აჭარა. პროექტის „თავისუფალ ჟურნალისტთა სახლის ინსტიტუციური გაძლიერება“ ფარგლებში, სოფელ ჭვანაში, მცხოვრები ახალგაზრდებისთვის ფილმის “Rabbit Jojo” ჩვენება მოეწყო. „ფილმი 2019 წელს არის გადაღებული და ამერიკის კინო ინსტიტუტის მიერ შერჩეული წლის ათი საუკეთესო ფილმიდან ერთ-ერთია. ასევე, ოქროს გლობუსის 77-ე დაჯილდოებაზე ორ კატეგორიაში იყო ნომინირებული. ჩვენების შემდეგ გაიმართა დისკუსია, სადაც ერთმანეთს გაუზიარეს საკუთარი შეხედულებები“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი აქვეყნებს სტატიას: ოთხი რამ, რაც შეგიძლიათ გააკეთოთ თქვენი მოზარდის ფსიქიკური ჯანმრთელობის ხელშესაწყობად. ორგანიზაცია გთავაზობთ ოთხ რჩევას, მოზარდთან მისი განცდებისა და ცხოვრების შესახებ საუბრისათვის, და იმის დასაფიქსირებლად, რომ ყოველთვის მზად ხართ მის დასახმარებლად. წაახალისეთ თქვენი შვილი, გაგიზიაროთ საკუთარი განცდები და გრძნობები დაუთმეთ დრო მის მხარდაჭერას ერთად მოაგვარეთ კონფლიქტი და უთანხმოება იზრუნეთ საკუთარ თავზე სრულად... წყარო: www.unicef.org

თბილისი. ბიოლის ფონდის სამხრეთ კავკასიის ბიურო გთავაზობთ ნათია ქარჩილაძის კვლევით სტატიას ბავშვთა ხელოვნური კვების პრაქტიკასა და დედების გამოცდილებებზე. „სტატია პასუხობს კითხვებს, თუ რატომ ირჩევენ დედები რძის შემცვლელ ხელოვნურ ფორმულას მაშინაც კი, როცა ამის საჭიროება და სურვილი არაა. ძუძუთი კვება იმიტომაცაა კონტრავერსიული, რომ მას გააჩნია ძალიან დიდი ფასეულობა, რომელიც ოჯახის მიერ ოჯახისთვისაა წარმოებული, სხვა სიტყვებით, დედა შვილისთვის „გამოყოფს“ რძეს, რაც არ/ვერ მიჰყვება კაპიტალიზმის ლოგიკას და არ არის მისი კონტროლოს ქვეშ (თუმცა, აქაც გვხვდება ანომალიები, როცა, მაგალითად, მესამე სამყაროს ქვეყნების ქალები დასაქმებული არიან სპეციალურ დაწესებულებებში, სადაც ისინი თავიანთ რძეს მდიდარი, პირველი სამყაროს ქვეყნებისთვის ყიდიან)“. სრულად... წყარო: feminism-boell.org

თბილისი. საქართველოს პოლიტიკის ინსტიტუტი (GIP) 6 ოქტომბერს, გიწვევთ პროექტ #GEOYOUTH2021-ის ონლაინ დასკვნით ღონისძიებაზე. „რვა ახალგაზრდული საინიციატივო ჯგუფის წარმომადგენლები წარადგენენ ახალგაზრდულ ინიციატივებს, საკუთარი პროექტების შედეგებს ახალგაზრდების სამოქალაქო მონაწილეობის, სტერეოტიპებთან ბრძოლის, ადგილობრივი ინსტიტუტების გაძლიერებისა და მუნიციპალურ დონეზე გადაწყვეტილების მიღებაში ახალგაზრდების ჩართულობის შესახებ“. ღონისძიებაზე დასასწრებად გთხოვთ წინასწარი რეგისტრაცია გაიაროთ მითითებულ ლინკზე... სრულად... წყარო: ორგანიზაციის გვერდი სოციალურ ქსელში

გაეროს ბავშვთა ფონდის ანგარიშის თანახმად, ბავშვებისა და ახალგაზრდების მენტალურ ჯანმრთელობაზე COVID-19-მა შეიძლება კიდევ მრავალი წლის განმავლობაში იქონიოს ზეგავლენა. „უკანასკნელი მონაცემების მიხედვით, მსოფლიოს მასშტაბით 10-19 წლის ასაკის ყოველი 7 მოზარდიდან ერთზე მეტს აქვს მენტალური აშლილობის დიაგნოზი. ყოველწლიურად თითქმის 46,000 მოზარდი სიცოცხლეს თვითმკვლელობით ასრულებს, რაც ამ ასაკობრივ ჯგუფში სიკვდილის ხუთ წამყვან მიზეზს შორისაა. ამ დროს კი მენტალური ჯანმრთელობის საჭიროებებსა და მენტალური ჯანმრთელობის დაფინანსებას შორის მნიშვნელოვანი დისბალანსი არსებობს. ანგარიშის მიხედვით, მსოფლიოს მასშტაბით ჯანდაცვის სამთავრობო ბიუჯეტების დაახლოებით 2 პროცენტი არის გამოყოფილი მენტალური ჯანმრთელობის ხარჯებისათვის“. წაიკითხეთ პრეს რელიზი... წყარო: www.unicef.org

სამოქალაქო საზოგადოების ინსტიტუტი აგრძელებს კამპანიას „პირველად თვითმართველობის არჩევნებზე“. კამპანიის მეორე ეტაპის ფარგლებში, რომელიც თანატოლგანმანათლებლობას ემსახურება, პირისპირ შეხვედრები გაიმართა გორში, სოფელ მაჭახელასა და სოფელ ჭარნალში, ონლაინ შეხვედრა – ხელვაჩაურის ცენტრის ახალგაზრდებთან. ამ შეხვედრებზე მოწვეულ ახალგაზრდებს თანატოლებმა, რომლებიც აქტიურად არიან ჩართულნი კამპანიაში, გაუზიარეს ინფორმაცია თვითმმართველობის, არჩევნებისა და სამოქალაქო საზოგადოების განვითარებაში ახალგაზდების როლის შესახებ. შეხვედრების მასპინძლები და სპიკერები იყვნენ: ლიკა ქოქოლაძე, ნათია ფუტკარაძე, თაკო საგინაძე, რომან სურმანიძე, თორნიკე ქათამაძე, მარიამ ხმიადაშვილი, იაკობ მაღალაშვილი. კამპანია ხორციელდება სამოქალაქო საზოგადოების ინსტიტუტის მიერ პროექტის „ადგილობრივი განვითარების აქტორებს შორის მყარი კავშირების დამყარება“ (მეორე ფაზა) ფარგლებში, გერმანული ორგანიზაცია „პური მსოფლიოს“ მხარდაჭერითა და ხელვაჩაურის მუნიციპალიტეტის ახალგაზრდულ ცენტრთან თანამშრომლობით. წყარო: civilin.org

თბილისი. გაეროს ბავშვთა ფონდი მიესალმება მთავრობის გადაწყვეტილებას 4 ოქტომბრიდან მთელი ქვეყნის მასშტაბით სკოლებისა და საბავშვო ბაღების გახსნის შესახებ. „მნიშვნელოვანია, მთავრობამ, ადგილობრივმა თვითმმართველობებმა და სკოლების ადმინისტრაციამ ხელი შეუწყონ დასწრებულ სწავლებას და გაატარონ აუცილებელი ზომები, რომ შეამცირონ ვირუსის გავრცელება, რაც მოიცავს საწმენდი საშუალებების, საპნის, სუფთა წყლის, დამცავი საშუალებების უზრუნველყოფას, ასევე სოციალური დისტანციის დაცვას“. სრულად... წყარო: www.unicef.org

თბილისი. მშობლის სკივრის მიერ გავრცელებული ინფორმაციის თანახმად, მომდევნო რამდენიმე თვის განმავლობაში, 6 პირდაპირი ჩართვა გაიმართება შეზღუდული შესაძლებლობის სტატუსის განსაზღვრის სისტემაზე საქართველოში. ორგანიზაცია “მაკ ჯორჯია,” კოალიცია „მოძრაობა ცვლილებებისათვის“ პარტნიორობით, ახორციელებს გაეროს ბავშვთა ფონდის (UNICEF) მიერ დაფინანსებულ პროექტს „მშობელთა ორგანიზაციების ადვოკატირების შესაძლებლობების გაზრდა და შეზღუდული შესაძლებლობის სტატუსის განსაზღვრის სისტემის გარდაქმნის შესახებ კონსულტაციის პროცესის ორგანიზება“. სრულად... წყარო: ორგანიზაციის გვერდი სოციალურ ქსელში

თბილისი. 27 სექტემბერს „მომავალ ლიდერთა სკოლაში“ (Emerging Leaders School - ELS) მონაწილეობის მსურველებისთვის საინფორმაციო შეხვედრა გაიმართა. საქართველოს პოლიტიკის ინსტიტუტი (GIP) იწვევს აქტივისტებს, ახალგაზრდა პოლიტიკოსებს, ჟურნალისტებს, სტუდენტებს, სამოქალაქო საზოგადოების წარმომადგენლებსა და სოციალურ-პოლიტიკური თემატიკით დაინტერესებულ ახალგაზრდებს მომავალ ლიდერთა სკოლაში (Emerging Leaders School - ELS) მონაწილეობის მისაღებად! ტრენინგები ჩატარდება ჰიბრიდული რეჟიმით - ვირტუალ და ფიზიკურ სივრცეში - თბილისში. სრულად... წყარო: ორგანიზაციის გვერდი სოციალურ ქსელში

თბილისი. ახალგაზრდობის სააგენტოსა და ფრიდრიხ ებერტის ფონდის ინიცირებით, საქართველოს 10 რეგიონის 14 მუნიციპალიტეტში, რეფორმის „მუნიციპალური ახალგაზრდობის პოლიტიკის“ ფარგლებში, კვლევისა და საკონსულტაციო კომპანიამ - ეისითიმ (ACT) ჩაატარა კვლევა, რომელიც შეისწავლის ახალგაზრდების საჭიროებებს, გამოწვევებს და ინტერესებს. „აღნიშნული კვლევის შედეგების პრეზენტაცია თითოეულ მუნიციპალიტეტში ინდივიდუალურად გაიმართა, ჰიბრიდულ ფორმატში. კვლევის შედეგებზე დაყრდნობით აღნიშნულ მუნიციპალიტეტებში ახალგაზრდობის პოლიტიკის დოკუმენტი და სამოქმედო გეგმა შეიქმნება“. სრულად... წყარო: ორგანიზაციის გვერდი სოციალურ ქსელში

აჭარა. „სამოქალაქო საზოგადოების ინსტიტუტი“ და „ხელვაჩაურის ახალგაზრდული ცენტრი“, კამპანიის – „პირველად თვითმართველობის არჩევნებზე“ ფარგლებში, ახალგაგზრდებს შეხვედრებზე იწვევს.  შეხვედრების მიზანია თვითმმართველობის საქმიანობისა და მნიშვნელობის შესახებ მათი ცნობიერების ამაღლება, თვითმმართველობის განვითარებაში ახალგაზრდების როლის გაძლიერება და არჩევნებში მონაწიელობის მხარდაჭერა.  28 სექტმბერს 14:00 საათზე შეხევდრა სოფელ მაჭახელაში, ცხემლარას ხიდთან გაიმართება; 16:00 საათზე - სოფელ ჭარნალში, ბაღთან. 29 სექტემბერს 14:00 საათზე გაიმართება ონლიან შეხვედრა ხელვაჩაურის ცენტრის ახალგაზრდებთან. ბმული   კამპანია „პირველად თვითმართველობის არჩევნებზე“ ხორციელდება „სამოქალაქო საზოგადოების ინსტიტუტის“ მიერ, პროექტის – „ადგილობრივი განვითარების აქტორებს შორის მყარი კავშირების დამყარება“ (მეორე ფაზა) ფარგლებში, გერმანული ორგანიზაცია „პური მსოფლიოს“ მხარდაჭერით და ხელვაჩაურის მუნიციპალიტეტის ახალგაზრდულ ცენტრთან თანამშრომლობით.  სრულად...   წყარო: civilin.org

თბილისი. ახალგაზრდობის სააგენტოს ინფორმაციით, მათი სივრცე ახალგაზრდული სფეროსთვის მნიშვნელოვან ორგანიზაციას - საქართველოს ახალგაზრდულ ორგანიზაციათა ნაციონალური საბჭოსაც (NCYOG) ეთმობა. „ახალგაზრდულ ორგანიზაციათა ნაციონალური საბჭო აერთიანებს 75 ახალგაზრდულ ორგანიზაციას საქართველოს მასშტაბით. ადვოკატირებას უწევს ახალგაზრდულ პოლიტიკას, ხელს უწყობს ახალგაზრდების მონაწილეობას, ახალგაზრდულ საქმიანობას და ახალგაზრდული ორგანიზაციების განვითარების პროცესს საქართველოში. ორგანიზაციის შესახებ დეტალური ინფორმაცია... წყარო: ახალგაზრდობის სააგენტოს გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია ადამიანის უფლებათა დაცვის პროექტის ანალიტიკოსის მაკა აბულაძის მიერ მომზადებულ დოკუმენტს აზიარებს, რომელიც მუნიციპალურ დონეზე, კოვიდ პანდემიის პირობებში, შშმ ბავშვთა ინდივიდუალურ საჭიროებებზე მორგებულ პროგრამებს მიმოიხილავს. „გამოიკვეთა, რომ დღის წესრიგში ხშირად დგას საჭიროებების გაუთვალისწინებლად და არასაკმარისად დაგეგმილი სოციალური პროგრამები... ადგილობრივი ხელისუფლების მიერ გატარებული ღონისძიებები, ძირითადად, მოკლევადიან პერიოდზეა გათვლილი და შეზღუდული შესაძლებლობის მქონე ბავშვთა მდგომარეობის უკეთესობისკენ შესაცვლელად არასაკმარისია. შესაბამისად, სახელმწიფომ მეტი ძალისხმევა უნდა გამოიჩინოს და უზრუნველყოს შშმ ბავშვთა ოჯახების ეფექტიანი მხარდაჭერა“. სრულად... წყარო: gyla.ge

თბილისი. "სოციალური სამართლიანობის ცენტრის" ინფორმაციით, გალში ეთნიკური ქართველებისთვის საკუთარ ენაზე განათლების მიღების უფლების ხელყოფამ უმძიმესი ფორმები მიიღო. „გალის რაიონში ქართველი მოსწავლეებისთვის მშობლიურ ენაზე სწავლების აკრძალვა პრობლემაა არა მხოლოდ მისი დისკრიმინაციული და ასიმილაციური შინაარსის გამო, არამედ მოსწავლეების და ახალგაზრდების განვითარების თვალსაზრისითაც. მოსწავლეები, იმის გამო, რომ შინ მეგრულად ან ქართულად საუბრობენ, სკოლაში კი ყველა საგანს რუსულად ასწავლიან და უცხო ენებთან ერთად აფხაზურ ენასაც სწავლობენ, შედეგად, ვერც ერთ ენას ვერ ფლობენ სრულყოფილად“. სრულად... წყარო: socialjustice.org.ge

თბილისი. ახალგაზრდობის სააგენტოს ორგანიზებით, სახელმწიფო ახალგაზრდული სტრატეგიის სამოქმედო გეგმის #1 მიზანთან დაკავშირებით ონლაინ საკონსულტაციო შეხვედრა გაიმართა.  „საკონსულტაციო შეხვედრების მიზანია, სამოქმედო გეგმის მონაწილეობრივად შემუშავება. შეხვედრების დასრულების შემდეგ ახალგაზრდებისგან მიღებული რეკომენდაციები შეჯამდება და სამოქმედო გეგმაში აისახება“. სრულად... წყარო: ორგანიზაციის გვერდი სოციალურ ქსელში

თბილისი. პროექტის, „ეთნიკურად აზერბაიჯანელი ახალგაზრდების მხარდაჭერა ეროვნული გამოცდებისთვის მოსამზადებლად“ ხელშეწყობით, ქვემო ქართლის ახალგაზრდები სტუდენტები გახდნენ.  პროექტში მარნეულის სამი სოფლის, ხულდარას, მოლაოღლისა და სადახლოს მცხოვრები 24 აბიტურიენტი მონაწილეობდა. მათგან 23-მა ჩააბარა თსუ-ს, ილიას, ტექნიკურ, სამედიცინო, სოხუმის და აკაკი წერეთლის სახელმწიფო უნივერსიტეტებში. 23 სტუდენტიდან 13 გოგონა და 10 ბიჭია. მათ შორის ერთი შეზღუდული შესაძლებლობის მქონე პირია. 100%-იანი გრანტი მიიღო 9 აბიტურიენტმა, აქედან 5 გოგონა, 4 ბიჭია.  უკვე სამი წელია მსგავსი პროექტები „ღია საზოგადოების ფონდის“ მხარდაჭერით ხორციელდება. შედეგად, მარნეულის სამი სოფლიდან 70-ზე მეტი ახალგაზრდა ახლა უკვე სტუდენტია.  სრულად...  წყარო: ორგანიზაციის ვებგვერდი

თბილისი. ახალგაზრდობის სააგენტო, 15 სექტემბრიდან, „ახალგაზრდობის სტრატეგია 2025-ის“ სამოქმედო გეგმის შესამუშავებლად, ახალგაზრდებთან, ახალგაზრდულ ორგანიზაციებთან, ახალგაზრდულ მუშაკებთან და სხვა დაინტერესებულ პირებთან ონლაინ საკონსულტაციო შეხვედრებს იწყებს. თუ გსურთ, ჩაერთოთ სტრატეგიის სამოქმედო გეგმის მიზნების შემუშავებაში და გახდეთ „ახალგაზრდობის სტრატეგია 2025-ის“ სამოქმედო გეგმის თანაავტორი, დარეგისტრირდით ბმულზე და აირჩიეთ თქვენთვის საინტერესო ერთი ან რამდენიმე მიზანი, რომლის განხილვაშიც მონაწილეობას მიიღებთ. სრულად...  წყარო: გვერდი სოციალურ ქსელში

თბილისი. კამპანიის, „პირველად თვითმმართველობის არჩევენებზე“ ფარგლებში, 9 და 10 სექტემბერს ბათუმის, შუახევის, ხელვაჩაურის, ოზურგეთის, ჩოხატაურისა და გორის მუნიციპალიტეტებში მცხოვრებ ახალგაზრდებთან ონლაინ შეხვედრა გაიმართა. შეხვედრის მიზანი იყო ახლაგაზრდებისთვის, განსაკუთრებით მათთვის, ვისთვისაც 2021 წლის თვითმმართველობის არჩევნები პირველი არჩევნებია ნათელი გამხდარიყო თვითმმართველობის არსი, კომპეტენციები, მოქალაქეთა მონაწილეობის ფორმები და საარჩევნო პროცედურები.  კამპანია, „პირველად თვითმმართველობის არჩევენებზე“ სხვადასხვა ეტაპს მოიცავს და ემსახურება ახალგაზრდების პიროვნულ განვითარებას, მათი როლის გაძლიერებას და ადგილობრივი თვითმმართველობის საქმიანობაში მონაწილეობის სტიმულირებას. კამპანია ხორციელდება „სამოქალაქო საზოგადოების ინსტიტუტის“ (CSI) მიერ პროექტის, „ადგილობრივი განვითარების აქტორებს შორის მყარი კავშირების დამყარება“ (მეორე ფაზა) ფარგლებში, გერმანული ორგანიზაცია „პური მსოფლიოს“ მხარდაჭერით და სამიზნე მუნიციპალიტეტებში არსებულ ახალგაზრდულ ცენტრებთან და „ინოვაციების და სამოქალაქო განვითარების ცენტრ - პროგრესის სახლთან“ პარტნიორობით.  სრულად...   წყარო: ორგანიზაციის ვებგვერდი

ქართველმა და ოსმა ახალგაზრდებმა შექმნეს 100-ზე მეტი პოსტერი, ბლოგი, კომიქსი, ქვიზი, ვიდეო და ანიმაცია, რომელიც მათ ყოველდღიურ ცხოვრებას ასახავს.  გრაფიკული ნამუშევრებისა და სტატიების გაცნობა შესაძლებელია ვებ-გვერდზე მშვიდობის სახლი, რომელიც არასამთავრობო ორგანიზაციის „კოალიცია დევნილთა უფლებებისთვის“ ძალისხმევით შეიქმნა.  პროექტი განხორციელდა ევროკავშირისა (EU) და გაეროს განვითარების პროგრამის (UNDP) ხელშეწყობით.  სრულად...   წყარო: ორგანიზაციის ვებგვერდი

აჭარა. საქართველოს წითელი ჯვრის საზოგადოების პრეზიდენტი, ნათია ლოლაძე დაესწრო „რეგიონული ახალგაზრდულ ფორუმს“ აჭარაში, რომელიც გაიმართა ახალგაზრდობის სააგენტოს, ევროკავშირის, გაეროს მოსახლეობის ფონდისა და ადგილობრივი პარტნიორების მხარდაჭერით. „ღონისძიებაზე განიხილეს „სახელმწიფო ახალგაზრდული სტრატეგია 2025” და დასახეს სამომავლო გეგმები ახალგაზრდების ინდივიდუალური განვითარების, განათლებისა და სამოქალაქო საქმიანობაში ჩართულობის ხელშეწყობის მიმართულებით“. სრულად... წყარო: ორგანიზაციის გვერდი სოციალურ ქსელში

თბილისი. ტოლერანტობისა და მრავალფეროვნების ცენტრმა (TDI) პროექტი „საჯარო სკოლებში რელიგიური ტოლერანტობისა და კულტურული მრავალფეროვნების ხელშეწყობა” დაასრულა, რომელიც 2018 წლის სექტემბრიდან, საქართველოში ნიდერლანდების სამეფოს საელჩოს მხარდაჭერით ხორციელდებოდა. პროექტის მიზანი იყო საჯარო სკოლებში კულტურული მთავალფეროვნების, ტოლერანტობის და თანასწორობის შესახებ ცნობიერების ამაღლება, სასწავლო პროგრამების და სახელმძღვანელოების შინაარსის გაუმჯობესება.  სრულად... წყარო: tdi.ge

თბილისი. საქართველოს პოლიტიკის ინსტიტუტი (GIP) აქვეყნებს ნინო ქავთარაძის ბლოგპოსტს: რა უშლის ხელს ახალგაზრდების პოლიტიკურ ჩართულობას საქართველოში. ბლოგი მომზადდა „ცვლილებებზე ორიენტირებული ახალგაზრდების ხელშეწყობა საქართველოში“ პროექტის ფარგლებში. „დასაწყისშივე უნდა განიმარტოს, რომ კონკრეტული პარტიის დაკომპლექტება ახალგაზრდებით, სულაც არ ნიშნავს, ქვეყნის მასშტაბით ახალგაზრდების პოლიტიკური ჩართულობის მაჩვენებელს ზრდას. ეს კომპლექსური და სენსიტიური საკითხია, რაც ახალგაზრდობის საკითხებზე მომუშავე სამთავრობო და არასამთავრობო ორგანიზაციებისთვის, სამოქალაქო საზოგადოებისა და ზოგადად ქვეყნისთვის ერთ-ერთ მთავარ გამოწვევად რჩება. კითხვაზე, თუ რატომ არის საქართველოში ახალგაზრდების დაბალი პოლიტიკური ჩართულობა-პასუხები არაერთგვაროვანია“.  პროექტი ხორციელდება საქართველოს პოლიტიკის ინსტიტუტის (GIP) მიერ, USAID/Georgia-ს ფინანსური მხარდაჭერით. სრულად... წყარო: gip.ge