თბილისი. რუსთავის, ქუთაისის, ოზურგეთისა და ლაგოდეხის მუნიციპალიტეტების მერებმა „ადგილობრივ ცხოვრებაში ქალთა და მამაკაცთა თანასწორობის შესახებ’’ ევროპულ ქარტიას მოაწერეს ხელი. ხელმოწერის ცერემონია საქართველოს ადგილობრივ თვითმმართველობათა ეროვნული ასოციაციის ინიციატივით გაიმართა.  დოკუმენტი, რომელიც ევროპის მუნიციპალიტეტთა და რეგიონთა საბჭოს (CEMR) მიერ, 2006 წლის მაისში შეიქმნა, მუნიციპალიტეტებში გენდერული ბალანსის დამკვიდრებასა და ქალთა და მამაკაცთა თანასწორობის გასაუმჯობესებლად, საკუთარი იურისდიქციის ფარგლებში, ღონისძიებების გატარებას ისახავს მიზნად.  სრულად...  წყარო: http://nala.ge

თბილისი. კონსტიტუციის 42-ე მუხლის გამგეობის თავმჯდომარე უზბეკეთის პარლამენტის წევრებსა და არასამთავრობო სექტორის წარმომადგენლებს შეხვდა. შეხვედრის მიზანს საქართველოში არსებული არასამთავრობო ორგანიზაციების მუშაობის სპეციფიკის გაცნობა და მართლმსაჯულების საკითხებზე მსჯელობა წარმოადგენდა. სრულად... წყარო: ორგანიზაციის ვებგვერდი

USAID/საქართველო ორგანიზაციის დირექტორის, პიტერ ვიბლერის მიმართვას ავრცელებს. „შემდეგი ხუთი წლის სამოქმედო სტრატეგიაზე მუშაობის პროცესში უმნიშვნელოვანესია საზოგადოების ჩართულობა. გაგვიზიარეთ თქვენი მოსაზრება - როგორ ფიქრობთ, რას უნდა მიაღწიოს საქართველომ შემდეგი ხუთი წლის განმავლობაში?"  სრულად...  წყარო: ორგანიზაციის გვერდი სოციალურ ქსელში

თბილისი. ქალთა პოლიტიკური მონაწილეობის სამუშაო ჯგუფი, პარტია “ქართული ოცნება-დემოკრატიული საქართველოს” ახალ ინიციატივასთან დაკავშირებით, განცხადებას ავრცელებს.  „გვსურს გამოვეხმაუროთ პოლიტიკური პარტია “ქართული ოცნება-დემოკრატიული საქართველოს” მიერ წარმოდგენილ ინიციატივას, რომლის შესახებაც პარლამენტის თავმჯდომარემ, არჩილ თალაკვაძემ მიმდინარე წლის 14 სექტემბერს გამართულ საკონსტიტუციო ცვლილებათა პროექტის საჯარო განხილვისას განაცხადა. აღნიშნული ცვლილების მიხედვით პოლიტიკური პარტია, რომელიც „2020 წლის საპარლამენტო არჩევნებში საარჩევნო სიის ყოველ სამეულში ერთ ქალს შეიყვანს, მიიღებს 30 პროცენტით მეტ დაფინანსებას.“, - ვკითხულობთ განცხადებაში, - „ფინანსური წამახალისებელი ზომა ვერ უზრუნველყოფს ქალთა პოლიტიკაში მონაწილეობის გაზრდას“.  სრულად წყარო: gyla.ge

თბილისი. 19 სექტემბერს, სასტუმრო თბილისი რუმსში გაიმართა პრეზენტაცია თემაზე-სახელმწიფო საგრანტო დაფინანსება-არსებული სიტუაცია და პერსპექტივები. შეხვედრა ორგანიზებული იყო ა(ა)იპ „დემოკრატიული ჩართულობის ცენტრების ქსელის მიერ“, პროექტის - „სამოქალაქო საზოგადოების განვითარების ინიციატივის“ - ფარგლებში.  აღნიშნული პროექტის ფარგლებში, სამოქალაქო საზოგადოების ინსტიტუტის მხარდაჭერით, დემოკრატიული ჩართულობის ცენტრების ქსელმა და მწვანე კავკასიამ ჩაატარა გრანტების გამცემი საჯარო ინსტიტუტების მიერ, გრანტის გაცემის პროცესის მონიტორინგი. მონიტორინგის პერიოდი მოიცავდა 2016-2017 წლებში გაცემულ გრანტებს. შეხვედრის მიზანს წარმოადგენდა სახელმწიფო დაფინანსების კუთხით არსებული სიტუაციის გაცნობა, პერსპექტივების გაანალიზება და საჯარო ინსტიტუტების მიერ, 2016-2017 წლებში გაცემული გრანტების პროცესის მონიტორინგის ანგარიშების წარდგენა.  შეხვედრის დასაწყისში აუდიტორიას მიმართეს დემოკრატიული ჩართულობის ცენტრების ქსელის დირექტორმა, ნინა ხატისკაცმა და საქართველოში ევროკავშირის დელეგაციის სამოქალაქო საზოგადოების პროგრამის ოფიცერმა დომენიკა სკუბიდამ. ”აღსანიშნავია ის ფაქტი, რომ საქართველოში, სამოქალაქო საზოგადოების დაფინანსების მასშტაბები ჯერ კიდევ არ არის საკმარისი სექტორის მდგრადობის მნიშვნელოვნად გაუმჯობესებისათვის. ამ მხრივ, ჩვენთვის პრიორიტეტს წარმოადგენს საზოგადოებრივი ორგანიზაციების საარსებო გარემოს გაუმჯობესებისათვის, მათი დაფინანსების წყაროების დივერსიფიკაცია და სახელმწიფო საგრანტო დაფინანსების სისტემის დახვეწა. აქედან გამომდინარე, ჩვენ მივესალმებით საქართველოს მთავრობის მიერ, ღია მმართველობის პარტნიორობის სამოქმედო გემით კონკრეტული ვალდებულების აღებას, რომელიც ითვალისწინებს ეფექტურობის გაზრდას და ადგილობრივი ხელისუფლების მიერ სახელმწიფო საგრანტო დაფინანსების მექანიზმების ამოქმედებას“-განაცხადა დომენიკა სკუბიდამ.  დღის პირველი ნახევარი დაეთმო ორივე ორგანიზაციის მიერ წარმოებული მონიტორინგის ანგარიშის და ძირითადი მიგნებების აუდიტორიისათვის გაცნობას. ყურადღება გამახვილდა, ერთის მხრივ, იმაზე, თუ რამდენად არის განსაზღვრული გრანტის გაცემასთან დაკავშირებული საკითხები წინასწარ და როგორ ასრულებს გრანტის გამცემი საჯარო უწყება მასზე დაკისრებულ ვალდებულებებს, გრანტის გაცემისა და განხორციელების ყველა ეტაპზე, ხოლო მეორეს მხრივ იმაზე, თუ რა გამოცდილება აქვთ საგრანტო კონკურსში მონაწილე და გრანტის მიმღებ ორგანიზაციებს - ა(ა)იპ-ებს სახელმწიფო დაფინანსების ადმინისტრირების მხრივ. უნდა აღინიშნოს, რომ არც მონიტორინგი და არც მისი ანგარიში არ მოიცავს სახელმწიფო გრანტების ფარგლებში განხორციელებული პროექტების შინაარსისა, თუ ხარისხის შეფასების მიმართულებას. შეხვედრის მეორე ნახევარი დაეთმო სახელმწიფო საგრანტო დაფინანსებასთან დაკავშირებული საკანონმდებლო გარემოს მიმოხილვას. სამოქალაქო საზოგადოების ინსტიტუტის წარმომადგენელმა, ლევან ფანიაშვილმა ისაუბრა საზოგადოებრივი ორგანიზაციების ხელმწიფო საგრანტო დაფინანსების რეფორმის კონცეფციის შესახებ, რომელიც სამოქალაქო საზოგადოების ინსტიტუტის ექსპერტთა ჯგუფის მიერ იქნა შემუშავებული. გარდა ამისა, საუბარი შეეხო იმ გამოწვევებს, რაც რეფორმის საჭიროებას განაპირობებს და ასევე იმას, თუ რა ეტაპზეა მოცემულ მომენტში რეფორმის კონცეფცია, მისი ძირითადი მიგნებები და რეკომენდაციები კანონმდებლობაში ასახვის თავლსაზრისით.  შეხვედრას ესწრებოდა გრანტის გამცემი საჯარო დაწესებულებების, საერთაშორისო და ადგილობრივი საზოგადოებრივი ორგანიზაციების, ასევე მედიის წარმომადგენლები. პრეზენტაციების დასრულების შემდეგ გაიმართა დისკუსია, დამსწრე აუდიტორია აქტიურად ჩაერთო კითხვა-პასუხის რეჟიმში. შეხვედრის ბოლოს კი დაანონსდა სახელმწიფო საგრანტო დაფინანსების სისტემის მონიტორინგის მცირე საგრანტო კონკურსის მეორე ეტაპი. მონაწილეებმა მიიღეს დეტალური ინფორმაცია კონკურსის პირობების და შინაარსის შესახებ, მათ ასევე საშუალება მიეცათ დაეზუსტებინათ მათთვის მნიშვნელოვანი ინფორმაცია.  პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი და კონრად ადენაუერის ფონდი. მისი მიზანია საქართველოში საზოგადოებრივი ორგანიზაციების სამუშაო გარემოს გაუმჯობესება, ორგანიზაციების გაძლიერება, საზოგადოების მიმართ მათი ანგარიშვალდებულებისა და გამჭვირვალობის გაზრდა და მათი კავშირების გამყარება სხვა აქტორებთან.

თბილისი. 17 და 19 სექტემბერს, ეროვნული წვლილი დემოკრატიისთვის (NDI) - კავკასიის კვლევითი რესურსების ცენტრის (CRRC) ახალი კვლევის შედეგები გამოქვეყნდა. კვლევა 2019 წლის ივლისში ჩატარდა და 2,131 სრულწლოვანი ადამიანი გამოიკითხა საქართველოს მასშტაბით (ოკუპირებული ტერიტორიების გამოკლებით). კვლევა ეხებოდა სხვადასხვა პოლიტიკურ საკითხს და საჯარო პოლიტიკის მიმართულებას საქართველოში. სრულად... წყარო: crrc.ge

თბილისი. „საქართველოს ღია საზოგადოების ფონდმა“ დღეს საქართველოს უზენაესი სასამართლოს მოსამართლეობის კანდიდატთა ინდივიდუალური პორტფოლიოები გამოაქვეყნა.  პორტფოლიოები იუსტიციის უმაღლესი საბჭოს მიერ მოსამართლეობის კანდიდატებთან ზეპირი გასაუბრების შედეგად შერჩეული/ნომინირებული ოცი კანდიდატის პროფილს გვთავაზობს, აერთიანებს საჯარო წყაროებიდან მოძიებულ ფაქტებს და ნაკლებად მოიცავს შეფასებებს.  სრულად  წყარო: ორგანიზაციის ვებგვერდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი...

თბილისი. პლატფორმაში “არა-ფობიას!” შემავალი ორგანიზაციები, ბათუმის მეჩეთთან დაკავშირებით გაკეთებული გამონათქვამების გამო, განცხადებას ავრცელებენ.  კერძოდ, ორგანიზაციები ეხმაურებიან სამოქალაქო მოძრაობა “ლელოს” დამფუძნებელმა მამუკა ხაზარაძის მიერ აჭარის საზოგადოებრივი მაუწყებლის ეთერში გაკეთებულ და პარლამენტის ვიცე-სპიკერ გიორგი ვოლსკის მიერ ჟურნალისტენებისთვის მიცემულ კომენტარებს. „ხელისუფლების წარმომადგენლებსა და საჯარო პირებს მოვუწოდებთ, თავი შეიკავონ ქსენოფობიური და დისკრიმინაციული შინაარსის განცხადებების გაკეთებისგან და იხელმძღვანელონ კონსტიტუციით გარანტირებული რელიგიის თავისუფლების, კანონის უზენაესობისა და თანასწორუფლებიანობის პრინციპებით“, - ნათქვამია “არა-ფობიას!” წევრი ორგანიზაციების მიერ გავრცელებულ განცხადებაში.  სრულად...  წყარო: http://www.humanrights.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) ახორციელებს პროექტს: დემოკრატიული საარჩევნო რეფორმის მხარდაჭერა. პროექტის მიზანია: საქართველოს საარჩევნო კანონმდებლობის და საარჩევნო გარემოს გაუმჯობესება. სრულად... წყარო: isfed.ge არჩევნები

თბილისი. „კონსტიტუციის 42-ე მუხლი“ მოუწოდებს სასამართლო ხელისუფლებას გაასაჯაროოს უზენაესი სასამართლოს წევრობის კანდიდატების გადაწყვეტილებები (განაჩენები).  „იმ ფონზე, როდესაც მმართველმა გუნდმა უზენაესი სასამართლოს მოსამართლეთა შერჩევის „უპრეცედენტოდ გამჭვირვალე და ღია პროცედურები" დაანონსა და, ასევე, გაკეთდა განცხადებები, რომ საპარლამენტო უმრავლესობა ამ კანდიადტებს „მიკროსკოპით დააკვირდება", კანდიდატების პროფესიული გამოცდილების შესწავლის გარეშე, მთელი ეს პროცედურები მოკლებულია რეალურ შინაარსს. მოსამართლის კომპეტენტურობასა და კეთილსინდისირებაზე ყველაზე უკეთ მის მიერ მიღებული გადაწყვეტილებები მეტყველებს“, - ვკითხულობთ ორგანიზაციის მიერ გავრცელებულ განცხადებაში, - „შესაბამისად, მოვუწოდებთ სასამართლო ხელისუფლებას უმოკლეს ვადაში გაასაჯაროოს და პარლამენტისთვის, ასევე ფართო საზოგადოებისთვის ხელმისაწვდომი გახადოს მოსამართლე კანდიდატების მიერ წარსულში მიღებული გადაწყვეტილებები“.  სრულად  წყარო: ორგანიზაციის ვებგვერდი

თბილისი. საზოგადოება „ბილიკმა" პროექტის, „ახალგაზრდები ცვლილებებისთვის" დახურვის ღონისძიება გამართა.  პროექტის მონაწილე მოსწავლეებმა ისაუბრეს წარმატების ისტორიებზე, მოეწყო აქტივობების ამსახველი ფოტო-გამოფენა, ნაჩვენები იქნა პროექტის ფარგლებში გადაღებული დოკუმენტური ფილმები. პროექტის შეფასებასთან ერთად, გაიმართა პარტნიორი სკოლების დაჯილდოება.  პროექტი „ახალგაზრდები ცვლილებებისთვის“ განხორციელდა საქართველოს ღია საზოგადოების ფონდის (OSGF) მხარდაჭერით და მისი მიზანი იყო შიდა ქართლში მცხოვრები ქართველი, ოსი და ქართულ-ოსური შერეული ოჯახების ახალგაზრდების სამოქალაქო პასუხისმგებლობის გაზრდა, მათი ეფექტური მონაწილეობის ხელშეწყობა ადგილობრივი მთავრობის დონეზე გადაწყვეტილებების მიღების პროცესში.  სრულად  წყარო: გვერდი სოციალურ ქსელში

საქართველო. კანადის ფონდის - ადგილობრივი ინიციატივები GFLI - მიერ დაფინანსებული პროექტის, „შეზღუდული შესაძლებლობის მქონე ახალგაზრდა ქალები მდგრადი განვითარების მიზნებისთვის“, ფარგლებში, ორგანიზაციამ „ქალი და რეალობა“ აჭარისა და იმერეთის ინკლუზიურ ჯგუფებთან სალონური ტიპის ლექცია-სემინარების ციკლი გამართა.  შეხვედრების თემა იყო მდგრადი განვითარების (SDG) მიზნები - პერსპექტივები შეზღუდული შესაძლებლობის მქონე ქალთა თემისთვის. ლექცია-სემინარების მონაწილეები გაეცნენ მდგრადი განვითარების მთავარ გზავნილსაც - „არავინ დარჩეს პროცესის მიღმა“ (Leaving no one behind), იმას, თუ რა როლი აქვს ეკონომიკური და სოციალური უთანასწორობა დაძლევაში შეზღუდული შესაძლებლობის მქონე ქალთა ინტერესების გათვალისწინებას. სრულად  წყარო: გვერდი სოციალურ ქსელში

თბილისი. ევროკავშირი იწვევს სამოქალაქო საზოგადოების ორგანიზაციებს ორ საკონსულტაციო შეხვედრაზე 17 სექტემბერს, Republic Event Hall-ში.  „წელს აღმოსავლეთ პარტნიორობის ინიციატივას 10 წელი შეუსრულდა და რადგან 2020 ახლოვდება, მნიშვნელოვანია გადავხედოთ მის მიღწევებსა და გამოწვევებს და მომავალი სტრატეგიული მიმართულებაც დავსახოთ”, - აღნიშნულია ევროკავშირის მიერ გავრცელებულ ინფორმაციაში.  პირველი საკონსულტაციო შეხვედრა აღმოსავლეთ პარტნიორობის შესახებ იქნება და დაიწყება 10:00-ზე. მისით დაინტერესებულებმა ონლაინ რეგისტრაცია 13 სექტემბრის ჩათვლით შემდეგ მისამართზე უნდა გაიარონ: https://www.eap-events.eu/eap-future  მეორე საკონსულტაციო შეხვედრა ასოცირების ხელშეკრულების განხორციელებასა და სამოქალაქო საზოგადოებასთან თანამშრომლობისათვის ევროკავშირის საგზაო რუკის შესახებ გაიმართება და დაიწყება 14:00-ზე. მასზე დასასწრებად, საკონტაქტო ინფორმაცია, 13 სექტემბრის ჩათვლით, უნდა გააგზავნოთ შემდეგ ელექტრონულ მისამართზე: natia.antelava@eeas.europa.eu  სრულად   წყარო: ორგანიზაციის გვერდი სოციალურ ქსელში

თბილისი. ჟურნალისტიკის რესურს ცენტრთან დაკავშირებით განვითარებული მოვლენების თაობაზე, საქართველოს ჟურნალისტური ეთიკის საბჭო განცხადებას ავრცელებს.  „საქართველოს ჟურნალისტური ეთიკის ქარტიის საბჭოს მომართა “ჟურნალისტიკის რესურს ცენტრმა” (JRC). მისი წარმომადგენლების თქმით, მას შემდეგ, რაც მოამზადეს ფილმი “რეკლამის ეფექტი საზოგადოებრივ მაუწყებელზე”, გახდნენ ზეწოლის და თავდასხმის მსხვერპლნი საზოგადოებრივი მაუწყებლის და ფილმში ნახსენები სარეკლამო კომპანიის, “პანორამას” მხრიდან”, - ვკითხულობთ განცხადებაში, - „როგორც JRC ამბობს, ფილმში გამოყენებული ფარული გადაღების გამო “პანორამას” წარმომადგენლებმა გამოითქვეს პროკურატურისთვის მიმართვის სურვილი. ქარტიის საბჭო მიიჩნევს, რომ ფარული გადაღების დაუშვებლობაზე მსჯელობის დაწყებაც კი მნიშვნელოვნად დააზიანებს საგამოძიებო ჟურნალისტიკის და ზოგადად მედიის მთავარ ფუნქციას - საჯარო მოხელეთა კანონდარღვევის თუ კორუფციის ფაქტების მხილებას. როდესაც ღიად ინფორმაციის მოპოვება ვერ ხერხდება, ფარული გადაღება მაღალი საზოგადოებრივი ინტერესის შემცველ თემებზე მუშაობისას აპრობირებული მეთოდია როგორც საერთაშორისო, ისე ქართული მედიისთვის, ეს დაშვებულია ქართული კანონდებლობითაც“.  სრულად  წყარო: ორგანიზაციის ვებგვერდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი...

2019 წლის 5 მარტს ამოქმედდა „შრომის უსაფრთხოების შესახებ“ საქართველოს ორგანული კანონი, რომელიც ადგენს სამუშაო ადგილზე შრომის უსაფრთხოების ძირითად მოთხოვნებსა და პრევენციული ღონისძიებების პრინციპებს. გარდამავალ ეტაპზე კანონი ვრცელდებოდა მხოლოდ მომეტებული საფრთხის შემცველ მძიმე, მავნე და საშიშპირობებიან სამუშაოებზე. თუმცა, 2019 წლის 1 სექტემბრიდან კანონის მოქმედება გავრცელდა ყველა დამსაქმებელზე, მათ შორის ყველა კერძო სამართლის იურიდიულ პირზე, ფიზიკურ პირსა და პირთა გაერთიანებაზე. კანონი სხვა ვალდებულებებთან ერთად, ითვალისწინებს დამსაქმებლის ვალდებულებას - დანიშნოს ან მოიწვიოს სერტიფიცირებული შრომის უსაფრთხოების სპეციალისტი (პირი რომელსაც გავლილი აქვს კანონით გათვალისწინებული აკრედიტებული სპეციალური პროგრამა). შრომის უსაფრთხოების სპეციალისტის ფუნქციაა შრომის უსაფრთხოების ღონისძიებების დანერგვა და მართვა. დამსაქმებელს, რომელსაც 20 ან ნაკლები დასაქმებული ჰყავს, შეუძლია პირადად შეასრულოს შრომის უსაფრთხოების სპეციალისტის პროფესიული მოვალეობები (იმ პირობით, რომ მას გავლილი აქვს კანონით გათვალისწინებული აკრედიტებული პროგრამა). თუ დამსაქმებელს 20-დან 100-მდე დასაქმებული ჰყავს, იგი ვალდებულია ჰყავდეს არანაკლებ 1 შრომის უსაფრთხოების სპეციალისტი, ხოლო 100 ან მეტი დასაქმებულის ყოლის შემთხვევაში დამსაქმებელი ვალდებულია შექმნას შრომის უსაფრთხოების სამსახური არანაკლებ 2 შრომის უსაფრთხოების სპეციალისტით.

გურია. საქართველოს ახალგაზრდა იურისტთა ასოციაციის ინფორმაციით, ოზურგეთის რაიონულმა სასამართლომ ,,გააღვიძე ოლიგარქის“ აქციის მონაწილეები ხმაურის გამო სამართალდამრღვევებად მიიჩნია და სიტყვიერი გაფრთხილება გამოუცხადა, რაც გამოხატვის თავისუფლების საშიშ შეზღუდვას წარმოადგენს.  „ამ გადაწყვეტილებით იქმნება გამოხატვის თავისუფლების შინაარსობრივი შეზღუდვის საშიში პრეცედენტი. ოზურგეთის რაიონული სასამართლო განსაზღვრავს საკითხებს, რომელზე პროტესტის გამოთქმა არ არის შეკრებისა და გამოხატვის თავისუფლებით დაცული. ამით სახელმწიფო ფაქტობრივად ეუბნება მოქალაქეს, თუ რა საკითხებზე ილაპარაკოს და რა იდეებისა და მოსაზრების გამოხატვისაგან შეიკავოს თავი იმისათვის, რათა არ დაეკისროს სამართლებრივი პასუხისმგებლობა, რაც გამოხატვის თავისუფლების შინაარსობრივ რეგულირებას წარმოადგენს“, - ნათქვამია საია-ს მიერ გავრცელებულ განცხადებაში.  სრულად  წყარო: ორგანიზაციის ვებგვერდი

თბილისი. საქართველოს საზოგადოებრივიო ორგანიზაციების ნაწილი საერთაშორისო საზოგადობას განცხადებით მიმართავს. „საქართველოს სამოქალაქო საზოგადოების ხელმომწერი ორგანიზაციები მოგმართავთ საქართველოს მეგობრებს, რათა გაგიზიაროთ ჩვენი შეშფოთება საქართველოში დემოკრატიის ხარისხთან, მედიისა და პოლიტიკურ თავისუფლებებთან, კორუფციასთან და სახელმწიფოს მიტაცებასთან დაკავშირებით, რომლის წინაშეც დღეს ვიმყოფებით“, - აღნიშნულია განცხადებაში, - „ჩვენი თხოვნა იქნება, შეინარჩუნოთ საქართველოს მიმართ ინტერესი და ჩართულობა, რათა ვაიძულოთ ქვეყნის ხელმძღვანელობა განახორციელოს იმგვარი დემოკრატიული ცვლილებები, რომლებიც თანხვედრაში იქნება ევროკავშირსა და ნატოში გაწევრიანების თაობაზე საქართველოს მიერ გაცხადებულ მიზანთან”.  სრულად  წყარო: www.gdi.ge

თბილისი. ადამიანის უფლებების სწავლებისა და მონიტორინგის ცენტრი (EMC) საქართველოს ახალი პრემიერის მიერ ქვეყნის პარლამენტისთვის წარდგენილ სამთავრობო პროგრამას აფასებს.  „საქართველოს პარლამენტში უკვე წარდგენილია პრემიერ-მინისტრისა და მთავრობის განახლებული შემადგენლობა და სამთავრობო პროგრამა, რომელიც პრაქტიკულად იმეორებს ყოფილი პრემიერის, მამუკა ბახტაძის მიერ პარლამენტისთვის წარდგენილი იპროგრამის შინაარსს.პროგრამებს შორის მსგავსება მიანიშნებს იმაზე, რომ რეალურად, ახალ სამთავრობო გუნდს პოლიტიკის, პრიორიტეტებისა და ხედვის განახლებაზე არ უმუშავია და მთავრობის შემადგენლობის ცვლილებების მიზეზი რეალური სოციალური და პოლიტიკური ცვლილებების მიღწევა არც ყოფილა.პროგრამის ტექსტი, მათ შორის, არ პასუხს ბოლო თვეებში ქვეყანაში გამოვლენილ ღრმა კრიზისს, რომელიც სახელმწიფო ინსტიტუტებისა და პოლიტიკური სისტემის დემოკრატიულ ფუნციონირებას უკავშირდება. ამ პირობებში, სამთავრობო პროგრამას უფრო ტექნიკური მნიშვნელობა აქვს და ის რაციონალური პოლიტიკური განხილვისა და ამ პროცესში საპარლამენტო კონტროლის რეალურ მნიშვნელობას ვერ ატარებს“, - ვკითხულობთ შეფასებაში.  სრულად  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) პროექტის „სოციალური სამართლიანობა კრიზისის დროს“ აქვეყნებს ლელა რეხვიაშვილის პუბლიკაციას: პროექტის „სოციალური სამართლიანობა კრიზისის დროს“. „დევნილების ბრძოლის შემთხვევა ერთ-ერთი საუკეთესო, მაგრამ არა ერთადერთი, მაგალითია პოლიტიკურ ბრძოლებში ჩართული, მაგრამ სამოქალაქო საზოგადოებად არაღიარებული, ჯგუფების ბრძოლისა. დევნილები, რომელსაც ‘ჩამოთრეული’ ეძახა დამხვედრმა საზოგადოებამ აგერ 30 წელია, პრინციპში, სამოქალაქო საზოგადოების ყველაზე მარტივი და ლიბერალური განმარტების მიხედვითაც კი, უნდა მიჩნეულიყვნენ სამოქალაქო საზოგადოებად ქართულ კონტექსტში“, ნათქვამია ბლოგპოსტში. სრულად... წყარო: emc.org.ge

საზოგადოებრივი ორგანიზაციების ვებ-პორტალი – www.csogeorgia.org – მადლობას უხდის მომხმარებელს, ერთი თვით ემშვიდობება და მუშაობას სექტემბერში განაახლებს. დაგველოდეთ, ჩვენ მალე დავბრუნდებით...