იმერეთი. ქუთაისის ახალგაზრდული ცენტრის წევრებმა მონაწილეობა მიიღეს დისკუსიაში „ქალთა მოძრაობების განვითარების დინამიკა საქართველოში". შეხვედრა ჰაინრიჰ ბიოლის ფონდის სამხრეთ კავკასიის ბიუროს ორგანიზებით გაიმართა. „დისკუსიის მიზანს იყო ახალგაზრდებისათვის ინფორმაციის მიწოდება საქართველოში ქალთა მოძრაობის ისტორიის შესახებ, ასევე რა პრობლემები, ბარიერები ექმნებათ ქალთა ჯგუფებს, რა დინამიკა ახასიათებს მათ გაძლიერებას თუ ჩახშობას და ა.შ", ნათქვამია ორგანიზაციის ვებ-გვერდზე სოციალურ ქსელში სრულად... წყარო: ორგანიზაციის ვებ-გვერდი სოციალურ ქსელში

თბილისი. 9 ნოემბერს, სოციალური საწარმოების გამოფენა მოეწყო. გამოფენაზე, სპორტისა და ახალგაზრდობის მინისტრმა ასოციაცია ანიკას გადასცა პრიზი, წლის საუკეთესო სოციალური საწარმოს შექმნისათვის. პროექტი - ჩვენ ერთად შევცვლით სამყაროს, ასოციაცია ანიკამ სპორტისა და ახალგაზრდობის სამინისტროს ბავშვთა და ახალგაზრდობის განვითარების ფონდის დახმარებით 2015 წელს შექმნა, რომლის მიზანიც შეზღუდული შესაძლებლობის მქონე ახალგაზრდებისათვის სამკერვალო საქმის შესწავლა იყო, შემდგომში მათი დასაქმების მიზნით. სრულად... წყარო: ორგანიზაციის ვებ-გვერდი სოციალურ ქსელში

თბილისი. 3 დეკემბერს, „ინფორმაციის თავისუფლების განვითარების ინსტიტუტისა" (IDFI) და ილიას უნივერსიტეტის სამართლის სკოლის ორგანიზებით პარლამენტის ღიაობის საკითხებზე დისკუსია გაიმართა. „თამარ კორძაია სტუდენტებს ღია მმართველობის პარტნიორობის (OGP) მნიშვნელობაზე ესაუბრა. მან აღნიშნა, რომ OGP საშუალებას იძლევა მოქალაქეებმა უფრო მარტივად მიიღონ ხელისუფლებისგან ინფორმაცია და პასუხები მათთვის საინტერესო საკითხებზე... ხათუნა გოგორიშვილმა ხაზი გაუსვა თითოეული ადამიანის ჩართულობის მნიშვნელობას ღია მმართველობაში, რადგან მისი თქმით, ნებისმიერი პოლიტიკოსი თავის ქმედებებს აუცილებლად უსადაგებს ამომრჩევლის მოთხოვნებს, შესაბამისად მნიშვნელოვანია, რომ დაკვეთა მოდიოდეს სამოქალაქო საზოგადოებისაგან", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. 5 დეკემბერს, „ლიბერალიზმის სასწავლო ცენტრის" მოწვევით, გიორგი ბაქრაძემ წაიკითხა ლექცია „მსოფლიო ეკონომიკური ისტორიის მიმოხილვა". „ლიბცენტრი" გაძლევთ საშუალებას ნახოთ ლექციის ვიდეო-ჩანაწერი. წყარო: ორგანიზაციის ვებ-გვერდი სოციალურ ქსელში

თბილისი. GIPA-ს მმართველობის სკოლა, ინფორმაციის თავისუფლების განვითარების ინსტიტუტი (IDFI), და ბრემენის უნივერსიტეტი, GIPA-ს სტუდენტებს სთავაზობს სალექციო ბლოკ-კურსს „კარგი მმართველობა საქართველოში". ბლოკ-კურსს გაუძღვება ინფორმაციის თავისუფლების განვითარების ინსტიტუტის გამგეობის თავმჯდომარე - ლევან ავალიშვილი. „სალექციო კურსის მიზანია საუკეთესო საერთაშორისო პრაქტიკის ანალიზის საფუძველზე კარგი მმართველობის განვითარების უახლესი ტენდენციების, საჯარო მმართველობის სფეროში საქართველოში მიმდინარე რეფორმების, ინიციატივების, მექანიზმებისა და გამოწვევების შესახებ მდგომარეობის მიმოხილვა", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. ომბუდსმენი შეშფოთებას გამოთქვამს „საგას" მიერ „სექსუალური აღზრდის" სახელწოდებით გავრცელებული რეკლამის გამო, რომელშიც არასრულწლოვანი მონაწილეობს. „აღნიშნული ვიდეო რგოლის სიუჟეტი არ შეესაბამება მოცემული ასაკის როგორც მონაწილე, ასევე, მაყურებელი არასრულწლოვნების შემეცნებითი და ემოციური განვითარების დონეს, შესაბამისად წარმოადგენს ძალადობრივ ზეწოლას მოზარდის ფსიქიკურ შესაძლებლობებზე და უხეშად არღვევს გაეროს ბავშვის უფლებათა კონვენციით გარანტირებული ბავშვის საუკეთესო ინტერესების დაცვის პრინციპს”, ნათქვამია სახალხო დამცველის განცხადებაში. ომბუდსმენი მოუწიდებს მაღაზიათა ქსელ „საგას" შეწყვიტოს რეკლამის გავრცელება. სრულად... წყარო: www.ombudsman.ge

თბილისი. 15-18 დეკემბერს, ინფორმაციის თავისუფლების განვითარების ინსტიტუტი (IDFI), თბილისის სახელმწიფო უნივერსიტეტი და ბრემენის უნივერსიტეტი სტუდენტებს სალექციო კურსს სთავაზობენ. სალექციო კურსების სერიას „არაფორმალური ეკონომიკა: დიაგნოზი და გამოსავალი" გაუძღვება ევროპის ცენტრალური უნივერსიტეტის დოქტორანტი ლელა რეხვიაშვილი. „სალექციო კურსის მიზანია არაფორმალურ ეკონომიკაზე არსებული ცენტრალური თეორიების: დუალისტური, ინსტიტუციონალისტური, სტრუქტურალისტური, და პოსტ-სტრუქტურალისტური პერსპექტივების კრიტიკული განხილვა”, ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. 1 დეკემბერს, ინფორმაციის თავისუფლების განვითარების ინსტიტუტმა (IDFI) ღია მონაცემთა ბაზების ხელმისაწვდომობაზე თსუ-ში მორიგი შეხვედრა ჩაატარა. შეხვედრა პროექტის „ღია მონაცემები: ცვლილებებისა და ინოვაციების წყარო" ფარგლებში გაიმართა. „გიორგი კლდიაშვილმა ისაუბრა ღია მონაცემების პორტალის - data.gov.ge პრიორიტეტებზე და აღნიშნა, რომ ღია მონაცემების პორტალი მოქალაქეებს, ბიზნეს სექტორს და ნებისმიერ დაინტერესებულ პირს საშუალებას აძლევს გაეცნოს სახელმწიფო მონაცემებს და მათი გამოყენებით შექმნას ინოვაციური აპლიკაციები, ბიზნეს პროექტები და ელექტრონული სერვისები", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. 30 ნოემბერს კონკურსის „ღია პარლამენტი - ახალგაზრდების ხმა" ფარგლებში 40-მდე მონაწილე საქართველოს პარლამენტს ეწვია. ტრენინგი გაიმართა პროექტის - „ღია მმართველობის პარტნიორობის (OGP) ინიციატივაში საქართველოს პარლამენტის ჩართულობის მხარდაჭერა" ფარგლებში. „თამარ კორძაიამ ყურადღება გაამახვილა, რომ ნებისმიერი კანონპროექტის სამიზნე ადრე თუ გვიან ნებისმიერი მოქალაქე შეიძლება გახდეს, შესაბამისად, აუცილებელია, რომ თითოეულმა ადამიანმა გააცნობიეროს ღია პარლამენტის მნიშვნელობა და ჩაერთოს საპარლამენტო საქმიანობაში, მათ შორის საკომიტეტო სხდომებზე დასწრებით, სადაც აზრის გამოხატვა შეეძლებათ როგორც სიტყვიერად, ასევე წერილობით", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. 27 ნოემბერს ორგანიზაციის „ოჯახები დისრკიმინაციის წინააღმდეგ-FAD" ინიციატივითა და ორგანიზებით თბილისის მერიაში შეხვედრა გაიმართა. შეხვედრის მიზანს წარმოადგენდა საჯარო სკოლებში მასწავლებლების სუპერვიზია ABA მეთოდით. FAD-ის წევრებმა ისაუბრეს იმ გამოწვევებზე, რომელიც დღეს აქვთ ინტელექტუალური შეზღუდული შესაძლებლობის მქონე მოსწავლეებს სკოლებში. „ანა ბარქაიამ ისაუბრა, თუ რამდენად ეფექტურია ამ მეთოდის გამოყენება სკოლებში, რომლის შედეგადაც მასწავლებლები შეისწავლიან მოსწავლეებთან მუშაობის ტექნიკას, რაც ხელს შეუწყობს ინკლუზიური განათლების განვითარებას. პირველ ეტაპზე მომზადდება პროექტის ბიუჯეტი და გადაეგზავნება მერიას განსახილველად", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. „სახალხო დამცველის აპარატის ბავშვის უფლებების ცენტრის გაძლიერება" - პროექტის ფარგლებში მრგვალი მაგიდა გაიმართა. შეხვედრა შეეხო თემას: „მინდობით აღზრდისა და რეინტეგრაციის ქვეპროგრამების მონიტორინგის პირველადი შედეგები და არასამთავრობო სექტორის გამოცდილება". „მრგვალი მაგიდის ფარგლებში გაიმართა აქტიური დისკუსია დეინსტიტუციონალიზაციის პროცესის, მინდობით აღზრდისა და რეინტეგრაციის სახელმწიფო ქვეპროგრამების ძირითადი საკანონმდებლო რეგულაციებისა და მათი პრაქტიკაში იმპლემენტაციის პრობლემების შესახებ", ნათქვამია ორგანიზაციის ვებ-გვერდზე. სრულად... წყარო: www.ombudsman.ge

აჭარა. 20 ნოემბერს, ბავშვთა მიმართ ძალადობის წინააღმდეგ ბრძოლის საერთაშორისო დღესთან დაკავშირებით ბათუმის ახალგაზრდული ცენტრის ორგანიზებით გაიმართა ფილმის ჩვენება და დისკუსია ბულინგის თემაზე. დისკუსიას ესწრებოდნენ მოსწავლეები, აგრეთვე ბათუმის სახელმწიფო უნივერსიტეტისა და საზღვაო აკადემიის სტუდენტები. აქტივობა გაიმართა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 21 ნოემბერს, პროექტის „დემოკრატიის სკოლის” დასკვინითი კონფერენცია გაიმართა. პროექტის ძირითადი მიზანი იყო მოსწავლეთა თვითმართველობების გაძლიერება და მოსწავლეების ჩართულობა სასკოლო ცხოვრებაში. კონფერენციაზე მოწვეულმა სტუმრებმა მიიღეს ინფორმაცია პროექტის ფარგლებში სკოლებში განხორციელებულ აქტივობებზე, ასევე გაეცნენ კვლევის შედეგებს, რომელიც საქართველოს 200 სკოლაში ჩატარდა. კვლევის ძირითადი მიზანი იყო მოსწავლეთა თვითმართველობის ხელისშემშლელი და ხელშემწყობი ფაქტორების გამოკვეთა. პანელურ დისკუსიებში მონაწილეობა მიიღეს როგორც განათლების სფეროში მომუშავე ექსპერტებმა, ასევე მოსწავლეთა თვითმართველობის თავჯდომარეებმა სხვადსხვა სკოლიდან. სრულად... წყარო: ორგანიზაციის ვებ-გვერდი სოციალურ ქსელში

თბილისი. 18 ნოემბერს, გაეროს ბავშვთა ფონდში გაიმართა შეხვედრა, რომლზეც განხილულ იყო კანონპროექტი ადრეული და სკოლამდელი აღზრდისა და განათლების შესახებ. შეხვედრას ესწრებოდნენ PHR-ის წარმოამდგენლები. მათ ყურადღება გაამახვილეს ისეთ პრობლემებზე, როგორიცაა ბაღებში ბავშვების რაოდენობის განსაზღვრა, შეზღუდული შესაძლებლობის მქონე ბავშვებისთვის, საჭიროების შემთხვევაში, პირადი ასისტენტის დანიშვნა, იმ ბავშვების კვების უზრუნველყოფა, რომლებიც იმყოფებიან სპეციალურ კვებაზე. სრულად... წყარო: ორგანიზაციის ვებ-გვერდი სოციალურ ქსელში

აჭარა. 20 ნოემბერს, ბათუმის შოთა რუსთაველის სახელმწიფო უნივერსიტეტში, მრავალფეროვნების ფორუმი გაიმართა. ფორუმზე წარადგინეს მრავალფეროვნების სკოლის მონაწილეების პრეზენტაცია-ვორქშოპები. უნივერსიტეტის დარბაზში, ერთ სივრცეში მრავალფეროვნების სკოლის მონაწილეებმა 10 სხვადასხვა პრეზენტაცია-ვორქშოპი ჩაატარეს. მოწვეულ სტუმრებს, ვიზიტორებს და უნივერსიტეტის სტუდენტებს ასწავლიდნენ ტრადიციულ ინსტუმენტებზე დაკვრას, ხელსაქმეს, ფოტოს გადაღებას, ენერგორესურსების ეფექტურ გამოყენებას, განსაკუთრებული საჭიროებების მქონე ბავშვებისათვის სათამაშოების დამზადებას… ამ ფორმით, მრავალფეროვნების სკოლის მონაწილეებმა საზოგადოებას გააცნეს თავიანთი პროექტები, რომლებიც მათ აგვისტო-სექტემბრის თვეში განახორციელებს ახალციხეში, მარნეულში, გარდაბანში, თელავში, წეროვანში, გორში, სამტრედიასა და თბილისში. მრავალფეროვნების სკოლა არის საგანმანათლებლო, ერთწლიანი, აქტიური მოქალაქეობის პროგრამა, რომელიც აერთიანებს 18-დან 24 წლამდე ახალგაზრდებს საქართველოს სხვადასხვა რეგიონებიდან. ერთი წლის განმავლობაში მრავალფეროვნების სკოლის მონაწილეები პროგრამის ფარგლებში ეცნობიან მრავალფეროვნების საკითხებს, სწავლობენ პროექტის მენეჯმენტს და ახორციელებენ თავიანთ მცირემასშტაბიან პროექტებს. მრავალფეროვნების სკოლა 2013 წლიდან ხორციელდება და მას დღემდე სულ 120-მდე კურსდამთავრებული ჰყავს. პროგრამას ახორციელებს ირის ჯგუფი - მრავალფეროვნების მართვა გერმანულ ორგანიზაცია MitOst-თან თანამშრომლობით და დაფინანსებულია გერმანიის საგარეო საქმეთა სამინისტროს მიერ.

თბილისი. საქართველოს სახალხო დამცველი 19 ნოემბერს ბავშვთა საერთაშორისო დღესთან დაკავშირებით განცხადებას ავრცელებს. „საქართველოს სახალხო დამცველი მოუწოდებს პასუხისმგებელ სახელმწიფო სტრუქტურებს, უზრუნველყონ არასრულწლოვნების დაცვა ნებისმიერი სახის ძალადობისგან. ამასთან, ომბუდსმენი მიიჩნევს, რომ ბავშვის მიმართ ძალადობის დაძლევისა და პრევენციის საუკეთესო გზა საზოგადოების ცნობიერების ამაღლება და ამ მიმართულებით კონკრეტული საგანმანათლებლო აქტივობების განხორციელებაა", ნათქვამია განცხადებაში. სრულად... წყარო: www.ombudsman.ge

თბილისი. 19 ნოემბერს, დემოკრატიული ჩართულობის ოფისში ჩატარდა საჯარო დისკუსია თემაზე: „არასრულწლოვანების ჩართულობა პოლიტიკურ აქციებში კანონდარღვევაა”. დისკუსიაზე ყურადღება გამახვილდა სხვადასხვა თემებზე: საკანონმდებლო რეგულაციები, საზოგადოების, მშობლების პასუხისმგებლობაზე ამ საკითხთან დაკავშირებით, ფსიქოლოგების დასკვნები იმ ზეგავლენაზე, რომელსაც მსგავსი ქმედება იწვევს მოზარდებში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 18 ნოემბერს, არასამთავრობო ორგანიზაცია „პარტნიორობა ადამიანის უფლებების” წარმოამდგენელმა საქართველოს პარლამენტის ეროვნული ბიბლიოთეკაში წაიკითხა საჯარო ლექცია „ბავშვად ყოფნის ფილოსოფია”. ლექცია შეეხებოდა ისეთ მნიშვნელოვან საკითხებს, როგორიცაა ბავშვების როლი თანამედროვე საზოგადოების განვითარებარებაში, მათი უფლებების საერთაშორისო სტანდარტებთან შესაბამისობა და განხორციელების უზრუნველყოფა. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. „დემოკრატიული ჩართულობის ცენტრში" „ინტერნიუსი - საქართველოს" ორგანიზებით ბოლო შეხვედრა გაიმართა ახალგაზრდებთან „ინფორმირებული ახალგაზრდები სახელმწიფოს დემოკრატიული განვითარებისთვის" პროექტის ფარგლებში. შეხვედრაზე აჩვენეს ფილმები „ახალი თაობა და არჩევანი - გორი", „ახალგაზრდები და არჩევნები". „ფილმების ჩვენების შემდეგ გაიმართა დისკუსია. ახალგაზრდებმა ისაუბრეს ქვეყნის საზოგადოებრივ ცხოვრებაში თანატოლების ჩართულობის მნიშვნელობაზე, რითია გამოწვეული მათი პასიურობა, რა უნდა გაკეთდეს ახალგაზრდა ამომრჩევლის აქტიურობის გასაზრდელად და საარჩევნო კულტურის ამაღლების ხელშესაწყობად", ნათქვამია ორგანიზაციის ვებ-გვერდზე. სრულად... წყარო: www.media.ge

სამეგრელო. ასოციაცია „ათინათი" ახორციელებს პროექტს „ნდობის მშენებლობა სამხრეთ კავკასიაში", რომელიც 16 დღიან ანტიდისკრიმინაციულ მსოფლიო კამპანიას შეუერთდა. ახალგაზრდული ცენტრის წევრებმა რუხის საჯარო სკოლაში, თანატოლთა განათლების ტრენინგი ჩაატარეს თემაზე „ტოლერანტობა". სრულად... წყარო: სოციალური ქსელი

აჭარა. 15 ნოემბერს, ბათუმის შოთა რუსთაველის სახელმწიფო უნივერსიტეტში „ბათუმის ახალგაზრდული ცენტრის" ორგანიზებით ტოლერანტობის დღესთან დაკავშირებით ჩატარდა ტრენინგი და დისკუსია თემაზე: „ტოლერანტობის იდეა და ანტიდისკრიმინაციული კანონი". აქტივობა დაიგეგმა და ხორციელდება „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

თბილისი. 5 ნოემბერს, ასოციაცია „ბავშვი და ოჯახსა" და საქართველოს შრომის, ჯანმრთელობისა და სოციალური დაცვის სამინისტროს სოციალური მომსახურების სააგენტოს შორის მემორანდუმი გაფორმდა. მემორანდუმის მიზანია მხარეებს შორის ურთიერთთანამშრომლობა, რომელიც მცირე საოჯახო ტიპის სახლებში მომუშავე, ასევე ახალი კადრის მომზადება/გადამზადებას, კვალიფიკაციის ამაღლებას გულისხმობს ინდივიდუალური მიდგომის მეთოდით (16 დღიანი სატრეინინგო კურსი). ასოციაცია „ბავშვი და ოჯახი” კვლავ აქტიურად განაგრძობს მუშაობას ბავშვზე და ოჯახზე ზრუნვის სფეროს განვითარების ხელშესაწყობად. სრულად... წყარო: ორგანიზაციის ვებ-გვერდი სოციალურ ქსელში