თბილისი. „თავისუფლების კლუბი" (Club Of Liberty) გიწვევთ თავისუფლების ბანაკში, თემაზე: „განათლებული მოქალაქე". თავისუფლების ბანაკი გაიმართება ბაზალეთის ტრენინგ ცენტრში 8-13 აგვისტოს. ხუთი დღის განმავლობაში მონაწილეებს შესაძლებლობა ექნებათ კომპეტენტური პირებისგან მოისმინონ ლექციები. მომხსენებლები ისაუბრებენ თემებზე: თავისუფლების იდეა და მისი როლი საზოგადოების განვითარებაში; ისაუბრებენ ეკონომიკურ თავისუფლებაზე, ევროინტეგრაციის მნიშვნელობაზე, საქართველოს როლზე მსოფლიო პოლიტიკაში, ადამიანის უფლებებზე საქართველოში. სრულად 

თბილისი. 20 ივლისს, საქართველოს ახალგაზრდული პარლამენტის, განათლების, მეცნიერებისა და კულტურის კომიტეტის ორგანიზებით საჯარო დისკუსია - „სასკოლო ასაკის განსაზღვრა 6 წლამდე" –გაიმართა. დისკუსია მიმდინარეობდა სასკოლო ასაკის ქვედა ზღვრის (5 წელი) მიზანშეწონოლობაზე, მის დადებით და უარყოფით გავლენაზე. ფორუმს ესწრებოდნენ მკვლევარები, ფსიქოლოგები, მასწავლებლები, მშობლები და ამ საკითხით დაინტერესებული პირები. მოწვეულმა ფსიქოლოგებმა აღნიშნეს, რომ ხუთი წლის მოზარდებს არ აქვთ კარგი ფსიქიკური და ფიზიკური მზაობა სკოლაში სწავლის დასაწყებად. კომიტეტის წევრების მიერ წარმოდგენილი იყო, ზოგადი განათლების ექსპერტებთან ჩატარებული კვლევისა და ფსიქოლოგებთან კონსულტაციების შედეგები.  წყარო:ორგანიზაციის გვერდი სოციალურ ქსელში

ორგანიზაცია „რადარამი" ახორციელებს პროექტს - „მობილური ბიბლიოთეკა დევნილი ბავშვებისათვის". პროექტი ითვალისწინებს მობილური ბიბლიოთეკის შექმნას, რომელიც ქართულ ენაზე გამოცემულ 600-ზე მეტი დასახელების წიგნს მოიცავს. პირველ ეტაპზე ცენტრი „აფხაზეთი" უზრუნველყოფს ბიბლიოთეკის გადატანასა და შესაბამისი ღონისძიებების დაგეგმვას დევნილთა 6 დასახლებაში - ქვემო ქართლისა და მცხეთა-მთიანეთის რეგიონებში. მომდევნო ეტაპზე, კი, მთელი საქართველოს მასშტაბით, აფხაზეთის განათლებისა და კულტურის სამინისტრო შეარჩევს რეგიონებს. აღსანიშნავია, პროექტის მიზანი მოზარდებში წიგნისადმი ინტერესის გაღვიძება, ახალგაზრდებში საზოგადოებრივი აქტივობის გაზრდა და საგანმანათლებლო პროცესში მათი ჩართვაა. ამასთან, პროექტი ხელს შეუწყობს დევნილი ბავშვების უზრუნველყოფას ძვირადღირებული წიგნებით. წყარო:ორგანიზაციის გვერდი სოციალურ ქსელში

ქვემო ქართლი. რატევნის ქალთა საბჭო აგრძელებს ახალგაზრდებისთვის ტრენინგების ჩატარებას სხვადასხვა თემატიკაზე მათი ცნობიერების ამაღლების მიზნით. 18 ივლისს რატევნის ქალთა საბჭოს ოფისში ჩატარდა ტრენინგი თემაზე: პროექტის ციკლის მართვა, რომელსაც ესწრებოდნენ რატევნის საჯარო სკოლის მოსწავლეები და ეკოკლუბის წევრები, ასევე სტუდენტები. ტრენინგის მიზანს წარმოადგენდა ახალგაზრდებისათვის პროექტის წერის და მისი ციკლის მართვისათვის აუცილებელი ინფორმაციის მიწოდება და შესაბამისი  უნარ-ჩვევების განვითარება. რატევნის ქალთა საბჭო შექმნილია CENN-ის რეგიონული ინიციატივის „სამხრეთ კავკასიის ქვეყნებში სოფლად მცხოვრებ ქალთა უნარ-შესაძლებლობების გაძლიერება და მათი ჩართვა ბუნებრივი რესურსების მდგრად მართვაში" ფარგლებში, რომელიც ხორციელდება გერმანული ფონდის EED-ის ფინანსური მხარდაჭერით.  წყარო:cenn

ქვემო ქართლი. 16 ივლისს ბოლნისში ადგილობრივი არასამთავრობო ორგანიზაციების წარმომადგენლებისა და ჟურნალისტებისთვის ჩატარდა სემინარი თემაზე „სოციალური მეწარმეობა". სემინარს უძღვებოდა სტრატეგიული კვლევების დაგ ანვითარების ცენტრი და განხილული იყო ისეთი საკითხების როგორიცაა: რა არის სოციალური მეწარმეობა, წარმატებული სოციალური საწარმოების მაგალითები საქართველოში და მის ფარგლებს გარეთ, სოციალური საწარმოებისა და ბიზნეს კომპანიების მსგავსება და განსხვავებები და ა.შ. სემინარი გაიმართა Arbeiter-Sammarieter-Bund-ის ორგანიზებით. წყარო: სოციალური მეწარმეობის ცენტრი

თბილისი. დემოკრატიის ხელშეწყობის მცირე საგრანტო პროგრამის მხარდაჭერით, FLEX პროგრამის მონაწილემ იურიდიული განათლების სემინარებს გაუწია ორგანიზება. პროგრამაში საქართველოს სხვადასხვა რეგიონიდან 44 მოსწავლე იღებდა მონაწილეობას, სემინარები ცნობილმა ექპერტებმა ჩაუტარეს. მოსწავლეებმა ჯგუფურ დისკუსიებში, დებატებსა და იმიტირებულ სასამართლოში მიიღეს მონაწილეობა.  თბილისის იუსტიციის სახლში, პროექტის ყველა მონაწილეს აშშ–ის საელჩოს საზოგადოებასთან ურთიერთობის განყოფილების, იუსტიციის სამინისტროსა და ამერიკული საბჭოების წარმომადგენლება სერთიფიკატები გადასცეს. აშშ–ის საელჩო ყოველწლიურად აცხადებს დემოკრატიის ხელშეწყობის მცირე საგრანტო პროგრამას, რომლის ფარგლებშიც საელჩო აშშ–ის გაცვლითი პროგრამის მონაწილეებს სხვადასხვა ღონისძიებების ორგანიზებაში ეხმარება. დემოკრატიის განვითარებისა და ეკონომიკური რეფორმების განსახორციელებლად, გრანტები გადაეცემა ორგანიზაციებს, რომელთა წევრებიც აშშ–ის გაცვლითი პროგრამის მონაწილეები არიან, ან თავად მონაწილეებს ინდივიდუალურად. პროგრამას ადმინისტრირებას აშშ–ის საელჩოს საზოგადოებასთან უერთიერთობის განყოფილება უწევს. წყარო:აშშ–ის საელჩოს გვერდი სოციალურ ქსელში

თბილისი. აშშ–ის საელჩოს წიგნების თარგმნის პროგრამის ფარგლებში, საგამომცემლო სახლმა ლაბირინთმა „სასამართლო კრიმინოლოგიის" სახელმძღვანელო თარგმნა და გამოსცა. წიგნის ავტორები არიან: უეინ პეტერიკი, ბრენტ ტიორვი, კლერ ფერგუსონი. წიგნი განკუთვნილია სისხლის სამართლის სფეროში მოღვაწე იურისტებისთვის, იურიდიული ფაკულტეტის სტუდენტებისა და ლექტორებისთვის. აშშ–ის საელჩოს ყოველწლიური წიგნების თარგმნის პროგრამა საშუალებას აძლევს საგამომცემლო სახლებსა და უმაღლეს საგანმანათლებლო დაწესებულებებს თარგმნონ და გამოსცენ ამერიკელი ავტორების წიგნები და სახელმძღვანელოები. პროგრამის მთავარი მიზანია, საზოგადოებისათვის წიგნი ხელმისაწვდომი გახადოს. სახელმძღვანელოს შესახებ დამატებითი ინფორმაცია შეგიძლიათ იხილოთ ბმულზე: http://goo.gl/ODXKl წიგნის ონლაინ შეძენა შესაძლებელია ბმულზე: http://goo.gl/7Y9Mr წყარო: აშშ–ს საელჩოს გვერდი სოციალურ ქსელში

თბილისი. საერთაშორისო გამჭვირვალობა – საქართველო უმაღლესი განათლების შესახებ კანონში მეორე მოსმენით განხილვისას შეტანილ ცვლილებებს გამოეხმაურა. სოციალურ ქსელში ორგანიზაციის ვებგვერდზე ნათქვამია, რომ „პარლამენტმა მეორე მოსმენით განხილვისას ცვლილება შეიტანა იმ კანონპროექტში, რომლის მიხედვითაც რექტორის მოვალეობის შემსრულებლის დანიშვნის უფლებამოსილება პრემიერმინისტრს ენიჭებოდა. ახალი რედაქცია შემდეგნაირად ჩამოყალიბდა: „საქართველოს კანონმდებლობის შესაბამისად რექტორის უფლებამოსილების ვადამდე შეწყვეტის შემთხვევაში რექტორის მოვალეობის შემსრულებელს ირჩევს საარჩევნო კოლეგია, რომლის შემადგენლობაში შედის ყველა ის პირი, ვისაც უმაღლეს საგანმანათლებლო დაწესებულებაში უჭირავს აკადემიური ან სამეცნიერო თანამდებობა და ფლობს დოქტორის ან მასთან გათანაბრებულ აკდემიურ ხარისხს." ჩვენი ორგანიზაცია მიესალმება წარმოდგენილ ცვლილებას, თუმცა, მიგვაჩნია, რომ უმჯობესი იქნება, თუ რექტორის მოვალეობის შემსრულებლის შერჩევის მსგავსი წარმომადგენლობითი მოდელი თავად რექტორის არჩევაზეც გავრცელდება". წყარო: ორგანიზაციის გვერდი სოციალურ ქსელში

იმერეთი. 12 ივლისს, სამოქალაქო საზოგადოების ინსტიტუტმა არასამთავრობო ორგანიზაციებთან მორიგი სამუშაო შეხვედრა ქუთაისში გამართა. არასამთავრობო ორგანიზაციების ფინანსურ მდგრადობაზე ორგანიზაციის ექსპერტებმა იმერეთის რეგიონში მოქმედ არასამთავრობო ორგანიზაციების თხუთმეტ წარმომადგენელთან ისაუბრეს. სამუშაო შეხვედრები, რომელთა მიზანია ხელი შეუწყოს არასამთავრობო ორგანიზაციებს თანხების სხვადასხვა გზით მოძიებაში, სამი სესიისგან შედგება: ფილანტროპია და მოხალისეობა, გრანტები და სახელმწიფო დაფინანსება, სოციალური მეწარმეობა. სამოქალაქო საზოგადოების ინსტიტუტმა არასამთავრობო ორგანიზაციების წარმომადგენლებთან სამუშაო შეხვედრები გორში, ახალციხესა და თელავში გამართა.

თბილისი.არასამთავრობო ორგანიზაცია „რადარამი" უახლოეს მომავალში გამართავს ახალი თარგმანის  – „იშრომე ბევრი, იყავი კარგი" – პრეზენტაციას. იგი ეხება მასწავლებლებსა და განათლების პოლიტიკას. წყარო: ორგანიზაციის გვერდი სოციალურ ქსელში

კახეთი. სათემო კავშირმა „ნუკრიანმა" და „სამოქალაქო ინიციატივამ" სოფელ ერისიმედის ბიბლიოთეკის საცავის შევსების მიზნით გაზაფხულზე აქცია დაიწყეს. კამპანია სხვადასხვა ინსტრუმენტებს მოიცავდა: სოციალურ მედიას, კარდაკარის პრინციპს და ა.შ. კამპანიას სხვადასხვა ორგანიზაციები შეუერთდნენ და სოფელ ერისიმედის ბიბლიოთეკას 500–ზე მეტი წიგნი გადაეცა. სრულად წყარო: სამოქალაქო ინიციატივის გვერდის სოციალურ ქსელში

გურია. 10 ივლისს სამოქალაქო განათლებისა და პედაგოგთა გადამზადების პროგრამის ფარგლებში გურიაში მომუშავე სამოქალაქო კლუბებისა და საინიციატივო ჯგუფების წევრი მოსწავლეების მონაწილეობით ერთდღიანი გასვლისი ბანაკი მოეწყო. მოსწავლეებმა მოინახულეს ბჟუჟჰესის ჰიდროელექტროსადგურის სათავე ნაგებობა, შემდეგ კი მდინარე ბჟუჟის ხეობაში დაბანაკდნენ. დღის მანძილზე მონაწილეებმა მოისმინეს საინტერესო პრეზენტაციები, ჩაერთნენ სახალისო აქტივობებში. სამოქალაქო განათლებისა და პედაგოგთა გადამზადების პროგრამას ახორციელებს PH International-ი ამერიკის საერთაშორისო განვითარების სააგენტოს დაფინანსებით (USAID). გურიის ახალგაზრდული რესურსცენტრი პროგრამის განმახორციელებელი პარტნიორია გურიაში. წყარო: ორგანიზაციის გვერდი სოციალურ ქსელში

თბილისი. ორგანიზაცია „მარიანის" ორგანიზებით 12 ივლისს თბილისის სახელმწიფო უნივერსიტეტში პოლონელი კულტუროლოგი, სოციოლოგი და ეთნოლოგი პროფესორი როიჩეკ ვურსტა ლექციას ჩაატარებს. თემა: „თანამედროვე კვლევის მეთოდოლოგია, მონაცემების შეგროვება და კონფიდენციალური ინფორმაციის შენახვა". ლექცია ასევე მოიცავს შეზღუდული შესაძლებლობის მქონე ადამიანების საჭიროებების კვლევის მეთოდოლოგიას.  ლექცია განკუთვნილია თემით დაინტერესებული მსმენელთათვის, დასწრება თავისუფალია. პროფესორი საქართველოში მოწვეულია პოლონურ ფონდ ''არი არის'' მიერ პოლონეთის საგარეო საქმეთა სამინისტროს დაფინანსებით. სრულად  წყარო:ორგანიზაციის გვერდი სოციალურ ქსელში

თბილისი. „ჰელფინგ ჰენდმა" მშვიდობის კოპრუსის მოხალისეების დახმარებით „მოხალისეთა ეფექტური მართვისა და მობილიზაციის მეთოდების სახელმძღვანელოზე" მუშაობა დაასრულა. უახლოეს მომავალში სახელმძღვანელო ქართულ ენაზე გამოიცემა და ის შესაძლებლობას მისცემს, როგორც ჰელფინგ ჰენდის, ასევე საქართველოში არსებულ სხვა არასამთავრობო ორგანიზაციებს გამოიყენონ გამოცდილება და უფრო ეფექტური გახადონ თავიანთ ორგანიზაციებში მოხალისეობის განვითარება. პროექტი ხორციელდება ევრაზიის თანამშრომლობის ფონდის მხარდაჭერით. წყარო:ორგანიზაციის გვერდი სოციალურ ქსელში

თბილისი. 7 და 8 ივლისს, CISV საქართველოს ოფისში საერთაშორისო ტრენერებმა, ტობიას ჰოფმანმა და ნიკოლ ოფერგელდმა, ქართველი ახალგაზრდა ლიდერებისთვის ტრენინგი ჩაატარეს. ღონისძიებაში მონაწილეობა CISV საქართველოს, EMT-სა და სიქას ახალგაზრდებმა მიიღეს. გერმანიისა და ნორვეგიის წარმომადგენლებმა ქართველ მონაწილეებს ტრენინგი ბანაკის დაგეგმვასა და ლიდერობის უნარ-ჩვევებში ჩაუტარეს, მონაწილეებმა თეორიულ ცოდნასთან ერთად აქტივობების დაგეგმვის პრაქტიკული გამოცდილებაც მიიღეს. ღონისძიების მიზანი იყო ქართველი ლიდერების მომზადება ახალგაზრდული შეხვედრისთვის, რომელიც 8-15 ივლისს, ბაკურიანში ჩატარდება. CISV საქართველოს ისტორიაში ეს პირველი ბანაკია, რომელიც საქართველოს ორგანიზებითა და CISV ნორვეგიის ფინანსური მხარდაჭერით ხორციელდება.

თბილისი. კონსულტაციებისა და ტრენინგების ცენტრმა საჯარო მოხელეთა გადამზადების პროგრამის ფარგლებში დაიწყო ტრენინგების ციკლი. პირველ ეტაპზე ტრენინგი იმართება ადმიანური რესურსების მართვალში. ჯამურად ტრენინგებში მონაწილეობას მიიღებს 900–მდე მოხელე, რომლებიც ადამიანური რესურსების მართვის გარდა გაივლიან კურსს პრეზენტაციის უნარებისა და წერილობითი კომუნიკაციის საკითხებზე. წყარო:ctc.ge

თბილისი. საერთაშორისო გამჭვირვალობა – საქართველომ ბლოგპოსტი – „რა შეიცვლება უმაღლესი განათლების შესახებ  კანონში?" – გამოაქვეყნა. ორგანიზაცია წარმოადგენს საკუთარ მოსაზრებებეს კანონპროექტის შესახებ შემდეგ საკითხებზე: უმაღლესი სასწავლებლების ავტონომია; რექტორის, დეკანისა და აკადემიური პერსონალისთვის დადგენილი რეგულაციები; სახელფასო სარგოების ახლებურად განსაზღვრა; ცვლილებები ადმინისტრაციულ მართვაში; კანონპროექტის სამართლებრივი და ტექნიკური ხარვეზების ჩამონათვალი. სრულად წყარო: transparency.ge

თბილისი. 2 ივლისს საქართველოს ტექნიკურ უნივერსიტეტში ESN Tbilisi ISU-სა და საქართველოში ევროკავშირის წარმომადგენლობის ორგანიზებით გაიმართა ერასმუს მუნდუსის საგანმანათლებლო გაცვლით პროგრამაში გამარჯვებულ სტუდენტებთან შეხვედრა. წელს ევროპის 18 ქვეყანაში 180-ზე მეტი ქართველი სტუდენტი მიიღებს უმაღლეს განათლებას. შეხვედრის დროს სტუდენტებს საშუალება ჰქონდათ დაესვათ კითხვები და მიეღოთ რჩევები. სტუდენტების კითხვებს პასუხობდნენ ევროკავშირის ატაშე განათლების სფეროში ბატონი ოლივერ რაისნერი და ილიას სახელმწიფო უნივერსიტეტის საგარეო ურთიერთობების დეპარტამენტის თანამშრომლები. სრულად წყარო: esn.ge

თბილისი.საერთაშორისო ასოციაცია „კივიტას გეორგიკამ" შექმნა ახალი ვებგვერდი www.preskola.ge.  ვებგვერდი სკოლამდელი განათლებას ეთმობა და განკუთვნილია მათთვის, ვინც დაინტერესებულია საქართველოში განათლების, კერძოდ კი სკოლამდელი განათლების განვითარებით. „ვებგვერდი წარმოადგენს იმ გამოცდილების შეჯამებას, რომელიც საერთაშორისო ასოციაცია „კივიტას გეორგიკას" - დაუგროვდა სკოლამდელი განათლების სფეროში რვაწლიანი წარმატებული მუშაობის შედეგად. ვიმედოვნებთ,რომ ვებგვერდი საინტერესო იქნება არა მარტო მათთვის, ვინც უშუალოდ მუშაობს სკოლამდელი განათლების სფეროში. ვფიქრობთ, რომ აქ სკოლამდელი ასაკის ბავშვების მშობლებიც იპოვიან  მათთვის საინტერესო ინფორმაციას", ნათქვამია ვებგვერდზე. წყარო:ორგანიზაციის გვერდი სოციალურ ქსელში

თბილისი. „ლიბერალიზმის სასწავლო ცენტრში" ბაქარ ბერეკაშვილმა  ლექცია წაიკითხა. ლექციის თემა იყო – „იდეოლოგიის ძალა ნეოლიბერალური დისკურსის მატრიცაში". შეხვედრაზე ისაუბრეს ტერმინის დეფინიციაზე, რა არის ნეოლიბერალიზმი, რაში მდგომარეობს მისი ძალა. ლექცია   წყარო: ორგანიზაციის გვერდი სოციალურ ქსელში

თბილისი. 28 ივნისს საქართველოს ახალგაზრდულმა პარლამენტმა პრესკონფერენცია გამართა. საუბარი შეეხო ახალგაზრდული პარლამენტის განათლებისა და მეცნიერების კომიტეტის მიერ მოამზადებულ პოლიტიკის დოკუმენტს, რომლითაც ისინი მიმართავენ განათლებისა და მეცნიერების სამინისტროს. ახალგაზრდული პარლამენტის მენეჯერმა და განათლებისა და მეცნიერების კომიტეტის ხელმძღვანელმა განაცხადეს, რომ აუცილებელია მიმდინარე ცვლილებებში საზოგადოების და აკადემიური წრეების აქტიური ჩართვა; შესაბამისად, მსგავსი საკანონმდებლო ცვლილების დაჩქარებული წესით გატანა ახალგაზრდულ პარლამენტს მიუღებლად მიაჩნია. „საქართველოს ახალგაზრდული პარლამენტი იზიარებს აზრს, რომ საუნივერსიტეტო ავტონომია ვერ დგას თავის სიმაღლეზე, თუმცა არ ეთანხმება იმ პოლიტიკურ უპრინციპობას, რასაც სახელმწიფოს მხრიდან, თუნდაც კეთილი მიზნებით, ავტონომიურ სფეროებზე კონტროლის თუნდაც დროებით აღება ქვია. საქართველოს ახალგაზრდული პარლამენტი მხარს უჭერს უმაღლესი საგამნათლებლო სივრცის ავტონომიურობას და ამ კუთხით წამოყენებულ ნებისმიერ ინიციატივას მიესალმება". წყარო:ორგანიზაციის გვერდი სოციალურ ქსელში

გურია. 24-28 ივნისს გურიის ახალგაზრდულმა რესურსცენტრმა  ინგლისური ენის საზაფხულო სკოლას უმასპინძლა. სკოლაში ინგლისური ენის შესწავლის ხელმისაწვდომობის სასტიპენდიო პროგრამის მეორე ნაკადის 25 მოსწავლე მონაწილეობდა. მოსწავლეები ამერიკელი მოხალისეების დახმარებით გაეცნენ ამერიკულ კულტურას, ისტორიას, ტრადიციებს, გაიღრმავეს ინგლისური ენის ცოდნა და პრაქტიკული უნარები. მონაწილეები სამ ჯგუფად დაიყვნენ, თითოეულმა ჯგუფმა საზაფხულო სკოლის განმავლობაში შეძენილი ცოდნის გამოყენებით მოამზადა კედლის გაზეთი, ბავშვებმა გამოავლინეს წარმატებული სტატიების ავტორები და ისინი დაჯილდოვდნენ ინგლისური წიგნებით.  ინგლისური ენის შესწავლის ხელმისაწვდომობის სასტიპენდიო პროგრამა (ACCESS) არის ამერიკული ორგანიზაცია PH International-ისა და ამერიკის საელჩოს ერთობლივი ინიციატივა. იგი მიზნად ისახავს ხელმისაწვდომი გახადოს ინგლისური ენის შესწავლა მოზარდებისთვის სოციალურად დაუცველი და ეკონომიკურად შეჭირვებული ოჯახებიდან. პროგრამა საქართველოს რამდენიმე რეგიონში ხორციელდება, მათ შორისაა გურია. გურიის ახალგაზრდული რესურსცენტრი პროგრამის განმახორციელებელი პარტნიორია რეგიონში.  წყარო:ორგანიზაციის გვერდი სოციალურ ქსელში