თბილისი. 28 მარტს, საიას იურიდიული განათლების ხელშეწყობის ფონდმა უმასპინძლა საჯარო დისკუსიას თემაზე: "სამოქალაქო აქტივიზმის დეფიციტი ახალგაზრდებში". დისკუსია გაიმართა ფრიდრიხ ებერტის ფონდის მიერ მომზადებული „თაობა გარდამავალ პერიოდში - საქართველოს ახალგაზრდობის კვლევა 2016" ფარგლებში. მონაწილეებს ახალგარზდობის კვლევის შედეგები წარუდგინა ფრიდრიხ ებერტის ფონდის სამხრეთ კავკასიის რეგიონული ოფისის დირექტორმა-ფელიქს ჰატმა. აგრეთვე ახალგაზრდობის როლზე საზოგადოების ცხოვრებაში ისაუბრა იურიდიული განათლების ხელშეწყობის ფონდის დირექტორმა - თამარ მეტრეველმა. საჯარო დისკუსია იყო ინტერაქტიული ხასიათის და მონაწილეებს შესაძლებლობა ჰქონდათ გამოეთქვათ საკუთარი მოსაზრებები. წყარო: საიას იურიდიული განათლების ხელშეწყობის ფონდი

იმერეთი. ქუთაისში ახალი, საოჯახო ტიპის სპეციალიზებული მომსახურება შრომის, ჯანმრთელობისა და სოციალური დაცვის სამინისტროს მიერ ამერიკის შეერთებული შტატების საერთაშორისო განვითარების სააგენტოს (USAID) და გაეროს ბავშვთა ფონდის (იუნისეფის) მხარდაჭერით შეიქმნა. ახალი მომსახურება აშშ-ს ელჩმა იან კელიმ, შრომის, ჯანმრთელობისა და სოციალური დაცვის მინისტრმა დავით სერგეენკომ, USAID-ის მისიის დირექტორმა დაგლას ბოლმა და გაეროს ბავშვთა ფონდის წარმომადგენელმა საქართველოში ლაილა ომარ გადიმ გახსნეს.  სპეციალიზებული საოჯახო ტიპის მომსახურება თემში ინტეგრირებული პირველი  მომსახურებაა მძიმე და ღრმა შეზღუდული შესაძლებლობის და ჯანმრთელობის პრობლემის  მქონე ბავშვებისთვის. დიდი ზომის სახელმწიფო დაწესებულებებიდან გადაყვანილი ბავშვები აქ 24 საათიან საექთნო მომსახურებას, რეაბილიტაციას, ინდივიდუალური განვითარების  და თემში ინტეგრირების სერვისებს იღებენ. სრულად... წყარო: unicef.ge

აჭარა. ბათუმის ახალგაზრდულ ცენტრში ყოველკვირეულად მკითხველთა კლუბის შეხვედრები იმართება. ცენტრის ორგანიზებით უკვე შვიდი შეხვედრა გაიმართა ბათუმის ამერიკულ კუთხეში. მკითხველთა კლუბის მიზანია კითხვის პოპულარიზაცია და აზრის გამოთქმისთვის თავისუფალი სივრცის შექმნა. კლუბის წევრი შეიძლება გახდეს ნებისმიერი 25 წლამდე ახალგაზრდა, კლუბის წევრები იკრიბებიან ყოველ ორშაბათს და განიხილავენ წინასწარ წაკითხულ ნოველას ან მოთხრობას. აქტივობა ხორციელდება „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” [PITA] ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო: ბათუმის ახალგაზრდული ცენტრი

სამეგრელო. ასოციაცია „ათინათი" ახორციელებს პროგრამას „მომავლის თაობა", რომლის ფარგლებშიც ლაზიკა კაპიტალთან - Lazika Capital თანამშრომლობით, პროგრამის პარტნიორ სკოლებს (ყულიშკარი, ჯიხაშკარი, ჭაქვინჯისა და გრიგოლიშის სკოლებს) კოლხური ბზის ნერგები გადაეცათ. „პროგრამას „მომავლის თაობა" ახორციელებს ამერიკული ორგანიზაცია PH International, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. პროგრამა სამეგრელოს რეგიონში ხორციელდება ასოციაცია „ათინათის" მიერ”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გევრდი სოციალურ ქსელში

ქვემო ქართლი. 24 მარტს, მარნეულის დემოკრატიული ჩართულობის ცენტრში საგანმანათლებლო ინიციატივების ქართული ასოციაციის (სიქა) ორგანიზებით, პროგრამის „მომავლის თაობა” ფარგლებში საინტერესო შეხვედრა გაიმართა. მოწვეულმა სტუმრებმა ისაუბრეს ადრეული ქორწინებისა და ოჯახში ძაალადობის საკითხებზე. „...მოსწავლეებს განემარტათ თუ რას ნიშნავს ქორწინების იძულება და როგორ უნდა დაიცვან თავი ამგვარი იძულებისაგან. მასწავლებლებს განემარტათ ის დადგენილება, რომლის თანახმადაც მათ ეკისრებათ შეტყობინების ვალდებულება, თუკი მათთვის ცნობილი გახდება ქორწინების იძულების ფაქტის შესახებ. გარდა ამისა, სტუმრებმა დეტალურად ისაუბრეს იმ პრობლემებზე, რასაც ზოგადად იწვევს ადრეული ქორწინება”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

აჭარა. 23 მარტს, საქართველოს ახალგაზრდა იურისტთა ასოციაციის აჭარის ფილიალის საკვირაო სკოლის მოსწავლეები აჭარის ტელევიზიას ესტუმრნენ. „ახალგაზრდებს შეხვდნენ აჭარის ტელევიზიის წარმომადგენლები და პასუხები გასცეს მათთვის საინტერესო შეკითხვებზე. შეხვედრა, ასევე მოიცავდა ტელევიზიის ტექნიკური საქმიანობის სპეციფიკის გაცნობას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 17 მარტს, საერთაშორისო სამართლის სტუდენტთა ასოციაცია საქართველოს (ილსა-საქართველო) პირველი სტუდენტური სამეცნიერო კონფერენცია თემაზე „თანამედროვე გამოწვევები საერთაშორისო სისხლისა და ადამიანის უფლებათა საერთაშორისო სამართალში". „კონფერენცია გაიმართა ილსა-საქართველოს (ILSA Georgia) ორგანიზებითა და თბილისის სახელმწიფო უნივერსიტეტის საერთაშორისო სამართლის ინსტიტუტთან, საქართველოს იუსტიციის სამინისტროსთან და საქართველოს საგარეო საქმეთა სამინისტროსთან თანამშრომლობით. გამარჯვებულებს და მონაწილეებს, ილსა-საქართველოს (ILSA Georgia) სახელით, გადაეცათ შესაბამისი ინგლისურენოვანი სერთიფიკატები და წამახალისებელი პრიზები. გარდა ამისა, საქართველოს საგარეო საქმეთა სამინისტროს საერთაშორისო სამართლებრივი დეპარტამენტის დირექტორმა და თსუ საერთაშორისო სამართლის პროფესორმა, ქალბატონმა ირინე ბართაიამ, საგარეო საქმეთა სამინისტროს სახელით, კონფერენციის გამარჯვებულები დააჯილდოვა საგარეო საქმეთა სამინისტროში პრაქტიკის გავლით, ხოლო ომარ მთივლიშვილი, ანა თაბაგარი და თამარ ონიანი - სსიპ ლევან მიქელაძის სახელობის დიპლომატიური სასწავლო ცენტრის უფასო კურსებით. ასევე, იუსტიციის სამინისტრომ კონფერენციის „საუკეთესო სპიკერის" ნომინაციაში გამარჯვებულად დაასახელა ბუბა ბაღდავაძე”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჟურნალისტური ეთიკის ქარტიის საბჭოს განცხადებით მიმართა „პარტნიორობამ ადამიანის უფლებებისთვის". ორგანიზაცია მიიჩნევს, რომ ტელეკომპანია „იმედის" ეთერში, 2016 წლის 31 ოქტომბერს, გადაცემა „დღის შოუში" დაირღვა ქარტიის მე-7 და მე-8 პრინციპი. „განმცხადებლის პოზიციით, პრინციპები დაირღვა ერთ-ერთი ეპიზოდით, როცა დედის და სხვა პირების თანდასწრებით რამდენიმე თვის ასაკის ბავშვს გაუხვრიტეს ყური. მოპასუხეებიდან ნანიკო ხაზარაძე, სოფიკო ნარჩემაშვილი, ეკა ამირეჯიბი და ლელა მებურიშვილი იყვნენ გადაცემის წამყვანები, ხოლო თამარ ღვინიანიძე – მთავარი პროდიუსერი. პროცედურას [ყურის გახვრეტას] არ ჰქონდა არანაირი საგანმანათლებლო ან სხვა ლეგიტიმური მიზანი, არამედ, იყო შოუს ელემენტის შემცველი, რამაც დაარღვია ბავშვის ფუნდამენტური უფლება იყოს ფიზიკური და ემოციური ძალადობისგან დაცული", ნათქვამია ქარტიის ვებ-გვერდზე. საბჭოს გადაწყვეტილების თანახმად, ნანიკო ხაზარაძემ, სოფიკო ნარჩემაშვილმა, ეკა ამირეჯიბმა, ლელა მებურიშვილმა და თამარ ღვინიანიძემ დაარღვიეს ქარტიის მე-8 პრინციპი. ნანიკო ხაზარაძემ და სოფიკო ნარჩემაშვილმა დაარღვიეს ქარტიის მე-7 პრინციპი. სრულად... წყარო: qartia.org.ge

თბილისი. საგანმანათლებლო-საკონსულტაციო ორგანიზაცია Edu-Guide.Ge გეპატიჟებათ „განათლების საერთაშორისო გამოფენა თბილისი 2017"- ზე. „ყველას ვინც დაინტერესებული ხართ საზღვარგარეთ სწავლით, სტიპენდიებით, ან სტაჟირების შესაძლებლობებით გეძლევათ უნიკალური შანსი პირისპირ გაესაუბროთ სხვადასხვა ქვეყნის კერძო და სახელმწიფო უნივერსიტეტების, საერთაშორისო ორგანიზაციების, საელჩოების და საგანმანათლებლო ორგანიზაციების წარმომადგენლებს და მიიღოთ ამომწურავი ინფორმაცია თქვენთვის საინტერესო კითხვებზე", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ლიბერალიზმის სასწავლო ცენტრი აქვეყნებს ნათია ფანჯიკიძის ლექციის ვიდეო-ჩანაწერს. წყარო: ლიბერალიზმის სასწავლო ცენტრის ვებ-გვერდი სოციალურ ქსელში

თბილისი. ომბუდსმენი მთავრობას რეკომენდაციით მიმართავს არასრულწლოვანთათვის უსაფრთხო წყლის ხელმისაწვდომობის პრობლემასთან დაკავშირებით. „საქართველოში ბავშვთა განთავსების ინსტიტუციებში, თემსა თუ რეგიონებში უსაფრთხო და უვნებელი წყლის ხელმისაწვდომობის, სანიტარული და ჰიგიენური პირობების დაცვის კუთხით არსებული მდგომარეობა არ შეესაბამება ეროვნული და საერთაშორისო სტანდარტების მოთხოვნებს და ეწინააღმდეგება გაეროს ბავშვის უფლებათა კონვენციის ძირითად პრინციპებს. მსგავსი ტენდენცია განსაკუთრებით თავს იჩენს მაღალმთიან რეგიონებსა და სოფლებში", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. საფარი - ქალთა უფლებების დაცვის ორგანიზაცია აქვეყნებს ნათია ჯანაშიასთან ინტერვიუს. „ჩემი აზრით, ამ ასაკში ბავშვებს წაკითხულის შინაარსის გადმოცემაზე მეტად, ინტერპრეტირების საშუალებას უნდა ვაძლევდეთ, ფანტაზიის განვითარებისკენ ვუბიძგებდეთ. ნაწარმოებები კი რაც შეიძლება მარტივი და სახალისო უნდა შევურჩიოთ, წიგნები – ფერადი და უხვად ილუსტრირებული. მათ ანბანის სწავლისთანავე არ უნდა გავუჩინოთ განცდა, რომ წიგნის წაკითხვა რთულია, მაგრამ სასარგებლო და აუცილებელი", ნათქვამია ინტერვიუში. სრულად... წყარო: sapari.ge

„თავისუფალ ჟურნალისტთა სახლმა” ნატოსა და ევროკავშირის შესახებ საინფორმაციო ცენტრთან თანამშრომლობით ნატოსა და ევროკავშირის მიმართ არსებულ მითებზე ერთობლივი პროექტი განახორციელა. „პროექტის ფარგლებში ჩატარდა 15 დისკუსია სტუდენტების მონაწილეობით აჭარის 5 მუნიციპალიტეტის საჯარო სკოლებში, შეხვედრების შემდეგ მონაწილეებისთვის გამოცხადდა ესსეების კონკურსი, სადაც 3 საუკეთესო ესსეს ავტორად ხულოსა და შუახევის საჯარო სკოლების მოსწავლეები დასახელდნენ”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

8 მარტს, ომბუდსმენი სიტყვით გამოვიდა ჟენევაში გამართულ ადამიანის უფლებათა საბჭოს 34–ე სესიაზე. შეხვედრაზე ბავშვებით ვაჭრობის, ბავშვთა პროსტიტუციისა და პორნოგრაფიის შესახებ გაეროს სპეციალური მომხსენებლის მოდ დე ბოერ–ბუკიკიოს საქართველოში ვიზიტის ანგარიში განიხილეს. „სახალხო დამცველმა ბავშვის მიმართ ძალადობისა და ადრეული ქორწინების შემთხვევათა გამოვლენის და მათზე დროული და ეფექტური რეაგირების საკითხები განიხილა. მისი განცხადებით, სამწუხაროდ, ბავშვებთან მომუშავე პროფესიონალები არ ფლობენ ძალადობის პრევენციის უნარ–ჩვევებს და არ გააჩნიათ ძალადობის მსხვერპლ არასრულწლოვანთა გამოვლენისათვის აუცილებელი ცოდნა. ამ მიმართულებით მთავარ გამოწვევად ცნობიერების დაბალი დონე, სერვისების მიწოდებისას არსებული ხარვეზები და არაეფექტური რეაგირება რჩება”, ნათქვამია სახალხო დამცველი განცხადებაში. სრულად... წყარო: www.ombudsman.ge

თბილისი. თუ გაინტერესებს რა შესაძლებლობებს სთავაზობს ქართველ სტუდენტებს და მასწავლებლებს ევროკავშირის პროექტი Erasmus+ -ი, როგორ უნდა მოიპოვო დაფინანსება ევროპის წამყვან უნივერსიტეტებში განათლების მისაღებად, გადადი ბმულზე და გაიგე მეტი განათლების სფეროში არსებულ სიახლეებზე.  წყარო: განვითარების და დემოკრატიის ცენტრის ვებ-გვერდი სოციალურ ქსელში

სამეგრელო. 6 მარტს, ასოციაცია „ათინათში" ახალგაზრდული ცენტრის ორგანიზებით და ცენტრის წევრების მონაწილეობით ჩატარდა ფილმის ჩვენება და განხილვა. „ახალგაზრდებს მიეცათ შესაძლებლობა ფილმი „სუფრაჟისტები", სადაც მოთხრობილია ქალთა უფლებებისთვის მებრძოლთა რეალური ისტორია. შეხვედრა ორგანიზებულ იქნა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 28 თებერვალს, გაეროში ახალგაზრდებისათვის სქესობრივი და რეპროდუქციული ჯანდაცვის ხელმისაწვდომობაზე დისკუსია გაიმართა. „დისკუსია ახალგაზრდა ლიდერების მონაწილეობით მიმდინარეობდა. ღონისძიების დასაწყისში ახალგაზრდა აქტივისტებმა დამსწრეებს ის მცდარი მითები უჩვენეს, რაც რეპროდუქციული ჯანმრთელობის გარშემო არსებობს და რაც ახალგაზრდებს ცოდნის მიღებასა და ცხოვრების დაგეგმვაში უშლის ხელს", ნათქვამია პარტნიორობა ადამიანის უფლებისთვის ვებ-გვერდზე. სრულად... წყარო: phrgeorgia.wordpress.com

სამეგრელო. 27-28 თებერვალს, ასოციაცია „ათინათის” პროექტის „ახალგარზდების ჩართულობა და განვითარება” ფარგლებში გაიმართა ორდღიანი ტრენინგი თემაზე „ფოტო და ვიდეო გადაღება". „ვორკ-შოფის პირველ დღეს მონაწილეები თეორიულად გაეცნენ ფოტო და ვიდოე გადაღების მთავარი წესებს, მეორე დღეს კი გადაიღეს ვიდეოები/ფოტოები და ისწავლეს მათი დამუშავება/დამონტაჟება. პროექტს ასოციაცია „ათინათი” და გაეროს ბავშვთა ფონდი UNICEF,", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. გაეროს ბავშვთა ფონდის ხელშეწყობით და ევროკავშირის დაფინანსებით აჭარაში დაიწყება ბავშვთა დაცვის მიმართვიანობის პროცედურების დანერგვა. საქართველოს მთავრობის 2016 წლის 12 სექტემბრის დადგენილებით დამტკიცდა ბავშვთა დაცვის მიმართვიანობის (რეფერირების) პროცედურები. აღნიშნული დადგენილების ფარგლებში ბავშვთა მიმართ ძალადობის რეფერირების პასუხისმგებლობა სამინისტროებთან და სხვა სახელმწიფო უწყებებთან ერთად ადგილობრივ თვითმმართველობებსაც ეკისრებათ.  გაეროს ბავშვთა ფონდი მხარს უჭერს საქართველოს მთავრობას აღნიშნული მექანიზმის გაძლიერებასა და გაფართოებაში. აჭარის მთავრობასთან თანამშრომლობით და საქართველოს სოციალურ მუშაკთა ასოციაციასა და ძალადობისაგან დაცვის ეროვნული ქსელის დახმარებით დაგეგმილია აჭარის რეგიონში ბავშვთა დაცვის მიმართვიანობის პროცედურების ამოქმედება", ნათქვამია ორგანიზაციის ვებ-გვერდზე. სრულად... წყარო: unicef.ge

თბილისი. 25-26 თებერვალს, საქართველოს უზენაეს სასამართლოში ფილიპ ჯესაპის სახელობის საერთაშორისო სამართლის იმიტირებული სასამართლო პროცესის ეროვნული რაუნდები ჩატარდა. „ომბუდსმენის გადაწყვეტილებით იმიტირებული პროცესის საუკეთესო მომხსენებელს თავისუფალი უნივერსიტეტის სტუდენტს ანა ჯაბაურს წიგნების მაღაზიის სასაჩუქრე ვაუჩერი გადაეცა, ხოლო მასთან ერთად კიდევ ორ საუკეთესო მონაწილეს 2017 წლის 27-29 მარტს, საქართველოს სახალხო დამცველის ადამიანის უფლებათა აკადემიის „ლტოლვილთა საერთაშორისო დაცვის საკითხებზე" ორგანიზებულ ტრეინინგში მონაწილეობის საშუალება მიეცემათ", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

აჭარა. 24 თებერვალს, ბათუმის ახალგაზრდული ცენტრის მოხალისეებს ჩაუტარდათ თანატოლთა ტრენინგი თემაზე: „ინტრაპერსონალური და წერითი კომუნიკაცია". „აქტივობა ხორციელდება „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” (PITA) ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 24 თებერვალს, ასოციცია „ათინათის” ახალგაზრდული ცენტრის ორგანიზებით და ცენტრის წევრების მონაწილეობით ახალკახათის საჯარო სკოლაში ჩატარდა საინფორმაციო შეხვედრა სკოლის ახალგაზრდებთან. „შეხვედრის ფარგლებში შედგა პროგრამის „PITA” პრეზენტაცია. ღონისძიება ორგანიზებულ იქნა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA)" ფარგლებში. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ, მას საქართველოს გაეროს ასოციაცია (UNAG) ახორციელებს სამეგრელოში პროექტს ასოციაცია „ათინათი” ახორციელებს”. ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში