თბილისი. საქართველოში, ისევე როგორც მსოფლიოს ბევრ ქვეყანაში, სოციალური მეწარმეობის იდეას თანდათან მეტი მხარდაჭერა აქვს. მისი როლი სოციალურად მოწყვლადი ჯგუფების ყოველდღიურობაში თანდათანობით გაიზარდა და ამ თემის გარშემო მეტი საზოგადოებრივი კონსოლიდაციაც გაჩნდა, თუმცა ადგილობრივ კონტექსტში საკითხს კვლავაც არ აქვს ფართომასშტაბიანი საჯარო აღიარება და საზოგადოებრივი მხარდაჭერა, რისი ერთ-ერთი განმაპირობებელიც საქართველოში სოციალური მეწარმეობის სექტორის სახელმწიფო დონეზე საკანონმდებლო და პოლიტიკური აუღიარებლობაა. დოკუმენტის მიზანია სამაგიდო კვლევის საფუძველზე, საქართველოში სოციალური მეწარმეობის მცირეხნიანი წარსულისა და სამართლებრივი აღიარების არარსებობის ფონზე, მიმოიხილოს მსოფლიოს სხვადასხვა ქვეყანაში სოციალური მეწარმეობის მიმართულებით არსებული სახელმწიფო პოლიტიკა და ის სამართლებრივი ლანდშაფტი, რომელშიც სოციალური საწარმოები მუშაობენ. კვლევის ფარგლებში სხვა ქვეყნების გამოცდილებისა და საკანონმდებლო ჩარჩოების შეფასების მიზანია, იმ ძირითადი ინსტრუმენტების გამოკვეთა და იმ პოლიტიკის ჩარჩოს დასახვა, რომლის საქართველოში დანერგვაც ხელს შეუწყობს სოციალური მეწარმეობის სფეროს განვითარებას. კვლევა...

თბილისი. გაეცანით ინფორმაციის თავისუფლების განვითარების ინსტიტუტის (IDFI) კვლევას „რუსული კაპიტალი ქართულ ბიზნესში“. „რუსეთ-უკრაინის კონფლიქტის ფონზე, მნიშვნელოვანია, მოსახლეობა ინფორმირებული იყოს თუ რამდენად მოწყვლადია ქართული ბიზნესი რუსული გავლენების მიმართ. კვლევის ფარგლებში გამოვლინდა, რომ საქართველოში რუსული მსხვილი კომპანიები წარმოდგენილნი არიან კავშირგაბმულობის, ბუნებრივი რესურსების, საბანკო სექტორსა და მობილური ოპერატორების სფეროებში. კვლევა განხორციელდა ამერიკის შეერთებული შტატების საერთაშორისო განვითარების სააგენტოს (#USAID) და Zinc Network-ის დახმარებით“. სრულად... წყარო: idfi.ge

თბილისი. „საერთაშორისო გამჭვირვალობა - საქართველომ“ რუსეთზე საქართველოს ეკონომიკური დამოკიდებულების საკითხები შეისწავლა. „2020 წელს პანდემიამ საქართველოს რუსეთზე ეკონომიკური დამოკიდებულება შეამცირა. 2021 წელს იგი კვალავ გაიზარდა, თუმცა 2019 წლის დონემდე ჯერ მაინც არ მიუღწევია. 2020 წელს საქართველომ რუსეთში ექსპორტით, ტურიზმით და ფულადი გზავნილებით დაახლოებით 900 მლნ აშშ დოლარის შემოსავალი მიიღო (საქართველოს ნომინალური მშპ-ს 5.7%), 2021 წელს კი — 1.3 მლრდ აშშ დოლარამდე (მშპ-ის 6.7%). 2019 წელს აღნიშნული მაჩვენებლები 1.6 მლრდ დოლარი და მშპ-ის 9% იყო. რუსეთზე მაღალი ეკონომიკური დამოკიდებულება საფრთხის შემცველი მხოლოდ იმიტომ არ არის, რომ ისევე როგორც წინა წლებში, რუსეთმა შესაძლოა გარკვეული შეზღუდვები დაგვიწესოს და ამით ეკონომიკური ზიანი მიაყენოს საქართველოს, აღნიშნული ზიანის თავიდან ასაცილებლად კი პოლიტიკური ფასის გადახდა მოითხოვოს. უკრაინაზე განხორციელებული აგრესიის გამო რუსეთის მიმართ დასავლეთის ქვეყნებმა მკაცრი ეკონომიკური სანქციები დააწესეს, რაც ბუნებრივად შეამცირებს საქართველოს შემოსავლებს რუსეთიდან და მნიშვნელოვანი უარყოფითი გავლენა ექნება საქართველოს ეკონომიკურ ზრდაზე, ლარის გაცვლით კურსზე და სეგმენტურ ბაზრებზე, მაგალითად ღვინის ექსპორტზე და ხორბლის იმპორტზე“. სრულად... წყარო: transparency.ge

თბილისი. საქართველოს პრო ბონო ქსელი 2015 წელს დაარსდა. ის საქართველოში მოქმედი იმ კომპანიების არაფორმალური გაერთიანებაა, რომლებიც საკუთარ ექსპერტიზასა და პროფესიულ რესურსს საზოგადოების საკეთილდღეოდ იყენებენ. პრო ბონო ქსელში 22 კომპანიაა გაწევრიანებული. ქსელი „საქართველოს სტრატეგიული კვლევებისა და განვითარების ცენტრის“ ინიციატივით დაარსდა და CSRDG მას შემდეგ საქმიანობის საექსპერტო და ადმინისტრაციულ მხარდაჭერას კოორდინირებს. პრო ბონო საქმიანობას მხარს უჭერს ევროკავშირი და კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს საქართველოს 20201 წლის ეკონომიკური ზრდის მიმოხილვის შესახებ. „2021 წელს, საქართველოს ეკონომიკამ 3%-ით გადააჭარბა 2019 წლის დონეს, საგარეო ვალის მნიშვნელოვანი ზრდის და მაღალი ინფლაციის ფონზე. 2020 წელს, კოვიდ პანდემიამ ეკონომიკურ ზრდაზე უარყოფითად იმოქმედა, როგორც საქართველოში, ასევე სხვა ქვეყნებში. მიუხედავად იმისა,რომ 2020 წელს საქართველოს ეკონომიკური ზრდა -6.8% იყო, მთლიანი შიდა პროდუქტი 2021 წელს, 2019 წელთან შედარებით 3%-ით გაიზარდა. ბოლო ორი წლის განმავლობაში საგარეო ვალი 10.5 მლრდ. ლარით გაიზარდა (+50%). ჯამური ინფლაციამ 15%-ს გადააჭარბა ანალოგიურ პერიოდში. საქართველოს ეკონომიკა მოსალოდნელია 6%-მდე გაიზარდოს 2022 წელს“. სრულად... წყარო: idfi.ge

თბილისი. გაეროს განვითარების პროგრამამ და საქართველოს ბანკმა ხელი მოაწერეს შეთანხმებას მეწარმე ქალების ხელშეწყობის შესახებ. „ამ თანამშრომლობის ფარგლებში, ჩვენ უპრეცედენტო დახმარებას გავუწევთ ორასამდე მეწარმე ქალს“. სრულად... წყარო: www.ge.undp.org

იმერეთი. სოციალური სამართლიანობის ცენტრი გთავაზობთ ვიდეოს ნამოხვანიდან. „აქ მოისმენთ ჩართული მხარეების მოსაზრებებს ნამახვანი ჰესის მედიაციის პროცესის შესახებ. კიდევ ერთხელ შეგახსენებთ პროტესტის შინაარსს და შევეხებით პროცესისთვის ამ ეტაპზე ყველაზე მნიშვნელოვან საკითხებს“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი ორგანიზაციის მიერ ჩატარებული კვლევის, „საქართველოს მუსლიმი ქალების ყოფა და მათი ჩაგვრის მრავალშრიანი აღწერა", მეორე თავს აქვეყნებს. „დოკუმენტში შეჯამებულია მარნეულის მუნიციპალიტეტსა და მაღალმთიან აჭარაში გამოკითხული რესპონდენტების დასაქმების, შინ შრომის, სოფლის მეურნეობაში მუშაობის ყოველდღიურობა და სირთულეები. დოკუმენტი ასევე ეხება ოჯახების ეკონომიკურ სირთულეებს, სოფლად მცხოვრები ქალების დასაქმების პერსპექტივებს, ვალისა და კრედიტის აღების მიზეზებს, ქალების მძიმე შრომას და სხვა საკითხებს“. სრულად... წყარო: socialjustice.org.ge

კახეთი. 28 იანვარს თელავის განათლების განვითარების და დასაქმების ცენტრმა (TEDEC), განათლების განვითარების და დასაქმების ცენტრთან (EDEC) ერთად, დასაქმების მხარდამჭერი სერვისების განვითარების თემაზე, თელავში, მრგვალი მაგიდა გამართა. შეხვედრა ევროკავშირის მიერ დაფინანსებული პროექტის „ისწავლე დასაქმებისთვის“ ფარგლებში ჩატარდა. გაიგეთ მეტი... წყარო: edec.ge

თბილისი. გაეროს ქალთა ფონდი აქვეყნებს კვლევას: ქალთა გაძლიერების პრინციპების (WEPs) ზეგავლენა ბიზნესზე საქართველოში. „კვლევაში გაანალიზებულია საბაზისო მონაცემები და გაანალიზებულია საქართველოში WEPs-ის ხელმომწერი კომპანიების მიერ გენდერული თანასწორობისა და ქალთა გაძლიერების მიმართულებით 2017-2020 წლებში ჩატარებული სამუშაო“. სრულად... წყარო: ორგანიზაციის გვერდი სოციალურ ქსელში

თბილისი. აშშ-ის საერთაშორისო განვითარების სააგენტო საქართველოში (USAID Georgia) აგრძელებს ქართველი ოსტატების მხარდაჭერას, რომ უფრო მაღალი შემოსავლები მიიღონ და თავიანთი პროდუქცია საერთაშორისო ბაზრებზე გაიტანონ. „2020 წელს 120 ოსტატს ხელი შევუწყვეთ აშშ-ში დაფუძნებულ ელექტრონული კომერციის ვებსაიტ ETSY-ზე საკუთარი ბიზნესის დარეგისტრირებაში. ოსტატებს მარკეტინგული მხარდაჭერაც გაუწიეთ, რათა დავხმარებოდით საერთაშორისო მომხმარებლებთან თავიანთი პროდუქციის პოპულარიზაციაში. 2021 წლის განმავლობაში ამ ოტატების მიერ მიღებულმა მთლიანმა შემოსავალმა $110,000 შეადგინა“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ფონდი აქვეყნებს ქეთი წილოსანის გამოსვლის ვიდეოს, რომელიც პეჩაკუჩას ღონისძიებაზეა ჩაწერილი. ქეთი საუბრობს, მის მიერ დაარსებულ კაფეზე, რომელიც ლანჩხუთში თავშეყრის ერთადერთი ადგილია. სრულად... წყარო: ორგანიზაციის გვერდი სოციალურ ქსელში

იმერეთი. წყალტუბოს განვითარების ჯგუფის ინფორმაციით, ქალაქ წყალტუბოში პირველი არტიზანული საცხობი გაიხსნა. „ტრადიციული ქართული ხორბლისაგან დამზადებული პურითა და ფუნთუშეულით, გემრიელი ყავითა და ჩაით სალომე ჩხეიძე ამიერიდან „ჩელტაში“ მისამართზე - 9 აპრილის ქ. 13ბ, გაგიმასპინძლდებათ.  პროექტი მხარდაჭერილია ევროკავშირისა და ჩეხეთის განვითარების სააგენტოს მიერ, LAG წყალტუბოს საგრანტო კონკურსის მეორე რაუნდის ფარგლებში“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირის დაფინანსებით საქართველოში პირველი სოციალური მეწარმეობის პროფესიული სკოლა-სახელოსნო გაიხსნა. „იმ ფონზე, რომ სოციალური მეწარმეობა საქართველოში ახლა ვითარდება, მეწარმეობის სკოლის გახსნა კიდევ უფრო მეტ მნიშვნელობას იძენს. პროექტის მიზანია, პრაქტიკაზე დაფუძნებული ცოდნით, 18-დან 29 წლამდე ასაკის ბენეფიციარებმა, თბილისიდან, კახეთიდან და შიდა ქართლიდან, მომავალი პროფესიული განვითარებისთვის საჭირო უნარები მიიღონ და დასაქმების მეტი შესაძლებლობა გაუჩნდეთ“. სრულად... წყარო: eu4georgia.eu

თბილისი. სოციალური სამართლიანობის ცენტრის მწვანე პოლიტიკის მკვლევარი, გიორგი ცინცაძე ცდილობს, კვლევის ავტორთან, ალექსანდრა აროშვილთან ერთად, ცდილობს პასუხი გასცეს კითხვებს: როგორია ტყიბულში ქალთა ცხოვრება და რა ძირითადი გამოწვევები და საჭიროებები აქვთ მათ. წყარო: socialjustice.org.ge

თბილისი. ევროკავშირის ცნობით, ამოქმედდა Helpdesk-ი - აღმოსავლეთ პარტნიორობის სავაჭრო პლატფორმა. „ეს არის ახალი ინსტრუმენტი, რომელიც დაეხმარება მცირე და საშუალო ბიზნესს საქართველოში აღმოაჩინონ ახალი შესაძლებლობები, პოტენციური პარტნიორები და გაეცნონ საჭირო მოთხოვნებსა და პროცედურებს“. გაიგეთ მეტი... წყარო: eeas.europa.eu

თბილისი. 14 დეკემბერს სოციალური სამართლიანობის ცენტრმა ორი კვლევის პრეზენტაცია გამართა: „ტყიბულელ ქალთა ცხოვრების, შრომისა და მიგრაციის თავისებურებები“, „ექსტრაქტივიზმი და ქალთა ეკონომიკური მონაწილეობა ტყიბულში“. ლაივი... „კვლევების მიხედვით, ტყიბულელი ქალები სიღარიბის გამო ტოვებენ სახლებს და სამუშაოდ სხვა ქალაქებსა და ქვეყნებში მიემგზავრებიან, რის გამოც ირღვევა სოციალური ქსოვილი“. წყარო: ორგანიზაციის გვერდი სოციალურ ქსელში

თბილისი. გაეცანით ახალ რესურსს - მიიღეთ ინფორმაცია აღმოსავლეთი სამიტის სპეციალური ვებგვერდიდან. გაიგეთ, თანამშრომლობს ევროკავშირი საქართველოსთან, როგორია უკვე მიღწეული შედეგები და რას უნდა ველოდოთ მომავალში. ვიდეო... წყარო: euneighbourseast.eu

გურია. ახალგაზრდა პედაგოგთა კავშირის ინფორმაციით, ჩოხატაურისა და ოზურგეთის სწავლებისა და დასაქმების ხელშეწყობის ცენტრის მონაწილეებისთვის სამუშაოს მოძიების უნარების კურსის ბოლო, მე-4 მოდული ჩატარდა. სრულად... წყარო: ორგანიზაციის გვერდი სოციალურ ქსელში

თბილისი. ასოციაცია „ანიკა“ „მხარდაჭერითი დასაქმებისა და კეთილდღეობის პროგრამას შეზღუდული შესაძლებლობის მქონე პირთათვის“ 2017 წლიდან ახორციელებს. „დასაქმების მიმართულების მიზანია მონაწილეთა დასაქმების ბაზრისთვის მომზადება დასაქმებისათვის საჭირო უნარების განვითარების გზით. მათი დახმარება გრძელვადიანი და ანაზღაურებადი სამუშაოს ძიებაში. თუ გსურთ ისარგებლოთ ამ შესაძლებლობით შეავსეთ პროგრამაში ჩართვის შესაბამისი ფორმა... სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ თამარ ქებურიას ანალიტიკურ დოკუმენტს: „არაფორმალობა პანდემიამდე და პანდემიის შემდეგ“. „ნაშრომის მიზანია, 2020 წლის პერიოდში გატარებულ იმ ანტიკრიზისულ და სოციალური პოლიტიკაზე დაკვირვებით, რომელიც სახელმწიფომ პანდემიით დაზარალებულთათვის, კერძოდ კი, არაფორმალურად დასაქმებულთა მხარდასაჭერად შეიმუშავა, გაანალიზოს ის, თუ როგორ ხედავდა და როგორ მიემართებოდა სახელმწიფო სტრუქტურები არაფორმალურ დასაქმებას პანდემიამდე, როგორ შეცვალა პანდემიამ ეს ხედვა და სამომავლოდ რა შესაძლებლობები არსებობს საიმისოდ, რომ არაფორმალურად დასაქმებულთა მიმართ სახელმწიფო პოლიტიკა გარდაიქმნას“. წყარო: socialjustice.org.ge

გურია. სოფელ ლაითურის მოსახლეობას გაეროს მუდმივი კოორდინატორი საქართველოში საბინე მახლი, გაეროს ქალთა ორგანიზაციის წარმომადგენელი საქართველოში კაორი იშიკავა და მწერალი ეკატერინე ტოგონიძე ესტუმრნენ. „გაეროს ქალთა ორგანიზაციისა და ნორვეგიის მთავრობის მხარდაჭერით, 2018 წლიდან ადგილობრივმა ქალებმა ლაითურში პირველი საცხობი, კაფე და სოკოების საწარმო გახსნეს და სოფელს ახალი სიცოცხლე შესძინეს. ახლა მათ უკვე ადგილობრივი არასამთავრობო ორგანიზაცია აქვთ და თემის საკეთილდღეოდ არაერთი ინიციატივის განხორციელებას აპირებენ. ინიციატივა განხორციელდა გაეროს ერთობლივი პროგრამის „გენდერული თანასწორობისთვის საქართველოში“ ფარგლებში შვედეთის მთავრობის დაფინანსებით. სრულად... წყარო: ორგანიზაციის გვერდი სოციალურ ქსელში