თბილისი. საიას დემოკრატიული ინსტიტუტების მხარდაჭერის პროგრამის დირექტორი, ილიას უნივერსიტეტის ასოცირებული პროფესორი, ვახუშტი მენაბდე აქვეყნებს პასუხს მმართველი პარტიისადმი.  „ქართული ოცნების“ მიერ გაანალიზდა სადამკვირვებლო ორგანიზაციების, მათ შორის, საიას მიერ მომზადებული 2021 წლის თვითმმართველობის არჩევნების შუალედური ანგარიშები. Შედეგად მიღებული მიგნებები მათ პარასკევს საზოგადოებას წარუდგინეს. ჩვენი დოკუმენტების მიმართ გამოთქმულ შენიშვნებს ყოველთვის გულდასმით ვეცნობით, რაც საშუალებას გვაძლევს, გავაუმჯობესოთ ისინი. არ გვგონია, რომ კრიტიკა ცალმხრივი მოძრაობის ქუჩაა და ჩვენთვის პასუხის გაცემა ან შეცდომებზე მითითება არავის შეუძლია. პირიქით, ყოველთვის მზად ვართ, მოვისმინოთ. ამიტომ, ეს ანალიზი დიდი ყურადღებით წავიკითხე. ახლა კი მინდა, თქვენთან ერთად განვიხილო ის. რა თქმა უნდა, სხვა სადამკვირვებლო ორგანიზაციების ნაცვლად ვერ ვისაუბრებ და მხოლოდ საიას ანგარიშზე ვფოკუსირდები“, - წერს ავტორი.  სრულად...   წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია საკონსტიტუციო სასამართლოში ადგილობრივი თვითმმართველობის არჩევნებისთვის დადგენილი მაჟორიტარული ოლქების საზღვრების არაკონსტიტუციურად ცნობას ითხოვს. „საქართველოს საკონსტიტუციო სასამართლომ, 2015 წლის 28 მაისის N1/3/547 გადაწყვეტილებით, არაკონსტიტუციურად მიიჩნია საარჩევნო კოდექსის ის ნორმები, რომლებიც საპარლამენტო არჩევნებისთვის საარჩევნო ოლქების საზღვრებს განსაზღვრავდა ისე, რომ ირღვეოდა ამომრჩეველთა საარჩევნო ხმის თანაბარი წონის პრინციპი. საქართველოს საკონსტიტუციო სასამართლოს დადგენილი პრაქტიკით, „საარჩევნო უფლების განხორციელების უპირველესი მიზანი და საფუძველია მოქალაქეთა ნების ასახვა არჩევნების საბოლოო შედეგებზე“. შესაბამისად, ამ უფლების მნიშვნელოვანი კომპონენტია ამომრჩევლების შესაძლებლობა, გავლენა მოახდინონ არჩევნების შედეგზე. სადავო ნორმებიდან გამომდინარე, ამომრჩევლის ხმის „წონის“ და გავლენის დაკარგვა, ართმევს ამომრჩეველს აქტიური საარჩევნო უფლების ეფექტიანად განხორციელების შესაძლებლობას. ამის საპირისპიროდ, იზრდება იმ ამომრჩევლების მიერ არჩევნების შედეგებზე გავლენის მოხდენის შესაძლებლობა, ვისი ხმის „წონაც“ გაზრდილია. ასეთი საარჩევნო სისტემა ანიჭებს მოქალაქეებს არათანასწორ შესაძლებლობებს და ვერ უზრუნველყოფს კონსტიტუციის შესაბამისი არჩევნების ჩატარებას და ამომრჩევლების ნების ადეკვატურად ასახვას არჩევნების საბოლოო შედეგებზე, რაც, დემოკრატიული მმართველობის პრინციპის საწინააღმდეგოა. საკონსტიტუციო სასამართლოს გადაწყვეტილება საპარლამენტო არჩევნებზე ხმების თანაბრობის უფლებას ეხებოდა, თუმცა, საერთაშორისო გამოცდილება ადასტურებს, რომ იგივე მიდგომა ადგილობრივი თვითმმართველობის არჩევნებისათვისაც რელევანტურია“, - აცხადებენ საიაში. სრულად...  წყარო: წყარო: ორგანიზაციის ვებგვერდი

თბილისი. „სამართლიანი არჩევნებისა და დემოკრატიის საერთაშორისო საზოგადოება” მიიჩნევს, რომ ცესკომ უნდა გადახედოს ბელარუსის ცესკოს საარჩევნო დამკვირვებლად რეგისტრაციის საკითხს.  „ჩვენ, „სამართლიანი არჩევნებისა და დემოკრატიის საერთაშორისო საზოგადოება (ISFED)“ და „ევროპული პლატფორმა დემოკრატიული არჩევნებისთვის (EPDE)“ შეშფოთებული ვართ ცენტრალური საარჩევნო კომისიის გადაწყვეტილებით, რომელიც გულისხმობს ბელარუსის ცენტრალური საარჩევნო კომისიის წარმომადგენლების - გალინა მკრტჩიანისა და ოლესია ურბანოვიჩის საერთაშორისო დამკვირვებლებად რეგისტრაციას მოახლოებული ადგილობრივი არჩევნებისთვის. ჩვენ მოვუწოდებთ საქართველოს საარჩევნო ადმინისტრაციას, რომ გადახედოს ქ-ნ მკრტჩიანისა და ქ-ნ ურბანოვიჩის სადამკვირვებლო აკრედიტაციის საკითხს და გაითვალისწინოს, რომ ისინი არიან ბელარუსის უკომპრომისოდ რეპრესიული რეჟიმის წარმომადგენლები, რომლებიც პირდაპირ იყვნენ ჩართული ბელარუსის საპრეზიდენტო არჩევნების შედეგების მასობრივ გაყალბებაში“, - ნათქვამია ორგანიციის მიერ გავრცელებულ განცხადებაში.  სრულად...   წყარო: ორგანიზაციის ვებგვერდი

თბილისი. სახალხო დამცველი ნინო ლომჯარია ეუთო/ოდირის საარჩევნო სადამკვირვებლო მისიის ხელმძღვანელს ალბერტ იონსონს შეხვდა. შეხვედრაზე წინასაარჩევნო პერიოდში გამოვლენილი დარღვევები, ოპოზიციურ პარტიებზე განხორციელებული ზეწოლის ფაქტები, პოლიტიკური ნიშნით გათავისუფლების სავარაუდო შემთხვევები და სამართალდამცავთა მხრიდან არაეფექტური რეაგირების ფაქტები განიხილეს. სრულად...  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ საარჩევნო დარღვევებისა და მათზე რეაგირების განახლებულ მონაცემებს წარმოადგენს. ინფორმაცია 1-დან 14 სექტემბრამდე პერიოდს მოიცავს. სრულად...  წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოებამ (ISFED), დღეს, 2021 წლის თვითმმართველობის არჩევნების ჭრილში სოციალური მედიის მონიტორინგის პირველი შუალედური ანგარიში წარმოადგინა.  ანგარიში მოიცავს საქართველოში სოციალური მედიის სივრცეში 2021 წლის ადგილობრივი თვითმმართველობის არჩევნების წინასაარჩევნო პერიოდში მიმდინარე ძირითადი ტენდენციების ანალიზს. მასში აღწერილია არჩევნებში მონაწილე პოლიტიკური პარტიებისა და ადგილობრივი თვითმმართველობის ორგანოების ოფიციალური გვერდების აქტივობა, ასევე, პოლიტიკური მიზნით მოქმედ ანონიმურ და ღია გვერდებზე დაკვირვების შედეგები და სხვა მნიშვნელოვანი ტენდენციები.  ანგარიშში გაანალიზებულია 2021 წლის 2 აგვისტოდან 22 აგვისტოს ჩათვლით პერიოდი. საანგარიშო პერიოდში „სამართლიანი არჩევნების“ მონიტორებმა დეტალურად შეისწავლეს 1,126 პოსტი.  სრულად...   წყარო: ორგანიზაციის ვებგვერდი

თბილისი. კამპანიის, „პირველად თვითმმართველობის არჩევენებზე“ ფარგლებში, 9 და 10 სექტემბერს ბათუმის, შუახევის, ხელვაჩაურის, ოზურგეთის, ჩოხატაურისა და გორის მუნიციპალიტეტებში მცხოვრებ ახალგაზრდებთან ონლაინ შეხვედრა გაიმართა. შეხვედრის მიზანი იყო ახლაგაზრდებისთვის, განსაკუთრებით მათთვის, ვისთვისაც 2021 წლის თვითმმართველობის არჩევნები პირველი არჩევნებია ნათელი გამხდარიყო თვითმმართველობის არსი, კომპეტენციები, მოქალაქეთა მონაწილეობის ფორმები და საარჩევნო პროცედურები.  კამპანია, „პირველად თვითმმართველობის არჩევენებზე“ სხვადასხვა ეტაპს მოიცავს და ემსახურება ახალგაზრდების პიროვნულ განვითარებას, მათი როლის გაძლიერებას და ადგილობრივი თვითმმართველობის საქმიანობაში მონაწილეობის სტიმულირებას. კამპანია ხორციელდება „სამოქალაქო საზოგადოების ინსტიტუტის“ (CSI) მიერ პროექტის, „ადგილობრივი განვითარების აქტორებს შორის მყარი კავშირების დამყარება“ (მეორე ფაზა) ფარგლებში, გერმანული ორგანიზაცია „პური მსოფლიოს“ მხარდაჭერით და სამიზნე მუნიციპალიტეტებში არსებულ ახალგაზრდულ ცენტრებთან და „ინოვაციების და სამოქალაქო განვითარების ცენტრ - პროგრესის სახლთან“ პარტნიორობით.  სრულად...   წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ საარჩევნო დაღრვევეისა და მათზე რეაგირების ცნობებს ანახლებს.  ახალი იფნრომაციები 1 აგვისტოდან 8 სექტემბრის ჩათვლით დაფიქსირებულ ფაქტებს ეხება.  სრულად...   წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ საარჩევნო დარღვევებისა და მარზე რეაგირების განახლებულ ინფორმაციას წარმოადგენს.  ორგანიზაციის მიხედვით, პოლიტიკურმა პარტიამ „საქართველოსთვის” სადამკვირვებლო ორგანიზაციებს და სახალხო დამცველს რამდენჯერმე მიაწოდა ინფორმაცია პარტიის მხარდამჭერებზე განხორციელებული სხვადასხვა სახის ზეწოლის სავარაუდო ფაქტების შესახებ. „საერთაშორისო გამჭვირვალობა - საქართველო” სწავლობს ამ შემთხვევებს.  სრულად...   წყარო: ორგანიზაციის ვებგვერდი

თბილისი. კოალიცია “მედის ადვოკატირებისთვის” კახი კალაძის განცხადებას ეხმიანება და პოლიტიკურ პარტიებს მემორანდუმს სთავაზობს.  კალაძის განცხადებით, ცნობილი გახდა, რომ მმართველი პარტიის მხრიდან დასახელებული თბილისის მერობის კანდიდატი აპირებს მონაწილეობა მიიღოს მხოლოდ საზოგადოებრივი მაუწყებლის მიერ დაგეგმილ სატელევიზიო დებატებში, ამასთანავე, რეგიონული ტელევიზიების ნაწილმა უკვე მიიღო უარი მმართველი პარტიის კანდიდატების მხრიდან პოლიტიკურ დებატებში მონაწილეობაზე.  საარჩევნო უფლების მიმართ მრავალმხრივი ვალდებულების შესრულების მიზნით, კოალიცია “მედიის ადვოკატირებისთვის” ადგილობრივი თვითმმართველობის არჩევნებში მონაწილე პოლიტიკურ პარტიებს და საარჩევნო სუბიექტებს სთავაზობს მემორანდუმის გაფორმებას, რომელზე ხელმოწერაც მოიცავს პასუხისმგებლობას, საარჩევნო პროცესები წარმართოს მშვიდობიან - არაძალადობრივ და არადისკრიმინაციულ გარემოში.  სრულად...   წყარო: isfed.ge

თბილისი. წინასაარჩევნო პროცესებს საია, გრძელვადიანი სადამკვირვებლო მისიის ფარგლებში, 9 რეგიონული ოფისის მეშვეობით აკვირდება. ეს ხდება: თბილისში, აჭარაში, გურიაში, სამეგრელო-ზემო სვანეთში, იმერეთში, შიდა ქართლსა და სამცხე-ჯავახეთში, ქვემო ქართლში, მცხეთა-მთიანეთსა და კახეთში. 2021 წლის თვითმმართველობის არჩევნების შუალედური ანგარიში ფარავს 1-ლი მაისიდან 31 ივლისის ჩათვლით განხორციელებული მონიტორინგის შედეგებს. საიამ, საანგარიშო პერიოდში, რამდენიმე პრობლემური შემთხვევა აღრიცხა, საიდანაც ერთი ნაწილი მმართველი პარტიის მიერ საჯარო რესურსების საარჩევნო მიზნებისთვის გამოყენებას, ხოლო მეორე - ოპოზიციური აზრისთვის საჯარო მოხელის სამსახურიდან გათავისუფლებას შეეხება. სრულად...  წყარო: ორგანიზაციის ვებგვერდი

თბილისი. საქართველოს სახალხო დამცველი ზედამხედველობას უწევს წინასაარჩევნო პროცესში ადამიანის უფლებების დარღვევის ფაქტებს და შეშფოთებას გამოთქვამს ბოლო პერიოდში ათობით პირის შესაძლო დისკრიმინაციულად, პოლიტიკური შეხედულებების გამო სამსახურებიდან გათავისუფლებასთან დაკავშირებით. „ამ დროისთვის, აპარატის ხელთ არსებული ინფორმაციით, 62 დასაქმებულის მიმართ განხორციელდა სხვადასხვა სახის ზეწოლა. ამ პირთა უმეტესობამ სახალხო დამცველის წარმომადგენლებთან დაადასტურა ზეწოლის და გათავისუფლების ფაქტები და მიზეზად ყოფილი პრემიერის გიორგი გახარიას პარტიის წევრებთან ნათესაური, მეგობრული თუ კეთილგანწყობილი ურთიერთობა დაასახელა. (უნდა აღინიშნოს, რომ რამდენიმე მათგანმა, ზეწოლის ფაქტის დადასტურების მიუხედავად, თავი შეიკავა და არ გამოთქვა თანხმობა სახალხო დამცველის აპარატს შეესწავლა მისი საქმე). დასაქმებულები გაათავისუფლეს შინაგან საქმეთა სამინისტროდან, მუნიციპალური სამსახურებიდან, სხვადასხვა მუნიციპალიტეტების მიერ დაფუძნებული სსიპ-ებიდან, ააიპ-ებიდან და სხვა საჯარო დაწესებულებებიდან“, - აღნიშნულია სახალხო დამცველის მიერ გავრცელებულ განცხადებაში. სრულად...  წყარო: ombudsman.ge

თბილისი. სამართლიანი არჩევნებისა და დემოკრატიის საერთაშორისო საზოგადოებამ (ISFED), დღეს, 2021 წლის ადგილობრივი თვითმმართველობის არჩევნების ოფიციალური წინასაარჩევნო პერიოდის მონიტორინგის შუალედური ანგარიში წარმოადგინა. ანგარიში მოიცავს 2021 წლის 3 აგვისტოდან 30 აგვისტოს ჩათვლით პერიოდს, ასევე ისეთ მოვლენებს, რომლის განვითარება 3 აგვისტომდე დაიწყო, მონიტორინგის პერიოდშიც მიმდინარეობდა ან მის შესახებ მონიტორინგის პერიოდში გახდა ცნობილი. ანგარიშში აღნიშნულია, რომ:  „ორგანიზაციის დაკვირვებით, საანგარიშო პერიოდში გამოვლინდა: სამსახურიდან, სავარაუდოდ, პოლიტიკური ნიშნით გათავისუფლების/წასვლის იძულების - 15, სავარაუდოდ, პოლიტიკური ნიშნით ზეწოლის/მუქარის/ხელის შეშლის - 11, ადმინისტრაციული რესურსის სავარაუდო გამოყენების - 13, სოციალური ქსელით აგიტაციის - 6, ამომრჩევლის სავარაუდო მოსყიდვის - 4, მოქმედი თანამდებობის პირების კამპანიის - 8 ფაქტი. გამოვლინდა მმართველი პარტიის მიერ „სამართლიანი არჩევნების“ წარმომადგენლებისთვის დაკვირვებაში ხელის შეშლის ტენდენცია მთელი ქვეყნის მასშტაბით, ასევე - საგანმანათლებლო დაწესებულებაში დასაქმებული პირების „ქართული ოცნების ოცნების“ კამპანიაში ჩართვის პირაპირ ან/და ირიბად იძულების შემთხვევები“. სრულად...  წყარო: ორგანიზაციის ვებგვერდი

თბილისი. „სამართლიანი არჩევნებისა და დემოკრატიის საერთაშორისო საზოგადოებამ“ (ISFED), 2021 წლის ადგილობრივი თვითმმართველობის არჩევნებთან დაკავშირებით, სოციალური მედია გარემოს მიმოხილვა გამოაქვეყნა. ანგარიში მიმოიხილავს სოციალურ მედიაში ოფიციალური კამპანიის დაწყებამდე, 2 აგვისტომდე მიმდინარე ზოგად ტენდენციებს და წარმოადგენს რეკომენდაციებს დაინტერესებული მხარეებისთვის. სრულად...  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ ორგანიზაციის მიერ 1 ივნისიდან 31 აგვისტოს ჩათვლით დაფიქსირებული სავარაუდო საარჩევნო დარღვევების ჩამონათვალს აქვეყნებს.  2021 წლის 2 ოქტომბრის ადგილობრივი თვითმმართველობის ორგანოების არჩევნების წინასაარჩევნო პერიოდი 3 აგვისტოდან დაიწყო და ორგანიზაცია პერიოდული განახლების რეჟიმში აწვდის საზოგადოებას ინფორმაციას გამოვლენილი სავარაუდო დარღვევებისა და პრობლემური საკითხების შესახებ.  სრულად…   წყარო: ორგანიზაციის ვებგვერდი

თბილისი. ცესკოს საკონსულტაციო ჯგუფის წევრების შესარჩევად მოწვეული ორგანიზაციების შემადგენლობა და გადაწყვეტილების მიღების პროცედურა, საერთაშორისო გამჭვირვალობა - საქართველოს და სამართლიანი არჩევნების აზრით, ვერ უზრუნველყოფს კვალიფიციური და სანდო ადამიანების კონსენსუსის საფუძველზე შერჩევას. ორგანიზაციები ტოვებენ საკონსულტაციო ჯგუფის წევრების შერჩევის პროცესს. „სამწუხაროა, რომ ამბიციური საარჩევნო რეფორმის მიზნად დასახვის მიუხედავად, როგორც ცესკოს ახალი წევრებით დაკომპლექტების, ისე საკონსულტაციო ჯგუფის შერჩევა ხარვეზიანი აღმოჩნდა და, სავარაუდოდ, ვერ უზრუნველყოფს საარჩევნო ადმინისტრაციის მიმართ ნდობის ზრდას“. სრულად...  წყარო: transparency.ge

თბილისი. სახალხო დამცველის ინფორმაციით, 2 აგვისტოს საქართველოს პრეზიდენტის განკარგულებით, 2 ოქტომბერს დაინიშნა ადგილობრივი თვითმმართველობის არჩევნები და დაიწყო წინასაარჩევნო კამპანიის პერიოდი. „სახალხო დამცველი მოუწოდებს ყველა საარჩევნო სუბიექტსა და მათ მხარდამჭერს - გამოიჩინონ მაღალი პოლიტიკური კულტურა და უარი თქვან მანკიერ პრაქტიკად ქცეულ ძალადობრივ და კონფრონტაციულ წინასაარჩევნო გარემოზე. ომბუდსმენი მოუწოდებს, ასევე, მედიის წარმომადგენლებს, საარჩევნო კამპანიების გაშუქებისას, სიძულვილის ენის გამოყენების შემთხვევებზე მოახდინონ შესაბამისი განმარტება და მსგავს ფაქტებს კრიტიკულად გამოეხმაურონ. სახალხო დამცველი თავისი მანდატის ფარგლებში დააკვირდება თვითმმართველობის 2021 წლის არჩევნების პროცესს, რაც ითვალისწინებს როგორც უშუალოდ კენჭისყრის დღეს ადამიანის უფლებების დარღვევების გამოვლენას, ისე - წინასაარჩევნო გარემოს მონიტორინგს“. სრულად... წყარო: ombudsman.ge

თბილისი. „სამართლიანი არჩენები”, 2021 წლის წინასაარჩევნო პერიოდში, სავარაუდო პოლიტიკური ნიშნით, სამსახურიდან გათავისუფლებულ პირებს სამართლებრივ დახმარებას გაუწევს. ორგანიზაციამ დისკრიმინაციული ნიშნით სამსახურიდან გათავისუფლებულ პირთა ინტერესების დაცვის მიზნით საერთო სასამართლოებში რამდენიმე სარჩელი წარადგინა. „სამართლიანი არჩევნები“ გააგრძელებს დისკრიმინაციული მოტივით სამსახურიდან გათავისუფლებული პირების უფასო იურიდიულ დახმარებას. „თუ მიიჩნევთ, რომ სამსახურიდან პოლიტიკური ნიშნით გაგათავისუფლეს; დაგვირეკეთ ან მოგვწერეთ: 0 800 100 143 info@isfed.ge ISFED-ის იურისტები მთელი ქვეყნის მასშტაბით გაგიწევენ სამართლებრივ დახმარებასა და კონსულტაციას“. სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) შეშფოთებას გამოთქვამს მმართველი პარტიის დეპუტატების მიერ ორგანიზაციის გრძელვადიანი წარმომადგენლების მიმართ სიტყვიერ თავდასხმებთან დაკავშირებით და მას მმართველი პარტიის მიერ „სამართლიანი არჩევნების” წინააღმდეგ წარმოებული მიზანმიმართული დისკრედიტაციის კამპანიის გაგრძელებად მიიჩნევს. სრულად... წყარო: isfed.ge

თბილისი. საერთაშორისო გამჭვირვალობა - საქართველოს ინფორმაციით, „ქართულმა ოცნებამ“ ე.წ. „შარლ მიშელის დოკუმენტის“ გვერდის ავლით მიიღო ისეთი რეგულაცია, რომელმაც ცესკოს თავმჯდომარის და წევრების 76 ხმით არჩევის შესაძლებლობა გაამარტივა. ეს გადაწყვეტილება ორგანიზაციას აძლევს საფუძველს ივარაუდოს, - „მომავალ კვირას ცესკოს დაკომპლექტება იმით დასრულდება, რომ პარლამენტის სრული შემადგენლობის უბრალო უმრავლესობით - 76 ხმით მმართველი პარტიის მიერ მხარდაჭერილი სამი კანდიდატი იქნება დამტკიცებული, რაც „შარლ მიშელის დოკუმენტის“ სულისკვეთების საწინააღმდეგოდ, იმას ცხადყოფს, რომ ხელისუფლების მიზანი არ არის ამ მნიშვნელოვანი თანამდებობების პოლიტიკური კონსენსუსით დაკომპლექტება“. სრულად... წყარო: transparency.ge

თბილისი. საქართველოს ახალგაზრდა იურისტთა ასოციაცია საია აქვეყნებს ორგანიზაციის ანალიტიკოსის, მარიამ ლაცაბიძის ბლოგპოსტს: რას (არ) უნდა ველოდოთ 2 ოქტომბრის არჩევნებისგან. „2021 წლის საარჩევნო რეფორმა იმედისმომცემია, თუმცა ის სათანადოდ ვერ პასუხობს არსებულ გამოწვევებს, ვინაიდან ცვლილებები არსებითად არ ცვლის თამაშის წესებს“, აღნიშნულია ბლოგპოსტში. სრულად... წყარო: gyla.ge

თბილისი. სამართლიანი არჩევნების და დემოკრატიის საერთაშორისო საზოგადოება (ISFED) 2021 წლის ადგილობრივი თვითმმართველობის არჩევნებისთვის იურიდიული დახმარების უფასო სერვისს გთავაზობთ.                                                  წყარო: ორგანიზაციის გვერდი სოციალურ ქსელში