თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „სახელმწიფო უწყებების რეკლამები წინასაარჩევნო პერიოდში შესაძლოა მმართველი პარტიის რეკლამად აღიქმებოდეს". „ტელევიზიებით და სოციალური ქსელებში ხშირად გვხვდება ვიდეო რგოლები და სხვა სახის ვიზუალური მასალა, რომელშიც მოთხრობილია მთავრობის, ან სხვა საჯარო უწყებების მიღწევების თუ სამომავლოდ დაგეგმილი ღონისძიებების შესახებ. ასეთი ტიპის ინფორმაცია წინასაარჩევნო პერიოდში ამომრჩევლის მხრიდან შესაძლოა აღქმულ იქნეს, როგორც ხელისუფლებაში მყოფი პარტიის საარჩევნო რეკლამა, ეს კი, თავის მხრივ, ადმინისტრაციული რესურსების საარჩევნო მიზნით გამოყენების ნიშნებს ატარებს. დამატებით პრობლემაა თუ ასეთი ვიდეორგოლები სოციალური რეკლამის სტატუსით არის განთავსებული მაუწყებლებში," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. არასამთავრობო ორგანიზაციები ერთობლივ განცხადებას ავრცელებენ ზვიად კუპრავას ფიზიკურ შეურაცხყოფასთან დაკავშირებით. „განსკუთრებით შემაშფოთებელია, ის ფაქტი, რომ ეს არაა წინასაარჩევნო პერიოდში ხელისუფლების მიმართ კრიტიკულად განწყობილ პირებზე ძალადობის პირველი შემთხვევა. მიგვაჩნია რომ, მსგავს ფაქტებზე არასათანადო რეაგირება საფრთხეს უქმნის მშვიდობიან წინასაარჩევნო გარემოს და თავისუფალი და სამართლიანი არჩევნების ჩატარებას. ამავდროულად 2016 წლის საპარლამენტო არჩევნების სამართლიანად და არაძალადობრივ გარემოში ჩატარება მნიშვნელოვანი წინაპირობაა საქართველოს შემდგომი დემოკრატიული განვითარებისთვის," ნათქვამია განცხადებაში. სრულად... წყარო: gdi.ge

თბილისი. 26 ივლისს, „სამართლიანი არჩევნებისა და დემოკრატიის საერთაშორისო საზოგადოებამ” 2016 წლის 8 ოქტომბრის წინასაარჩევნო პერიოდის მონიტორინგის პირველი შუალედური ანგარიში გამოაქვეყნა. „ორგანიზაციის დაკვირვებით, საანგარიშო პერიოდში გამოვლინდა პოლიტიკური ნიშნით ზეწოლა-მუქარის  - 2, სამსახურიდან სავარაუდოდ პოლიტიკური ნიშნით გათავისუფლების - 3, ძალადობის - 2, ამომრჩევლის სავარაუდო მოსყიდვის - 2, არაუფლებამოსილი პირის მიერ აგიტაციაში მონაწილეობის - 5 და ადმინისტრაციული რესურსის გამოყენების 2 ფაქტი. ანგარიშში, ასევე, საუბარია რიგ მუნიციპალიტეტებში განხორციელებული საბიუჯეტო ცვლილებებისა და სოციალური და ინფრასტრუქტურული პროექტების გააქტიურების ტენდენციაზე,” ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. „ახალგაზრდა ადვოკატების" ხელმძღვანელის განცხადებით, საქართველოს საკონსტიტუციო სასამართლოს თავმჯდომარე გიორგი პაპუაშვილი წინასაარჩევნო კამპანიაში ჩაერთო... „...გიორგი პაპუაშვილმა საქართველოს საკონსტიტუციო სასამართლო პოლიტიკურ მხარედ აქცია, სასამართლო სტრუქტურა გადაიქცა „ერთიანი ნაციონალური მოძრაობის" მხარდამჭერებისა თუ აქტივისტების დასაქმების ადგილად, რასაც არც ერთი მოსამართლე არ ემიჯნება," ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. საქართველოს ჟურნალისტური ეთიკის ქარტიამ 2016 წლის საპარლამენტო არჩევნების მედიაში გაშუქების მონიტორინგის შუალედური ანგარიში გამოაქვეყნა. აღნიშნული ანგარიში მოიცავს 11 ტელევიზიის მთავარი საინფორმაციო გამოშვებების მონიტორინგის შედეგებს, ანგარიშში მოცემულია 20 მაისი – 10 ივლისის პერიოდი. მონიტორინგი ხორციელდებოდა შემდეგ სატელევიზიო არხებზე: საზოგადოებრივი მაუწყებლის 1-ლი არხი, რუსთავი 2, იმედი, მაესტრო, GDS,  ტაბულა, კავკასია,  ტვ პირველი,  ობიექტივი, აჭარის ტელევიზია, ტელეარხი 25. სრულად... წყარო: qartia.org

26 ივლისს, 12:00 საათზე, დემოკრატიული ჩართულობის ცენტრებში 2016 წლის საპარლამენტო არჩევნებთან დაკავშირებით მედიაცენტრები გაიხსნება. „დემოკრატიული ჩართულობის ცენტრები მდებარეობს საქართველოს 10 ქალაქში: ახალციხე, ბათუმი, გორი, მარნეული, ქუთაისი, ოზურგეთი, რუსთავი, საგარეჯო, თელავი და ზუგდიდი. მედიაცენტრების გახსნის ცერემონია დაიწყება აშშ-ის საერთაშორისო განვითარების სააგენტოს (USAID) კავკასიის ოფისის ხელმძღვანელის, დაგლას ბოლის ვიდეომიმართვით. მედიაცენტრები მოქალაქეებს, ჟურნალისტებს, არასამთავრობო ორგანიზაციებს, მაჟორიტარობის კანდიდატებსა და პოლიტიკურ პარტიებს შესთავაზებენ უსაფრთხო და ნეიტრალურ სივრცეს ინფორმაციის გავრცელებისა და დისკუსიებისთვის. მედიაცენტრები ასევე ხელს შეუწყობენ საარჩევნო კანდიდატებსა და მათი ოლქების ამომრჩევლებს შორის დიალოგის წარმართვას, რათა მოქალაქეები გაეცნონ კანდიდატების საარჩევნო პროგრამებს და ინფორმირებული არჩევანი გააკეთონ," ნათქვამია ორგანიზაციის ვებ-გვერდზე. სრულად... წყარო: ewmi-access.org

თბილისი. არასამთავრობო ორგანიზაციები საარჩევნო კამპანიის დაწყებასთან დაკავშირებით, სახელმწიფო და არასახელმწიფო ინსტიტუტებს მიმართავენ, გამოიჩინონ პასუხისმგებლობა და ჯეროვნად შეასრულონ დაკისრებული უფლება-მოვალეობები. „მნიშვნელოვანია, რომ ქვეყანაში არსებულმა ინსტიტუტებმა გამართულად იმუშაონ, რათა 8 ოქტომბრის საპარლამენტო არჩევნები საერთაშორისო სტანდარტების შესაბამისად ჩატარდეს," ნათქვამია ერთობლივ განცხადებაში. სრულად... წყარო: www.isfed.ge

თბილისი. 18 თებერვალს, საქართველოს ტექნიკურ უნივერსიტეტში ჩატარებული არჩევნების შედეგად, უნივერსიტეტის რექტორად ზედიზედ მესამედ აირჩა არჩილ ფრანგიშვილი. მისი მესამე ვადით არჩევით დაირღვა „უმაღლესი განათლების შესახებ" საქართველოს კანონის ის ნორმები, რომლებიც კრძალავს რექტორის ზედიზედ ორზე მეტი ვადით არჩევას. ომბუდსმენის რეკომენდაციის მიხედვით, განათლების სამინისტრომ არჩევნების შედეგების აღმოსაფხვრელად შესაბამისი ზომები უნდა მიიღოს, ხოლო ტექნიკური უნივერსიტეტის საარჩევნო კომისიამ - ბათილად ცნოს რექტორობის კანდიდატად არჩილ ფრანგიშვილის რეგისტრაცია და მისი თანმდევი არჩევნების შედეგები. სრულად... წყარო: www.ombudsman.ge

თბილისი. მედიის განვითარების ფონდი, 16-17 ივლისს რუსთავი 2-ის, იმედისა და მაესტროს ეთერში განთავსებული ვიდეო რგოლის საარჩევნო და მაუწყებლობის შესახებ კანონმდებლობასთან შესაბამისობის შესწავლას ითხოვს. „სადავო ვიდეო რგოლს, რომელიც ტელევიზიებში ფინანსთა სამინისტროს მიერ განთავსდა, მინიჭებული აქვს სოციალური რეკლამის სტატუსი. მედიის განვითარების ფონდის აზრით, ვიდეო რგოლი, რომელიც ქვეყნის სწრაფი განვითარებისაკენ მიმართული ეკონომიკური რეფორმის ოთხ პუნქტიან მთავრობის გეგმას შეეხება, პოლიტიკური რეკლამის ნიშნებს შეიცავს და მმართველი გუნდის სასარგებლოდ ადმინისტრაციული რესურსის გამოყენების ნიშნებს ატარებს," ნათქვამია ორგანიზაციის ვებ-გვერდზე. სრულად... წყარო: mdfgeorgia.ge

თბილისი. საერთაშორისო გამჭირვალობა საქართველო აქვეყნებს ბლოგპოსტს: „ამომრჩევლის მოსყიდვის ნიშნები ლევან ვარშალომიძის საარჩევნო კამპანიაში”. „18 ივლისს, „საერთაშორისო გამჭვირვალობა - საქართველოსათვის” ცნობილი გახდა, რომ პოლიტიკური გაერთიანება „ერთიანი ნაციონალური მოძრაობა” ქალაქ ბათუმში „სოციალური სახლების პროგრამას" ახორციელებს. რომლის ფარგლებში პარტიის ერთ-ერთი წევრი, ლევან ვარშალომიძე, ინდივიდუალურ ხელშეკრულებებს აფორმებს მეჯინისწყლის დასახლებაში მცხოვრებ მოქალაქეებთან. მსგავს ხელშეკრულებებს ლევან ვარშალომიძე აჭარის ავტონომიურ რესპუბლიკაში მცხოვრებ მოქალაქეებთან ამ დრომდე აფორმებს. მიგვაჩნია, რომ პარტიის ქმედება, შესაძლოა, შეიცავდეს საარჩევნო კოდექსით აკრძალულ ამომრჩეველთა მოსყიდვის ნიშნებს, შესაბამისად, მოვუწოდებთ საქართველოს ცენტრალურ საარჩევნო კომისიას, დაინტერესდეს აღნიშნული ფაქტით, გამოიკვლიოს და დარღვევის აღმოჩენის შემთხვევაში, მიმართოს შესაბამის პასუხისმგებლობის ზომებს," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: „რატომ ვირჩევ"?. „ყოველი არჩვენების დასრულების შემდეგ უფრო და უფრო ვრწმუნდები, რომ ყოველი ჩვენი არჩევანი იქნება მცდარი სანამ არ გავაცნობიერებთ და არჩევანის წინ არ დაუსვათ საკუთრ თავს შეკითხვის რატომ ვირჩევ. მე მინდა , რომ ჩემი, შენი, ჩვენი არჩევანი იყოს დამოკიდებული არა არჩევნების დღეს მატერიალური შემოსავლის მიღებაზე ან/და მეგობრობაზე, არამედ იმაზე თუ რამდენად მისაღები და რეალურია ის პოლიტიკური იდეოლოგია და პროგრამა რომელსაც გვთავაზობენ," ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. ომბუდსმენი ეხმიანება „ახალი პოლიტიკური ცენტრი - გირჩის" წინასაარჩევნო რეკლამას. „როგორც რეკლამის შინაარსიდან იკვეთება, მნიშვნელოვანია არჩევნებში მონაწილეობა ახალგაზრდა ამომრჩევლებმა მიიღონ, ვინაიდან აქამდე სხვა პოლიტიკური პარტიების საარჩევნო პროგრამები ასაკოვანი ადამიანების ინტერესებზე იყო მორგებული, რაც ქვეყნისთვის არაპოპულარული არჩევანია. საქართველოს სახალხო დამცველი მიიჩნევს, რომ მსგავსი დამოკიდებულება ხელს უწყობს სტერეოტიპული განწყობის გამყარებას ასაკოვანი ადამიანების მიმართ, რომლებიც, ხშირ შემთხვევებში, ისედაც განიცდიან უთანასწორო მოპყრობას. ასეთი მიდგომა ახალისებს უარყოფით სტერეოტიპებს ქვეყნის საზოგადოებრივ ცხოვრებაში ასაკოვანი ადამიანების მონაწილეობასთან დაკავშირებით და ქმნის საფრთხეს, რომ ისინი მომავალში სხვადასხვა სფეროში დაექვემდებარებიან დისკრიმინაციას ასაკის გამო," ნათქვამია ომბუდსმენის განცხადებაში. სრულად... წყარო: www.ombudsman.ge

თბილისი. საიამ ამომრჩევლის სავარაუდო მოსყიდვისა და წინასაარჩევნო აგიტაციაში სავარაუდოდ კანონის დარღვევით მონაწილეობის ფაქტებთან დაკავშირებით სახელმწიფო აუდიტის სამსახურსა და ცენტრალურ საარჩევნო კომისიას მიმართა. „აღსანიშნავია, რომ პოლიტიკურ პარტიას ეკრძალება კანდიდატის, წარმომადგენლის ან სხვა პირის მეშვეობით, პირდაპირ ან არაპირდაპირ, საქართველოს მოქალაქისათვის ფასდაკლებით/შეღავათიანი პირობებით საქონლის ან მომსახურების მიყიდვა ან მიწოდება, საბაზრო ფასზე მეტ ფასად საქონლის ან მომსახურების შესყიდვა, უსასყიდლოდ საქონლის ან მომსახურების (გარდა კანონით გათვალისწინებული გამონაკლისებისა) მიწოდება ან გავრცელება, ან საქართველოს მოქალაქის დაინტერესება ფულადი სახსრების, ფასიანი ქაღალდების, მატერიალურ ან არამატერიალურ ფასეულობათა ან მომსახურების (მათ შორის, ფიქციური შრომითი ან სხვაგვარი ურთიერთობების დამყარების) მიწოდებით ან დაპირებით," ნათქვამია ორგანიზაცის განცხადებაში. საია მოუწოდებს აუდიტის სამსახურს და ცესკოს ეფექტურად გამოიძიონ განცხადებაში აღწერილი ფაქტობრივი მონაცემები. სრულად... წყარო: gyla.ge

აჭარა. 23 ივნისს, „ნიდერლანდების ინსტიტუტი მრავალპარტიული დემოკრატიისათვის" (NIMD) ორგანიზებით საჯარო დისკუსია გაიმართა. შეხვედრაზე მომხსენებლები იყვნენ: მადონა ბერიძე - სამართლიანი არჩევნები;  მალხაზ ჭკადუა - საერთაშორისო გამჭვირვალობა საქართველო და გიორგი ხიმშიაშვილი - საქართველოს ახალგაზრდა იურისტთა ასოციაცია. მიმდინარე წლის 8 ივნისს, წინასაარჩევნო კამპანია უკვე ოფიციალურად გაიხსნა. არჩევნებში ჩართული ყველა მხარისთვის თანაბარი გარემოს უზრუნველყოფა, კონკურენციისათვის თავისუფალი ველის შექმნა და ძალადობის ყოველგვარი ფორმის პრევენცია - ის საკითხებია, რომელთა გადაჭრაშიც გადამწყვეტი როლი აქვს როგორც პოლიტიკურ სპექტრს, ისე სამოქალაქო საზოგადოებას. 2016 წელს, მნიშვნელოვანი ამოცანაა არჩევნებმა კი არ შეაფერხოს ქვეყნის განვითარების პროცესი, არამედ წინგადადგმული ნაბიჯი გახდეს. მიმდინარე წლის მაისში ჩატარებული შუალედური არჩევნები ერთგვარ გაკვეთილად შეიძლება განვიხილოთ და წინა გამოცდილებების საფუძველზე გავაანალიზოთ ის გამოწვევები, რამაც შეიძლება ხელი შეუშალოს წინასაარჩევნო კამპანიის ჯანსაღ გარემოში ჩატარებას. მნიშვნელოვანია წამოვჭრათ საკითხი, ხომ არ უნდა შეთანხმდნენ პოლიტიკური ძალები, მედიისა და სამოქალაქო სექტორის აქტიური ჩართულობით ქცევის საერთო ნორმებზე, რითიც დაცული იქნება წინასაარჩევნო და საარჩევნო პერიოდი და რომელთა დარღვევასაც მყისიერი და მკაცრი რეაქცია მოჰყვება ადგილობრივი საზოგადოების მხრიდან.  აღნიშული დისკუსიის საფუძველზე ადგილობრივ სამოქალაქო საზოგადოებისა და ხელისუფლების სხვადასხვა შტოს წარმომადგენლებს შორის შედგა დიალოგი ძალადობრივი ინციდენტების პრევენციისა და ამ მიმართულებით გადასადგმელი ნაბიჯების შესახებ. შეხვედრაში მონაწილეობდნენ პოლიტიკური პარტიების ადგილობრივი ლიდერები, მაჟორიტარი დეპუტატები,  ადგილობრივი მედიისა და  სამოქალაქო საზოგადოების/ორგანიზაციების წარმომადგენლები.

თბილისი. საქართველოს ახალგაზრდა იურისტთა ასოციაცია (საია) წინასაარჩევნო მონიტორინგს იწყებს და მედიისა და არასამთავრობო ორგანიზაციების წარმომადგენლებს მიმართავს. „ორგანიზაცია, სამართლიანი და თავისუფალი არჩევნების ჩატარების ხელშეწყობის მიზნით, მიმდინარე წელსაც ახორციელებს მორიგი საპარლამენტო არჩევნების მონიტორინგს. ამ ეტაპზე, საია აკვირდება წინასაარჩევნო გარემოს და წინასაარჩევნო კამპანიის მიმდინარეობას ქვეყნის მთელ ტერიტორიაზე. მონიტორინგის განმავლობაში გამოვლენილი დარღვევები ასახული იქნება საქართველოს ახალგაზრდა იურისტთა ასოციაციის მიერ მომზადებულ ერთიან ანგარიშში,’ ნათქვამია ორგანიზაციის ვებ-გვერდზე სოციალურ ქსელში. სრულად... წყარო: gyla.ge

თბილისი. მედიის განვითარების ფონდმა გამოაქვეყნა „მედია და არჩევნები: პოლიტიკური პარტიების საჭიროებების კვლევა". წინამდებარე კვლევის მიზანია 2016 წლის საპარლამენტო არჩევნების წინ შეისწავლოს „პოლიტიკური პარტიებისა და სხვა აქტორების საჭიროებები მედიის, როგორც ელექტორატთან კომუნიკაციის ინსტრუმენტის, საარჩევნო პროცესში ეფექტიანი გამოყენების მიზნით. საარჩევნო სუბიექტების მედიისადმი დამოკიდებულების კვლევა, მათი განწყობებისა და საჭიროებების იდენტიფიცირება და კვლევის საფუძველზე შემუშავებული რეკომენდაციები ხელს შეუწყობს პოლიტიკური სუბიექტების უკეთ წვდომას მედიაზე და საბოლოოდ ამომრჩეველთა მიერ ინფორმირებული არჩევანის გაკეთებას. ...". კვლევა... წყარო: mediameter.ge

თბილისი. სამართლიანი არჩევნებისა და დემოკრატიის საერთაშორისო საზოგადოება წინასაარჩევნო შეფასებას აქვეყნებს. იგი მოიცავს კანონმდებლობის, საარჩევნო ადმინისტრაციის საქმიანობის, პოლიტიკური და მედია პლურალიზმის კუთხით არსებული მდგომარეობის ანალიზს. შეფასება... წყარო: ორგანიზაციის ვებგვერდი

თბილისი. საქართველოს პარლამენტში ინიცირებულია „საქართველოს სისხლის სამართლის კოდექსში" და სხვა თანმდევ საკანონმდებლო აქტებში შესატანი ცვლილებების პაკეტი. ცვლილებების თანახმად, სისხლის სამართლის კოდექსს ემატება სპეციალური მუხლი არჩევნებთან მიმართებით, ასევე იცვლება საარჩევნო უბანზე (მიმდებარე ტერიტორიაზე) სამართალდამცავი უწყებების გამოძახებისა და ყოფნის კუთხით მოქმედი რეგულაციები. საია-მ აღნიშნულ საკანონმდებლო პაკეტთან დაკავშირებით მომზადებული სამართლებრივი დასკვნა უკვე წარუდგინა საქართველოს პარლამენტს, ასევე საკუთარი მოსაზრებები გააჟღერა შესაბამის კომიტეტებში კანონპროექტის განხილვის მიმდინარეობისას. ამჯერად ფართო საზოგადოებისთვის აქვეყნებს გამოხმაურებებს ორგანიზაციის ვებგვერდზე. სრულად... წყარო: gyla.ge

თბილისი. საქართველოს ეროვნული პლატფორმა საპარლამენტო არჩევნებთან დაკავშირებით აქვეყნებს განცხადებას. „განსაკუთრებით მნიშვნელოვანია, რომ წინასაარჩევნო გარემო იყოს თავისუფალი სიძულვილის ენის, აგრესიისა და ძალადობისაგან. ხელისუფლებამ უნდა უზრუნველყოს მშვიდი და თანასწორი წინასაარჩევნო გარემო, სადაც დაცული იქნება საქართველოს კონსტიტუცია და კანონები და რომელიც შექმნის სათანადო გარანტიებს ამომრჩევლის მიერ ნების თავისუფლად გამოხატვისა და საარჩევნო ადმინისტრაციისთვის მშვიდ გარემოში არჩევნების ადმინისტრირებისათვის. ამასთან, საარჩევნო პროცესში ჩართულმა ყველა მხარემ უარი უნდა თქვას ძალადობაზე და პატივი სცეს არჩევნების მშვიდ და სამართლიან გარემოში ჩატარების აუცილებლობას," ნათქვამია ორგანიზაციის ვებ-გვერდზე. სრულად... წყარო: cdd.ge

თბილისი. 8 ივნისს საქართველოს პარლამენტმა მეორე მოსმენით მიიღო კანონპროექტების პაკეტი, რომელიც ზოგიერთი საარჩევნო საკითხის ცვლილებას ისახავს მიზნად. ერთ-ერთი ცვლილება შეეხება საარჩევნო სუბიექტებისთვის უფასო წინასაარჩევნო რეკლამის გადანაწილების ახლებურ წესს. საერთაშორისო გამჭვირვალობა საქართველო აღნიშნულ საკითხზე ბლოგს ავრცელებს. ორგანიზაცია მიიჩნევს, რომ „ამ ცვლილების მიღება გაუმართლებელია, რადგანაც, გარდა იმისა, რომ უსამართლოა, მნიშვნელოვნად აზიანებს რამდენიმე ოპოზიციურ პოლიტიკურ პარტიას. ასევე, ეს ინიციატივა თავისი შინაარსით შეიძლება წარმოადგენდეს სამართლებრივი ადმინისტრაციული რესურსის საარჩევნო მიზნით გამოყენების მაგალითს. ... ცალსახაა, რომ უფასო სარეკლამო დროის განაწილების ძველი წესი უსამართლო და არაკონსტიტუციურია, თუმცა ახალი წესიც მნიშვნელოვან პრობლემებს შეიცავს. ...". სრულად... წყარო: transparency.ge

თბილისი. სამართლიანი არჩევნები ბლოგს აქვეყნებს, რომელშიც ასახულია წინასაარჩევნო პერიოდის დადგენილი სტანდარტები პოლიტიკური პარტიებისთვის, კანდიდატებისთვის, საჯარო მოხელეებისთვის, მედიისათვის. სრულად... წყარო: isfed.ge

თბილისი. აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა 2016 წლის საპარლამენტო არჩევნების შესახებ განცხადებას ავრცელებს. „2016 წლის საპარლამენტო არჩევნების კონკურენტულ, თავისუფალ და სამართლიან გარემოში ჩატარება უმნიშვნელოვანესია ქვეყნის დემოკრატიული განვითარებისათვის. სწორედ არჩევნების მაღალი სტანდარტებით ჩატარებამ უნდა განამტკიცოს მოპოვებული მიღწევები და ხელი უნდა შეუწყოს ქვეყნის სწრაფვას ევროპული ინტეგრაციის გზაზე. ...", ნათქვამია განცხადებაში. სრულად... წყარო: eap-csf.ge