თბილისი.კივიტასი სკოლამდელ განათლებაზე ახალ პროექტს იწყებს. სკოლამდელ განათლებაზე საუბრების პირველი ჩართვა კივიტასის ფეისბუქ გვერდზე შაბათს, 4 ნოემბერს, 4 საათზე გავა. სკოლამდელ განათლებაზე საუბრები კივიტასის ახალი პროექტის "სკოლამდელი განათლების მუნიციპალური სერვისის მონაწილეობითი მონიტორინგის" ფარგლებში ევროპის ფონდის დაფინანსებით, დანიის საერთაშორისო განვითარების სააგენტოს გრანტის ფარგლებში ხორციელდება. სრულად... წყარო: კავიტასი

აჭარა.პროექტი „ახალგაზრდები დღეს“ დაიწყო. აქტივობა განათლების განვითარების და დასაქმების ცენტრის მხარდაჭერით ხორციელდება, რომლის მიზანია აჭარის რეგიონში მცხოვრები ახალგაზრდების შრომითი გარემოს და შრომის უნარიანობის გაუმჯობესების ხელშეწყობა. პროექტში ჩართულმა ახალგაზრდებმა "პროფესიული თვითგამორკვევის" ტრენინგი გაიარეს. პროექტს „სამოქალაქო საზოგადოების ინიციატივა“ ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ახალგაზრდები საზოგადოებრივი ინტერესებისთვის

თბილისი.29 ოქტომბერს საგანმანათლებლო-საკონსულტაციო ორგანიზაცია Edu-Guide.Ge  „განათლების საერთაშორისო გამოფენა თბილისი 2023“ გამართავს. ღონისძიება სასტუმრო Courtyard Marriott-ში  გაიმართება. სრულად... წყარო: Edu-Guide.Ge, British Council Georgia

სამეგრელო. „ათინათის" ახალგაზრდული ცენტრის წევრებისთვის ტრენინგი თემაზე „მშვიდობა, გენდერი და მრავალფეროვნება" ჩატარდა. ტრენინგი ჩატარდა USAID პროგრამა "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სრულად... წყარო: ათინათი

ქვემო ქართლი. კავკასიის გარემოსდაცვითი არასამთავრობო ორგანიზაციების ქსელმა (CENN) შვეიცარიული ორგანიზაცია HEKS/EPER-ის ფინანსური მხარდაჭერით, ახალგაზრდებისათვის გარემოს დაცვისა და კლიმატის ცვლილებების მიმართ მედეგი სოფლის მეურნეობის თემატურ ბანაკს უმასპინძლა.  ბანაკი გაიმართა პროექტის – „კლიმატის ცვლილების მიმართ მედეგი სოფლის მეურნეობა – PRAISE Marneuli” ფარგლებში. ბანაკში მონაწილეობდნენ მარნეულის მუნიციპალიტეტში მცხოვრებმა 15 ახალგაზრდა. მათ გაიღრმავა ცოდნა სასურსათო სისტემების, სოფლის განვითარებისა, სოფლის მეურნეობის კლიმატის ცვლილების შესახებ.  სრულად... წყარო: კავკასიის გარემოსდაცვითი არასამთავრობო ორგანიზაციების ქსელი

თბილისი. DataFest Tbilisi 2023– ის ფარგლებში რამდენიმე ჰაკათონი გაიმართება. იგი აღმოსავლეთ ევროპასა და ცენტრალურ აზიაში ყველაზე მასშტაბური ფესტივალია მონაცემების, ტექნოლოგიებისა და კომუნიკაციების შესახებ. ფესტივალი 2017 წლიდან დღემდე 80–მდე ქვეყნიდან 4 ათასამდე მონაწილეს, 200–ზე მეტ ვორქშოფსა და სპიკერს მასპინძლობდა. მათ შორის ისეთი კომპანიებიდან როგორიცაა: Google, Meta, და Amazon. წლევანდელი ფესტივალი, რომლის ორგანიზატორია „ფორსეტი“, 9-11 ნოემბერს ჩატარდება. დეტალური ინფორმაცია ფესტივალის შესახებ: https://www.datafest.ge/. ფესტივალი სამ ჰაკათონს მასპინძლობს:  . დემტექი; . გენდერული მონაცემების ვიზუალიზაციის ჰაკათონი; . ჰაკათონი ციფრულ სივრცეში სიძულვილის ენასთან ბრძოლის შესახებ; სამ ჰაკათონში მონაწილეს შესაძლებლობა ეძლევა სტიპენდია მიიღოს.  მონაწილეობის მიღება შეუძლიათ მკვლევრებს, ვებ და გრაფიკულ დიზაინერებს, დეველოპერებს, მონაცემთა მეცნიერებს, ჟურნალისტებს, კომუნიკაციების სპეციალისტებს, მარკეტოლოგებს, არტისტებს, არასამთავრობო ორგანიზაციებს და ყველას, ვისაც აინტერესებს ტექნოლოგიების და მონაცემების ვიზუალიზაციის როლი დემოკრატიისა და ადამიანის უფლებების სფეროში. შერჩეული კანდიდატები შეძლებენ, უფასოდ დაესწრონ DataFest Tbilisi 2023-ს და გაივლიან მენტორობის კურსს, რომელსაც წარუძღვებიან ტექნოლოგიების, დემოკრატიის, ადამიანის უფლებების სფეროს ექსპერტები. მონაწილეებს თავიანთი პროექტების წარდგენა ფესტივალის დახურვით საღამოზე, ჟიურის წინაშე მოუწევთ.  ჰაკათონში გამარჯვებულებს გადაეცემათ ფულადი პრიზები, დემტეკის გამარჯვებული კი დამატებით, მონაწილეობას მიიღებს სტაჟირების პროგრამაში „the Democracy Tech Entrepreneur“ და გაემგზავრება კოპენჰაგენის დემოკრატიის სამიტზე, რომელიც 2024 წლის მაისშია დაგეგმილი. რას წარმოადგენს ჰაკათონები დემტექის შესახებ: ამ ჰაკათონში შერჩეულმა მონაწილეებმა უნდა შექმნან მონაცემთა ვიზუალიზაციის, ან ტექნოლოგიური პროექტები, შემდეგ საკითხებზე: . საარჩევნო პროცესებში მოქალაქეთა ჩართულობა ინტერაქციული მედიაპლატფორმების დახმარებით; . ამომრჩევლის ინფორმირება ციფრული რესურსების გამოყენებით; . ციფრულ სამყაროში დეზინფორმაციასთან და მისინფორმაციასთან ბრძოლა, სხვადასხვა ინსტრუმენტის დახმარებით. მონაწილეობის მისაღებად, 29 ოქტომბრამდე უნდა შეავსოთ აპლიკაცია: https://bit.ly/3tK0AJF ჰაკათონი გენდერულ საკითხებზე: ამ ჰაკათონში შერჩეულმა მონაწილეებმა უნდა შექმნან მონაცემთა ვიზუალიზაციის პროექტები, სხვადასხვა ფორმატით: ინფოგრაფიკა, ანიმაცია, ინტერაქციული ვიზუალიზაცია, თამაში და სხვა. მონაწილეები ვიზუალიზაციას UN Women-ის მიერ, ქალების აუნაზღაურებელ შრომაზე ჩატარებულ კვლევაზე დაყრდნობით შექმნიან. მონაწილეობის მისაღებად, 1 ნოემბრამდე უნდა შეავსოთ აპლიკაცია: https://bit.ly/3tCKtO8 ჰაკათონი სიძულვილის ენასთან ბრძოლის შესახებ: ეს ჰაკათონი კი ევროპის საბჭოსთან პარტნიორობით მოეწყობა და შერჩეულმა მონაწილეებმა უნდა შექმნან მონაცემთა ვიზუალიზაციის, ან ტექნოლოგიური პროექტები, რომლებიც შეეხება ციფრულ სამყაროში ქალთა მიმართ სიძულვილის ენის წინააღმდეგ ბრძოლას. (მაგ: ქვიზი, გიფი, ინფოგრაფიკა, ჩეტბოტი, მონიტორინგის და ანალიზის პლატფორმა და სხვა). მონაწილეობის მისაღებად, 1 ნოემბრამდე უნდა შეავსოთ აპლიკაცია: https://bit.ly/46YBZzr როგორც აღვნიშნეთ, ფესტივალის ორგანიზატორია „ფორსეტი“ – არასამთავრობო ორგანიზაციის, კრეატიული სააგენტოს, დიზაინის სტუდიისა და დეველოპერული კომპანიის უნიკალური ჰიბრიდი. ორგანიზაციის მიზანია სოციალურად მნიშვნელოვან თემებზე საზოგადოების ინფორმირებულობის გაზრდა მონაცემების, დიზაინისა და ახალი ტექნოლოგიების გამოყენებით. ფესტივალის მთავარი პარტნიორები არიან: საქართველოს ბანკი, ევროპის საბჭო, USAID-ის ინფორმაციის სანდოობის ხელშეწყობის პროგრამა. პარტნიორები არიან: საქართველოს ინოვაციებისა და ტექნოლოგიების სააგენტო, გრანთ თორნთონ საქართველო, Alliance of Democracies, National Endowment for Democracy. მხარდამჭერები არიან: making science sweeft, ოპტიო, ტერმინალი, სმარტ აკადემია, USAID-ის ეკონომიკური მმართველობის პროგრამა, askgov.ge და ღია მმართველობის პარტნიორობის პროგრამა. წყარო: ფორსეტი

თბილისი. კატასტროფების რისკის შემცირების საერთაშორისო დღეს, გაეროს განვითარების პროგრამის ახალგაზრდა კლიმატის ელჩები, ეკო-ლიდერები, აგრარული სკოლის მოსწავლეები და მწვანე სტიპენდიანტები ახალგაზრდულ ფორუმზე შეიკრიბნენ და გარემოსა და კლიმატის ცვლილების შესახებ ისაუბრეს.  ახალგაზრდებმა გარემოს დაცვისა და სოფლის მეურნეობის სფეროებში პროფესიული უნარების გაუმჯობესების, დეფიციტური პროფესიის მქონე ახალგაზრდებისთვის შესაძლებლობების შექმნისა და მწვანე ინოვაციური კვლევითი პროექტების აუცილებლობის შესახებ იმსჯელა.  ახალგაზრდული ფორუმის ორგანიზატორია გარემოსდაცვითი ინფორმაციისა და განათლების ცენტრი, ხოლო მხარდამჭერები გაეროს განვითარების პროგრამა, კლიმატის მწვანე ფონდი და საქართველოს, შვედეთისა და შვეიცარიის მთავრობები. სრულად... წყარო: გაეროს განვითარების პროგრამა 

სამცხე-ჯავახეთი. ევროპის ინტერკულტურული ფორუმის პროექტის „აღმოაჩინე კავკასია“ 2023-2023 წლის ფარგლებში ახალციხეში ჩასულმა მოხალისეებმა პირველი გაცნობითი შეხვედრა გამართეს.  მოხალისეების ინიციატივით, კვირაში ერთხელ, ინგლისური და გერმანული ენის სასაუბრო კურსები გაიმართება, რომელში მონაწილეობა, წლის განმავლობაში, ნებისმიერ ახალგაზრდას შეეძლება. ღონისძიებას USAID- ის პროგრამის ერთიანობა მრავალფეროვნებაშია ფარგლებში საქართველოს გაეროს ასოციაცია ახორციელებს. სრულად... წყარო: დემოკრატ მესხთა კავშირი 

გურია. ახალგაზრდა პედაგოგთა კავშირმა გამოაქვეყნა გზამკვლევი - „როგორ შევქმნათ მრავალფეროვანი გარემოს მართვის პოლიტიკა“.  გზამკვლევის მთავარი მიზანია, დაეხმაროს სასკოლო საზოგადოების წევრებს, შეაფასონ და გააანალიზონ, რამდენად ორიენტირებულია სასკოლო ცხოვრება, სასწავლო პროცესი თანაბრად ყველა მოსწავლეზე, ნათქვამია ორგანიზაციის ინფორმაციაში. მასზე დაყრდნობით 8 სკოლამ უკვე შეიმუშავა მრავალფეროვანი გარემოს მართვის პოლიტიკა. სრულად... წყარო: ახალგაზრდა პედაგოგთა კავშირი  

თბილისი.კონსულტაციისა და ტრენინგის ცენტრი, 20 ოქტომბერს, ონლაინ პრეზენტაციას გამართავს, რომელიც საჯარო სკოლების რეაბილიტაციის დელეგირებული უფლებამოსილების განხორციელების პრაქტიკას ეხება.  საჯარო სკოლების რეაბილიტაციის უფლებამოსილების დელეგირება 2019 წელს განხორციელდა და მოიცვა მუნიციპალიტეტების დიდი წილი. წარმოდგენილი კვლევა აღნიშნული კომპეტენციის დელეგირების შედეგებს და მისთვის დამახასიათებელ პრაქტიკებს შეისწავლის სამი მუნიციპალიტეტის მაგალითზე და მათ შედარებით ანალიზს წარმოადგენს. სრულად... წყარო: კონსულტაციისა და ტრენინგის ცენტრი

თბილისი. 5 ოქტომბერს გაიმართა მასწავლებელთა ეროვნული ჯილდო – 2023–ის დასკვნითი ღონისძიება. ჯილდოს მფლობელი გორის მე–8 საჯარო სკოლის ბიოლოგიის მენტორი მასწავლებელი ნინო ფსუტური გახდა. ორგანიზატორების ინფორმაციით, მასწავლებლის ეროვნული ჯილდოს კონკურსი 2017 წელს პირველად ჩატარდა. ჯილდოს კონკურსში შვიდი წლის განმავლობაში მონაწილეობა მიიღო 800-ზე მეტმა მასწავლებელმა, ხოლო წარდგენილი იყო 4 663 პედაგოგი. ეროვნული ჯილდოს ფინალურ ღონისძიებაზე, სამოქალაქო საზოგადოების ინსტიტუტის სამოქალაქო კამპანიის „ეს ქვეყანა შენიას“ ფარგლებში დაჯილდოვდა თბილისის ქაქუცა ჩოლოყაშვილის სახელობის #178 საჯარო სკოლის მასწავლებელი – თამარ ცანავა. სამოქალაქო კამპანიის „ეს ქვეყანა შენია“ მიმდინარეობს სამოქალაქო საზოგადოების ინიციატივის პროექტის ფარგლებში, რომლის მხარდამჭერია ევროკავშირი და კონრად ადენაუერის ფონდი.  კონკურსის გენერალური სპონსორია „გუდავაძე-პატარკაციშვილის ფონდი“, ოქროს სპონსორები არიან „ლიბერთი ბანკი“ და ილიას სახელმწიფო უნივერსიტეტი. სპონსორები არიან: EPAM Georgia, კონსულტაციისა და ტრენინგის ცენტრი (ctc) და ალტე უნივერსიტეტი, ხოლო ჯილდოს მხარდამჭერები არიან: განათლებისა და მეცნიერების სამინისტრო, მასწავლებელთა პროფესიული განვითარების ეროვნული ცენტრი, პირველი არხი|ტელესკოლა და ციფრული-კრეატიული სააგენტო „მავერიკი“. სრულად...

თბილისი. 5 ოქტომბერს მასწავლებელთა საერთაშორისო დღეა.  ევროკავშირის წარმომადგენლობა საქართველოში მასწავლებლების საერთაშორისო დღესთან დაკავშირებით მილოცვას ავრცელებს. „დღეს აღვნიშნავთ იმ როლს, რომელსაც მასწავლებლები უკეთესი სამყაროსკენ გზის გაკვალვაში ასრულებენ. მათ აქვთ სასიკეთო ცვლილებების გამოწვევის ძალა. ევროკავშირი კი, პარტნიორებთან ერთად, მასწავლებლებს აძლიერებს იმ უნარებით, რომლებიც მათ განათლების სფეროს ფორმირებასა და ინოვაციების დანერგვით მდგრადი მომავლის შექმნაში ეხმარება.“ სრულად... წყარო: ევროკავშირის წარმომადგენლობა საქართველოში  

აჭარა.თავისუფალ ჟურნალისტთა სახლი აჭარაში დამატებით 10 საჯარო სკოლასთან ითანამშრომლებს, რომლებიც კონკურსის წესით შეირჩა.  თანამშრომლობა პროექტის "დემოკრატიული ღირებულებების გაძლიერება სამოქალაქო ქსელის მეშვეობით აჭარაში“ ფარგლებში შედგება.  ათივე საჯარო სკოლის სამოქალაქო კლუბის წევრებისა და პედაგოგების მონაწილეობით, სხვადასხვა ღონისძიება განხორციელდება.  მათ შესახებ დეტალურ ინფორმაციას კი მომავალში გაგაცნობთ. პროექტის მხარდამჭერია ფონდი “ეროვნული წვლილი დემოკრატიისთვის”. სრულად... წყარო: თავისუფალ ჟურნალისტთა სახლი 

სამოქალაქო საზოგადოების ინსტიტუტის ონლაინ პლატფორმის – e-learning.ge კურსდამთავრებულები საზოგადოებას უზიარებენ რა გამოცდილება და ცოდნა მიიღეს სწავლებისას. მალვინა კონცელიძე ქედის მუნიციპალიტეტის მერიის საზოგადოებასთან ურთიერთობის სპეციალისტია, რომელმაც, სამოქალაქო საზოგადოების ინსტიტუტის, ონლაინ სასწავლო კურსი – მონაწილეობითი ბიუჯეტირება გაიარა. იგი ონლაინ სწავლებით კმაყოფილია და აღნიშნავს, რომ კურსის საშუალებით მიიღო როგორც თეორიული ცოდნა, ასევე გაეცნო პრაქტიკულ მაგალითებს მონაწილეობითი ბიუჯეტირების შესახებ. „საინტერესო ის არის, რომ მონაწილეობითი ბიუჯეტირება ერთ–ერთი საუკეთესო მეთოდია გადაწყვეტილების მიღების პროცესში მოქალაქეთა ჩართულობის გაზრდისთვის“ მალვინა მიღებული ცოდნის გამოყენებას, ქედის მუნიციპალიტეტის მერიის მიერ მონაწილეობითი ბიუჯეტირების პროგრამის განხორციელების დაწყებისთანავე გეგმავს. სამოქალაქო საზოგადოების ინსტიტუტის „მონაწილეობითი ბიუჯეტირების“ ონლაინ სასწავლო პროგრამა USAID–ის ადგილობრივი თვითმმართველობის პროგრამის მხარდაჭერით წარიმართა.

თბილისი. ტოლერანტობის და მრავალფეროვნების ინსტიტუტისა და ოსლოს უნივერსიტეტის ადამიანის უფლებათა ნორვეგიული ცენტრის ერთობლივი სასერთიფიკატო კურსი დაიწყო.  კურსის მოდული შედგება ოთხი ყოველკვირეული ონლაინ და დასკვნითი სრულდღიანი სემინარისგან (ფიზიკურ სივრცეში).  სემინარებს უძღვებიან TDI-ის, ოქსფორდის უნივერსიტეტისა და ოსლოს უნივერსიტეტის ადამიანის უფლებათა ნორვეგიული ცენტრის ექსპერტები.  ეს არის პირველი სასერტიფიკატო კურსი საქართველოში, რომელიც ფოკუსირებულია რელიგიისა და რწმენის თავისუფლებაზე. სრულად... წყარო: ტოლერანტობის და მრავალფეროვნების ინსტიტუტი

სამოქალაქო საზოგადოების ინსტიტუტის ონლაინ პლატფორმის – e-learning.ge კურსდამთავრებულები საზოგადოებას უზიარებენ რა გამოცდილება და ცოდნა მიიღეს სწავლებისას. მარიამ ანსიანი საზოგადოებრივ საქმეთა ინსტიტუტის (GIPA) სამართლის საბაკალავრო პროგრამის, ასევე ბერლინის სამართლისა და ეკონომიკის სკოლის (HWR Berlin) სტუდენტია. იგი ზემო სვანეთის ადგილობრივი განვითარების ჯგუფის (LAG) ახალგაზრდული გუნდის წევრია.  მარიამი მუნიციპალური ცენტრიდან მოშორებით მდებარე ერთ–ერთი თემიდანაა და შესაბამისად, მისთვის ნაცნობია ადგილობრივი მოსახლეობის, მოწყვლადი ჯგუფების საჭირობები, ამიტომ მის ინტერესის საგანს წარმოადგენს მუნიციპალური პრობლემების ადვოკატირება. შესაბაბმისად, ცდილობს ამ მიმართულებით რესურსების მოძიებასა და ცოდნის გაღრმავებას, აინტერესებს სიახლეები თუ როგორ შეიძლება ჩაერთოს მოქალაქე ადგილობრივ დონეზე გადაწყვეტილების მიღების პროცეში და გახდეს პოლიტიკის თანაშემქნელი.  ადგილობრივი თვითმმართველობის გახსორციელებისთვის უმნიშვნელოვანესია ბიუჯეტის პრიორიტეტების სწორად დაგეგმვა, შემუშავება, დამტკიცება და შემდგო მონიტორინგი. ამიტომ მარიამმა გადაწყვიტა მონაწილეობითი ბიუჯეტირების სასწავლო კურსი გაევლო, რათა პრაქტიკული ცოდნა მიეღო ბიუჯეტის ფორმირების ეტაპებზე და პროცესში მოქალაქეთა მონაწილეობის დამატებით მექანიზმებზე.  „ვფიქრობ, სწორ დროს სწორ ადგილას აღმოვჩნდი და მივიღე პრაქტიკული ცოდნა ადგილობრივი განვითარების, განსაკუთრებით ბიუჯეტირების პროცესში მოქალაქეთა მონაწილეობის მექანიზმებზე“, ამბობს მარიამი.  იგი არ მალავს, რომ კურსის დაწყებამდე ონლაინ სწავლების მიმართ სკეპტიკურად იყო განწყობილი და თვლის, რომ ონლაინ სასწავლო კურსების სიმრავლე მათ ხარისხს არ განაპირობებს. „ეს არ ეხება სამოქალაქო საზოგადოების ინსტიტუტის სასწავლო კურსს“, აღნიშნავს მარიამი და დასძენს, რომ კურსი „კარგად იყო ორგანიზებული, სასწავლო გეგმა კარგად გაწერილი, შეფასების სისტემა სამართლიანი და გამჭვირვალე და რაც ყველაზე მნიშვნელოვანია, მონაწილეზეა მორგებული სწავლების განრიგი, რაც იმას ნიშნავს, რომ სალექციო კურსის მოსმენა ყველგან და ყოველვთვის შეგიძლია“.  მარიამი ამბობს, რომ კურსი და მიღებული ცოდნა, შესაძლოა, მისთვის არაერთი პროექტის წამოწყების ინსპირაციის საგანი გახდეს მომავალში. ამ ეტაპზე სწავლას გერმანიაში აგრძელებს და ონლაინ კურსზე მიღებული ცოდნის პრაქტიკაში გამოყენების შესაძლებლობა ჯერჯერობით არ მიეცა, თუმცა მიღებული ცოდნის გამრავალფეროვნებასა და გავრცობას გეგმავს, სანამ მათ პრაქტიკაში გამოყენებას დაიწყებს.  სამოქალაქო საზოგადოების ინსტიტუტის „მონაწილეობითი ბიუჯეტირების“ ონლაინ სასწავლო პროგრამა USAID–ისადგილობრივი თვითმმართველობის პროგრამა-ის მხარდაჭერით წარიმართა.

იმერეთი. ევროპის იურისტ სტუდენტთა ასოციაცია – ქუთაისი 2023 წლის 9 ოქტომბერს გამართავს საჯარო ლექციას „შრომითი დავები დისკრიმინაციის ნიშნით.“  პროექტის მიზანია:  სტუდენტებში ცნობიერების ამაღლება  დასაქმებულის და დამსაქმებლის უფლებების გაცნობა  დისკრიმინაციის აკრძალვის პრინციპების დახასიათება  სასამართლო პრაქტიკის გაზიარება სტუდენტებისთვის სრულად... წყარო: ევროპის იურისტ სტუდენტთა ასოციაცია – ქუთაისი  

თბილისი. სოციალური სამართლიანობის ცენტრი სტატიას ავრცელებს, რომელიც ოკუპირებულ ტერიტორიებზე ხარისხიან განათლებაზე ხელმისაწვდომობას ეხება.  „სტატიაში გაანალიზებულია ხარისხიან განათლებაზე ხელმისაწვდომობის ბარიერები საქართველოს ცენტრალურიხელისუფლების კონტროლს მიღმა დარჩენილ ამ ორ რეგიონში.  ასევე, წარმოდგენილია და გაანალიზებულია ის შესაძლებლობები და რესურსები, რასაც საქართველოს ხელისუფლება სთავაზობს, ან უნდა სთავაზობდეს ამ ორ რეგიონში მცხოვრებ მოსახლეობას განათლების უფლების სრულყოფილად და ხარისხიანად განხორციელებისთვის.“ სრულად... წყარო: სოციალური სამართლიანობის ცენტრი

ბათუმი.თავისუფალ ჟურნალისტთა სახლი ინფორმაციას ავრცელებს.  „ბათუმის ახალგაზრდულ ცენტრში სიახლე გვაქვს!  ვიწყებთ ინგლისური ენის 4-თვიანი კურსს, რომელიც ითვალისწინებს 60 საათიან ინსტრუქტაჟს პროფესიულ ინგლისურში. კურსი ორიენტირებულია ბიზნეს ინგლისურის შესწავლაზე. ქვედა ასაკობრივი ზღვარი 15 წელია და მიიღებიან 15-29 წლის ახალგაზრდები.„ სრულად... წყარო: თავისუფალ ჟურნალისტთა სახლი 

თბილისი.კონსულტაციისა და ტრენინგის ცენტრის (ctc) სკოლა–ლაბის პროგრამის გამართული საგრანტო კონკურსში გამარჯვებულები გამოავლინა: ასოციაცია „ბიო“. ასოციაცია „მშობელთა ხიდი“. საქართველოს პროფესიონალ ქიმიკოსთა ასოციაცია. საქართველოს სახელმწიფო ენის მასწავლებელთა ასოციააცია. ფონდი „დიოგენე“. გამარჯვებული პროექტები გააძლიერებს საზოგადოებრივი ორგანიზაციების და მასწავლებელთა პროფესიული ასოციაციების ჩართულობას განათლების რეფორმის პროცესში. საგრანტო კონკურსი განხორციელდა კონსულტაციისა და ტრენინგის ცენტრის (ctc) სკოლა-ლაბის პროგრამის მიერ „სკოლების გაძლიერების ინიციატივის ფარგლებში“, გერმანული ფონდის Bread for the World-ის (BfdW) ფინანსური მხარდაჭერით.  წყარო: კონსულტაციისა და ტრენინგის ცენტრის(ctc)  სკოლა–ლაბი

სამეგრელო. ორგანიზაცია „ათინათის“ პროექტის „ახალგაზრდების ჩართულობა და განვითარება“ ფარგლებში 10 პარტნიორი სკოლის მოსწავლეებისთვის ტრენინგი ჩატარდა თემაზე „სასკოლო კლუბების ჩამოყალიბება და მისი ფუნქციონირება“.  ტრენინგის ფარგლებში პედაგოგებმა მიიღეს ინფორმაცია საკლუბო მუშაობის, კლუბის წესებისა და სამოქმედო გეგმის შესახებ. სრულად... წყარო :ათინათი

მასწავლებელთა პროფესიული განვითარების ეროვნული ცენტრის, ინკლუზიური განათლების ხელშეწყობის პროგრამის ფარგლებში 4 სექტემბერს, 19:00 საათზე მშობლებისთვის, სააღმზრდელო და საგანმანათლებლო დაწესებულების სპეციალისტებისთვის გაიმართება ონლაინ ვებინარი – „თანამშროლობა სკოლასა და ოჯახს შორის". სრულად...  წყარო: მშობელთა სკივრი