თბილისი. იუნისეფი მიესალმება ქუჩაში მცხოვრები და მომუშავე ბავშვების მხარდამჭერი საკანონმდებლო პაკეტის დამტკიცებას. „იუნისეფი მიესალმება საქართველოს მთავრობის, კერძოდ კი იუსტიციის სამინისტროს ძალისხმევას იმ მნიშვნელოვანი საკანონმდებლო ცვლილებების შემუშავებაში, რომლებიც სრულად შეესაბამება საერთაშორისო სტანდარტებს და ემსახურება ბავშვის საუკეთესო ინტერესებს", ნათქვამია ორგანიზაციის ვებ-გვერდზე. სრულად... წყარო: unicef.ge

თბილისი. საერთაშორისო გამჭვირვალობა საქართველო აქვეყნებს ბლოგპოსტს: „დედათა და ბავშვთა ჯანმრთელობის გამოწვევები საქართველოში". „საქართველოში 5 წლამდე ბავშვების, ახალშობილთა, ნეონატალური და დედათა სიკვდილიანობის მაჩვენებელი ევროპის რეგიონსა და პოსტსაბჭოთა სივრცეში ერთ-ერთი ყველაზე მაღალია. მსოფლიო ბანკის მონაცემებით, 2015 წელს საქართველოში 1000 ახალშობილზე 5 წლამდე ასაკის ბავშვთა სიკვდილიანობის მაჩვენებელი 12-ს შეადგენდა, მათ შორის, ახალშობილთა (1 წლამდე ასაკის) გარდაცვალების მაჩვენებელი 11-ს, ნეონატალური სიკვდილიანობის (28 დღემდე ასაკის) კი – 7-ს", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ლიბცენტრმა ინკლუზიური განათლების შესახებ დისკუსია გამართა. სტუდენტებმა იმსჯელეს იმ დადებით და უარყოფით ასპექტებზე რაც ახლავს საქართველოში ინკლუზიურ განათლებას. დისკუსიაში მენტორის სტატუსით მოწვეული იყო ნინო ბაიდაური ორგანიზაციის „ხელმისაწვდომი გარემო ყველასთვის” წარმომადგენელი”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: სოციალური ქსელი

თბილისი. იუსტიციის სამინისტრომ მოამზადა კანონპროექტი, რომელიც ქუჩაში მომუშავე და მყოფი ბავშვების უფლებებს დაიცავს. კანონპროექტი მთავრობის დღევანდელ სხდომაზე დამტკიცდა. „ჩვენი ყველას - სახელმწიფოს და საზოგადოების ტკივილია ქუჩაში მცხოვრები და მომუშავე ბავშვები. ყველა ბავშვს აქვს განვითარების უფლება, ამიტომაც პარტნიორ ორგანიზაციებსა და კოლეგა სამინისტროებთან ერთად შევიმუშავეთ ცვლილებების პაკეტი, რომელიც მთავრობამ დღეს ერთხმად დაამტკიცა და რომელიც ემსახურება ქუჩაში მყოფი და მომუშავე ბავშვების უკეთესად დაცვას", განაცხადა იუსტიციის მინისტრმა თეა წულუკიანმა. სრულად... წყარო: www.ginsc.net

თბილისი. საქართველოს სახალხო დამცველი განცხადებას ავრცელებს არასრულწლოვანთა თვითმკვლელობის ფაქტებთან დაკავშირებით. „...სახალხო დამცველი მოუწოდებს საქართველოს მთავრობას, განსაკუთრებული ყურადღება გაამახვილოს ბავშვთა თვითმკვლელობის გამომწვევი მიზეზების შესწავლაზე და გაატაროს პრევენციული ღონისძიებები აღნიშნულის აღმოსაფხვრელად – დაიწყოს მუშაობა არასრულწლოვნებში სუიციდის პრევენციის პოლიტიკის შესამუშავებლად და უზრუნველყოს ამ პროცესში ექსპერტების, სპეციალისტებისა თუ დაინტერესებული მხარეების ჩართულობა. ასევე, მოუწოდებს შინაგან საქმეთა სამინისტროს, არასრულწლოვანთა თვითმკვლელობის ფაქტებთან დაკავშირებით, განახორციელოს სწრაფი და  ეფექტიანი გამოძიება", ნათქვამია განცხადებაში. სრულად... წყარო: ombudsman.ge

სამცხე-ჯავახეთი. 8 - 10 იანვარს, განვითარებისა და დემოკრატიის ცენტრის (CDD) ორგანიზებით, საპატრიარქოს სკოლების, გიმნაზიების, უნივერსიტეტებისა და სასულიერო სემინარიების სტუდენტებისთვის გაიმართა ტრენინგი „საქართველო და ევროკავშირი”. სრულად... წყარო: ორგანიზაციის ვებ-გვერდი სოციალურ ქსელში

აჭარა. 28 დეკემბერს, „სიკეთე გადამდებია" - ამ სლოგანით სტუდენტთა ფედერაციამ საქველმოქმედო აქცია-მარათონი გამართა. მსვლელობა ბათუმის სახელმწიფო უნივერსიტეტიდან დაიწყო და რუსთველის ქუჩის გავლით თეატრამდე გაგრძელდა. სტუდენტებმა ინკლუზიური ჯგუფის მოზარდებისთვის თანხა შეაგროვეს. სტუდენტთა ფედერაცია რამდენიმე დღის წინ ოფიციალურად დაფუძნდა და მისი ძირითადი მიზანი ახალგაზრდების სოციალური აქტიურობაა. ეს საქველმოქმედო ღონისძიება მათი პირველი ღონისძიებაა.

თბილისი. 5, 18, 22 და 25 დეკემბერს, ინფორმაციის თავისუფლების განვითარების ინსტიტუტის (IDFI-ს) ორგანიზებით GIPA-ში გაიმართა სალექციო ბლოკ-კურსი „კარგი მმართველობა საქართველოში". „ღონისძიება ჩატარდა პროექტ „სტრატეგიული გეგმა საქართველო 2020 – სამოქალაქო საზოგადოების ჩართულობის გაძლიერება"-ს ფარგლებში. პროექტი ხორციელდება IDFI-ს მიერ ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს დაფინანსებით", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. კავკასიის კვლევითი რესურსების ცენტრი (CRRC) აქვეყნებს ბლოგპოსტს „განათლებული მშობლები, განათლებული შვილები"? „წინამდებარე ბლოგ პოსტი ეფუძნება საქართველოში მოხალისეობისა და სამოქალაქო მონაწილეობის შესახებ 2014 წლის აპრილ-მაისში სი-არ-არ-სი-საქართველოს მიერ ჩატარებული გამოკითხვის მონაცემებს. ამ კვლევის შედეგები მშობლებისა და შვილების განათლებას შორის კორელაციის დადგენის შესაძლებლობას გვაძლევს. როგორც უკვე არსებული კვლევებიდან იყო მოსალოდნელი, საქართველოში მოხალისეობისა და სამოქალაქო მონაწილეობის შესახებ გამოკითხვის მონაცემები აჩვენებს, რომ ძლიერი კორელაცია არსებობს ინდივიდის დედისა და მამის განათლების დონეებს შორის", ნათქვამია ბლოგპოსტში. სრულად... წყარო: blog.crrc.ge

თბილისი. 25 დეკემბერს ,,ახალგაზრდა პედაგოგთა კავშირის" ლიდერთა სკოლის მოზარდებმა გამართეს საჯარო დისკუსია თემაზე: „ბულინგი - ბავშვური ცელქობა თუ ძალადობა?!" „დისკუსიის მიზანი იყო საჯარო სკოლების მოსწავლეების, მასწავლებლებისა და მშობლების ინფორმირება ბულინგის, როგორც ძალადობის ერთ-ერთი უმძიმესი ფორმის შესახებ. დისკუსია მოიცავდა შემდეგ საკითხებს: ბულინგის დეფინიცია და ფორმები, არსებული საკანონმდებლო რეგულაციები, სკოლის, პედაგოგების, მშობლების როლი და დანიშნულება აღნიშნული პრობლემის პრევენციისთვის", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 24 დეკემბერს „კეთილდღეობისა და განვითარების ცენტრთან” არსებულ გორის სამოქალაქო აქტივიზმის ცენტრის მოხალისეებმა ჩაატარეს თანატოლგანმანათლებელთა ტრენინგი „ფემინიზმი და გენდერული თანასწორობა”. ტრენინგის მიზანი იყო თანატოლებს თანატოლებისთვის გაეცნოთ ფემინიზმის მნიშვნელობა, მისი საწყისები საქართველოში და ამ მოძრაობის განვითარება. სრულად... წყარო: ორგანიზაციის ვებ-გვერდი სოციალურ ქსელში

აჭარა. 22 დეკემბერს, შშმ პირთა ახალგაზრდულმა ორგანიზაციამ „ცვლილებები თანაბარი უფლებებისათვის" ქედის მუნიციპალიტეტში მორიგი საინფორმაციო შეხვედრა გამართა. ორგანიზაციის წარმომადგენლები, დამამთავრებელი კლასის მოსწავლეებს შეზღუდული შესაძლებლობის თემაზე ესაუბრნენ. შეხვედრის მიზანი იყო მოსწავლეებში სწორი ტერმინების დამკვიდრება და იმ სტერეოტიპებისაგან გათავისუფლება, რაც შშმ პირთა ინკლუზიის პროცესს აფერხებს. შეხვედრას ქედის მუნიციპალიტეტის ახალგაზრდობის ცენტრის წარმომადგენლები და სკოლის სპეც. მასწავლებლებიც ესწრებოდნენ.

სამეგრელო. 19-20 დეკემბერს, ასოციაცია „ათინათში" ჩატარდა ტრეინინგი თემაზე „აფლატუნი-ბავშვების სოციალური და ფინანსური განათლება". ორი დღის განმავლობაში ახალგაზრდები გაეცნენ აფლატუნის 5 ელემენტს, გაანალიზეს დაზოგვის ეფექტიანობა და ხარჯების სწორად განაწილება. სრულად... წყარო: ორგანიზაციის ვებ-გვერდი სოციალურ ქსელში

თბილისი. 18 დეკემბერს, არასამთავრობო ორგანიზაცია „თანამშრომლობა მშვიდობისა და პროგრესისათვის" და „ჰაინრიჰ ბიოლის ფონდის სამხრეთ კავკასიის რეგიონულ ბიუროს" შორის ხელი მოეწერა თანამშრომლობის შესახებ ხელშეკრულებას. „ფონდთან თანამშრომლობის ფარგლებში განხორციელდება პროექტი „უცნობი" საბჭოთა წარსული". პროექტი მიზნად ისახავს საბჭოთა წარსულთან დაკავშირებულ საკითხებზე ახალგაზრდებში ჯანსაღი დისკუსიისთვის საჭირო პლატფორმის შექმნას, საბჭოთა კავშირის შესახებ ინფორმაციული დონის ამაღლებასა და ახალგაზრდებში ტოტალიტარული იდეებისა და სიმბოლოებისადმი ჯანსაღი დამოკიდებულების ჩამოყალიბების ხელშეწყობას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ასოციაცია „ბავშვი და ოჯახი" ეხმაურება სერიალ „ჩემი ცოლის დაქალებში" 12 დეკემბერს გასულ სერიას, სადაც ნაჩვენები იყო ბავშვთა სახლში არსებული სიტუაცია და დამოკიდებულება. „გვინდა განმარტების სახით გაუწყოთ, რომ საქართველომ განახორციელა ბავშვზე ზრუნვის რეფორმა, რომლის ფარგლებშიც 2011 წელს დაიხურა დიდი ზომის ინსტიტუციები ე.წ. ბავშვთა სახლები და გაიხსნა მცირე საოჯახო ტიპის სახლები. აღნიშნულ სახლში ცხოვრობს 8-10 ბავშვი და მათთან მუშაობა ხორციელდება ინდივიდუალური მიდგომის მეთოდის გამოყენებით. სერიალში გასული კადრები არ შეესაბამება დღევანდელ არსებულ რეალობას. შემაშფოთებელია კადრები, სადაც ბავშვებს როგორც ნივთებს ისე ექცევიან. გამოყენებულია დასჯის ადრეული საუკუნეების მეთოდები. უამრავი ადგილობრივი სპეციალისტი და საერთაშორისო გამოცდილების ექსპერტი იყო ჩართული დეინსტიტუციონალიზაციის პროცესში, უამრავი ენერგია იხარჯება იმისათვის, რომ ბავშვები, რომლებიც არიან სახელმწიფო ზრუნვის ქვეშ, იმყოფებოდნენ არაძალადობრივ და ოჯახთან მაქსიმალურად მიახლოებულ გარემოში. სერიალში გასული სიუჟეტი ასევე ახდენს ამ დროისათვის მცირე საოჯახო ტიპის სახლებში მცხოვრები მზრუნველობას მოკლებული ბავშვების დისკრიმინაციას და საზოგადოებას უმძაფრებს განცდას თითქოს ისინი არიან ასოციალური ქცევის მატარებელი ბავშვები", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს პარლამენტმა არასრულწლოვანთა ქორწინების რეგისტრაციის შეზღუდვის შესახებ კანონი მესამე მოსმენით მიიღო. „ცვლილების თანახმად, 16 წელს მიღწეული არასრულწლოვანი პირის ქორწინება დაიშვება მხოლოდ სასამართლოს თანხმობით და ისეთი მიზეზის არსებობისას, როგორსაც წარმოადგენს ორსულობა და ბავშვის დაბადება. განმარტებით ბარათში წერია, რომ კანონპროექტის მიზანია, საკანონმდებლო ცვლილების საფუძველზე ხელი შეეწყოს 16-დან 18-წლამდე არასრულწლოვან პირთა არასასურველ და იძულებით ქორწინებათა პრევენციას, რასაც ხშირად ადგილი აქვს მშობლების მიერ გაცემული ნებართვის საფუძველზე", ნათქვამია ორგანიზაციის ვებ-გვერდზე. სრულად... წყარო: www.ginsc.net

თბილისი. ახალგაზრდა ადვოკატების აღმასრულებელი გუნდის წევრები ანალიტიკური თემების კონკურსის ფარგლებში: „სტუდენტები საჯარო პოლიტიკაში" კონკურსანტებს შეხვდნენ. ‘’კონკურსის პირობების თანახმად, მეორე ტურში გადასული კონკურსანტები მონაწილეობას მიიღებენ წარმოდგენილი თემების საჯარო პრეზენტაციაში, რომლის მომზადებაშიც მათ ორგანიზაციის მიერ შერჩეული მენტორები დაეხმარებიან", ნათქვამია ორგანიზაციის ვებ-გვერდზე. სრულად... წყარო: www.barristers.ge

თბილისი. ინფორმაციის თავისუფლების განვითარების ინსტიტუტმა (IDFI) გამართა კონკურსი „ღია პარლამენტი - ახალგაზრდების ხმა." „კონკურსის დასასრულს, მონაწილეებს საშუალება ჰქონდათ ჩამოეყალიბებინათ საკუთარი იდეები საპარლამენტო ღიაობის თემატიკაზე და წარედგინათ IDFI-სთვის. ორგანიზაციამ მიღებული 15 ინიციატივიდან 5 საუკეთესო გამოავლინა, რჩეული ინიციატივის ავტორი ნანა ბაგალიშვილი დაჯილდოვდა ქინდლით, ხოლო დანარჩენი 4 გამარჯვებული - წიგნის შესაძენი სასაჩუქრე ვაუჩერებით... რჩეული ინიციატივები ეხებოდა შემდეგ საკითხებს: დეპუტატის ყოველთვიური შეხვედრები იმ მუნიციპალიტეტის თითოეული სოფლის მოსახლეობასთან, რომელ მუნიციპალიტეტსაც პარლამენტში წარმოადგენს, ხოლო შეხვედრის ვიდეო ჩანაწერის YouTube-ზე განთავსება. ასევე, დეპუტატის აპარატის მიერ Facebook-ის შექმნა, სადაც რეგულარულად დაიწერება პარლამენტარის ყოველდღიური/ყოველკვირეული საქმიანობის შესახებ, განთავსდება ანონსები დაგეგმილ შეხვედრებზე და გაკეთდება თემატური გამოკითხვები", ნათქვამია ორგანიზაციის ვებ-გვერდზე. სრულად... წყარო: idfi.ge

სამეგრელო. 14 დეკემბერს, ასოციაცია „ათინათის" ახალგაზრდული ცენტრის წევრებმა ჩაატარეს თანატოლთა განათლების ტრენინგი რიყის საჯარო სკოლაში. ტრენინგის თემა იყო „აირჩიე ცხოვრების ჯანსაღი წესი". „ახალგაზრდებმა ისაუბრეს თამბაქოს მავნებლობასა და უარყოფით თვისებებზე. ტრენინგი ჩატარდა პროექტის „ნდობის მშენებლობა სამხრეთ კავკასიაში" ფარგლებში, რომელსაც ასოციაცია „ათინათი" საქართველოს გაეროს ასოციაციის მხარდაჭერით ახორციელებს", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

მცხეთა-მთიანეთი. პროექტის „ქალები, როგორც აქტორები ცვლილებებისა და გაძლიერებსიათვის” ფარგლებში, დუშეთის მუნიციპალიტეტის სოფელ მაღაროსკარში შექმნილ სათემო სარესურსო ცენტრში ფოტო-გამოფენა „ძლიერი ქალები" გაიმართა. „გამოფენაზე წარმოდგენილი იყო იმ ფშაველი ქალების ისტორიები, რომლებიც ახალგაზრდების აზრით, მომავალი თაობებისთვის სამაგალითოები არიან თავიანთი განვლილი ცხოვრებით. გამოფენას ქალთა საინფორმაციო ცენტრისა და ფონდი „ტასოს" წარმომადგენლების გარდა ადგილობრივი ხელისუფლების წარმოამდგენლებიც ესწრებოდნენ. მათ ერთხმად გამოთქვეს მზაობა, ხელი შეუწყონ ახალგაზრდების შემდგომ განვითარებას. მაღაროსკარის სათემო სარესურსო ცენტრი ერთ-ერთია პროექტის ფარგლებში სამიზნე რეგიონებში გახსნილ ცენტრებს შორის", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ნატოსა და ევროკავშირის შესახებ საინფორმაციო ცენტრის” სამეგრელოს ბიუროს ორგანიზებით, ზუგდიდის მე-3 საჯარო სკოლაში შეხვედრა გაიმართა. შეხვედრაზე მოსწავლეებმა თომა ჩაგელიშვილის დოკუმენტური ფილმი „მოგზაურობა ევროპაში” ნახეს. „დისკუსიის მთავარი თემა ცივი ომის დასრულების შემდეგ NATO-ს წინაშე მდგარი ახალი გამოწვევები და საქართველოს ევროპული და ევროატლანტიკური ინტეგრაციის მნიშვნელობა იყო. შეხვედრაზე NATO-ს უელსის სამიტის შედეგები და საქართველოსთვის დეკემბრის მინისტერიალის გზავნილები განიხილეს…", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 12-13 დეკემბერს ასოციაცია „ათინათის” ახალგაზრდული ცენტრი მასპინძლობდა გორის ახალგაზრდულ ცენტრის წევრებს. „ახალგაზრდებმა მონაწილეობა მიიღეს ერთობლივ ღონისძიებებში, ჩაუტარდათ გაცნობისა და გუნდის შეკვრის სავარჯიშოები. ზუგდიდელმა და გორელმა ახალგაზრდებმა გააკეთეს ცენტრების საქმინობის პრეზენტაცია, ერთმანეთს გააცნეს საკუთარი მუშაობის მიმართულებები და აქტივობები, რასაც ცენტრები ადგილზე ახორციელებენ. საღამოს გაიმართა ფილმის ,,The Butterfly Circus" ჩვენება და დისკუსია”, ნათქვამია ორგანიზაციის ვებ-გვერდზე სოციალურ ქსელში სრულად... წყარო: ორგანიზაციის ვებ-გვერდი სოციალურ ქსელში