3 სექტემბერს, 11:30 საათზე, „უფლებადამცველთა გაერთიანება", „ახალგაზრდა ფინანსისტთა და ბიზნესმენთა ასოციაცია" და „ახალგაზრდა ადვოკატები" პრესკონფერენციას გამართავენ. თემა: არასამთავრობოების კონკრეტული წინადადება პრემიერ–მინისტრს, მის ღია წერილთან დაკავშირებით. მისამართი:თბილისი, მცხეთის 9, for.ge-ის პრესკლუბი

აჭარა. ბათუმობის ფარგლებში „სამოქალაქო საზოგადოების ინსტიტუტმა" საზოგადოებას - არქიტექტორებს, ურბანისტებს, თვითმმართველობის წარმომადგენლებს, საზოგადოებრივ ორგანიზაციებს და უბრალოდ ბათუმელებს თვითმმართველი ქალაქი ბათუმის ურბანული განვითარების სტრატეგიული გეგმა წარუდგინა. „სამოქალაქო საზოგადოების ინსტიტუტი" აღნიშნულ დოკუმენტზე მაისის თვიდან მუშაობს. მოწვეულმა ურბანული დაგეგმარების სპეციალისტებმა, ადგილობრივ კოლეგებთან, საკრებულოსა და მერიის სპეციალისტებთან თანამშრომლობით შეიმუშავეს ქალაქის ურბანული განვითარების სტრატეგიული გეგმა. პრეზენტაციამდე, ბათუმის ხელოვნების უნივერსიტეტის ეზოში მოეწყო არქიტექტურული პროექტების გამოფენა. ღონისძიების დასასრულს თვითმმართველი ქალაქი ბათუმის ურბანული განვითარების სტრატეგიული გეგმა გადაეცა თვითმმართველი ქალაქი ბათუმის საკრებულოს. ბათუმის ურბანული განვითარების სტრატეგიული გეგმა

თბილისი. საერთაშორისო ასოციაცია კივიტას გეორგიკამ ფილმი – „სკოლამდე" – გადაიღო. ფილმში საუბარია ალტერნატიული სკოლამდელი განათლების ცენტრების მნიშვნელობაზე. ფილმი მომზადებულია გაეროს ბავშვთა ფონდის მიერ დაფინანსებული პროექტის – „ალტერნატიული სკოლამდელი განათლება საქართველოში" – ფარგლებში.   ფილმი   

აჭარა. 30 აგვისტოს ასოციაცია „ღირსეული სიბერეს" ხანდაზმულთა სოციალურ ცენტრში  მრგვალი მაგიდის სხდომა გაიმართა, რომელზეც განიხილეს ორგანიზაციის ბენეფიციართა მიერ შემოტანილი განცხადებების საფუძველზე წლების მანძილზე სხვადასხვა სახელისუფლებო სტრუქტურებში დაყენებული და დღემდე გადაუჭრელი ორი საკითხი.   ასოციაციის თანამშრომლებთან ერთად მრგვალი მაგიდის მუშაობაში მონაწილეობდნენ ადგილობრივი ხელისუფლების წარმომადგენლები, ჯანმრთელობისა და სოციალური დაცვის კომიტეტის თავმჯდომარე და ქობულეთის მუნიციპალიტეტის საკუთრების აღიარების კომისიის წევრი მამუკა ცეცხლაძე, ამასთან სპეციალისტი აზომვითი ნახაზების საკითხთთან მიმართებაში მამუკა გოლიაძე.  მრგვალ მაგიდაზე საკითხების განხილვამ წარმოაჩინა ის ხარვეზები და მიზეზები, რომელთა გამოც პრობლემების გადაწყვეტა დროში გაიწელა, აქვე დაისახა გზები, რომლის ამოქმედებითაც პრობლემების მოგვარება რეალურად შესაძლებელი გახდება. წყარო:ორგანიზაციის გვერდი სოციალურ ქსელში

თბილისი. საარჩევნო საკითხებზე მომუშავე არასამთავრობო ორგანიზაციებმა პრეზიდენტს ცენტრალური საარჩევნო კომისიის თავმჯდომარის ვაკანტურ თანამდებობაზე თამარ ჟვანიას კანდიდატურა ოფიციალურად წარუდგინეს. „იმედს გამოვთქვამთ, რომ თქვენ მხარს დაუჭერთ წარმოდგენილი არასამთავრობო ორგანიზაციების არჩევანს და საქართველოს ცენტრალურ საარჩევნო კომისიას ქალბატონი თამარ ჟვანიას კანდიდატურას წარუდგენთ", ნათქვამია მიმართვაში. სრულად წყარო:საერთაშორისო გამჭვირვალობა – საქართველოს გვერდი სოციალურ ქსელში

თბილისი. კონსტიტუციის 42-ე მუხლი ეხმიანება იაშვილის სახელობის კლინიკის მედპერსონალის განცხადებას. „მედპერსონალის განცხადებით იაშვილის კლინიკაში სიტუაცია მას შემდეგ დაიძაბა, რაც აღნიშნული კლინიკა "უნივერსალ ჰოსპიტალ გრუპმა" შეიძინა, მათივე ინფორმაციით აღნიშნული „კომპანიის წარმომადგენელი თექინ ატიკი, მედპერსონალს უდიერად და უხეშად ექცევა, ხშირად იაშვილის კლინიკაში ნასვამ მდგომარეობაში მიდის, მედპერსონალს უკრძალავს ჯვრის ტარებას, ხოლო კედლებიდან ხატების ჩამოხსნას ითხოვს.  როგორც ექიმები აცხადებენ, თექინ ატეკმა რამდენიმე თანამშრომელი კაბინეტში დაიბარა და ინტიმური ურთიერთობის სანაცვლოდ ხელფასის გაორმაგება შესთავაზა". ორგანიზაცია მიმართავს კლინიკის მფლობელ კომპანიას - „უნივერსალ ჰოსპიტალ გრუპს", ასევე საქართველოს შრომის, ჯანმრთელობისა და სოციალური დაცვისა და შინაგან საქმეთა სამინისტროებს და სათანადო რეაგირებას თხოვს. კონსტიტუციის 42-ე მუხლი მიიჩნევს, რომ კლინიკაში მომუშავე მედიკოსთა განცხადებებში იკვეთება სავარაუდო დანაშაულის ნიშნები და საჭიროა მათი დროული გამოძიება და მომხდარზე შესაბამისი რეაგირება. სრულად  წყარო:ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა კოკა კიღურაძის ბლოგი – საერთაშორისო პრაქტიკაში არსებული საარჩევნო სისტემების დადებით და უარყოფით მხარეებზე – გამოაქვეყნა. „სუვერენული სახელმწიფოებისთვის საარჩევნო სისტემის არჩევა საკმაოდ პრივატულ საკითხს და ქვეყნის პოლიტიკური ძალების კონსესუსის საგანს წარმოადგენს, მაგრამ არსებობს საერთაშორისოდ აღიარებული ზოგადი პრინციპები, რომელიც გათვალიწინებული უნდა იყოს", ნათქვამია ბლოგში. სრულად წყარო:emcrights.wordpress.com

თბილისი. Mediamoitor.ge-ზე წინასაარჩევნო მედია მონიტორინგის მორიგი შედეგები გამოქვეყნდა. 17 ივლისი – 17 აგვისტოს ანგარიში მოიცავს სატელევიზიო არხების, რადიო საშუალებების, ბეჭდური მედიისა და ონლაინ მედია საშუალებების მონიტორინგს.  წინასაარჩევნო მედია მონიტორინგი ხორციელდება ევროკავშირისა და გაეროს განვითარების პროგრამის მიერ დაფინანსებული პროექტის "პროფესიონალური მედია არჩევნებისთვის" ფარგლებში. პროგრამის მთავარი მიზანია საპარლამენტო და საპრეზიდენტო არჩევნების პერიოდში, პროფესიული, მიუკერძოებელი და დაბალანსებული მედია გაშუქების ხელშეწყობა მონიტორინგის გზით. ანგარიში  წყარო:mediamonitor.ge

თბილისი. 29 აგვისტოს ინფორმაციის  თავისუფლების განვითარების ინსტიტუტმა (IDFI) მორიგი საჯარო დისკუსია გამართა. დისკუსიაზე წარმოდგენილ იქნა USAID "G-3" პროგრამის ფარგლებში მიმდინარე კოალიციური პროექტის კონსორციუმის წევრების მიერ მომზადებული რეკომენდაციების პრეზენტაცია: „საჯარო ინფორმაციის ხელმისაწვდომობის საკანონმდებლო მექანიზმების გაუმჯობესების შესახებ." აღნიული რეკომენდაციების პაკეტის შემუშავება ,,ინფორმაციის თავისუფლების განვითარების ინსტიტუტის" (IDFI), ,,ადამიანის უფლებების სწავლებისა და მონიტორინგის ცენტრის" (EMC), ,,საერთაშორისო გამჭვირვალობა საქართველოსა" (TI-G) და  დამოუკიდებელი ექსპერტების აქტიური ჩართულობით მიმდინარეობს.  რეკომენდაციების შემუშავების მიზანია საქართველოში ინფორმაციის თავისუფლების საკანონმდებლო სტანდარტების სრულყოფა. სარეკომენდაციო პაკეტში განსაზღვრულია სპეციალური საზედამხედველო ორგანოს შექმნა, რომლის ფუნქციებში გაწერილი  იქნება როგორც საზედამხედვლო და საჯარიმო უფლებამოსილებები, ისე საგანმანათლებლო მიზნები.  სრულად წყარო: www.idfi.ge

კახეთი. 5 ოქტომბერს სათემო განვითარების ცენტრი და სათემო კავშირი „ნუკრიანი" ხალხური რეწვისა, კულინარიისა და შემოქმედების ფესტივალს – „ნუკრიანი 2013" – გამართავენ.  ღონისძიებაზე შედგება ტრადიციული რეწვის ნიმუშებისა და ნუკრიანის სახელოსნოების გამოფენა–გაყიდვა, ფოლკლორული ანსამბლების კონცერტი, აგრობაზარი, კულინარია. ფესტივალი წყარო:ორგანიზაციის გვერდი სოცალურ ქსელში

თბილისი. „სამართლიანი არჩევნებისა და დემოკრატიის საერთაშორისო საზოგადოება" კიდევ ერთხელ გამოთქვამს შეშფოთებას სოფელ ჭელაში განვითარებული მოვლენების გამო და მიიჩნევს, რომ მეჩეთის მინარეთის მოშლით და ადგილობრივი მოსახლეობის მიმართ გადამეტებული ძალის გამოყენებით დაირღვა საქართველოს კონსტიტუციით, კანონმდებლობითა და საერთაშორისო ნორმებით გათვალისწინებული მოქალაქეთა უფლებები", ნათქვამია გავრცელებულ განცხადებაში. ორგანიზაცია რეკომენდაციებით მიმართავს  სხვადასხვა უწყებებს და მოუწოდებს, იმოქმედონ მათი კომპეტენციის ფარგლებში, რათა უზრუნველყონ საქართველოს განურჩევლად ყველა მოქალაქის კონსტიტუციური უფლებების თანაბარი დაცვა. სრულად  წყარო: isfed.ge

თბილისი. 29 აგვისტოს თბილისის ადამიანის უფლებათა სახლში ჩატარდა სამუშაო შეხვედრა რეგიონალური და ადგილობრივი ჟურნალისტებისთვის. შეხვედრა ორგანიზებული იყო წამების მსხვერპლთა ფსიქოსოციალური და სამედიცინო რეაბილიტაციის ცენტრისა და წითელი ჯვრის საერთაშორისო კომიტეტის მიერ. ჟურნალისტები გაეცნენ საქართველოში უგზო–უკვლოდ დაკარგულ პირთა ოჯახების ფსიქოსოციალურ და სამართლებრივ მდგომარეობას, სამიზნე ჯგუფის პრობლემების გაშუქების სპეციფიკას.  ასევე პრაქტიკული ტურის ფარგლებში, ვორქშოპის მონაწილე ჟურნალისტები დაესწრებიან და გააშუქებენ 30 აგვისტოს – უგზო–უკვლოდ დაკარგულ პირთა საერთაშორისო დღის ღონისძიებას. წყარო:წამების მსხვერპლთა ფსიქოსოციალური და სამედიცინო რეაბილიტაციის ცენტრის გვერდი სოციალურ ქსელში

სამეგრელო. ქალთა საინფორმაციო ცენტრის ორგანიზებით ანაკლიაში ტრენინგი – „გაეროს უშიშროების საბჭოს რეზოლუცია 1325 და იმპლემენტაცია ეროვნულ დონეზე" – ტარდება. ტრენინგს ესწრებიან  ზუგდიდისა და სამტრედიის რაიონების ადგილობრივი თვითმმართველობების წარმომადგენლები, ასევე ფონდი „ტასოს" სათემო მუშაკები ამავე რაიონებიდან. მონაწილეები გაეცნენ გაეროს უშიშროების საბჭოს რეზოლუციას 1325 და 2012-2015 წლების სამოქმედო გეგმას. სათემო მუშაკებმა წარმოადგინეს სოფლებში არსებული პრობლემები. ტრენინგის ნაწილი ეთმობა გენდერის ცნების მიმოხილვას, საჯარო ინფორმაციის გაცემის საკითხს და „ერთი ფანჯრის" პრინციპის მეთოდოლოგიის გაცნობას.  ტრენინგი 31 აგვისტოს დაიწყო და 3 სექტემბერს დასრულდება. ტრენინგი ტარდება პროექტის –„ქალები თანასწორობის, მშვიდობისა და განვითარებისათვის საქართველოში" – ფარგლებში. წყარო:ორგანიზაციის გვერდი სოციალურ ქსელში

თბილისი. ორგანიზაცია „დრონის" ორგანიზებით 18-დან 25 სექტემბრის ჩათვლით, ქობულეთში გაიმართება ახალგაზრდული გაცვლა "Break the Monotony-Express yourself through Graffiti". პროექტის მთავარი მიზანი არის გრაფიტის პოპულარიზება, მასთან არსებული სტეროტიპების დამსხვრევა და ქობელეთის სანაპიროს გამხიარულება და გამრავალფეროვნება. პროექტში მონაწილეები იქნებიან ევროპის სხვადასხვა ქვეყნებიდან. საკონტაქტო ელექტრონული ფოსტა:sopiogogsadze@yahoo.com წყარო:ორგანიზაციის გვერდი სოციალურ ქსელში

თბილისი. ორგანიზაცია მარიანი აგრძელებს პროექტს – „აუდიწიგნები უსინათლო ბავშვებისათვის". 2 სექტემბრიდან ორგანიზაცია იწყებს მეტყველების ტრენინგის მეორე ეტაპს. 1 სექტემბერს მოეწყო სამუშაო შეხვედრა პროექტის მონაწილეებთან ეთნოგრაფიულ მუზეუმში, რომელზეც მონაწილეებმა თავიანთი გამოცდილებისა და შთაბეჭდილებების შესახებ ისაუბრეს. შეხვედრაზე ტრენერმა მონაწილეებს გააცნო ტრენინგის და მუშაობის სპეციფიკა, წყარო:ორგანიზაციის გვერდი სოციალურ ქსელში

იმერეთი. სამეცნიერო-ინტელექტუალური კლუბი „თაობათა დიალოგი" 31 სექტემბერი-9 ოქტომბერი ატარებს  ტრენინგს მოხალისეობის თემაზე. ტრენინგში 13 ქვეყნის წარმომადგენელი იღებს მონაწილეობას. ღონისძიება ტარდება პროგრამის – „ახალგაზრდობა მოქმედებაში" – ფარგლებში.  წყარო:ორგანიზაციის გვერდი სოციალურ ქსელში

თბილისი. ბავშვთა და ახალგაზრდობის ფონდის მიერ გამოცხადებული იდეები კონკურსის ფარგლებში საპროექტო წინადადებების მიღება დასრულდა. ამ ეტაპზე შემოსული 230 ინიციატივის განხილვა მიმდინარეობს. ინფორმაცია დაფინანსებული იდეების შესახებ განთავსდება ფონდის ვებ-გვერდზე: www.fondi.gov.ge. წყარო:ორგანიზაციის გვერდი სოციალურ ქსელში

შიდა ქართლი. საზოგადოება „ბილიკის" ჟურნალისტიკის კლუბის წევრები გორელ ახალგაზრდა შემოქმედ დავით ლომაიას შეხვდნენ. შეხვედრა არაფორმალურ გარემოში - გორის ციხეზე მოეწყო. პოეტმა ახალგაზრდებთან ისაუბრა თავის შემოქმედებაზე, სამომავლო გეგმებზე, ახალგაზრდულ თემებსა და აქტუალურ საკითხებზე. წაიკითხა რამდენიმე გამორჩეული ლექსი თავისივე კრებულიდან. შეკრებილებს საკუთარი ლექსები წარუდგინა კლუბის ერთ-ერთმა წევრმაც. შეხვედრა პროექტ – „თანადგომის" – ფარგლებში მოეწყო. წყარო:ორგანიზაციის გვერდი სოციალურ ქსელში

აჭარა. 30 აგვისტოს სოფელ ზედა ჩხუტუნეთში ბათუმის ახალგაზრდული ცენტრის წევრებმა ჩაატარეს თანატოლგანმანათლებელთა ტრენინგი ტოლერანტობაზე. ტრენინგის შემდეგ მოინახულეს მაჭახელას ისტორიულ-ეთნოგრაფიული მუზეუმი.  აქტივობა განხორციელდა პროექტის –„ეროვნული ინტეგრაციის გაძლიერება საქართველოში" –ფარგლებში, რომელსაც ახორციელებს საქართველოს გაეროს ასოციაცია აშშ-ს საერთაშორისო განვითარების სააგენტოს ფინანსური მხარდაჭერით. წყარო:ორგანიზაციის გვერდი სოციალურ ქსელში

2 სექტემბერს, 12:00 საათზე სამოქალაქო საზოგადოების ინსტიტუტი თვითმმართველი ქალაქ ბათუმის ურბანული განვითარების სტრატეგიული გეგმის პრეზენტაციას გამართავს. ღონისძიება დაიწყება არქიტექტურული პროექტების გამოფენით. მისამართი:ბათუმი, ხელოვნების უნივერსიტეტი

2 სექტემბერს, 11:30 საათზე, არასამთავრობო ორგანიზაციების: ,,ევროპულ-დემოკრატიული ცენტრის" და ,,საზოგადოებრივი ინიციატივების გაერთიანების ცენტრის" ლიდერები ბრიფინგს გამართავენ. თემა: აფხაზეთის ავტონომიური რესპუბლიკის კონსტიტუციაში ცვლილებების კანონდარღვევით შეტანა.  მისამართი:თბილისი, მცხეთის 28, რეი ლაით TV-ის პრესკლუბი

თბილისი. ინფორმაციის თავისუფლების განვითარების ინსტიტუტმა რეგისტრირებული პრეზიდენტის კანდიდატების მიერ ცესკო-ში წარდგენილი დოკუმენტაცია გამოაქვეყნა. ინსტიტუტმა ვებ–გვერდზე საქართველოს ცენტრალური საარჩევნო კომისიიდან მიღებული დღეის მდგომარეობით რეგისტრირებული პრეზიდენტის კანდიდატების - შალვა ნათელაშვილისა და მიხეილ სალუაშვილის მიერ საპრეზიდენტო არჩევნებში დასარეგისტრირებლად წარდგენილი დოკუმენტაციის ასლები განათავსა. სრულად წყარო: opendata.ge