თბილისი. ინფორმაციის თავისუფლების განვითარების ინსტიტუტმა პარლამენტიდან მიღებული დოკუმენტი გამოაქვეყნა, ორგანიზაციამ საკანონმდებლო ორგანოდან 2012 წლის საქართველოს პარლამენტის ბიუჯეტის შესრულების ანგარიში მოითხოვა.  დოკუმენტი წყარო:ორგანიზაციის გვერდი სოციალურ ქსელში

შიდა ქართლი. 21 მაისს საზოგადოება „ბილიკის" ჟურნალისტიკის სტუდიის და სამოქალაქო კლუბების წევრები პოეტ ვანო ჩხიკვაძეს შეხვდნენ. სტუმარმა ახლაგაზრდების კითხვებს უპასუხა და მათთან ერთად 2008 წლის აგვისტოს მოვლენების თემატიკაზე შექმნილი რომანი „შუშების ომი" განიხილა.  წყარო:ორგანიზაციის გვერდი სოციალურ ქსელში

აჭარა. 21 მაისს, ბათუმის დემოკრატიული ჩართულობის ცენტრში, „სამოქალაქო საზოგადოების ინსტიტუტმა", აშშ–ს საერთაშორისო განვითარების სააგენტოს პროგრამის „დემოკრატიული მმართველობა საქართველოში" – ფარგლებში, ახალი პროექტი წარადგინა. პროექტი ითვალისწინებს მოწვეიული ურბანული დაგეგმარების სპეციალისტების მიერ, ადგილობრივ კოლეგებთან, საკრებულოსა და მერიის სპეციალისტებთან თანამშრომლობით, ქალაქის ურბანული განვითარების სტრატეგიული გეგმის შემუშავებას. შეხვედრას ადგილობრივი საზოგადოებრივი ორგანიზაციებისა და მედიის წარმომადგენლები ესწრებოდნენ. შეხვედრის მიზანს, მოწვეული სტუმრების ინფორმირება და პროცესებში ჩართვა წარმოადგენედა. ასევე, მათთვის სტრატეგიული დაგეგმარების მეთოდოლოგიისა და მისი დეტალების გაცნობა იყო.

გურია. 21 მაისს ორგანიზაციის „ქალები რეგიონის განვითარებისთვის" ორგანიზებით  ოზურგეთის საკრებულოს სხდომათა დარბაზში სოფლის რწმინებულებთან შეხვედრა შედგა. შეხვედრის მიზანი იყო იმ პრობლემების გაანალიზება, რომლებიც კვლევისა და ორგანიზაციის ვებგვერდზე განთავსებული პრობლემების რუკის საშუალებით გამოვლინდა.   სოფლის რწმუნებულებმა ისაუბრეს თუ რა მიმართულებებს შეიძლება მოხმარდეს სოფლის განვითარების პროგრამიდან გამოყოფილი თანხები და რას არა. შეხვედრაზე მხარეები შეთანხმდნენ, რომ უახლოეს მომავალში შეიმუშავებენ ტექსტს და ინფრასტრუქტურის სამინისტროში გააგზავნიან, რათა ნორმატიულ აქტში შევიდეს ცვლილება, დაწესდეს ზღვარი თანხისა, რომლის დახარჯვაც იქმნება შესაძლებელი ისეთი პროექტების განსახორციელებლად, როგორიცაა, ბავშვთა უსაფრთხოებას. წყარო:wdrguria.wordpress.com

კახეთი. სათემო კავშირი „ნუკრიანი" და „სამოქალაქო ინიციატივა" ახაორციელებენ პროექტს „ინტერაქცია თვითმართველობასა და მოსახლეობას შორის ინტერენტ-სამოქალაქო ჩართულობის გზით". მისი მიზანია შეიქმნას სოფლის მოსახლეობის თანამონაწილეობისა და სამოქალაქო ჩართულობის საჭირო პრაქტიკა და მექანიზმი, რომელიც ხელს შეუწყობს მოქალაქეთა ჩართულობის გაზრდას ადგილზე გადაწყვეტილების მიღების პროცესში და მუნიციპალიტეტის წარმომადგენლების (დეპუტატის, საკრებულოს, გამგებლის) ანგარიშვალდებულების გაზრდას მოსახლეობის წინაშე. კავშირ „ნუკრიანის" დირექტორი მაია ბიძინაშვილი: ,,პროექტის განხორციელება დაიწყო, შეიქმნა ვებ–გვერდიც. იქმნება მობილური ჯგუფები სოფლების მიხედვით და ხელს ვუწყობთ მათი ტექნიკური უნარ-ჩვევების განვითარებას; ასევე დაიწყო გასვლითი შემხვედრები მუნიციპალიტეტის 14 სოფელში და შეხვედრა მოსახლეობასთან".

სამცხე–ჯავახეთი. ახალციხეში, არასამთავრობო ორგანიზაცია  დემოკრატ მესხთა კავშირის ოფისში, კარლ პოპერის მეთოდის შესახებ  სემინარი გაიმართა. სემინარის შემდეგ  მონაწილეთა შორის პოპერის პრინციპით დებატები შედგა. ღონისძიება ჩატარდა პროექტის – ,,ეროვნული ინტეგრაციის გაძლიერება საქართველოში" ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებეული შტატების საერთაშორისო განვითარების სააგენტოს ფინანსური მხარდაჭერით.

კახეთი. თელავის დემოკრატიული ჩართულობის ცენტრში ასოციაცია „დეამ"  გამართა სადისკუსია – ,,სკოლა – ოჯახი – საზოგადოება". შეხვედრას ესწრებოდნენ შეზღუდული შესაძლებლობების მქონე მოსწავლეები და სტუდენტები, პედაგოგები,  მედიის, არასამთავრობო და რეგიონული თვითმმართველობების  წარმომადგენლები. მადონა ხარებავა, ორგანიზაცია „დეას" აღმასრულებელი დირექტორი:,,აღნიშნული პროექტის ფარგლებში ჩავატარეთ კვლევა თელავის მეშვიდე საჯარო სკოლაში. სწორედ ასეთი კვლევებისა და საზღვარგარეთის გამოცდილების საფუძველზე უნდა შევიმუშავოთ კონცეფცია, რომელიც განსაზღვრავს თანამშრომლობას სკოლას, ოჯახსა და საზოგადოებას შორის". 

სამცხე–ჯავახეთი. სოციალური მედიის ტრენინგი, რომელიც სამოქალაქო განათლებისა და პერდაგოგთა გადამზადების პროგრამის ფარგლებში ხორციელდება, ამჯერად  დაბა წაღვერის საჯარო სკოლაში ჩატარდა. ტრენინგს აღნიშნული  სკოლის სამოქალაქო განათლების პედაგოგი და სამოქალაქო კლუბის წევრები ესწრებოდნენ ტრენინგის მსვლელობისას მონაწილეები გაეცნენ ვიდეო პორტალ Civics.ge, შემქმნეს ელექტრონული ფოსტა, შემდეგ განიხილეს სხვადასხვა საკითხები და სასურველ თემებზე შექმნეს ბლოგები. ასევე შეიქმნა დაბა წაღვერის საჯარო სკოლის სამოქალაქო კლუბის ბლოგი, სადაც მოხდება იმ ღონისძიებებისა და აქტივობების განთავსება, რომელსაც განახორციელებენ სკოლაში. მოსწავლეებში სოციალური მედიის ცოდნისა და უნარ-ჩვევების განვითარება სამოქალაქო განათლებისა და პედაგოგთა გადამზადების პროგრამის ერთ–ერთი მნიშვნელოვანი ნაწილია.  აღნიშნული ტრენინგები  პროგრამაში მონაწილე ყველა საჯარო სკოლაში გაიმართება.

თბილისი. ინფორმაციის თავისუფლების განვითარების ინსტიტუტმა სტანდარტებისა, ტექნიკური რეგლამენტისა და მეტროლოგიის ეროვნული სააგენტოდან მიღებული ინფორმაცია გამოაქვეყნა. ვებგვერდზე განთავსდა ინფრომაცია პრემიების, ორგანიზაციის ბალანსის, განთავისუფლებული თანამშრომლების, საშტატო ნუსხისა და თანამდებობრივი სარგოების, ავტოპარკზე გაწეული ხარჯების, დაფინანსებული ღონისძიებების, 10 დეკემბრის ანგარიშების შესახებ.  სრულად  წყარო: opendata.ge

კახეთი. თელავის სახელმწიფო უნივერსიტეტში ტომ დემარკოს წიგნის ,,დედლაინის" ქართული თარგმანის პრეზენტაცია გაიმართა.წიგნი აუდიტორიას, პროექტის ,, BUMAP"–is მენეჯმენტის კოორდინატორმა, დანიელ ბირკენ მაიერმა წარუდგინა. წიგნი აშშ–ს საელჩოს „წიგნების თარგმნის პროგრამის" ფარგლებში გამოიცა და იგი ინგლისურიდან სოფო არსენიშვილმა თარგმნა. იგი გათვალისწინებულია იმ სტუდენტებისთვის, რომლებიც მენეჯმენტის კუთხით იღებენ განათლებას.

სამეგრელო. ახლადდაფუძნებულმა არასამთავრობო ორგანიზაციამ „მეწარმეთა კავშირმა",  21 მაისს, ბრიფინგი გამართა. ორგანიზაციამ  ახალ ხელისუფლებას მიმართა, დაპირებისამებრ, ქვეყნის ინტერესების გათვალისწინებით სწორი დიპლომატიური და წინდახედული ქმედებები განახორციელების და ქვეყნის ეკონომიკური განვითარების მიზნით რუსეთთან სავაჭრო – ეკონომიკური კავშირების აღდგენაზე ისაუბრა. 

კახეთი. ,,საქართველოს მწვანეთა მოძრაობა", ,,დედამიწის მეგობრები – საქართველო" და ,,სოფლად თემთა განვითარების სააგენტო" ახორციელებენ ახალ პროექტს, რომელიც ეხება განახლებად ენერგიის ხელმისაწვდომობის გაზრდას სოფლის მოსახლეობაში. პროექტის მიზანია განახლებადი ენერგო რესურსების გამოყენებისა და შესაბამისი ტექნოლოგიების დანერგვაზე ხელშეწყობა ადგილობრივი მოსახლეობისთვის.  პროექტის მიმდინარეობის ფარგლებში აღმოსავლეთ და დასავლეთ საქართველოს 4 სოფელში შედგა შეხვედრა ადგილობრივი მოსახლეობასთან.  შერჩეულია საინიციატოვო ჯგუფების და ბენეფიციარების სია. ორგანიზაციის ხელმძღვანელებმა საპილოტე პროგრამის ბენეფიციარები მოინახულეს და მოისმინეს მათი აზრები და შენიშვნები აღნიშნულ ტექნოლოგიასთან დაკავშირებით.

22 მაისს, 14:00 საათზე საქართველოს ახალგაზრდა იურისტთა ასოციაციის თავმჯდომარე, კახა კოჟორიძე, საქართველოს იუსტიციის უმაღლესი საბჭოს წევრობის სამ კანდიდატს წარადგენს. მისამართი: თბილისი, ჯ.კახიძის 15, საქართველოს ახალგაზრდა იურისტთა ასოციაციის ოფისი. 

22 მაისს, 13:30 საათზე არასამათავრობო ორგანიზაცია "ახალი თაობა - დემოკრატიული არჩევნების" წარმომადგენელი ლევან გაბრიჩიძე ბოლო პერიოდში განვითარებული მოვლენების შესახებ პრესკონფერენციას გამართავს. მისამართი:თბილისი, კოსტავას 68, პრაიმტაიმის პრესკლუბი

22 მაისს, 11:30 საათზე კოალიცია "საზოგადოებრივი ინიციატივის" წარმომადგენელი ვასო ურუშაძე და დამოუკიდებელ სტუდენტთა საინიციატივო ჯგუფის წევრები, გიგა გვასალია და თამარ ბეგიაშვილი ერთობლივ ბრიფინგს გამართავენ. თემა: ვანო მერაბიშვილისა და ზურაბ ჭიაბერაშვილის დაკავება. მისამართი: თბილისი, ვაჟა ფშაველას გამზ. #45, მე-17 სართული ("რუსთავი 2"-ის ყოფილი შენობა)

22 მაისს, 11:00 საათზე, "სამართალდამცავთა დაცვის ლიგა" სამცხე-ჯავახეთის  რეგიონული ცენტრის წევრებთან შეხვედრას გამართავს.  მისამართი: ახალციხე, მანველიშვილის ქ. №19, დემოკრატიული ჩართულობის ცენტრი

თბილისი. აღმოსავლეთ–დასავლეთის მართვის ინსტიტუტის,  G-PAC– ის პროგრამის ფარგლებში, 21 მაისს, ანალიტიკურმა ორგანიზაციებმა ხელი მოაწერეს ხარისხისა და ეთიკის სტანდარტების სახელმძღვანელო პრინციპებს. დოკუმენტი წარმოადგენს სტანდარტების კრებულს, რომლის მიზანია ჩამოაყალიბოს უპირატესი პრინციპები და უზრუნველყოს ანალიტიკური ორგანიზაციების მიერ უმაღლესი პროფესიული სტანდარტების დაცვა. სტანდარტები ეფუძნება აშშ–ში, ცენტრალური და აღმოსავლეთ ევროპის სხვადასხვა ქვეყანაში არსებულ მსგავსი სახის დოკუმენტებს. დოკუმენტს ხელი 16 ანალიტიკურმა ორგანიზაციამ მოაწერა. ხარისხისა და ეთიკის სტანდარტების სახელმძღვანელო პრინციპები  

თბილისი. ინფორმაციის თავისუფლების განვითარების ინსტიტუტიმა 21 მაისს, კულტურისა და ძეგლთა დაცვის სამინისტროს 2013 წლის 1 იანვრიდან 11 აპრილის ჩათვლით განხორციელებული სოციალურ და კულტურულ ღონისძიებებზე გაწეული ხარჯები გამოაქვეყნა. სრულად წყარო: ორგანიზაციის გვერდი სოციალურ ქსელში

თბილისი. 21 მაისს, ჟურნალისტური ეთიკის ქარტიამ  გამოაქვეყნა 17 მაისის ახალი ამბების მონიტორინგის შედეგები. ქარტია აკვირდებოდა შემდეგ ტელეკომპანიებს – საზოგადოებრივ მაუწყებელს, რუსთავი 2–ს, იმედს, მაესტროს, მეცხრე ახრს, კავკასიას და აჭარას. ქარტიის  მონიტორინგში აღნიშნულია, რომ „ერთდღიანი დაკვირვების შედეგად შეიძლება ითქვას, რომ ტელეკომპანიების ჟურნალისტებისა და წამყვანები ტექსტები  იყო ნეიტრალური, ამასთან არხები დღის განმავლობაში გვთავაზობდნენ ერთმანეთისგან განსხვავებულ მოსაზრებებს". თუმცა ქარტიამ რამდენიმე ხარვეზზეც გაამახვილა ყურადღება – „მთავარი პრობლემა, რომელიც 17 მაისის მოვლენების გაშუქებისას, ძირითადად დღის საინფორმაციო გამოშვებებში გამოიკვეთა, იყო ტერმინების არასწორი გამოყენება", რომელიც მათი ანგარიშის მიხედვით, დღის მეორე ნახევარში, ტელეკომპანიების ნაწილმა გამოასწორებს. სრულად წყარო: qartia.org.ge

თბილისი. 21 მაისს ორგანიზაცია „სიდასა" და პრობაციის ეროვნულ სააგენტოს შორის ურთიერთთანამშრომლობის მემორანდუმი გაფორმდა. მემორანდუმის მიზანია ქვემო ქართლისა და სამცხე–ჯავახეთის რეგიონებში მცხოვრები კანონთან კონფლიქტში მყოფი არასრულწლოვნების რეაბილიტაცია და რესოციალიზაცია. წყარო: ორგანიზაციის გვერდი სოციალურ ქსელში

თბილისი.  13-18 მაისს, საქართველოს წითელი ჯვრის საზოგადოების კატასტროფების რისკის შემცირების პროგრამის ფარგლებში, თემის მოხალისეთა ჯგუფებს ცაგერში, ლენტეხში, ონსა და ამბროლაურში ტრენინგები ჩაუტარდა. ტრენინგებს უტარებდნენ შინაგან საქმეთა სამინისტროს სპეციალური და საგანგებო ღონისძიებების ცენტრის საგანგებო სიტუაციების მართვის დეპარტამენტის თანამშრომლები. მოხალისეთა ჯგუფებს ასევე მიეცათ შესაძლებლობა ადგილზე გაცნობოდნენ სახანძრო-სამაშველო და საგანგებო სიტუაციების მართვის სამსახურების მუშაობის სპეციფიკას.  ჩაატარეს საევაკუაციო სავარჯიშოები ზემოხსენებული ქალაქების საჯარო სკოლებში. საევაკუაციო სავარჯიშოებში აქტიურად იყვნენ ჩართულნი სახანძრო-სამაშველო, საგანგებო სიტუაციების მართვისა და სასწრაფო სამედიცინო დახმარების სამსახურების თანამშრომლები. წყარო: ორგანიზაციის გვერდი სოციალურ ქსელში

თბილისი.ინფორმაციის თავისუფლების განვითარების ინსტიტუტიმა21 მაისს ციფრულ საეთერო მაუწყებლობაზე გადასვლის სტრატეგიის პრეზენტაცია გამართა. წარმოდგენილი სტრატეგია მოიცავს ყველა იმ საკვანძო საკითხს, რომელიც აუცილებელია ციფრულ მაუწყებლობაზე გადასვლის პროცესის წარმატებით განხორციელებისათვის: ტექნიკური პარამეტრები, მაუწყებლობის ლიცენზირება, სახელმწიფო სუბსიდირების პოლიტიკა, კონკურენციის რეგულირების პოლიტიკა, ბიზნესმოდელი, საინფორმაციო კამპანია და სხვ. „საქართველოს ციფრულ მაუწყებლობაზე გადასვლის სტრატეგიის პროექტი" მომზადდა ფონდ „ღია საზოგადოება საქართველოს" ფინანსური მხარდაჭერით. ციფრულ საეთერო მაუწყებლობაზე გადასვლის სტრატეგია წყარო:media.ge