თბილისი. 22 სექტემბერს, საერთაშორისო გამჭვირვალობა - საქართველომ წარადგინა მედიასივრცის შეფასება 2012 წლის საპარლამენტო არჩევნებიდან დღემდე. „2012 წლიდან დღემდე ქართული მედიასივრცე უფრო პლურალისტური გახდა, რასაც სხვადასხვა საერთაშორისო რეიტინგებში ცვლილებებიც მიუთითებს. 2015 წლის ზაფხულში საქართველო მთლიანად ციფრულ მაუწყებლობაზე გადავიდა რაც უდაოდ პოზიტიური მოვლენაა ქართული მედია გარემოსთვის. ბოლო ოთხი წლის მანძილზე საქართველოს მაჩვენებელი მედიის თავისუფლების რეიტინგებში გაუმჯობესდა. 2015 წელს მაუწყებელთა სარეკლამო შემოსავლებმა მნიშვნელოვნად იკლო. თუმცა, 2012 წლამდე პერიოდისგან განსხვავებით სახელმწიფო არ ერევა სარეკლამო ბაზარში და ის ნაკლებად მონოპოლიზებულია," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „შეზღუდული შესაძლებლობის მქონე პირთა უფლებების რეალიზების ხედვა პოლიტიკური პარტიების წინასაარჩევნო პროგრამებში". „დასახელებული პარტიების წინასაარჩევნო პროგრამები გარკვეულწილად მიემართება შეზღუდული შესაძლებლობის მქონე პირთა უფლებების დაცვის საკითხს, რაც დეტალურად ქვემოთ იქნება წარმოდგენილი. თუმცა, აღსანიშნავია, რომ ამგვარ ხედვას საერთოდ არ მოიცავს პარტია „საქართველოს პატრიოტთა ალიანსის" წინასაარჩევნო პროგრამა," ნათქვამია ორგანიზაციის ვებ-გვერდზე. სრულად... წყარო: emc.org.ge

კახეთი. 20-21 სექტემბერს, საიას იურიდიული განათლების ხელშეწყობის ფონდის ორგანიზებით ჩატარდა ჟურნალისტთა ტრეინინგი „ძლიერი მედია სამართლიანი არჩევნებისთვის". „პროექტის ფარგლებში გაიმართა 3 იდენტური ტრენინგი, სადაც მონაწილეობა მიიღო 65 ჟურნალისტმა მთელი საქართველოს მასშტაბით. ტრენინგზე განხილულ იქნა შემდეგი თემები: არჩევნების მნიშვნელობა დემოკრატიულ საზოგადოებაში და მედიის როლი; არჩევნების სამართლებრივი საკითხები; წინასაარჩევნო კამპანია და პროცედურები; არჩევნების დღის პროცედურები და წესები; საარჩევნო დავების განხილვა; მედია ორგანიზაციების მოვალეობები პოლიტიკური რეკლამების გაშუქებისას," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „მუნიციპალური SMS-ები მმართველი პარტიის სამსახურში". „განხორციელებული პროექტების შესახებ ინფორმაციის მიწოდება მაშინ, როდესაც არჩევნებამდე სულ ცოტა დრო არის დარჩენილი, შეიძლება აღქმული იქნას, როგორც მმართველი პარტიის სასარგებლოდ ამომრჩეველზე პირდაპირი გავლენის მცდელობა; მიუხედავად იმისა, რომ აღნიშნულ მოკლე ტექსტურ შეტყობინებებში არ არის მოწოდება მმართველი პარტიის სასარგებლოდ, ცხადია, რომ მოქმედი ხელისუფლების მიერ განხორციელებულ პროექტებზე საუბარი ირიბად მაინც ადმინისტრაციული რესურსის გამოყენების ნიშნებს შეიცავს, მითუმეტეს, რომ მუნიციპალიტეტების უმრავლესობაში მსგავსი სერვისის გამოყენება მხოლოდ ახლა, წინასაარჩევნო პერიოდის დასასრულს დაიწყეს," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ჰაინრიხ ბიოლის ფონდი პროექტ „იკითხე პოლიტიკას" ფარგლებში ანა ილურიძის სტატიას აქვეყნებს: „კითხვა, როგორც ბრძოლის ველის განვრცობა". „2016 წლის საპარლამენტო არჩევნების ჩატარებამდე თვეზე ნაკლები რჩება და ამ დროისთვის ცენტრალური საარჩევნო კომისიის მიერ დარეგისტრირებული რამდენიმე ათეული პოლიტიკური ძალიდან ოფიციალური სამოქმედო გეგმა, საარჩევნო პროგრამა, მხოლოდ რამდენიმემ წარმოადგინა. ამ პარტიებიდან ზოგიერთი ახლადშექმნილ კოალიციას შეუერთდა და ის, რაც პროგრამაში წერია, შესაძლოა ცვლილებებსაც დაექვემდებაროს," ნათქვამია სტატიაში. სრულად... წყარო: www.feminism-boell.org

თბილისი. 21 სექტემბერს, ტოლერანტობის და მრავალფეროვნების ინსტიტუტის (TDI) ორგანიზებით, გაიმართა რელიგიურ გაერთიანებათა წარმომადგენლების შეხვედრა პაატა ბურჭულაძე - სახელმწიფო ხალხისთვის წარმომადგენლებთან. „შეხვედრაზე განხილული იყო ქვეყანაში რელიგიის თავისუფლების კუთხით არსებული ძირითადი საკითხები: რელიგიური შეუწყნარებლობის საფუძველზე ჩადენილი სამართალდარღვევები და მათზე სახელმწიფოს რეაგირება, ამ კუთხით შესაბამისი კანონმდებლობის გამოყენებისა და აღსრულების პრობლემა, სახელმწიფოს რელიგიური პოლიტიკისა და მათ შორის, კონკრეტულად, რელიგიის საკითხთა სახელმწოფო სააგენტოს მუშაობის ხარვეზები...", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

ქვემო ქართლი. 20 სექტემბერს, რუსთავსა და მარნეულში პოლიტიკური პარტიების მაჟორიტარობის კანდიდატები ადგილობრივ სამოქალაქო ორგანიზაციებს და მოსახლეობას შეხვდნენ. „კამპანია საქართველოს 10 რეგიონში ჩატარდება. სამოქალაქო კვირეული იმართება აღმოსავლეთ-დასავლეთის მართვის ინსტიტუტის (EWMI) სამოქალაქო საზოგადოების განვითარებისა და მოქალაქეების ჩართულობის პროექტის (ACCESS) ფარგლებში, აშშ-ის საერთაშორისო განვითარების სააგენტოს (USAID) დაფინანსებით," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჰაინრიჰ ბიოლის ფონდი საზოგადოებას ახალ ინიციატივას სთავაზობს – „იკითხეთ პოლიტიკა", რომლის მიზანია საზოგადოებაში პოლიტიკური კითხვის კულტურის ამაღლება და ხელშეწყობა. საწყის ეტაპზე ფონდის მხარდაჭერით, საზოგადოებას საშუალება ეძლევა  2016 წლის საპარლამენტო არჩევნებში მონაწილე სუბიექტების საარჩევნო პროგრამის, გენდერულ ჭრილში, მონიტორინგს და პარტიების წარმომადგენლებთან ინტერვიუებს გაეცნოს. სრულად... წყარო: ბიოლის ფონდის ვებგვერდი სოციალურ ქსელში

თბილისი. 2016 წლის ივლისიდან დაიწყო ახალი პროექტი - ინფორმირებული ამომრჩეველი საარჩევნო ანგარიშვალდებულების გასაუმჯობესებლად. „პროექტს ახორციელებს ეკონომიკური პოლიტიკის კვლევის ცენტრი (EPRC), საქართველოში აშშ საელჩოს მცირე გრანტების პროგრამის ფარგლებში. პროექტის ძირითად მიზანს წარმოადგენს საქართველოს დემოკრატიული სისტემის გამჭვირვალობისა და ეფექტურობის გაუმჯობესება, საზოგადოებისთვის დროული და პროფესიული შეფასების მიწოდება წინასაარჩევნო დაპირებების და შეთავაზებების შესახებ," ნათქვამია ორგანიზაციის ვებ-გვერდზე. სრულად... წყარო: www.econpolicyfact.ge

თბილისი. „საერთაშორისო გამჭვირვალობა - საქართველო" „ეროვნული ფორუმის" მიერ სოციალურ ქსელში გავრცელებულ საარჩევნო კამპანიას ეხმაურება. „სოციალურ ქსელში გავრცელდა „ეროვნული ფორუმის” ფოთის მაჟორიტარი დეპუტატობის კანდიდატის ოთარ ხარჩილავას „ახალგაზრდული ფრთის” განცხადება, რომლითაც პარტია იწვევს 17-დან 30 წლამდე ფოთელ ახალგაზრდებს სხვადასხვა სახის გასართობ ღონისძიებებში (ექსკურსია, კარაოკე, ფოტოსესია და სხვა) მონაწილეობის მისაღებად. მიგვაჩნია, რომ აღნიშნული ქმედება შეიცავს ამომრჩევლის მოსყიდვის ნიშნებს. მივმართავთ საქართველოს აუდიტის სამსახურსა და საქართველოს მთავარ პროკურატურას, შეისწავლოს აღნიშნული შემთხვევა და საჭიროების შემთხვევაში მიიღოს კანონით გათვალისწინებული ზომები," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 13-15 სექტემბერს, ცესკომ და საარჩევნო სისტემების განვითარების, რეფორმებისა და სწავლების ცენტრმა ჩაატარა ტრენინგები. „სასწავლო-საინფორმაციო პროგრამა მიზნად ისახავდა არჩევნებში ჩართული მხარეების საარჩევნო საკითხებზე ინფორმირებულობას და მათი ფუნქციების ეფექტიანად განხორციელების ხელშეწყობას," ნათქვამია ორგანიზაციის ვებ-გვერდი. სრულად... წყარო: ორგანიზაციის ვებ-გვერდი სოციალურ ქსელში

თბილისი. საზოგადოებრივი ორგანიზაციები პოლიტიკური პარტიების მიერ კონტრაქციებისგან თავის შეკავების საკითხს ეხმაურებიან. „მოვუწოდებთ ყველა პოლიტიკურ პარტიას, მკაცრი პოლიტიკური შეფასება მისცენ და საჯაროდ დაგმონ მათი მხარდამჭერების პროვოკაციული ქმედებები. ამასთანავე, მივესალმებით ინიციატივას, პოლიტიკურმა პარტიებმა მიაღწიონ შეთანხმებას, რითაც აიღებენ პოლიტიკურ პასუხისმგებლობას, თავიანთ რიგებში არ დაუშვან, არ წაახალისონ და გაემიჯნონ ისეთ ქმედებებს, რაც დაპირსპირების და ძალადობის საფრთხეებს აჩენს," ნათქვამია ორგანიზაციის ვებ-გვერდზე. სრულად... წყარო: www.isfed.ge

კახეთი. 15 სექტემბერს, ეკონომიკური პოლიტიკის კვლევის ცენტრის (EPRC) ორგანიზებით გაიმართა საჯარო დისკუსია არჩევნებში მონაწილე პოლიტიკური პარტიების სოციალური და ეკონომიკური პროგრამების შესახებ. "შეხვედრა გაიმართა ეკონომიკური პოლიტიკის კვლევის ცენტრის პროექტის „ინფორმირებული ამომრჩეველი საარჩევნო ანგარიშვალდებულების გასაუმჯობესებლად" ფარგლებში, რომელიც აშშ საელჩოს მცირე გრანტების პროგრამის მხარდაჭერით ხორციელდება," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

კახეთი. 13-14 სექტემბერს, ყვარელში, საიას იურიდიული განათლების ხელშეწყობის ფონდის ორგანიზებით ჩატარდა ჟურნალისტთა ტრეინინგი „ძლიერი მედია სამართლიანი არჩევნებისთვის." „ტრენინგზე განხილულ იქნა შემდეგი თემები: არჩევნების მნიშვნელობა დემოკრატიულ საზოგადოებაში და მედიის როლი; არჩევნების სამართლებრივი საკითხები; წინასაარჩევნო კამპანია და პროცედურები; არჩევნების დღის პროცედურები და წესები; საარჩევნო დავების განხილვა; მედია ორგანიზაციების მოვალეობები პოლიტიკური რეკლამების გაშუქებისას, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 9 სექტემბერს, სასტუმრო „რედისონ ბლუ ივერიაში" 2016 წლის საპარლამენტო არჩევნების მედიამონიტორინგის შუალედური შედეგების პრეზენტაცია გაიმართა. „ანგარიშის მიხედვით სახელისუფლებო შტოებისა და პოლიტიკური სუბიექტების მედიით გაშუქების მხრივ არსებული მდგომარეობა წინა წლებთან შედარებით გაუმჯობესებულია. მონიტორინგი სამმა არასამთავრობო ორგანიზაციამ, საქართველოს ჟურნალისტიკის ეთიკის ქარტიამ, „ინტერნიუს – საქართველომ" და სამოქალაქო განვითარების ინსტიტუტმა (CDI) ჩაატარა," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 13 სექტემბერს, ასოციცია ანიკამ და დემოკრატიული გაძლიერების ცენტრმა გამართა ტრენინგი პროექტის - მე - ახალგაზრდა ამომრჩეველის - ფარგლებში. „პროექტი მიზნად ისახავს მოქალაქეთა საზოგადოებრივ და პოლიტიკურ პროცესებში ჩართულობისა და არჩევნების მიმართ ნდობის გაზრდის ხელშეწყობას. ტრენინგის დამსწრეებმა იმიტირებულ საარჩევნო პროცესშიც მიიღეს მონაწილეობა,” ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „მართლმსაჯულების საკითხები პოლიტიკური პარტიების პროგრამებში". „პარტიების პროგრამების ანალიზის საფუძველზე, ზოგადი შეფასების სახით უნდა ითქვას, რომ საკმარისი ძალისხმევა არ არის გაწეული სასამართლოში დღეს არსებული ვითარების და იმ პოლიტიკურ-სამართლებრივი რეალობის ანალიზისთვის, რომელიც თვისობრივად განსხვავებული და კომპლექსურია. ამდენად, გეგმების დიდი ნაწილი ძირითადად ზოგადი ხასიათისაა, ზოგიერთ შემთხვევაში კი არაგონივრულად რადიკალური და სისტემურ გააზრებას მოკლებული ნაბიჯებია შემოთავაზებული," ნათქვამია სტატიაში. სრულად... წყარო: emc.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოება ახორციელებს პროექტს „ადგილობრივი თვითმმართველობის ორგანოების განვითარების ხელშეწყობა." პროექტის ფარგლებში მომზადდება სოციალური რგოლები, რომელიც მიზნად ისახავს მოქალაქეთა გათვითცნობიერებას არჩევნებთან მიმართებით. წყარო: ორგანიზაციის ვებ-გვერდი სოციალურ ქსელში

გურია. 12 სექტემბერს, ეკონომიკური პოლიტიკის კვლევის ცენტრის (EPRC) ორგანიზებით გაიმართა საჯარო დისკუსია 2016 წლის საპარლამენტო არჩევნებში მონაწილე პოლიტიკური პარტიების სოციალური და ეკონომიკური პროგრამების შესახებ. „შეხვედრა ორგანიზებული იყო ეკონომიკური პოლიტიკის კვლევის ცენტრის პროექტის „ინფორმირებული ამომრჩეველი საარჩევნო ანგარიშვალდებულების გასაუმჯობესებლად" ფარგლებში, რომელიც აშშ საელჩოს მცირე გრანტების პროგრამის მხარდაჭერით ხორციელდება,” ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია აქვეყნებს გიორგი ხიმშიაშვილის ბლოგპოსტს: „მე ისეთ პარლამენტარს რა ვუთხრა, ვინც ვერ ახერხებს ქართულად, წერა, კითხვას და ლაპარაკს?!". „საქართველოს პარლამენტის წევრობა სურს პირს, რომელმაც არ იცის ქართული ენა. „არ გვაქვს მექანიზმი და ეს კაცი ენის ცოდნაზე როგორ შევამოწმოთ" იყო პასუხი ქობულეთის მაჟორიტარი კანიდატის - ლეონიდ ჩერნოვეცკის რეგისტრაციის კანონიერების შესწავლის დროს. ამას ამბობს სახელწმიფო ინსტიტუტი იმ საუკუნეში, როდესაც მეცნიერება განვითარების ყოველგვარ საზღვრებს გასცდა. ან კიდე რად გინდა მექანიზმი - დაიბარე და კითხე ქართულად რატომ სურს საქართველოს პარალმენტის წევრობა ?? თუ აგიხსნა და გაიგე ე.ი სცოდნია ქართული ენა. მაგრამ თუ არ გინდა მაშინ ვერავითარი მექანიზმი ვერ გიშველის," ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. 9 სექტემბერს, სამართლიანი არჩევნებისა და დემოკრატიის საერთაშორისო საზოგადოებამ წინასაარჩევნო პერიოდის მონიტორინგის მესამე შუალედური ანგარიში გამოაქვეყნა. „საარჩევნო კამპანიის გააქტიურებასთან ერთად, მნიშვნელოვნად გაიზარდა სავარაუდოდ პოლიტიკური ნიშნით ოპოზიციური პარტიების წევრებისა და აქტივისტების მიმართ განხორციელებული ზეწოლა-მუქარის შემთხვევები. ანგარიშში მოყვანილ რიგ ფაქტებთან დაკავშირებით იკვეთება სამართალდამცავი ორგანოების წარმომადგენლების მხრიდან ჩადენილი სავარაუდო უფლებამოსილების გადამეტების ფაქტებიც. უნდა აღინიშნოს, რომ ორგანიზაციის მიერ დაფიქსირებული ფაქტები შეიცავს სისხლის სამართლის დანაშაულის ნიშნებს. ასევე გამოვლინდა კამპანიისთვის ხელის შეშლის და ოპოზიციური პოლიტიკური პარტიების ოფისების დაზიანების შემთხვევებიც...," ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. საქართველოს საზოგადოებრივი მაუწყებელი სამ კერძო ტელეკომპანიასთან ერთად არჩევნების დღეს ეგზიტპოლს ჩაატარებს. გადაწყვეტილება მაუწყებლის სამეურვეო საბჭომ 7 სექტემბერს გამართულ სხდომაზე მიიღო. „მოვუწოდებთ საზოგადოებრივი მაუწყებლის სამეურვეო საბჭოსა და მენეჯმენტს კიდევ ერთხელ გადახედონ მიღებულ გადაწყვეტილებას და თავი შეიკავონ ისეთი პროექტების განხორციელებისგან, რომლებიც მაუწყებლის მიუკერძოებლობას ეჭვქვეშ დააყენებს. მიგვაჩნია, რომ საზოგადოებრივი მაუწყებლის მენეჯმენტი და სამეთვალყურეო საბჭო მეტი პასუხისმგებლობით უნდა მოეკიდოს მსგავსი ტიპის გადაწყვეტილებებს. მიუღებელია მათი განცხადება, რომ ეგზიტპოლების შედეგებზე პასუხისმგებლობა ეკისრება მხოლოდ კვლევით ორგანიზაციას და არა უშუალოდ მაუწყებელს. ვთვლით, რომ ამ შემთხვევაში, საზოგადოებრივი მაუწყებლის საბჭოსა და მენეჯმენტის ცალკეულმა წევრებმა სათანადოდ ვერ შეაფასეს წარმოდგენილი გეგმით ეგზიტპოლის ჩატარების რისკები," ნათქვამია ერთობლივ განცხადებაში. სრულად... წყარო: www.transparency.ge