11–13 სექტემბერს, 10:00–18:00 საათზე, მედიაციის ცენტრის, მეგობრობის ხიდი – ქართლოსისა და პოლონური ორგანიზაცია „პარტნიორები პოლონეთში" ორგანიზებით იმართება ტრენინგი „როგორ გავხდე მედიატორი? – თეორიული და პრაქტიკული საკითხები". მისამართი: თბილისი, კავკასიური სახლი.

11 სექტემბერს, 12:00 საათზე,  მარნეულის მუნიციპალიტეტში  არასამთავრობო ორგანიზაცია „ადამიანი, კანონი, თავისუფლება", პროექტის - „ახალგაზრდული თვითმმართველობის ინიციატივა" – ფარგლებში ტრენინგს ჩაატარებს.

11 სექტემბერს, 12:00 საათზე „ახალგაზრდა იურისტთა ასოციაციასა" და დიასპორის საკითხებში სახელმწიფო მინისტრის აპარატს შორის მიგრაციის სფეროში თანამშრომლობის შესახებ მემორანდუმს ხელი მოეწერება.  მისამართი: ინგოროყვას 7, სახელმწიფო კანცელარია

11 სექტემბერს, 11:00 საათზე  „საქართველოს ახალგაზრდა კონსტიტუციონალისტთა ასოციაცია" ბრიფინგს გამართავს.  თემა: საზოგადოებრივი მაუწყებლის სამეურვეო საბჭოსთან დაკავშირებული საკანონმდებლო ცვლილებების აუცილებლობა და საბჭოს საქმიანობის შეფასება.  მისამართი: თბილისი, ვაზისუბნის 7

თბილისი. ინფორმაციის თავისუფლების განვითარების ინსტიტუტმა კასპინს მუნიციპალიტეტის გამგეობიდან მიღებული ინფორმაცია გამოაქვეყნა. ვებ–გვერდზე განთავსდა ინფორმაცია ორგანიზაციის ბალანსის, თანამდებობის პირების პრემიების, თანამშრომლების პრემიების, სახელმწიფო შესყიდვების შესახებ. სრულად წყარო: opendata.ge

იმერეთი. 6 სექტემბერს ქუთაისის ახალგაზრდული ცენტრის წევრებისათვის ჩატარდა ტრენინგ-სემინარი: „ტოლერანტობა და მრავალფეროვნება". ღონისძიება მიზნად ისახავდა ახალგაზრდებს მიეღოთ ინფორმაცია ტოლერანტობის, ადამიანის უფლებების და მასთან დაკავშირებული კანონმდებლობისა და საერთაშორისო ხელშეკრულებების შესახებ. ტრენინგ-კურსის მუშაობას უძღვებოდა სახალხო დამცველის რწმუნებული დასავლეთ საქართველოში. ტრენინგ-სემინარი გაიმართა პროექტის – „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

სამცხე–ჯავახეთი. ახალციხის ახალგაზრდული ცენტრის წევრებმა, პროექტ – „ეროვნული ინტეგრაციის გაძლიერება საქართველოს" – ფარგლებში განხორციელებული ღონისძიებები ახალციხის მუნიციპალიტეტის საკრებულოს და გამგეობის წარმომადგენლებს გააცნეს. პრეზენტაციის შემდეგ ადგილობრივი თვითმმართველობის წარმომადგენლებს, საშუალება მიეცათ დაეფიქსირებინათ საკუთარი შეხედულებები პროქტთან დაკავშირებით და შეეთავაზებინათ მომავალში ერთობლივად განსახორციელებელი ღონისძიებები. შეხვედრა ჩატარდა პროექტ ეროვნული ინტეგრაციის გაძლიერება საქართველოში, ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო:ორგანიზაციის გვერდი სოციალურ ქსელში

10 სექტემბერს, 13:00 საათზე არასამთავრობო ორგანიზაცია „ბორჯღალი" გამართავს დისკუსიას თემაზე : „მოხალისეების მონაწილეობა არასამთავრობო ორგანიზაციების მართვაში". მისამართი: ბათუმი, ფარნავაზ მეფის 62-64, დემოკრატიული ჩართულობის ცენტრი

თბილისი. საერთაშორისო გამჭვირვალობა საქართველომ საპარლამენტო ამბების აუდიო პოდკასტის მორიგი გამოშვება გაავრცელა. 9 სექტემბრის გამოშვების თემებია: „ასამოქმედებელი კონსტიტუციური ცვლილებებიდან გამომდინარე, ცვლილებები შედის 160-მდე კანონში. როგორ გადანაწილდება უფლებამოსილებები? ელჩების დანიშვნის საკითხი; იპოთეკარების თემა კვლავ აქტუალურია – გედევან ფოფხაძის ინიციატივა; პარლამენტმა პრეზიდენტის კიდევ სამი ვეტო დაძლია; უკვე მეორედ მოხდა პარლამენტის ევაკუაცია შენობაში ასაფეთქებელი მოწყობილობის არსებობის შესახებ სატელეფონო ზარის შესვლის გამო". საპარლამენტო ამბების აუდიო პოდკასტი – 9 სექტემბერი წყარო: transparency.ge

თბილისი. 5 სექტემბერს სოციალურ მუშაკთა ასოციაციის ოფისში გაიმართა სემინარი თემაზე: „ბავშვთა ფსიქიატრიის საკითხები". სემინარს უძღვებოდა კოლუმბიის უნივერსიტეტთან არსებული ბავშვთა ღფსიქიატრიული ეპიდემოლოგიის კვლევითი ცენტრის ხელმხძღვანელი ქრისტინა ჰოვენი. მან დამსწრეებს გააცნო მნიშვნელოვანი ორი კვლევა, რომელთაგან ერთი ეხებოდა 2001 წლის 11 სექტემბრის მოვლენების შემდგომ ბავშვთა ფსიქიკურ ჯანმრთელობას აშშ–ში, მეორე მართლმსაჯულების სისტემაში მშობლების მოხვედრის გავლენას მათი შვილების ფისიქიკურ ჯანმრთელობაზე. სრულად წყარო: gasw.org

იმერეთი. ადამიანის უფლებების სწავლებისა და მონიტორინგის ცენტრმა ჭიათურაში, ითხვისის მაღაროში მომხდარი უბედური შემთხვევის შესახებ მომზადებული ვიდეო მასალა გაავრცელა. უბედური შემთხვევის დროს  მაღაროს თანამშრომლები - როლანდ ნოზაძე და იუზა სამხარაძე დაიღუპნენ. ვიდეო მასალაში ინციდენტსა და მის გამომწვევ მიზეზებზე გარდაცვლილ როლანდ ნოზაძის ოჯახის წევრები, შემთხვევის ადგილზე მყოფი ელდარ გოცაძე და სხვა მაღაროელები საუბრობენ. წყარო:ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრი ახალ პერიოდულ დაიჯესტს აქვეყნებს, რომელშიც ასახულია ორგანიზაციის საქმიანობა ზაფხულის პერიოდში. დაიჯესტი  წყარო: ginsc.net

თბილისი. 9 სექტემბერს, „საქართველოს ახალგაზრდული პარლამენტის" წარმომადგენლები საქართველოს რეგიონული განვითარებისა და ინფრასტრუქტურის მინისტრის მოადგილეს შეხვდნენ. შეხვედრა გაცნობით ხასიათს ატარებდა და იგი ახალგაზრდული პარლამენტის ინიციატივით გაიმართა. ახალგაზრდები სამინისტოს საქმიანობით დაინტერესდნენ და რეგიონული განვითარების კუთხით, თანამშრომლობის სურვილი გამოთქვეს. რეგიონული განვითარების მინისტრის მოადგილე და ახალგაზრდული პარლამენტის წამორმადგენლები მომავალ შეხვედრებსა და აზრთა გაზიარების თაობაზეც შეთანხმდნენ. წყარო:ორგანიზაციის გვერდი სოციალურ ქსელში

ქვემო ქართლი. ბოლნისის რაიონის საზოგადოებრივი ორგანიზაციებისთვის და საინიციატივო ჯგუფებისთვის ჩატარდა ტრენინგი – „სოციალური მეწარმეობა". ტრენინგს უძღვებოდნენ საქართველოს სტრატეგიული კვლევების და განვითარების ცენტრის თანამშრომლები. ტრენინგი ჩატარდა პროექტის – „ქვემო ქართლის რეგიონში სამოქალაქო საზოგადოების ჩართვა მუნიციპალიტეტის რეფორმის პროცესში საჯარო სტრუქტურებსა და კერძო აქტორებს შორის სოციალური პარტნიორობის განვითარების გზით" – ფარგლებში, რომელსაც ახორციელებენ საერთაშორისო ორგანიზაცია ASB (Arbeiter-Samariter-Bund) და პარტნიორები. წყარო:სოციალური მეწარმეობის ცენტრის გვერდი სოციალურ ქსელში

სამეგრელო. 8 სექტემბერს ასოციაცია „ათინათის" ახალგაზრდულმა ცენტრმა „ორტუსმა" წერა-კითხვისა და წიგნიერების დღე აღნიშნა. ამ დღესთან დაკავშირებით ორტუსის წევრებმა თავიანთი პროექტები განახორციელეს: „არტ თერაპია", რომელშიც მონაწილეობა მიიღო სხვადასხვა სკოლის 20-მდე მოსწავლემ, არტ თერაპიის თემა იყო „მოგზაურობა ლიტერატურულ პერსონაჟებთან ერთად"; ქუჩის ბიბლიოთეკა, სადაც ყოველ გამვლელს შეეძლო აერჩია მისი საყვარელი წიგნი და საჯაროდ წაეკითხა რამდენიმე ციტატა. ღონისძიების ფარგლებში მოწყო პოეზიის საღამოც. პროექტის მიზანი იყო საზოგადოებაში ცნობიერების ამაღლება წერა კითვისა და წიგნიერებისადმი. წყარო:ორგანიზაციის გვერდი სოციალურ ქსელში

ქვემო ქართლი.  ქვემო ქართლში სამოქალაქო განათლებისა და პედაგოგთა გადამზადების პროგრამის კოორდინატორებმა კაზრეთის საჯარო სკოლაში სამოქალაქო კლუბების წევრებს გააცნეს პროგრამის მეოთხე წლის სამოქმედო გეგმა, შეიმუშავეს მუშაობის კონკრეტული სქემა.  კლუბის წევრებმა მუშაობა დაიწყეს მცირე გრანტების კონკურსისათვის საპროექტო აპლიკაციებზე. შეხვედრას ესწრებოდა კლუბების 25 წევრი. წყარო: სიქას გვერდი სოციალურ ქსელში

აჭარა. „თავისუფალ ჟურნალისტთა სახლმა" აჭარის ეკომიგრანტების შესახებ სიუჟეტი მოამზადა. „ბოლო რამდენიმე წელია აჭარაში ეკომიგრანტების რიცხვი მატულობს. მაღალმთიან რეგიონებში ზვავის, მიწისძვრისა და სხვა გეოლოგიური პრობლემების გამო ბევრი სახლი დაზიანებული და საცხოვრებლად უვარგისია. ამიტომ სოფლები მოსახლეობისგან ნელნელა იცლება. მთავრობა მათ თავშესაფარს სხვა რეგიონებში სთავაზობს. მოსახლეობის ნაწილი შემოთავაზებას დათანხმდა, ნაწილი კი უარს აცხადებს საკარ-მიდამოს დატოვებაზე და კვლავ მეწყერსაშიშ ზონაში ცხოვრობს", ნათქვამია თავისუფალ ჟურნალისტთა სახლის ვებგვერდზე.  სიუჟეტი მომზადდა პროექტის - „ახალგაზრდებში დემოკრატიული იდეების პიპულარიზაცია" – ფარგლებში. პროექტი ხორციელდება „დემოკრატიის მხარდამჭერი ნაციონალური ფონდის" (NED) მხარდაჭერით. სიუჟეტი   წყარო: presscafe.ge

სამეგრელო. „საერთაშორისო გამჭვირვალობა – საქართველო" აქვეყნებს რიგით მესამე ანგარიშს სამეგრელო-ზემო სვანეთის მუნიციპალიტეტებში გაცემული პრემიების შესახებ. ამჯერად კვლევა 2013 წლის 1 აპრილიდან 1 ივლისამდე გაცემულ თანხებს ეხება. „სტატისტიკა აჩვენებს, რომ მიუხედავად არასამათავრობო ორგანიზაციების არაერთი მოწოდებისა, სიტუაცია არსებითად არ შეცვლილა", ნათქვამია ორგანიზაციის ვებგვერდზე. „საერთაშორისო გამჭვირვალობა – საქართველო" ადგილობრივ ხელისუფლებას სთავაზობს კონკრეტულ რეკომენდაციებს საჯარო მოხელეთა პრემირების სისტემის მოსაწესრიგებლად.  სრულად წყარო: transparency.ge

აჭარა. 8 სექტემბერს, ახალგაზრდული ორგანიზაცია „არტ ვეის" ორგანიზებით, ბათუმის ბოტანიკურ ბაღში, ღია ცის ქვეშ, მორიგი სემინარი ჩატარდა. ამჯერად  სემინარი  ფოტოგრაფიით დაინტერესებული ახალგაზრდებისთვის ცნობილმა ფოტოგრაფმა იური მეჩიტოვმა  წაიკითხა. სემინარი, როგოც უკვე ითქვა, ბათუმის ბოტანიკურ ბაღში ჩატარდა და მას პროექტის „სემინარები ხელოვნების მიმართლებით" მონაწილე ახალგაზრდები ესწრებოდნენ. სემინარის დასრულების შემდეგ პროექტის მონაწილეები ბაღში დარჩნენ და კარვებში დაბინავდნენ. აღნიშნული პროექტის მიზანია ახალგაზრდებისთვის თავისუფალი დროის საინტერესოდ და ინტელექტუალურად გატარების ხელშეწყობა. პროექტის ფინანსური მხარდამჭერია აჭარის სპორტისა და ახალგაზრდობის საქმეთა დეპარტამენტი. 

თბილისი.  საერთაშორისო გამჭვირვალობა საქართველო აქვეყნებს პუბლიკაციას „ინფორმაციის პროაქტიულად გამოქვეყნება, როგორც საერთო სტანდარტი საქართველოში". იგი მთავრობის იმ ახალ დადგენილებას ეხება, რომელიც 1 სექტემბერს შევიდა ძალაში და ადმინისტრაციულ ორგანოებს ავალდებულებს ელექტრონულად და უსასყიდლოდ გასცეს და მარტივად გამოსაყენებელი გახდოს ინფორმაცია მათი საქმიანობის შესახებ. საერთაშორისო გამჭვირვალობა – საქართველო მიესალმება მთავრობის გადაწყვეტილებას სამოქალაქო საზოგადოების რეკომენდაციების გათვალისწინებით საჯარო ინფორმაციის პროაქტიულად გამოქვეყნების წესების დამტკიცების შესახებ. თუმცა მიიჩნევს, რომ „ინფორმაციის ღია მონაცემთა ფორმატში პროაქტიულად გამოქვეყნება ჩვენ მიერ შეთავაზებული სახელმძღვანელო პრინციპების მიხედვით უნდა მოხდეს, რაც მომხმარებლებს გამოქვეყნებული მონაცემების გამოყენებასა და დამუშავებას გაუადვილებს. სამწუხაროდ, ამ საკითხზე პასუხისმგებელმა ზოგიერთმა ძირითადმა სამთავრობო უწყებამ დაჟინებით მოითხოვა მონაცემების დასკანერებული სურათების სახით PDF ფორმატში გამოქვეყნების წესის შენარჩუნება, რაც ამ მონაცემების დამუშავებას საკმაოდ რთულს ხდის", ნათქვამია გამჭვირვალობის ვებგვერდზე გამოქვეყნებულ პუბლიკაციაში. სრულად  წყარო: transparency.ge

თბილისი. 9 სექტემბერს, სპორტისა და ახალგაზრდობის საქმეთა სამინისტროს ბავშვთა და ახალგაზრდობის განვითარების ფონდის ორგანიზებით ნორვეგიელი სოციოლოგი იოჰან გალტუნგი ეწვია. მეცნიერს მინისტრმა, ფონდის დირექტორმა და დირექტორის მოადგილემ უმასპინძლეს. სამუშაო შეხვედრისას დაიგეგმა მშვიდობის ტრანსფორმაციის საკითხის წინა პლანზე წამოწევა ახალგაზრდულ კონტექსტში. იოჰან გალტუნგი ოსლოს მშვიდობის კვლევის ინსტიტუტის დამაარსებელია. საქართველოში იგი არასამთავრობო ორგანიზაცია ,,მრავალარხიანი დიპლომატიის ინსტიტუტის’’ მიერ ორგანიზებული პროექტის: ,,ახალგაზრდული ინიციატივა კონფლიქტების ანალიზისა და ტრანფორმაციისთვის’’ ფარგლებში იმყოფება. პროექტი ბავშვთა და ახალგაზრდობის განვითარების ფონდის მეორე საგრანტო კონკურსის გამარჯვებულია. წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის მედიის სამართლებრივი დაცვის ცენტრი საზოგადოებრივ მაუწყებელში განვითარებულ მოვლენებს ეხმიანება. „ყოველთვის და განსაკუთრებით წინასაარჩევნო პერიოდში, დაუშვებელია საზოგადოებრივი მაუწყელის სამეურვეო საბჭოს ( ან სხვა რომელიმე ორგანოს) მიერ ისეთი გადაწყვეტილებების მიღება, რომელიც არ იქნება საქართველოს კანონმდებლობასთან ზუსტ შესაბამისობაში და შექმნის ვარაუდს, რომ ამ გადაწყვეტილებას პოლიტიკური მოტივები ედო საფუძვლად", ნათქვამია განცხადებაში. სრულად წყარო: gyla.ge