გამოქვეყნდა პასუხისმგებლიანი ხელოვნური ინტელექტის (GIRAI) გლობალური ინდექსის შედეგები. აღმოსავლეთ ევროპისა და ცენტრალურ აზიის ქვეყნების შედეგების ანალიზს: მთავარ მიგნებებსა და საჭიროებებს პასუხისმგებლიანი AI-ის გამოყენების კუთხით იხილავთ ინდექსში.  აღმოსავლეთ ევროპის რეგიონში, შეფასებული ექვსი ქვეყნიდან (საქართველო, სომხეთი, აზერბაიჯანი, უკრაინა, მოლდოვა, ბელარუსი), ყველაზე კარგი შედეგი უკრაინამ აჩვენა. ქვეყანამ 100-დან 38.13 ქულა მიიღო და 138 ქვეყნიდან 26-ე ადგილზე გავიდა. გლობალური ინდექსის მიხედვით, 17.83 ქულით საქართველომ შეფასებულ ქვეყნებს შორის მე-60 ადგილი დაიკავა.  IDFI კვლევაში აღმოსავლეთ ევროპისა და ცენტრალური აზიის ჰაბის როლში იყო ჩართული და კოორდინაციას უწევდა კვლევით პროცესს 12 ქვეყანაში.  სრულად...  წყარო: IDFI

გამოაქვეყნდა პასუხისმგებლიანი ხელოვნური ინტელექტის გლობალური ინდექსის შედეგები. ინდექსის პირველი გამოცემა 138 ქვეყანას ფარავს. საქარველომ 100 ქულიდან 17.83 მიიღო და რეიტინგში მე–60 ადგილი დაიკავა, აცხადებს ინფორმაციაში IDFI. ინფორმაციის თავისუფლების განვითარების ინსტიტუტი დასძენს, რომ „საქართველოს შედეგები ცხადყოფს, რომ აუცილებალია ქვეყანაში არსებობდეს ერთიანი ხედვა და მიდგომები, როგორც AI სისტემების განვითარების ხელშეწყობის, ასევე მათი გამოყენების დროს ეთიკური სტანდარტების დაცვის კუთხით“.  IDFI კვლევაში აღმოსავლეთ ევროპისა და ცენტრალური აზიის ჰაბის როლში იყო ჩართული და კოორდინაციას უწევდა კვლევით პროცესში 12 ქვეყანაში.  ინდექსი... წყარო: ინფორმაციის თავისუფლების განვითარების ინსტიტუტი

სამეგრელო-სვანეთი. მესტიაში და ჭუბერში ტექნოლოგიური ფესტივალი გაიმართა, რომელიც ინტერაქტიული ლექციებისა და პრაქტიკული სესიებისგან შედგებოდა.  პროექტის მიზანია ახალგაზრდებში ციფრული და სამეწარმეო უნარ-ჩვევების განვითარება.  პროექტი USAID-ის და GITA-ს პარტნიორობით მიმდინარეობს. სრულად... წყარო: აშშ- ს საერთაშორისო განვითარების სააგენტო (USAID)

თბილისი. გაეროს ქალთა ორგანიზაცია USAID/Georgia-ს ეკონომიკური უსაფრთხოების პროგრამასთან და TBC - თიბისი-სთან ერთად წელსაც გრეის ჰოპერის სახელობის ჯილდოს მხარდამჭერია.   გრეის ჰოპერის სახელობის ჯილდოს დასკვნით ღონისძიებაზე ექვს ნომინაციაში ჯილდო გადაეცა იმ ადამიანებს, ორგანიზაციებსა და პროგრამებს, რომლებიც თავიანთი საქმიანობით ტექნოლოგიების სფეროს აძლიერებენ, პოზიტიური ცვლილებებს ნერგავენ, ასევე ქმნიან ინოვაციური პროდუქტს ან მომსახურებას ქალების გაძლიერებისთვის.  გრეის ჰოპერის სახელობის ჯილდოს 2023 წლის გამარჯვებულები არიან: ნანა ჯანაშია- მომავლის ლიდერი ქალი თამარ ბოსიკაშვილი- ICT სფეროს ჩემპიონი Bizon.ge • ბიზონი - ტექნოლოგიური სტარტაპი Technovation Girls Sakartvelo - ქალების გაძლიერების პროგრამა ForSet • ფორსეტი - მრავალფეროვნების მხარდამჭერი ორგანიზაცია ნინო გამისონია - ICT სექტორში ქალების გაძლიერების ქომაგი. ორგანიზაცია ულოცავს გამარჯვებულებს და იმედოვნებს, რომ აღნიშნული ინიციატივა ICT სექტორში ჩართულ ქალებს უფრო მეტ მოტივაციას გაუჩენს. სრულად... წყარო: ორგანიზაციის გვერდი სოციალურ ქსელში

თბილისი. პროექტი „ჩართე“ მსურველებს შესაძლებლობას აძლევს, სოციალურად დაუცველ უფროსკლასელებს ინტერნეტის ყოველთვიურ გადასახადი გადაუხადონ ან კომპიუტერი აჩუქონ. 6 წლის განმავლობაში:  ნეტში ჩართულია 2188 მოსწავლე;  მოგროვებულია 4830 მხარდამჭერი;  პროექტის გუნდმა გაიარა 90 000+ კმ;  „ჩართე“ დაფინანსებულია 1 798 112 ლარით; ჩატარებულია 1 გამოფენა. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ცნობით, თქვენი ანგარიშებისა და პერსონალური მონაცემების უსაფრთხოების მთავარი გარანტი ძლიერი პაროლების ქონაა. ვიდეოში ორგანიზაცია გთავაზობთ იმ 5 ძირითად რჩევას, რომელიც დაგეხმარებათ, დაიცვათ უსაფრთხოება.  ციფრული ჰიგიენის სხვა წესების გასაცნობად ეწვიეთ IDFI-ის ციფრული წიგნიერების განყოფილებას… წყარო: www.idfi.ge

ფორსეტი და AskGov.ge გიწვევთ ღონისძიებაზე „AskGov - ტექნოლოგიების როლი საჯარო ინფორმაციაზე ხელმისაწვდომობაში“. დასასწრებად რეგისტრაცია სავალდებულოა. როდის: 28 აპრილი, 16:00 - 20:00 სად: ფაბრიკა, Rooftop, ეგნატე ნინოშვილის 13 ღონისძიების განრიგი... რეგისტრაცია...

თბილისი. პროექტის „მასობრივი განადგურების იარაღის გამოყენებით პოლიტიკური მკვლელობების პრევენციისთვის საქართველოს შესაძლებლობების გაძლიერება“ ფარგლებში, GCSD-მ ჩაატარა ტრენინგი ქბრბ (ქიმიური, ბიოლოგიური, რადიაციული და ბირთვული) უსაფრთხოების შესახებ სხვადასხვა მედია ორგანიზაციის წარმომადგენლებისთვის. ტრენინგს, დოქტორი მარკ მაიკლ ბლუმი უძღვებოდა და სამი დღის განმავლობაში მოიცავდა თემების ფართო სპექტრს, მათ შორის: ბირთვული იარაღის ისტორია და ამ იარაღის კონტროლის რეჟიმები, ქიმიური იარაღის ტიპები და მასობრივი განადგურების იარაღის გამოყენებით ჩადენილი მკვლელობები. პროექტი ხორციელდება ამერიკის შეერთებული შტატების სახელმწიფო დეპარტამენტის ერთობლივი საფრთხის შემცირების ოფისის (CTR) მხარდაჭერით. სრულად... წყარო: ორგანიზაციის გვერდი სოციალურ ქსელში

გურია. 12 დეკემბერს, ჩოხატაურის მუნიციპალიტეტის N1 საჯარო სკოლის კლუბის „იდეებისა და მეწარმეობის ლაბორატორია“ წევრები სასწავლო ვიზიტით ოზურგეთის ტექნოპარკში იმყოფებოდნენ. ვიზიტის მიზანი იყო მომავლის პროფესიების და ტექნოლოგიური მიღწევების შესახებ მოზარდების ინფორმირება. ტექნო პარკის ხელმძღვანელმა მოზარდებს გააცნო სამრეწველო ინოვაციები, უახლესი დანადგარების მუშაობის სპეციფიკა, ინფორმაცია ტექნოლოგიურ საკითხებთან დაკავშირებული კურსებისა თუ ბანაკების, პროექტების შესახებ. სასწავლო ვიზიტი განხორციელდა ევროკავშირისა (EU) და „პური მსოფლიოსთვის“ (Brot) ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

გურია. პროექტის „უფლებებზე დაფუძნებული სოციალური მომსახურების განვითარება შეზღუდული შესაძლებლობების მქონე პირების და ხანდაზმულებისთვის“ ფარგლებში, ანასეულის ხანდაზმულთა სახლის მატერიალური ბაზა ახალი საშუალებებით აღიჭურვა. გაიმართა წყალმომარაგებისა და გათბობის სისტემები, შენობაში დამონტაჟდა ინტერნეტი, მომსახურების მიერ დოკუმენტების წარმოებისთვის შეიძინეს კომპიუტერი, ქსეროქსის აპარატი, პლანშეტები. ხანდაზმულთა ინდივიდუალურ ტუმბოებზე დამონტაჟდა ჩამკეტები. არამობილური ხანდაზმულებისთვის შეიძინეს ადაპტირებული საწოლი, ასევე, ჰიგიენის მოწესრიგებისთვის სპეციალური ამწე. მომსახურების ეზოში, დაიდგა ფანჩატური.  პროექტს ახორციელებს საქართველოს სტრატეგიული კვლევებისა და განვითარების ცენტრი (CSRDG), ახალგაზრდა პედაგოგთა კავშირთან (YPU) და საქართველოს საზოგადოებრივი ინტერესების დაცვის ასოციაცია  (GPIDA) ერთად. პროექტის ფინანსური მხარდამჭერია ევროკავშირი. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრსა (GCSD) და ბიზნესისა და ტექნოლოგიების უნივერსიტეტს (BTU) შორის ურთიერთთანამშრომლობის მემორანდუმი გაფორმდა. მემორანდუმი მიზნად ისახავს ხელი შეუწყოს საინფორმაციო ტექნოლოგიების შესახებ ინფორმირებულობის ამაღლებას ერთობლივი პროექტების განხორციელების, კვლევების წარმოების, სტუდენტთა დასაქმების, ინტერდისციპლინური ცოდნის დაგროვებისა და გაზიარების გზით. სრულად... წყარო: ორგანიზაცის გვერდი სოციალურ ქსელში

რეგიონები. საქართველოს სტრატეგიის და განვითარების ცენტრი (GCSD) კიბერმედეგობის ცენტრთან ერთად (CRC), იწყებს ახალ პროექტს - „ინფორმირებული თემები მედეგი საზოგადოებისთვის“. პროექტის მიზანია ხელი შეუწყოს საქართველოში ეთნიკური უმცირესობებით და იძულებით გადაადგილებული პირებით მჭიდროდ დასახლებულ რეგიონებში (სამეგრელო, სამცხე-ჯავახეთი, ქვემო ქართლი, შიდა ქართლი) მცხოვრები საზოგადოების მედეგობის გაძლიერებას კიბერ და დეზინფორმაციული საფრთხეების მიმართ. პროექტი აშშ-ის საელჩოს დემოკრატიის კომისიის მცირე გრანტების პროგრამის მხარდაჭერით ხორციელდება. სრულად... წყარო: ორგანიზაციის გვერდი სოციალურ ქსელში

თბილისი. 18-21 ოქტომბერს, GCSD-იმ, საქართველოს საგარეო საქმეთა სამინისტროსთან თანამშრომლობით, სტრატეგიული კომუნიკაციების საკითხებზე ონლაინ სემინარი გამართა. სემინარის მიზანი იყო საქართველოს დიპლომატიურ წარმომადგენლობებში სტრატეგიული კომუნიკაციის მიმართულებით შესაძლებლობების გაძლიერება. ტრენინგის ფარგლებში განიხილეს ისეთი თემები, როგორებიცაა: ეფექტური კომუნიკაცია, სოციალური მედიის მართვა, მედიასთან კომუნიკაცია, ციფრული საზოგადოების ფორმირება და სხვა. სრულად... წყარო: ორგანიზაციის გვერდი სოციალურ ქსელში

თბილისი. EU Cyber Direct-ისა და GCSD-ს თანამშრომლობით, 4-6 ივლისს, სამდღიანი ღონისძიება „საერთო მომავლის შექმნა კიბერ კრიზისებთან გამკლავებისას/კიბერ კონსულტაციები საქართველოსთან, მოლდოვასა და უკრაინასთან“ გაიმართა. ღონისძიების მიზანი იყო რეგიონში უსაფრთხოების გარემოს უკეთ გააზრება, საერთო ინტერესებისა და კიბერმდგრადობის გაძლიერებისთვის თანამშრომლობის შესაძლებლობების გამოვლენა ეროვნულ, რეგიონულ და გლობალურ დონეებზე. სრულად... წყარო: ორგანიზაციის გვერდი სოციალურ ქსელში

კახეთი. გაეროს განვითარების პროგრამის თანახმად, სოფელ კაბალის საჯარო სკოლაში ენერგოეფექტურობისა და განათლების ცენტრი გაიხსნა. ცენტრში გამოფენილია მზის მინი-პანელები, ენერგოეფექტური ღუმლები, ქარის ენერგიის გენერატორი, ბიოგაზის მოპოვების მოდელი და ბევრი სხვა მოწყობილობა. „ცენტრში მოსული მოსწავლეები, მასწავლებლები და სოფლის მაცხოვრებლები განახლებადი ენერგიის გამოყენებას და ენერგოეფექტურობის პრინციპებს ეცნობიან. საინფორმაციო შეხვედრებს უკვე 200-ზე მეტი მონაწილე დაესწრო. ამ საგანმანათლებლო მწვანე პროექტს ახორციელებს ლაგოდეხის განვითარების ჯგუფი ევროკავშირისა და გაეროს განვითარების პროგრამის მხარდაჭერით, ENPARD პროგრამის ფარგლებში. პროექტში ასევე ჩართულია არასამთავრობო ორგანიზაცია „ენერგოეფექტურობის ცენტრი“. სრულად... წყარო: ორგანიზაციის გვერდი სოციალურ ქსელში

იმერეთი. სოციალური სამართლიანობის ცენტრის მიიჩნევს, რომ ითხვისში განვითარებული მოვლენების შემსწავლელი კომისიის საქმიანობა კითხვებს და ეჭვებს აჩენს. „ადგილობრივთა მოთხოვნით და მომხდარიდან სამი თვის შემდეგ, ითხვისში 2022 წლის მარტში განვითარებულ მოვლენებს უწყებათაშორისი კომისია სწავლობს. კომისიის შემადგენლობაში დამოუკიდებელი ექსპერტის და ადგილობრივი წარმომადგენლის არარსებობა დაზარალებულებს შორის უნდობლობას იწვევს. ეჭვებს ამძაფრებს ის ფაქტიც, რომ კომისიის მეთოდოლოგიის შესახებ ადგილობრივთათვის არაფერია ცნობილი და ისიც, რომ კომისიის მუშაობის დასრულებამდე დაზარალებულ ოჯახებს ადგილობრივი ხელისუფლების წარმომადგენლებმა ზიანის შეუსაბამო და სამართლებრივად ბუნდოვანი კომპენსაცია შესთავაზეს. ადგილობრივი მოსახლეობა კომისიის საქმიანობის შესახებ მეტ ინფორმაციას ითხოვს და ჩართულ სახელმწიფო უწყებებს მოუწოდებს ოქმების, გეგმების და ვადების გასაჯაროების გზით უზრუნველყოს კომისიის საქმიანობის გამჭვირვალეობა“. იხილეთ განცხადება ვრცლად... წყარო: socialjustice.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს დათო გორგილაძის ბლოგპოსტს: ფეისბუქზე პერსონალური მონაცემების მართვა. ავტორი გვიყვება თუ როგორ დავიცვათ პერსონალური მონაცემები სოციალურ ქსელში. სრულად... წყარო: www.isfed.ge

თბილისი. პლატფორმა მშობლის სკივრის ორგანიზებით გაიმართება პირდაპირი ჩართვა თემაზე: როგორ გამოვიყენოთ ტექნოლოგიები ბავშვის სასარგებლოდ.? „ჩვენი დღევანდელი პირდაპირი ჩართვისას ჩვენ ვისაუბრებთ ციფრულ ტექნოლოგიებზე და ვუპასუხებთ ისეთ მნიშვნელოვან კითხვებს, როგორებიცაა: როგორ გამოვიყენოთ ციფრული ტექნოლოგიები ბავშვისთვის სასარგებლოდ? რა დროს შევთავაზოთ ბავშვს ტელეფონი, კომპიუტერი ან სხვა ციფრული ტექნოლოგია? როგორ დავიცვათ ბავშვი ტექნოლოგიების მავნე ზემოქმედებისგან? რა ოდენობით დრო არის მისაღები ბავშვებისთვის ეკრანთან? რა უნდა გავითვალისწინოთ ზრდასრულებმა? პირდაპირი ჩართვის განმავლობაში შეგეძლებათ დასვათ კითხვები და მიიღოთ თქვენთვის საინტერესო დამატებითი ინფორმაცია“. სრულად... წყარო: პლატფორმის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: ციფრული უფლებები ღია მმართველობის პარტნიორობის ფარგლებში. „ციფრული ტექნოლოგიების როლის ზრდა ღია მმართველობის პროცესში არა მხოლოდ ხელს უწყობს ღიაობისა და გამჭვირვალობის სტანდარტის გაუმჯობესებას, არამედ აძლიერებს კარგი მმართველობის სტანდარტსა და დემოკრატიულ პროცესებს სახელმწიფოში. ინოვაციური ჩართულობის მექანიზმების განვითარება და იმპლემენტაცია დღის წესრიგში უფრო და უფრო დიდ მასშტაბებს იკავებს, შესაბამისად, ამ მიმართულებით ამბიციური ვალდებულების აღება და ეროვნულ სამოქმედო გეგმებში გათვალისწინება თითოეული OGP-ის წევრი სახელმწიფოს, მათ შორის, საქართველოს პრიორიტეტი უნდა გახდეს“, ნათქვამია ბლოგპოსტში. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას: რუსული საინფორმაციო ომი ლუგარის ლაბორატორიის წინააღმდეგ. „რუსეთის ხელისუფლებისა და მისი გავლენის აგენტების კამპანია წლების მანძილზე მიმართულია რიჩარდ ლუგარის სახელობის საზოგადოებრივი ჯანდაცვის კვლევითი ცენტრის წინააღმდეგაც: ლაბორატორიას თავს ესხმიან ყალბი და საეჭვო ამბების გავრცელებით, დეზინფორმაციული ნარატივებით და კიბერშეტევებითაც კი. ამგვარ გამოწვევებთან გასამკლავებლად კი აუცილებელია გადაწყვეტილების მიმღები პირების, სამოქალაქო სექტორის, მედიისა და კიბერუსაფრთხოების სპეციალისტების აქტიური თანამშრომლობა, რათა შემუშავდეს რუსულ დეზინფორმაციასთან და კიბერ საფრთხეებთან ეფექტურად გამკლავების სტრატეგია“, ნათქვამია სტატიაში. სრულად... წყარო: idfi.ge

თბილისი. ფონდი „ტასო“ კიბერბულინგის შესახებ ინფორმაციას აზიარებს. „კიბერბულინგი არის დამაშინებელი, დამცინავი ან მუქარის შემცველი შეტყობინებების გაგზავნა, ხშირად სოციალური მედიის საშუალებით, და კვლევების თანახმად, უმეტეს შემთხვევებში, მიმართულია მოზარდებზე, ახალგაზრდა გოგონებსა და უმცირესობათა ჯგუფების წარმომადგენლებზე. პირისპირ ბულინგი და კიბერბულინგი ხშირად შეიძლება მოხდეს ერთმანეთის კვალდაკვალ, ან თანადროულად, მაგრამ რიგ შემთხვევებში, კიბერბულინგი ტოვებს მავნე ქმედების დამადასტურებელ ციფრულ კვალს - ჩანაწერს ან შეტყობინებას, რომელიც შეიძლება იყოს სასარგებლო და უზრუნველყოს მტკიცებულებები ძალადობის შესაჩერებლად“. სრულად... წყარო: ორგანიზაციის გვერდი სოციალურ ქსელში

თბილისი. უსაფრთხო ინტერნეტის დღესთან დაკავშირებით გაეროს ბავშვთა ფონდმა მოამზადა რჩევები თუ როგორ უნდა დავიცვათ ბავშვების უსაფრთხოება ინტერნეტში. დაიცავით ბავშვები ღია კომუნიკაციის მეშვეობით გამოიყენეთ ტექნოლოგია, რათა უკეთ დაიცვათ ბავშვები გაატარეთ ბავშვთან ერთად დრო ინტერნეტში დაეხმარეთ ბავშვს, გამოიმუშაოს ჯანსაღი ჩვევები ინტერნეტის მოხმარებისას შეეცადეთ, ბავშვს მისცეთ გართობისა და საკუთარი თავის გამოხატვის საშუალება სრულად... წყარო: www.unicef.org