თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, რუსეთ-უკრაინის ომის დაწყების შემდეგ (24 თებერვლიდან-31 აგვისტომდე): რუსეთის მოქალაქეების მიერ საქართველოს ბანკებში განთავსებული დეპოზიტების ნაშთი,  დაახლოებით 1,2 მილიარდი ლარით (+ 170%) გაიზარდა. საქართველოს  ბანკებში ახალი ანგარიშები გახსნა რუსეთის 45,349 მოქალაქემ და რუსეთში რეგისტრირებულმა 19-მა იურიდიულმა პირმა. 2022 წლის მეორე კვარტალში ვალუტის გადამცვლელმა პუნქტებმა იყიდეს 949,8 მილიონი რუბლი, ხოლო გაყიდეს 929,4 მილიონი რუბლი, რაც დაახლოებით სამჯერ მეტია 2021 წლის ანალოგიურ პერიოდთან შედარებით. ორგანიზაცია მიიჩნევს რომ, რუსეთის მოქალაქეების ქვეყანაში აქტიური შემოსვლით მოკლევადიან პერიოდში მიღებული  გარკვეული დადებითი ეკონომიკური ეფექტის მიუხედავად, მათი ქვეყანაში დარჩენის მზარდი ტენდენცია შესაძლოა წარმოადგენდეს გამოწვევას სახელმწიფო უსაფრთხოების თვალსაზრისით, რაც საჭიროებს შესაბამის ღონისძიებებს რისკების შემცირების კუთხით. სრულად... წყარო: idfi.ge

თბილისი. 2022 წელს, სახალხო დამცველის აპარატმა საქართველოში მცხოვრები სამუშაო ასაკის შშმ პირების მიერ შრომისა და დასაქმების უფლების დაცვის მდგომარეობა შეისწავლა. „კვლევის შედეგებმა ცხადყო, რომ სახალხო დამცველის აპარატის მიერ 2017 წელს ჩატარებული  მონიტორინიგის შემდეგ, შეზღუდული შესაძლებლობის მქონე პირთა დასაქმების ხელშემწყობი სახელმწიფო პროგრამების განხორციელების  კუთხით მდგომარეობა ფაქტობრივად არ გაუმჯობესებულა და 5 წლის წინანდელ ანგარიშში ასახული რეკომენდაციების დიდი ნაწილი კვლავ შეუსრულებელია. ის ნაბიჯები, რაც დღემდე ტარდება დასაქმების კუთხით სახელმწიფოსა და კერძო სექტორის მხრიდან, არ არის საკმარისი. მეტიც, ისინი არასისტემური და დროებითია“. სრულად... წყარო: ombudsman.ge

თბილისი. თუ ხართ ბიზნეს კომპანია და გინდათ, ერთ სივრცეში შეხვდეთ სოციალურ საწარმოებს მთელი საქართველოს მასშტაბით, გაეცნოთ მათ პროდუქციას და მომსახურებას, შეუერთდით B2B გამოფენას, რომელსაც 30 სექტემბერს საქართველოს სტრატეგიული კვლევებისა და განვითარების ცენტრი ევროკავშირის პროექტის ფარგლებში აწყობს. სრულად... წყარო: ორგანიზაციის გვერდი სოციალურ ქსელში

თბილისი. 16-18 სექტემბერს, „ფონდი ტასოს” ორგანიზებით, გაიმართა გაერთიანებული შეხვედრა სათემო მუშაკებისთვის. შეხვედრა ჩატარდა „ქალთა ეკონომიკური გაძლიერება სოციალური მობილიზაციისა და შესაძლებლობათა განვითარების გზით“ პროექტის მეორე ფაზის ფარგლებში. პროექტი ხორციელდება გაეროს ქალთა ორგანიზაციასთან, კახეთის რეგიონალური განვითარების ფონდსა და ქეა საერთაშორისო კავკასიაში პარტნიორობით. სრულად... წყარო: ორგანიზაციის გვერდი სოციალურ ქსელში

თბილისი. ასოციაცია „ანიკასა“ და კომპანია „სქილვილ აკადემიას” შორის ურთიერთანამშრომლობის მემორანდუმი გაფორმდა. მემორანდუმი ითვალისწინებს ინფორმაციული ტექნოლოგიების სფეროში კვლევისა და სწავლების გაძლიერებასა და დასაქმების ხელშეწყობას. ორგანიზაციის თქმით, „სქილვილ აკადემიის” მიერ შემოთავაზებული პროგრამა დაამკვიდრებს ინკლუზიურ მიდგომას ტექნოლოგიურ სფეროში, შშმ პირებისათვის თანაბარი შესაძლებლობისა და პირობების შექმნას. სრულად...  წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველომ” რუსეთზე საქართველოს ეკონომიკური დამოკიდებულების საკითხები შეისწავლა. კვლევის თანახმად, მიმდინარე წლის მარტი-ივნისში რუსეთის მოქალაქეებმა საქართველოში 6,400-მდე კომპანია დაარეგისტრირეს. ასობით კომპანიას იურიდიულ მისამართად საქართველოს სხვადასხვა სოფელი აქვს მითითებული. სრულად... წყარო: transparency.ge

იმერეთი. 22 ივლისს, ევროკავშირის მხარდაჭერით და იმერეთის რეგიონული ჰაბის - ადგილობრივი დემოკრატიის სააგენტო საქართველოს (LDA Georgia) ორგანიზებით გაიმართა საჯარო შეხვედრა თემაზე „მიგრაციის გამომწვევი მიზეზები და დასაქმების შესაძლებლობები იმერეთის რეგიონში“. შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

რეგიონები. 22 ივლისს, 19:00 საათზე, განათლების განვითარების და დასაქმების ცენტრი (EDEC), იმერეთის (ქუთაისი), გურიის (ოზურგეთი), რაჭა–ლეჩხუმი ქვემო სვანეთის (ამბროლაური), შიდა ქართლის (გორი), კახეთის (თელავი) რეგიონების დამსაქმებლებთან საინფორმაციო შეხვედრას (ვებინარს) გამართავს.  „შეხვედრა ონლაინ ფორმატში გაიმართება. მაყურებელს საშუალება ექნება საკუთარი სმარტფონიდან/კომპიუტერიდან პირდაპირ ეთერში უყუროს FACEBOOK LIVE-ს და კომენტარის ველში დაწეროს კითხვები. თუ ხართ დამსაქმებელი და დაინტერესებული ხართ დასაქმების ცენტრებთან თანამშრომლობით გთხოვთ, შეავსოთ კითხვარი“... წყარო: ორგანიზაციის გვერდი სოციალურ ქსელში

თბილისი. „ქალთა ეკონომიკური გაძლიერების“ პროექტის ფარგლებში მონაწილე ქალებმა დაასრულეს ტრენინგ კურსი „როგორ დავიწყოთ და განვავითაროთ ბიზნესი“, რომელსაც BDO Academy • ბიდიო აკადემია -ს კვალიფიციური ტრენერები წარუძღვნენ. „სასწავლო კურსის შედეგად ქალებმა შეისწავლეს იდეის ბიზნეს გეგმად გარდაქმნა, ფინანსური და საგადასახადო საკითხები, ბრენდინგი და მარკეტინგი, გაყიდვების ტექნიკები და სხვა. პროექტს „ფონდი ტასო“ გაეროს ქალთა ორგანიზაციის და ნორვეგიის მთავრობის მხარდაჭერით ახორციელებს“. სრულად... წყარო: ორგანიზაციის გვერდი სოციალურ ქსელში

თბილისი. 30 ივნისს სოციალური სამართლიანობის ცენტრმა გამართა დისკუსია: „საზოგადოებრივი მონაწილეობა გარემოსდაცვით მართვაში“. დისკუსია დაეთმო ენერგეტიკული პროექტების შემუშავების, განვითარებისა და სახელმწიფოს მხრიდან შეფასების არსებული პროცედურების განხილვას, როგორც ადგილობრივი კანონმდებლობის, ისე საერთაშორისო პრინციპების შუქზე. სრულად... წყარო: socialjustice.org.ge

კახეთი. ლაგოდეხის სწავლებისა და დასაქმების ხელშემწყობი ცენტრში დაიწყო ხელშეკრულებით დასაქმებისთვის საჭირო უნარების ტრენინგ-კურსი. ტრენინგ-კურსის პირველ მოდულს, ეფექტური კომუნიკაციის უნარები/თვითმენეჯმენტი, უძღვება ტრენერი ლალი გამისონია. ტრენინგები ტარდება პროექტ „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“ ფარგლებში, რომელიც ხორციელდება საქართველოს სტრატეგიული კვლევებისა და განვითარების ცენტრი (CSRDG-ის) ლიდერობით, ახალგაზრდა პედაგოგთა კავშირისა და საქართველოს სამოქალაქო განვითარების ასოციაცია-საგა-ს პარტნიორობით. აღნიშნული პროექტი ხორციელდება საქართველოს სამ რეგიონში - კახეთში, ქვემო ქართლსა და გურიაში. პროექტის ფინანსური მხარდამჭერია ევროკავშირის დელეგაცია საქართველოში. სრულად... წყარო: ორგანიზაციის გვერდი სოციალურ ქსელში

კახეთი. საქართველოს სტრატეგიული კვლევებისა და განვითარების ცენტრის ინფორმაციით, თელავის ვაჟა-ფშაველას სახელობის პროფესიულ სახელმწიფო დრამატულ თეატრში დასაქმების ფორუმი გაიმართა. ფორუმის მიზანი იყო ახალგაზრდების, იძულებით გადაადგილებული, სამუშაო გამოცდილების არმქონე, ხანგრძლივი პერიოდის განმავლობაში დაუსაქმებელი პირებისა და მოწყვლადი ჯგუფების დასაქმების ხელშეწყობა. სრულად... დასაქმების ფორუმი ჩატარდა ევროკავშირის დაფინანსებით და მისი ორგანიზატორები არიან განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრი (TEDEC) პროექტი „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!) LEARN“, საქართველოს სტრატეგიული კვლევების და განვითარების ცენტრი(CSRDG), კახეთის სამხარეო განვითარების ცენტრი (KADC)  „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“, დასაქმების ხელშეწყობის სახელმწიფო სააგენტო (SESA). წყარო: ორგანიზაციის გვერდი სოციალურ ქსელში

კახეთი. საქართველოს სამოქალაქო განვითარების ასოციაცია - საგა-ს ინფორმაციით, 21 ივნისს, ქალაქ თელავში, დასაქმების  ფორუმი გაიმართა.                                   ფორუმზე 35 მცირე, საშუალო და მსხვილი კომპანია იყო წარმოდგენილი 120-მდე ვაკანსიით, დასაქმებისა და სტაჟირებისათვის. დასაქმების ფორუმი ჩატარდა ევროკავშირის დაფინანსებით და მისი ორგანიზატორები იყვნენ საქართველოს სტრატეგიული კვლევებისა და განვითარების ცენტრი  (CSRDG), კახეთის სამხარეო განვითარების ცენტრი / Kakheti Area Development Center-KADC, პროექტი „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“, Education Development and Employment Center (EDEC), თელავის განათლების, განვითარების და დასაქმების ცენტრი (TEDEC), პროექტი „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!) LEARN“, დასაქმების ხელშეწყობის სახელმწიფო სააგენტო  (SESA). სრულად... წყარო: ორგანიზაციის გვერდი სოციალურ ქსელში

სამეგრელო. 21 ივნისს, ზუგდიდში, „საერთაშორისო გამჭვირვალობა - საქართველოს“ წარმომადგენლებმა ტრენინგი ჩაატარეს თემაზე: „რუსული ეკონომიკური გავლენები საქართველოში - არსებული მითები და ღია მონაცემების საშუალებით სინამდვილის დადგენა“. „ტრენინგის მონაწილეები დეტალურად გაეცნენ ბიზნეს რეესტრის, სტატისტიკის ეროვნული სააგენტოს, ეროვნული ბანკის ღია მონაცემების ბაზებსა და სხვა ვებგვერდებს, რომელთა საშუალებითაც ისინი რუსეთზე ეკონომიკური დამოკიდებულების შესახებ გავრცელებული ინფორმაციის გადამოწმებას შეძლებენ“. ტრენინგი ჩატარდა წამყვანი საერთაშორისო ორგანიზაცია „საერთაშორისო მედიის მხარდაჭერის“ IMS (International Media Support) პროექტის ფარგლებში. სრულად... წყარო: ორგანიზაციის გვერდი სოციალურ ქსელში

იმერეთი. სოციალური სამართლიანობის ცენტრი გთავაზობთ ვიდეოს, სადაც საუბარი კიდევ ერთხელ შეეხება ჭიათურას და ამ რეგიონში მადნის მოპოვების შესახებ დისკუსიის განახლებას. რა მოხდა ითხვისში? როგორია ჭიათურაში მანგანუმის მოპოვების ისტორია, ბუნება და გეოგრაფია? როგორ ჩამოყალიბდა რეგიონში სოციალურად და ეკოლოგიურად უპასუხისმგებლო რეჟიმი? რა შეცვალა სპეციალური მმართველის დანიშვნამ და რა გამოსავალი არსებობს ამ მდგომარეობიდან? ორგანიზაცია მკვლევართან, გიორგი ცინცაძესთან ერთად პასუხებს გასცემს ამ კითხვებს. სრულად... წყარო: socialjustice.org.ge

კახეთი. საქართველოს სტრატეგიული კვლევებისა და განვითარების ცენტრის (CSRDG) ცნობით, 21 ივნისს, 12:00-დან 16:00 საათამდე, კახეთში, თელავის ვაჟა-ფშაველას სახელობის პროფესიულ სახელმწიფო დრამატულ თეატრში დასაქმების ფორუმი გაიმართება.                                      „დასაქმების ფორუმის მიზანია ახალგაზრდების, იძულებით გადაადგილებული, სამუშაო გამოცდილების არმქონე, ხანგძლივი პერიოდის განმავლობაში დაუსაქმებელი პირებისა და მოწყვლადი ჯგუფების დასაქმების ხელშეწყობა. ფორუმზე 35 მცირე, საშუალო და მსხვილი კომპანია წარადგენს 120–მდე ვაკანსიას, დასაქმებისა და სტაჟირებისათვის. დასაქმების ფორუმი ტარდება ევროკავშირის დაფინანსებით და მისი ორგანიზატორები არიან  საქართველოს სტრატეგიული კვლევების და განვითარების ცენტრი (CSRDG), კახეთის სამხარეო განვითარების ცენტრი  პროექტი „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“, Education Development and Employment Center (EDEC), თელავის განათლების, განვითარების და დასაქმების ცენტრი (TEDEC) პროექტი „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!) LEARN“, დასაქმების ხელშეწყობის სახელმწიფო სააგენტო (SESA)“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გიზიარებთ ეკატერინე წურწუმიას ბლოგპოსტს: ქალთა მიმართ ოჯახში ძალადობის პრევენციისათვის ეკონომიკური გაძლიერების მნიშვნელობაზე. „ძალადობისგან ქალების თავის დაღწევის გზებზე მსჯელობისას მაიამის უნივერსიტეტის სამართლის სკოლის პროფესორი დონა ქოკერი მის სტატიაში - “მსხვერპლი ქალებისთვის ძალაუფლების მინიჭება: კანონი, მატერიალური რესურსები და შავკანიანი ღარიბი ქალები” ავითარებს მოსაზრებას, რომ ოჯახში ძალადობის ნებისმიერი ინტერვენცია უნდა დაექვემდებაროს ე.წ. მატერიალური რესურსების ტესტს, რაც არ უნდა გავიგოთ პირდაპირი მნიშვნელობით როგორც ტესტი, არამედ შესაბამისი კანონებისა და პოლიტიკების ანალიზის მეთოდი, სადაც ოჯახში ძალადობის წინააღმდეგ მიმართულ კანონებსა თუ პოლიტიკებში ეკონომიკური ასპექტების ჩაშენება მოხდება, როგორიცაა, მაგალითად მიზნობრივი ბიუჯეტირება. ავტორი აღნიშნავს, რომ პრიორიტეტი უნდა მიენიჭოს ისეთ კანონებსა და პოლიტიკებს, რომლებიც გაზრდიან ქალებისთვის წვდომას მატერიალურ რესურსებზე. უფრო მეტიც, იმის გამო, რომ ქალების გარემოებები და მათი სოციო-ეკონომიკური მდგომარეობა განსხვავდება ერთმანეთისგან, სტანდარტის დადგენისას საზომი უნდა იყვნენ ყველაზე ღარიბი ქალები. სწორედ ქალთა ეკონომიკური უთანასწორობა ზღუდავს ქალებს იპოვონ გამოსავალი ოჯახური ძალადობიდან. ზოგადად ძალადობის მსხვერპლ ქალებს, როგორც ღარიბ ადამიანებს, როგორც წესი შეზღუდული აქვთ წვდომა სხვა დანარჩენ სიკეთეებზეც“. სრულად... წყარო: socialjustice.org.ge

გურია. ევროკავშირის მხარდაჭერით, 8 ივნისს, ოზურგეთში დასაქმების ფორუმი ჩატარდა. მისი მიზანი იყო ახალგაზრდებისთვის, იძულებით გადაადგილებული, სამუშაო გამოცდილების არმქონე, ხანგრძლივი პერიოდის განმავლობაში უმუშევარი პირებისა და სხვა მოწყვლადი ჯგუფების დასაქმების ხელშეწყობა. ამასთანავე, ფორუმის ამოცანა იყო იმის გააზრება, თუ რა მნიშვნელობა აქვს სექტორთა შორის თანამშრომლობას დასაქმების შესაძლებლობების გაუმჯობესებისთვის საქართველოს რეგიონებში. დასაქმების ფორუმი გაიმართა ევროკავშირის დაფინანსებით და მისი ორგანიზატორები გახლდნენ ინოვაციებისა და ცვლილებების ინსტიტუტი (ICI), პროექტი „უნარები დასაქმებისა და თანამშრომლობისთვის – პერსპექტივები საქართველოს რეგიონებისთვის/SECTORs“; განათლების განვითარების და დასაქმების ცენტრი (EDEC) პროექტი „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!) LEARN“; საქართველოს გაეროს ასოციაცია (UNAG) პროექტი „ცოდნისა და უნარების განვითარების ქსელებისა და პლატფორმების გაძლიერება/LINKS”; დასაქმების ხელშეწყობის სახელმწიფო სააგენტო (SESA). სრულად...  წყარო: eu4georgia.eu

სამცხე-ჯავახეთი. 8 ივნისს, ახალციხის მუნიციპალიტეტის სოფელ სვირში, „ფონდი ტასოს“ გუნდის წევრებმა, ჩაატარეს ტრენინგი თემაზე „თვითმმართველობა - არსი, სტრუქტურა და კომპეტენციები“. ტრენინგის მიზანი იყო სოფელ ბოგაში და სვირში, ახალი ქალთა თვითდახმარების ჯგუფებისთვის, თვითმმართველობის - არსის, სტრუქტურისა და კომპეტენციების შესახებ, ცნობიერების გაზრდა. პროექტი ხორციელდება გაეროს ქალთა ორგანიზაციასთან, კახეთის რეგიონალური განვითარების ფონდსა და ქეა საერთაშორისო კავკასიაში პარტნიორობით. პროექტის მხარდამჭერია შვეიცარიის განვითარების და თანამშრომლობისა (SDC) და ავსტრიის განვითარების თანამშრომლობის (ADC) სააგენტოების მიერ. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირის პროექტის ფარგლებში, საქართველოს სტრატეგიული კვლევებისა და განვითარების ცენტრმა დაიწყო რეგისტრაცია (CSRDG) რიგით მესამე B2B გამოფენაზე სოციალური საწარმოებისათვის. გამოფენის მიზანია სოციალურ საწარმოებსა და ბიზნეს კომპანიებს, ასევე სხვადასხვა სექტორს შორის საქმიანი ურთიერთობების გაღრმავება, სოციალური მეწარმეობის პოპულარიზაცია და სოციალური საწარმოების განვითარების ხელშეწყობა საქართველოში. თუ გინდათ: დაესწროთ მასტერკლასებს ან იმუშაოთ ინდივიდუალურად ბიზნესმენტორებთან ბიზნეს შეთავაზებების მაღალ დონეზე მოსამზადებლად? მონაწილეობა მიიღოთ B2B გამოფენაში და საშემოდგომო მარკეტში თქვენი გაყიდვების გასაზრდელად? გააკეთეთ განაცხადი 2022 წლის 10 ივნისამდე… სრულად... წყარო: ევროკავშირის გვერდი სოციალურ ქსელში

გურია. საქართველოს გაეროს ასოციაციის ცნობით, 8 ივნისს, 10:30-დან 14:00 საათამდე, გურიაში, ოზურგეთის ფოლკლორის ცენტრში გაიმართება -  დასაქმების ფორუმი ოზურგეთში. ფორუმის მიზანია ხელი შეუწყოს ახალგაზრდების, იძულებით გადაადგილებული პირების, სამუშაო გამოცდილების არმქონე, ხანგრძლივი პერიოდის განმავლობაში უმუშევარ პირებისა და სხვა მოწყვლადი ჯგუფების დასაქმებას. დასაქმების ფორუმი ტარდება ევროკავშირის დაფინანსებით და მისი ორგანიზატორები არიან ინოვაციებისა და ცვლილებების ინსტიტუტი (ICI) Institute for Change and Innovation • ინოვაციების და ცვლილებების ინსტიტუტი, პროექტი „უნარები დასაქმებისა და თანამშრომლობისთვის - პერსპექტივები საქართველოს რეგიონებისთვის (SECTORs)“,  განათლების განვითარების და დასაქმების ცენტრი (EDEC) Education Development and Employment Center პროექტი „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!) LEARN“; საქართველოს გაეროს ასოციაცია (UNAG) UNA Georgia პროექტი „ცოდნისა და უნარების განვითარების ქსელებისა და პლატფორმების გაძლიერება (LINKS)”; დასაქმების ხელშეწყობის სახელმწიფო სააგენტო (SESA) დასაქმების ხელშეწყობის სახელმწიფო სააგენტო. თუ ხართ სამუშაოს მაძიებელი და გსურთ ფორუმში მონაწილეობა გაიარეთ რეგისტრაცია ბმულზე... წყარო: ორგანიზაციის გვერდი სოციალურ ქსელში

შიდა ქართლი. ევროკავშირის ელჩი კარლ ჰარცელი გორს ესტუმრა ევროკავშირის მხარდაჭერით კავკასიის გარემოსდაცვითი არასამთავრობო ორგანიზაციათა ქსელის (CENN) მიერ გორში განხორციელებული მწვანე ინიციატივების სანახავად. ელჩი ინოვაციური ცოდნის ჰაბში ახალგაზრდა აქტივისტებს შეხვდა და სოციალურ კამპანიებსა და გორში დაგეგმილ მწვანე ეკონომიკურ ინიციატივებზე ისაუბრეს. ელჩი, ასევე, ეწვია სამკერვალო სოციალურ საწარმო „ლიდერს“, რომელიც ერთ-ერთი პირველია რეგიონში, რომელმაც ქსოვილების ნარჩენების გადამუშავების სტრატეგია შეიმუშავა. იხილეთ ფოტოები და გაიგეთ მეტი... წყარო: www.eeas.europa.eu