შიდა ქართლი. 14 მარტს, საზოგადოება „ბილიკში“ - შიდა ქართლის რეგიონული ჰაბში ახალგაზრდებისათვის ჩატარდა ტრენინგი თემაზე „კვლევის ჩატარების ტექნიკები“. ტრენინგის მიზანი იყო მსმენელებს შეეძინათ საბაზისო ცოდნა კვლევის, მისი სტრატეგიის, მეთოდოლოგიის, მეთოდიკის და ტექნიკის შესახებ. შეხვედრაზე განიხილეს შემდეგი საკითხები: კვლევის მნიშვნელობა, კვლევასთან დაკავშირებული ტერმინები, კვლევის მეთოდები და ტიპები, რა მეთოდებით შეიძლება მონაცემების მოპოვება, მონაცემთა ანალიზი. ტრენინგის შემდეგ ახალგაზრდებს ექნებათ შესაძლებლობა სხვადასხვა მეთოდებით ჩაატარონ საბაზისო დონის კვლევები და გამოავლინონ საჭიროებები. ტრენინგი ჩატარდა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“. პროექტი ხორციელდება ევროკავშირისა და კონრად-ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

აჭარა. 14 მარტს, შუახევის მუნიციპალიტეტში მცხოვრები ახალგაზრდებისთვის სამოქალაქო საზოგადოების კურსის მესამე შეხვედრა გაიმართა. აქტივობა ხორციელდება პროექტის „თავისუფალ ჟურნალისტთა სახლის ინსტიტუციური გაძლიერება“ ფარგლებში. პროექტის ფინანსური მხარდამჭერია „საქართველოს ახალგაზრდა იურისტთა ასოციაცია“. სრულად... წყარო: ორგანიზაციის გვერდი სოციალურ ქსელში

გურია. ციფრული სივრცე - მეტი შესაძლებლობისთვის ინფორმაციით, დაიწყო პროექტის „თანასწორობა ძლიერი თემისთვის“ განხორციელება, რომელიც ასკანის და მზიანის თემში მაცხოვრებლებს შესაძლებლობას მისცემს განავითარონ პიროვნული უნარ-ჩვევები, მიიღონ ახალი ცოდნა და მნიშვნელოვანი გამოცდილება. „პროექტის ფარგლებში არაერთი საინტერესო აქტივობა იგეგმება, როგორიცაა: ტრენინგები, კურსები, ლექციები, სამეწარმეო-შემეცნებითი ტურები, ფლეშმობები, საინფორმაციო კამპანიები, ფილმის ჩვენება-განხილვები, მასტერკლასები. თითოეული აქტივობა კოვიდ რეგულაციების გათვალისწინებით განხორციელდება. პროექტში ჩართვის შესაძლებლობა აქვთ სოფელ ასკანის და მზიანის თემში მცხოვრებ პირებს, რომლებსაც უკვე შეუსრულდათ 13 წელი. თუ აკმაყოფილებ მონაწილეთა შერჩევის კრიტერიუმებს, მოდი ასკანის საჯარო სკოლაში, ან გააკეთე განაცხადი სატელეფონო კომუნიკაციით. პროექტს „თანასწორობა ძლიერი თემისთვის“ ახორციელებს „ნასაკირალის საინიციატივო ჯგუფი - ნასა“ და ასკანის საჯარო სკოლის „ციფრული სივრცე - მეტი შესაძლებლობა“, ქალთა ფონდი საქართველოში და ქალები საერთო მომავლისთვის (WECF) საქართველოს ოფისთან პარტნიორობით, პროექტის „ქალების ძალაუფლება ინკლუზიისთვის“ ფარგლებში, რომელიც ხორციელდება ადგილობრივ ორგანიზაციებთან „ახალგაზრდა პედაგოგთა კავშირი“, „რაჭის სათემო ორგანიზაცია“, „ქალი და რეალობა“ და „უხუცეს ქალთა საბჭო“ თანამშრომლობით. პროექტის ფინანსური მხარდამჭერია ევროკავშირი“. კითხვების ან რეგისტრაციის სურვილის შემთხვევაში, დარეკეთ: 555 53 78 19 ან 557 93 63 11. სრულად... წყარო: ციფრული სივრცე - მეტი შესაძლებლობა

თბილისი. 8 მარტს, ანიკას დღის ცენტრის ახალგაზრდების მშობლებთან ჩატარდა ტრენინგი „შშმ პირთა სწორი მხარდაჭერა დამოუკიდებელი ცხოვრების უნარების განვითარებაში“. ტრენინგზე განიხილეს ის მიდგომები და ტექნიკები, რომლებიც საჭიროა შშმ პირების დამოუკიდებლობის ხარისხის გაზრდისათვის. ტრენინგი ინტერაქციული ხასიათის იყო. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ (LDA Georgia) პროექტის „სამოქალაქო საზოგადოების ინიციატივა“ ფარგლებში სამიზნე მუნიციპალიტეტებში არსებული სამოქალაქო საზოგადოებრივი ორგანიზაციის წარმომადგენლებისა და აქტიური მოქალაქეებისათვის ჩაატარა ტრენინგი ადვოკატირების როლის, მნიშვნელობის, ეტაპებისა და მეთოდების შესახებ. ტრენინგები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

შიდა ქართლი. 7 მარტს, „საზოგადოება ბილიკში“ (შიდა ქართლის რეგიონული ჰაბი), გორის ახალგაზრდულ საბჭოს წევრი ახალგაზრდებისთვის ტრენინგი გაიმართა თვითმმართველობის სტრუქტურის და ორგანიზაციული მართვის შესახებ. გორის ახალგაზრდული საბჭოს გაძლიერება ხდება პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. პროექტი ხორციელდება ევროკავშირისა და კონრად-ადენაუერის ფონდის მხარდაჭერით. გორის ახალგაზრდული საბჭოს მხარდამჭერია გორის მუნიციპალიტეტის მერია. სრულად... წყარო: ორგანიზაციის გვერდი სოციალურ ქსელში

თბილისი. „საფარის” ინფორმაციით, ორგანიზაციის იურისტმა, ცირა ჯგერენაიამ შავი ზღვის საერთაშორისო უნივერსიტის სამართლის ფაკულტეტის მიწვევით სტუდენტებისთვის საჯარო ლექცია ჩაატარა. ლექცია ეხებოდა ძალადობის ფორმებსა და მისგან თავდაცვის გზებს. „იურისტმა კონკრეტული მაგალითების საფუძველზე, დეტალურად განიხილა ფიზიკური, ფსიქოლოგიური და ეკონომიკური ძალადობის ფორმები და ამგვარი დანაშაულების გამოძების პრაქტიკა. გარდა ამისა, წარადგინა Safe You – აპლიკაცია, რომელიც ძალადობის საფრთხის ქვეშ მყოფი ქალების დასახმარებლად შეიქმნა“. სრულად... წყარო: sapari.ge

საქართველო. USAID GGI-ს მხარდაჭერით, ამბროლაურის, ლანჩხუთის, ახმეტისა და ცაგერის მუნიციპალიტეტების თვითმმართველობების წარმომადგენლებისთვის გამჭვირვალობისა და ეთიკის საკითხებზე ტრენინგები ჩატარდა. „ამ მუნიციპალიტეტებმა ახლახანს დაამტკიცა გამჭვირვალობისა და კეთილსინდისიერების ამაღლების სტრატეგიები და სამოქმედო გეგმები. შესაბამისად, ტრენინგები ამ მხრივ თვითმმართველობის შესაძლებლობების გაძლიერებას ისახავს მიზნად“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, სასერტიფიკატო და საუნივერსიტეტო პროგრამის „დეზინფორმაციისა და პროპაგანდის კვლევა“ გაზაფხულის სემსეტრი დაიწყო. „მიმდინარე სემესტრის განმავლობაში სტუდენტებს საშუალება ექნებათ გაეცნონ ოთხ ახალ კურსს: - დეზინფორმაცია და საზოგადოება; - კოლექტიური მეხსიერება და მისი როლი ქართულ პოლიტიკასა და საერთაშორისო ურთიერთობებში; - არქივები, მედია და ფაქტები; - კიბერუსაფრთხოების სტრატეგიის საფუძვლები“. სრულად... წყარო: idfi.ge

თბილისი. გაეროს განვითარების პროგრამის ინფორმაციით, ოცდასამი არასამთავრობო ორგანიზაცია, მათ შორის „საფარი“, ჩაერთო ტრენინგში „ქრაუდფანდინგის“ წარმოების შესახებ. სრულად... წყარო: ორგანიზაციის გვერდი სოციალურ ქსელში

თბილისი. 26-27 თებერვალს, გაეროს ბავშვთა ფონდისა და ჩეხეთის რესპუბლიკის კარიტასის ორგანიზებით პედიატრების ტრენინგი გაიმართა. შეხვედრაზე პროფესორმა ივანე ჩხაიძემ პედიატრებს COVID-19-ის დიაგნოსტიკის, მართვისა და პრევენციის, ასევე მკურნალობის განახლებული პროტოკოლების შესახებ მიაწოდა ინფორმაცია. პროექტი ხორციელდება USAID/Georgia-ს მხარდაჭერით. სრულად... წყარო: ორგანიზაციის გვერდი სოციალურ ქსელში

საქართველო. 16-21 თებერვალს, ინფორმაციის თავისუფლების განვითარების ინსტიტუტმა (IDFI) ლანჩხუთის და ამბროლაურის მერიების, ასევე მათ დაქვემდებარებაში მყოფი იურიდიული პირების თანამშრომლებისთვის გამჭვირვალობის, ანგარიშვალდებულებისა და კეთილსინდისიერების საკითხებზე ონლაინ ტრენინგი ჩაატარა. „ტრენინგი მიზნად ისახავდა საჯარო მოხელეთა ცნობიერების ამაღლებას, აგრეთვე, ანტიკორუფციული მექანიზმების მიმართულებით მათი შესაძლებლობების გაძლიერებას“. სრულად... წყარო: idfi.ge

აჭარა. თავისუფალ ჟურნალისტთა სახლმა ჭვანის ახალგაზრდული ცენტრის მოხალისეებისთვის კიდევ ერთი ახალი ონლაინ კურსი „სამოქალაქო საზოგადოება“ დაიწყო. კურსის მიზანია ახალგაზრდებში ცნობიერების ამაღლების ხელშეწყობა სამოქალაქო საზოგადოებასთან დაკავშირებულ საკითებზე. პირველ ონლაინ შეხვედრა ჩაატარა გამომცემელმა, ფილოლოგიის დოქტორმა და გადაცემა „ბიბლიოთეკას“ წამყვანმა, მარი კორინთელმა. სასაუბრო თემა იყო: მე და საზოგადოება, რა როლი გვაკისრია საზოგადოების ზრდასა და განვითარებაში. სრულად... წყარო: ორგანიზაციის გვერდი სოციალურ ქსელში

შიდა ქართლი. 22 თებერვალს „საზოგადოება ბილიკში“ შიდა ქართლის რეგიონული ჰაბის ფარგლებში ახალგაზრდული კლუბის წევრებისათვის ჩატარდა ტრენინგი თემაზე „ეფექტური კომუნიკაცია“. ტრენინგის მიზანი იყო ახალგაზრდების კომუნიკაციის უნარ-ჩვევების განვითარება და გაუმჯობესება. ტრენინგი განხორციელდა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

შიდა ქართლი. ინფორმაციის თავისუფლების განვითარების ინსტიტუტის (IDFI) წარმომადგენლები, პროექტის - „სტალინის გარშემო არსებული დეზინფორმაციისა და ნოსტალგიის დაძლევა: ახალი იდენტობა ქალაქ გორისთვის“ - ფარგლებში, გორის სკოლის მოსწავლეებს, მასწავლებლებსა და სტუდენტებს შეხვდნენ. „18 თებერვალს შეხვედრა გაიმართა გორის ფოტოგრაფთა კლუბის საგამოფენო სივრცეში, ხოლო 21 თებერვალს - ვერხვების დასახლებაში, 2008 წლის რუსეთ-საქართველოს ომის შედეგად, ცხინვალის რეგიონიდან დევნილ ახალგაზრდებთან. პროექტი იანვარში დაიწყო და მიზნად ისახავს გორისა და შიდა ქართლის ალტერნატიული ისტორიის შესახებ ცნობიერების ზრდას. პროექტი ხორციელდება კრეატიულ სააგენტო ლივინსტრონსა და “საბჭოთა წარსულის კვლევის ლაბორატორიასთან” (Sovlab) თანამშრომლობით”. სრულად... წყარო: idfi.ge

თბილისი. გაეროს ბავშვთა ფონდის ინფორმაციით, 22 თებერვალს, გრიგოლ რობაქიძის უნივერსიტეტში გაიმართა საქართველოში გაეროს ბავშვთა ფონდის წარმომადგენლის, ღასან ხალილის წიგნის პრეზენტაცია: „ბავშვთა უფლებები - ისტორიული ევოლუცია“, რომელშიც მიმოხილულია ბავშვის უფლებების განვითარება უძველესი ცივილიზაციებიდან თანამედროვეობამდე. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. ახალციხეში COVID-19-ის საწინააღმდეგო ვაქცინაციის შესახებ საინფორმაციო კამპანია გაიმართა, რომელსაც გაეროს ბავშვთა ფონდის ორგანიზებით იმუნიზაციისა და ვაქცინოლოგიის ასოციაცია (AIVA) ახორციელებს. „ახალგაზრდა ექიმებმა და სამედიცინო სფეროს სტუდენტებმა ვაქცინაციის შესახებ ადგილობრივ ახალგაზრდებს ინფორმაცია მიაწოდეს. საინფორმაციო კამპანია, რომლის დევიზიცაა „პანდემიას ასრულებ შენ!“, USAID/Georgia-ს მხარდაჭერით ხორციელდება“. სრულად... წყარო: ორგანიზაციის გვერდი სოციალურ ქსელში

თბილისი. „ფონდი ტასოს“ წარმომადგენლებმა, Zoom პლატფორმის მეშვეობით, სათემო მუშაკებთან საინფორმაციო შეხვედრა გამართეს. „შეხვედრის ბოლოს, მონაწილეებმა მიიღეს ინფორმაცია, თუ როგორ შეუძლიათ, ჩაერთონ მსოფლიო კამპანიაში სახელწოდებით #დაამსხვრიესტერეოტიპები და შეიტანონ საკუთარი წვლილი ქალთა უფლებრივი მდგომარეობის გაუმჯობესებაში“. სრულად... წყარო: ორგანიზაციის გვერდი სოციალურ ქსელში

თბილისი. გაეროს განვითარების პროგრამის ხელშეწყობით, საქართველოს შინაგან საქმეთა სამინისტროს მომსახურების სააგენტოს ათი თანამშრომელი ჟესტური ენის ტრენინგს ესწრება. „სმენის შეზღუდვების მქონე ადამიანები უფრო ადვილად მიიღებენ შესაბამის მომსახურებას, მათ შორის, მართვის მოწმობასა და სხვა მნიშვნელოვან დოკუმენტებს. ტრენინგის ორგანიზატორია გაეროს განვითარების პროგრამა, ბრიტანეთის მთავრობის ხელშეწყობით, ჩვენი უფრო ფართომასშტაბიანი პროგრამის ფარგლებში, რომელიც საქართველოს საჯარო მმართველობის რეფორმას ემსახურება“.  სრულად... წყარო: ორგანიზაციის გვერდი სოციალურ ქსელში ფოტო: გელა ბედიანაშვილი/UNDP

თბილისი. ფონდი „ტასო“ გენდერული სტერეოტიპს განმარტავს. „სტერეოტიპი არის განზოგადებული შეხედულება ან წინასწარი წარმოდგენა თვისებებზე, მახასიათებლებზე, ან იმ როლებზე, რომლებსაც უნდა ფლობდნენ, ან უნდა ასრულებდნენ ქალები და კაცები.  იმის მიუხედავად, მტრულად არის განწყობილი თუ არა სტერეოტიპული მიდგომები, ისინი უთანასწორობას ნებისმიერ შემთხვევაში აღვივებს. გარდა ამისა, თუკი გენდერული სტერეოტიპები შერწყმულია სხვა სტერეოტიპებთან, ეს არაპროპორციულად უარყოფით გავლენას ახდენს ქალების გარკვეულ ჯგუფებზე, როგორიცაა უმცირესობის ჯგუფების წარმომადგენელი, შეზღუდული შესაძლებლობის მქონე ქალები, ქალები დაბალი ეკონომიკური სტატუსით, მიგრანტი ქალები და ა.შ.“ სრულად... წყარო: ორგანიზაციის გვერდი სოციალურ ქსელში

აჭარა. ჭვანის ხეობაში მცხოვრები ახალგაზრდებისთვის ონლაინ ტრენინგი ჩატარდა თემაზე: ბულინგი, მისი სახეები და ბულინგისგან დაცვა. შეხვედრას უძღვებოდა ორგანიზაცია „ღია სივრცე კავკასიის“ თავმჯდომარე ირმა პავლიაშვილი. აქტივობა ხორციელდება პროექტის „თავისუფალ ჟურნალისტთა სახლის ინსტიტუციური გაძლიერება“ ფარგლებში. პროექტის მხარდამჭერია „საქართველოს ახალგაზრდა იურისტთა ასოციაცია“. სრულად... წყარო: ორგანიზაციის გვერდი სოციალურ ქსელში

თბილისი. რონდელის ფონდის ორგანიზებით, 14 და 15 თებერვალს მომავალ ლიდერ საჯარო მოხელეთა სასწავლო პროგრამის მეექსვე სალექციო მოდული გაიმართა. „დისკუსია ეხებოდა საჯარო პოლიტიკის ანალიზს. პროგრამა ხორციელდება ესტონეთის განვითარების თანამშრომლობისა და ჰუმანიტარული დახმარების ფონდის ფინანსური მხარდაჭერით“. სრულად... წყარო: ორგანიზაციის გვერდი სოციალურ ქსელში