თბილისი. 27 იანვარს, საქართველოს ახალგაზრდა იურისტთა ასოციაციამ და პარტნიორობა ადამიანის უფლებებისათვის ერთობლივი პროექტის - „ქალთა გაძლიერება შრომითი დისკრიმინაციის წინააღმდეგ და გენდერული ძალადობის დასამარცხებლად" საბოლოო ანგარიში წარადგინა. პროექტის ფარგლებში მომზადდა 4 სხვადასხვა კვლევა და ჩატარდა საქართველოს შრომის, ჯანმრთელობისა და სოციალური დაცვის სამინისტროს შრომისა და დასაქმების პოლიტიკის დეპარტამენტის სტრუქტურული ერთეულის გენდერული აუდიტი. კვლევების შედეგად გამოვლინდა, რომ კვლავ იკვეთება შრომით ურთიერთობებში გენდერის კუთხით უთანასწორო მოპყრობის საფრთხეები. სრულად... წყარო: gyla.ge

კახეთი. ყვარელში არასრულწლოვანთა მართლმსაჯულების კოდექსის განხილვა მოეწყო, რომლის მიხედვითაც, 18 წლამდე ასაკის პირებისათვის მართლმსაჯულების სპეციალიზებული ინსტიტუტი შეიქმნება. კანონთან კონფლიქტში მყოფი ბავშვების საქმეებს სპეციალიზებული პოლიციელები, გამომძიებლები, პროკურორები და მოსამართლეები განიხილავენ. პროექტი ევროკავშირისა და გაეროს ბავშვთა ფონდის (UNICEF) რეკომენდაციების საფუძველზე, ევროკავშირის პროექტის - „სისხლის სამართლის სისტემის რეფორმის მხარდაჭერა საქართველოში" - მხარდაჭერით მომზადდა. შეხვედრას ესწრებოდა გაეროს ბავშვთა ფონდის წარმომადგენელი საქართველოში, ასევე იუსტიციის სამინისტროსა და ადგილობრივი არასამთავრობო სექტორის წარმომადგენლები. ,,ჩვენ მოუთმენლად ველით კოდექსის ძალაში შესვლას და, ამავე დროს, გამოვთქვამთ მზადყოფნას, რომ ხელი შევუწყოთ მის იმპლემენტაციას", - განაცხადა გაეროს ბავშვთა ფონდის წარმომადგენელმა საშა გრაუმანმა. ახალი კოდექსი ერთ საკანონმდებლო აქტში აერთიანებს არასრულწლოვანთა პასუხისმგებლობის, ადმინისტრაციული, სისხლის სამართლის პროცესის, სასჯელაღსრულების და სხვა საკითხების მარეგულირებელ ნორმებს და აწესებს არასრულწლოვანთა უფლებების დაცვის ახალ სტანდარტსა და მექანიზმებს.

თბილისი. ინფორმაციის თავისუფლების განვითარების ინსტიტუტის" (IDFI) დირექტორი გიორგი კლდიაშვილი პრესკონფერენცია გამართა და კიდევ ერთხელ მიმართა საქართველოს შინაგან საქმეთა სამინისტრო და პროკურატურას დაუყოვნებლივ იქნეს გამოძიებული მისი დაკავების, შესაძლო ზეწოლის და საქმის მასალების შედგენის ფაქტები. სრულად... წყარო: idfi.ge

თბილისი. საქართველოს სახალხო დამცველმა შინაგან საქმეთა მინისტრს წინადადებით მიმართა. ომბუდსმენი მინისტრს მიმართავს ,,ბავშვზე ძალადობის შემთხვევების შესწავლის დროს, კანონით დადგენილი პროცედურების სრული დაცვის უზრუნველსაყოფად, ზედამხედველობა გაუწიოს მის დაქვემდებარებაში არსებულ პასუხისმგებელ სტრუქტურებს. ასევე უზრუნველყოს მათთვის დამატებითი ინსტრუქციის მიწოდება, რათა ყველა არასრულწლოვანმა შეძლოს სათანადო ზრუნვისა და კანონით გათვალისწინებული სერვისების მიღება". სრულად... წყარო: ombudsman.ge

თბილისი. სახალხო დამცველმა #11 საინფორმაციო ბიულეტენი წარადგინა, რომელშიც დეკემბრის თვის საქმიანობაა ასახული. დეკემბერი ოფისისთვის უკიდურესად დატვირთული აღმოჩნდა. მომზადდა 10 დეკემბრის ანგარიში ადამიანის უფლებების და თავისუფლებების დაცვის  შესახებ, რომელიც 2014 წელს მიმოიხილავს; გამოქვეყნდა საქართველოს სახალხო დამცველთან შექმნილი საზოგადოებრივი საბჭოს ანგარიში 2012 წლის 28 აგვისტოს ლოპოტას ხეობაში ჩატარებული სპეციალური ოპერაციის შესახებ; პრევენციის ეროვნული მექანიზმის სპეციალური ანგარიშები სასჯელაღსრულების რამდენიმე დაწესებულებში არსებული მდგომარეობის შესახებ; გაიგზავნა 16 რეკომენდაცია და წინადადება სახელმწიფო ხელისუფლებისა და ადგილობრივი თვითმმართველობის ორგანოებისადმი; ასევე, მომზადდა სხვა არაერთი ანგარიში, პრეზენტაცია და შეხვედრა, რომელთა შესახებ ჩვენს დეკემბრის საინფორმაციო ბიულეტენში შეიტყობთ. სრულად... წყარო: ombudsman.ge

თბილისი. ადამიანის უფლებების სწავლებისა და მონიტორინგის ცენტრმა ფილმი - „ისლამი და მედიახატები" გამოაქვეყნა. „უკანასკნელი 2 წლის მანძილზე არაერთხელ გამოვლინდა მუსლიმი თემისადმი რელიგიური შეუწყნარებლობისა და ძალადობის შემთხვევა. ბოლოს, ასეთი ფაქტი რამდენიმე თვის წინ, ადიგენის რაიონის, სოფელ მოხეში მოხდა.   ...ხელისუფლება კი აღნიშნული საკითხების მიმართ გულგრილია და ხშირად დომინანტი რელიგიური ჯგუფის, მართლმადიდებლების დამცველად გვევლინება. ეს ყოველივე კი, ნოყიერ ნიადაგს ქმნის ქართულ საზოგადოებაში ისლამოფობიური განწყობებისათვის, რაც ქართველი მუსლიმების მიმართ სტერეოტიპული ხედვების ჩამოყალიბებას უწყობს ხელს", ნათქვამია ორგანიზაციის ვებ-გვერდზე. ფილმი  წყარო: ორგანიზაციის გვერდი სოციალურ ქსელში

შიდა ქართლი. 20 იანვარს საქართველოს სახალხო დამცველმა გორის დემოკრატიული ჩართულობის ცენტრში შიდა ქართლის რეგიონში მოქმედი არასამთავრობო ორგანიზაციების წარმომადგენლებს გორის მუნიციპალიტეტის სოფელ ზაარდიაანთკარის მოსახლეობის სოციალური, ეკონომიკური და უფლებრივი მდგომარეობის შესახებ სპეციალური ანგარიში გააცნო. „სოფელ ზარდიაანთკარზე კონტროლი საქართველოს ხელისუფლებამ 2012 წლის ზაფხულში აღადგინა, თუმცა, მწვავე სოციალური, ეკონომიკური და ინფრასტრუქტურული პრობლემების გამო, სოფელში მოსახლეობა ვერ ბრუნდება. კონფლიქტით დაზარალებულ 20-მდე ოჯახი გორის საბავშვო ბაღში აგრძელებს ცხოვრებას. ... ზარდიაანთკარის მოსახლეობის ღირსეული დაბრუნებისა და სოფლის დემოგრაფიული მდგომარეობის გასაუმჯობესებლად, სახალხო დამცველმა ადგილობრივი და ცენტრალურ ხელისუფლებისათვის რეკომენდაციები შეიმუშავა", ნათქვამია სახალხო დამცველის ვებგვერდზე. სრულად... წყარო: ombudsman.ge

თბილისი. 21 იანვარს სამართლიანი არჩევნებისა და დემოკრატიის საერთაშორისო საზოგადოების და საქართველოს ახალგაზრდა იურისტთა ასოციაცის კონსტიტუციურ სარჩელზე საკონსტიტუციო სასამართლოში არსებითი განხილვა გაიმართება. „მოსარჩელეები ითხოვენ, უზენაესმა სასამართლომ არაკონსტიტუციურად ცნოს საარჩევნო კოდექსის ის ნორმები, რომლებიც მხოლოდ პარტიას/საარჩევნო ბლოკს აძლევს უფლებას, წარადგინონ მერობის და გამგებლობის კანდიდატები. დამოუკიდებელ კანდიდატებს ერთმევა შესაძლებლობა ისარგებლონ პასიური საარჩევნო უფლებით, რაც წინააღმდეგობაში მოდის, კონსტიტუციის 28-ე და 29-ე მუხლებთან", ნათქვამია სამართლიანი არჩევნების ვებგვერდზე. სრულად... წყარო: isfed.ge

თბილისი. ადამიანის უფლებების სწავლებისა და მონიტორინგის ცენტრმა მოამზადა დოკუმენტური ფილმი „ობიექტი #8". ფილმი ასახავს თბილისში მდებარე ერთ–ერთ სახელმწიფო ობიექტში მცხოვრებ სოციალურად დაუცველი, უსახლკარო ქალების უფლებრივ მდგომარეობას. ფილმი: „ობიექტი #8" წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია ადმინისტრაციული სამართალდარღვევის შესახებ პერსონალური მონაცემების შსს–ს მიერ უვადოდ შენახვას საკონსტიტუციო სასამართლოში ასაჩივრებს. „სახელმწიფოს მიერ ადამიანის პერსონალური მონაცემის სამუდამოდ შენახვა, თავისთავად წარმოადგენს ადამიანის პირადი ცხოვრების უფლების დარღვევას. ამასთან ერთად, 20-30 წლის წინ მომხდარი სამართალდარღვევა და ამის შესახებ ინფორმაციის შენახვა, შესაძლოა დაბრკოლება აღმოჩნდეს გარკვეული მოქალაქისათვის, დაიკავოს განსაზღვრული თანამდებობა საჯარო სამსახურში", ნათქვამია ორგანიზაციის გვერდზე. სრულად... წყარო: gyla.ge

თბილისი. საქართველოს სახალხო დამცველმა საქართველოს პარლამენტს წინადადებით მიმართა „საქართველოს სისხლის სამართლის საპროცესო კოდექსში" ცვლილებების პროექტის შესახებ. „სახალხო დამცველი უარყოფითად აფასებს საქართველოს სისხლის სამართლის საპროცესო კოდექსის 120-ე მუხლის შემოთავაზებულ ცვლილებას, რომლის მიხედვით, საგამოძიებო მოქმედებების: ჩხრეკისა და ამოღების გადაუდებელი აუცილებლობის შემთხვევაში ჩატარებისას გამომძიებლის მიერ დადგენილების გამოტანა საჭირო აღარ იქნება. .... მნიშვნელოვანია, რომ გადაუდებელი აუცილებლობისას საქართველოს კონსტიტუციის მე–20 მუხლით (პირადი ცხოვრების ხელშეუხებლობა) გარანტირებული უფლებით დაცულ სფეროში ჩარევის შემთხვევაში არსებობდეს შესაბამისი წერილობითი დოკუმენტი, სადაც მითითებული იქნება ჩხრეკის ან ამოღების სასამართლოს განჩინების გარეშე ჩატარების საფუძველი, მიზანი და აუცილებლობა. წერილობითი და დასაბუთებული დადგენილების გამოტანა აუცილებელია, რათა სასამართლომ შეაფასოს, რამდენად არსებობდა კონკრეტულ შემთხვევაში შესაბამისი საგამოძიებო მოქმედების გადაუდებლად ჩატარების აუცილებლობა. სასამართლოს გარდა, აუცილებელია, აღნიშნულის შეფასების და გასაჩივრების შესაძლებლობა მიეცეს თავად იმ პირს, რომლის მიმართაც ტარდება ეს მოქმედება, თუ მიიჩნევს, რომ არ არსებობდა გადაუდებელი აუცილებლობით ჩხრეკის ჩატარებისათვის აუცილებელი გარემოებები. ...", ნათქვამია სახალხო დამცველის ვებგვერდზე. სრულად... წყარო: ombudsman.ge

თბილისი. საქართველოს სახალხო დამცველმა რეკომენდაციით მიმართა აჭარის ავტონომიური რესპუბლიკის გარემოს დაცვისა და ბუნებრივი რესურსების სამმართველოს უფროსს. სახალხო დამცველი მოუწოდებს „შეიმუშაოს სექსუალური შევიწროების პრევენციის რეაგირების მექანიზმი, შესაბამისი სანქციების სისტემით, რომელიც სექსუალური შევიწროებისგან თავისუფალ, უსაფრთხო სამუშაო გარემოს შეუქმნის დასაქმებულებს და მინიმუმამდე შეამცირებს სექსუალური შევიწროების რისკს". სრულად... წყარო: ombudsman.ge

შიდა ქართლი. ოჯახურ ძალადობასა და ქალთა უფლებების თემაზე ისაუბრეს კასპის მუნიციპალიტეტის სოფელ სამთავისის საჯარო სკოლაში გამართულ შეხვედრაზე. დისკუსია ,,მეგობრობის ხიდი ქართლოსის" კასპის ახალგაზრდული თვითმმართველობის ჯგუფის ინიციატივით მოეწყო და ორგანიზაციის ბრიტანელი მოხალისე EVS-იდან ნიკოლას ბარკერი უძღვებოდა. შეხვედრას სკოლის მოსწავლეები და მასწავლებლები ესწრებოდნენ. ბარკერმა შეხვედრის მონაწილეებს მიაწოდა ინფორმაცია ქალთა მიმართ ძალადობის მთავარი პრობლემების შესახებ და იმსჯელა სიტუაციის გამოსწორების გზების შესახებ. შეხვედრისას ასევე განხილული იყო ოჯახური ძალადობის ყველაზე ხშირად განმეორებადი ფაქტები და ბრიტანეთში ქალთა უფლებების და გენდერული თანასწორობის მხრივ არსებული მდგომარეობა. ბარკერმა ყურადღება გაამახვილა ისეთ საკითხებზე, როგორიცაა ქალთა პოლიტიკაში ჩართულობა, ქალთა როლი საზოგადოებრივ ცხოვრებაში და ა. შ. პრეზენტაციის შემდეგ გაიმართა დისკუსია სხვა ქვეყნებსა და საქართველოში ქალთა უფლებებისა და ოჯახური ძალადობის მხრივ არსებულ მდგომარეობაზე, მსგავსებებზე და განსხვავებებზე, ხელისუფლების რეაგირების ფორმებზე, სამოქალაქო საზოგადოების როლზე ამ პრობლემასთან ბრძოლის საქმეში და სხვა. კასპის ახალგაზრდული თვითმმართველობის ინიციატივით ნიკოლას ბარკერი გენდერული თანასწორობის თემაზე დისკუსიების მოწყობას კასპის მუნიციპალიტეტის სხვა საჯარო სკოლებშიც გეგმავს. წყარო: ორგანიზაცია „მეგობრობის ხიდი ქართლოსი"

თბილისი. საქართველოს სახალხო დამცველი „მედიასაშუალებებში ქალთა მიმართ ძალადობის საკითხების უარყოფით კონტექსტში წარმოჩენასთან დაკავშირებით განცხადებას" ავრცელებს. „... გენდერული უთანასწორობისა და დისკრიმინაციის აღმოფხვრის პროცესში მედიასაშუალებებს უმნიშვნელოვანესი ადგილი უკავიათ. უკანასკნელ პერიოდში ქალთა მიმართ ძალადობის შემაშფოთებელი ფაქტები დაფიქსირდა. მინდა კიდევ ერთხელ აღვნიშნო ამ საკითხის გაშუქებასთან დაკავშირებული სიფრთხილის გამოჩენის აუცილებლობა. არასწორად მიწოდებულმა ინფორმაციამ შეიძლება უარყოფით შედეგებამდე მიგვიყვანოს", ნათქვამია განცხადებაში. სრულად... წყარო: ombudsman.ge

თბილისი. კოალიცია დამოუკიდებელი და გამჭირვალე მართლმსაჯულებისათვის გამოეხმაურა კოალიციის წევრი ორგანიზაციის, ინფორმაციის თავისუფლების განვითარების ინსტიტუტის დირექტორის გიორგი კლდიაშვილის დაკავების ფაქტს „... კოალიცია მოუწოდებს შესაბამის ორგანოებს შეისწავლონ გიორგი კლდიაშვილის დაკავებისა და შემდგომში, მის მიმართ გამოვლენილი ფაქტები და დროული და ეფექტიანი რეაგირება მოახდინონ კანონის შესაძლო დარღვევაზე. სათანადო რეაგირება მნიშვნელოვანია, რათა არ განმეორდეს ამგვარი შემთხვევები და არ გაღრმავდეს საზოგადოების უნდობლობა სამართალდამცავი ორგანოების მიმართ. ...", ნათქვამია კოალიციის განცხადებაში. სრულად... წყარო: coalition.org.ge

სამცხე–ჯავახეთი. 23 დეკემბერს, ახალციხის დემოკრატიული ჩართულობის ცენტრში საინიციატივო ჯგუფ „მესხ ქალთა გაერთიანებისა" და სამოქალაქო საზოგადოების წევრებმა შეხვედრა გაიმართეს. „სოლიდარობა ძალადობის მსხვერპლს ქალებს" – ამ სახელწოდებით გაჟღერებულ შეხვედრაზე, მისმა ორგანიზატორებმა, ძალადობის კუთხით ბოლო დროს ქვეყანაში მიმდინარე მოვლენებზე ისაუბრეს. მათი თქმით, ძალადობის მსხვერპლთა მიმართ, სოლიდარობის გამოჩენა აუცილებელია. შეხვედრაზე ასევე მონაწილეებმა სხვადასხვა დროს, ჩაგრულთა მიმართ საზოგადოების მხრიდან სოლიდარობის გამოჩენის შემთხვევებზე ისაუბრეს. გარდა ამისა, მათ ფილმი, სახელწოდებით, ,,სასიკვდილოდ დაჭრილი ქალები" ნახეს, რის შემდეგაც დისკუსია გაიმართა.

თბილისი. საქართველოს სახალხო დამცველმა წინადადებით მიმართა საქართველოს შრომის, ჯანმრთელობისა და სოციალური დაცვის მინისტრს. ომბუდსმენი მიმართავს მინისტრს „შემუშავდეს შესაბამისი ცვლილებები საჯარო მოსამსახურეებისა და დასაქმებულთათვის ორსულობის, მშობიარობისა და ბავშვის მოვლის გამო, ასევე ახალშობილის შვილად აყვანის გამო დახმარებისა და კომპენსაციის დანიშვნის დაანგარიშებისა და გაცემის საკითხის საქართველოს შრომის კოდექსთან და საერთაშორისო ხელშეკრულებებთან შესაბამისობაში მოსაყვანად. კერძოდ, აღნიშნული უფლებით მამაკაცების მიერ სარგებლობის საკითხის დასარეგულირებლად". სრულად... წყარო: www.ombudsman.ge

თბილისი. 22 დეკემბერს საქართველოს სახალხო დამცველმა გამართა პრეზენტაცია, რომელზეც წარმოდგენილი იყო სახალხო დამცველთან არსებული ეროვნული უმცირესობების საბჭოს მიერ განხორციელებული მონიტორინგის შედეგები. მონიტორინგის ანგარიში მოიცავს შემწყნარებლობისა და სამოქალაქო ინტეგრაციის ეროვნული კონცეფციისა და სამოქმედო გეგმის შესრულების შეფასებას და ეროვნული უმცირესობების საბჭოს რეკომენდაციებს. სრულად... წყარო: ombudsman.ge

თბილისი. არასამთავრობო ორგანიზაციამ „ახალგაზრდა ადვოკატებმა", 20 დეკემბერს კვლევის პრეზენტაცია გამართეს, რომელიც ასახავს ბიზნესის და ადამიანის უფლებების სურათს საქართველოში. კვლევას – „ბიზნესი და ადამიანის უფლებები საქართველოში" მოიცავს სარეკომენდაციო ნაწილსაც. სრულად... წყარო: barristers.ge

თბილისი. საქართველოს სახალხო დამცველმა სასჯელაღსრულების და პრობაციის სამინისტროს მიმართა. „სახალხო დამცველი მიესალმება სამინისტროს ინიციატივას, დარეგულირდეს პატიმრობისა და თავისუფლების აღკვეთის დაწესებულებებში ვიზუალური ან/და ელექტრონული საშუალებით მეთვალყურეობისა და კონტროლის საკითხი. თუმცა, მიაჩნია, რომ წარმოდგენილი ბრძანების პროექტის რიგი დებულებები საჭიროებს სრულყოფას და ევროპულ სტანდარტებთან დაახლოებას", ნათქვამია მიმართვაში. სრულად... წყარო: www.ombudsman.ge

იმერეთი. 19 დეკემბერს, საქართველოს ახალგაზრდა იურისტთა ასოციაციის ქუთაისის ფილიალმა ადამიანის უფლებათა დაცვის კვირეულის ფარგლებში ანგარიშის პრეზენტაცია გამართა. დოკუმენტი მოიცავს ინფორმაციას 2014 წლის ადგილობრივი თვითმმართველობის არჩევნების წინასაარჩევნო გარემოს, არჩევნების დღისა და არჩევნების შემდგომი პერიოდის მონიტორინგის შესახებ. წყარო: ორგანიზაციის გვერდი სოციალურ ქსელში

თბილისი. პრევენციის ეროვნული მექანიზმი სასჯელაღსრულების დეპარტამენტის ქუთაისის N2 დაწესებულებაში და სასჯელაღსრულების N3 დაწესებულებაში ვიზიტების შესახებ ანგარიშებს აქვეყნებს. მონიტორინგი დაწესებულებებში 21-24 ოქტომბერს განხორციელდა. ანგარიში სასჯელაღსრულების N2 დაწესებულებაში ვიზიტის შესახებ... ანგარიში სასჯელაღსრულების N3 დაწესებულებაში ვიზიტის შესახებ... წყარო: ombudsman.ge