სამცხე-ჯავახეთი. 27 აპრილს, ახალციხეში, ორგანიზაცია „საქართველოს დემოკრატიული ინიციატივის" ორგანიზებით სამოქალაქო განათლების პედაგოგები ერთმანეთს შეხვდნენ. ადიგენის, ასპინძისა და ახალციხის მუნიციპალიტეტების საჯარო სკოლების მასწავლებლებმა სამოქალაქო განათლების სწავლებასთან დაკავშირებული თემები განიხილეს. „შეხვედრის მიზანი იყო სამოქალაქო განათლების სწავლებასთან დაკავშირებით გამოცდილების გაზიარება. განვიხილეთ სწავლების ფორმები და მეთოდები, რაც გააადვილებს აუდიტორიამდე ინფორმაციის მიტანას", განმარტა ორგანიზაციის გამგეობის წევრმა გიორგი მშვენიერაძემ. მისივე თქმით, საქართველოში სამოქალაქო განათლების სპეციალისტების დეფიციტია. ამ საგანს ძირითადად ისტორიისა და გეოგრაფიის მასწავლებლები ასწავლიან. ამიტომ მათ სისტემატურად სჭირდებათ განახლებული ინფორმაციის მიღება სამოქალაქო განათლების სწავლებასთან დაკავშირებით.

სამეგრელო. საიას ზუგდიდის ოფისის ორგანიზებით გაიმართა საჯარო ლექცია: „სამართალდამცავთა მიერ საგამოძიებო და ოპერატიულ სამძებრო ღონისძიებების კანონიერად წარმოების პრაქტიკული მნიშვნელობა. ღონისძიების მიზანი იყო სტუდენტთა პროფესიული განვითარების ხელშეწყობა. საჯარო ლექციაზე საუბარი შეეხო პოლიციის პრევენციული და სამართალდარღვევაზე რეაგირების ღონისძიებებს, ცეცხლსასროლი იარაღის გამოყენების უფლებას და ა.შ. წყარო: ფილიალის ვებგვერდი სოციალურ ქსელში

იმერეთი. „ნატოსა და ევროკავშირის შესახებ საინფორმაციო ცენტრის" იმერეთის ბიუროს ორგანიზებით ქუთაისის სკოლა "მერმისის" მოსწავლეებისთვის თომა ჩაგელიშვილის დოკუმეტური ფილმის "მოგზაურობა ევროპაში" ჩვენება და განხილვა მოეწყო. კინოჩვენების შემდეგ იმერეთის ბიუროს წარმომადგენელი თათია მერკვილაძე სკოლის მოსწავლეებს ნატოსა და ევროკავშირის დაარსების ისტორიასა და მათი მუშაობის პრინციპებზე ესაუბრა. სრულად ... წყარო: ორგანიზაციის ვებ-გვერდი სოციალურ ქსელში

გლობალური საგანმანათლებლო ონლაინ ჟურნალი აქვეყნებს საგანმანათლებლო–საინფორმაციო ვიდეოს თუ რას წარმოადგენს საზოგადოებრივი ორგანიზაციები, რა სფეროებში მუშაობენ ისინი. სრულად ... წყარო: globaleducationmagazine.com

შიდა ქართლი. 21 აპრილს, საზოგადოება „ბილიკის" ორგანიზებით, გორის დემოკრატიული ჩართულობის ცენტრში, ჩატარდა ვიქტორინა თემაზე: „ჩვენ და სამოქალაქო განათლება". იგი სკოლაში სამოქალაქო განათლების საგნის სწავლების პოპულარიზაციას და გაკვეთილზე ნასწავლი მასალის წარმოჩენას ისახავდა მიზნად. ვიქტორინაში მონაწილეობას იღებდნენ გორის მუნიციპალიტეტის 8 საჯარო სკოლის სამოქალაქო კლუბების წევრებისგან შემდგარი გუნდები. ვიქტორინა 3 განსხვავებული ტურისაგან შედგებოდა: პირველი ტური მოიცავდა კითხვებს სამოქალაქო განათლების სახელმძღვანელოდან; მეორე ტური - სამოქალაქო ლექსიკონს; მესამე ტური კი კაზუსებისაგან შედგებოდა. მოსწავლეთა ცოდნის დონეს ჟიური აფასებდა, რომლის შემადგენლობაშიც შედიოდნენ: გორის მუნიციპალიტეტის გამგეობის ახალგაზრდულ საქმეთა განყოფილების უფროსი დიმიტრი გოგიაშვილი, ახალგაზრდა იურისტთა ასოციაციის გორის ოფისის ხელმძღვანელი ქეთევან ბებიაშვილი, იურისტი მაია გრძელიშვილი, ორგანიზაცია „ქართული მედია ჯგუფის" წარმომადგენელი ოთარ კვირიკაშვილი და პედაგოგი მაგული სეხნიაშვილი. მონაწილე გუნდებმა ცოდნის საკმაოდ მაღალი დონე გამოავლინეს და შეჯიბრი გუნდებს შორის მინიმალური სხვაობით დასრულდა. გამარჯვებული, სოფელ გარეჯვრის სკოლის გუნდის წევრები საზოგადოება „ბილიკმა" მწერალ დათო ტურაშვილის წიგნებით და სიგელებით დააჯილდოვა. სიგელები გადაეცა ვიქტორინის თითოეულ მონაწილესაც. ვიქტორინა პროგრამის - „მომავლის თაობა" (USAID/PH International) ფარგლებში განხორციელდა.

თბილისი. სამოქალაქო საზოგადოების ინსტიტუტმა დაიწყო ონლაინ სწავლების მსურველთა მეორე ნაკადისთვის განცხადებების მიღება. პროგრამაში მონაწილეობა უფასოა, კურსის წარმატებით გავლის შემდგომ საზოგადოებრივი ორგანიზაციების წარმომადგენლებს მიეცემათ შესაძლებლობა ჩაერთონ მცირე გრანტების პროგრამაში. რაც საშუალებას მისცემთ მათ მიღებული ცოდნა და უნარები პრაქტიკაში გამოიყენონ. შეგახსენებთ, რომ სწავლება მოიცავს 4 კურსს: კვლევის მეთოდები (ლექტორი იაგო კაჭკაჭიშვილი), საჯარო პოლიტიკის ანალიზი (ლექტორი ქეთი მელიქაძე), ადვოკატირება და ლობირება (ლექტორი ვაჟა სალამაძე) და საჯარო ფინანსები (ლექტორები: ოთო კიკვაძე და მიშა ძაგანია). ონლაინ სასწავლო კურსი აგებულია დისტანციური სწავლების კლასიკურ მოდელზე და შესაბამისად, სწავლა სამსახურიდან მოუწყვეტლივ ხორციელდება. ონლაინ სწავლების, ოთხივე კურსზე პირველმა კურსდამთავრებულებმა სწავლა 30 მარტს დაასრულეს. ჩარიცხული იყო 173 მსურველი და მათ, ვინც წარმატებით დაასრულა კურსი მიიღო შესაბამისი სერთიფიკატი. წარმატებული კურსდამთავრებულებისთვის, მათ, ვისაც მიღებული აქვთ ორი კურსის სერთიფიკატი, 21 აპრილს, სამოქალაქო საზოგადოების ინსტიტუტში გაიმართა საგრანტო კონკურსში მონაწილეობისთვის ღია კარის დღე. გრანტის მოცულობა ერთ პროექტზე 11 000 ლარია, განაცხადების მიღება 30 აპრილს დასრულდება და საკონკურსო კომისია გამარჯვებულს მაისის ბოლოსთვის გამოავლენს. საზოგადოებრივი ორგანიზაციების იმ წარმომადგენლებს კი, რომლებსაც ჯერ არ გადაუწყვეტიათ ონლაინ სწავლების კურსის გავლა, ვაცნობებთ, რომ განაცხადის შემოტანა 26 აპრილამდე შეუძლიათ. გამოიყენეთ შესაძლებლობა: ისწავლეთ და მიიღეთ გრანტი. ონლაინ სასწავლო პროგრამა (აპლიკაცია) ....

თბილისი. 20 აპრილიდან „წიგნის მეგობრების" ოფისში სამკითხველო გაიხსნა. ლიტერატურის მოყვარულ ახალგაზრდებს სამკითხველო ყოველ ორშაბათს 11:00–დან 18:00 საათამდე ელის. სრულად... წყარო: წიგნის მეგობრების ვებგვერდი სოციალურ ქსელში

თბილისი. 14 და 15 აპრილს სასტუმრო „რედისონში", გაიმართა ინკლუზიური პროფესიული განათლების მეორე საერთაშორისო კონფერენცია „შექმენი შესაძლებლობა", სადაც განხილული იყო შეზღუდული შესაძლებლობის მქონე პირების განათლებისა და დასაქმების საკითხები. წყარო: ორგანიზაციის ვებ-გვერდი სოციალურ ქსელში სრულად ... წყარო: სოციალური ქსელი

აჭარა. 1 აპრილს, სამოქალაქო საზოგადოების ინსტიტუტის ბათუმის ფილიალმა მორიგი ტრენინგი ჩაატარდა. ამჯერად ფილიალის ხელმძღვანელმა ახალგაზრდებს საჯარო პოლიტიკის შესახებ ესაუბრა, კერძოდ კი, განხილეს პრობლემის იდენტიფიცირებისა და მისი გადაჭრის გზების ძიების საკითხები. თეორიული მასალის გაცნობის გარდა, ტრენინგის მონაწილეებმა კონკრეტულ მაგალითებზე იმუშავეს. ასევე თვითონ განსაზღვრეს მუნიციპალიტეტის წინაშე არსებული რამდენიმე პრობლემა და ჯგუფური მუშაობის შედეგად, მათი პრეზენტაცია გააკეთეს. ტრენინგის ბოლოს ახალგაზრდებმა რამდენიმე მიმართულება შეარჩიეს, ასევე შექმნეს სამუშაო ჯგუფები და დაიწყეს მუშაობა სარეკომენდაციო დოკუმენტის შესამუშავებლად და ბათუმის საკრებულოსთვის წარსადგენად.

თბილისი. 1 აპრილს, საქართველოს პარლამენტის ეროვნული ბიბლიოთეკის საკონფერენციო დარბაზში სამოქალაქო განათლების ლექტორთა ასოციაციის ინიციატივით მრგვალი მაგიდა – „სამოქალაქო განათლების სწავლება: მიღწევები და გამოწვევები" – გაიმართა. შეხვედრაში მონაწილეობდნენ: საქართველოს განათლებისა და მეცნიერების სამინისტროს, IFES საქართველოს, PH international-ის, სამოქალაქო განათლების ლექტორთა ასოციაციის, სამოქალაქო განათლების პედაგოგთა ფორუმის, საქართველოს პარლამენტის ეროვნული ბიბლიოთეკის სამოქალაქო განათლების განყოფილების, საქართველოს ახალგაზრდა იურისტთა ასოციაციის, სამოქალაქო განათლების მასწავლებელთა ასოციაციის, ზურაბ ჟვანიას სახელობის საჯარო ადმინისტრირების სკოლის და სხვა აღნიშნულ თემატიკაზე მომუშავე ორგანიზაციების წარმომადგენლები. მონაწილეებმა ისაუბრეს სამოქალაქო განათლების სწავლების კოორდინაციის მნიშვნელობაზე, ასევე მათ მიერ მიღწეულ წარმატებასა და გამოწვევებზე. წყარო: cela.ge

თბილისი. აშშ–ის საელჩო საქართველოში აქვეყნებს სასარგებლო ინფორმაციას მათთვის, ვისაც აშშ–ში სწავლის გაგრძელება სურს. ეწვიეთ აშშ–ის სახელმწიფო დეპარტამენტს ახალ ვებგვერდს. განახლებულ ვებგვერდზე ინფორმაცია განთავსებულია ინგლისურ და ქართულ ენებზე. მომხმარებელს საშუალება აქვს მოიძიოს ისეთი ინფორმაცია, რომელიც დაფინანსების მოპოვებას, ამერიკული უნივერსიტეტების მუშაობასა და სწავლის პროცესს ეხება. ასევე განთავსებულია ინფორმაცია, თუ როგორ იპოვოთ თქვენთან ყველაზე ახლოს განთავსებულ საკონსულტაციო ცენტრს. ვებგვერდი... წყარო: აშშ–ის საელჩო საქართველოში

აჭარა. ქედის მუნიციპალიტეტში, სახალხო უნივერსიტეტთა გერმანული ასოციაციის (DVV International) პროექტის ფარგლებში „ზრდასრულთა განათლების ცენტრი" გაიხსნა. მალე ამ ცენტრში ქედაში მცხოვრებ ადამიანებს კომპიუტერულ საოფისე პროგრამებს, მეფუტკრეობას, ხელსაქმეს და სუვენირების დამზადებას შეასწავლიან. სასწავლო კურსის მსმენელთა ძირითად სამიზნე ჯგუფად ქედის მოსახლეობა მოიაზრება, თუმცა სასწავლო ცენტრი მაღალმთიანი აჭარის სხვა სოფლებიდანაც მიიღებს მსმენელებს. „ზრდასრულთა განათლების ცენტრში" პირველ ეტაპზე სამი სასწავლო კურსი იფუნქციონირებს. როგორც ცენტრის დიექტორი გიორგი აბულაძე ამბობს, სამომავლოდ შესაძლოა სასწავლო კურსი სხვადასხვა სფეროს მიმართულებით დაემატოს. ზრდასრულთა განათლების ცენტრი ქედის მუნიციპალიტეტში არასამთავრობო ორგანიზაცია „დემოკრატიის ინსტიტუტის" პარტნიორობით მოეწყო და ის აჭარის მასშტაბით პირველი ცენტრია.

თბილისი. ჯონ კაბოტის ამერიკული უნივერსიტეტი, რომელიც რომში მდებარეობს და საერთაშორისო განათლების ერთ–ერთი ლიდერია, აბიტურიენტებს სთავაზობს ბაკალავრის ხარისხს 13 სხვადასხვა სპეციალობაში. 7 აპრილს, 16:00 საათზე საერთაშორისო განათლების ცენტრი გიწვევთ უნივერსიტეტის პრეზენტაციაზე. სრულად...

სამეგრელო. ზუგდიდელი მოსწავლეების, სტუდენტებისა და ახალგაზრდებისათვის შაბათს, 28 მარტს, ზუგდიდში ორგანიზაცია Education USA, ამერიკის საელჩოს მხარდაჭერითა და „ათინათთან" პარტნიორობით, მართავს ამერიკული უნივერსიტეტების რეგიონულ გამოფენას. აქვე შეგიძლიათ დაესწროთ უფასო სემინარებს და მიიღოთ ინფორმაცია თუ როგორ ხდება სწავლის დაწყება აშშ–ის უნივერსიტეტებში, როგორ უნდა მოიპოვოთ დაფინანსება, გაიგოთ მეტი აშშ-ის მთავრობის გაცვლითი პროგრამის შესახებ. წყარო: ორგანიზაციის ვებ-გვერდი სოციალურ ქსელში სრულად... წყარო: ზუგდიდის ახალგაზრდული კლუბის ვებგვერდი

თბილისი. სამხრეთ კავკასიის ამერიკული კვლევითი ინსტიტუტის საქართველოს წარმომადგენლობა (ARISC), 26 მარტს, 18:30 მარტს, ფილმების სესიის ფარგლებში მართავს ნუცა ალექსი–მესხიშვილის ფილმის „ბედნიერების" ჩვენებას. რომლის შემდგომაც გაიმართება დისკუსია. ფილმი წარმოდგენილი იქნება ქართულ ენაზე, ინგლისური ტიტრებით, დისკუსია კი გაიმართება ინგლისურ ენაზე. ფილმის ჩვენება გაიმართება ილიას უნივერსიტეტში, ჭავჭავაძის 32, აუდიტორია A101. სრულად... წყარო:arisc.org

აჭარა. 24 მარტს, სახალხო დამცველის ბათუმის ფილიალის ოფისში, ახალგაზრდული ორგანიზაციის „ცვლილებები თანაბარი უფლებებისათვის" და აჭარის სპორტისა და ახალგაზრდობის საქმეთა დეპარტამენტის ინიციატივით, ჟესტური ენის სასაწავლო კურსის პირველი შეხვედრა გაიმართა. სმენის არ მქონე მასწავლებელი და სურდო თარჯიმანი, ბათუმის საჯარო სკოლებიდან შერჩეულ დაინტერესებულ მოსწავლეებს ჟესტური ენას ელემენტარულ, საკომუნიკაციიო დონეზე შეასწავლის. აღნიშნული გაკვეთილების ჩატარება აპრილის ბოლომდე გაგრძელდება. კურსის დასრულების შემდეგ მოსწავლეების მიერ ჟესტურ ენაზე ორგანიზებული ღონისძიება გაიმართება.

აჭარა. 22 მარტს, ბათუმის შოთა რუსთაველის სახელმწიფო უნივერსიტეტში ფრანკოფონიის დღეების დახურვის ცერემონია ახალგაზრდული სამეცნიერო ცენტრის თანაორგანიზებით გაიმართა. ფრანკოფონიის ფარგლებში ჩატარდა ფრანგული ენის ტესტირება, კინოჩვენება, სტუდენტთა და მოსწავლეთა კონფერენცია, გამოფენა ფრანგულ კულტურაზე. საზეიმო დახურვის ცერემონიაზე წარმატებულ მონაწილეებს სპეციალური სერთიფიკატები გადაეცათ. ნაჩვენები იყო ბათუმის შოთა რუსთაველის უნივერსიტეტის თეატრალური დასის სპექტაკლი „ნაფტალინი''. ფრანკოფონიის დღეები ქვეყნის მასშტაბით ყოველწლიურად ტარდება, წელს მასში 70-მდე ახალგაზრდა იყო ჩართული.

თბილისი. ახალი ეკონომიკური სკოლა მართავს ინტენსიურ სალექციო კურსებს ეკონომიკაში. დაინტერსებულ ახალგაზრდებს შეუძლიათ იხილონ ინფორმაცია და გაიარონ რეგისტრაცია ორგანიზაციის ვებგვერდზე სოციალურ ქსელში. სალექციო კურსები ეკონომიკაში... წყარო: ორგანიზაციის ვებგვერდი სოციალურ ქსელში    

თბილისი. 12-13 მარტს ევრაზიის თანამშრომლობის ფონდმა თბილისში ადგილობრივი სამოქალაქო საზოგადოების ორგანიზაციების წარმომადგენელთათვის გამართა ტრენინგი თემაზე „სახელმწიფო სახსრების მართვის მონიტორინგის მექანიზმები". აღნიშნული ტრენინგი ევროკავშირის მიერ დაფინანსებული პროექტის „თანამშრომლობა ბიუჯეტის გამჭვირვალობისთვის" ფარგლებში ჩატარდა. წყარო: ევრაზიის თანამშრომლობის ფონდი

შიდა ქართლი. მედიაციის ცენტრში თექვსმეტი მედიატორი პროფესიულ სწავლებას გადის სასკოლო მედიაციის საკითხებზე. ტრენინგებს პოლონური ორგანიზაცია „სამართლებრივი ინტერვენციის ასოციაციის" ექსპერტები უძღვებიან. პროექტის განხორციელება მიმდინარე წელს დაიწყო და შიდა ქართლის რვა სკოლას მოიცავს. პროექტის მიზანია სასკოლო/თანატოლთა მედიაციაზე დაყრდნობილი კონფლიქტის მოგვარების სისტემის ჩამოყალიბება ამ სკოლებში. გადამზადებული მედიატორები თავის მხრივ სკოლის მოსწავლეებს, მასწავლებლებსა და მშობლებს ჩაუტარებენ ტრენინგებს და მიაწვდიან ინფორმაციას მედიაციის შესახებ. პროექტს ახორციელებენ საქართველოს მედიაციის ცენტრი და „მეგობრობის ხიდი – ქართლოსი", პოლონურ–ამერიკული თავისუფლების ფონდის პროგრამის ფინანსური მხარდაჭერით. წყარო: „მეგობრობის ხიდი – ქართლოსის" ვებგვერდი სოციალურ ქსელში

თბილისი. არასამთავრობო ორგანიზაცია „სასკოლო კვლევების ცენტრი", გეგმავს გამართოს მორიგი მრგვალი მაგიდა რეპეტიტორების ინსტიტუტთან დაკავშირებით. შეხვედრის მიზანია ამ ინსტიტუტის პოპულარობის ფაქტორების დადგენა. ასევე მას რა უპირატესობები აქვს სკოლაში სწავლებასთან შედარებით, რა შეიძლება გაიზიაროს სკოლამ მისგან? დისკუსიაში მონაწილეობა შეუძლიათ პედაგოგებს, მოსწავლეებს, მშობლებს. მრგვალ მაგიდაში მონაწილეობისთვის შეირჩევა 15-მდე ადამიანი. მონაწილეობის მსურველებმა უნდა შეავსონ აპლიკაცია. აპლიკაცია... წყარო: ორგანიზაცია „სასკოლო კვლევების ცენტრი"

თბილისი. საქართველოს იუსტიციის სამინისტროს მმართველობის სფეროში მოქმედმა სსიპ „დანაშაულის პრევენციის ცენტრმა" ახალგაზრდული პროგრამის „ლიდერთა სახლის" მონაწილეებისთვის, საქართველოს ახალგაზრდა იურისტთა ასოციაციის (საია) იურიდიული განათლების ხელშეწყობის ფონდთან ერთად დაიწყო ერთობლივი პროექტი - სემინარები ადამიანის უფლებებში. პროექტში მონაწილეობს 25 მოსწავლე. მონაწილეები ერთი კვირის განმავლობაში ადამიანის უფლებების შესახებ მოისმენენ სემინარებს და შესაძლებლობა ექნებათ აქტიურად ჩაერთონ დისკუსიებში. პირველი სემინარი 16 მარტს დანაშაულის პრევენციის ცენტრში ჩატარდა თემაზე: „ადამიანის უფლებების ცნება და ფუნქცია", რომელიც იურიდიული განათლების ხელშეწყობის ფონდის ტრენერმა ნინო ბაღაშვილმა ჩაატარა. მონაწილეების შერჩევა მოხდა აპლიკაციის საშუალებით. პროექტის მიზანია არაფორმალური განათლების გზით არასრულწლოვნებში სამართლებრივი ცნობიერების ამაღლება. სემინარები ასევე ჩატარდება ადამიანის უფლებათა კლასიფიკაციისა და მექანიზმების შესახებ. რამდენიმე სემინარის თემატიკას კი თავად მონაწილეები შეარჩევენ. წყარო: საიას იურიდიული განათლების ხელშეწყობის ვებგვერდი სოციალურ ქსელში