სამეგრელო. პროექტის „სამეგრელო-ზემო სვანეთის რეგიონში სახალხო დამცველის ოფისის გაძლიერება" მხარდაჭერით, ჟურნალისტებისა და ადგილობრივი თვითმართველობების წარმომადგენლებისთვის ტრენინგი გაიმართა. „გენდერული საკითხებისა და ჟურნალისტური ეთიკის გაშუქების თემაზე გამართულ ტრენინგზე განიხილეს გენდერული თანასწორობის, სექსიზმის, სტერეოტიპული დამოკიდებულების და სქესის ნიშნით დისკრიმინაციის საკითხები", ნათქვამია სახალხო დამცველის ოფიციალურ ვებ-გვერდზე. სრულად... წყარო: www.ombudsman.ge

სამცხე-ჯავახეთი. 4 ოქტომბერს, ქალთა პოლიტიკურ გააქტიურებასთან დაკავშირებით, ახალციხის გენდერის მედიაცენტრში, გაიმართა „გენდერული საუბრები”, რომელშიც მონაწილეობა მიიღეს ადგილობრივმა ლიდერმა ქალებმა, არასამთავრობო ორგანიზაციებმა, თვითმმართველობებში გენდერის მრჩეველებმა და ადგლობრივი მედიის წარმომადგენლებმა. „დისკუსია ინიციატივებისათვის” პროექტის „აირჩიე თანასწორობა” ფარგლებში გაიმართება, რომელსაც "ჟურნალისტთა ქსელი გენდერული თანასწორობისთვის" ახორციელებს, საარჩევნო სისტემების განვითარების, რეფორმებისა და სწავლების ცენტრის მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. გორში, ქალთა საინფორმაციო ცენტრმა მოაწყო გამოფენა: „დამფუძნებელი კრების ქალები 1919-1921". საგამოფენო მასალა მომზადდა პროექტის „ქალები, როგორც აქტორები ცვლილებებისა და გაძლიერებისთვის" ფარგლებში, ქალთა საინფორმაციო ცენტრისა და საქართველოს ეროვნული არქივის თანამშრომლობით აშშ-ს საერთაშორისო განვითარების სააგენტოს USAID-ის მხარდაჭერით. გამოფენა პატივს მიაგებს პირველ ქართველ პოლიტიკოს ქალებს. სრულად... წყარო: ორგანიზაციის ვებ-გვერდი სოციალურ ქსელში

თბილისი. პრემიერ-მინისტრი, გენდერული თანასწორობისა და ქალთა უფლებამოსილების გაზრდის საკითხებზე მსოფლიო ლიდერების შეხვედრაზე სიტყვით გამოვიდა. სიტყვით გამოსვლისას ირაკლი ღარიბაშვილმა განაცხადა, რომ საქართველოს მთავრობა გენდერული თანასწორობის ეროვნულ სტრატეგიას მოამზადებს. „მთავრობის მეთაურმა ხაზგასმით აღნიშნა, რომ საქართველო მომავალშიც გააგრძელებს გენდერული თანასწორობის, ოჯახში ძალადობის წინააღმდეგ ბრძოლისა და ქალთა, მშვიდობასა და უსაფრთხოებასთან დაკავშირებული რეზოლუციის ეროვნული სამოქმედო გეგმების განახლებას, გადახალისებასა და მათი შემდგომი ფაზების შემუშავებას, აღნიშნულ საკითხებზე მთავრობის გრძელვადიანი, სტრატეგიული ხედვა კი გენდერული თანასწორობის ეროვნულ სტრატეგიაში აისახება", ნათქვამია განცხადებაში. სრულად... წყარო: www.ginsc.net

თბილისი. არასამთავრობო ორგანიზაციების საკანონმდებლო წინადადებას 50% გენდერული კვოტირების შესახებ პარლამეტმა მხარი დაუჭირა. „წინადადების თანახმად, პარტიულ სიაში ყოველი მეორე პირი განსხვავებული სქესის უნდა იყოს, რაც ჯამში (მხოლოდ პროპორციული სიით) 38 ქალს უდრის და არის მთელი პარლამენტის შემადგენლობის 25%. წინადადება, რომელსაც 9 ადგილობრივი არასამთავრობო ორგანიზაცია აწერს ხელს, მომზადდა "ქალთა პოლიტიკური მონაწილეობის სამუშაო ჯგუფის" (თასქ ფორსის) მიერ", ნათქვამია ორგანიზაციის ვებ-გვერდზე. სრულად... წყარო: www.ginsc.net

თბილისი. ჰაინრიხ ბიოლის სამხრეთ კავკასიის რეგიონული ბიუროს ოფისში საჯარო დებატები გაიმართა. დისკუსია შეეხო საარჩევნო რეფორმას და მის მნიშვნელობას ქალთა პოლიტიკური მონაწილეობისთვის. ბიოლის ფონდი დისკუსიის ვიდეო-ჩანაწერს გთავაზობთ. წყარო: ორგანიზაციის ვებ-გვერდი სოციალურ ქსელში

თბილისი. 24 სექტემბერს, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი საკანონმდებლო წინადადებას განიხილავს. ინიციატივის მიზანია კვოტირების გზით საქართველოს წარმომადგენლობით ორგანოებში ქალთა პოლიტიკური მონაწილეობის გაზრდა. ქალთა საინფორმაციო ცენტრი ცვლილების განხორციელების ერთ–ერთი ინიციატორია. „საკანონმდებლო წინადადება ითვალისწინებს საარჩევნო კოდექსში ცვლილებების შეტანას, რომლის მიხედვითაც პოლიტიკურმა პარტიებმა საპარლამენტო არჩევნებში საარჩევნო რეგისტრაციისათვის სიების წარდგენისას აუცილებელი გენდერული კვოტა უნდა დაიცვან", ნათქვამია ორგანიზაციის ვებ-გვერდზე. სრულად... წყარო: ginsc.net

აჭარა. ბათუმის გენდერის მედია ცენტრმა ბათუმისა და ქობულეთის საკრებულოებში ინიციატივა დაარეგისტრირა. აჭარის ორ საკრებულოში, გენდერის მედია ცენტრმა ინიციატივა წარადგინა, რომ ბათუმისა და ქობულეთის რამდენიმე ქუჩას დაერქვას იმ ქალთა სახელები, რომლებმაც ქალაქებისა და რეგიონის კეთილდღეობისა და წარმოჩენისთვის ბევრი კარგი საქმე გააკეთეს. შეხვედრას ესწრებოდნენ და დისკუსიაში მონაწილეობა მიიღეს ბათუმის უმაღლესი საბჭოს, ბათუმისა და ქობულეთის საკრებულოების დეპუტატებმა, არასამთავრობო ორგანიზაციების წარმომადგენლებმა და ქალთა კლუბის წევრებმა. სრულად... წყარო: ორგანიზაციის ვებ-გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი აქვეყნებს ინფორმაციას საჯარო დაწესებულებებში დასაქმებულთა სტატისტიკას გენდერულ ჭრილში. ინსტიტუტისთვის მოწოდებული ინფორმაციისა და ვებ-გვერდებიდან დამუშავებული მონაცემების საფუძველზე ირკვევა, რომ „საქართველოს 141 საჯარო დაწესებულებაში დასაქმებულ თანამშრომელთა რაოდენობა ჯამში შეადგენს 72 726 ადამიანს. 141 საჯარო დაწესებულებაში დასაქმებულ საჯარო მოსამსახურეთა შორის 27 383 დასაქმებულია მთავრობის ადმინისტრაციასა და სამინისტროებში (სახელმწიფო მინისტრების აპარატების ჩათვლით), 407 აჭარის ა/რ-ის მთავრობის აპარატსა და სამინისტროებში, 33 117 სამინისტროების დაქვემდებარებულ საჯარო სამართლის იურიდიულ პირებსა და საქვეუწყებო დაწესებულებებში (56 დაწესებულება), 5 174 ადგილობრივ თვითმმართველობებში (42 მერია და გამგეობა), 5 488 დამოუკიდებელ სსიპ-ებსა და კომისიებში (17 დაწესებულება), ხოლო 1 157 პარლამენტის აპარატსა და მაჟორიტარი დეპუტატების ბიუროებში. ამასთან, ხაზი უნდა გავუსვათ იმასაც რომ წინამდებარე მასალაში წარმოდგენილი ნებისმიერი მონაცემი ასახავს მხოლოდ 141 საჯარო დაწესებულებაში (ძალოვანი სტრუქტურების ჩათვლით) 2015 წლის მარტის მდგომარეობით არსებულ სურათს". სრულად... წყარო: idfi.ge

კახეთი. ყვარელში, ქალთა საინფორმაციო ცენტრის წარმომადგენლები, ქალთა პოლიტიკური მონაწილეობა საქართველოში სტრატეგიული დაგეგმარების შეხვედრაზე, ჯგუფის მიერ შემუშავებული საკანონმდებლო ცვლილებების ინიციატივებზე მსჯელობენ. ინიციატივა გულისხმობს ქალთა წარმომადგენლობის გაზრდას 2016 წლის მოწვევის პარლამენტში პარტიის/საარჩევნო ბლოკის მიერ ცენტრალურ საარჩევნო კომისიისათვის წარდგენილ პროპორციულ სიაში ყოველი მეორე განსხვავებული სქესის ადამიანის შეყვანას, რაც პროპორციული სიით არჩეული 77 პარლამენტარიდან 50%–ია. გენდერული კვოტის შემოღების შემთხვევაში, 150 წევრიან პარლამენტში 38 ქალ–პარლამენტარს ნიშნავს. სრულად... წყარო: http://www.ginsc.net

აჭარა. ახალგაზრდა იურისტთა ასოციაციისა და ცენტრალური საარჩევნო კომისიის პარტნიორობით, ბათუმში, ჩატარდა ტრენინგი გენდერსა და უმცირესობების უფლებებზე. „ახალი თაობის ხედვა" ევრო საბჭოს ფინანსური მხარდაჭერით, ხორციელდება. პროექტის ფარგლებში ადგილობრივი დემოკრატიის სააგენტო საქართველოს მიერ შერჩეულ იქნა 10-10 აქტიური გოგონა ქალაქ ქუთაისში, ზუგდიდსა და ბათუმში. შერჩეულმა მონაწილეებმა წარმატებით გაიარეს ცენტრალური საარჩევნო კომისიის „საარჩევნო განვითრების სკოლა 2015". ტრენინგი თანაბრად იყო დატვირთული როგორც თეორიული მასალით, ასევე პრაქტიკული სავარჯიშოებით. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 15-16 აგვისტოს, ფოთში არასამთავრობო ორგანიზაცია „კონსტიტუციის 42-ე მუხლმა" დასაქმებულთათვის ტრენინგი ჩაატარა. პროექტი „გენდერული თანასწორობის ხელშეწყობა სამუშაო ადგილებზე" აშშ–ის საერთაშორისო განვითარების სააგენტოს (USAID) ფინანსური მხარდაჭერით ახორციელდება. სრულად... წყარო: ორგანიზაციის ვებ-გვერდი სოციალურ ქსელში

თბილისი. 16-19 აგვისტოს, ქალთა საინფორმაციო ცენტრი სტუდენტებისთვის ტრენინგებს მართავს. ტრენინგისთვის ახალგაზრდები კონკურსის საფუძველზე შეირჩნენ. კონკურსის წესით შერჩეული სტუდენტებისთვის სპეციალური ტრენინგ მოდული შეიქმნა გენდერის, გენდერული სტერეოტიპების და ძალადობის, ასევე მშვიდობისა და უსაფრთხოების საკითხებში ქალთა როლისა და გენდერული თანასწორობის უზრუნველყოფის საქმეში სახელმწიფოს როლის შესახებ. ტრენინგები იმართება პროექტის „გაძლიერებული ქალები მშვიდობისა და განვითარებისთვის" – ფარგლებში, აშშ–ის სახელმწიფო დეპარტამენტის ფინანსური მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

კახეთი. 16–19 აგვისტოს თელავში, სასტუმრო "რჩეულ მარანში", ქალთა საინფორმაციო ცენტრი პროექტის „ინფორმირებული საზოგადოება და გენდერული დემოკრატია საარჩევნო პროცესში" ფარგლებში, სამიზნე თემებში გამოვლენილი ლიდერი ქალებისთვის ტრენინგს მართავს. ტრენინგის პირველ დღეს საუბარი შეეხო გენდერსა და გენდერულ თანასწორობას. ჯგუფურ სავარჯიშოებში მონაწილეებმა გენდერული როლებიც განსაზღვრეს, შრომის გენდერულ ასპექტებზეც იმსჯელეს და ქალთა პოლიტიკური აქტიურობის შესახებაც მიიღეს ინფორმაცია. სრულად... წყარო: ორგანიზაციის ვებ-გვერდი სოციალურ ქსელში

აჭარა. 3-8 აგვისტოს, ჩაქვში, ქალთა საინფორმაციო ცენტრის პროექტის „ქალები, როგორც აქტორები ცვლილებებისა და გაძლიერებისათვის" ფარგლებში საზაფხულო ბანაკი „კოოპერატივები და სათემო ცენტრები გაძლიერებული თემისთვის" ჩატარდა. საზაფხულო ბანაკში დატვირთული დღეების შემდეგ საქართველოს პარლამენტის ეროვნული ბიბლიოთეკის დირექტორი, გიორგი კეკელიძე მონაწილეებს ლიტერატურაზე ესაუბრა. "წიგნის გზა" ასე ერქვა სესიას, სადაც მან ისაუბრა ქალის როლზე ლიტერატურაში. ბათუმში, ჯეოსელის მიერ ორგანიზებულ საჯარო ლექციაზე კი ბანაკის მონაწილეები ლევან ბერძენიშვილის ლექციას - "მედეას დაბრუნებას" დაესწრნენ.  სრულად... წყარო: ginsc.net

ქვემო ქართლი. 6 აგვისტოს, არასამთავრობო ორგანიზაციამ ,,ჟურნალისტთა ქსელი გენდერული თანასწორობისთვის", მარნეულის მუნიციპალიტეტის სოფელ სადახლოს ჩაიხანაში „გენდერულ საუბრები" გამართა. შეხვედრა სადახლოს ერთ-ერთ დიდ ჩაიხანაში, ეთნიკურად აზერბაიჯანელი მოსახლეობის თავშეყრის ადგილას შედგა. შეხვედრაზე ორგანიზაციის წარმომადგენლებმა და ექსპერტებმა ეთნიკურად აზერბაიჯანელ მოსახლეობას გენდერული თანასწორობისა და ქალთა პოლიტიკურად გაძლიერების მექანიზამების შესახებ მიაწოდეს ინფორმაცია. შეხვედრა გაიმართა პროექტის „აირჩიე თანასწორობის" ფარგლებში, რომელსაც ახორციელებს ჟურნალისტთა ქსელი გენდერული თანასწორობისათვის საარჩევნო სისტემების განვითარების, რეფორმებისა და სწავლების ცენტრის მხარდაჭერით. წყარო: ორგანიზაციის ვებგვერდი სოციალურ ქსელში

თბილისი. 5 აგვისტოს თბილისში შეხვედრა გაიმართა თემაზე: გენდერული თანასწორობის როლი ქვეყნის ეკონომიკური განვითარებისა და წინსვლისათვის. "კვლევები და ემპირიული მონაცემები აჩვენებს, რომ გოგონები აკადემიური მოსწრებით უტოლდებიან და უსწრებენ ბიჭებს მათემატიკასა და საბუნებისმეტყველო საგნებში, მაგრამ მათი თვითშეფასება დაბალია, ისინი კვლავ რჩებიან სტერეოტიპების ტყვეობაში და არ განაგრძნობენ სწავლას ტექნიკურ პროფესიებში", - განაცხადეს ათასწლეულის გამოწვევის ფონდის წარმომადგენელებმა შეხვედრაზე. სრულად... წყარო: www.ginsc.net

თბილისი. თბილისის 16 საერთაშორისო კინოფესტივალი ქალთა უფლებების თემატიკას მიეძღვნება. თბილისის საერთაშორისო ფესტივალის პროგრამა, რომელიც საქართველოს პირველი ლედის პატრონაჟით განხორციელდება, მაყურებელს საშუალებას მისცემს საერთაშორისო კინო ნამუშევრების ფონზე კიდევ ერთხელ განიხილოს ისეთი მნიშვნელოვანი საკითხები, როგორიცაა გენდერული თანასწორობა, ქალთა პოლიტიკური, სოციალური თუ კულტურული რეალიზაცია, ქალთა მიმართ ძალადობა, ფემინიზმი, ქალთა კინო, ქალი ხელოვნებაში. სრულად... წყარო: www.ginsc.net

თბილისი. ჯამპსტარტ ჯორჯია გამოაქვეყნა ვიზუალიზაცია „რატომ არ აფასებენ ქალები თავიანთ შრომას სათანადოდ?". „ბოლო 6 წლის განმავლობაში საქართველოში ქალები ყოველთვიურად საშუალოდ 318 ლარით ნაკლებს გამოიმუშავებენ, ვიდრე კაცები. ამასთანავე, მიუხედავად იმისა, რომ ქალებსა და კაცებს თანაბრად არ მოსწონთ თავიანთი ანაზღაურება, ქალები ნაკლებად გამოხატავენ სამსახურით უკმაყოფილებას, ვიდრე კაცები. ...", ნათქვამია ფერად ინფოზე. ვიზუალიზაცია... წყარო: feradi.info

აჭარა. 1 აგვისტოს, საქართველოში ქალთა, მათ შორის ლგბტ ქალთა მიმართ ძალადობის დაძლევის გზებზე იმსჯელეს. შეხვედრაზე ყურადღება ასევე მათ მიმართ ძალადობის ხილულ და უხილავ ფორმებზე, ძალადობის უარყოფით ზეგავლენასა და ქალთა ფსიქიკურ და ფიზიკურ მდგომარეობაზე. დისკუსიას არასამთვარობო ორგანიზაციის წარმომადგენლებთან ერთად თვიმმართველობის წარმომადგენლები ესწრებოდნენ. შეხვერდა საქართველოში ქალთა ფონდი ორგანიზებით გაიმართა.

თბილისი. კოალიცია „დამოუკიდებელი და გამჭვირვალე მართლმსაჯულებისთვის" მოსაზრებებს აქვეყნებს სტამბოლის კონვენციის იმპლემენტაციის მიზნით მომზადებულ საკანონმდებლო პაკეტზე. „კოალიციას მიაჩნია, რომ სამინისტროს მიერ წარმოდგენილი საკანონმდებლო პაკეტი ასახავს პოზიტიურ ცვლილებებს, რომლის მიზანია ქვეყანაში ქალთა მიმართ ძალადობისა და ოჯახში ძალადობისაგან დაცვისათვის არსებულ საკანონმდებლო ნორმათა ჰარმონიზაცია და მათი აღჭურვა ეფექტური სამართლებრივი მექანიზმებით. ამასთან, დადებითად შეიძლება შეფასდეს სახელმწიფოს მზაობა მოახდინოს კანონმდებლობის დე–გენდერული ჩარჩოს ტრანსფორმაცია, როდესაც სახელწიფო პრობლემას ეძებდა არა საზოგადოებრივ სტრუქტურაში და სოციალურად კონსტრუირებულ გენდერულ როლებში, არამედ ინდივიდებში. წარმოდგენილ საკანონმდებლო პაკეტში შეინიშნება, ზემოაღნიშნული დე–გენდერული ჩარჩოს გადააზრება, და მისი ცენტრირება ქალზე და მის უფლებებზე. თუმცა, აქვე უნდა აღინიშნოს, რომ ქვეყანაში ფესვგამდგარი ძალადობრივი კულტურის აღმოფხვრის პროცესში საკანონმდებლო ნორმათა ტრანსფორმაცია მხოლოდ საწყის ელემენტად შეიძლება იქნას მოაზრებული", ნათქვამია კოალიციის განცხადებაში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „საერთაშორისო გამჭვირვალობა საქართველო" ახალ ბლოგ პოსტს აქვეყნებს - ქალები თვითმმართველობაში: გენდერული ბალანსი დასავლეთ საქართველოს მუნიციპალიტეტებში. ორგანიზაციამ დასავლეთ საქართველოს 37 მუნიციპალიტეტში არსებული მდგომარეობა გამოიკვლია. 2014 წლის კვლევის თანახმად, საკრებულოს წევრთა შორის მხოლოდ 12% იყო ქალი, მუნიციპალიტეტებში წამყვან თანამდებობებს კი კაცები იკავებდნენ. ორგანიზაციის განცხადებით, წინა წლის კვლევებთან შედარებით მდგომარეობა წელსაც არ შეცვლილა რადიკალურად. „ამ რეგიონების 37 თვითმმართველ ერთეულში საკვანძო თანამდებობებზე ქალები ნაკლებად არიან წარმოდგენილნი, ქალების უმრავლესობას არ უკავია მნიშვნელოვან გადაწყვეტილებათა მისაღებად აუცილებელი თანამდებობები. 2014 წლის ადგილობრივი თვითმმართველობის არჩევნების შედეგად დასავლეთ საქართველოს საკრებულოებში 1086 მანდატიდან, ქალებმა სულ 134 მანდატი მოიპოვეს, რაც საერთო რაოდენობის 12 %-ის ტოლია", ნათქვამია ორგანიზაციის ვებ-გვერდზე. სრულად... წყარო: www.transparency.ge