„სამოქალაქო საზოგადოების ინიციატივა“ – ახალი პროექტია, რომლის ფინანსური მხარდამჭერია ევროკავშირი და კონრად ადენაუერის ფონდი. პროექტის მიზანია სამოქალაქო საზოგადოების, როგორც დამოუკიდებელი, მდგრადი, გამჭვირვალე და ანგარიშვალდებული აქტორის გაძლიერების ხელშეწყობა. პროექტის სიახლეების, კონკურსებისა თუ გამოცემების შესახებ შეგიძლიათ მიიღოთ ინფორმაცია სოციალურ ქსელში არსებულ გვერდზე – სამოქალაქო საზოგადოების ინიციატივა  ესტუმრე გვერდს და იყავი ინფორმირებული ევროკაშვირისა (#EU) და კონრად ადენაუერის ფონდის (#KAS) მხარდაჭერით პროექტს ახორციელებენ: საქართველოს სტრატეგიული კვლევებისა და განვითარების ცენტრი (#CSRDG), სამოქალაქო საზოგადოების ინსტიტუტი (#CSI), კონსულტაციისა და ტრენინგის ცენტრი (#CTC), განათლების განვითარების და დასაქმების ცენტრი (#EDEC) და ევროპული პოლიტიკის ინსტიტუტი (#IEP).  „სამოქალაქო საზოგადოების ინიციატივა“ – ემყარება ევროკავშირის მიერ მხარდაჭერილი პროექტის -„სამოქალაქო საზოგადოების განვითარების ინიციატივა" - (CSSIGE 2017-2020) განხორციელების პროცესში მიღებულ ცოდნასა და გამოცდილებას.

თბილისი. თუ გაინტერესებთ რა არის მოხალისეობა და როგორია დროის ბანკის უცხოური და ქართული გამოცდილება; ასევე, თუ გსურთ იცოდეთ დროის ბანკის წარმატებული ისტორიების შესახებ და გაიგოთ რამდენად მზად ხართ მოხალისეობრივი სამუშაოსთვის, პუბლიკაცია: „დროის ბანკი: საკითხავი ახალ მოხალისეობაზე“ თქვენთვისაა.  პუბლიკაცია შექმნილია პროექტის „სამოქალაქო საზოგადოების განვითარების ინიციატივა“ ფარგლებში. პროექტი ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS).  სრულად... წყარო: Timerepublik Georgia-ს გვერდი სოციალურ ქსელში

2021 წლის 28-29 იანვარს ონლაინ ფორმატში ჩატარდა სამოქალაქო საზოგადოების ორგანიზაციების ეროვნული ფორუმი. ფორუზე თავი მოიყარა სამოქალაქო საზოგადოების და სხვა სექტორების 200-მდე წარმომადგენელმა საქართველოს ყველა რეგიონიდან და ასევე აღმოსავლეთ პარტნიორობის ქვეყნებიდან. ფორუმის მიმდინარეობისას ყურადღება გამახვილდა სამოქალაქო საზოგადოების როლზე რეფორმების განხორციელებაში და მის წინაშე მდგარ გამოწვევებზე. ფორუმის მონაწილეებს მიესალმა საქართველოში ევროკავშირის დელეგაციის წარმომადგენელი, ქალბატონი დომინიკა სკუბიდა. მან ხაზი გაუსვა სამოქალაქო საზოგადოების, როგორც პარტნიორის მნიშვნელობას საქართველოს ევროკავშირთან დაახლოებისთვის საჭირო რეფორმების განხორციელების პროცესში: ”ბოლო ოთხი წლის განმავლობაში მქონდა პატივი, დავკვირვებოდი სამოქალაქო საზოგადოების განვითარებას საქართველოში. მოხარული ვარ, რომ ვხედავ რამდენად აქტიური და მრავალფეროვანი გახდა სამოქალაქო საზოგადოება, განსაკუთრებით რეგიონებში.” „სამოქალაქო საზოგადოების გავნითარების ინიციატივა“ პროექტის წარმომადგენლებმა ფორუმის მონაწილეებს გააცნეს ევროკავშირის მხარდაჭერილი ოთხწლიანი პროგრამის ძირითადი მიღწევები ისეთ სფეროებში, როგორიცაა სამოქალაქო საზოგადოების დაფინანსების წყაროების დივერსიფიცირება (ამ შემთხვევაში აქცენტი გაკეთდა სახელმწიფო დაფინანსებაზე, რომელიც ხელმისაწვდომია სამოქალაქო საზოგადოების ორგანიზაციებისთვის); სამოქალაქო საზოგადოებასა და ბიზნესს შორის თანამშრომლობის გაღრმავება კორპორაციული სოციალური პასუხისმგებლობის (CSR) ფარგლებში; ახალგაზრდების, როგორც სამოქალაქო აქტივისტების გაძლიერება; სამოქალაქო საზოგადოების პოპულარიზაციის კამპანია - “ეს ქვეყანა შენია.” ფორუმის შემდეგ პანელში მონაწილეებს შორის გაიმართა დისკუსია საქართველოს რეგიონებში არსებული სამოქალაქო საზოგადოების როლისა და გამოწვევების შესახებ. ბოლო პანელის მიმდინარეობისას, საერთაშორისო ექსპერტებმა წარმოადგინეს საკუთარი მოსაზრებები აღმოსავლეთ პარტნიორობის რეგიონში სამოქალაქო საზოგადოებაში არსებული ვითარების შესახებ. პროექტს „სამოქალაქო საზოგადოების განვითარების ინიციატივა“ ახორციელებს კონსორციუმი კონრად ადენაუერის ფონდის (KAS) ხელმძღვანელობით, რომელშიც ასევე შედის ოთხი ქართული სამოქალაქო ორგანიზაცია: სამოქალაქო საზოგადოების ინსტიტუტი (CSI), საქართველოს სტრატეგიული კვლევებისა და განვითარების ცენტრი (CSRDG), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC). პროექტი დაფინანსებულია ევროკავშირის მიერ, ხოლო თანადამფინანსებელია კონრად ადენაუერის ფონდი.

თბილისი. ევროკავშირის მიერ მხარდაჭერილი პროექტი, „სამოქალაქო საზოგადოების განვითარების ინიციატივა“, 28-29 იანვარს გიწვევთ სამოქალაქო საზოგადოების ორგანიზაციების ონლაინ ფორუმზე.  ფორუმზე გაეცნობით: პროექტის "სამოქალაქო საზოგადოების განვითარების ინიციატივა" ოთხწლიან საქმიანობას, ძირითად მიღწევებსა და გამოწვევებს; საქართველოს რეგიონებში სამოქალაქო საზოგადოების კუთხით არსებულ ვითარებას; აღმოსავლეთ პარტნიორობის ქვეყნებში (უკრაინა, მოლდოვა, ბელარუსი) სამოქალაქო საზოგადოების გამოცდილებას.  ფორუმში მონაწილეობისთვის, 27 იანვრის ჩათვლით, გაიარეთ რეგისტრაცია შემდეგ ბმულზე  სრულად...   წყარო: გვერდი სოციალურ ქსელში

თბილისი. განათლების განვითარების და დასაქმების ცენტრი (EDEC) მოხალისეობის კვირეულის ფარგლებში, 10-14 დეკემბერს (18:00–დან 19:00 საათმდე) გიწვევთ კინო-ჩვენებებსა და ონლაინ დისკუსიებზე. „კინო-საღამოების ციკლი მხოლოდ 5 დღე გაგრძელდება. ყოველდღიურად სპეციალურ ონლაინ პლატფორმაზე მოხალისეობის თემაზე გადაღებული დოკუმენტური და მხატვრული ფილმები გაეშვება, ხოლო ონლაინ დისკუსიებს გამართავენ მოწვეული სპიკერები: გოდერძი შარაშია, გიორგი კალანდია, ლელა გაფრინდაშვილი, ლაშა ბაქრაძე, ნათია ლოლაძე, გიორგი კეკელიძე, სიმონ ჯანაშია, ლევან ღამბაშიძე და ლევან გიგინეიშვილი. საინტერესო თემების და ნაჩვენები ფილმების გარშემო დისკუსიებს კინომცოდნე თამთა თურმანიძე წარმართავს. ყოველი კინო-საღამოს ბოლოს მოწვეული სპიკერები უპასუხებენ აუდიტორიის მიერ დასმულ შეკითხვებს, რისთვისაც რეკომენდებულია თქვენთვის საინტერესო ფილმის წინასწარ ნახვა. თქვენთვის სასურველ კინო-ჩვენებასა და დისკუსიაზე რეგისტარციისათვის მიყევით შესაბამის ბმულს. თქვენ არ ხართ შეზღუდული კინო-ჩვენებების რაოდენობაში და ყოველ ღონისძიებაზე შეგიძლიათ რეგისტრაცია“.  ➤ 10 დეკემბერი - მოხალისეობა საქართველოში... ➤ 11 დეკემბერი - მოხალისეობრივი მოძრაობა XIX-XX საქართველოში... ➤ 12 დეკემბერი - საბჭოთა მოხალისეობა ეკრანზე და ეკრანს მიღმა... ➤ 13 დეკემბერი – მოხალისეობა გლობალურად...  ➤ 14 დეკემბერი – შექმენი და გააგრძელე სიკეთის ჯაჭვი... სრულად... წყარო: ორგანიზაციის გვერდი სოციალურ ქსელში

თბილისი. 25-26-27 ნოემბერს, ევროკავშირის და კონრად ადენაუერის ფონდის მხარდაჭერით მიმდინარე პროექტის „სამოქალაქო საზოგადოების განვითარების ინიციატივა“ ფარგლებში, საქართველოს სტრატეგიული კვლევებისა და განვითარების ცენტრის (CSRDG) ორგანიზებით, გაიმართება „სათემო ლიდერთა ფორუმი 2020“. ღონისძიების მიზანია: სათემო ორგანიზაციების პოპულარიზაცია; სათემო ორგანიზაციებს შორის კონტაქტების გამყარება/გაღრმავება; რეგიონებს შორის წარმატებული გამოცდილების გაზიარება; სათემო ლიდერებისთვისა თუ სამოქალაქო აქტივისტებისთვის აქტუალურ საკითხებზე ინფორმაციის მიწოდება. ღონისძიება ჩატარდება ონლაინ რეჟიმში და თითოეულ დარეგისტრირებულ მონაწილეს ინდივიდუალურად მიუვა ღონისძიების ლინკი დეტალური ინფორმაცია ღონისძიების შესახებ იხილეთ... სარეგისტრაციო ფორმა იხილეთ... წყარო: ორგანიზაციის გვერდი სოციალურ ქსელში

ზემო სვანეთი. ზემო სვანეთის LAG-ის ახალგაზრდულმა ფრთამ, დაფინანსებული პროექტის „მოდი, ერთად დავა-LAG-ოთ სვანეთი” ფარგლებში, 10-11 ნოემბერს ზემო სვანეთის ხუთი თემის ნაკრას, მულახის, წვირმის, კალას და იფარის მიმდებარე ტერიტორიაზე დასუფთავების აქციები ჩაატარა. თითოეულ ლოკაციაზე განთავსდა 2 ნაგვის ყუთი და სპეციალურად პროექტისთვის შექმნილი ბანერი.  „„მოდი, ერთად დავა–LAG–ოთ სვანეთი!“ – ერთ–ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. კამპანია, რომელიც პროექტის „სამოქალაქო საზოგადოების განვითარების ინიციატივა“ ფარგლებში ხორციელდება, მიზნად ისახავს ზემო სვანეთში გარემოს დაბინძურების მაჩვენებლის შემცირებას და მოხალისეობრივ აქტივობებში ახალგაზრდების ჩართულობის გაზრდას“. პროექტს ახორციელებს კონრად ადენაუერის ფონდი (KAS), სამოქალაქო საზოგადოების ინსტიტუტი (CSI), საქართველოს სტრატეგიული კვლევებისა და განვითარების ცენტრი (CSRDG), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC). პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

იმერეთი. „ბლოგერები ზემო რაჭიდან“ ერთ-ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. „ინიციატივის ფარგლებში, საინიციატივო ჯგუფი ზემო რაჭიდან, ონის მუნიციპალიტეტში მცხოვრებ 15-18 წლის ახალგაზრდებს პროგრამაში „ბლოგერები ზემო რაჭიდან“ მონაწილეობის მისაღებად აცხადებს კონკურსს. პროგრამა მიზნად ისახავს მოწყვლადი ჯგუფების დახმარებას, მათი საზოგადოებაში ინტეგრაციის ხელშეწყობას, ფორმალური და არაფორმალური განათლების მხარდაჭერას, ადგილობრივი სათემო პრობლემების მოგვარებას და მოხალისეობის პოპულარიზაციას“. კონკურსი პროგრამის „სამოქალაქო საზოგადოების განვითარების ინიციატივა“ ფარგლებში ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

თბილისი. დემოკრატიული ჩართულობის ცენტრების ქსელმა პროექტის, „სამოქალაქო საზოგადოების განვითარების ინიციატივა“ ფარგლებში, CSI-ის მხარდაჭერით, 2018 წელს გაცემული სახელმწიფო გრანტების მონიტორინგი მოამზადა. წინამდებარე კვლევა აფასებს სახელმწიფოს მიერ გაცემული საგრანტო დაფინანსების პროცესის ეფექტურობას, ეტაპებსა და ზოგად პრინციპებს. ერთი მხრივ, ყურადღება გამახვილებულია კანონმდებლობის განსაზღვრულ წესებზე, თუ რა ფორმით, რომელი ეტაპების გათვალისწინებით და რა კრიტერიუმებით ხდება საჯარო დაწესებულებების მიერ საბიუჯეტო სახსრებიდან საგრანტო კონკურსების ადმინისტრირება და, მეორე მხრივ, შესწავლილია კონკურსის მონაწილე და გრანტების მიმღები ორგანიზაციების პრაქტიკული გამოცდილება, რათა ერთობლივად მიღებული ინფორმაციის საფუძველზე შემუშავდეს რეკომენდაციები, თუ როგორ შეიძლება გაუმჯობესდეს აღნიშნული პროცესი“. პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: csogeorgia.org

მცხეთა-მთიანეთი. 1 ნოემბერს, განათლების განვითარების და დასაქმების ცენტრის მხარდაჭერით, „კავკასიის ველო ქსელმა“, პროექტის „სამოქალაქო საზოგადოების განვითარების ინიციატივა“ ფარგლებში, დუშეთის მუნიციპალიტეტში, კერძოდ, ანანურიდან არაგვის სათავგადასავლო ცენტრამდე, ჩაატარა ველოშეჯიბრი “Zhinvali XC Adventure 2020”, რომელიც მიზნად ისახავდა ჯანსაღი ცხოვრებისა და მოხალისეობრივი იდეის პოპულარიზაციას. მოხალისეობის პოპულარიზაციის მიზნით, დუშეთის მუნიციპალიტეტიდან 10 მოხალისე ჩართული იყო შეჯიბრის სხვადასხვა საორგანიზაციო საკითხებში და ღონისძიების წარმართვაში. ველოშეჯიბრი “Zhinvali XC Adventure 2020” ერთ–ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ ზესტაფონის მუნიციპალიტეტში მცხოვრები ახალგაზრდებისათვის, ონლაინ საინფორმაციო შეხვედრა ჩაატარა შემდეგ თემებზე:  სამოქალაქო ჩართულობის მნიშვნელობა; სამოქალაქო საზოგადოების ორგანიზაციების არსი; საერთაშორისო მოხალისეობრივი პლატფორმა „დროის ბანკი“; ონლაინ შეხვედრას წარუძღვა, პროექტის კოორდინატორი, თამარ კიტოვანი. ონლაინ შეხვედრა ჩატარდა პროექტის, „სამოქალაქო საზოგადოების განვითარების ინიციატივა“ ფარგლებში. „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ პროექტის, „სამოქალაქო საზოგადოების განვითარების ინიციატივა“, ფარგლებში, ქუთაისის მუნიციპალიტეტში არსებული სამოქალაქო საზოგადოების/სათემო ორგანიზაციების წარმომადგენლებისათვის შემაჯამებელი შეხვედრა ჩაატარა. „შეხვედრის მონაწილეებმა მიიღეს ინფორმაცია, პროექტის დაწყებიდან დღემდე ჩატარებული აქტივობებისა და ღონისძიებების შესახებ. აგრეთვე, შემაჯამებელ შეხვედრაზე საუბარი შეეხო იმას, თუ რამდენად მნიშვნელოვანი იყო პროექტის განხორციელება იმერეთის რეგიონში არსებული სამოქალაქო საზოგადოების განვითარებისათვის. აღნიშნული პროექტი ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), ტრენინგის და კონსულტაციის ცენტრთან (CTC), საქართველოს სტრატეგიული კვლევის და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) პარტნიორობით“. სრულად… წყარო: ორგანიზაციის გვერდი სოციალირ ქსელში