იმერეთი. 8 სექტემბერს ქუთაისში ჰაინრიჰ ბიოლის ფონდის სამხრეთ კავკასიის რეგიონალურმა ბიურომ გამართა დისკუსია – „ევა თუ მარიამი?". დისკუსიას უძღვებოდა ილიას უნივერსიტეტის პროფესორი, დოქტორი თამთა ცოფურიშვილი. შეხვედრაზე განხლული იქნა ქრისტიანული სწავლების ის ასპექტები, სადაც ევა და მარიამი წარმოჩენილია როგორც ოპოზიცია, ბიბლიის ორი ურთიერთსაპირისპირო პერსონაჟი. ბიბლია კი ერთგვარი გზა, რომელიც ევასგან გათავისუფლებასა და მარიამისკენ, როგორც იდეალისკენ, სწრაფვაში ხედავს ხსნას. დისკუსია ჩატარდა პროექტის – „ვის ეშინია ფემინიზმის?" – ფარგლებში.  წყარო: ქუთაისის ახალგაზრდული ცენტრის გვერდი სოციალურ ქსელში

ბათუმი. 6 სექტემბერს, ახალგაზრდულმა ორგანოიზაციამ „არტ ვეი" და თვითმმართველ ქალაქ ბათუმის მერიის ახალგაზრდულ საქმეთა განყოფილებამ მაყურებელს ნიკო კილაძის პიესის მიხედვით დადგმული სპექტაკლი „დაუსრულებელი ისტორია" ბოლო ჩვენება გამართა.  პიესა 1900-იანი წლების ბათუმურ ისტორიებს მოგვითხრობს. ახალგაზრდა რეჟისორმა ოთარ ქათამაძემ ამჯერად კინოს ხერხებით დადგმული სპექტაკლით აახმაურა ბათუმის უბნები. აღნიშნული ღონისძიება პროექტის „ღია ახალგაზრდული თეატრის" ფარგლებში ჩატარდა, რომელიც სექტემბრის ბოლომდე გაგრძელდება და ბევრ საინტერესო სიახლეს შესთავაზებს ხელოვნების მოყვარულ ადამიანებს.

ქვემო ქართლი. 8 სექტემბერს, დმანისის ახალგაზრდული ცენტრის წევრებმა კალიგრაფიის კონკურსი ჩაატარეს, რომელიც წერა-კითხვის საერთაშორისო დღეს მიეძღვნა. კონკურსში მონაწილეობა არაქართულენოვანი სკოლების ოცმა მოსწავლემ მიიღო. კონკურსის დაწყებამდე კონკურსის იდეის ავტორმა წერა-კითხვის საერთაშორისო დღის შესახებ ისაუბრა და დამსწრეებს დმანისის ახალგაზრდული ცენტრის საქმიანობა გააცნო. კონკურსანტების ნამუშევრები შეაფასა ჟიურიმ. პირველი, მეორე და მესამე ადგილის მფლობელებს გადაეცათ სიმბოლური პრიზები.  კონკურსის მთავარი მიზანია-გავრცელდეს ინფორმაცია ქართული დამწერლობის განვითარების ისტორიისა და წერა-კითხვის საერთაშორისო დღის შესახებ ეთნიკური უმცირესობის წარმომადგენლების შორის, ახალგაზრდების ინტერესის გაზრდა მართლწერისა და კალიგრაფიის მიმართ. წყარო:ორგანიზაციის გვერდი სოციალურ ქსელში

8 სექტემბერი „წერა-კითხვისა და წიგნიერების საერთაშორისო დღე" ბათუმის, ახალციხისა და გორის ახალგაზრდულმა ცენტრებმა აღნიშნეს.  ქალაქებში ახალგაზრდებმა სხვადასხვა ღონისძიებები ჩაატარეს: პოეზიის საღამო, მხატვრული კითხვის კონკურსი, ფილმის ჩვენება.  ღონისძიებები განხორციელდა პროექტის – „ეროვნული ინტეგრაციის გაძლიერება საქართველოში" – ფარგლებში, რომელსაც ახორციელებს საქართველოს გაეროს ასოციაცია (UNAG) აშშ-ს საერთაშორისო განვითარების სააგენტოს (USAID) ფინანსური მხარდაჭერით. წყარო:ორგანიზაციის გვერდი სოციალურ ქსელში

გურია. გურიის ახალგაზრდული რესურსცენტრმა ყოფილი პატიმრების რესოციალიზაციის თემაზე ვიდეო–კლიპები მოამზადეს. კლიპები მომზადებულია პროექტის - „პირობითმსჯავრდებული ახალგაზრდებისა და არასრულწლოვნების რესოციალიზაციისა და რეინტეგრაციის ხელშეწყობა გურიის რეგიონში" - ფარგლებში. პროექტს გურიის ახალგაზრდული რესურსცენტრი ევროკავშირის ფინანსური მხარდაჭერით ახორციელებს. პროექტის პარტნორია საქართველოს დემოკრატიული განვითარების კავშირი. წყარო:ორგანიზაციის გვერდი სოციალურ ქსელში

სამეგრელო. 8 სექტემბერს, პროექტის – „საზოგადოების ჩართულობა დემოკრატიული თვითმმართველობისათვის" – ფარგლებში   მორიგი შეხვედრები გაიმართა ზუგდიდის მუნიციპალიტეტის სოფლების რუხის, რიყესა და ჩხორიას მოსახლეობასთან.  შეხვედრაზე მიმოხილულ იქნა ადგილობრივი თვითმმართველობის, მოქალაქეთა ჩართულობისა და თვითმმართველობის დაგეგმილი რეფორმის ძირითადი საკითხები. პროექტის წარმომადგენლებმა მოიკვლიეს კონკრეტულ თემში არსებული პრობლემები, რომლებიც გათვალისწინებულ იქნება ზუგდიდის მუნიციპალიტეტის გამგეობის, საკრებულოსა და სხვა უწყებებისათვის შესათავაზებელ რეკომენდაციებში.  შეხვედრები ტარდება ასოციაცია „ათინათის", „საერთაშორისო გამჭვირვალობა-საქართველოს" ზუგდიდის ოფისისა და „სამოქალაქო მონიტორინგისა და კვლევების ცენტრის" კოალიციური პროექტის ფარგლებში. წყარო:ორგანიზაციის გვერდი სოციალურ ქსელში

იმერეთი. 7 სექტემბერს ქუთაისის ახალგაზრდული ცენტრის წევრებმა ცენტრში გაწევრიანებული ახალგაზრდების მშობლებისათვის ქუთაისის ახალგაზრდული ცენტრის პრეზენტაცია გამართეს. პრეზენტაციის მიზანს წარმოადგენდა მშობლების ინფორმირება ეროვნული ინტეგრაციის გაძლიერების პროექტის მიზნების და ამოცანების შესახებ. მომხსენებლებმა ისაუბრეს ქუთაისის ახალგაზრდული ცენტრის პრიორიტეტების, სტრუქტურის, განხორციელებული ღონისძიებების და მიღწეული შედეგების, სტატისტიკური მონაცემების და სამომავლო საქმიანობების შესახებ. პრეზენტაციის დასრულების შემდეგ შეხვედრა კითხვა-პასუხის რეჟიმში წარიმართა. პრეზენტაცია ორგანიზებული იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

გურია. ადამიანის უფლებების სწავლებისადა მონიტორინგის ცენტრმა საჯარო დისკუსიების ციკლის ფარგლებში 3 სექტემბერს დისკუსია ოზურგეთში ჩაატარა. ღონისძიების მიზანია მოსახლეობის ცნობიერების ამაღლება,ასევე მათი ჩართვა სისხლის სამართლის რეფორმაში. დისკუსიის თემა სასამართლო რეფორმას და მისი დამოუკიდებლობის გარანტიებს შეეხო: „მოსამართლის დამოუკიდებლობის გაძლიერება გრძელვადიანი სასამართლო რეფორმის ფარგლებში". დისკუსიას დაესწრენენ როგორც ადგილობრივი მაცხოვრებლები, ასევე სხვადასხვა ორგანიზაციის თუ გაერთიანებების წარმომადგენლები. წყარო:ორგანიზაციის გვერდი სოციალურ ქსელში 

სამეგრელო. ასოციაცია „ათინათის" სააქტო დარბაზში გაიმართება კვლევის – „ონარიის დასახლების სოციალურ-ეკონომიკური და ინფრასტრუქტურული მდგომარეობის ანალიზი" – პრეზენტაცია. კვლევა მომზადებულია „სამოქალაქო მონიტორინგისა და კვლევების ცენტრის" მიერ, კოალიციური პროექტის „საზოგადოების ჩართულობა დემოკრატიული თვითმმართველობისათვის" ფარგლებში, „ევრაზიის თანამშრომლობის ფონდის" მხარდაჭერით. კვლევა  წყარო:სამოქალაქო მონიტორინგისა და კვლევების ცენტრის გვერდი სოციალურ ქსელში

არასამთავრობო ორგანიზაცია „განვითარებისა და დემოკრატიის ცენტრი" პროექტის „ახალგაზრდების ჩართულობის  გაძლიერება საარჩევნო პროცესებში" – ფარგლებში მართავს მრგვალ მაგიდებს ახალგაზრდებთან. შეხვედრებზე განიხილება დემოკრატიის, ადამიანის უფლებების, აქტიური მოქალაქეობის, არჩევნების მნიშვნელობის, საკუთარი უფლებება – მოვალეობებისა და სხვა აქტუალურ საკითხები.  შეხვედრების თარიღი ქალაქი: ახალციხე შეხვედრის ადგილი: დემოკრატიული ჩართულობის ცენტრი (USAID) შეხვედრის თარიღი და დრო: 9 სექტემბერი, 13:00 სთ. ქალაქი: გორი შეხვედრის ადგილი: დემოკრატიული ჩართულობის ცენტრი (USAID) შეხვედრის თარიღი და დრო: 14 სექტემბერი, 11:00 სთ. ქალაქი: ქუთაისი შეხვედრის ადგილი: დემოკრატიული ჩართულობის ცენტრი (USAID) შეხვედრის თარიღი და დრო: 14 სექტემბერი, 15:30 სთ. ქალაქი: ზუგდიდი შეხვედრის თარიღი და დრო: 15 სექტემბერი ქალაქი: ფოთი შეხვედრის თარიღი და დრო: 15 სექტემბერი ქალაქი: ბათუმი შეხვედრის ადგილი: დემოკრატიული ჩართულობის ცენტრი (USAID) შეხვედრის თარიღი და დრო: 15 სექტემბერი, 11:00 სთ.  ქალაქი: ოზურგეთი შეხვედრის ადგილი: დემოკრატიული ჩართულობის ცენტრი (USAID) შეხვედრის თარიღი და დრო: 16 სექტემბერი, 16:00 სთ. წყარო: პროექტის გვერდი სოციალურ ქსელში

აჭარა. 5 სექტემბერს, „არტ ვეიმ"  პროექტის  – „სემინარები ხელოვნების მიმართულებით" – ფარგლებში პირველი სემინარი ჩატარდა, რომელიც თეატრმცოდნე ლაშა ჩხარტიშვილმა 40 -მდე ახალგაზრდას ბათუმის ხელოვნების უნივერსიტეტში წაუკითხა. სემინარის თემა - „სექსი და სიყვარული ქართულ და ევროპულ თეატრში" პროექტის მონაწილეებისთვის ძალიან საინტერესო აღმოჩნდა. პროექტში ჩართულია 200 მდე ახალგაზრდა, რომლებიც კიდევ სამი მიმართულებით: ფოტოგრაფია, ფსიქოლოგია და ლიტერატურა მოისმენენ სემინარებს. პროექტის მიზანია ახალგაზრდებში არაფორმალური განათლებისა და ხელოვნეის პოპულარიზაცია. პროექტის ფინანსური მხარდამჭერია აჭარის სპორტისა და ახალგაზრდობის საქმეთა დეპარტამენტი.

თბილისი. „სამეურვეო საბჭოს თავმჯდომარე საზოგადოებრივ მაუწყებელში არსებულ კრიზისთან დაკავშირებით პარლამენტის წინაშე უნდა წარსდგეს", განცხადება საერთაშორისო გამჭვირვალობა საქართველომ ვებ–გვერდზე განათავსა. „მიგვაჩნია, რომ, ფართო საზოგადოებრივი დისკუსიის წარმართვის მიზნით, პარლამენტმა სამეურვეო საბჭოს თავმჯდომარე უახლოეს დღეებში უნდა მიიწვიოს სხდომაზე და მაუწყებელში არსებული მდგომარეობის შესახებ ანგარიში მოსთხოვოს. ამასთან, პარლამენტმა უნდა მოისმინოს, თუ რა გზებით აპირებს სამეურვეო საბჭო მაუწყებელში არსებული კრიზისის დაძლევას".  სრულად წყარო: transparency.ge

თბილისი. 6 სექტემბერს, არასამთავრობო ორგანიზაცია „ჰელფინგ ჰენდის" ორგანიზებით მოხალისეობის საკითხებთან დაკავშირებით ღონისძიება გაიმართა. შეხვედრას დედაქალაქსა და რეგიონებში მოქმედი 32 არასამთავრობო ორგანიზაციის წარმომადგენელი დაესწრო. ღონისძიების ფარგლებში გაიმართა სახელმძღვანელოს – „მოხალისეთა ეფექტური მართვისა და მობილიზაციის მეთოდები" – პრეზენტაცია, მოხალისეთა სამართლებრივი ასპექტების განხილვა, ტრენინგი მოხალისეთა რეკრუტირებისა და მართვის შესახებ, კვლევის –„ახალგაზრდების დამოკიდებულება მოხალისეობისადმი" – შედეგების პრეზენტაცია.  ღონისძიება გაიმართა პროექტის – „მოხალისეობის განვითარება სამოქალაქო ცვლიბებისათვის" – ფარგლებში ევრაზიის თანამშრომლობის ფონდის მხარდაჭერით.

თბილისი. ადამიანის უფლებების სწავლებისა და მონიტორინგის ცენტრმა გიორგი დავითურის ბლოგპოსტი – „ორმაგი მოაქალაქეობის მქონე პირის საპრეზიდენტო არჩევნებში მონაწილეობის უფლება: კონსტიტუციური ასპექტები" – გამოაქვეყნა. „2014 წლამდე შემდგარ საპრეზიდენტო არჩევნებში გამონაკლისის წესით მონაწილეობისა და არჩევის უფლება, ევროკავშირის წევრი სახელმწიფოს მოქალაქესთან (რომელიც არ არის საქართველოს მოქალაქე) ერთად, გააჩნია ორმაგ მოქალაქეს, რომელიც იმავდროულად აკმაყოფილებს 1044მუხლით დადგენილ სხვა პირობებს (საქართველოს მოქალაქეობასთან ერთად ევროკავშირის მოქალაქეობა, ბოლო 5 წლის განმავლობაში მუდმივად საქართველოში ცხოვრება და საქართველოში დაბადების ფაქტი), ხოლო პრეზიდენტობის კანდიდატი, რომელიც ამორიცხულია ხსენებული ნორმის სუბიექტებიდან, უნდა აკმაყოფილებდეს საქართველოს კონსტიტუციით, საქართველოს სახელმწიფო მეთაურისთვის დაწესებულ ყოველ მოთხოვნას", ნათქვამია ბლოგპოსტში.  სრულად წყარო: emcrights.wordpress.com

თბილისი. 13 ივნისს საქართველოს პარლამენტში ინიცირებულ სამ კონსტიტუციური კანონის პროექტთან დაკავშირებით საიამ ვრცელი წერილობითი დასკვნა საქართველოს პარლამენტს წარუდგინა.  დასკვნა წყარო:gyla.ge

იმერეთი.8 სექტემბერს ჰაინრიჰ ბიოლის ფონდის სამხრეთ კავკასიის რეგიონალური ბიურო გამართავს მესამე ღია ლექციას – „ევა თუ მარიამი?". ლექციას  თათა ცოფურაშვილი, ილიას სახელმწიფო უნივერსიტეტის ასოცირებული პროფესორი, წაიკითხავს. ლექცია ჩატარდება ჰაინრიჰ ბიოლის ფონდის სამხრეთ კავკასიის რეგიონალური ბიუროს 2013 წლის პროექტის – „ვის ეშინია ფემინიზმის?" – ფარგლებში.  ლექციის შემდეგ მონაწილეებს საშუალება ექნებათ დისკუსია გამართონ. სრულად  წყარო:ორგანიზაციის გვერდი სოციალურ ქსელში

თბილისი. „მოდულის შენობაში მოქალაქეთა პირადი ცხოვრების ამსახველი, უკანონოდ მოპოვებული და შინაგან საქმეთა სამინისტროში დაცული ვიდეოარქივი, რომელიც 110 კომპაქტური დისკისგან შედგებოდა, საბოლოოდ განადგურდა", ინფორმაცია საერთაშორისო გამჭვირვალობა საქართველომ სოციალურ ქსელში გაავრცელა. სრულად:ორგანიზაციის გვერდი სოციალურ ქსელში

ქვემო ქართლი. 5 სექტემბერს, სიქას ადგილობრივმა და უცხოელმა მოხალისეებმა რუსთავის სამოქალაქო კლუბების აქტიურ წევრებთან ერთად ქველმოქმედების საერთაშორისო დღეა ქციით – „გახდი ქველმოქმედი" – აღნიშნეს. სამოქალაქო კლუბების წევრებმა რუსთავის სოციალური მომსახურების სააგენტოსთან თანამშრომლობით რამდენიმე ოჯახი შეარჩიეს, რომლებსაც დახმარება ყველაზე მეტად სჭირდებათ. აქციის მონაწილეებმა რუსთავის მოსახლეობას პოსტერებითა და ფლაერებით მოუწოდეს საქველმოქმედო აქციაში მონაწილეობისკენ, რათა ერთად დაეხმარონ აღნიშნულ ოჯახებს. აქცია მიმდინარე თვის განმავლობაში გაგრძელდება. მონაწილეობის მიღება ნებისმიერ მსურველს შეუძლია.  სრულად წყარო:ორგანიზაციის გვერდი სოციალურ ქსელში

თბილისი. „საქართველოს ახალგაზრდა კონსტიტუციონალისტთა ასოციაცია" ეხმიანება იაშვილის სახელობის ბავშვთა ცენტრალურ საავადმყოფოში განვითარებულ მოვლენებს, კერძოდ, „უცხოელი ინვესტორის მხრიდან მედ-პერსონალის უფლებების დარღვევის უხეშ ფაქტებზე გავრცელებულ ინფორმაციას. ასოციაციის წევრები ვაცნობიერებთ, თუ რამდენად მნიშვნელოვანია ქვეყნის სამომავლო ეკონომიკური განვითარებისთვის ინვესტიციების ინტენსიური შემოდინება, თუმცა, ამავდროულად, დაუშვებლად მივიჩნევთ ყოველგვარ კომპრომისს მოქმედი კანონმდებლობისა და ეროვნული ინტერესების საზიანოდ", ნათქვამია ორგანიზაციის გვერდზე სოციალურ ქსელში. ასოციაციის წევრები მოუწოდებენ უცხოელ ინვესტორებს პატივი სცენ და ზედმიწევნით დაიცვან საქართველოს კონსტიტუციასა და კანონმდებლობაში რეგლამენტირებული ნორმები.  ამასთან, „საქართველოს ახალგაზრდა კონსტიტუციონალისტთა ასოციაცია" გამოთქვამს მზადყოფნას, საჭიროებისამებრ, გაუწიოს უცხოელ ინვესტორებს უფასო იურიდიული კონსულტაცია ეროვნულ კანონმდებლობასთან დაკავშირებით. სრულად წყარო:ორგანიზაციის გვერდი სოციალურ ქსელში

შიდა ქართლი. 5 სექტემბერს, ასოციაცია „გორის ინვალიდთა კლუბთან" არსებულმა გორის ახალგაზრდულმა ცენტრმა ქველმოქმედების დღე აღნიშნა. ცენტრის ახალგაზრდებმა უკიდურეს საზღვრისპირა სოფელში მცოვრები მრავალშვილიანი ოჯახი მოინახულეს, რომელიც სიღარიბის ზღვარს ქვემოთ იმყოფებიან. ასევე ახალგაზრდები სოფელ ტინისხიდში მცხოვრებ მრავალშვილიან ოჯახს ესტუმრნენ. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი".  წყარო:ორგანიზაციის გვერდი სოციალურ ქსელში

6 სექტემბერს, 15:00 საათზე, არასამთავრობო ორგანიზაცია „პოზიტივის" დირექტორი გურამ ადამაშვილი ლიტერატურული კონკურსი „კალამის" ჟიურის წევრებთან ერთად, რატი ამაღლობელთან, თეონა დოლენჯაშვილთან და დავით ტურაშვილთან ერთად პროექტის მიმდინარეობის შესახებ განცხადებას გააკეთებს. მისამართი:თბილისი, პრაიმტაიმის პრესკლუბი

6 სექტემბერს, 10:00 საათზე,  „ჰელფინგ ჰენდი" სამოქალაქო ორგანიზაციებისათვის მოხალისეობის საკითხებთან დაკავშირებით ღონისძიებას გამართავს. ღონისძიებას დედაქალაქსა და რეგიონებში მოქმედი 32 არასამთავრობო ორგანიზაციის წარმომადგენელი დაესწრება. მისამართი:თბილისი, საქართველოს პარლამენტის ეროვნული ბიბლიოთეკის საკონფერენციო დარბაზი.