ფასეულობებს (ადამიანის უფლებები, სოციალური სამართლიანობა, ადამიანის ღირსების პატივისცემა, სიტყვის თავისუფლება, დემოკრატია, თანასწორობა, კანონის უზენაესობა), იცავენ ჟურნალისტური ეთიკისა და პროფესიონალიზმის მაღალ სტანდარტებს; 2019 წლის განმავლობაში, რეგულარულად და კომპეტენტურად აშუქებდნენ საზოგადოებრივი ორგანიზაციების საქმიანობას, სამოქალაქო საზოგადოების წინაშე არსებულ გამოწვევებსა და განვითარების შესაძლებლობებს.  საზოგადოებრივი ორგანიზაციებს, საქართველოს ყველა რეგიონში, აქვთ შესაძლებლობა, მათი რეგიონისა და ცენტრალური მედიის თითო გამორჩეული წარმომადგენელი დაასახელონ (თბილისში არსებული საზოგადოებრივი ორგანიზაციები მხოლოდ ცენტრალური მედიის ჟურნალისტის შერჩევაში მონაწილეობენ). შესაბამისი კითხვარები შემდეგ ბმულებზეა განთავსებული:  თბილისის ორგანიზაციებისთვის რეგიონული ორგანიზაციებისთვის გამარჯვებულად გამოცხადდებიან ჟურნალისტები, რომლებიც, თავიანთ რეგიონებში, ყველაზე მეტ ხმას დააგროვებენ; ასევე - ცენტრალური მედიის ის ჟურნალისტი, რომელიც, საერთო მონაცემების მიხედვით, ყველაზე ხშირად დასახელდება. თითო ორგანიზაციას თითო ხმა აქვს, ხმის მიცემის ვადა კი, 15 ნოემბერს იწურება.  სამოქალაქო კამპანია „ეს ქვეყანა შენია“ მიმდინარებს „სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი და კონრად ადენაუერის ფონდი.

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოს სახალხო დამცველი შინაგან საქმეთა სამინისტროს მოუწოდებს გატარდეს პროაქტიული პრევენციული ღონისძიებები „ქართული მარშის“ მიერ კინოფილმის „და ჩვენ ვიცეკვეთ“ ჩვენებისას თბილისისა და ბათუმის კინოთეატრების შესასვლელების ბლოკირების დაანონსებასთან დაკავშირებით. „სახალხო დამცველი განმარტავს, რომ შეკრებისა და მანიფესტაციის უფლებით დაცულია მხოლოდ მშვიდობიანი შეკრების შესაძლებლობა და არა იმგვარი ქმედებები, რომლებიც მიზნად ისახავს სხვათა უფლებებისა და თავისუფლებების შეზღუდვას. აღნიშნული მიზნით, შეკრებებისა და მანიფესტაციების შესახებ საქართველოს კანონი აქციის ორგანიზატორებს და მონაწილეებს გარკვეულ ვალდებულებებს აკისრებს, მათ შორის დაუშვებელია შეკრებისა და მანიფესტაციის ჩატარებისას შენობების შესასვლელების ბლოკირება“, - აღნიშნულია განცხადებაში. სრულად...  წყარო: http://ombudsman.ge

თბილისი. საზოგადოებრივი ორგანიზაციები 20-21 ივნისის მოვლენების შედეგად დაზარალებულებისთვის სამართლებრივი სტატუსის მინიჭებას მოითხოვენ და სპეციალურ განცხადებას ავრცელებენ.  „ხელმომწერი ორგანიზაციები ვეხმაურებით 20-21 ივნისის მოვლენების შედეგად დაზარალებული პირებისათვის სამართლებრივი სტატუსის მინიჭებაზე უარის თქმის ფაქტს და მოვუწოდებთ პროკურატურას, დროულად მოახდინოს ყველა დაზარალებული პირისათვის დაზარალებულის სტატუსის მინიჭება და საქმის დროული, სრულყოფილი და ობიექტური გამოძიება“, - ვკითხულობთ განცხადებაში, - „მოვუწოდებთ საქართველოს გენერალურ პროკურატურას: დაუყოვნებლივ მიანიჭოს დაზარალებულის სტატუსი ყველა იმ პირს, რომლებიც 20-21 ივნისის მოვლენების შედეგად სამართალდამცავთა ქმედებების შედეგად დაზიანდნენ; მიმდინარე საქმეზე დროულად ჩატარდეს ეფექტიანი, ობიექტური და მიუკერძოებელი გამოძიება; მაღალი საზოგადოებრივი ინტერესის გათვალისწინებით, პერიოდულად მოხდეს საზოგადოების ინფორმირებულობა საქმეზე მიმდინარე გამოძიების პროგრესის შესახებ“.  სრულად...  წყარო: article42.ge

ადგილობრივი დემოკრატიის სააგენტო საქართველომ (LDA Georgia) ოქტომბრის თვეში, პროექტის - „ინკლუზიური დიალოგი - ეფექტური სოციალური პოლიტიკისთვის“ ფარგლებში, გამართა სამუშაო ტიპის შეხვედრები ბაღდათისა და ზესტაფონის მუნიციპალიტეტების სამოქალაქო მრჩეველთა საბჭოების წევრებთან.  "შეხვედრის მიზანი იყო ბაღდათში და ზესტაფონში მცხოვრები მოსახლეობის საჭიროებების კვლევის საფუძველზე მომზადებული დოკუმენტების გაცნობა. საბჭოების წევრები აქტიურად ჩაერთვნენ წარმოდგენილი პროექტის ფარგლებში იდენტიფიცირებული საჭიროებების ადვოკატირების პროცესში“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

შიდა ქართლი. 30 ოქტომბერს, გორის რაიონის სოფელ ტყვიავის საჯარო სკოლის მოსწავლეებისათვის, რომლებიც სულ რაღაც რამდენიმე კვირის წინ ჩაერთვნენ პროგრამა PITA- ში გაიმართა ფილმის ჩვენება და დისკუსია. „ფილმი CineDoc-Tbilisi on Tour-ის ფარგლებში იყო ნაჩვენები. ესენი იყო „პუნამის ბედისწერა“, რომელიც ნაადრევ ქორწინებას ეხებოდა და „კაიაიო“ რომელიც ბავშვთა შრომით ექსპლუატაციას ეხებოდა - ახლგაზრდებს, რომლებიც ესწრებოდნენ ფილმების ჩვენებას საშუალება ეძლევათ მიიღონ მონაწილეობა ესსეების კონკურსში და ათი დღის მანძილზე წარადგენენ საკუთარ ნაშრომებს სამი სექციიდან ერთ-ერთში: 1. ადამიანის უფლებები 2. ნაადრევი ქორწინება 3. ტრადიციები და თანამედროვეობა გამარჯვებულებს გამოავლენს სპეციალური ჟიური თითოეულ სექციაში სადაც სამ-სამი საპრიზო ადგილია“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი...

თბილისი. „საერთაშორისო გამჭვირვალობა - საქართველოს” სამოქალაქო საბჭოების წევრებმა იმერეთის 3 მუნიციპალიტეტის (წყალტუბო, ტყიბული, ქუთაისი) 10 დასახლებაში 40-ზე მეტი ინფრასტრუქტული პრობლემა/საჭიროება გამოავლინეს. "ჩვენი ორგანიზაციის სამოქალაქო საბჭოების წევრების მიერ გამოკითხული მოქალაქეები ისეთ საჭიროებებსა და პრობლემებს ასახელებენ, როგორიცაა: ნაგავსაყრელების მოწესრიგება ქალაქებში და ნაგავშემკრები კონტეინერების დადგმა სოფლებში, გარეგანათების, შიდა გზების, სანიაღვრე არხების მოწესრიგება, გაზიფიცირების სამუშაოების დაწყება, საზოგადოებრივი ტრანსპორტის სისტემის მოწესრიგება და ახალი ტრანსპორტის დამატება მოსახლეობის საჭიროებებზე მორგებული გრაფიკით, რეკრეაციული ტერიტორიების მოწესრიგება და ა.შ.“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. აშშ-ს საერთაშორისო განვითარების სააგენტო (USAID) აქვეყნებს საზოგადოებრივი ორგანიზაციების განვითარების ინდექსის 22-ე გამოცემას. ანგარიში ფარავს 2018 წელს და ეხება სსო-ების სექტორის მდგრადი განვითარების მიღწევებსა და რეგრესს 7 ძირითად კომპონენტში: სამართლებრივი გარემო, ორგანიზაციული ქმედუნარიანობა, ფინანსური მდგრადობა, ადვოკატირება, სერვისის უზრუნველყოფა, ინფრასტრუქტურა და საზოგადოებრივი იმიჯი.  ინდექსი სასარგებლო წყაროა ყველასთვის, ვისაც სურს მონიტორინგი გაუწიოს და უკეთ ჩაწვდეს სსო სექტორის განვითარების ძირითად ასპექტებს. სრულად... წყარო: www.fhi360.org

ქვემო ქართლი. თაზაქენდელი გეოგრაფიის მასწავლებელს, ჰამიდ სადიკოვს, რომლსაც, მოსწავლე გოგონას მოტაცების გამო, სოციალურ ქსელში გამოქვეყნებული სტატუსისთვის, მოსახლეობის ნაწილმა, სოფლის ცენტრში ბოდიშის მოხდა აიძულა, ქვემო ქართლელი ახალგაზრდები მხარდაჭერას უცხადებენ.  სოციალურ ქსელში გამოჩნდა გვერდი „სალამ“ და პირველი ვიდეო, რომელშიც მუსლიმი ახალგაზრდები ჰამიდს და საზოგადოებას მიმართავენ:  „სალამი, ჩვენ მოვედით, თქვენ წინაშე ვართ! მოვდივართ, გავაჟღეროთ ჩვენი თემისა და საზოგადოების საკითხები! მოვდივართ, ვიბრძოლოთ უსამართლობის წინააღმდეგ! მოვდივართ, გავაპროტესტოთ ნაადრევი ქორწინება და გოგოების ძალით მოტაცება! მოვდივართ, მხარი დავუჭიროთ ჩვენ მასწავლებლებს, ექიმებს, მეცნიერებს, ინჟინრებს! მოვდივართ, დავიცვათ ჩვენი კულტურა და ისტორია! ჰამიდ, შენ მარტო არ ხარ! ნუ ეხები მასწავლებელს, სათქმელი თუ გაქვს, მე მითხარი! მე ჰამიდი ვარ! ჩვენ ჰამიდები ვართ!“  იხილეთ ვიდეო... წყარო: გვერდი სოციალურ ქსელში

სამცხე-ჯავახეთი. საქართველოს სახალხო დამცველი, მოადგილესთან ერტად, ახალქალაქისა და ნინოწმინდის სამოქალაქო სექტორისა და მედიის წარმომადგენლებს შეხვდა.  შეხვედრაზე ისაუბრეს რეგიონში ეთნიკური უმცირესობების გამოწვევებზე, ძირითადი ყურადღება გაამახვილეს ქართული ენის სწავლების საკითხებზე, განიხილეს ე.წ. 4+1 პროგრამის ხარვეზები. პრობლემად დასახელდა ასევე ზოგადი განათლების დაბლი ხარისხი.  სრულად...  წყარო: http://ombudsman.ge

შიდა ქართლი. 21 ოქტომბერს, გორის სამოქალაქო აქტივიზმის წარმომადგენლები ტყვიავის საჯარო სკოლას ესტუმრნენ. საინფორმაციო სახის შეხვედრას, სკოლის მოსწავლეებთან ერთად მათი პედაგოგები და მშობლებიც ესწრებოდნენ. „შეხვედრა ე.წ. გამყოფ ხაზთან მცხოვრები ახალგაზრდების გააქტიურებას, ასევე - მათი სამოქალაქო პასუხისმგებლობებისა და აქტივიზმის ხარისხის გაზრდას ისახავდა მიზნად“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში