თბილისი. ორგანიზაცია „იდენტობამ" ვიდეო–რეპორტაჟი –„სანამ მინარეთი დაუბრუნებიათ" –გაავრცელა. რეპორტაჟში აღწერილია ქართველ მუსლიმთა აქციები ახალციხეში. ვიდეო რეპორტაჟი წყარო:ორგანიზაციის გვერდი სოციალურ ქსელში

29 აგვისტოს, 19:00 საათზე, არასამთავრობოთა კოალიცია „საზოგადოებრივი ინიციატივას" და პოეტ ზურა სალუქვაძის ორგანიზებით, პროექტ „პოეტური საქართველოს" ფარგლებში, ღონისძიება გაიმართება. მისამართი:ქობულეთი, ქობულეთის პარკში მდებარე ამფითეატრი

29 აგვისტოს, 14:00 საათზე, ორგანიზაცია „ახალგაზრდა ადვოკატები" ბრიფინგს გამართავს. თემა: „შრომის კოდექსი კონკორდატს ეწინააღმდეგება და გადახედვას მოითხოვს".  მისამართი:თბილისი, ვაზისუბნის 7 

29 აგვისტოს, 12:00 საათზე, „სამართლიანი არჩევნებისა და დემოკრატიის საერთაშორისო საზოგადოება" (ISFED) პრესკონფერენციას გამართავს, სადაც წარმოადგენს 2013 წლის 27 ოქტომბრის საპრეზიდენტო არჩევნების წინასაარჩევნო პერიოდის მონიტორინგის მესამე ანგარიშს. მისამართი:თბილისი, ონიაშვილის 37

29 აგვისტოს, 11:30 საათზე, „ახალგაზრდა უფლებადამცველთა ასოციაცია" სასჯელაღსრულების #9-ე დაწესებულებაში (ე.წ „მატროსოვის" ციხე) შევა, მოშიმშილე პატიმრებს მოინახულებს და არსებულ სიტუაციას ადგილზე გაეცნობა.

აჭარა. 27 აგვისტოს, 21:00 საათზე, „თავისუფალ ჟურნალისტთა სახლის" ორგანიზებით, გაიმართება ონლაინ გადაცემა „შეუზღუდავი სივრცე". გადაცემის თემაა:მინარეთის დემონტაჟი ჭელაში. მაყურებელს შესაძლებლობა აქვს გამოხატონ საკუთარი მოსაზრება და დასვან კითხვები facebook-ის გვერდის მისამართზე: თავისუფალ ჟურნალისტთა სახლი, ან skype-ს საშუალებით: presskafe.batumi წყარო:presscafe.ge

თბილისი. ინფორმაციის თავისუფლების განვითარების ინსტიტუტმა დუშეთისა და მცხეთის მუნიციპალიტეტების გამგეობებიდან მიღებული ინფორმაცია გამოაქვეყნა. ვებ–გვერდზე განთავსდა დოკუმენტები ორგანიზაციის ბალანსის, თანამდებობის პირების პრემიების, თანამშრომლების პრემიების, სახელმწიფო შესყიდვების, საჯარო ინფორმაციის გაცემის ანგარიშების, ავტოპარკის, განთავისუფლებული თანამშრომლების შესახებ.  ინფორმაცია დუშეთის მუნიციპალიტეტის გამგეობიდან ინფორმაცია მცხეთის მუნიციპალიტეტის გამგეობიდან წყარო: opendata.ge

თბილისი. 27 აგვისტოს, ქალთა საინფორმაციო ცენტრმა არასამთავრობო ორგანიზაციების მეორე ფორუმი გამართა. ფორუმის თემაა: „ქალები მშვიდობასა და უსაფრთხოებაზე" – გაეროს უშიშროების საბჭოს რეზოლუციების სამოქმედო გეგმის განხორციელება. შეხვედრა ასევე დაეთმო ქალთა საინფორმაციო ცენტრის მიერ გლობალური ფონდის მხარდაჭერით გამხორციელებული პროექტის – „ეროვნული და საერთაშორისო ვალდებულებების შესრულების მონიტორინგი ქალთა უფლებების დაცვის სფეროში" – შედეგების წარდგენასა და შრომის კოდექსთან დაკავშირებული რეკომენდაციების შემუშავებას.  წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია  ვაცლავ ჰაველის სახელობის ადამიანის უფლებათა კონკურსის ფინალისტი გახდა. კონკურსი ტარდება ევროსაბჭოს საპარლამენტო ასამბლეის მიერ. პრიზი გადაეცემა ადამიანის უფლებების სფეროში მოღვაწე განსაკუთრებული დამსახურების მქონე პირს ან ორგანიზაციას. საიასთან ერთად ფინალისტები არიან ბელორუსი უფლებადამცველი ალეს ბელიაცკი და ჩენეთში მოღვაწე არასამთავრობო ორგანიზაცია ,,უფლებათა დაცვის ქსელი". საბოლოო გამარჯვებულის ვინაობა 30 სექტემბერს, სტრასბურგში გამოვლინდება.  სრულად წყარო: gyla.ge

სამცხე–ჯავახეთი. დემოკრატ მესხთა კავშირის საკონფერენციო დარბაზში, ფილმის –„ხელშეუხებელნი" – ჩვენება მოეწყო. ჩვენებას ესწრებოდნენ ახალციხის ახალგაზრდული ცენტრის წევრები. ღონისძიება ჩატარდა პროექტ ეროვნული ინტეგრაციის გაძლიერება საქართველოში ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო:ორგანიზაციის გვერდი სოციალურ ქსელში

თბილისი. ევროკავშირის წარმომადგენლობამ საქართველოში ევროკავშირის ქვეყნების მისიების ხელმძღვანელებთან შეთანხმებით განცხადებას გააკეთა. „საქართველოში ევროკავშირის წარმომადგენლობა შეშფოთებით აღნიშნავს, რომ რუსეთის ფედერაციის პრეზიდენტი პუტინი სულ ახლახანს ეწვია საქართველოს აფხაზეთის რეგიონს. ევროკავშირის წარმომადგენლობა მიიჩნევს, რომ ეს ვიზიტები არშეესაბამება სახელმწიფოების სუვერენობისა და ტერიტორიული მთლიანობის პრინციპებს", ნათქვამია განცხადებაში. სრულად  წყარო:eeas.europa.eu

თბილისი. „საერთაშორისო გამჭვირვალობა – საქართველომ" მინარეთის დემონტაჟთან დაკავშირებით განცხადება გაავრცელა. „საგანგაშოა შემოსავლების სამსახურის მიერ მიღებული გადაწყვეტილება და ის ფორმა, რომლითაც უწყებამ გადაწყვიტა შემოწმების ჩატარება, მაშინ როდესაც საკითხი ეხებოდა რელიგიურ უმცირესობებს და მათ კონსტიტუციით დაცულ უფლებებს. სახელმწიფო სამსახურის ამგვარი ზედაპირული დამოკიდებულება ჩვენი ქვეყნის რელიგიური უმცირესობების მიმართ დაუშვებელია. ამ ქმედებებით შეილახა ადგილობრივი მუსლიმი მოსახლეობის უფლებები. სახელმწიფო ვალდებულია დაიცვას საქართველოს კონსტიტუციით გარანტირებული რწმენის თავისუფლება და პატივი სცეს ყველა აღმსარებლობის წარმომადგენლებს", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

აჭარა. 25-26 აგვისტოს, ახალგაზრდულმა ორგანიზაცია „არტ ვეიმ" პიაცას მიმდებარე ტერიტორიაზე კინოს ხერხებით დადგმული სპექტაკლი - „დაუსრულებელი ისტორია" – ითამაშა. სპექტაკლში ასახულია მე-20 საუკუნის დასაწყისის ბათუმური ყოფა - რევოლუცია და რეპრესიები. წელს პირველად მოქმედებები რეალურ გარემოში განვითარდა, სცენისა და დემოკრაციის გამოყენების გარეშე. „ბათუმური ისტორიების" გაცოცხლებაში ორმოცამდე ახალგაზრდა მოყვარული მსახიობია ჩართული.  პროექტის ფარგლებში ქალაქის სხვადასხვა ადგილას წარმოდგენილი იქნება ჩრდილების თეატრის სპეციფიკაზე აგებული მცირე ეტუდები და გაიმართება თეატრალიზირებული მსვლელობები მსახიობთა მონაწილეობით. პროექტის მიზანია ადგილობრივი მოსახლეობისა და ტურისტების დაინტერესება თეატრით; ასევე, ნიჭიერი ახალგაზრდების აღმოჩენა და მათი ნიჭის განვითარების ხელშეწყობა. პროექტის ფინანსური მხარდამჭერია თვითმმართველი ქალაქი ბათუმის მერია.

27 აგვისტოს, 15:00 საათზე, ქალთა საინფორმაციო ცენტრი წარადგენს ქალთა გლობალური ფონდის მხარდაჭერით გამხორციელებული პროექტის – „ეროვნული და საერთაშორისო ვალდებულებების შესრულების მონიტორინგი ქალთა უფლებების დაცვის სფეროში" – შედეგებსა და შრომის კოდექსთან დაკავშირებულ რეკომენდაციებს. მისამართი:თბილისი, სასტუმრო თბილისი მარიოტი

თბილისი. არასამთავრობო ორგანიზაციებმა ბოლო პერიოდში პოლიციის მიერ ჩატარებული რეიდების შესახებ ერთობლივი განცხადება გაავრცელეს. „ბოლო დღეების მანძილზე დედაქალაქის მასშტაბით შინაგან საქმეთა სამინისტროს მიერ ჩატარდა რამდენიმე რეიდი, რამაც საზოგადოების ნაწილის ყურადღება და აღშფოთება გამოიწვია. ...მიგვაჩნია, რომ აღნიშნული ღონისძიებები ხშირ შემთხვევაში უკანონო ხასიათს ატარებდა და არღვევდა მოქალაქეთა კონსტიტუციურ უფლებებსა და თავისუფლებებს. ...იმის გათვალისწინებით, რომ აღნიშნულ საკითხზე არსებობს მაღალი საზოგადოებრივი ინტერესი, აუცილებლად ვთვლით საზოგადოებას მივაწოდოთ ინფორმაცია საქართველოს კანონმდებლობით დადგენილი რეგულაციების შესახებ და გავავრცელოთ ჩვენი შეფასება", ნათქვამია გავრცელებულ განცხადებაში. განცხადებს ხელს აწერს საქართველოს ახალგაზრდა იურისტთა ასოციაცია, სამართლიანი არჩევნებისა და დემოკრატიის საერთაშორისო საზოგადოება, საქართველოს დემოკრატიული ინიციატივა, საერთაშორისო გამჭვირვალობა – საქართველო. სრულად წყარო: isfed.ge

თბილისი. საქართველოს ახალგაზრდა იურისტთა ასოციაციის მედიის სამართლებრივი დახმარების ცენტრი ეხმაურება ,,ტაბულას” მიერ გავრცელებულ ინფორმაციას. „გავრცელებული ინფორმაციით 2013 წლის 24 აგვისტოს, ქალაქ თბილისში, კოსტავას ქუჩაზე საპატრულო პოლიციამ, პოლიციის რეიდის გადაღების მომენტში გააჩერა „ტაბულას" ჟურნალისტი, გიორგი სიხარულიძე. განცხადებაში აღნიშნულია საპატრულო პოლიციის მიერ ჟურნალისტისთვის სიტყვიერი შეურაცხყოფის მიყენების, უკანონო ჩხრეკის და გადაღებული მასალის ჟურნალისტის მობილური ტელეფონიდან წაშლის ფაქტების შესახებ. ...მოვუწოდებთ, შინაგან საქმეთა სამინსტროს, მშრალი განცხადებების გაკეთების ნაცვლად, დეტალურად გასცეს პასუხი შეკითხვას იმასთან დაკავშირებით, განხორციელდა თუ არა საპოლიციო ღონისძიებები გიორგი სიხარულიძის მიმართ. დადებითი პასუხის შემთხვევაში პოლიციის შესახებ კანონით გათვალისწინებული რა სახის ღონისძიებები იქნა მის მიმართ გამოყენებული და რა ფაქტობრივი მონაცემების საფუძველზე მოხდა ამ ღონისძიების გამოყენება", ნათქვამია განცხადებაში. სრულად წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრმა ვახუშტი მენაბდის პუბლიკაცია – „პოლიციის რეიდები და პრეზუმფცია თავისუფლების სასარგებლოდ" – გაავრცელა. „ჩვენ რა თქმა უნდა დღეს ვითხოვთ შს სამინისტროსგან ახსნა განმარტებებს, ვსვამთ კითხვებს, ველოდებით პასუხს, ოპერაციის შედეგებს და მის გამართლებას, მაგრამ სინამდვილეში ჩვენ ყველამ კარგად ვიცით რომ ეს ფორმალური კითხვები და ფორმალური მოლოდინებია ამ კითხვებზე პასუხის. ბოლო დღეებში პოლიციის ქმედებების მასიურობა მიუთითებს იმას, რომ შეუძებელია იგი გამართლდეს", ნათქვამია პუბლიკაციაში. სრულად წყარო: emcrights.wordpress.com

მცხეთა–მთიანეთი. ორგანიზაცია  „უკეთესი მომავლისათვის"  ამერიკის შეერთებული შტატების მთავრობის ფინანსური მხარდაჭერით, წეროვნის დევნითა დასახლებაში ახორციელებს პროექტს „ამერიკული კუთხე"-American Corner. American Corner - ეს არის ბიბლიოთეკა ბორბლებზე. რომელიც წინასწარ გაწერილი გრაფიკის შესაბამისად იმოძრავებს მცხეთა-მთიანეთის რეგიონის დევნილთა დასახლებებში. „ამერიკული კუთხის" მომსახურება არის უფასო და ხელმისაწვდომია საქართველოს ყველა დაინტერესებული მოქალაქისათვის. როგრამის მიზანია ამრიკის შეერთებულ შტატებსა და საქართველოს შორის პარტნიორობისა და ურთიერთთანამშრომლობის ხელშეწყობა. დევნილი საზოგადოების ინფორმირებულობის ამაღლება ამერიკის შეერთებული შტატების კულტურის, ისტორიის, პოლიტიკის, ტრადიციების, ღირებულებების შესახებ.  წყარო:ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა სოციალურ ქსელში სოფელ ჭელაში მიმდინარე მოვლენებთან დაკავშირებით განცხადება გაავრცელა. „EMC უკიდურესად შეშფოთებულია სოფელ ჭელაში მიმდინარე მოვლენებით. ჩვენ განსაკუთრებული ყურადღებით შევისწავლით ამ საქმეს. EMC-ის აქტივისტები ამ წუთებში გზაში არიან და ინცინდენტის ადგილზე გასაცნობად მიემართებიან. ისინი დღის განმავლობაში პირველადი შესწავლის მიზნით შეხვდებიან ადგილობრივ ხელისუფლებას და მოსახლეობას". წყარო:ორგანიზაციის გვერდი სოციალურ ქსელში

27 აგვისტოს, 12:00 საათზე, ქალთა საინფორმაციო ცენტრი არასამთავრობო ორგანიზაციების მეორე ფორუმს გამართავს. მისამართი:თბილისი, სასტუმრო "რედისონი" 

27 აგვისტოს, 12:00 საათზე, საქართველოს ახალგაზრდა იურისტთა ასოციაცია ოზურგეთში ადგილობრივ არასამთავრობო ორგანიზაციებსა და მოსახლეობას შეხვდება.  მისამართი:ოზურგეთი, გაბრიელ ეპისკოპოსის ქ. #25/10

27 აგვისტოს, 11.00 საათზე, უფლებადამცველთა გაერთიანება ბრიფინგს გამართავს. თემა: ეკონომიკის სამინისტროსა და "ყაზტრანსგაზში" დაგეგმილი დაპატიმრებები. მისამართი:თბილისი, კოსტავას 75გ