თბილისი. საქართველოს პოლიტიკის ინსტიტუტი (GIP) აქვეყნებს ნინო ქავთარაძის ბლოგპოსტს: რა უშლის ხელს ახალგაზრდების პოლიტიკურ ჩართულობას საქართველოში. ბლოგი მომზადდა „ცვლილებებზე ორიენტირებული ახალგაზრდების ხელშეწყობა საქართველოში“ პროექტის ფარგლებში. „დასაწყისშივე უნდა განიმარტოს, რომ კონკრეტული პარტიის დაკომპლექტება ახალგაზრდებით, სულაც არ ნიშნავს, ქვეყნის მასშტაბით ახალგაზრდების პოლიტიკური ჩართულობის მაჩვენებელს ზრდას. ეს კომპლექსური და სენსიტიური საკითხია, რაც ახალგაზრდობის საკითხებზე მომუშავე სამთავრობო და არასამთავრობო ორგანიზაციებისთვის, სამოქალაქო საზოგადოებისა და ზოგადად ქვეყნისთვის ერთ-ერთ მთავარ გამოწვევად რჩება. კითხვაზე, თუ რატომ არის საქართველოში ახალგაზრდების დაბალი პოლიტიკური ჩართულობა-პასუხები არაერთგვაროვანია“.  პროექტი ხორციელდება საქართველოს პოლიტიკის ინსტიტუტის (GIP) მიერ, USAID/Georgia-ს ფინანსური მხარდაჭერით. სრულად... წყარო: gip.ge

თბილისი. 2-7 აგვისტოს, პერსონალურ მონაცემთა დაცვის თემაზე „ინფორმაციის თავისუფლების განვითარების ინსტიტუტის (IDFI)“ და სახელმწიფო ინსპექტორის სამსახურის ერთობლივი საზაფხულო სკოლა გაიმართა. „საზაფხულო სკოლაში მონაწილეობდნენ საქართველოში ავტორიზებული უნივერსიტეტების სამართლის სკოლის მე-3 და მე-4 კურსის სტუდენტები, ასევე მაგისტრანტები. კონკურსში მონაწილეობდა 188 კანდიდატი, რომელთაგან IDFI-იმ და სახელმწიფო ინსპექტორის სამსახურმა წინასწარ განსაზღვრული კრიტერიუმებით შეფასებისა და გასაუბრების საფუძველზე 20 სტუდენტი შეარჩიეს“. სკოლის ფარგლებში, მონაწილეები გაეცნენ პერსონალურ მონაცემთა დაცვასთან დაკავშირებულ აქტუალურ საკითხებს. სრულად... წყარო: idfi.ge

თბილისი. საქართველოს პოლიტიკის ინსტიტუტი (GIP) წარმოგიდგენთ მესამე სამუშაო თემატურ ჯგუფს „ახალგაზრდების პოლიტიკური ჩართულობა”, რომელიც „ცვლილებებზე ორიენტირებული ახალგაზრდების ხელშეწყობა საქართველოში” პროექტის ფარგლებში შეიქმნა. „ამ ჯგუფმა ჩაატარა კვლევა და მოამზადა პოლიტიკის დოკუმენტი, რომელშიც გაანალიზებულია საქართველოში ახალგაზრდების პოლიტიკაში ჩართულობა და მასთან დაკავშირებული დადებითი და უარყოფითი მხარეები. დეტალურად განხილული და შედარებულია საქართველოსა და ესტონეთის გამოცდილება ახალგაზრდული პოლიტიკის მიმართულებით“. გაეცანით დოკუმენტს... წყარო: ორგანიზაციის გვერდი სოციალურ ქსელში

თბილისი. 6 აგვისტოს, განათლების განვითარების და დასაქმების ცენტრმა (EDEC), პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რეგიონულ ჰაბებთან ონლაინ შეხვედრა გამართა. შეხვედრის მიზანი იყო ახალგაზრდული საბჭოების შექმნისა და განვითარებისთვის დაგეგმილი აქტივობების წარდგენა და განხილვა. სრულად... წყარო: ორგანიზაციის გვერდი სოციალურ ქსელში

თბილისი. საქართველოს პოლიტიკის ინსტიტუტი (GIP) წარმოგიდგენთ მეორე სამუშაო თემატურ ჯგუფს „ახალგაზრდების პროფესიული ზრდა და დასაქმება“, რომელიც „ცვლილებებზე ორიენტირებული ახალგაზრდების ხელშეწყობა საქართველოში” პროექტის ფარგლებში შეიქმნა. განათლებისა და ახალგაზრდების გაძლიერების მიმართულებით მომუშავე ამ ჯგუფმა ჩაატარა კვლევა და მოამზადა პოლიტიკის დოკუმენტი: რატომ უნდა ინტეგრირდეს კარიერის მართვა ზოგადი განათლების სისტემაში? გაეცანით დოკუმენტს... წყარო: gip.ge

თბილისი. 4 აგვისტოს საქართველოს სახალხო დამცველმა წარადგინა სპეციალური ანგარიში „ბავშვზე სექსუალური ძალადობისა და სექსუალური ექსპლუატაციის დანაშაულებზე მართლმსაჯულების განხორციელება კვლევა და მონიტორინგი“. „სპეციალური ანგარიში წარმოაჩენს ბავშვზე სექსუალური ძალადობისა და სექსუალური ექსპლოატაციის დანაშაულებზე როგორც სამართლებრივი რეგულირების კუთხით, ისე პრაქტიკაში არსებულ გამოწვევებს. მათ შორის, დანაშაულის გამოვლენის, მართლმსაჯულების განხორციელებისა და არასრულწლოვანისა და მისი ოჯახის სარეაბილიტაციო და მხარდამჭერი ღონისძიებებით უზრუნველყოფის საკითხებს“. სრულად... წყარო: ombudsman.ge

თბილისი. ახალგაზრდობის დღისადმი მიძღვნილი ვებინარების სერიის მეოთხე შეხვედრა გაიმართება თემაზე „ახალგაზრდობის ჩართულობა გადაწყვეტილების მიღების პროცესში“. „შეხვედრის მოწვეული სტუმრები - ნინო გოგოხია, საქართველოს ახალგაზრობის წარმომადგენელი გაეროში და მარი კიკვაძე, CENN-ის წარმომადგენელი, ისაუბრებენ ახალგაზრდების მონაწილეობაზე როგორც ლოკალური, ასევე გლობალური გადაწყვეტილებების მიღების პროცესში. შეხვედრაზე დასწრების მსურველებმა, გთხოვთ, გაიაროთ რეგისტრაცია შემდეგ ბმულზე... რეგისტრაციის ბოლო ვადა: 11 აგვისტო, 18:00 საათი. შეხვედრის დრო: 13 აგვისტო, 16:00 საათი.                        წყარო: ორგანიზაციის გვერდი სოციალურ ქსელში

თბილისი. 12 აგვისტო ახალგაზრდობის საერთაშორისო დღეა. ამ დღეს საქართველოს პოლიტიკის ინსტიტუტი სოციალური კამპანიით „ახალგაზრდები ცვლილებებისთვის“ უერთდება. ორგანიზაცია წარმოგიდგენთ პირველი სამუშაო თემატურ ჯგუფს „გარემოსდაცვითი საკითხები – ნარჩენების მართვა საქართველოში”, რომელიც „ცვლილებებზე ორიენტირებული ახალგაზრდების ხელშეწყობა საქართველოში” პროექტის ფარგლებში შეიქმნა.  ჯგუფმა ჩაატარა კვლევა და მოამზადა პოლიტიკის დოკუმენტი. კვლევის მიზანი იყო მყარი ნარჩენების მართვის სპეციფიკის გარკვევა მუნიციპალიტეტების დონეზე... „პოლიტიკის დოკუმენტი შეიცავს: არსებული გამოწვევების განხილვას, შეფასებასა და შესაბამის რეკომენდაციებს, მათ შორის, არსებული პრობლემების მოგვარების მიზნით, ადვოკატირებისა და ლობირების საჭიროების შესახებ, რათა სახელმწიფო ბიუჯეტიდან და დონორი ორგანიზაციებიდან დამატებითი რესურსები გამოიყოს“. გაეცანით დოკუმენტს... წყარო: gip.ge

თბილისი. საქართველოს სახალხო დამცველი აქვეყნებს სპეციალურ ანგარიშს: „ბავშვზე სექსუალური ძალადობისა და სექსუალური ექპლოატაციის დანაშაულებზე მართლმსაჯულების განხორციელება“. „კვლევის შედეგებმა ცხადყო, რომ ეროვნული კანონმდებლობა ბავშვზე სექსუალური ძალადობის და სექსუალური ექპლოატაციის შესახებ კვლავ არ შეესაბამება ადამიანის უფლებათა იმ სავალდებულო ინსტრუმენტებს, რომელთა მონაწილეც საქართველოა.  მნიშვნელოვან პრობლემად რჩება ბავშვზე სექსუალური ძალადობის დანაშაულების დროული გამოვლენა/აღკვეთა, მართლმსაჯულების სათანადო განხორციელება, ბავშვის საჭიროებებზე მორგებული გარემოს უზრუნველყოფა და მათი მეორეული ვიქტიმიზაციისგან დაცვა. ასევე, სახელმწიფოს არ გააჩნია კონკრეტულად სექსუალური ძალადობის მსხვერპლი ბავშვების რეაბილიტაციასა და მხარდაჭერაზე ორიენტირებული სერვისები“. სრულად... წყარო: ombudsman.ge

თბილისი. 12 აგვისტოს, ახალგაზრდობის საერთაშორისო დღეს, საქართველოს პოლიტიკის ინსტიტუტი (GIP) სოციალური მედია კამპანიით უერთდება: #ახალგაზრდებიცვლილებებისთვის. „3 აგვისტოდან 12 აგვისტოს ჩათვლით, გაგიზიარებთ და შევაჯამებთ იმ საინტერესო და მნიშვნელოვანი ინიციატივების შედეგებს, რომლებზეც თემატურმა სამუშაო ჯგუფებმა იმუშავეს პროექტის „ცვლილებებზე ორიენტირებული ახალგაზრდების ხელშეწყობა საქართველოში” ფარგლებში. 4-მა თემატურმა სამუშაო ჯგუფმა, რომელშიც „მომავალ ლიდერთა სკოლის” #ELS2020 კურსდამთავრებულები ერთიანდებიან, ბოლო ერთი წლის განმავლობაში მცირემასშტაბიანი პროექტები დაგეგმა და განახორციელა“, ნათქვამია საქართველოს პოლიტიკის ინსტიტუტის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 10 აგვისტოს CENN-ის ვებინარების სერიის მესამე შეხვედრა გაიმართება თემაზე: „რატომ არის მოხალისეობა მნიშვნელოვანი?“. შეხვედრას გაუძღვება თიკო მესხი, ორგანიზაცია Helping Hand-ის აღმასრულებელი დირექტორი.  ვებინარზე შეძლებთ მიიღოთ ინფორმაცია შემდეგ საკითხებზე: რა არის მოხალისეობა? მისი ფორმები და უპირატესობები; მოხალისეობა ვირტუალურად - როგორ ჩავერთოთ მოხალისეობრივ საქმიანობაში პანდემიის პირობებში? რა მოხალისეობრივი პლატფორმები არსებობს ჩვენ გარშემო? გთხოვთ, გაიაროთ რეგისტრაცია შემდეგ ბმულზე: https://forms.gle/6gX87dzdLAxFS4pq7                    წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი საქართველოში იწვევს ბავშვებზე და მოზარდებზე ფოკუსირებულ სამოქალაქო საზოგადოების ორგანიზაციებს, საერთაშორისო და ადგილობრივ არასამთავრობო ორგანიზაციებს, დარეგისტრირდნენ და შექმნან პროფილი პორტალზე: www.unpartnerportal.org.  გაეროს ბავშვთა ფონდი საქართველოში პორტალზე დარეგისტრირებული ორგანიზაციების კანდიდატურებს პარტნიორობისთვის განიხილავს. ორგანიზაცია თანამშრომლობის შესაძლებლობების შესახებ ინფორმაციას 2021 წლის 1 აგვისტოს შემდეგ გამოაქვეყნებს. პარტნიორების გამოსავლენად გაეროს ბავშვთა ფონდი ჩაატარებს საკონკურსო შერჩევას, განსაზღვრული კრიტერიუმების საფუძველზე. სრულად... წყარო: www.unicef.org

თბილისი. შეზღუდული შესაძლებლობის მქონე ბავშვების მშობლები და სხვა მზრუნველები საჭირო ინფორმაციის და მხარდაჭერის მისაღებად ტელე და ონლაინ პლატფორმებით სარგებლობენ, რომელიც გაეროს ბავშვთა ფონდის, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს, საქართველოს საზოგადოებრივ მაუწყებლისა და მაკ საქართველოს პარტნიორობით და დიდი ბრიტანეთის მთავრობის დახმარებით შეიქმნა. სრულად... წყარო: www.unicef.org

თბილისი. 30 ივნისს საქართველოს სახალხო დამცველმა გაეროს ბავშვის უფლებათა კომიტეტს (90-ე წინა სასესიო სამუშაო ჯგუფის შეხვედრისთვის) ქვეყანაში ბავშვის უფლებათა დაცვის მიმართულებით არსებულ მწვავე საკითხთა ნუსხა წარუდგინა. ომბუდსმენი დოკუმენტში მიუთითებს, რომ გამოწვევად რჩება ბავშვთა სუიციდის პრევენცია, ოჯახში ძალადობაზე რეაგირება, ბავშვთა სიღარიბე, ბავშვზე ზრუნვის სისტემის არაეფექტიანობა, სახელმწიფოს უუნარობა დროულად გამოავლინოს სექსუალური ძალადობის მსხვერპლი ბავშვის საჭიროებები, მის მხარდაჭერასა და რეაბილიტაციაზე მიმართული ღონისიებების გატარება... სრულად... წყარო: ombudsman.ge

კახეთი. რონდელის ფონდის მიერ ჩატარებული ვიქტორინის საფუძველზე, სოფელ ჯოყოლოში მოსწავლეთა დაჯილდოვების ცერემონია გაიმართა. „გამარჯვებული მოსწავლეები დასაჩუქრდნენ ლეპტოპებით, მობილური ტელეფონებითა და პლანშეტებით. პროექტი „თემის ახალგაზრდების ჩართულობა პანკისსა და ხულოში“ ხორციელდება საქართველოს სტრატეგიისა და საერთაშორისო ურთიერთობების კვლევის ფონდის მიერ, საქართველოში აშშ-ის საელჩოს მხარდაჭერით და მიზნად ისახავს პანკისის ხეობასა და ხულოს მუნიციპალიტეტში ახალგაზრდების (14-18 წლის მოსწავლეები) სამოქალაქო ცნობიერების ამაღლებას, არაფორმალური განათლებისა და სხვადასხვა აქტივობის გზით მათი შესაძლებლობების გაზრდას“. სრულად... წყარო: ორგანიზაციის გვერდი სოციალურ ქსელში

თბილისი. რონდელის ფონდმა საჯარო მოხელეთა სასწავლო პროგრამის კურსდამთავრებულები დააჯილდოვა და ახალი ჯგუფი მიიღო. „ღონისძიებაზე დარიგდა პოლიტიკის დოკუმენტების 2020 წლის კრებული. 7-თვიანი პროგრამის განმავლობაში, ლექციების პარალელურად, თითოეული მონაწილე ინდივიდუალურად მუშაობდა პოლიტიკის დოკუმენტზე, რომელთაგან შერჩეული 9 ნაშრომი კრებულად გამოქვეყნდა. პროგრამა „საჯარო მოხელეთა პროფესიული შესაძლებლობების ზრდა გადაწყვეტილების მიღებასა და მოლაპარაკებების წარმართის ტექნიკაში“ 2009 წლიდან ხორციელდება რონდელის ფონდში, შვედეთის საერთაშორისო განვითარებისა და თანამშრომლობის სააგენტოს (Sida) მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს პოლიტიკის ინსტიტუტის ინფორმაციით, მომავალ ლიდერთა სკოლის (#ELS) 2021 წლის გამოშვება მონაწილეებისთვის შიდა ქართლისა და მცხეთა-მთიანეთის რეგიონებიდან დასრულდა.  „პროგრამის მიმდინარეობის 6 თვის განმავლობაში, ჯამში სულ 24 ტრენინგ-მოდული მომზადდა ისეთ საინტერესო თემებზე, როგორიცაა ეთნიკურ უმცირესობათა უფლებები და სამოქალაქო ინტეგრაციის პოლიტიკა, საქართველოს ეკონომიკური გამოწვევები და მათი დაძლების გზები, ახალგაზრდული პოლიტიკის არსი და საჭიროება, განათლების პოლიტიკა საქართველოში, ახალგაზრდების ჩართულობა დემოკრატიულ პროცესებში, მედიაწიგნიერება, ადვოკატირების კამპანიის დაგეგმვა, სამოქალაქო ლიდერობა და სხვა. მომავალ ლიდერთა სკოლა არის ინიციატივა, რომელიც GIP-ის მიმდინარე პროექტის „ცვლილებებზე ორიენტირებული ახალგაზრდების ხელშეწყობა საქართველოში“ ფარგლებში ხორციელდება USAID/Georgia-ს ფინანსური მხარდაჭერითა და კავკასიის კვლევითი რესურსების ცენტრთან (CRRC Georgia) თანამშრომლობით“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ეს-ო-ეს ბავშვთა სოფელი (SOS Children’s Village Georgia) ოფიციალური განცხადებით ეხმაურება მასმედიის საშუალებით გაჟღერებულ ინფორმაციას ორგანიზაციის მცირე საოჯახო სახლის მომსახურებაში წარსულში მომხდარ ორ სავარუდო ძალადობის ფაქტს. „ორგანიზაცია დიდ წუხილს გამოთქვამს იმის გამო, რომ ჩვენი ყოფილი ორი ბენეფიციარისთვის ტრავმული აღმოჩნდა მცირე საოჯახო სახლში ცხოვრება და ჩვენთვის, ძალიან მძიმე იყო მათი ისტორიების მოსმენა. ასოციაცია გამოხატავს მაქსიმალურ მზაობასა და ღიაობას, კანონის ფარგლებში ხელი შეუწყოს ნებისმიერი სახის გამოძიების პროცესს; მეტიც, ორგანიზაციის დადგენილი პრაქტიკით უზრუნველყოს, როგორც ძალადობის სავარაუდო მსხვერპლი, ისე ყოფილი აღსაზრდელების ფსიქო-ემოციური და სამართლებრივი მხარდაჭერა. ყველა გამოვლენილი ფაქტი, მიუხედავად შემთხვევის ხანდაზმულობისა, ყოველთვის ქმნის იმის წინაპირობას, რომ გადაისინჯოს ორგანიზაციაში არსებული მონიტორინგის მოქმედი სისტემები, რათა უზრუნველყოფილ იქნას თითოეული აღსაზრდელის უსაფრთხო და დაცულ გარემოში აღზრდა-განვითარება“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. 2018 წლის შემდეგ, სახალხო დამცველი ნინო ლომჯარია პირველად ესტუმრა ნინოწმინდის ბავშვთა პანსიონს. „მაქვს მოლოდინი, რომ მოგვეცემა შესაძლებლობა სრულყოფილად გავეცნოთ მიმდინარე პროცესებს და ინფრასტრუქტურულ მდგომარეობას. ჩამოვედი აპარატის რამდენიმე თანამშრომელთან ერთად, რომლებიც ბავშვთა უფლებების მიმართულებით მუშაობენ, ასევე გვახლავს ბავშვთა ფსიქოლოგი და თუ ბავშვებს ჩვენთან საუბრის სურვილი ექნებათ, გავესაუბრებით.  პირველ რიგში, შეხვედრა გვექნება პანსიონის ხელმძღვანელობასთან, მეუფე იაკობთან და შემდეგ ვაპირებთ, რომ ვნახოთ, რა პროცესები მიმდინარეობს ბავშვების საჭიროებების შეფასებებთან დაკავშირებით და რას აკეთებენ სოციალური მუშაკები“, აცხადებს ომბუდსმენი მედიასთან საუბრისას. სრულად... წყარო: ომბუდსმენის გვერდი სოციალურ ქსელში

თბილისი. საქართველოს პოლიტიკის ინსტიტუტის (GIP) ოფისში, სამუშაო თემატურმა ჯგუფმა - „ახალგაზრდების პოლიტიკური ჩართულობა“ ბლოგების კონკურსის გამარჯვებულები გამოავლინა.  „ბლოგები ეხება იმას, თუ რა აფერხებს ახალგაზრდებს უფრო აქტიურად იყვნენ ჩართულები ქვეყნის პოლიტიკურ ცხოვრებაში. ეს სამუშაო თემატური ჯგუფი პროექტის “ცვლილებაზე ორიენტირებული ახალგაზრდების ხელშეწყობა საქართველოში” ფარგლებში შეიქმნა და ერთ-ერთია იმ ჯგუფებს შორის, რომლებიც სხვადასხვა საინტერესო ინიციატივას ახორციელებენ მცირე საგრანტო პროექტების სახით“. სრულად... წყარო: ორგანიზაციის გვერდი სოციალურ ქსელში

აჭარა. 15 ივნისს, ქალაქ ბათუმში, მასშტაბური დასაქმების ფორუმის ორგანიზებასა და განხორციელებაში თავისუფალ ჟურნალისტთა სახლის (IJH) ახალგაზრდული ცენტრის წევრებმა მოხალისეობრივად მიიღეს მონაწილეობა. „მოხალისეების დახმარებით შესაძლებელი გახდა ფორუმზე მოსული სამუშაოს მაძიებლების ნაკადის მართვა, COVID-19 რეგულაციების დაცვა და მონაწილეების ინფორმირება“. განათლების განვითარების და დასაქმების ცენტრი (EDEC) მადლობას უხდის მოხალისე ახალგაზრდებს გაწეული შრომისთვის და წარმატებები ვუსურვოთ სამომავლო საქმიანობაში. სრულად... წყარო: edec.ge

თბილისი. გაეროს ბავშვთა ფონდის წარმომადგენელი საქართველოში, ღასან ხალილი საქართველოს სახალხო დამცველს, ნინო ლომჯარიას შეხვდა. „შეხვედრაზე ისაუბრეს ისეთ საკითხებზე, როგორებიცაა: ▪️ ნინოწმინდის პანსიონატის ირგვლივ განვითარებული მოვლენები, გაეროს ბავშვთა ფონდის პოზიცია და გეგმები დეინსტიტუციონალიზაციის პროცესის მხარდასაჭერად. ▪️ იუნისეფის მხარდაჭერით სახალხო დამცველის მიერ ბავშვებზე სექსუალური ძალადობის საქმეების მონიტორინგი და შესაბამისი ანგარიში. ▪️ ბავშვის უფლებებებზე COVID-19-ის გავლენის შეფასება. ▪️ მიმდინარე თანამშრომლობის საკითხები და ერთობლივი პროექტები“. სრულად... წყარო: ორგანიზაციის გვერდი სოციალურ ქსელში