თბილისი. თუ გინდა რომ ბავშვთა უფლებების შესახებ მეტი იცოდე, იხილე ვიდეო, რომელიც ბელფასტის ქუინსის უნივერსიტეტის სოციალურ მეცნიერებათა და განათლების სკოლის ბავშვთა უფლებების ცენტრთან თანამშრომლობით მომზადდა, პროგრამის" PITA ფარგლებში. წყარო: საქართველოს გაეროს ასოციაციის ვებ-გვერდი სოციალურ ქსელში

სამცხე-ჯავახეთი. ახალციხის ახალგაზრდულ ცენტრში გამართულ პრეზენტაციაზე ფემინიზმსა და ფემინისტურ ორგანიზაციებზე ისაუბრეს. შეხვედრის მიზანი იყო მონაწილეებისთვის ქალთა უფლებების გაზიარება. „ღონისძიება ორგანიზებულ იქნა, ტოლერანტობის სამოქალაქო ცნობიერებისა და ინტეგრაციის მხარდამჭერი პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით, პროგრამის პარტნიორი ახალციხესა და ახალქალაქში, საზოგადოებრივი ორგანიზაცია დემოკრატ მესხთა კავშირია," ნათქვამია ორგანიზაციის ვებ-გვერდზე სოციალურ ქსელში სრულად... წყარო: ორგანიზაციის ვებ-გვერდი სოციალურ ქსელში

აჭარა. 11 ნოემბერს, პროექტ „მართე შენი ქალაქის” მონაწილე ახალგაზრდებმა და საკრებულოს მრჩეველთა საბჭოს წევრებმა ახალგაზრდობის, კულტურის და სპორტის პროგრამების - საჯარო განხილვაში მიიღეს მონაწილეობა. შეხვედრაზე ახალგაზრდებმა ღია შეხვედრების - „შენი ხმა საბჭოში” ფარგლებში გამოვლენილი ინიციატივები და რეკომენდაციები წარადგინეს. სრულად... წყარო: ორგანიზაციის ვებ-გვერდი სოციალურ ქსელში

თბილისი. გაეროს ბავშვთა ფონდის მხარდაჭერით და ევროკავშირის დაფინანსებით მიმდინარე ტარდება ტრენინგები პროკურორების, სოციალური მუშაკების, მოსამართლეებისა და მედიატორებისთვის არასრულწლოვანთა მართლმსაჯულების ახალი კოდექსით გათვალისწინებული ნორმების შესახებ. „ტრენინგის მიზანი კოდექსის დეტალური გაცნობა, განრიდების შესახებ არსებული გამოცდილების გაზიარება და სხვადასხვა პროფესიის მუშაკების ურთიერთკოორდინაციის ხარისხის გაზრდაა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ომბუდსმენი ეხმაურება სოციალურ ქსელში გავრცელებულ ვიდეო ჩანაწერს, სადაც ასახულია თბილისის 56-ე საბავშვო ბაგა-ბაღის მიერ აღსაზრდელთა მონაწილეობით დადგმული „ქორწინების" სცენა. სახალხო დამცველი აღნიშნავს, რომ აღმზრდელობითი პროცესის ამგვარად წარმართვა ეწინააღმდეგება ბავშვის საუკეთესო ინტერესებს და მავნე ზეგავლენას ახდენს მისი ცნობიერების ფორმირებაზე. სრულად... წყარო: www.ombudsman.ge

თბილისი. გაეროს ბავშვთა ფონდის კვლევის თანახმად, შეზღუდული შესაძლებლობის მქონე ბავშვების მიმართ ძალადობა 3-4-ჯერ უფრო ხშირია მთელი მსოფლიოს მასშტაბით. „საქართველოში შეზღუდული შესაძლებლობის მქონე ბავშვების ძალიან მცირე ნაწილია იდენტიფიცირებული, როგორც ძალადობის მსხვერპლი. ამის მიზეზი სოციალური მუშაკების არასაკმარისი ცოდნა და უნარებია, რის გამოც ისინი ვერ ახერხებენ ძალადობის ფაქტების დროულ გამოვლენას. აუცილებელია სოციალური მუშაკების კვალიფიკაციის ამაღლება, რათა შეზღუდული შესაძლებლობის მქონე ბავშვების მეტად დაცულნი იყვნენ ძალადობისა და უგულებელყოფისაგან", ნათქვამია ორგანიზაცის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 4 ნოემბერს, ასოციაცია „ათინათის” ახალგაზრდული ცენტრის წევრებისთვის მოეწყო მეორე შეხვედრა „სწავლება დოკუმენტური ფილმების მეშვეობით" ფარგლებში. „…შეხვედრაზე ნაჩვენები იყო დოკუმენტური ფილმები „ანა" და „მესბა", რომელიც ეხებოდა ბავშვთა უფლებებს. საუბარი იყო თუ რა უფლებები აქვთ ბავშვებს და რა მოვალეობები აკისრია სახელმწიფოს ბავშთა კონვენციასთან რატიფიცირების შემდეგ”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

იმერეთი. 7 ნოემბერს, აკაკი წერეთლის სახელმწიფო უნივერსიტეტში სტუდენტებისთვის და დაინტერესებული პირებისთვის ჩატარდა საინფორმაციო შეხვედრა „ღია თვითმმართველობა 3" პროგრამასთან დაკავშირებით. „პრეზენტაციისას საუბარი იყო პროგრამის დადებით მხარეებზე, ვადებზე, პროცესზე, შინაარსობრივ და ტექნიკურ საკითხებზე”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 3 ნოემბერს, „კეთილდღეობისა და განვითარების ცენტრში გაიმართა პროექტის „შშმ პირთა ხელშეწყობა პროფესიული განათლების და დასაქმებისათვის" დახურვის პრეზენტაცია. „პროექტი განხორციელდა საქართველოს სპორტისა და ახალგაზრდობის სამინისტროს, „ბავშვთა და ახალგაზრდობის განვითარების ფონდის’’ ჩეხური ორგანიზაცია „ადამიანი გაჭირვებაში" ფინანსური ხელშეწყობით," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. PITA-ს ახალციხის ახალგაზრდული ცენტრის წევრები მონაწილეობას მიიღებენ სახალხო დამცველთან არსებული ტოლერანტობის ცენტრის მიერ ორგანიზებულ ვიქტორინაში. კონკურსი მიზნად ისახავს, ტოლერანტობის კულტურის ხელშეწყობას, ახალგაზრდებს შორის საქართველოს რელიგიურ და ეთნიკურ მრავალფეროვნების შესახებ ცოდნის ამაღლებას. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. ახალციხის ახალგაზრდული ცენტრის წევრების ინიციატივით, დემოკრატ მესხთა კავშირში ფილმის „ბიჭუნა ზოლიან სამოსში", ჩვენება გაიმართა. „ფილმი მეორე მსოფლიო ომის დროს მიმდინარე მოვლენებს და პატარა ბიჭუნას ისტორიას შეეხება. ღონისძიება ორგანიზებულ იქნა ტოლერანტობის სამოქალაქო ცნობიერებისა და ინტეგრაციის მხარდამჭერ პროგრამა PITA-ს ფარგლებში... პროექტის პარტნიორი ახალციხესა და ახალქალაქში საზოგადოებრივი ორგანიზაცია დემოკრატ მესხთა კავშირია", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ღია გალერეაში" გიორგი სიჭინავას ნამუშევრების პერსონალური გამოფენა გაიხსნა. „გიორგი აუტისტური სპექტრის მქონე უნიჭიერესი მოზარდია. მისი შინაგანი სამყაროს აღქმა რთულია, უსაზღვროა მისი უნარები... მიუხედავად იმისა, რომ არ მეტყველებდა და არც ცალკეულ სიტყვებს წარმოთქვამდა, 3 წლის ასაკში 33 ასო-ბგერის წერა და დასახელება შეეძლო. 4 წლის ასაკში სამნიშნა ციფრებს ცნობდა. „ღია გალერეაში" წარმოდგენილია მისი ფერწერა, გრაფიკა. იგი კარგად ფლობს ძერწვის ტექნიკას, ქაღალდის ხელოვნებას და მდიდარი ფანტაზიის დახმარებით საინტერესო ნამუშევრებს ქმნის", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 28 ოქტომბერს, საქართველოს საგარეო საქმეთა მინისტრის მოადგილე შშმ პირთა ორგანიზაციების „ოჯახები დისკრიმინაციის წინააღმდეგ" და „კავშირი ჩვენი ბავშვები"-ის წარმომადგენლებს შეხვდა. „შეხვედრაზე მშობლებმა და სამინისტროს წარმომადგენლებმა ისაუბრეს შეზღუდული შესაძლებლობების მქონე ბავშვთა უფლებების დაცვის მხრივ საქართველოში არსებულ ვითარებაზე, ამ საკითხზე საქართველოს ხელისუფლების მიერ აღებულ საერთაშორისო ვალდებულებებსა და მათი შესრულების პროცესზე", ნათქვამი ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 27 ოქტომბერს, „პარტნიორობა ადამიანის უფლებებისთვის" (PHR) და უნისეფის ორგანიზებით პროექტის ფარგლებში - „ბავშვზე მორგებული მართლმსაჯულების სისტემის ხელმისაწვდომობის გაძლიერება და განვითარება საქართველოში" სამუშაო შეხვედრა გაიმართა. „შეხვედრის მიზანს საკუთარი უფლებების დაცვის მექანიზმებისა და პროცედურების შესახებ ბავშვებისთვის საჭირო ინფორმაციის მიწოდების ფორმებისა და საშუალებების განსაზღვრა წარმოადგენდა, რაც შემდგომში, აისახება აღნიშნული მიმართულებით ბავშვის გაზრდილ ცნობიერებასა და სამოქალაქო განათლებაზე", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

სამეგრელო. 27 ოქტომბერს, ასოციაცია „ათინათის" ახალგაზრდული ცენტრის წევრებმა ჩაატარეს „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" პრეზენტაცია. პრეზენტაცია ორგანიზებულ იქნა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" (PITA) ფარგლებში. პროექტს ასოციაცია „ათინათი" ახორციელებს. სრულად... წყარო: ორგანიზაციის ვებ-გვერდი სოციალურ ქსელში

იმერეთი. ქალთა ფონდი საქართველოში, გერმანული ქალთა ფონდი „ფილია" ფონდ „სოხუმს" ქუთაისში ესტუმრნენ. „ფონდ სოხუმის წარმომადგენლები გოგონებს ერთობლივი ფორუმ თეატრის მომზადებაში დაეხმარებიან. ფორუმ თეატრის მთავარი იდეა მდგომარეობს იმაში, რომ მისი წევრები ირჩევენ თემებს, რაც ყველაზე მეტად აწუხებთ, შემდეგ კი დგამენ მცირე სცენებს და მაყურებელს უტოვებენ საშუალებას, იმსჯელოს ნანახი სიტუაციიდან გამოსავალზე", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდზე სოციალურ ქსელში

თბილისი. „პარტნიორობა ადამიანის უფლებებისთვის" აქვეყნებს თამარ კურატიშვილის ბლოგპოსტს: „ჟღარუნი რკინის ჭიქაში". „ვისვრით 20-თეთრიანებს და გვგონია, ყველაფერი გვარდება, – მშიერ ბავშვებს კუჭი ევსებათ და გონება უნათდებათ, მაგრამ ჩვენი მოწყალება არაფერს ცვლის. ისიც კი არ ვიცით, ვის ჯიბეში ჩაედინება ჩვენი ეს მოხდილი ვალდებულებები, რომელიც, უფრო შეწუხებული სინდისის ქენჯნაა, ვიდრე გაწვდილი დახმარების ხელი. ქენჯნა იმის გამო, რასაც ვხედავთ, რაც არ მოგვწონს, რაც გვაწუხებს, მაგრამ ვერ ვცვლით", ნათქვამია ბლოგპოსტში. სრულად... წყარო: phrgeorgia.wordpress.com

აჭარა. 20 ოქტომბერს, ბათუმის ახალგაზრდული ცენტრის ორგანიზებით გაიმართა ტრენინგი „ცვლილებები იწყება ჩვენით". ტრენინგს გაუძღვა „საერთაშორისო გამჭირვალობა საქართველოს" რეგიონული ოფისის მენეჯერი მალხაზ ჭკადუა. აქტივობის მიზანი იყო ახალგაზრდების გააქტიურება და მათი ჩართვა სამოქალაქო ცხოვრებაში. აქტივობა ხორციელდება „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" (PITA) ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

თბილისი. ლიბერალიზმის სასწავლო ცენტრი აქვეყნებს მარიამ თებელაშვილის ბლოგპოსტს: „„რაც მშობლებს უნდათ". „ხშირ შემთხვევაში ქართველი მშობლები ვერ ხვდებიან (ან არ ხვდებიან) რამდენად მნიშვნელოვანია მათი შვილებისთვის ისწავლონ ის, რაც უყვართ. ცხადია, მშობლებს შვილებისთვის საუკეთესო უნდათ, მაგრამ ხშირად ისინი იწყებენ მათი ყოფით ცხოვრებას და საბოლოოდ ამას არც თუ ისე სახარბიელო შედეგები მოაქვს. მშობლები ვერ ხვდებიან რამდენ დიდი შეცდომაა, როცა ასე უხეშად ერევიან შვილების ერთ-ერთი უმნიშვნელოვანესი გადაწყვეტილების მიღების პროცესში", ნათქვამია ლიბცენტრის ვებ-გვერდზე. სრულად... წყარო: libcenter.ge

თბილისი. „პარტნიორობა ადამიანის უფლებებისთვის" ეხმაურება შეზღუდული შესაძლებლობების მქონე ბავშვის დისკრიმინაციის შესაძლო ფაქტს. ორგანიზაცია მოუწოდებს მთავრობასა და ჯანდაცვის სამინისტროს მიიღოს გარკვეული ზომები: „დროებითი ღონისძიების სახით, სასწრაფოდ გამოყოს შესაბამისი კვალიფიკაციისა და რაოდენობის პირები, რომლებიც მძიმე და ღრმა გონებრივი განვითარების შეფერხების მქონე ბავშვთა ბინაზე მოვლის ქვეპროგრამის ფარგლებში, დამოუკიდებლად შეძლებენ ს.ა.-ს მოვლას დღის განმავლობაში, რაც დედას მისცემს სახლის დატოვების საშუალებას; მაქსიმალურად დაჩქარებულ ვადაში დაიწყოს ახალი სერვისის შექმნაზე მუშაობა, რომელიც მორგებული იქნება ს.ქ-ს მდგომარეობის მქონე ბავშვთა საჭიროებებზე, რათა არ გაგრძელდეს მათი სეგრეგაცია და ფუნდამენტური უფლებების რღვევა", ნათქვამია განცხადებაში. სრულად... წყარო: phrgeorgia.wordpress.com

აჭარა. 19 ოქტომბერს, შეხვედრა „შენი ხმა საბჭოში" ბათუმის ბაგრატიონის უბნის საზოგადოებრივი დარბაზის წევრებთან და ადგილობრივ მაცხოვრებლებთან გაიმართა. პროექტ „მართე შენი ქალაქის" ახალგაზრდა მონაწილეებმა უბანში ბოლო პერიოდში განხორციელებული პოზიტიური ცვლილებები გამოავლინეს და ტერიტორიული ერთეულის განვითარების მიზნით ადგილობრივების ინიციატივები გამოკვეთეს. შეხვედრის ღია ფორმატი უბნის ყველა მაცხოვრებელს აძლევდა დასწრების შესაძლებლობას. საზოგადოებრივი დარბაზის წევრმა ახალგაზრდებმა ბათუმის მერის წარმომადგენელთან ერთად მუნიციპალური კინოთეატრის დაფუძნების ინიციატივას დაუჭირეს მხარი. აღნიშნული შეხვედრების ციკლი ბათუმის ცამეტივე უბანში გაიმართება, რომლის საფუძველზეც ბათუმის მუნიციპალიტეტს და მასთან არსებულ სამოქალაქო მრჩეველთა საბჭოებს ახალგაზრდების მიერ შემუშავებული 13 ინიციატივა წარედგინება. პროექტი „მართე შენი ქალაქი" ხორციელდება სამოქალაქო საზოგადოების ინსტიტუტის Civil Society Institute ბათუმის ფილიალის აღმოსავლეთ-დასავლეთის მმართვის ინსიტუტის (EWMI Access)პროექტის ფარგლებში USAID ფინანსური მხარდაჭერით.

სამეგრელო. 13 ოქტომბერს, ასოციაცია „ათინათში" ახალგაზრდული ცენტრის წევრებმა ჩაატარეს პროგრამის „PITA” პრეზენტაცია და თანატოლთა ტრენინგი თემაზე „ეფექტური კომუნიკაცია". „ტრენინგზე მონაწილეობას იღებდნენ ცენტრის ახალი წევრები. შეხვედრა მოეწყო „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ, მას საქართველოს გაეროს ასოციაცია (UNAG) ახორციელებს. სამეგრელოში პროექტს ასოციაცია „ათინათი" ახორციელებს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში