თბილისი. საერთაშორისო ასოციაცია კივიტას გეორგიკამ ფილმი – „სკოლამდე" – გადაიღო. ფილმში საუბარია ალტერნატიული სკოლამდელი განათლების ცენტრების მნიშვნელობაზე. ფილმი მომზადებულია გაეროს ბავშვთა ფონდის მიერ დაფინანსებული პროექტის – „ალტერნატიული სკოლამდელი განათლება საქართველოში" – ფარგლებში.   ფილმი   

აჭარა. ორგანიზაცია Art Way სექტემბრის თვეში იწყებს ახალ პროექტს, რომლის ფარგლებში ჩატარდება ოთხი სემინარი – ფოტოგრაფიის, ლიტერატურის, თეატრისა და შემოქმედებითი ფსიქოლოგიის მიმართულებით. თითო სემინარი იქნება ერთ დღიანი, მონაწილეები ერთ ღამეს  კარვებში ბათუმის ბოტანიკური ბაღის ტერიტორიაზე გაატარებენ. პროექტში მონაწილეობის მსურველებმა უნდა შეავსოთ ონლაინ აპლიკაციის ფორმა. აპლიკაცია წყარო:ორგანიზაციის გვერდი სოციალურ ქსელში

მცხეთა–მთიანეთი. ორგანიზაცია  „უკეთესი მომავლისათვის"  ამერიკის შეერთებული შტატების მთავრობის ფინანსური მხარდაჭერით, წეროვნის დევნითა დასახლებაში ახორციელებს პროექტს „ამერიკული კუთხე"-American Corner. American Corner - ეს არის ბიბლიოთეკა ბორბლებზე. რომელიც წინასწარ გაწერილი გრაფიკის შესაბამისად იმოძრავებს მცხეთა-მთიანეთის რეგიონის დევნილთა დასახლებებში. „ამერიკული კუთხის" მომსახურება არის უფასო და ხელმისაწვდომია საქართველოს ყველა დაინტერესებული მოქალაქისათვის. როგრამის მიზანია ამრიკის შეერთებულ შტატებსა და საქართველოს შორის პარტნიორობისა და ურთიერთთანამშრომლობის ხელშეწყობა. დევნილი საზოგადოების ინფორმირებულობის ამაღლება ამერიკის შეერთებული შტატების კულტურის, ისტორიის, პოლიტიკის, ტრადიციების, ღირებულებების შესახებ.  წყარო:ორგანიზაციის გვერდი სოციალურ ქსელში

თბილისი.აშშ–ს საელჩო საქართველოში ინგლისური ენის მასწავლბელს და ასევე დაინტერესებულ პირებს აცნობებს, რომ 21 აგვისტოს, 16:00 საათზე გაიმართება#‎AmericanEnglish ინტერნეტ სემინარზე, სადაც აუდიო წიგნების გამოყენებაზე იქნება საუბარი.. ინფორმაციისთვის მიყევით ბმულს: http://bit.ly/aewebinars წყარო: აშშ–ს საელჩოს გვერდი სოციალურ ქსელში

თბილისი. „ქუჩის აკადემია" – ასე ჰქვია ინტერნეტ მაუწყებლის „არტარიას" ახალ პროექტს, რომელიც რამდენიმე კვირის განმავლობაში საზოგადოებას მეცნიერების, დიზაინერების, არტისტების, ლექტორების, ერთმანეთისგან აბსოლუტურად განსხვავებული პროფესიისა და იდეების ადამიანების ლექციებს სთავაზობს. ღია ცის ქვეშ გამართული ლექციებზე დასწრება ნებისმიერ ადამიანს შეუძლია 19 აგვისტოს, 19:00 საათზე გაიმართება ლევან ბერძენიშვილის  ლექცია: „ვაჟა ჩვენი თანამედროვე". მისამართი: თბილისი, დოდო აბაშიძის 10. სრულად წყარო: ღონისძიების გვერდი სოციალურ ქსელში

აჭარა. 18 აგვისტოს, ბათუმის სახელმწიფო უნივერსიტეტის საკონფერმენციო დარბაზში ახალგაზრდულმა ორგანიზაციამ – „შენ დემოკრატიისკენ" –  სტუდენტური კონფერენცია გამართა. კონფერენციის თემა იყო „უნივერსიტეტი და პოლიტიკა". შეხვედრას თბილისის, თელავის, ქუთაისის და ბათუმის უნივერსიტეტის სტუდენტები ესწრებოდნენ. კონფერნცია მიზნად ისახავდა განათლების რეფონრმის შესახებ სტუდენტების მაქსიმალურ ინფორმირებას და საკითხის მიმართ მათი მოსაზებების დაფიქსირებას. კონფერენციის ფარგლებში განხილეს  უნივერსიტეტებში სტუდენტური თვითმმართველობების საკითხი.

შიდა ქართლი.13-14 აგვისტოს, სამოქალაქო საზოგადოების ინსტიტუტი შიდა ქართლში მოქმედი საზოგადოებრივი ორგანიზაციებისთვის მართავს  ტრენინს – „შედეგზე ორიენტირებული პროექტის დაგეგმვა". ტრენიგი განკუთვნილია საზოგადოებრივი ორგანიზაციების პროექტის მენეჯერებისთვის და იმ ადამიანებისთვის, ვინც ჩართულები არიან და მონაწილეობენ პროექტის დაგეგმვასა და განხორციელებაში. ტრენინგის მიზანია საზოგადოებრივმა ორგანიზაციებმა მიიღონ  თეორიული და პრაქტიკული ცოდნა სისტემური ცვლილებისა და მონაწილეობითი მიდგომების შესახებ. ტრენინგი ხორციელდება სამოქალაქო საზოგადოების ინსტიტუტის მიერ, მოწვეული საერთაშორისო ექსპერტის ხელმძღვანელობით. ფინასურ მხარდაჭერას უზრუნველყოფს ევროკავშირი, პროექტის – „საზოგადოებრივი ორგანიზაციების განვითარების ეფექტურობის ხელშეწყობა საქართველოში" – ფარგლებში.

იმერეთი.  9 და 12 აგვისტოს ქუთაისის ახალგაზრდული ცენტრის წევრებმა ახალგაზრდული ჯგუფისთვის სოციალურ მედიაზე თანატოლთა განათლების ტრენინგი  ჩაატარეს. ტრენინგის მიზანს წარმოადგენდა სოციალური მედიის შესახებ ცოდნისა და უნარ–ჩვევების განვითარება ახალგაზრდებისათვის, რაც სამომავლოდ ხელს შეუწყობს ახალგაზრდებმა გაიაზრონ, თუ რა როლი აქვს სოციალურ მედიას ზოგადად საზოგადოების მობილიზების სხვადასხვა თემატიკის ადვოკატირების საკითხებში. ტრენინგის მონაწილეებს მიეწოდათ ინფორმაცია სოციალური მედიის საშუალებით ინფორმაციის გავრცელების და უკუკავშირის მიღების შესახებ. თანატოლთა განათლების ტრენინგები ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორანიზაციის გვერდი სოციალურ ქსელში

სამცხე–ჯავახეთი. 5 აგვისტოს, კონსტიტუციონალიზმის კვლევისა და ხელშეწყობის რეგიონული ცენტრის წარმომადგენლები ახალციხეში მომუშავე არასამთავრობო ორგანიზაციების წარმომადგენლებს, სტუდენტებსა და დაინტერესებულ პირებს შეხვდა. შეხვედრების მიზანია საჯარო ლექციებისა და განხილვების ფორმატში  საზოგადოების მაქსიმალური ინფორმირება საქართველოს კონსტიტუციურ ისტორიაზე, კონსტიტუციის ახალ რედაქციაზე, რომელიც ძალაში უნდა შევიდეს 2013 წლის ოქტომბრის მორიგი საპრეზიდენტო არჩევნების შემდეგ. მსგავსი შეხვედრები გაიმართა ეთნიკური უმცირესობებით დასახლებულ რეგიონებში. წყარო: კონსტიტუციონალიზმის კვლევისა და ხელშეწყობის რეგიონული ცენტრი

იმერეთი.  8 აგვისტოს ქუთაისის ახალგაზრდული ცენტრის წევრებისათვის ჩატარდა ტრენინგ-სემინარი – „პროექტების წერა და მართვა". ტრენინგის საკვანძო საკითხებს წარმოადგენდა: გუნდის ეფექტურობის განმსაზღვრელი და დავალებასთან დაკავშირებული ფაქტორები, საპროექტო წინადადება – ძირითად ინფორმაცია, კონტექსტი, პროექტის გეგმა (მიზანი, ამოცანები, საქმიანობები, ბენეფიციარები, სამუშაო გეგმა), პროექტის მართვა/მენეჯმენტი, რისკები და მდგრადობა, საჭირო რესურსები, ეფექტური ბიუჯეტის შედგენა, საპროექტო ჯგუფის წევრების როლები, მიკრო გარემოს ანალიზი (როგორ მოვიზიდოთ დონორები) დონორების მოძიება (საერთაშორისო, ადგილობრივი) – როგორ მოვიპოვოთ დაფინანსების წყაროები, მითები და რეალობა დონორების შესახებ, ფანდრაიზინგი და მისი დაგეგმვის საკითხები. ტრენინგ-კურსის მონაწილე ახალგაზრდების მიერ შემუშავებული იქნა რამდენიმე საპროექტო წინადადება, რომელსაც სამომავლოდ განახორციელებენ ქუთაისის ახალგაზრდული ცენტრის ეგიდით.  ტრენინგ-სემინარი ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

თბილისი. გაეროს ბავშვთა ფონდის (UNICEF) ფინანსური მხარდაჭერით საქართველოს განათლებისა და მეცნიერების სამინისტროს ეროვნული სასწავლო გეგმების დეპარტამენტმა განახორციელა პროექტი – „სპორტი სპეციალური საგანმანათლებლო საჭიროების მქონე მოსწავლეებისათვის". პროექტის მიზანი იყო სპეციალური საგანმანათლებლო საჭიროების მქონე მოსწავლეთა მონაწილეობა ფიზიკური აღზრდისა და სპორტის გაკვეთილებში, ასევე სხვადასხვა სპორტულ აქტივობაში და მათთვის თანაბარი ხელმისაწვდომობის უზრუნველყოფა. პროექტის ფარგლებში, თბილისის 20 და საქართველოს რეგიონების 35 საპილოტე სკოლის სპორტის 114 პედაგოგი, სპეცპედაგოგები და ფსიქოლოგები გადამზადდნენ პროექტის ინკლუზიური განათლების კონსულტანტის და სპორტისა და ფიზიკური ექსპერტის მიერ.   პროგრამის ფარგლებში ჩატარდა კონკურსი სპორტის საუკეთესო გაკვეთილის გამოვლენის მიზნით. გამოვლინდნენ გამარჯვებული პედაგოგები (სულ 6 პედაგოგი), რომელთა გადაეცემათ ფულადი ჯილდოები. პროექტის ფარგლებში შეძენილი ადაპტური სასპორტო ინვენტარი მიეწოდა საქართველოს მასშტაბით თხუთმეტ საპილოტე სკოლას, შეიქმნა გზამკვლევი სკოლის პედაგოგებისათვის „სპორტი სპეციალური საგაბმანათლებლო საჭიროების მქონე მოსწავლეებისათვის", გაკეთდა პროგრამის მიმდინარეობის და შედეგების ამსახველი ფლეშ-ალბომი, მომზადდა რეკომენდაციები სპორტის მასწავლებლებისთვის ადაპტური სპორტული ინვენტარის გამოყენებაზე. წყარო:განათლებისა და მეცნიერების სამინისტროს გვერდი სოციალურ ქსელში

იმერეთი. 9 აგვისტოს, 14:00 საათზე სამეცნიერო-ინტელექტუალური კლუბის თაობათა დიალოგის მოწვევით ირინა ტყეშელაშვილი ისაუბრებს ვიშეგრადის საერთაშორისო ფონდის ერთ-ერთი სასტიპენდიო პროგრამაზე (In-Coming Scholarhsip ) ვროცლავის უნივერსიტეტის მაგალითზე (პოლონეთი). ხოლო, რომანა პეტრაკოვა (ჩეხეთი) კი ისაუბრებს ვიშეგრადის სასტიპენდიო პროგრამის მონაწილე ჩარლზის უნივერსიტეტის შესახებ. დასწრება თავისფალია. მისამართი: ქუთაისი, დემოკრატიული ჩართულობის ცენტრი წყარო:ორგანიზაციის გვერდი სოციალურ ქსელში

სამცხე–ჯავახეთი. 8-9 აგვისტოს, სამოქალაქო საზოგადოების ინსტიტუტი სამცხე–ჯავახეთში მოქმედი საზოგადოებრივი ორგანიზაციებისთვის მართავს ტრენინგს თემაზე: „შედეგზე ორიენტირებული პროექტის დაგეგმვა" . ტრენიგი განკუთვნილია საზოგადოებრივი ორგანიზაციების პროექტის მენეჯერებისთვის და იმ ადამიანებისთვის ვინც ჩართულები არიან და მონაწილეობენ პროექტის დაგეგმვასა და განხორციელებაში. ტრენინგის მიზანია საზოგადოებრივმა ორგანიზაციებმა მიიღონ  თეორიული და პრაქტიკული ცოდნა სისტემური ცვლილებისა და მონაწილეობითი მიდგომების შესახებ, რაც მათ საშუალებას მისცემს განავითარონ გრძელვადიან შედეგსა და გავლენაზე ორიენტირებული პროექტები. ტრენინგი ხორციელდება სამოქალაქო საზოგადოების ინსტიტუტის მიერ, მოწვეული საერთაშორისო ექსპერტის ხელმძღვანელობით. ფინასურ მხარდაჭერას უზრუნველყოფს ევროკავშირი, „საზოგადოებრივი ორგანიზაციების განვითარების ეფექტურობის ხელშეწყობა საქართველოში" პროექტის ფარგლებში.

იმერეთი.  6 აგვისტოს ქუთაისის ახალგაზრდული ცენტრის წევრებისათვის  გაიმართა დისკუსიას თემაზე: „არალეგალური მიგრაცია და ტრეფიკინგი". შეხვედრაზე მოწვეულმა სტუმარმა, მიგრაციის საერთაშორისო ორგანიზაციის (IOM) ქუთაისის ოფისის ხელმძღვანელმა დამსწრეებს გააცნო ისეთი მნიშვნელოვანი საკითხები, როგორიცაა: ტრეფიკინგის ნიშნები; ტრეფიკინგის ფორმები; მდგომარეობა საქართველოში ტრეფიკინგის და არალეგალური მიგრაციის საკითხებთან დაკავშირებით (ხელშემწყობი ფაქტორები); ტრეფიკინგის შემთხვევები საქართველოში და მასთან ბრძოლის სამართლებრივი მექანიზმები; ადამიანთა ვაჭრობის (ტრეფიკინგის) წინააღმდეგ ბრძოლის სამოქმედო გეგმა და სახელმწიფოს როლი ტრეფიკინგის პრევენციის საკითხებში და ა.შ. ახალგაზრდული ცენტრის წევრებს დაურიგდათ საინფორმაციო მასალები. დისკუსია გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ქუთაისის ახალგაზრდული ცენტრის გვერდი სოციალურ ქსელში

შიდა ქართლი. ცენტრი „აფხაზეთი"  გორში ატარებს ტრენინგებს თემებზე: „სასკოლო კლუბების მუშაობის ფორმები და მართვა" და „ბავშვი ბავშვისთვის" სწავლების მეთოდოლოგია. ტრენინგებში, რომლებიც მიზნად ისახავს არაფორმალური განათლების კლუბების შექმნისა და განვითარების საქმეში მასწავლებლების შესაძლებლობების გაზრდას, გორის რაიონის „ბუფერული ზონის" სოფლების 80 პედაგოგია ჩართული. ტრენინგებზე მიღებულ ინფორმაციასა და ცოდნას პედაგოგები საკლუბო აქტივობების დაგეგმვისა და განხორციელების პროცესში გამოიყენებენ, სადაც მოსწავლეთა ჩართულობას მაღალი ყურადღება მიექცევა.  ტრენინგები ორგანიზებულია პროექტის – „ახალგაზრდების მონაწილეობა და განვითარება" - ფარგლებში, რომელიც დაფინანსებულია USAID-ის მიერ და ხორციელდება გაეროს ბავშვთა ფონდის (UNICEF) მხარდაჭერით. წყარო:ორგანიზაციის გვერდი სოციალურ ქსელში

შიდა ქართლი.2 აგვისტოს ასოციაცია გორის ინვალიდთა კლუბთან არსებულმა გორის ახალგაზრდულმა ცენტრმა, ნატოსა და ევროკავშირის შესახებ საინფორმაციო ცენტრის წარმომადგენლებს უმასპინძლა. საინფორმაციო ცენტრის დირექტორის მოადგილემ გიორგი კეპულაძემ ბავშვებს ნატოსა და ევროკავშირის ისტორიის და საქართველოს ევროატლანტიკურ სივრცეში ინტეგრაციის შესახებ ესაუბრა. ასევე ისაუბრეს ნატოს როლსა და მისიაზე, საქართველოს შანსებზე ევროკავშირში შესვლაზე და ევროკავშირის სიკეთეზე. ლექციის შემდეგ ცენტრის წარმომადგენლებმა ახალგაზრდების კითხვებს უპასუხეს და ნატოსა და ევროკავშირის შესახებ გამოცემული ლიტერატურა გადასცეს. შეხვედრა გაიმართა პროექტის – „ეროვნული ინტეგრაციის გაძლიერება საქრთველოში" – ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო: გორის ახალგაზრდული ცენტრის გვერდი სოციალურ ქსელში

შიდა ქართლი. ცენტრი „აფხაზეთი" გორის მუნიციპალიტეტის „ბუფერული ზონის" რვა სოფლის სკოლებში საკლუბო აუდიტორიების რეაბილიტაციას ახორციელებს.  სარეაბილიტაციო სამუშაოებს ცენტრ „აფხაზეთის" ერთ-ერთი პროექტის ფარგლებში შექმნილი „მოვლა-ექსპლუატაციის" ჯგუფის წევრები ახორციელებენ. „მოვლა-ექსპლუატაციის" ჯგუფის წევრები დევნილები არიან. რეაბილიტირებულ და კეთილმოწყობილ საკლუბო აუდიტორიებში დაარსდება 56 არაფორმალური განათლების წრე შემდეგ მიმართულებებში: მათემატიკა, ფიზიკა, ქიმია, ბიოლოგია, სამოქალაქო განათლება, გარემოს დაცვა, ჯანსაღი ცხოვრების წესი.  საკლუბო აუდიტორიები აღიჭურვება ავეჯით, ხოლო საგნობრივი წრეები - თანამედროვე სასწავლო ნივთებით, თვალსაჩინოებებით და ლაბორატორიული დანადგარებით დაკომპლექტდება. წრეები 30 თვე იფუნქციონირებენ.  პროექტი დაფინანსებულია USAID-ის მიერ და ხორციელდება UNICEF-ის მხარდაჭერით. წყარო:ორგანიზაციის გვერდი სოციალურ ქსელში

ქვემო ქართლი. დასრულდა „სამოქალაქო განათლებისა და პედაგოგთა გადამზადების" პროგრამის ფარგლებში სიქას მიერ ადმინისტრირებული „სამოქალაქო განათლების საზაფხულო ბანაკის" სამივე ნაკადი. პროგრამა რომლიც USAID-ის დაფინანსებითა და PH International - ს ორგანიზებით ხორციელდება, სიქას-თან უკვე მესამე წელია ახორციელებს სამოქალაქო განათლების ბანაკებს, საერთო ჯამში ბანაკის 8 ნაკადში მონაწილეობა მიიღო 700-ზე მეტმა მონაწილემ საქართველოს ყველა რეგიონიდან. წყარო: ორგანიზაციის გვერდი სოციალურ ქსელში

იმერეთი. 30 ივლისს, დავით კაკაბაძის სახელობის ქუთაისის სახვითი ხელოვნების გალერეაში გაიხსნა ანა ფრანკის სახლის (ამსტერდამი) ორი გამოფენა - „წერა-კითხვა ანა ფრანკთან ერთად" და „ანა ფრანკი - აქტუალური ისტორია". გამოფენები განკუთვნილია 10-15 წლამდე მოზარდებისთვის. იგი ღიაა ყოველ დღე შაბათ-კვირის გარდა და მუშაობს 11:00 საათიდან 18:00 საათის ჩათვლით. გამოფენა ქუთაისში 8 აგვისტომდე დარჩება. საგანმანათლებლო პროექტი „ანა ფრანკი - აქტუალური ისტორია" ხორციელდება საქართველოში ჰოლანდიის საელჩოს, საქართველოს პირველი ლედის სანდრა ელისაბედ რულოვსის ჯანსაღი ცხოვრების წესის ინიციატივის „Don't Worry, Be Healthy!", ანა ფრანკის სახლის და საქართველოს გაეროს ასოციაციის მიერ ჰოლანდიის საგარეო საქმეთა სამინისტროს ფინანსური მხარდაჭერით. პროექტის მიზანია ახალგაზრდების გათვითცნობიერება ისეთ საკითხებზე როგორიცაა, ადამიანის უფლებები, მრავალფეროვნება და დისკრიმინაცია. პროექტის ფარგლებში ჰოლანდიურიდან ქართულ ენაზე ითარგმნა „ანა ფრანკის დღიური", რომელიც რიგდება საქართველოს 10 ქალაქის საჯარო სკოლების ბიბლიოთეკებში, ამავე ქალაქებში ეწყობა „ანა ფრანკის სახლი ამსტერდამიდან" ქართულენოვანი მოძრავი გამოფენა. წყარო: ქუთაისის განათლების განვითარებისა და დასაქმების ცენტრი  

შიდა ქართლი. 27 ივლისს „რადარამმა" ჯგუფი გორის დემოკრატიული ჩართულობის ცენტრში ორგანიზაციის მიერ ნათარგმნი ბოლო წიგნის, ჯეი მათეუსის „იშრომე ბევრი იყავი კეთილის" პრეზენტაცია გამართა. „ჯეი მათეუსი მოგვითხრობს ორი მასწავლებლის შესახებ, რომლებმაც სრულიად განსხვავებული სკოლები შექმნეს ამერიკის საგანმანეთლო სივრცეში. მათ საშინელ პირობებში დაიწყეს მუშაობა – არც მატერიალური ბაზა ჰქონდათ, არც შესაბამისი სახსრები გააჩნდათ, არც მოსწავლეები იყვნენ მოტივირებულნი რომ ესწავლათ და არც განათლების სფეროს ჩინოვნიკებს სჯეროდათ, რომ ეს ორი გაბედული, გამოუსწორებელი ოპიტიმისტი რამეს მიაღწევდა. ყველაფერი კი პირიქით მოხდა! როგორ, რა რესურსით, რა ტიპის თავდადებისა თუ თავგანწურვის ხარჯზე – ამას წიგნიდან შეიტყობთ" – ასეთ აღწერას უკეთებს წიგნს  „რადარამი". წყარო: katokaterina.wordpress.com

აჭარა.  28 ივლისს ქობულეთში CISV-საქართველოს ორგანიზებით "Youth in Action"-ის ფარგლებში დაიწყო გაცვლითი პროგრამის განხორციელება "Hold My Hand, Speak to Me". აღნიშნული პროექტის ფარგლებში 2013 წლის 20-27 ივლისს ტრენინგები ჩატარდა სომხეთში, ქალაქ სტაპანავანში. ტრენინგების თემაა სპეციალური საჭიროების მქონე ადამიანების ადგილობრივ და საერთაშორისო საზოგადოებასთან ინტეგრაცია.  პროექტში მონაწილეობენ საქართველოს, ნორვეგიის, სომხეთის, პოლონეთის, უკრაინის, ბელორუსიის, მოლდოვის წარმომადგენლები. ქართულ დელეგაციას წარმოადგენენ CISV-საქართველოს მოხალისეები. პროექტი დასრულდება 4 აგვისტოს. წყარო:ორგანიზაციის გვერდი სოციალურ ქსელში

შიდა ქართლი. 23 ივლისს, ფონდი „ღია საზოგადოება საქართველოსა" და საზოგადოება „ბილიკის" ერთობლივი აქცია გაიმართა ეგრეთ წოდებულ საზღვრისპირა სოფლების სკოლებისთვის. აქციის ფარგლებში გორის რაიონის სოფლების - ხურვალეთის, შავშვების და წითელუბნის სკოლების ბიბლიოთეკებს გადაეცათ წიგნები, რომელიც თბილისის საჯარო სკოლებში შეგროვდა. შეხვდერას ესწრებოდნენ ხურვალეთის, წითელუბნისა და შავშვების სკოლის დირექტორები და მოსწავლეები. წიგნებთან ერთად სკოლებს გადაეცათ ლამინირების აპარატები და თბილისის სკოლის მოსწავლეების მიერ გამოგზავნილი წერილები.  შეკრებილ მოსწავლეებს ზიანის შემცირების მიმართულებისა და პროგრამის „აღმოსავლეთი-აღმოსავლეთი: პარტნიორობა საზღვრების გარეშე" კოორდინატორები ადამიანის უფლებებსა და საზოგადოებრივ ჩართულობის თემატიკაზე ესაუბრნენ. განხილული იყო ის საფრთხეები, რომელის წინაშეც შეიძლება მოზარდი დადგეს. ასევე ისაუბრეს სამომავლო გეგმებსა და შემდგომ პარტნიორობაზე.  ღონისძიება განხორციელდა პროექტის – „ეროვნული ინტეგრაციის გაძლიერება საქართველოში" ფარგლებში, რომელსაც ახორციელებენ საქართველოს გაეროს ასოციაცია, ფონდი „ღია საზოგადოება საქართველო" და აშშ-ს საერთაშორისო განვითარების სააგენტო. წყარო: „ბილიკის" გვერდი სოციალურ ქსელში