იმერეთი. 18 თებერვალს, მანანა კობახიძემ ქალთა საინფორმაციო ცენტრისა და სამუშაო ჯგუფის მიერ შემუშავებული „გენდერული თანასწორობის შესახებ კანონში" შესატანი ცვლილებების პაკეტი წარადგინა. „გენდერული თანასწორობის შესახებ შემუშავებული ცვლილებათა პაკეტი ადგილობრივი თვითმმართველობის დონეზე გენდერული თანასწორობის ინსტიტუციური მექანიზმის შექმნას გულისხმობს. მუნიციპალიტეტში, საკრებულოს დონეზე, შეიქმნება გენდერული თანასწორობის საბჭო, ხოლო აღმასრულებელ შტოში, გამგებლის დაქვემდებარებაში, დაინიშნება პირი, რომელიც პასუხისმგებელი იქნება გენდერული თანასწორობის საკითხებზე", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

კახეთი. არასამთავრობო ორგანიზაცია „სამოქალაქო აქტივობების ცენტრის" ხელშეწყობით პანკისის ხეობაში ქალთა სათემო ორგანიზაცია დაფუძნდა. სათემო ორგანიზაციის ხელმძღვანელად გამგეობის წევრებმა, 4 წლის ვადით, ლეილა აჭიშვილი აირჩიეს. „პანკისის ხეობის ქალთა სათემო ორგანიზაციის მიზნებია ქალთა განათლება, გაძლიერება და ჩართულობა სოციალურ, პოლიტიკურ, კულტურულ და ეკონომიკურ ცხოვრებაში; პანკისის ხეობაში მცხოვრებ ქალთა ინიციატივების მხარდაჭერა; რელიგიური და ეროვნული უმცირესობების უფლებათა დაცვა; დემოკრატიული ღირებულებებისა და ფასეულობების დამკვიდრება; ქალთა საკითხებით დაინტერესებულ ორგანიზაციებთან თანამშრომლობა", ნათქვამია ორგანიზაციის ვებ-გვერდზე. სრულად... წყარო: activities.ge

კახეთი. 8 თებერვალს თელავში გაიმართა დოკუმენტური ფილმის „2014" ჩვენება-დისკუსია. საქართველოს ახალგაზრდა იურისტთა ასოციაციის პროექტის ფარგლებში გადაღებული ფილმი „2014 - მოკლული ქალების ხმა, მიწვდენილი საზოგადოებისთვის მათი სიკვდილის შემდეგ", გადაღებულია პროექტის - „საზოგადოებრივი ცნობიერების ამაღლება და სახელმწიფოს საქმიანობის მონიტორინგი საქართველოში ფემიციდთან ბრძოლის მიზნით” ფარგლებში. ჩვენების დასრულების შემდეგ მოეწყო დისკუსია, რომელშიც მონაწილეობა მიიღო საიას თავმჯდომარემ ანა ნაცვლიშვილმა და პოლიციის აკადემიის წარმომადგენელმა ნოდარ სააკაშვილმა. შეხვედრას ადგილობრივი არასამთავრობო ორგანიზაციების წარმომადგენლებიც ესწრებოდნენ. ფილმის თრეილერი... წყარო: საიას ვებგვერდი სოციალურ ქსელში

თბილისი. ახალგაზრდების გენდერული საკითხებისადმი დამოკიდებულების დასადგენად მკვლევრებმა შეისწავლეს აბიტურიენტების მიერ გენდერის თემაზე დაწერილი ნაშრომები. კვლევაში მოხვდა მხოლოდ ის ესეები, რომლებიც გამომცდელებმა საშუალო ან მაღალი ქულით შეაფასეს. კვლევა, 2013 წელს ქართულ ენასა და ლიტერატურის ტესტების I და II ვარიანტებში დაწერილი არგუმენტირებული ესეების ანალიზის საფუძველზე მომზადდა. ნაშრომების ავტორების შესახებ მხოლოდ ოთხი დემოგრაფიული კრიტერიუმი იყო ცნობილი - რეგიონი, სქესი, მიღებული ქულა, ტესტის ვარიანტი. ნაშრომები შეირჩა საქართველოს ათი რეგიონიდან და თბილისიდან. 1700 ნაშრომიდან 50.6% მდედრობითი სქესის, ხოლო 49.4% მამრობითი სქესის აბიტურიენტის ნაშრომი იყო’, ნათქვამია ქალთა საინფორმაციო ცენტრის ვებ-გვერდზე. სრულად... წყარო: ginsc.net

თბილისი. 1 თებერვალს, გენდერული თანასწორობის შესახებ კანონში შესატანი ცვლილებების პაკეტი საქართველოს პარლამენტის რეგიონული პოლიტიკისა და თვითმმართველობის კომიტეტის სხდომაზე განიხილეს. კომიტეტის წევრებმა პირველი მოსმენით მხარი დაუჭირეს აღნიშნულ ინიციატივას. „გენდერული თანასწორობის შესახებ შემუშავბული ცვლილებათა პაკეტი ადგილობრივი თვითმმართველობის დონეზე გენდერული თანასწორობის ინსტიტუციური მექანიზმის შექმნას გულისხმობს. მუნიციპალიტეტში, საკრებულოს დონეზე, შეიქმნება გენდერული თანასწორობის საბჭო, ხოლო აღმასრულებელ შტოში, გამგებლის დაქვემდებარებაში, დაინიშნება პირი, რომელიც პასუხისმეგებლი იქნება გენდერული თანასწორობის საკითხებზე”, ნათქვამია ორგანიზაციის ვებ-გვერდზე. სრულად... წყარო: www.ginsc.net

თბილისი. ქალთა საინფორმაციო ცენტრმა საქართველოს შინაგან საქმეთა სამინისტროსთან თანამშრომლობით გამართა ტრენინგი „უსაფრთხოების სექტორში გენდერული თანასწორობის და ქალების, მშვიდობისა და უსაფრთხოების პრინციპების ინტეგრირება". „ტრენინგი მიზნად ისახავდა გენდერული პრინციპების ინტეგრირების ხელშეწყობას შინაგან საქმეთა სამინისტროში და უწყებაში მომუშავე მაღალი გადაწყვეტილების მიმღები პირების ცნობიერების ამაღლებას გენდერულ საკითხებზე", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჰაინრიჰ ბიოლის ფონდი ბერლინში ჩატარებული საერთაშორისო გენდერული კონფერენციის მასალების მიხედვით აქვეყნებს კრებულს: „ანტიგენდერული მოძრაობების აღმასვლა: ბრძოლა გენდერული თანასწორობისთვის ცენტრალურ და აღმოსავლეთ ევროპაში”. „ეს მასალები განსაკუთრებულად საინტერესო იქნება სამხრეთ კავკასიის რეგიონისთვის არა მხოლოდ იმიტომ, რომ პუბლიკაციის სამი სტატია სომეხ და ქართველ სპეციალისტებს ეკუთვნით, არამედ იმიტომაც, რომ აქ თავმოყრილი მასალა მკითხველს ცენტრალური და აღმოსავლეთ ევროპის ქვეყნების შესახებაც გაუფართოებს თვალსაწიერს", ნათქვამია ფონდის ვებ-გვერდზე. სრულად... წყარო: ge.boell.org

კახეთი. თელავის დემოკრატიული ჩართულობის ცენტრში, გაიმართა ლექცია-დისკუსია თემაზე „ქალების პოლიტიკური მონაწილეობა და სავალდებულო გენდერული კვოტა". დისკუსიას უძღვებოდნენ ქალთა საინიციატივო ჯგუფის წევრები. „დისკუსიის დროს მომხსენებლებმა ადგილობრივ სტუდენტებს, მუნიციპალიტეტების თანამშრომლებს, სამოქალაქო სექტორის წარმომადგენლებს და ქალთა ორგანიზაციების წევრებს საქართველოში ქალთა პოლიტიკური მონაწილეობის შესახებ უახლესი კვლევები გააცნეს და გენდერული კვოტების მნიშვნელობაზე ისაუბრეს, „კვოტა წარმოადგენს დროებით და აუცილებელ ხელოვნურ ზომას ქალთა პოლიტიკური მონაწილეობის გაზრდის მიზნით და მას განსაკუთრებული მნიშვნელობა აქვს ისეთი ქვეყნებისთვის, როგორიცაა საქართველო, სადაც პარლამენტში ქალები 11%-ს შეადგენენ, თვითმმართველობებში 0-დან 21 %-მდე მერყეობს", ნათქვამია ორგანიზაციის ვებ-გვერდზე. სრულად... წყარო: ewmi-access.org

თბილისი. 25 იანვარს, „იდენტობას" ორგანიზებით, გენდერისა და სექსუალობის მკვლევრის, ანა ილურიძის საჯარო ლექცია „სახელმწიფო, ნაციონალიზმი და სექსუალობა" გაიმართა. ლექცია სახელმწიფოს, ნაციონალიზმსა და სექსუალობას შორის არსებულ გენდერულ კავშირებს ეხებოდა. „ბედნიერი ჰეტერონორმატიული ოჯახის" და სახელმწიფოს მიერ ომის საჭიროების რეპრეზენტაციის ანალიზის საფუძველზე შეხვედრაზე განიხილეს თუ ვისთვის არის სამშობლო „კომფორტის ზონა", ან რომელ მოქალაქეს სთავაზობს სახელმწიფო დაცვას და ვის დაცვაზე ამბობს ის უარს. ლექცია ჩატარდა პროექტის - „გენდერისა და სექსუალობის საკითხებზე სტუდენტების მგრძნობელობის გაზრდა" ფარგლებში, რომელიც კანადის მთავრობის მიერ არის მხარდაჭერილი", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 24 დეკემბერს „კეთილდღეობისა და განვითარების ცენტრთან” არსებულ გორის სამოქალაქო აქტივიზმის ცენტრის მოხალისეებმა ჩაატარეს თანატოლგანმანათლებელთა ტრენინგი „ფემინიზმი და გენდერული თანასწორობა”. ტრენინგის მიზანი იყო თანატოლებს თანატოლებისთვის გაეცნოთ ფემინიზმის მნიშვნელობა, მისი საწყისები საქართველოში და ამ მოძრაობის განვითარება. სრულად... წყარო: ორგანიზაციის ვებ-გვერდი სოციალურ ქსელში

თბილისი. 22 დეკემბერს პარლამენტმა გენდერული თანასწორობის კანონში ცვლილებები დაარეგისტრირა. „გენდერული თანასწორობის კანონში ცვლილებათა პაკეტი გულისხმობს, ადგილობრივი თვითმმართველობის დონეზე გენდერული თანასწორობის ინსტიტუციური მექანიზმის დანერგვას. საკრებულოს დონეზე გენდერული თანასწორობის საბჭოს ჩამოყალიებებას, ხოლო გამგებლის დაქვემდებარებაში გენდერული თანასწორობაზე პასუხისმგებელი პირის არსებობას”, ნათქვამია ორგანიზაციის ვებ-გვერდზე. სრულად... წყარო: www.ginsc.net

თბილისი. ქალთა პოლიტიკური მონაწილეობის სამუშაო ჯგუფის წევრი ადგილობრივი არასამთავრობო ორგანიზაციები განცხადებას ავრცელებენ. „2 დეკემბერს, საქართველოს პარლამენტის იურიდიულ საკითხთა კომიტეტმა მხარი არ დაუჭირა ქალთა პოლიტიკური მონაწილეობის სამუშაო ჯგუფის მიერ 2015 წლის 10 ივნისს წარდგენილ საკანონმდებლო წინადადებას გენდერული კვოტირების შესახებ. „საკანონმდებლო წინადადების ინიციატორი არასამათავრობო ორგანიზაციები უარყოფითად ვაფასებთ საქართველოს პარლამენტის იურიდიულ საკითხთა კომიტეტის მიერ აღნიშნული ინიციატივის სრულ უგულვებელყოფას. მიგვაჩნია, რომ კომიტეტის პოზიცია წინააღმდეგობაში მოდის სახელმწიფოს მიერ აღებულ საერთაშორისო და ეროვნულ ვალდებულებებთან, მათ შორის ქალთა მიმართ ყველა ფორმის დისკრიმინაციის აღმოფხვრის კონვენციის კომიტეტის 2014 წლის რეკომენდაციასთან, რომელიც პირდაპირ მოუწოდებს საქართველოს ხელისუფლებას გამოიყენოს სპეციალური ზომები ეროვნულ და ადგილობრივ დონეზე ქალთა პოლიტიკური მონაწილეობის გაზრდისათვის", ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. 7 დეკემბერს, ომბუდსმენი და მისი მოადგილეები შვედეთის ელჩს საქართველოში მარტინა ქუიქსს შეხვდნენ. „შეხვედრაზე განიხილეს საქართველოში არსებული მდგომარეობა ადამიანის უფლებათა, მათ შორის, გენდერული თანასწორობისა და დისკრიმინაციის ყველა ფორმის აღმოფხვრის თვალსაზრისით; ასევე, სასჯელაღსრულების სისტემის, პროკურატურისა და სასამართლოს რეფორმა, მათ შორის მოსამართლეთა დანიშვნის მიმდინარე პროცესი", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. 2 დეკემბერს, ჰაინრიჰ ბიოლის ფონდის სამხრეთ კავკასიის რეგიონულმა ბიურომ უმასპინძლა საჯარო დისკუსიას: ისმის ქალის ხმა? ქალთა მოძრაობების განვითარება საქართველოში. დისკუსია შეეხო თემებს: რა მიღწევები აქვს ქალთა ჯგუფებისა და არასამთავრობო ორგანიზაციების საქმიანობას, რა შეიძლება გამოდგეს, როგორც წარმატების მაგალითი, ხოლო სად ვხედავთ სისუსტეებს? რა შედეგები გამოიღო ქალთა მოძრაობის ახალმა ტალღამ, რომელიც უკვე ერთი წელია იბრძვის განახლებული ძალებითა და კონკრეტული დღის წესრიგით? სრულად... წყარო: ge.boell.org

თბილისი. ჰაინრიჰ ბიოლის ფონდის სამხრეთ კავკასიის რეგიონული ბიუროს ფინანსური მხარდაჭერით კინოხელოვნების ცენტრმა „პრომეთემ" თბილისის მე-16 საერთაშორისო კინოფესტივალის ფარგლებში სპეციალური, გენდერული სექცია მოამზადა. „კინოჩვენებების გარდა, სექცია „ქალების თვალით/Womeneyes" ითვალისწინებს დისკუსიების მოწყობას ადგილობრივი და სამხრეთ კავკასიის რეგიონიდან მოწვეული მომხსენებლების მონაწილეობით. წლევანდელი კინოფესტივალის მთავარი თემა სწორედ ქალთა უფლებებია, ხოლო სექციის „ქალების თვალით/Womeneyes" ფარგლებში ქალი რეჟისორების მიერ გადაღებული შვიდი სრულმეტრაჟიანი მხატვრული ფილმის ჩვენება მოეწყობა", ნათქვამია ორგანიზაციის ვებ-გვერდზე. სრულად... წყარო: www.feminism-boell.org

25 ნოემბერს, ქუთაისში, ბათუმსა და ახალციხეში ქალთა მოძრაობის ჯგუფის მიერ ინიცირებული აქცია ჩატარდა სლოგანით: „ადრეული ქორწინება გოგონებზე ძალადობაა!”. აქციის მიზანი იყო საზოგადოების ინფორმირება ადრეული ქორწინების და მასთან დაკავშირებული (არასრულწლოვანთა ორსულობა და მშობიარობა, გოგონების ჯანმრთელობა და სიცოცხლე) პრობლემების შესახებ. ქუთაისის ახალგაზრდული ცენტრის წევრებმა და სხვადასხვა ორგანიზაციების წარმომადგენლებმა წაიკითხეს მესიჯები ადრეულ ქორწინებასთან დაკავშირებული პრობლემების და რისკების შესახებ, და საზოგადოებას მოუწოდეს არ დახუჭონ თვალი და აიმაღლონ ხმა გოგონების პირადი ცხოვრების, არჩევანის, სწავლის, დამოუკიდებლობის უფლებების დასაცავად. აქციაში ქალაქში მოქმედი არასამთავრობო, საერთაშორისო, სამთავრობო და მედია სამსახურების წარმომადგენლები, ასევე სამოქალაქო კლუბის წევრები ღებულობდნენ მონაწილეობას. სრულად... წყარო: სოციალური ქსელი

აჭარა. კვოტირების ინსტიტუტის ამოქმედების საკითხებზე იმსჯელეს ბათუმის საკრებულოში, რომელსაც პოლიტიკური პარტიები, არასამთავრობო სექტორის წარმომადგენლები, დეპუტატები ესწრებოდნენ. შეხვედრის თემა იყო გენდერული თანასწორობა. ღონისძიება გაიმართა პროექტ „აირჩიე თანასწორობა" ფარგლებში, რომელსაც ახორციელებს „ჟურნალისტთა ქსელი გენდერული თანასწორობისთვის" საარჩევნო სისტემების განვითარების, რეფორმებისა და სწავლების ცენტრის მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

თბილისი. 8 ნოემბერს, ქალთა საკითხებზე მომუშავე ორგანიზაციები, გაეროს სპეციალურ მომხსენებელს ქალთა მიმართ ძალადობის, ძალადობის მიზეზებისა და შედეგების შესახებ დუბრავკა სიმონოვიჩსა და გაეროს ქალთა ორგანიზაციის ევროპისა და ცენტრალური აზიის რეგიონულ დირექტორს ინგიბორგ სოლრუნ გისლადოტირს შეხვდნენ. „სამოქალაქო სექტორის წარმომდგენლებს საშუალება ჰქონდათ მოწვეული სტუმრებისგან რეკომენდაციის სახით მიეღოთ პასუხი მათთვის აქტუალური საკითხების შესახებ როგორიცაა: ოჯახში ძალადობის პრევენცია, ქალთა პოლიტიკური მონაწილეობის ხელშეწყობა, თუ ადრეული ქორწინების აღკვეთა", ნათქვამია ორგანიზაციის ვებ-გვერდზე. სრულად... წყარო: www.ginsc.net

კახეთი. 6-10 ნოემბერს, სასტუმროში, „ვილა იყალთო ჰო-რე-კა", ქალთა საინფორმაციო ცენტრმა სტუდენტებისთვის გამართა ტრენინგი „ახალგაზრდების როლი გენდერულ თანასწორობაში". ტრენინგის მიზანია ახალგაზრდების ცნობიერების ამაღლება გენდერულ საკითხებთან დაკავშირებით. სრულად... წყარო: ორგანიზაციის ვებ-გვერდი სოციალურ ქსელში

თბილისი. 4 ნოემბერს, გენდერული პუბლიკაციის პრეზენტაცია გაიმართა საქართველოს სტატისტიკის ეროვნული სამსახურისა და შვედეთის სტატისტიკის ერთობლივი პროექტის ფარგლებში. კრებული „ქალი და კაცი საქართველოში 2015" წელს მერვედ გამოიცა. „ამ ეტაპზე საქართველოს სტატისტიკის სამსახური გენდერული კუთხით მონაცემების შეგროვებაზე მუშაობს. რაც შეეხება პროექტის შემდგომ აქტივობებს, რომლის ფარგლებშიც კრებული გამოიცა, სამომავლოდ იგეგმება კონსულტაციები ფასების, ინდექსის, ეროვნული ანგარიშების, ბიზნეს თუ გენდერული სტატისტიკის ხარისხის გაუმჯობესების მიმართულებით", ნათქვამია განცხადებაში. სრულად... წყარო: www.ginsc.net

თბილისი. ადგილობრივ თვითმმართველობებში გენდერული თანასწორობის პრინციპების დანერგვის შესახებ კონფერენცია გაიმართა. ორდღიანი კონფერენციის ორგანიზატორები გაეროს ქალთა ორგანიზაცია, ქალთა საინფორმაციო ცენტრი და ქალთა ფონდი „ტასო" არიან. ღონისძიების პირველ დღეს მონაწილეებმა თვითმმართველობებში გენდერული თანასწორობისთვის აუცილებელ ინსტიტუციურ მექანიზმებზე იმსჯელეს. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) „სამოქალაქო აქტივიზმის პლატფორმის” ფარგლებში მიგრაციის ფემინიზაციაზე ბლოგპოსტს აქვეყნებს. „მიგრაციის გენდერული განზომილების ახსნას, ყველაზე მეტად, ეკონომიკური თეორია ცდილობს, რომელიც ამბობს, რომ ქალების შრომითი მიგრაცია ქვეყანაში შექმნილმა ფინანსურმა კრიზისმა განაპირობა. თუმცა, მიგრაციის ფემინიზაციის მაღალი მაჩვენებელი გარე შრომით ბაზარზე ქალებზე მოთხოვნით და კულტურული ფაქტორებით უფრო აიხსნება", ნათქვამია ორგანიზაციის ვებ-გვერდზე. სრულად... წყარო: emc.org.ge