თბილისი. „საზოგადოებრივი მაუწყებელი უნდა იქცეს პოლიტიკური დებატების და არა პოლიტიკური თამაშების პლატფორმად", ნათქვამია სამართლიანი არჩევნებისა და დემოკრატიის საერთაშორისო საზოგადოების (ISFED), საერთაშორისო გამჭირვალობა - საქართველოს (TI Georgia), საქართველოს დემოკრატიული ინიციატივისა (GDI) და ადამიანის უფლებების სწავლებისა და მონიტორინგის ცენტრის (EMC) მიერ გავრცელებულ განცხადებაში. „საპრეზიდენტო არჩევნებამდე ორი თვით ადრე, საქართველოს საზოგადოებრივი მაუწყებელი სამწუხაროდ კვლავ  პოლიტიკური მოვლენებისა და ბრალდებების  ეპიცენტრში მოექცა. წინასაარჩევნო პერიოდში აუცილებლად მიგვაჩნია, საზოგადოებრივმა მაუწყებელმა პოლიტიკური დებატებისთვის ფორუმი უზრუნველყოს, სადაც კანდიდატებს საკუთარი პროგრამების წარდგენისა და ჟურნალისტების კითხვებზე პასუხის გაცემის საშუალება მიეცემათ, რაც ხელს შეუწყობს კენჭისყრის დღეს ტელემაყურებელთა მიერ ინფორმირებული არჩევანის გაკეთებას". სრულად  წყარო: isfed.ge

თბილისი. 5 სექტემბერს საქართველოს ახალგაზრდა იურისტთა ასოციაციამ სალომე ზურაბიშვილის სახელით თბილისის საქალაქო სასამართლოს ადმინისტრაციულ საქმეთა კოლეგიას მიმართა. საია ცესკოს თავმჯდომარის განკარგულების ბათილად ცნობას ითხოვს. განკარგულების მიხედვით სალომე ზურაბიშვილს უარი ეთქვა პრეზიდენტობის კანდიდატად რეგისტრაციაზე. „სალომე ზურაბიშვილის პრეზიდენტობის კანდიდატად რეგისტრაციაზე უარი არის დაუსაბუთებელი. შესაბამისად, საია გეგმავს სასამართლოში დაიცვას სალომე ზურაბიშვილის ინტერესები", ნათქვამია ორგანიზაციის ვებ–გვერდზე. სრულად წყარო: gyla.ge

შიდა ქართლი. ეროვნული ინტეგრაციის გაძლიერება-გორის ახალგაზრდული ცენტრი ლეიკემიით დაავადებული ბავშვებისთვის საკანცელარიო ნივთებს აგროვებს. ფანქრებთან, სახატავ რვეულებთან, გასაფერადებლებთან, სათამაშოებთან ერთად ცენტრი საჩუქრების საყიდლად თანხასაც აგროვებს. მონაწილეობა ნებისმიერ მსურველს შეუძლია.  ცენტრის გვერდი სოციალურ ქსელში წყარო:ორგანიზაციის გვერდი სოციალურ ქსელში

თბილისი. 5 სექტემბერს, სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის განვითარების ფონდისა" და არასამთავრობო ორგანიზაცია „ადამიანი, კანონი, თავისუფლებას" წარმომადგენლებმა სამინისტროს საკონფერენციო დარბაზში ახალგაზრდული პროექტის პრეზენტაცია გამართეს.  პროექტი - „ახალგაზრდული თვითმმართველობის ინიციატივა" - გულისხმობს 3 ქალაქში, მარნეულში, გორსა და კასპში ახალგაზრდული საკრებულოების ჩამოყალიბებას, რომლებიც დაკომპლექტდება სპეციალური ტესტირების შემდგომ შერჩეული ადგილობრივი ახალგაზრდებით.  პროექტი სპორტისა და ახალგაზრდობის საქმეთა სამინისტროს სათათბიროს გადაწყვეტილებით სსიპ ,,ბავშვთა და ახალგაზრდობის განვითარების ფონდის’’ მიერ მეორე საგრანტო კონკურსის ფარგლებში დაფინანსდა.  წყარო:ორგანიზაციის გვერდი სოციალურ ქსელში

თბილისი. 5 სექტემბერს საქართველოს სოციალურ მუშაკთა ასოციაციაში გაიმართა სემინარი ბავშვთა ფსიქიატრიის საკითხების შესახებ. სემინარს უძღვებოდა კოლუმბიის უნივერსიტეტთან არსებული ბავშვთა ფსიქიატრიული ეპიდემიოლოგიის კვლევითი ცენტრის ხელმძღვანელი, ქრისტინა ჰოვენი. წყარო:ორგანიზაციის გვერდი სოციალურ ქსელში

ევროკავშირის სამეზობლოს საინფორმაციო ცენტრმა ბროშურა გამოაქვეყნა, რომელშიც პრიორიტეტად განხილულია რეგიონალური თანამშრომლობა. ბროშურა  წყარო:cenn

თბილისი. „სამართლიანი არჩევნებისა და დემოკრატიის საერთაშორისო საზოგადოებამ" განხადება გაავრცელა ცენტრალური საარჩევნო კომისიის უარზე ქ-ნი სალომე ზურაბიშვილის საპრეზიდენტო კანდიდატად დარეგისტრირების შესახებ. „მიგვაჩნია, რომ ცესკოს თავმჯდომარის მოვალეობის შემსრულებლის განკარგულება ქ-ნი სალომე ზურაბიშვილისთვის კანდიდატად რეგისტრაციაზე უარის თქმის შესახებ ეწინააღმდეგება საქართველოს კონსტიტუციით დადგენილ ნორმებს", ნათქვამია განცხადებაში.  სრულად წყარო: isfed.ge

თბილისი. საქართველოს ჟურნალისტური ეთიკის ქარტიამ მედიის წინასაარჩევნო ქცევის კოდექსი მოამზადა, რომელსაც 4 აგვისტოს ხუთი მედიასასუალება შეუერთდა. მათ შორის საქართველოსსაზოგადოებრივიმაუწყებელი, აჭარისსაზოგადოებრივიმაუწყებელი, ტელეკომპანია „რუსთავი 2", ტელეკომპანია „მაესტრო" დატელეკომპანია „იმედი. ქარტიამ კოდექსი საქართველოს კანონმდებლობის, საერთაშორისო დოკუმენტებისა და თვითრეგულირების პრინციპების საფუძველზე მოამზადა.  მედიის წინასაარჩევნო ქცევის კოდექსი წყარო:qartia.org.ge

სამცხე–ჯავახეთი. დემოკრატ მესხთა კავშირის ახალქალაქის ოფისის იურისტებმა, მორიგი გასვლითი იურიდიული კონსულტაციები ახალქალაქის მუნიციპალიტეტის სოფლების,  ლომატურცხისა და ღადოლარის მოსახლეობასთან გამართეს. იურიდიული კონსულტაციები ჩატარდა პროექტ – „უფასო იურიდიული დახმარება სამცხე-ჯავახეთის მცხოვრებლებს" – ფარგლებში, რომელიც დაფინანსებულია ევრაზიის თანამშრომლობის ფონდის მიერ. პროექტის ფარგლებში ახალციხის, ახალქალაქისა და ნინოწმინდის მუნიციპალიტეტებში მოქმედებს სამი სამართლებრივი დახმარების ცენტრი, რომელიც სამცხე-ჯავახეთის მოსახლეობას სთავაზობს უფასო სამართლებრივ კონსულტაციებს; წერილების და განცხადებების მომზადებას სხვადასხვა სამსახურებში წარსადგენად; ნებისმიერი სახის სარჩელის მომზადებას; სამოქალაქო და ადმინისტრაციულ საქმეებზე სერთიფიცირებული იურისტის, უფასო, წარმომადგენლობას სასამართლოში, კერძო და საჯარო სამსახურებში; სატელეფონო კონსულტაციებს ON-LINE კონსულტაციას დემოკრატ მესხთა კავშირის გვერდზე სოციალუ რქსელშ, (www.facebook.com/UDMGeorgia ) აგრეთვე ვებ-გვერდის (www.udm.org.ge) მეშვეობით . წყარო:ორგანიზაციის გვერდი სოციალურ ქსელში

რაჭა. პროექტის „სამოქალაქო მონიტორინგის ხელშეწყობა ჰიდროელექტროსადგურების მშენებლობისას" ფარგლებში, ჩატარდა 2 სამუშაო შეხვედრა ონის მუნციპალიტეტის სოფლების ღების, ჭიორას, გლოლას, ქ ონისა მიმდებარე სოფლების მოსახლეობის წარმომადგენლებთან. სამუშაო შეხვედრის მონაწილეებს მიეწოდათ ინფორმაცია დაგეგმილი ჰიდროელექტროსადგურების კასკადების მშენებლობისას ბუნებრივ და სოციალურ გარემოზე სავარაუდო ზეგავლენის სფეროების, სენსიტიური (მოწყვლადი) ზონების, საზოგადოებისათვის საქართველოს კანონმდებლობითა და საერთაშორისო ხელშეკრულებებით მინიჭებული უფლებების, საზოგადოებრივი მონიტორინგის არსისა და მეთოდები შესახებ. დაისახა სამომავლო ღონიძიებები არსებული პრობლემის მოგვარებასთან დაკავშირებით. პროექტი „სამოქალაქო მონიტორინგის ხელშეწყობა ჰიდროელექტროსადგურების მშენებლობისას" ხორციელდება არასამთავრობო ორგანიზაციათა კოალიციის - საქართველოს მწვანეთა მოძრაობა/დედამიწის მეგობრები-საქართველოს, ენერგოეფექტურობის ფონდის, ფონდი - „კავკასიის ეკოლოგია", ასოციცია „მწვანე ტალღა" და ასოციაცია „ეკოტეკის" მიერ, ევრაზიის თანამშრომლობის ფონდის მხარდაჭერით. წყარო:CENN

5 სექტემბერს, 14:00 საათზე, თავისუფალი და სამართლიანი არჩევნებისთვის უწყებათაშორის კომისიას, შვიდ ადგილობრივ არასამთავრობო ორგანიზაციასა და ცენტრალურ საარჩევნო კომისიას შორის ადმინისტრაციული რესურსების გამოყენებასთან მიმართებაში ურთიერთგაგების მემორანდუმი გაფორმდება.  მისამართი:თბილისი, სასტუმრო თბილისი მერიოტი

5 სექტემბერს, 13:00 საათზე, ორგანიზაცია „ახალგაზრდა ადვოკატები" კვლევის: „განათლებისა და მეცნიერების სამინისტროს დაქვემდებარებული ქობულეთის საზოგადოებრივ კოლეჯ „ახალი ტალღის" ადმინისტრაციული მმართველობის გამჭვირვალობის შესახებ" პრეზენტაციას გამართავს. მისამართი: ბათუმი, ბათუმში, დემოკრატიული ჩართულობის ცენტრი, ფარნავაზ მეფის 62–64

5 სექტემბერს, 11:30 საათზე, „ახალგაზრდა უფლებადამცველთა ასოციაციის" წარმომადგენლები პატიმრის წამებასთან დაკავშირებით განცხადებას გააკეთებენ. მისამართი:თბილისი, პრაიმტაიმის პრესკლუბი

5 სექტემბერს, 11:00 საათზე, სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის განვითარების ფონდისა" და არასამთავრობო ორგანიზაცია „ადამიანი, კანონი, თავისუფლებას" წარმომადგენლები  ახალგაზრდული პროექტის პრეზენტაციას გამართავენ. მისამართი:თბილისი, სპორტისა და ახალგაზრდობის საქმეთა სამინისტროს საკონფერენციო დარბაზი

აჭარა. 4 სექტემბერს, აკაკი წერეთლის სახელობის საჯარო ბიბლიოთეკაში გაიხსნა ანა ფრანკის სახლის (ამსტერდამი) ორი გამოფენა - „იკითხე და წერე ანა ფრანკთან ერთად" და „ანა ფრანკი - აქტუალური ისტორია", რომელსაც ბათუმის ახალგაზრდული ცენტრის წევრებმა უმასპინძლეს. გამოფენა განკუთვნილია 10-16 წლის მოზარდებისათვის. იგი ღიაა ყოველ დღე და მუშაობს 10:00 საათიდან 19:00 საათის ჩათვლით. გამოფენა ბათუმში დარჩება 9 სექტემბრამდე. საგანმანათლებლო პროექტი „ანნა ფრანკი - აქტუალური ისტორია" ხორციელდება საქართველოში ჰოლანდიის საელჩოს, საქართველოს პირველი ლედის სანდრა ელისაბედ რულოვსის ჯანსაღი ცხოვრების წესის ინიციატივის „Don't Worry, Be Healthy!", ანა ფრანკის სახლის და საქართველოს გაეროს ასოციაციის მიერ ჰოლანდიის საგარეო საქმეთა სამინისტროს ფინანსური მხარდაჭერით. ბათუმში პარტნიორია ასოციაცია „თავისუფალ ჟურნალისტთა სახლი". პროექტის მიზანია ახალგაზრდების გათვითცნობიერება ისეთ საკითხებზე როგორიცაა, ადამიანის უფლებები, მრავალფეროვნება და დისკრიმინაცია. პროექტის ფარგლებში ჰოლანდიურიდან ქართულ ენაზე ითარგმნა „ანა ფრანკის დღიური", ქართულენოვანი წიგნი რიგდება საქართველოს 10 ქალაქის საჯარო სკოლების ბიბლიოთეკებში და ამავე ქალაქებში ეწყობა „ანა ფრანკის სახლი ამსტერდამიდან" ასევე ქართულენოვანი მოძრავი გამოფენა. წყარო: ბათუმის ახალგაზრდული ცენტრის გვერდი სოციალურ ქსელში

ქვემო ქართლი. ორგანიზაცია „სიდამ" მედია მონიტორინგის ანგარიში გამოაქვეყნა. ანგარიში მოიცავს 1–დან 31 აგვისტომდე პერიოდს.  ანგარიში წყარო:ორგანიზაციის გვერდი სოციალურ ქსელში

თბილისი. წამების მსხვერპლთა ფსიქოსოციალური და სამედიცინო რეაბილიტაციის ცენტრმა –GCRT და ფონდმა „მოლოდინი" უგზო–უკვლოდ დაკარგულთა საერთაშორისო დღესთან დაკავშირებით ღონისძიება გამართეს. შეხვედრას დაესწრნენ უგზო–უკვლოდ გაუჩინარებული პირთა ოჯახის წევრები, სტუმრები სამთავრობო და არასამთავრობო სექტორიდან. ღონისძიების მიზანია თანადგომა გაუწიოს ოჯახებს და ხელიშეუწყოს იმ ადამიანების ხსოვნას, ვისი ბედიც გაურკვეველია. ღონისძიება განხორციელდა წითელი ჯვრის საერთაშორისო კომიტეტის ხელშეწყობითა და საქართველოს წითელი ჯვრის მოხალისეებიის დახმარებით. წყარო:წამების მსხვერპლთა ფსიქოსოციალური და სამედიცინო რეაბილიტაციის ცენტრის გვერდი სოციალურ ქსელში

შიდა ქართლი. 4 სექტემბერს, ასოციაცია „გორის ინვალიდთა კლუბთან" არსებულმა გორის ახალგაზრდულმა ცენტრმა, გორის მუნიციპალიტეტში საკრებულოს და გამგეობის თანამშრომლებს გორის ახალგაზრდული ცენტრის პრეზენტაცია გაუმართეს. შეხვედრის მთავარი მიზანი იყო ადგილობრივი ხელისუფლებისათვის პროექტის გაცნობა, ახალგაზრდული ცენტრის საქმიანობა, პროექტის მიზნები და ამოცანები. წყარო:ეროვნული ინტეგრაციის გაძლიერება-გორის ახალგაზრდული ცენტრის გვერდი სოციალურ ქსელში

გურია. „საქართველოს დემოკრატიული განვითარების კავშირი" (სდგკ) პროექტის - „გაერთიანება წყლის მომხმარებელთა უფლებების დასაცავად" - ფარგლებში განაგრძობს ბინათმესაკუთრეთა ამხანაგობების ოფიციალურად დაფუძნების პროცესს.  26 აგვისტოსა და 2 სექტემბერს შემოსავლების სამსახურმა რეგისტრაციაში გაატარა, შესაბამისად, ოზურგეთის ვ. დოლიძის მრავალბინიან სახლში საცხოვრებელი და არასაცხოვრებელი ფართის მესაკუთრეთა ამხანაგობა და ოზურგეთის ნ. ნიკოლაძის  მრავალბინიან სახლში საცხოვრებელი და არასაცხოვრებელი ფართის მესაკუთრეთა ამხანაგობა. სულ პროექტის ფარგლებში ოზურგეთში ასეთი მინიმუმ 20 მრავალბინიანი საცხოვრებელი სახლის ბინათმესაკუთრეთა ამხანაგობის შექმნაა დაგეგმილი და გათვალისწინებული. სდგკ ამ პროექტს „გურიის მედიატორთა ასოციაციასთან" ერთად ახორციელებს კოალიციურ რეჟიმში, „აღმოსავლეთ-დასავლეთის მართვის ინსტიტუტის" (EWMI) ფინანსური მხარდაჭერით, ამერიკელი ხალხის მიერ „ამერიკის შეერთებული შტატების საერთაშორისო განვითარების სააგენტოს" (USAID) საშუალებით გაწეული დახმარებით.

თბილისი. 2013 წლის 1 სექტემბერს ძალაში შევიდა, საქართველოს მთავრობის  26 აგვისტოს №219 დადგენილება ,,საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ", რომელსაც პრემიერ-მინისტრმა ბიძინა ივანიშვილმა მოაწერა ხელი. ამის შესახებ ინფორმაცია ინფორმაციის თავისუფლების განვითარების ინსტიტუტმა გაავრცელა.  „დადგენილებაში ასახულია, IDFI-ის კოორდინირებით არასამთავრობო ორგანიზაციებისა და იუსტიციის სამინისტროს ანალიტიკური დეპარტამენტთან ერთად შემუშავებული მნიშვნელოვანი ინიციატივები.  დადგენილება შვიდი მუხლისგან შედგება, რომელიც განსაზღვრავს საჯარო ინფორმაციის გამოქვეყნების სტანდარტებს, საჯარო ინფორმაციის ელექტრონული ფორმით მოთხოვნის წესსა და პროაქტიულად გამოსაქვეყნებელი საჯარო ინფორმაციის ნუსხას". სრულად წყარო:ogpgeoblog.wordpress.com

თბილისი. საერთაშორისო გამჭვირვალობა საქართველომ ბლოგპოსტი – „უნდა მიეცეს თუ არა სალომე ზურაბიშვილს საპრეზიდენტო არჩევნებში მონაწილეობის უფლება" – გაავრცელა. „სალომე ზურაბიშვილს უფლება აქვს მიიღოს მონაწილეობა საპრეზიდენტო არჩევნებში. არც საარჩევნო კოდექსი და არც საქართველოს კონსტიტუცია არ მოითხოვს, რომ პრეზიდენტობის კანდიდატს ჰქონდეს მხოლოდ საქართველოს მოქალაქეობა", ნათქვამია ბლოგპოსტში. ორგანიზაციას ასევე მიაჩია, რომ სალომე ზურაბიშვილისთვის არჩევნებში მონაწილეობის უფლების არმიცემა 2013 წლის საპრეზიდენტო არჩევნებისადმი მოსახლეობის ნდობაზე ნეგატიურად იმოქმედებს. სრულად  წყარო: transparency.ge

თბილისი. სამოქალაქო საზოგადოების ორგანიზაციათა კოალიცია საქართველოს უსინათლოთა კავშირის ლიდერობით ახორციელებს პროექტს – „შეზღუდული შესაძლებლობის მქონე პირები ადამიანის უფლებათა დაცვის პროცესში". პროექტის ფარგლებში შეიქმნა ფეისბუქის გვერდზე სოციალური ჯგუფი – „შეზღუდული შესაძლებლობის მქონე პირები ადამიანის უფლებათა დაცვის პროცესში", რომლის მიზანია შშმპ უფლებების ადვოკატირება. შექმნილი ჯგუფი საშუალებას მოგცემთ თვალი ადევნოთ, უფლებადამცველების და დაინტერესებული პირების მოსაზრებებს ამ საკითხების შესახებ, რაც საშუალებას გაძლევთ ჩაეროთ დისკუსიაში. ჯგუფი წყარო:საქართველოს სოციალურ მუშაკთა ასოციაციის გვერდი სოციალურ ქსელში