თბილისი. ინფორმაციის თავისუფლების განვითარების ინსტიტუტის (IDFI) ცნობით, თქვენი ანგარიშებისა და პერსონალური მონაცემების უსაფრთხოების მთავარი გარანტი ძლიერი პაროლების ქონაა. ვიდეოში ორგანიზაცია გთავაზობთ იმ 5 ძირითად რჩევას, რომელიც დაგეხმარებათ, დაიცვათ უსაფრთხოება.  ციფრული ჰიგიენის სხვა წესების გასაცნობად ეწვიეთ IDFI-ის ციფრული წიგნიერების განყოფილებას… წყარო: www.idfi.ge

თბილისი. მაკლეინის ასოციაცია ბავშვებისთვის 2023 - 2024 სასწავლო წლიდან, მომდევნო 4 წლის განმავლობაში, წელიწადში მინიმუმ 3 სტუდენტს სწავლის საფასურს დაუფინანსებს. ორგანიზაციის ცნობით, დაფინანსებას მიიღებენ ის სტუდენტები, რომლებიც ჩაირიცხებიან და სწავლას გააგრძელებენ ივ. ჯავახიშვილის თბილისის სახელმწიფო უნივერსიტეტის ოკუპაციურ თერაპევტთა საბაკალავრო პროგრამაზე. სრულად... წყარო: მაკ ჯორჯიას გვერდი სოციალურ ქსელში

შიდა ქართლი. 14 მაისს, კასპის ტექნოპარკში ახალგაზრდული ფორუმის პროექტის „მოხალისეობრივი საქმიანობის პოპულარიზაცია“ ფარგლებში ინტელექტუალური თამაში „სკივრი“ ჩატარდა, რომელშიც მონაწილეობას კასპის მუნიციპალიტეტში მცხოვრები ახალგაზრდები იღებდნენ. თამაშის მიზანი იყო ევროკავშირის შესახებ ახალგაზრდების ცნობიერების ამაღლება. გამარჯვებული გუნდი დააჯილდოვა „საინფორმაციო ცენტრი ნატოსა და ევროკავშირის შესახებ“ წარმომადგენელმა ციკო შაქარაშვილმა და ადგილობრივმა მეწარმემ რუსუდან ბარნოვმა. ახალგაზრდული ფორუმის მხარდამჭერები არიან კასპის საგანმანათლებლო რესურსცენტრი, „საინფორმაციო ცენტრი ნატოსა და ევროკავშირის შესახებ“, კასპის ტექნოპარკი, ევროკავშირის პროექტის „უნარები წარმატებისთვის“ ფარგლებში მობილური ახალგაზრდული მუშაკები, სოციალური საწარმო „ბარნოვი“ და კასპის სათემო ორგანიზაცია „კომლი“. აქტივობა განხორციელდა ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

რაჭა-ლეჩხუმი. რაჭა-ლეჩხუმის და ქვემო სვანეთის რეგიონული ჰაბის - ფონდი „აფხაზინტერკონტის“ ორგანიზებით, 2023 წლის 10-11 მაისს ტრენინგები ჩატარდა ამბროლაურის და ონის მუნიციპალიტეტში მოქმედი სამოქალაქო საზოგადოების ორგანიზაციების, სათემო კავშირების წარმომადგენლებისა და საჯარო სკოლების სამოქალაქო განათლების პედაგოგებისთვის. ტრენინგის ჩატარების მიზანი იყო: რეგიონში მოქმედ სამოქალაქო საზოგადოების ორგანიზაციების და სათემო კავშირების წარმომადგენელთა გადამზადება შემდეგი მიმართულებებით: პროექტის წერა პროექტების ფინანსური მენეჯმენტი/მართვა პროექტის ბიუჯეტი ფონდების მოძიება ორგანიზაციის ფინანსური მდგრადობა ტრენინგები ჩატარდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. „როგორ დავინახოთ ინფორმაციის დიდ ზღვაში კორუფციის კენჭები“  - ღია მონაცემებზე მუშაობის გზამკვლევი დაეხმარება გამომძიებელ ჟურნალისტებს, სამოქალაქო სექტორის წარმომადგენლებსა და დაინტერესებულ პირებს, რომ ღია მონაცემების მოძიებითა და დამუშავებით გამოავლინონ და სააშკარაოზე გამოიტანონ კორუფციული გარიგებების, ბიუჯეტის დაუსაბუთებლად ხარჯვის ფაქტები... გზამკვლევი აქტიურ მოქალაქეებს გაუადვილებს გააძლიერონ კონტროლი ხელისუფლებაზე. სრულად... წყარო: transparency.ge

სამცხე-ჯავახეთი. ევროპის დღეებთან დაკავშირებით, UDM-ში მოხალისე Anna Schäfer-ის საინფორმაციო შეხვედრა გაიმართა, რომელსაც USAID-ის პროგრამის ერთიანობა მრავალფეროვნებაშია მონაწილეები დაესწრნენ. მოხალისეები ახალციხეს პროექტ „აღმოაჩინე კავკასიის“ ფარგლებში სტუმრობენ, რომელსაც ევროპის ინტერკულტურული ფორუმი ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. Grlz Wave გიზიარებთ ინფორმაციას თუ როგორ უნდა ამოვიცნოთ ანტიფემინისტური და პროპაგანდისტული ინფორმაცია. დააკვირდით წყაროს სანდოობას - დომენს, მისამართში კომპანიის სახელს. გადაამოწმეთ სოციალური ქსელის მომხმარებლის პროფილი, ხომ არ აქვს ტიპური ბოტის ქცევა? თუ ხშირად აზიარებს გაუგებარ, პოლიტიკურად პოლარიზებული შინაარსის ინფორმაციას, სავარაუდოდ, ეს ყალბი ბოტის ანგარიშია. ფაქტების გადასამოწმებელი საიტები დაგეხმარებათ გადაამოწმოთ კონკრეტული ინფორმაციის ნამდვილობა. სრულად... წყარო: ორგანიზაციის გვერდი სოციალურ ქსელში

თბილისი. მაკლეინის ასოციაცია აქვეყნებს სტატიას: როგორ ვასწავლოთ ბავშვებს ფულის გამოყენება.  „დამოუკიდებლობის წახალისება და ხელშეწყობა მნიშვნელოვანია ბავშვის ყოველდღიურ ცხოვრებაში, ხოლო დამოუკიდებელი ცხოვრებისთვის მომზადება იწყება ადრეული ასაკიდან და მოიცავს ისეთ აქტივობებს, როგორიცაა: საკუთარი თავის მოვლა და პირადი ჰიგიენა, ჩაცმა და გახდა, ფულის ცნობა და გამოყენება, ტრანსპორტით გადაადგილება და სხვა. ამ სტატიაში ვისაუბრებთ ფულის გამოყენებაზე და გაგიზიარებთ რამდენიმე აქტივობას მისი სწავლების ხელშესაწყობად“, ნათქვამია ორგანიზაციის ვებგვერდზე. სრულად... წყარო: macgeorgia.org

თბილისი. ადამიანის უფლებათა ცენტრი შეუერთდა შატილში ბიბლიოთეკის დაარსების კამპანიას, რომელიც პარლამენტის ეროვნული ბიბლიოთეკის დირექტორის, გიორგი კეკელიძის მიერ არის ინიცირებული. ადამიანის უფლებათა ცენტრმა ეროვნულ ბიბლიოთეკას გადასცა მხატვრული ლიტერატურა, ორგანიზაციის მიერ ბოლო წლებში გამოცემული ანგარიშები და კვლევები, რომლებიც დღესაც არ კარგავს აქტუალობას. სრულად... წყარო: ორგანიზაციის გვერდი სოციალურ ქსელში

იმერეთი. 1 მაისს, ბაღდათის მუნიციპალიტეტის მერიაში, განათლების განვითარების და დასაქმების ცენტრმა (EDEC) ფასილიტატორთა ტრენინგი გამართა. ტრენინგის მიზანი იყო დასახლების საერთო კრების ინოვაციური მოდელის გაცნობა და ფორუმის ჩატარების მეთოდოლოგიის შესახებ მონაწილეთა ინფორმირება.  გაიგეთ მეტი... წყარო: edec.ge

თბილისი. „ღია საზოგადოების ფონდის“ მხარდაჭერით მიმდინარეობს ლიდერთა განვითარების აკადემია (LAD), რომელიც 35 მონაწილეს აერთიანებს. ხუთდღიან კურსს „განვითარება: სახელმწიფოს, კერძო სექტორის, კანონის უზენაესობისა და სამოქალაქო საზოგადოების როლები“ ხელმძღვანელობენ ისეთი პროფესორები, როგორებიც არიან ფრენსის ფუკუიამა, ერიკ ჯენსენი, როჯერ ლიდსი და კეტრინ სტონერი.  პროგრამა სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრისა (CDDRL) და Economic Policy Research Center-ის (EPRC) ორგანიზებითა და თავისუფალ უნივერსიტეტთან პარტნიორობით შეიქმნა. სრულად... წყარო: ორგანიზაციის გვერდი სოციალურ ქსელში

თბილისი. ახალგაზრდული საქმიანობის სფეროს და პროფესიის - ახალგაზრდული მუშაკის შესახებ ინფორმაცია შეგიძლიათ მიიღოთ შემდეგი სახელმძღვანელოების გამოყენებით: „ახალგაზრდული საქმიანობის პრაქტიკული სახელმძღვანელო“. „ახალგაზრდულ მუშაკთა თვითშეფასებისა და თვითგანვითარების ხელსაწყო“. „ახალგაზრდული საქმიანობის კარგი პრაქტიკის მაგალითების კომპენდიუმი“. სახელმძღვანელოების ელ.ვერსია იხილეთ ბმულზე... კამპანია ხორციელდება პროექტის “Skills4Success - უნარები წარმატებისთვის” ფარგლებში. პროექტს ევროკავშირის დაფინანსებით ახორციელებს Save the Children International-ი პარტნიორ ორგანიზაციებთან: საქართველოს ახალგაზრდულ მუშაკთა ასოციაციასთან, ახალგაზრდობის სააგენტოსა და კონრად ადენაუერის ფონდთან ერთად. სრულად... წყარო: ორგანიზაციის გვერდი სოციალურ ქსელში

აჭარა. სამოქალაქო საზოგადოების ინსტიტუტმა (CSI), 25–26 აპრილს, ბათუმსა და ხელვაჩაურში გამართა შეხვედრები ადგილობრივი პრობლემების მოგვარებაში მოქალაქეთა მონაწილეობის მნიშვნელობის შესახებ. მასში მონაწილეობას იღებდნენ ბათუმსა და ხელვაჩაურში მცხოვრები ახალგაზრდები. შეხვედრებზე განიხილეს ადგილობრივი განვითარების პროცესში ჩართული აქტორების როლი და მნიშვნელობა, ადგილობრივი თვითმმართველობის სტრუქტურა და უფლებამოსილებები, ასევე ბათუმის და ხელვაჩაურის მუნიციპალიტეტებში დანერგილი მოქალაქეთა მონაწილეობის მექანიზმები. სამოქალაქო საზოგადოების ინსტიტუტის მიერ გამართული ღონისძიების მხარდამჭერია გერმანული ორგანიზაცია „პური მსოფლიოსთვის“. სრულად...

საუნივერსიტეტო გადასახადის დაფინანსებას თუ ეძებთ, მაშინ ტიბაანელი თინეიჯერების ეს ვიდეო უნდა ნახოთ. სიღნაღის მუნიციპალიტეტელ სტუდენტებს დეტალური ინფო ამ ბმულზე დაგხვდებათ... სხვა მუნიციპალიტეტებში მცხოვრებ სტუდენტებს კი, შეგიძლიათ მიწეროთ თქვენს მერიებს. გამოუვალ შემთხვევაში კი, ცოდნის კაფეს განათლების ფონდი თქვენს გვერდით იქნება. ვიდეო მომზადებულია ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. მაკ ჯორჯიას ფსიქოლოგებმა თბილისის N74 ბაგა-ბაღში ჩაატარეს ტრენინგი „ქცევის მართვა“.  ტრენინგის განმავლობაში განიხილეს შემდეგი საკითხები:  პოზიტიური ქცევის მხარდაჭერის სისტემა,  ჯგუფის მართვა, რთული ქცევის ფუნქციური შეფასება, ტანტრუმი. ტრენინგი ასევე მოიცავდა პრაქტიკულ სამუშაოს, რაც რთული ქცევის შემთხვევების ანალიზს ისახავდა მიზნად. ტრენინგის განმავლობაში მიღებული ცოდნა  სპეციალისტებს აღსაზრდელების ქცევითი სირთულეების შეფასებაში, ქცევის მართვის გეგმის შემუშავებასა და მის ეფექტურად განხორციელებაში დაეხმარება.  სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველომ კონრად ადენაუერის ფონდის სტიპენდიანტებს უმასპინძლა. ორგანიზაციის დირექტორმა, ეკა გიგაურმა მათ TI საქართველოს საქმიანობის ძირითადი მიმართულებები გააცნო და დემოკრატიულ პროცესებში სამოქალაქო საზოგადოების აქტიურობის მნიშვნელობაზე ესაუბრა. სრულად... წყარო: ორგანიზაციის გვერდი სოციალურ ქსელში

სამეგრელო. განათლების განვითარების და დასაქმების ცენტრის და სამეგრელო-ქვემო სვანეთის რეგიონული ჰაბის ორგანიზებით, ზუგდიდის ახალგაზრდული სათათბიროს წევრებისთვის გაიმართა მორიგი ვორკშოფი თემაზე „მოხალისეობის კულტურა საქართველოში: ახალგაზრდული მოხალისეობა, როგორც სოციალური კაპიტალი“. სამუშაო შეხვედრა ჩატარდა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. კოალიციამ ინფორმაციის სანდოობისთვის იწყებს ახალ კამპანიას „ახლა“. „ახლა, როდესაც საქართველოს აქვს უნიკალური შესაძლებლობა კიდევ უფრო დაუახლოვდეს ევროკავშირს და მიმდინარე წლის ბოლოს მიიღოს ევროკავშირის წევრობის კანდიდატის სტატუსი, კამპანია მიზნად ისახავს, რომ დამატებითი სტიმული მისცეს საზოგადოების ძალისხმევას მოითხოვოს კანდიდატის სტატუსის მისაღებად საჭირო ქმედითი ნაბიჯები და რეფორმები ახლა. საქართველო იყო და არის ევროპულ სახელმწიფოთა ოჯახის ნაწილი. მაისის თვეში, ევროპის დღის მოახლოებასთან ერთად, კამპანიის ოფიციალური გახსნის ღონისძიება გაიმართება. ახლა მოქმედების დროა! მოითხოვე რეფორმები დაპირებების ნაცვლად“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

კახეთი. სიღნაღის მუნიციპალიტეტის მასშტაბით, პირველად ჩატარდა ინტელექტუალური თამაში: „ითამაშე დემოკრატიისთვის“. თამაშში 6 სკოლის 28 მოსწავლე და 6 სამოქალაქოს მასწავლებელი ჩაერთო. თამაში მოიცავდა: სკოლის გუნდებს მუნიციპალური რესურსის შესწავლას; სიღნაღის მუნიციპალიტეტის საიტის გაცნობას; სხვადასხვა ახალგაზრდული კამპანიებისა და თანამშრომლობის გზების დაგეგმვას; ღონისძიება განხორციელდა კონსულტაციისა და ტრენინგის ცენტრი - CTC-ს მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრი (GCSD) გიზიარებთ სახელმძღვანელოს - „რუსულ სისტემებთან დაკავშირებული მაღალტექნოლოგიური კონვენციური შეიარაღების უკანონო ტრანზაქციების პრევენცია: ოპერაციული სახელმძღვანელო“... „სახელმძღვანელოში ყურადღება გამახვილებულია მაღალტექნოლოგიური კონვენციური იარაღის კომპონენტებისა და სისტემებთან დაკავშირებული სიტუაციის ანალიზზე, ასევე, სანქციების რეჟიმებზე, რომელთა მიზანია, შეუზღუდონ რუსეთს მაღალტექნოლოგიური კონვენციური იარაღის წარმოებისა და გავრცელებისთვის საჭირო კომპონენტებსა და ტრანზაქციებზე წვდომა“. სრულად... წყარო: ორგანიზაციის გვერდი სოციალურ ქსელში

გურია. მაკ ჯორჯია რეგიონული საგანმანათლებლო პროგრამის ფარგლებში ახორციელებს საშაბათკვირო აკადემიას 10 პარტნიორ სკოლაში. გასულ კვირას, რეგიონული პროგრამის გუნდი აღნიშნული პროექტით ესტუმრა ჩოჩხათის საჯარო სკოლას. მოსწავლეები ორი დღის განმავლობაში ჩართულნი იყვნენ ორგანიზაციის მიერ შემოთავაზებულ არაფორმალური განათლების აქტივობებში, მათ შორის: ინტელექტუალური შეჯიბრებები; თეატრალური მინი წარმოდგენები; სპორტული აქტივობები; შემეცნებითი თამაშები; დილის გამაჯანსაღებელი ვარჯიშები და სხვა. სრულად... წყარო: ორგანიზაციის გვერდი სოციალურ ქსელში

რეგიონები. საქართველოს სამ რეგიონში მცხოვრები მასწავლებელთათვის სამოქალაქო ჩართულობის, მონაწილეობისა და განათლება მდგრადი განვითარებისთვის (ESD) საკითხებზე ტრენინგები მიმდინარეობს. ტრენინგები კავკასიის გარემოსდაცვითი არასამთავრობო ორგანიზაციების ქსელის (CENN) ორგანიზებითა და ამერიკის საელჩოს ფინანსური მხარდაჭერით იმართება. პროგრამა მიზნად ისახავს, გაზარდოს რეგიონში მცხოვრები პედაგოგების ჩართულობა სამოქალაქო საზოგადოებისა და დემოკრატიის მშენებლობაში. სრულად... წყარო: www.cenn.org