თბილისი. „მომავლის ფერმერის“ ორგანიზებით ონლაინტრენინგი ჩატარდა თემაზე „საგაზაფხულო დეკორატიული სამუშაოები ბაღში“. „ტრენინგს უძღვებოდა მებაღე-დეკორატორი დავით ოგბაიძე, რომელიც უკვე 5 წელია პედაგოგიურ და პრაქტიკულ საქმიანობას ეწევა, არის რამდენიმე კომპანიის მთავარი მებაღე-დეკორატორი, მუშაობს საავტორო გადაცემაზე“. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო ასოციაცია კივიტას გეორგიკა, 26 და 27 თებერვალს, ემიგრაციაში მყოფ მშობლებს, რომლებსაც 18 წლამდე შვილი/შვილები ჰყავთ უფასო ონლაინ ვებინარებს სთავაზობს. „26 თებერვლის ვებინარის თემაა სამართლებრივი და ბავშვის უფლებები, ხოლო 27 თებერვალი ბავშვის ასაკობრივ თავისებურებებსა და შვილებთან პოზიტიური ურთიერთობის საკითხებს შეეხება“.  სრულად... წყარო: ორგანიზაციის გვერდი სოციალურ ქსელში

აჭარა. 13 და 14 თებერვალს, პროექტის „ქალთა და ახალგაზრდების გაძლიერება შუახევის მუნიციპალიტეტში“ მოხალისეებმა და ბარათაულის საჯარო სკოლის მოსწავლეებმა „სამოქალაქო ბიუჯეტის“ თემაზე თანატოლებთან ტრენინგი ჩაატარეს. პროექტის მხარდამჭერია გერმანიის საერთაშორისო თანამშრომლობის საზოგადოება (GIZ). სრულად... წყარო: ორგანიზაციის გვერდი სოციალურ ქსელში

თბილისი. 2022 წლის 10 თებერვალს, ინფორმაციის თავისუფლების განვითარების ინსტიტუტსა (IDFI) და ბიზნესისა და ტექნოლოგიების უნივერსიტეტს (BTU) შორის თანამშრომლობის შესახებ მემორანდუმი გაფორმდა. მემორანდუმის მთავარი მიზანია ორმხრივად სასარგებლო კვლევებისა და პროექტების წარმოება, ასევე მხარდაჭერისა და თანამშრომლობის სხვადასხვა მექანიზმების შემუშავება. „კერძოდ, თანამშრომლობა შეეხება ხელოვნური ინტელექტის (AI) სისტემების განვითარებისა და მისი გამოყენების ხელშეწყობას“. სრულად... წყარო: idfi.ge

თბილისი. მომავლის ფერმერი აქვეყნებს სახელმძღვანელოს ცხოველთა დაავადებების შესახებ, რომელიც დაინტერესებული მოზარდებისთვისაა შექმნილი. „ისინი უკეთ გაერკვევიან საქონლის ზოგიერთ დაავადებებთან დაკავშირებულ საფრთხეებში, მიიღებენ ინფორმაციას ცხოველთა სათანადო მოვლისა და ვეტერინარიის მნიშვნელობის შესახებ“. სრულად... წყარო: agronavti.ge

თბილისი. 17 თებერვალს, 13:00 საათზე, „მომავლის ფერმერის“ ორგანიზებით გაიმართება მებაღე-დეკორატორ დავით ოგბაიძის ტრენინგი, თემაზე „საგაზაფხულო დეკორატიული სამუშაოები ბაღში“. ტრენინგი ჩატარდება უფასოდ, ონლაინ. მონაწილეებს საშუალება ექნებათ მიიღონ ინფორმაცია ისეთ საკითხებზე, თუ რა ღონისძიებები უნდა ჩატარდეს ბაღში საგაზაფხულოდ, მცენარეთა სხვლა-ფორმირება, წამლობა, სასუქის შეტანა... ტრენინგზე დასასწრებად საჭიროა რეგისტრაციის გავლა ბმულზე... რეგისტრაციის ბოლო დღე - 16 თებერვალი, 18:00 სთ. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) და საქართველოს უნივერსიტეტის საერთო პროგრამის: „დეზინფორმაციისა და პროპაგანდის კვლევის“ სტუდენტებისა და საქართველოს უნივერსიტეტის, სოციალურ მეცნიერებათა სკოლის სტუდენტებისთვის სემინარი ჩატარდა.  „სემინარზე ყურადღება გამახვილდა მთავრობებისა და სამხედროების მიერ საბრძოლო მოქმედებების ხაზზე გავრცელებული დეზინფორმაციული ნარატივების შინაარსსა და მათი გაბათილების მექანიზმებზე. ამასთანავე, სემინარის მონაწილეებს მიეწოდათ ინფორმაცია მეინსტრიმული და რუსული მარიონეტული მედიის მიერ გავრცელებული ინფორმაციის შემოწმებაზე, განსაკუთრებით კონფლიქტურ ზონებში (განხილული იყო აფხაზეთისა და ყირიმის მაგალითები)“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. GIZ-ის მიერ განხორციელებული პროგრამის „კერძო სექტორის განვითარება და პროფესიული განათლება სამხრეთ კავკასიაში“, ფარგლებში გამოიცა ახალი წიგნი „შრომის უსაფრთხოება და ჯანმრთელობა (OSH) სამშენებლო სექტორში“. „სამშენებლო სექტორში დასაქმებული ადამიანები თავს უსაფრთხოდ უნდა გრძნობდნენ, რისკების შესახებ ცნობიერების ამაღლება კი აღნიშნული მიმართულებით პირველი ნაბიჯია. წიგნი შემუშავდა ეროვნულ და საერთაშორისო ექსპერტების ჩართულობითა და საქართველოს შრომის ინსპექციის ოფისის ზედამხედველობით“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტისა (IDFI) და სახელმწიფო ინსპექტორის სამსახურის ერთობლივი პროექტის „პერსონალური მონაცემების დაცვის მხარდაჭერა საქართველოში“ ფარგლებში, სახელმწიფო ინსპექტორის სამსახურის თანამშრომლების ტრენინგი ჩატარდა. ტრენინგი შეეხებოდა ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს პრაქტიკას პერსონალურ მონაცემთა დაცვის საკითხებზე. ვრცლად... წყარო: idfi.ge

თბილისი. 3 და 7 თებერვალს მომავალ ლიდერ საჯარო მოხელეთა სასწავლო პროგრამის მეხუთე სალექციო მოდული გაიმართა. „ლექციას უძღვებოდა მამუკა კომახია, რონდელის ფონდის მკვლევარი. შეხვედრისას განიხილეს შემდეგი თემები: ვინ ქმნის და ვინ ახორციელებს კრემლის პოლიტიკას საქართველოს ოკოპირებულ რეგიონებში, მილსადენების პოლიტიკა პოსტ-საბჭოთა სივრცეში“. სრულად... წყარო: ორგანიზაციის გვერდი სოციალურ ქსელში

თბილისი. სოციალურ მეცნიერებათა ცენტრი (CSS) აქვეყნებს ონლაინ კონფერენციის ვიდეო ჩანაწერს, რომელიც საქართველოში სადოქტორო განათლებას ეხება. კონფერენცია ჩატარდა ორგანიზაციის პროექტის „ამერიკული მოდელის სადოქტორო განათლების განვითარება საქართველოში“ ფარგლებში, ამერიკის საელჩოს კურსდამთავრებულთა საგრანტო პროგრამის დაფინანსებით.   წყარო: CSS-ის გვერდი სოციალურ ქსელში

თბილისი. პარტნიორობა ადამიანის უფლებებისთვის აქვეყნებს ესმა იმერლიშვილის პუბლიკაციას: „აბორტის სერვისის მიწოდების ზოგადი პრინციპები შეზღუდული შესაძლებლობის მქონე ქალებისთვის“. „პუბლიკაცია მიზნად ისახავს შეზღუდული შესაძლებლობის მქონე ქალებისთვის სტიგმისგან თავისუფალი და არადისკრიმინაციული უსაფრთხო აბორტის სერვისის მიწოდების ძირითად საკითხებზე ჯანდაცვის პროფესიონალების ინფორმირებას. დოკუმენტი აღწერს შშმ ქალებისთვის სერვისის მიწოდების სპეციფიკურ მახასიათებლებს. შესაბამისად, პუბლიკაცია აბორტის მართვის ზოგად სამედიცინო ასპექტებზე ინფორმაციას არ იძლევა და შშმ ქალებთან კომუნიკაციის სწორად წარმართვის ძირითად პრინციპებს განიხილავს“. სრულად... წყარო: phr.ge

მცხეთა-მთიანეთი. პროექტის „თემის ახალგაზრდების ჩართულობა საქართველოს რეგიონებში“ ფარგლებში მორიგი ლექცია ჩატარდა წეროვანის საჯარო სკოლის მოსწავლეებისთვის. რონდელის ფონდის მკვლევარმა გიორგი ბილანიშვილმა ისაუბრა რუსეთის საგარეო პოლიტიკისა და რუსეთ-საქართველოს ურთიერთობებზე. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. აშშ-ის საერთშორისო განვითარების სააგენტოს (USAID) ინფორმაციით, 26 წლის მანია ზალალიანი ნინოწმინდაში მასწავლებელი და სამოქალაქო ლიდერია. „USAID-ის მხარდაჭერით მან გახსნა ენების სკოლა, სადაც ადგილობრივ მოსახლეობას ასწავლის ქართულ და ინგლისურს, რითაც წვლილი შეაქვს თავისი თემის სამოქალაქო ინტერაციაში“. სრულად... წყარო: ორგანიზაციის გვერდი სოციალურ ქსელში

თბილისი. ფონდი „ტასო“ გთავაზობთ, მონაწილეობა მიიღოთ ქალთა დღისადმი მიძღვნილ გლობალურ კამპანიაში - #დაამსხვრიესტერეოტიპები. „დააკოპირე ეს პოსტი და სოლიდარობის ნიშნად, ატვირთე შენი ფოტო გადაჯვარედინებული ხელებით, ან გააზიარე სპეციალურად კამპანიისთვის შექმნილი პოსტერი. მონიშნე ხუთი მეგობარი და გამოიწვიე, რომ ჩაერთოს კამპანიაში“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს გაეროს ასოციაციის ინფორმაციით, ორგანიზაციამ ევროკავშირის მიერ მხარდაჭერილი პროექტის ფარგლებში სამოქალაქო განათლების პლატფორმა - მოძრავი სახალხო უნივერსიტეტი ჩამოაყალიბა.  მოძრავი სახალხო უნივერსიტეტი პროექტის - „ცოდნისა და უნარების განვითარების ქსელებისა და პლატფორმების გაძლიერება“ ფარგლებში სამოქალაქო განათლების პლატფორმა - მოძრავი სახალხო უნივერსიტეტი ჩამოაყალიბდა. „მოძრავი უნივერსიტეტი საქართველოში საუკუნის წინ არსებულ პრაქტიკაზე, პირველი რესპუბლიკის დროს განვითარებული „სახალხო უნივერსიტეტის“ გამოცდილებაზე დაყრდნობით, ცდილობს, პროექტში ჩართოს ისეთი ჯგუფები, რომლებიც ნაკლებად აქტიურობენ სამოქალაქო და საზოგადოებრივ ცხოვრებაში. მოძრავი უნივერსიტეტის ფარგლებში ტარდება ლექციები, სემინარები და სადისკუსიო შეხვედრები სოფლებსა და რეგიონულ ცენტრებში“. სრულად... წყარო: ორგანიზაციის გვერდი სოციალურ ქსელში

თბილისი. ასოციაცია „ქსენონი“ ინფორმაციას აზიარებს კიბოს სკრინინგის და ადრეული დიაგნოსტიკის მნიშვნელობის შესახებ, ასევე, სკრინინგის სახელმწიფო პროგრამაზე. „კიბო არ არის უკურნებელი სენი, თუ ის ადრეულ სტადიაში აღმოაჩინეს. ამ შემთხვევაში განკურნების ალბათობა მნიშვნელოვნად იზრდება“. სრულად... წყარო: ორგანიზაციის გვერდი სოციალურ ქსელში

გურია. Book Club • წიგნის კლუბი სოციალური პროექტია, რომლის ფარგლებშიც მედია სააგენტო კლიპარტი • ClipArt-მა, ლანჩხუთის მუნიციპალიტეტის სოფელ ჩოჩხათში, ახალგაზრდებისთვის თანამედროვედ აღჭურვილი სამუშაო სივრცე შექმნა. წინგის კლუბის პროექტით მედია სააგენტო ერთი მხრივ, ეხმარება ახალ თაობას ხარისხიანი განათლების მიღებაში, ხოლო მეორე მხრივ ახალისებს მათ ბიზნესში პირველი ნაბიჯების გადადგმაში.  პროექტი ხორციელდება „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

საქართველო. ინფორმაციის თავისუფლების განვითარების ინსტიტუტმა (IDFI), პროექტის „საჯარო და კერძო სექტორებს შორის დიალოგის ხელშეწყობა საქართველოში მონიტორინგისა და ცნობიერების ამაღლების გზით“ ფარგლებში, საინფორმაციო შეხვედრა გაიმართა ოზურგეთის, ზუგდიდის და ბათუმის საკრებულოს წარმომადგენლებთან. „პროექტის ფარგლებში, IDFI შეაფასებს მუნიციპალიტეტებში რეგულაციების შემუშავების პროცესში საჯარო-კერძო დიალოგის ხარისხს. გარდა ამისა, პროექტი მიზნად ისახავს შერჩეულ მუნიციპალიტეტებში საკრებულოს წევრების ცნობიერების ამაღლებას დიალოგის მნიშვნელობასა და ხარისხის შეფასების მექანიზმის თაობაზე“. სრულად... წყარო: idfi.ge

თბილისი. გაეროს ბავშვთა ფონდის ძალისხმევით, ექთნების, სანიტრებისა და კლინიკის არასამედიცინო პერსონალის ინფორმირებულობისა და ვაქცინაციის ხელშეწყობისთვის, საქართველოს 8 რეგიონში (თბილისი, ქვემო ქართლი, შიდა ქართლი, იმერეთი, სამეგრელო, სამცხე-ჯავახეთი, აჭარა, კახეთი) 130 ტრენინგი გაიმართა, რომლებსაც 1600-ზე მეტი მსმენელი დაესწრო. „ტრენინგების მსვლელობისას ვაქცინაციის ექსპერტებმა კლინიკების პერსონალს დეტალური ინფორმაცია მიაწოდეს COVID-19-ის, მისი საწინააღმდეგო ვაქცინებისა და ვაქცინაციის უსაფრთხოების შესახებ“. სრულად... წყარო: ორგანიზაციის გვერდი სოციალურ ქსელში

აჭარა. პროექტის „ქალთა და ახალგაზრდების გაძლიერება შუახევის მუნიციპალიტეტში“ მოხალისე ანა აბაშიძემ, შუახევის მუნიციპალიტეტის ბუთურაულის საჯარო სკოლის მე-10 კლასის მოსწავლემ, თანატოლებთან ჩაატარა ტრენინგი თემაზე „სამოქალაქო ბიუჯეტი“. პროექტის მხარდამჭერია გერმანიის საერთაშორისო თანამშრომლობის საზოგადოება (GIZ). სრულად... წყარო: ორგანიზაციის გვერდი სოციალურ ქსელში

თბილისი. ევროკავშირისა და გაეროს განვითარების პროგრამის (UNDP) ხელშეწყობით, მიმდინარეობს ახალგაზრდული მუშაკების შერჩევა და გადამზადება ცხრა სასწავლებლისთვის. ინიციატივას ახორციელებს ახალგაზრდული ცენტრი „მზიანი სახლი“. „24-30 იანვარს, შერჩევის მეორე საფეხურზე გადასულმა მონაწილეებმა გაიარეს გადამზადების საბაზო ტრენინგი, რომელიც მიზნად ისახავდა ახალგაზრდული მუშაკების ცნობიერების ამაღლებასა და კომპეტენციების განვითარებას“. სრულად... წყარო: ორგანიზაციის გვერდი სოციალურ ქსელში