სამეგრელო. „დემოკრატიული ჩართულობის ცენტრების ქსელის“ ზუგდიდის ოფისმა ასოციაცია „მერკურთან“ თანაორგანიზებით დისკუსია ჩაატარა. შეხვედრის თემა იყო საქართველოს ევროკავშირში გაწევრიანების გზაზე მონაწილეობითი დემოკრატიის განვითარების, დაინტერესებულ მხარეებს შორის კონსტრუქციული თანამშრომლობის, გამჭვირვალობისა და ანგარიშვალდებულების გაზრდის ხელშეწყობის საკითხები. მომხსენებელმა ლაშა ტუღუშმა შეხვედრის მონაწილეებს 12 რეკომენდაციის ირგვლივ პარლამენტში მიმდინარე სამუშაო პროცესი და ასევე, მონიტორინგის მიმდინარეობაც გააცნო. სრულად... წყარო: დემოკრატიული ჩართულობის ცენტრების ქსელის გვერდი სოციალურ ქსელში

თბილისი. სოციალური სამართლიანობის ცენტრი გიზიარებთ ანი გოგბერაშვილის მიერ მომზადებულ ანალიტიკურ დოკუმენტს, რომელიც მიმოიხილავს არადომინანტური ეთნიკური ჯგუფის წარმომადგენელი ქალების მიმართ ძალადობასთან დაკავშირებულ პოლიტიკურ, სოციალურ და სამართლებრივ კონტექსტებს. „საქართველოში არადომინანტური ეთნიკური ჯგუფის წარმომადგენელი ქალები ძალადობის მომატებული რისკის ქვეშ არიან და განიცდიან მრავალმხრივ ჩაგვრას გენდერის, ეთნიკური და რელიგიური კუთვნილებისა და ეკონომიკური უთანასწორობის გამო“. სრულად... წყარო: socialjustice.org.ge

თბილისი. საქართველოს სტრატეგიული კვლევებისა და განვითარების ცენტრი (CSRDG) აქვეყნებს სათემო ჯგუფებისა და პროექტების სოციალური გავლენის კვლევის ანგარიშს, რომელშიც სათემო ჯგუფების საქმიანობისა და მათ მიერ განხორციელებული პროექტების გავლენაა შესწავლილი. სრულად... წყარო: ორგანიზაციის გვერდი სოციალურ ქსელში

სამეგრელო. რადიო „ათინათის“ ეთერში, გადაცემაში მოწვეულმა სტუმრებმა ისაუბრეს სამეგრელოს რეგიონში დასაქმების ხელშეწყობის პროგრამებსა და არსებულ გამოწვევებზე. რადიო გადაცემა მომზადდა USAID-ის პროგრამის „ერთიანობა მრავალფეროვნებაშია“ ფარგლებში, რომელსაც საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს, სამეგრელოში პარტნიორი ორგანიზაციაა ასოციაცია „ათინათი“. სრულად... წყარო: www.radioatinati.ge

თბილისი. საერთაშორისო გამჭვირვალობა - საქართველოს ცნობით, ორგანიზაცია 2010 წლიდან დღემდე, სამართლებრივად 400-ზე მეტ ჟურნალისტს დაეხმარა. სრულად... წყარო: ორგანიზაციის გვერდი სოციალურ ქსელში

20 მარტს, 17:00 საათზე, ნანა დიხამინჯია გამართავს შეხვედრას: რატომ და როგორ ვისწავლოთ ტექნოლოგიები? სრულად...

20 მარტს, 13:00 საათზე, თელავის ტექნოპარკში, პროექტის „500 ქალი ტექში“ მონაწილეებს, რომლებიც კახეთის რეგიონში ცხოვრობენ გაეროს ქალთა ორგანიზაციისა და ბიზნესისა და ტექნოლოგიების უნივერსიტეტის წარმომადგენლები შეხვდებიან. ღონისძიებას ნორვეგიის სამეფოს საგანგებო და სრულუფლებიანი ელჩი საქართველოში ჰელენე სანდ ანდრესენი დაესწრება. მისამართი: თელავი, რუსთაველის გამზ. #11

თბილისი. საერთაშორისო გამჭვირვალობა საქართველოს ინფორმაციით, საქართველოს მთავრობა გაუმჭვირვალე რეჟიმში მუშაობს. „2022 წელს საქართველოს მთავრობამ 47 სხდომაზე 372 განკარგულების პროექტი განიხილა, რომელთაგან დღემდე არცერთი არ გასაჯაროებულა. განკარგულებების 40% – 372-დან 150 – კონკრეტული პირებისთვის სახელმწიფო ქონების სხვადასხვა ფორმით გადაცემას ეხებოდა, რაც კორუფციული რისკის შემცველია.  დოკუმენტების არგამოქვეყნებით და საჯარო ინფორმაციის მოთხოვნათა იგნორირებით მთავრობის ადმინისტრაცია მინიმუმ 3 სამართლებრივ აქტს არღვევს“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. სოციალური სამართლიანობის ცენტრის ინფორმაციით, 2023 წლის 17 მარტს თბილისის საქალაქო სასამართლოს გადაწყვეტილებით, 2022 წლის 20 ნოემბერს დაკავებულები, დავით ნარსავიძე და ირაკლი კვეკვესკირი გამართლდნენ პოლიციის კანონიერი მოთხოვნისადმი დაუმორჩილებლობაში, წვრილმანი ხულიგნობისთვის კი სახდელი არ დაეკისრათ და სასამართლო მხოლოდ სიტყვიერი შენიშვნით შემოიფარგლა. მათ ინტერესებს სწორედ სოციალური სამართლიანობის ცენტრი იცავდა. „სასამართლოში პროცესების მიმდინარეობისას გამოიკვეთა, რომ პოლიციელები უფლებამოსილებას სამსახურებრივი უნიფორმის გარეშე ახორციელებდნენ. მათ არც დაკავების ეპიზოდში წარუდგინეს თავი მოქალაქეებს. შესაბამისად, დაკავებული მოქალაქეებისთვის იდენტიფიცირებადი არ იყო პოლიციელთა ვინაობა. სასამართლო განხილვებზე აგრეთვე გამოიკვეთა, რომ სამართალდამცავები განზრახ არასწორ ინფორმაციას აწვდიდნენ სასამართლოს, მათი ჩვენებები იყო ხშირ შემთხვევაში ურთიერთწინააღმდეგობრივი და არ ასახავდა რეალობას“. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაციამ სტრასბურგის სასამართლოში რუსეთის წინააღმდეგ 2008 წლის აგვისტოს ომის შედეგად დაზარალებული პირების საქმეზე წერილობითი პოზიცია წარადგინა. „პოზიციაში ხაზი გაესვა იმ გარემოებას, რომ მომჩივნების სახლების გადაწვა ეთნიკური დისკრიმინაციის გამოვლინების ფორმას წარმოადგენდა.  თითოეული განმცხადებლის სოფელი და საცხოვრებელი განადგურდა იმიტომ, რომ ისინი დასახლებული იყო ეთნიკურად ქართველი მოსახლეობით. ინდივიდუალურ საქმეებში მესამე მხარედ ჩართულია საქართველო. სასამართლოს ასევე, დამატებით წარედგინა საქმისთვის მნიშვნელოვანი მტკიცებულებები“. სრულად... წყარო: gyla.ge

თბილისი. სოციალური სამართლიანობის ცენტრი გთავაზობთ ანალიტიკურ დოკუმენტს, რომელშიც გაანალიზებულია პარლამენტში მართლმსაჯულების რეფორმის სამუშაო ჯგუფის საქმიანობა და ჯგუფის მიერ შემუშავებული სასამართლო რეფორმის სტრატეგია და მის საფუძველზე მომზადებული საკანონმდებლო ცვლილებების პაკეტი. ორგანიზაციის შეფასებით,  „ევროკომისიის მიერ 2022 წლის ზაფხულში საქართველოსთვის გაცემული რეკომენდაციები მნიშვნელოვან შესაძლებლობას ქმნიდა მართლმსაჯულების სისტემური გაჯანსაღებისთვის. სამწუხაროდ, პოლიტიკური ნების არარსებობის გამო, ეს შესაძლებლობა მორიგ ჯერზე არ იქნა გამოყენებული ეფექტიანად. პარლამენტში შექმნილი სამუშაო ჯგუფი მხოლოდ ილუზორულ შესაძლებლობას ქმნიდა სამოქალაქო ჩართულობისა და სიღრმისეული დისკუსიებისთვის სასამართლო რეფორმებზე. სამუშაო ჯგუფის შედეგად შემუშავებული რეფორმის სტრატეგია მინიმალურადაც არ ეხმიანება სასამართლოში არსებულ სისტემურ გამოწვევებს. აღნიშნული სტრატეგიის საფუძველზე მომზადებული საკანონმდებლო ცვლილებათა პაკეტი, „საერთო სასამართლოების შესახებ“ კანონში, კი ითვალისწინებს ფრაგმენტულ, ფასადურ ცვლილებებს, რომელიც არ იძლევა სასამართლოს თვისებრივი და შინაარსობრივი გაჯანსაღების იმედს“. სრულად... წყარო: socialjustice.org.ge

თბილისი. ადამიანის უფლებათა ცენტრის ინფორმაციით, ორგანიზაციამ 2022 წლის ნოემბრიდან 2023 წლის თებერვლის ჩათვლით 19 საქმე დაასრულა წარმატებით. სრულად... წყარო: www.hrc.ge

თბილისი. სოციალური სამართლიანობის ცენტრი გიზიარებთ ანალიტიკურ დოკუმენტს, რომელშიც წარმოდგენილია ქალთა მიმართ ძალადობის პრევენციის პოლიტიკის თეორიული და მოდელური კონცეფციები, საქართველოში უკვე ჩატარებული კვლევების მიმოხილვა და  ორგანიზაციის მიერ ჩატარებული თვისებრივი კვლევის გზით, ქართული რეალობის აღწერა. „ქალთა მიმართ ძალადობასთან დაკავშირებით  სისხლისსამართლებრივი დევნის დაწყების მაჩვენებელი ყოველ წელს იზრდება, მაგრამ მიუხედავად რაოდენობის ზრდის ტენდენციისა, კვლავ იკვეთება საქმის ისეთი გარემოებები, რომელიც სახელმწიფოს სუსტ პრევენციულ ღონისძიებებზე მიუთითებს და მისი პოზიტიური ვალდებულებების ვერ შესრულებას ადასტურებს, რაც რისკების სათანადო არ შეფასებაში და მძიმე შედეგების თავიდან ვერ აცილებაში გამოიხატება“, ნათქვამია ორგანიზაციის ვებგვერდზე. სრულად... წყარო: socialjustice.org.ge

17 მარტს, 13:00 საათზე, ახალციხის #1 საჯარო სკოლაში ასაკზე მორგებული კომიქსის „უჩინარი“ წარდგენა გაიმართება, რომელიც გაეროს მოსახლეობის ფონდის (UNFPA) საქართველოს ოფისის ინიციატივით, გამომცემლობა „პალიტრა L”- თან თანამშრომლობით და ევროკავშირის მხარდაჭერით 13-დან 16 წლამდე ასაკის გოგოებისა და ბიჭებისთვის შეიქმნა. მისამართი: ახალციხე, მიქუტიშვილის ქუჩა 2

17 მარტს, 11:30 საათზე, დუშეთის მუნიციპალიტეტის წარმომადგენელსა და USAID-ის ძლიერი სოფლის პროგრამის ხელმძღვანელს შორის ურთიერთგაგების მემორანდუმის ხელმოწერის ცერემონია გაიმართება. თემა: სტრატეგიის დოკუმენტში წარმოდგენილი იქნება მუნიციპალიტეტის განვითარების პრიორიტეტები და განსაკუთრებული ყურადღება გამახვილდება საქართველოს ადმინისტრაციულ სასაზღვრო ზოლთან მდებარე თემების მდგრადობის გაძლიერებაზე. მისამათი: დუშეთი, მცხეთა-მთიანეთის მხარე, დუშეთის კულტურის ცენტრი

თბილისი. Grlz Wave ცრემლსადენი გაზით მოწამვლის ნიშნებსა და გრძელვადიან გვერდით ეფექტებზე წერს. „აქციის მონაწილეები, რომლებიც ცრემლსადენი გაზით მოიწამლნენ, დღემდე სხვადასხვა სიმპტომს ებრძვიან, რადგან ინტოქსიკაცია ხშირად იწვევს გრძელვადიან გვერდით ეფექტებს. მათ შორის,  თვალის შემთხვევაში: სიბრმავეს, ჰემორაგიას, ნერვის დაზიანებას, კატარაქტას, რქოვანას ეროზიას. რესპირატორული და კუჭ-ნაწლავის სისტემის დაზიანების დროს: ხველებას და სუნთქვის გაძნელებას, თავბრუსხვევას, დიარეას, გულმკერდის შებოჭილობასა და ტკივილს, ღებინებას. კანის დაზიანების შემთხვევაში: ქავილს, სიწითლესა და შეშუპებას, ალერგიულ დერმატიტს, ქიმიურ დამწვრობას.  თუ ცრემლსადენი გაზით ინტოქსიკაციის შემდეგ, სიმპტომების გამოვლენა გაგრძრელდა, აუცილებელია მიმართოთ სპეციალისტს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში ფოტო: მარიამ გიუნაშვილი

თბილისი. ანალიტიკური პლატფორმა „კომენტარი“ გთავაზობთ სტატიებს ე.წ. უცხოური გავლენის აგენტების საკითხზე. სტატიები: FARA: რა უნდა ვიცოდეთ ამერიკულ კანონზე?...  უცხოური გავლენის რეგულირება: ავსტრალია და ისრაელი... რუსული კანონი უცხო ძალის აგენტების შესახებ... რა ბარიერებს აწყდებიან საზოგადოებრივი ორგანიზაციები აზერბაიჯანში? უცხოური გავლენის აგენტების შესახებ კანონპროექტი კონსტიტუციის წინააღმდეგ... წყარო: komentari.ge

თბილისი. ინფორმაციის თავისუფლების განვითარების ინსტიტუტის (IDFI) ცნობით, დაიწყო კორუფციასთან ბრძოლის სასერტიფიკატო პროგრამის გაზაფხულის სემესტრი, რომელიც გაიხსნა სამაგისტრო საგნით „კორუფციასთან ბრძოლა - საერთაშორისო აქტორები, ანტიკორუფციული პლატფორმები“. კურსის ფარგლებში დაიფარება ისეთი თემები, როგორიცაა ანტიკორუფციული სტრატეგიები და სამოქმედო გეგმები, კორუფციასთან ბრძოლის საერთაშორისო სამართლებრივი ინსტრუმენტები, კორუფციასთან ბრძოლის საერთაშორისო და რეგიონული პლატფორმები, კორუფცია სასამართლო სისტემაში და საჯარო სერვისები და კორუფცია. სრულად... წყარო: idfi.ge

ქვემო ქართლი. სოციალური სამართლიანობის ცენტრი აქვეყნებს კვლევით დოკუმენტს: პანდემიის ეფექტი: როცა სახელმწიფო მარნეულში შეხვდა მოქალაქეებს. „შეიძლება ითქვას, რომ კოვიდპანდემიამ ქართულ რეალობაში არსებული მოუგვარებელი საკითხები, ხელახლა დააყენა დღის წესრიგში. პანდემიის პირობებში სახელმწიფოს აღქმა ეთნიკურ უმცირესობებში ცალსახად პრობლემურად წარმოჩინდა. თავის მხრივ, სახელმწიფოს მხრიდან ომის ეფექტის გამოყენებამ, სამხედრო ძალების ჩაყენებამ მარნეულის და ბოლნისის შესასვლელებთან, ხელი შეუწყო იქ მცხოვრები უმცირესობების მიმართ გაღიზიანების ზრდას. ფაქტია, რომ სახელმწიფოს არ გააჩნდა ამ მუნიციპალიტეტების მოსახლეობასთან კომუნიკაციის პირდაპირი არხები, შესაბამისად, შედარებით მარტივი გზა - კონტროლის დაწესება, ჩაკეტვა არჩია. თუმცა ჩაკეტვის პირობებშიც გამოჩნდა კომუნიკაციის აუცილებლობა მოსახლეობასთან. შეიძლება ითქვას, რომ მარნეულში განვითარებულმა პანდემიურმა რეალობამ სახელმწიფოს მხრიდან არასაკმარისი ძალისხმევის გამოვლენა და სუსტი ინტეგრაციული პოლიტიკა წარმოაჩინა“. სრულად... წყარო: socialjustice.org.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. საერთაშორისო გამჭვირვალობა - საქართველომ კიდევ ერთი მოქალაქის საქმე მოიგო. მოქალაქე გელა მალაყმაძეს განაცდური ხელფასის სახით, საქართველოს პროკურატურა 30 542 ლარს გადაუხდის. სრულად... წყარო: ორგანიზაციის გვერდი სოციალურ ქსელში

16 მარტს, 18:00 საათზე, ლურჯი ფარის საქართველოს ეროვნული კომიტეტი, პენსილვანიის უნივერსიტეტის მუზეუმის კულტურული მემკვიდრეობის ცენტრთან (PennCHC) ერთად, გიწვევთ სემინარზე „ადგილობრივი თემების როლი კულტურული მემკვიდრეობის დაცვის საქმეში“. სრულად...