თბილისი. სოციალური სამართლიანობის ცენტრმა (ყოფილი EMC) გამოსცა კვლევის დოკუმენტი: ეთნიკური უმცირესობების დასაქმების პოლიტიკა. დოკუმენტი გამოიცა პროექტის - „ეთნიკური უმცირესობების ინტეგრაციის და უფლებების დაცვის გაძლიერება კვლევის, განათლების, ადვოკატირებისა და ნდობის მშენებლობის გზით“ - ფარგლებში,  „არსებული რეალობა ორმაგად აზიანებს ეთნიკური უმცირესობების დასაქმების პროცესს, რადგან განათლებაზე, სახელმწიფო სერვისებზე, მათ შორის, მხარდამჭერ ეკონომიკურ პროგრამებზე მწირი ხელმისაწვდომობის, სუსტი ენის კომპეტენციებისა და ენის პოლიტიკაში უმცირესობების ენის რადიკალური გამოტოვების, დისკრიმინაციული გარემოს გამო, მათთვის რთული ხდება სოციალურ და ეკონომიკურ ცხოვრებაში ჩართვა და მონაწილეობა.  წინამდებარე დოკუმენტის მიზანია ეთნიკური უმცირესობების დასაქმების პოლიტიკის რელევანტური გამოცდილებების მიმოხილვა, რომელიც შეიძლება გახდეს საინტერესო რესურსი სახელმწიფოსთვის დასაქმების პოლიტიკაში ეთნიკური უმცირესობების სპეციალური საჭიროებების გააზრებისა და დამატებითი მხარდამჭერი პოლიტიკების გატარების პროცესში“. სრულად... წყარო: socialjustice.org.ge

თბილისი. „შესაძლებლობები ქალთა ეკონომიკური გაძლიერებისთვის“ - POWER • Promoting Opportunities for Women's Economic Resilience - ეკონომიკური პოლიტიკის კვლევის ცენტრის (EPRC) პროექტია, რომლის მიზანია გამოვიკვლიოთ თუ რა საჭიროებები აქვთ დღეს ქალებს ბიზნესში. პროექტის ფარგლებში, ორგანიზაცია გთავაზობთ ღონისძიებებს, რომლებიც ემსახურება ცოდნის და გამოცდილების გაზიარებას. კვლევაში „ქალები ბიზნესში: შესაძლებლობები და პანდემიის გამოწვევები“ განხილულია ქალი მეწარმეების ზოგადი მდგომარეობა, ბიზნესის დაწყება და ოპერირების შესაძლებლობები და გამოწვევები, კოვიდ 19-ის პანდემიის შედეგად შექმნილი პრობლემები, საქართველოში ქალი მეწარმეების საქმიანობის ზოგადი ხელშეწყობისა და კოვიდ19-ით გამოწვეული უარყოფითი ეკონომიკური შედეგების დაძლევისთვის გასატარებელი ღონისძიებების რეკომენდაციები. პროექტი მხარდაჭერილია ბრიტანეთის საელჩოს კარგი მმართველობის ფონდის მიერ.  სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური მედია სკოლის მეცამეტე ნაკადის მსმენელებს სერტიფიკატები გადაეცათ. სასწავლო კურსი, შეზღუდვების გამო, ამჯერად, ონლაინ მიმდინარეობდა და მისი მიზანი ჟურნალისტებისთვის ფინანსური განათლების ამაღლება იყო. ტრენინგებს ეროვნული ბანკის პრეზიდენტის მრჩეველი - გიორგი ბაქრაძე და მოწვეული სპიკერები ატარებდნენ. ჟურნალისტებმა ეკონომიკის საფუძვლები სპეციალური კურსის მიხედვით შეისწავლეს. სრულად... წყარო: sab.ge

თბილისი. 2021 წლის თებერვლიდან ადამიანის უფლებების სწავლებისა და მონიტორინგის ცენტრი (EMC), გაეროს ქალა ორგანიზაციის (UN Women) მხარდაჭერით, ახორციელებს პროექტს: „ბარიერების მოხსნა, რომელიც ხელს უშლის ქალთა თანაბარ მონაწილეობას შრომის ბაზარზე“. პროექტი შეეხება ქვეყნის მასშტაბით შრომის ბაზრის ტენდენციებს, რომლებიც ეხება ქალთა უმუშევრობას და მათ არაპროპორციულ კონცენტრაციას არაფორმალურ სექტორში. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) გთავაზობთ თარგმანს კრებულიდან: სოციალური კვლავწარმოება, ქალთა შრომა და შინშრომა. სრულად... წყარო: emc.org.ge

თბილისი. საერთაშორისო გამჭვირვალობა - საქართველოს შეფასებით, „კოვიდ-19“-ის პანდემიამ საქართველოს რუსეთზე ეკონომიკური დამოკიდებულება „ბუნებრივად“ შეამცირა. „პანდემიური პერიოდის გასვლის შემდეგ კი, საქართველოს უჩნდება შესაძლებლობა, სტრუქტურულად გარდაქმნას ეკონომიკა და ნაკლებდამოკიდებული გახდეს რუსეთზე. დღეისათვის საქართველოს ეკონომიკური და პოლიტიკური უსაფრთხოების კუთხით მთავარ გამოწვევად ღვინის ექსპორტის რუსულ ბაზარზე მაღალი დამოკიდებულება და რუსეთიდან ხორბლის იმპორტი რჩება. საქართველოს ხელისუფლების მიზანი რუსეთზე ეკონომიკური დამოკიდებულების მინიმუმამდე შემცირება უნდა იყოს, კერძოდ: პოსტპანდემიურ პერიოდში საქართველომ კიდევ უფრო აქტიურად უნდა იმუშაოს საექსპორტო ბაზრების დივერსიფიცირებაზე, განსაკუთრებით ღვინის ექსპორტის მიმართულებით; მაქსიმალურად უნდა შეეწყოს ხელი ხორბლის ადგილობრივ წარმოებას და ხორბლის იმპორტის დივერსიფიცირებას; წინა წლებისგან განსხვავებით, საზღვრების გახსნის შემდეგ, ტურისტების მოსაზიდად სამიზნე ბაზარი რუსეთი არ უნდა იყოს“. სრულად... წყარო: transparency.ge

საკუთარი საქმის დაწყება ყოველთვის არ არის მარტივი. განსაკუთრებით მაშინ, თუ შენი მოვალეობაა სახლი, ზრუნვა ბავშვებსა და მშობლებზე, თუ ხელს არავინ გიწყობს და ხშირად გაუგებარია, საიდან დაიწყო საქმის კეთება. არსებობს საკმაოდ ბევრი საერთაშორისო პროგრამა, რომლებიც ეხმარება ქალებს დაიწყონ საკუთარი ბიზნესი, მიიღონ განათლება და დაიცვან საკუთარი ეკონომიკური უფლებები.  როგორ გავერკვეთ ამ ყველაფერში?  ხშირად საჭირო ინფორმაციის პოვნა რთულია. პროგრამამ „ევროკავშირის აღმოსავლეთ სამეზობლო“ ღია ბარათები აერთიანებს ევროკავშირის ყველა მიმდინარე პროექტს, რომელიც ქალებს ეხმარება საკუთარი ბიზნესის განვითარებაში.

თბილისი. ადამიანის უფლებების სწავლებისა და მონიტორინგის ცენტრი (EMC) გთავაზობთ გიორგი ცინცაძის ბლოგპოსტს: „რბოლა ფსკერისკენ: ნამახვანჰესის ხელშეკრულების კვალდაკვალ“.  „ინვესტორ კომპანიებსა და მასპინძელ ქვეყნებს შორის გაფორმებული ხელშეკრულებები საინვესტიციო კაპიტალისთვის მიმდინარე გლობალური კონკურენციის გამოძახილია. ამ გლობალურ კონკურენციას ინვესტიციებისთვის უწოდებენ „რბოლას ფსკერისკენ,” რომელშიც „განვითარებადი” ქვეყნები მონაწილეობენ. პირდაპირი უცხოური ინვესტიციების მოსაზიდად ისინი იძულებულნი არიან შესაძლო ინვესტორებს კონკურენტებზე უკეთესი პირობები შესთავაზონ - ანუ უფრო დაბალი გადასახადები, ნაკლები გარემოსდაცვითი რეგულაციები, ფინანსური გარანტიები და სახელმწიფო სტრუქტურების მაქსიმალური მხარდაჭერა. შედეგად გლობალური კონკურენცია მონაწილე ქვეყნებში ეკოლოგიურ ნორმებს, გადასახადებს და უსაფრთხოების სტანდარტებს ქვემოთ და ქვემოთ, ფსკერისკენ ექაჩება“, ნათქვამია ბლოგპოსტში. სრულად... წყარო: emc.org.ge

შიდა ქართლი. შიდა ქართლში მცხოვრებ სამსახურის მაძიებლებს დასაქმების ცენტრი პროექტის „ისწავლე დასაქმებისთვის!“ ფარგლებში სთავაზობს: სამოტივაციო წერილის, CV-ს მომზადების შესწავლას, პროფესიულ კურსებში მონაწილეობას, სტაჟირებას და დასაქმების კონსულტანტების დახმარებას სამუშაოს მოძიების პროცესში. პროექტს „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდთან „აფხაზინტერკონტი“ (AIC) და გურიის ახალგაზრდულ რესურსცენტრთან (GYRC) ერთად, ევროკავშირის ფინანსური მხარდაჭერით ახორციელებს. სრულად... წყარო: EDEC-ის გვერდი სოციალურ ქსელში

თბილისი. შრომითი ინტეგრაციის სოციალური მეწარმეობის საგრანტო კონკურსით დაინტერესებული პოტენციური აპლიკანტებისათვის 26 თებერვალს 11:00 საათზე გაიმართება ონლაინ საკონსულტაციო შეხვედრა.  გთხოვთ, შეხვედრამდე გაიაროთ რეგისტრაცია... საგრანტო კონკურსში მონაწილეობის მიღება შეუძლიათ, როგორც მოქმედ საწარმოებს ასევე, სოციალური საწარმოს შექმნით დაინტერესებულ საინიციატივო ჯგუფებს - კახეთის, გურიისა და ქვემო ქართლის რეგიონიდან. დამატებითი ინფორმაცია საგრანტო კონკურსის შესახებ იხილეთ ბმულზე... სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური პოლიტიკის კვლევის ცენტრის პროექტის - POWER • Promoting Opportunities for Women's Economic Resilience მიზანია გამოიკვლიოს თუ რა საჭიროებები აქვთ დღეს ქალებს ბიზნესში. ასევე, პროექტის ფარგლებში ორგანიზაცია გთავაზობთ ღონისძიებებს, რომლებიც მოემსახურება ცოდნის და გამოცდილების გაზიარებას. „ჯგუფში ჩატარებული გამოკითხვის შედეგად, გამოიკვეთა ინტერესი ციფრული მარკეტინგის მიმართულებით, ჩვენ კი თქვენი მოთხოვნის შესაბამისად, გადავწყვიტეთ შემოგთავაზოთ დისტანციური შეხვედრა შემდეგ თემაზე: როგორ გავყიდოთ პროდუქცია სოციალური მედიით? შემოგვიერთდით ზუმში, 23 თებერვალს, 19:00 საათზე". ტრენინგი.  ტრენინგს გაუძღვება სოციალური მედიის მენეჯერი და ქოფირაითერი - თამარა კაჭახიძე“.  სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო გაცნობოთ, რომ იწყება ტრენინგების სერია „შესაძლებლობების განვითარების სემინარები მცირე ქალაქებსა და სოფლებში მცხოვრები ახალგაზრდებისთვის ბიზნეს იდეების განვითარების საკითხებზე“ აზერბაიჯანში, უკრაინასა და საქართველოში. „ონლაინ ტრენინგები დაგეხმარებათ იპოვნოთ საკუთარი თავი მსოფლიო ბიზნესში. ექსპერტები პოლონეთიდან, იტალიიდან და საფრანგეთიდან ისაუბრებენ საინტერესო საკითხებზე. ახალგაზრდებს ექნებათ მცირე ჯგუფებში მუშაობის შესაძლებლობა მეტი ჩართულობისათვის“. რეგისტრაციის საბოლოო ვადაა 2021 წლის 15 თებერვალი. იხ. რეგისტრაციის ბმული... სრულად... წყარო: ორგანიზაციის გვერდი სოციალურ ქსელში

თბილისი. სოციალური საწარმოს „კომბინიზონა“-ს ისტორია ათწლიანი სამოქმედო გეგმით, ერთი ნასესხები საკერავი მანქანითა და უნიკალური კონცეფციის მქონე პატარა შოურუმით დაიწყო. ინოვაციური სამკერვალო-ფაბრიკა ISF Georgia-ს რიგით პირველი მულტიბრენდული სოციალური საწარმოა „საქართველოში ფერების მიმღებლობის“ შესახებ ჩატარებულ კვლევაზე დაყრდნობით თერაპიულ დიზაინერულ სამოსს აწარმოებს.  კორონავირუსის გავრცელებისთანავე, საფრთხის წინაშე უამრავი ბიზნესი დადგა. გამონაკლისს არც „კომბინიზონა“ წარმოადგენდა, თუმცა, COVID19-ის მიერ გამოწვეული კრიზისის მიუხედავად, ევროკავშირის მხარდაჭერით, ადაპტური სამოსის მწარმოებელმა კომპანიამ შეძლო, არა მხოლოდ სამუშაო ადგილების შენარჩუნება, არამედ, დასაქმებული შეზღუდული შესაძლებლობების მქონე (შშმ) პირთა რაოდენობის გაზრდაც. დღეისთვის, საწარმოში უკვე 60-70 ადამიანია დასაქმებული. მათი ნახევარი შშმ პირია.  სრულად...  წყარო: ორგანიზაციის ვებგვერდი

ქვემო ქართლი. კომპანია CaucasPack 2007 წელს დაარსდა და ერთჯერად შესაფუთ მასალებს აწარმოებს. 2020 წლის გაზაფხულზე, როდესაც კორონავირუსის გავრცელების პრევენციის მიზნით საქართველოში მკაცრი რეგულაციები ამოქმედდა, კომპანია, სხვა ბიზნეს ოპერატორების უმრავლესობის მსგავსად, საკმაოდ რთულ მდგომარეობაში აღმოჩნდა.  ევროკავშირისა (EU) და გაეროს განვითარების პროგრამის (UNDP) ხელშეწყობით, Covid-19-ის კრიზისის საპასუხოდ, CaucasPack-ი ახალ წარმოებაზე გადაეწყო, რითაც არამხოლოდ პანდემიის საჭიროებებზე პასუხი, არამედ კომპანიაში დასაქმებული 99 ადამიანის შენარჩუნებაც შეძლო.  სრულად...   წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება თბილისში, ლილოსა და ვაგზლის ღია ბაზრობების მოვაჭრეთა მიერ ეკონომიკური საქმიანობის შეზღუდვის წინააღმდეგ გამართულ პროტესტს და საქართველოს მთავრობასა და ადგილობრივ მუნიციპალიტეტს მძიმე ეკონომიკურ მდგომარეობაში მყოფ მოვაჭრეთა მიმართ საქმიანობის გაგრძელების ხელშეწყობისა და სოციალური დაცვის მეტად ქმედითი ღონისძიებების გატარებისკენ მოუწოდებს. სრულად... წყარო: emc.org.ge

თბილისი. ქალთა მზერა აქვეყნებს მარინა მუსხელიშვილის ბლოგპოსტს: ზოგი რამ მინიმალურ ხელფასზე, ქალთა უფლებებზე და დემოკრატიაზე. „ქალთა უფლებები, თავის მხრივ, ბოლო ათწლეულებში უფრო ლიბერალური დღის წესრიგის ნაწილი გახდა. მათი საწყისები წინა საუკუნის ბოლოს წარმოქმნილ ახალ სოციალურ მოძრაობაშია, რომელიც პირველ რიგში ამერიკას უკავშირდება და ნეოლიბერალიზმისა და პოსტმატერიალიზმის ემანსიპაციურ სულისკვეთებას მოიცავს. ამერიკული გაგებით, ეს ახალი ფემინიზმიც „მემარცხენეა“, მაგრამ ამ ტერმინის სპეციფიური, ამერიკული მნიშვნელობით, რომელიც ევროპულისგან განსხვავდება. ამდენად, მსჯელობა მინიმალურ ხელფასზე ქალური, ფემინისტური თვალსაწიერიდან, წარმოადგენს პრობლემას და გამოწვევას“. სრულად... წყარო: womensgaze.org.ge

თბილისი. ევროკავშირმა საქართველოს 60 მილიონი ევროს ოდენობის გრანტი გამოუყო პანდემიის პერიოდში საქართველოს მოქალაქეებისა და ბიზნესების დასახმარებლად. აღნიშნული სახსრები განკუთვნილია საქართველოს მთავრობის ანტიკრიზისული ეკონომიკური გეგმის განხორციელების მხარდასაჭერად. გაიგეთ მეტი აქ… წყარო: ევროკავშირის გვერდი სოციალურ ქსელში

თბილისი. განათლების განვითარების და დასაქმების ცენტრი (EDEC) ავრცელებს ინფორმაციას ევროკავშირის მიერ დაფინანსებული პროექტის „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ შესახებ. „პროექტის ფარგლებში, 3,240 სამუშაოს მაძიებელი მიიღებს ცოდნასა და გაიუმჯობესებს შრომის ღია ბაზარზე სამუშაოს ძიების უნარებს, მათგან 720 პირი ჩაერთვება პროფესიული მომზადება –გადამზადების პროგრამაში – სამუშაოზე მიმაგრებული სწავლებისა და სტაჟირების პროგრამებში, რომელთა მინიმუმ 50% დასაქმდება“, ნათქვამია ორგანიზაციის გვერდზე სოციალურ ქსელში.  პროექტის შესახებ მეტი ინფორმაციის მისაღებად უყურეთ LIVE ჩართვას 19 დეკემბერს 12:30 საათიდან პლატფორმაზე... სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, Trace International-მა 19 ნოემბერს ბიზნესში კორუფციის რისკის შესახებ ახალი მაჩვენებლები გამოაქვეყნა.  „2020 წლის მონაცემების მიხედვით საქართველო 194 ქვეყანას შორის 28-ე ადგილზეა ბიზნესის კორუფციის რისკის 25 ქულით. 2019 წლის მონაცემებით 200 ქვეყანას შორის საქართველო 27-ე ადგილს იკავებდა 26 ქულით, რაც 2018 წლის მაჩვენებლების იდენტურია და გაუარესებულია 2017 წლის მონაცემებთან შედარებით, როცა საქართველო 200 ქვეყანას შორის 25-ე ადგილს იკავებდა 23 ქულით. ამ მონაცემებიდან ჩანს, ბოლო წლების განმავლობაში ბიზნესის კორუფციის რისკი ეტაპობრივად იმატებს. მართალია, ბოლო წელს აღნიშნული რისკი ერთი ქულით შემცირდა, მაგრამ საერთაშორისო რეიტინგში საქართველომ მაინც ერთი ადგილით უკან გადაინაცვლა”, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ქალაქ რუსთავში ეკონომიკური საქმიანობის შეზღუდვის წინააღმდეგ გამართულ გარემოვაჭრეების პროტესტს. ორგანიზაცია საქართველოს მთავრობასა და ადგილობრივ მუნიციპალიტეტს მძიმე ეკონომიკურ მდგომარეობაში მყოფი გარემოვაჭრეებისათვის საქმიანობის გაგრძელების ხელშეწყობისა და სოციალური დაცვის ღონისძიებების გატარებისკენ მოუწოდებს. სრულად... წყარო: emc.org.ge

თბილისი. ევროკავშირმა საქართველოსთვის 100 მილიონი ევროს ოდენობის დახმარება გამოყო კოვიდ-19 პანდემიასთან გასამკლავებლად. აღნიშნული მხარდაჭერა ხელს შეუწყობს ქვეყნის მაკროფინანსურ სტაბილურობას, რათა მთავრობამ შეძლოს დაეხმაროს მოქალაქეებსა და კომპანიებს პანდემიით გამოწვეულ კრიზისთან გამკლავებაში. გაიგეთ მეტი მაკროფინანსური დახმარების პროგრამების შესახებ აქ... გაიგეთ მეტი საქართველოსთვის ევროკავშირის მხარდაჭერის შესახებ კოვიდ-19 პანდემიასთან გასამკლავებლად აქ... წყარო: ევროკავშირის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია აქვეყნებს ორგანიზაციის იურისტის, გიორგი ტაბატაძის ბლოგპოსტს: რატომ ვართ ღარიბები? მურუსიძის კიდევ ერთი „კანონიერი“ გადაწყვეტილება. „20 თეთრად შეფასებული ხრეშის გამო 54 650 დოლარიანი ტრაქტორის წართმევა და ბიზნესის გაჩერება იმდენად ნორმალური მოვლენაა მურუსიძის სასამართლოსთვის, რომ დღემდე ამ საქმეს საზოგადოების სათანადო ყურადღება არ დაუმსახურებია. შპს „ბექანასი“, რომელიც სახელმწიფოს მიერ გაცემული ლიცენზიის საფუძველზე ქვიშა ხრეშს მოიპოვებდა, 2018 წელს გარემოს დაცვის ზედამხედველობის დეპარტამენტის თანამშრომლებმა დააჯარიმეს 1 მ3 ქვიშა ხრეშის, ლიცენზიით გათვალისწინებული ტერიტორიის გარეთ, მოპოვებისთვის. დეპარტამენტის თანამშრომლების განმარტებით, 1 მ3 ქვიშა ხრეშის ღირებულება 20 თეთრს შეადგენდა, გარემოსთვის მიყენებული ზიანის წმინდა ოდენობა კი 1 ლარს. ასეთი მცირე ზიანის მიუხედავად, კომპანიას ჯარიმის სახით 1000 ლარის გადახდა დააკისრეს და ასევე ჩამოართვეს 54 650 ღირებულების ტრაქტორი, როგორც სამართალდარღვევის იარაღი. რატომ არ შემოდის ინვესტიციები? რატომ უფასურდება ლარი? რატომ გვაქვს მუდმივად უსამართლობის განცდა? საერთოდ რატომ ვართ ასეთი ღარიბები? ამ კითხვებს პასუხი ამ ერთი საქმითაც შეიძლება გავცეთ“, ნათქვამია ორგანიზაციის ვებგვერდზე. სრულად... წყარო: gyla.ge