აჭარა. საქართველოს ახალგაზრდა იურისტთა ასოციაციის ქუთაისის ფილიალმა იმერეთის მხარის 12-ვე მუნიციპალიტეტის მაჟორიტარი დეპუტატის ბიუროების თანამშრომელთათვის ტრენინგი დაიწყო.  ტრენინგის მონაწილეებს გაეცნოთ პროექტის შედეგები და დაგეგმილი აქტივობები, მაჟორიტარი დეპუტატის ბიუროს წარმომადგენლებმა გააკეთეს მოხსენებები ბიუროს თვალით დანახული პრობლემებისა და სამომავლო გეგმების შესახებ. ასევე ტრენინგის მონაწილეებს გაეცნოთ მაჟორიტარი დეპუტატის, საქართველოს პრეზიდენტის, საქართველოს მთავრობის, ხელმწიფო რწმუნებული გუბერნატორისა და ადგილობრივი თვითმმართველობის უფლებამოსილებები. წყარო:ორგანიზაციის გვერდი სოციალურ ქსელში

თბილისი.ტფილისის ჰამქარი 30 ივნისს მართავს საგანმანათლებლო ტურის ზაფხულის სეზონის ბოლო ტურს. 30 ივნისს გაიმართებაბოლო ექსკურსია მარშრუტით – „ფეხით შემოვლილი თბილისი–კალა–კლდისუბანი–აბანოთუბანი–ხარფუხი". სრულად წყარო: ორგანიზაციის გვერდი სოციალურ ქსელში

თბილისი. უფლებების სკოლა მხარს არ უჭერს უმაღლესი განათლების კანონში შესატან ცვლილებებს და მოითხოვს მის შეცვლას ან არ დამტკიცებას პარლამენტის მიერ. ორგანიზაციის მიერ გავრცელებულ განცხადებაში საუბარია იმ გარემოებებზე, რომლელთაც უფლებების სკოლა დაუშვებლად მიიჩნევს.  სრულად წყარო:ორგანიზაციის გვერდი სოციალურ ქსელში

თბილისი. თავისუფალი დებატების ლიგა იწყებს ახალ პროექტ – „თავისუფლების სკოლას". პროექტი მოიცავს კურსს, რომელიც მოსწავლეს უვითარებს თავისუფალ და კრიტიკულ აზროვნებას არაფორმალური განათლების გზით. კურსი შედგება ისეთი ლექციებისა და სემინარებისგან, რომლებიც არ არის გათვალისწინებული სასკოლო პროგრამაში. „თავისუფლები სკოლის" კურსის ხანგრძლივობაა 2 თვე. სალექციო თემებია: ეკონომიკა, მენეჯმენტი, სამართალი, პოლიტოლოგია, კრიტიკული აზროვნება. პირველი კურსი სტარტს აიღებს სექტემბერში. 2, 8 და 13 ივლისს კი თავისუფალი დებატების ლიგა დაინტერესებული მოსწავლეებისთვის საპილოტო ლექცია–სემინარებს სკოლის კონცეფციის გასაცნობად ატარებს.  ლექცია–სემინარებზე დასწრების მსურველებმა უნდა შეავსონ სარეგისტრაციო ფორმა  წყარო:ორგანიზაციის გვერდი სოციალურ ქსელში 

თბილისი. „კავკასიური სახლი" და სომხური საზოგადოებრივი ორგანიზაცია „სიუნიკი" ერთად აწყობს ქართულ-სომხურ „საზაფხულო აკადემიას" 7 დღიანი სასწავლო კურსით. სრულად. წყარო: caucasianhouse.ge

სამეგრელო. ინტერვიუს–საქართველოს ორგანიზებით ფოთის საჯარო სკოლების მასწავლებლებისთვის ჩატარდა საინფორმაციო ტრენინგი თემაზე – „გავეცნოთ ევროკავშირს". სემინარი ევროპული ინტეგრაციის, გლობალურ პოლიტიკაში ევროპის კავშირის როლსა და საქართველოთან თანამშრომლობის საკითხებს დაეთმო. მას უძღვებოდნენ ევროპული კვლევების ცენტრის დირექტორი   კახა გოგოლაშვილი და თბილისის სახელმწიფო უნივერსიტეტის პროფესორი სერგი კაპანაძე. წყარო:media.ge

თბილისი. მათ ვისაც მაგისტრის ხარისხის მოპოვება ონლაინ კურსის დახმარებით სურს, სასარგებლო ინფორმაციის მიღება შეუძლია ვებ–გვერდზე:www.mastersdegreeonline.orgეწვიეთ ვებგვერდს და აირჩიეთ თქვენთვის სასურველი სამაგისტრო პროგრამა. წყარო:crrc.ge

თბილისი. მშვიდობის, დემოკრატიის და განვითარების კავკასიური ინსტიტუტის რეგიონული განვითარებისა და ადგილობრივი თვითმმართველობის  რესურს ცენტრში შესაძლებლობა გეძლევათ გაეცნოთ ახალ სახელმძღვანელოებს. კერძოდ, კონსტიტუციონალიზმის კვლევისა და ხელმშეწყობის რეგიონალური ცენტრის მიერ გამოცემულ ორ სახელმძღვანელოს – საქართველოს კოსტიტუცია და 2009/2010 წლის კონსტიტუციური რეფორმა საქართველოში. წყარო: participate.ge

თბილისი. 21 ივნისს სოციალური კვლევისა და პოლიტიკური ანალიზის საერთაშორისო ცენტრში დოქტორი გიორგი ივანიაშვილი-ორბელიანი ჩაატარებს ღია საჯარო ლექცია-სემინარს თემაზე - „საჯარო პოლიტიკის შემუშავების კულტურა და საქართველოს უმაღლესი განათლებისა და მეცნიერების განვითარების პერსპექტივები”. ლექციის დასრულებისას გაიმართება დისკუსია უმაღლესი განათლებისა და მეცინიერების სისტემაში მიმდინარე ცვლილებებთან დაკავშირებით. ლექცია განსაკუთრებით სასარგებლო იქნება განათლებისა და მეცნიერების სფეროში მოღვაწე საჯარო მოხელეებისთვის, ჟურნალისტებისთვის, არასამთავრობო ორგანიზაციების წარმომადგენლებისთვის, ექსპერტებისთვის, უნივერსიტეტების ხელმძღვანელებისთვის, პროფესორებისთვის, დოქტორანტებისა და მკვლევარებისთვის. დასწრების მსურველებმა უნდა გამააგზავნონ მოკლე ბიოგრაფიული ინფორმაცია შემდეგ მისამართზე: icsrpa@gmail.com

თბილისი. ორგანიზაცია „იდენტობა" სტუდენტებს სასწავლო კურსს სთავაზობს ლგბტქ ფსიქოლოგიაში. კურსი საბაკალავრო პროგრამის სტუდენტებზეა ორიენტირებული და ლგბტქ ფსიქოლოგიის ძირითად საკითხებს მოიცავს. ესენია: ლგბტქ ფსიქოლოგიის ისტორია, ძირითადი თეორიული პერსპექტივები, კვლევის მეთოდები, სტერეოტიპები და დისკრიმინაცია, ჯანმრთელობა, ურთიერთობები, ქამინგ აუთი და სხვა. სრულად წყარო:ორგანიზაციის გვერდი სოციალურ ქსელში

არასამთავრობო ორგანიზაცია- საქართველოს დემოკრატიული ინიციატივა (GDI) დასავლეთ საქართველოს სამ ქალაქში აწყობს ტრენინგებს დისკრიმინაციის შესახებ. ტრენინგზე განხილული იქნება დისკრიმინაციის აკრძალვა, უფლების დაცვის მექანიზმები, საერთაშორისო სტანდარტები და შიდა კანონმდებლობა. ტრენინგებს ჩაატარებენ ადამიანის უფლებათა სამართლის სპეციალისტები გიორგი მშვენიერაძე და ბესარიონ ბოხაშვილი. ტრენინგები ჩატარდება: 21 ივნისს ზუგდიდში, 22 ივნისს ბათუმში, ხოლო 23 ივნისს ქუთაისში. ტრენინგები იმართება პროექტის - „ადამიანის უფლებათა დაცვის გაძლიერების ხელშეწყობა საქართველოში" ფარგლებში. პროექტი დაფინანსებულია ნიდერლანდების სამეფოს მთავრობის მიერ. ტრენინგებში მონაწილეობის მსურველებმა აპლიკაცია უნდა შევსონ. აპლიკაცია წყარო: ორგანიზაციის გვერდი სოციალურ ქსელში

თბილისი. 14–15 ივნისს 2013 წლის მოწვევის „საქართველოს ახალგაზრდული პარლამენტის" დეპუტატებისთვის რიგით მეორე ორდღიანი ტრენინგი გაიმართა. ტრენინგის მთავარი თემები იყო „პოლიტიკის ანალიზის ძირითადი პრინციპები", „მოლაპარაკებების ხელოვნება" და „საგარეო პოლიტიკა".  ტრენინგის ფარგლებში ახალგაზრდა დეპუტატები თეორიულ ნაწილთან ერთად, პრაქტიკულ დავალებებსაც შეასრულეს. წყარო:ორგანიზაციის გვერდი სოციალურ ქსელში

შიდა ქართლი. 16 ივნისს, 14:00 საათზე კასპის რაიონის სოფელ ხოვლეში, ივანე ჯავახიშვილის სახლ–მუზეუმში იგეგმება ღონისძიება– „ჯახის ცხოვრება ... ხოვლეში!!!". ღონისძიებაში მონაწილეობას მიიღებს მწერალი ზურაბ ქარუმიძე და ჯაზ–ბენდი „ReSoNick". ღონისძიება ტარდება პროექტის – „ივანე ჯავახიშვილის კულტურულ–საგანმანათლებლო და საინფორმაციო ცენტრის, მედიათეკის ფუნქციონირება" – ფარგლებში. წყარო: osgf.ge

აჭარა. ხანდაზმულთა ასოციაცია „ღირსეული სიბერის" ორგანიზებით პროექტ – „ხანდაზმულთა სოციალური ცენტრის" – ფარგლებში ქობულეთის მუნიციპალიტეტის საჯარო სკოლებში წერითი ნამუშევრების კონკურსი – „ჩემი ღირსეული თანამოქალაქე" მიმდინარეობს. კონკურსი სკოლებს შორის ზონების მიხედვით ტარდება, ჟიურიმ მესამე ეტაპის ნამუშევრები განიხილა და გამარჯვებული თემაც გამოავლინა. კონკურსის მიზანია თაობათა შორის ურთიერთობების გაღრმავება, ღირსეული პიროვნებების გამოვლენა და მათი ცხოვრების მაგალითების გაზიარება. წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველო „უმაღლესი განათლების შესახებ" კანონში ცვლილებებს ეხმიანება. „ჩვენი აზრით, კანონპროექტი შეიცავს რამდენიმე ისეთ დებულებას, რომელიც შეშფოთების საგანს წარმოადგენს და შეუძლია სერიოზული ზიანი მიაყენოს უნივერსიტეტების საქმიანობასა და აკადემიურ დამოუკიდებლობას. მოვუწოდებთ საქართველოს პარლამენტს, არ განიხილოს აღნიშნული კანონპროექტი დაჩქარებული წესით და მისცეს ყველა დაინტერესებულ მხარეს საკუთარი პოზიციის დაფიქსირებისა და კანონშემოქმდებით პროცესში ჩართვის საშუალება", ნათქვამია ორგანიზაციის გვერდზე სოციალურ ქსელში.  წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია საქართველოს პარლამენტს „უმაღლესი განათლების შესახებ" საქართველოს კანონში შესატან ცვლილებებთან დაკავშირებით მიმართავს. „მოვუწოდებთ საქართველოს პარლამენტს, არ განიხილოს ზემოთ აღნიშნული კანონპროექტი დაჩქარებული წესით, ყველას მისცეს მის განხილვაში ჩართვის შესაძლებლობა და მოუსმინოს დანტერსესებული მხარეების მოსაზრებებს. ასევე, მოვუწოდებთ საქართველოს მთავრობას და პარლამენტს დაუყოვნებლივ გადადგან ნაბიჯები უნივერსიტეტების ავტონომიურობის გასაძლიერებლად და დაიწყონ მუშაობა შესაბამისი ცვლილებების მოსამზადებლად ყველა დაინტერესებული მხარის ჩართულობით", ნათქვამია ორგანიზაციის მიერ გავრცელებულ განცხადებაში. სრულად წყარო: gyla.ge

გურია. 11 ივნისს, ახალგაზრდა პედაგოგთა კავშირის მცირე საკონფერენციო დარბაზში გაიმართა, კარლ პოპერის საჩვენებელი დებატი რეზოლუციაზე - „მასწავლებელმა და მოსწავლემ თანაბარი წვლილი უნდა შეიტანოს სასკოლო პროცესებში". დებატში მონაწილეობას ახალგაზრდა პედაგოგთა კავშირის ბაზაზე არსებული ლიდერთა სკოლის დებატ-კლუბის უმცროსი ჯგუფის წევრები იღებდნენ. მოდებატეებმა ისაუბრეს მასწავლებლებისა და მოსწავლეების თანაბარი წვლილის შესახებ სასკოლო პროცესების წარმოებაში. დებატებს, გარდა ახალგაზრდებისა, ესწრებოდნენ პედაგოგები და საგანმანათლებლო სფეროს ექსპერტები. დებატს 50 ადამიანი დაესწრო და მსაჯის გადაწყვეტილებით გამარჯვება მტკიცებითმა გუნდმა მოიპოვა. წყარო:ორგანიზაციის გვერდი სოციალურ ქსელში

იმერეთი. „თაობათა დიალოგმა" სამცნიერო ლექტორიუმის მსმენელებს 3 თვიანი პროგრამის შემდგომ პირველი ხარისხის სერთიფიკატები გადასცა. სერთიფიკატების გადაცემამდე თითოეულმა კლუბის წევრმა წაიკითხა სამეცნიერო ნაშრომი, რომელსაც პროგრამის დასასრულისთვის ამზადებდნენ. „სამეცნიერო ლექტორიუმი" არის სამეცნიერო კლუბის პროგრამა, რომელიც 3 თვის წინ დაიწყო და რომლის ფარგლებშიც მონაწილეებმა სამეცნიერო წერის კულტურა, სამეცნიერო ნამაშრომების ტიპები და წერის მეთოდოლოგია შეისწავლეს. პროგრამის ფარგლებში გათვალისწინებული იყო სამეცნიერო მუშაობასთან დაკავშიორებული კონსულტაციების გაწევა. პროგრამა ასევე ითვალისწინებდა სამეცნერო დისკუსიაში მომხსნებლის სტატუსით მონაწილეობის მიღებას. „სამეცნიერო ლექტორიუმის" მეორე ეტაპი სექტემბრიდან გაგრძელდება. წყარო:ორგანიზაციის გვერდი სოციალურ ქსელში

 თბილისი. საგანმანათლებლო პროექტის „ანა ფრანკი – აქტუალური ისტორია" – ფარგლებში ცხადდება კონკურსი „ანა ფრანკის დღიური და მისი როლი 21–ე საუკუნეში". კონკურსში მონაწილეობა შეუძლიათ 12–დან 16 წლამდე ახალგაზრდებს. მათ საკონკურსოდ უნდა წარადგინონ პროზის ან პოეზიის ნაბეჭდი ნამუშევარი. პროექტი „ანა ფრანკი – აქტუალური ისტორია" ხორციელდება საქართველოს პირველი ლედის სანდრა ელისაბედ რულოვსის ჯანსაღი ცხოვრების წესის ინიციატივის „Don't Worry, Be Healthy!"-ის ფარგლებში, საქართველოში ჰოლანდიის საელჩოს, საქართველოს გაეროს ასოციაციისა და „ანა ფრანკის სახლის” ერთობლივი თანამშრომლობით, ჰოლანდიის საგარეო საქმეთა სამინისტროს ფინანსური მხარდაჭერით. დეტალურად წყარო: თავისუფალ ჟურნალისტთა სახლი

იმერეთი. სამეცნიერო-ინტელექტუალური კლუბი „თაობათა დიალოგი" ზოგად საგანმანათლებლო სკოლების დამამთავრებელი კლასების მოზარდებისთვის იწყებს ერთთვიან პილოტურ პროგრამას, სახელწოდებით „კოდი". პროგრამის მიზანია ხელი შეუწყოს ახალგაზრდებში ლიდერული უნარ ჩვევების გამოვლენას და განვითარება.  პროგრამა სიმულაციურ თამაშს წარმოადგენს, რომლის განმავლობაში მონაწილეები შეისწავლიან: გუნდური მუშაობის უნარ-ჩვევებს;  კონფლიქტების რეგულირებას; სტრატეგიის დაგეგმვისა და ანალიზის უნარ-ჩვევებს; საკუთარი უნარების წარმოჩინების ხერხებს; ამოცანების დასახვისა და შესრულების ტექნიკას; რუკის კითხვას და ორიენტირებას ველზე.  წარმატებული მონაწილეები მიიღებენ სერთიფიკატს და ექნებათ უფლება პროგრამის შემდეგ ეტაპზე გადავიდნენ, ასევე მათ გადაეცემათ წამახალისებელი პრიზები. განაცხადის შეტანის ბოლო ვადაა 15 ივნისი. სრულად წყარო:ორგანიზაციის გვერდი სოციალურ ქსელში

სამეგრელო. ასოციაცია „ათინათი" 8, 9, 10 წლის ბავშვებს იწვევს ინგლსურენოვან საზაფხულო სკოლაში. მონაწილეები გასართობი აქტივობების გამოყენებით მიიღებენ საბაზისო ცოდნას ინგლისურ ენაში. სრულად  წყარო:ორგანიზაციის გვერდი სოციალურ ქსელში

სამეგრელო. ინტერნიუს–საქართველოს ორგანიზებით, 7–8 ივნისს, ზუგდიდის საჯარო სკოლების მასწავლებლებისთვის ჩატარდა საინფორმაციო შეხვედრა თემაზე – „გავეცნოთ ევროკავშირს".სემინარი ევროპული ინტეგრაციის, გლობალურ პოლიტიკაში ევროპის კავშირის როლსა და საქართველოთან თანამშრომლობის საკითხებს დაეთმო. ღონისძიების  მონაწილეებმა ინფორმაცია მიიღეს ევროპული ინტეგრაციის ისტორიისა და ევროკავშირის გაფართოების ეტაპების შესახებ; ევროკავშირის ინსტიტუტებსა და ევროკავშირის საერთო საგარეო და უსაფრთხოების პოლიტიკაზე; საქართველო-ევროკავშირის თანამშრომლობის ჩარჩოებზე,   სამეზობლო პოლიტიკასა და აღმოსავლეთის პარტნიორობაზე;  ასევე  ევროკავშირის როლზე საქართველოში კონფლიქტების მოგვარების საქმეში. თითოეული საკითხის განხილვის შემდეგ დისკუსიები იმართებოდა. სემინარის მსვლელობის დროს ნაჩვენები იყო დოკუმენტური ფილმები: "ევროკავშირი მსოფლიოში", "გზა ევროპისკენ - ლიტვა"  და "მწვანე მარშრუტი". წყარო: media.ge