თბილისი. სახალხო დამცველის ვებგვრდზე განთავსდა სპეციალური ანგარიში ქალთა მიმართ ძალადობა და ოჯახში ძალადობა საქართველოში. იგი მოიცავს სახალხო დამცველის აპარატის მიერ 2014 წელს ქალთა მიმართ ძალადობისა და ოჯახში ძალადობის საკითხებზე სახელმწიფო სერვისებისა და მექანიზმების შესაფასებლად ჩატარებული მონიტორინგისა და შესწავლის შედეგებს. სრულად... წყარო: ombudsman.ge

შიდა ქართლი. 23 ივლისს, სოფელ ოსიაურში, „ქალთა საინფორმაციო ცენტრის" ახალი პროექტის „ინფორმირებული საზოგადოება და გენდერული დემოკრატია საარჩევნო პროცესში" ფარგლებში, სამიზნე თემებში ლიდერი ქალების გამოსავლენად ბოლო შეხვედრა გაიმართა. შეხვედრას გენდერის საკითხებში ხაშურის მუნიციპალიტეტის გამგებლის მრჩეველიც ესწრებოდა. მსგავსი ტიპის შეხვედრები ადგილობრივ ქალებთან 10, 14 და 21 ივლისს გორის მუნიციპალიტეტის სოფელ ხიდისთავში, კასპის მუნიციპალიტეტის სოფელ მეტეხსა და ქარელის რაიონის სოფელ რუისშიც შედგა. ოთხივე სამიზნე მუნიციპალიტეტეში გამოვლენილი ლიდერი ქალები მონაწილეობას მიიღებენ პროექტის ფარგლებში დაგეგმილ გასვლით ტრენინგში ქალთა უფლებებისა და გენდერული თანასწორობის, საარჩევნო და სამოქალაქო ცნობიერების გაზრდის მიზნით… სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 21 ივლისს, ქარელის რაიონის სოფელ რუისში „ქალთა საინფორმაციო ცენტრის" წარმომდგენლებმა ადგილობრივ ქალებს ახალი პროექტი „ინფორმირებული საზოგადოება და გენდერული დემოკრატია საარჩევნო პროცესში" გააცნეს. პროექტი, სამიზნე თემებში ლიდერი ქალების გამოსავლენად, „საარჩევნო სისტემების განვითარების, რეფორმებისა და სწავლების ცენტრის" მხარდაჭერით ხორციელდება. შეხვედრები შიდა ქართლის ოთხ მუნიციპალიტეტში იმართება. პირველი და მეორე შეხვედრა 10 და 14 ივლისს, გორის მუნიციპალიტეტის სოფელ ხიდისთავსა და კასპის მუნიციპალიტეტის სოფელ მეტეხში შედგა. ბოლო შეხვედრა, 23 ივლისს, ხაშურის მუნიციპალიტეტის სოფელ ოსიაურშია დაგეგმილი. სრულად... წყარო: ორგანიზაციის ვებ-გვერდი სოციალურ ქსელში

აჭარა. 15 ივლისს, არასამთვრობო ორგანიზაცია „ჩვენ და თანამედროვეობას" პირველი პროექტის პრეზენტაცია გაიმართა. პროექტის „ქალთა კლუბის" მიზანი ქალთა ცნობადობის ამაღელბაა პრეზენტაციაზე აქცენტი საზოგადოებაში ქალის როლის გაზრდისა და შესაძლებლობების რეალიზების აუცილებლობაზე გამახვილდა. ორგანიზატორთა განმარტებით, ისინი პოლიტიკის გარდა ყველა მიმართულებით იმუშავებენ და ქალებს საკუთარი შესაძლებლობების უფექტურ მართავში დაეხმარებიან. იქნება სურვილების წიგნიც, სადაც კლუბის წევრები საჭიროებებს დააფიქსირებენ. პროექტის პრეზენტაცია ხელოვანი ქალბატონების მიერ ხელნაკეთი ნივთების გამოფენის ფონზე მიმდინარეობდა.

თბილისი. ორგანიზაცია „კონსტიტუციის 42–ე მუხლი" აქვეყნებს პუბლიკაციას „დეკრეტული შვებულება, როგორც მამების უფლება". იგი მოიცავს დასავლეთის ქვეყნებსა და საქართველოში არსებულ გამოცდილებასა თუ ნორმებს. სრულად... წყარო: ორგანიზაციის ვებგვერდი სოციალურ ქსელში

თბილისი. აშშ–ს ეროვნულ დემოკრატიული ინსტიტუტის (NDI) მიერ ერთ–ერთი კვლევის მონაცემებზე დაყრდნობით შეიქმნა ინფოგრაფიკული ვიდეორგოლი, რომელიც ასახავს საზოგადოების აზრს სავალდებულო გენდერული კვოტის შესახებ. იგი იმ სამუშაო ჯგუფის ფარგლებში გამოქვეყნდა, რომლის მიზანია საქართველოში ქალთა პოლიტიკური მონაწილეობის გაუმჯობესების მიმართულებით მუშაობა. წყარო: სამუშაო ჯგუფის ვებგვერდი სოციალურ ქსელში

გაეროს ქალთა ორგანიზაციამ ევროპის საბჭოსა და სხვა საერთაშორისო პარტნიორებთან ერთად გენდერული თანასწორობის საკითხებზე კომიქსებისა და ანიმაციური ნახატების კონკურსი გამოაცხადა. კონკურსში მონაწილეობა მიიღეს 18-დან 28 წლამდე ასაკის ევროპელმა ახალგაზრდებმა. მათ თავიანთი ხედვა ქალთა უფლებებისა და გენდერული თანასწორობის შესახებ კომიქსებისა და ანიმაციური ნახატების სახით წარმოადგინეს. კომიქსები და ანიმაციური ნახატები... წყარო: ქალთა საინფორმაციო ქსელის ვებგვერდი სოციალურ ქსელში

კახეთი. თელავში, ასოციაციის „ქალი და ბიზნესის" ორგანიზებით ჩატარდა სამუშაო შეხვედრა - გენდერული თანასწორობა და ქალთა ჩართულობის გაზრდა აგრობინზნესში. შეხვედრის მიზანია ადგილობრივი მოსახლეობის ინფორმირება გენდერული თანასწორობისა და სასოფლო–სამეურნეო საქმიანობაში ქალთა როლის გაძლიერების ხელშეწყობა. ასევე მათი პრობლემებისა და საჭიროებების შესახებ ინფორმაციის მიღება, რომელთა გადაჭრა ხელს შეუწყობს ქალთა წვლილის გაზრდას სოფლის მეურნეობაში, მათ ეკონომიკურ გაძლიერებას. ასოციაცია „ქალი და ბიზნესი" და საქართველოს ბიზნესის განვითარების ცენტრი ბრიტანული საქველმოქმედო ორგანიზაციის ოქსფამ-საქართველოს ფინანსური მხარდაჭერით ერთობლივად ახორციელებენ პროექტს „ძლიერი ქალები სოფლად". პროექტის მიზანია ქალთა ლიდერობის ხელშეწყობა სოფლის მეურნეობის მდგრადი განვითარებისა და ეკონომიკური ზრდისათვის - ცნობიერების ამაღლების კამპანიის მეშვეობით. პროექტი ხორციელდება ევროპის სამეზობლო პროგრამის „სოფლის მეურნეობის და სოფლის განვითარებისათვის „ENPARD”- ის ფარგლებში (პროგრამის ვებგვერდი: www.enpard.ge). პროგრამას აფინანსებს ევროკავშირი (EU).

თბილისი. კავკასიის კვლევითი რესურსების ცენტრი აქვეყნებს მორიგ ბლოგპოსტს: „განქორწინება რთული გასამართლებელია". ბლოგი ეყრდნობა გაეროს განვითარების პროგრამის 2013 წლის კვლევების მონაცემებს. სრულად... წყარო: blog.crrc.ge

გურია. 29 ივნისს, ,,ახალგაზრდა პედაგოგთა კავშირის" ოფისში ორგანიზაციის ბაზაზე არსებული ოზურგეთისა და ლანჩხუთის ლიდერთა სკოლების ორი საჩვენებელი დებატი გაიმართა. ახალგაზრდებმა განიხილეს რეზოლუცია „გენდერული თანასწორობა გამართლებულია". მოზარდები საინტერესოდ ახერხებდნენ საკუთარი პოზიციების დაცვასა და საზოგადოების მათ მხარეს გადაბირებას. სრულად... წყარო: ორგანიზაციის ვებ-გვერდი სოციალურ ქსელში

კახეთი. 24 ივნისს,თელავში, „ვოლდ ვიჟენის" (World Vision) პროექტის ფარგლებში კახეთის სამხარეო განვითარების პროგრამის ფარგლებში ჩატარდა ტრენინგი ოჯახში ძალადობის თემაზე. ტრენინგში მონაწილეობას იღებდნენ ყვარლის, გურჯაანის და თელავის მუნიციპალიტეტების სოფლების - აკურის, ვანთის, შაშიანისა და კალაურის თემების მშობელთა კლუბების წარმომადგენლები. სრულად... წყარო: ორგანიზაციის ვებ-გვერდი სოციალურ ქსელში

თბილისი. ქალთაპ ოლიტიკური მონაწილეობის სამუშაო ჯგუფის წევრი ადგილობრივი არასამთავრობო ორგანიზაციები გენდერულ კვოტირებასთან დაკავშირებით მიმართვას ავრცელებენ: „ჩვენს მიერ შემოთავაზებული 50%-იანიკვოტირების სისტემა კი პარლამენტის საერთო რაოდენობის 25%-იან ქალთა გარანტირებულ შემადგენლობას განაპირობებს. მიუხედავად იმისა, რომ ამგვარი განაწილებაც რეკომენდირებული მინიმუმის ზღვარს ქვემოთაა, ეს სამართლიანობისაკენ გადადგმული პირველი ნაბიჯი იქნება.  ქალთა სამუშაო ჯგუფის წევრი არასამთავრობო ორგანიზაციები მოგმართავთ მიიღოთ მხედველობაში არსებული დისბალანსი, სახელმწიფოს მიერ აღებული საერთაშორისო ვალდებულებები, საზოგადოებაში სულ უფრო და უფრო მომძლავრებული ძალადობა ქალთა მიმართ და ქალთა წლად გამოცხადებული 2015 წელი, საერთო ძალისხმევითა და მონდომებით, ვაქციოთ ისტორიულ გარდატეხად ქვეყანაში გენდერული თანასწორობის უზრუნველყოფისათვის". სრულად...  წყარო: www.gyla.ge

თბილისი. 23 ივნისს საქართველოს სახალხო დამცველმა და გაეროს ქალთა ორგანიზაციამ (UN Women) გენდერული თანასწორობის და ქალთა უფლებრივი მდგომარეობის საკითხებისადმი მიძღვნილი ერთობლივი შეხვედრა გამართეს, რომელსაც გაეროს ქალთა ორგანიზაციის წარმომადგენელი საქართველოში ერიკა კვაპილოვა უძღვებოდა. შეხვედრაზე სახალხო დამცველმა საპარლამენტო ანგარიშის თავი - გენდერული თანასწორობის და ქალთა უფლებები მიმოიხილა და ძირითად ასპექტებზე ისაუბრა. „შემაშფოთებელია ქალთა მიმართ ძალადობისა და ოჯახში ძალადობის მასშტაბები. 2014 წელს ოჯახში ძალადობის შედეგად 17 ქალი იქნა მოკლული. ქალთა მიმართ ძალადობა დიდი ხანია გასცდა ჩაკეტილ სივრცეს და საზოგადოების გულგრილ დამოკიდებულებასთან ერთად, მთავარ გამოწვევას დაცვისა და დახმარების ღონისძიებების არაეფექტური გამოყენება წარმოადგენს"... სრულად... წყარო: www.ombudsman.ge

თბილისი. 21 ივნისს გენდერული თანასწორობის ქსელმა (GEN) ეროვნული ბიბლიოთეკის დარბაზში გამართა საჯარო დისკუსია, თემაზე: „ქალების მონაწილეობა პოლიტიკურ პროცესებში". დისკუსიაში მონაწილეობდნენ აქტიური ლიდერი ქალები, ახალგაზრდები, სხვადასხვა სოციალური ჯგუფების და პოლიტიკური პარტიის წარმომადგენლები. დისკუსია საარჩევნო სისტემების საერთაშორისო ფონდის (IFES) და ამერიკის შეერთებული შტატების განვითარების ფონდის (USAID) მხარდაჭერით ჩატარდა. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ქალთა მიმართ ძალადობისა და ოჯახში ძალადობის პრევენციისა და აღკვეთის შესახებ" სტამბულის კონვენციის რატიფიკაციის მიზნით იუსტიციის სამინისტრომ საკანონმდებლო ცვლილებები შეიმუშავა. ცვლილებათა პაკეტი 20-მდე კანონს შეეხება. როგორც იუსტიციის სამინისტროში განმარტავენ, მათი მიზანი ოჯახში ძალადობის წინააღმდეგ ეფექტიანი ბრძოლა, ქალთა უფლებების დაცვა და ქალთა მიმართ ძალადობრივი დანაშაულის პრევენციაა. ცვლილებათა პროექტი ახალ მიდგომებს ითვალისწინებს მსხვერპლთა დაცვისა და რეაბილიტაციის კუთხითაც. სრულად... წყარო: ginsc.net

თბილისი. 10 ივნისს, ქალთა პოლიტიკური მონაწილეობის სამუშაო ჯგუფის წევრმა ადგილობრივმა არასამთავრობო ორგანიზაციებმა პარლამენტში საკანონმდებლო წინადადება წარადგინეს. საკანონმდებლო წინადადება კვოტირების გზით საქართველოს წარმომადგენლობით ორგანოებში ქალთა პოლიტიკური მონაწილეობის გაზრდას ითვალისწინებს. პარლამენტის მიერ ინიციატივის მიღების შემთხვევაში, მომავალი არჩევნების შედეგად საკანონმდებლო ორგანოში ქალებისათვის მინიმუმ 25%-იანი წარმომადგენლობა იქნება უზრუნველყოფილი. სრულად... წყარო: www.isfed.ge

გურია. 10 ივნისს, ,,ახალგაზრდა პედაგოგთა კავშირის" ოფისში ჩატარდა ბავშვთა თეატრალური სტუდია ,,პეპილოტას" მიერ მომზადებული სპეკტაკლის ,,გაკვეთილი მშობლებს" ჩვენება. სპეკტაკლის მიზანი ბავშვთა უფლებების პოპულარიზაცია იყო. წარმოდგენა 2 ნაწილად დაიყო, პირველი ნაწილი სიცოცხლის უფლებას შეეხო. მოზარდები წარმოადგენდნენ იმ ბავშვებს, რომლებიც სელექციური აბორტების მსხვერპლნი გახდნენ. ასევე, იმ გენდერულ პრობლემებსა და სტერეოტიპებს, რომლებსაც ქალები ყოველდღიურ ცხოვრებაში აწყდებიან. სრულად... წყარო: ორგანიზაციის ვებ-გვერდი სოციალურ ქსელში

იმერეთი. პროექტის „ქალთა გაძლიერება საქართველოს მთიან რეგიონებში" ფარგლებში ცაგერისა და ამბროლაურის ბენეფიციარი ქალბატონებისთვის ქ. ქუთაისში ჩატარდა ტრენინგები თემაზე: „გენდერული თანასწორობა და ქალთა უფლებები". ტრენინგები, რომლებიც „გაეროს ქალთა ორგანიზაციის" ინიციატივითა და მხარდაჭრით მოეწყო, „მეწარმე ქალთა ფონდის" მიერ იყო ორგანიზებული. შეხვედრას „გაეროს ქალთა ორგანიზაციის" წარმომადგენელი და აგრეთვე რაჭისა და ლეჩხუმის ადგილობრივი თვითმმართველობის წარმომადგენლებიც დაესწრნენ. წყარო: ორგანიზაცია „მეწარმე ქალთა ფონდი"

თბილისი. საქართველოს სახალხო დამცველმა საქართველოს პარლამენტს საკანონმდებლო წინადადებებით მიმართა ტელემაუწყებლობაში დამკვიდრებული სექსისტური რეკლამების თაობაზე კანონმდებლობაში დეფინიციის განსაზღვრის შესახებ. სახალხო დამცველის მიერ მომზადებული წინადადების გათვალისწინების შემთხვევაში შესაძლებელი გახდება სექსისტური რეკლამების აკრძალვა ტელემაუწყებლობაში, რაც კიდევ ერთი ნაბიჯი იქნება გენდერული თანასწორობის სფეროში არსებული კანონმდებლობის სრულყოფისა და პრაქტიკაში მათი აღსრულების ხელშესაწყობად. სრულად... წყარო: www.ombudsman.ge

თბილისი. 21 მაისს, 17:00 საათზე, ივანე ჯავახიშვილის სახელობის თბილისის სახელმწიფო უნივერსიტეტსა და ქალთა საინფორმაციო ცენტრს შორის თანამშრომლობის მემორანდუმი გაფორმდება. მემორანდუმს ხელს უნივერსიტეტის რექტორი, აკადემიკოსი ვლადიმერ პაპავა და ორგანიზაციის დირექტორი ელენე რუსეცკაია მოაწერენ. თანამშრომლობის დოკუმენტის გაფორმების შემდეგ ქალთა საინფორმაციო ცენტრის დირექტორი წაიკითხავს საჯარო ლექციას თემაზე: "ქალთა პოლიტიკური მონაწილეობა". სრულად... წყარო: ginsc.net

თბილისი. 20 მაისს, საქართველოს ეროვნული ოლიმპიური კომიტეტისა და არასამთავრობო ორგანიზაციის „ჟურნალისტთა ქსელი გენდერული თანასწორობისათვის" შორის ურთიერთთანამშრომლობის მემორანდუმი გაფორმდა. მემორანდუმი გულისხმობს ოლიმპიური კომიტეტის ორგანიზებით გამართული ღონისძიებების, მათ შორის ევროპის ახალგაზრდული ოლიმპიური ფესტივალის „თბილისი 2015"-ის ჩატარების დროს გენდერული ასპექტების გათვალისწინებას, გენდერულად არადისკრიმინაციული გარემოს შექმნას და გენდერული თანასწორობის იდეის პოპულარიზაციის ხელშეწყობას. ღონისძიების მხარდამჭერია „საარჩევნო სისტემების საერთაშორისო ფონდი" (IFES). სრულად... წყარო: ორგანიზაციის ვებგვერდი სოციალურ ქსელში

კახეთი. თელავში ეკონომიკური პოლიტიკის კვლევის ცენტრის ინიციატივით, შეხვედრა გაიმართა, სადაც ქალი მეწარმეების გააქტიურებაზე იმსჯელეს. პროექტი მიზნად ისახავს ბიზნესის დაწყების მსურველი ქალების გაძლიერებას. ბიზნეს იდეების დამუშავების შემდეგ ქალ მეწარმეებს საშუალება ექნებათ ორგანიზაციის მიერ გამოცხადებულ მცირე საგრანტო კონკურსში მიიღონ მონაწილეობა, რომელიც მათი ბიზნესის გაფართოვებას შეუწყობს ხელს. ეკონომიკური პოლიტიკის კვლევის ცენტრის პროგრამების მენეჯერის, ირინა გურულის თქმით, შეხვედრაზე ბიზნეს იდეების დამუშავებასა და პროექტის წერის საკითხებზეც იმსჯელეს: „პროექტი მიზნად ისახავს ქალ მეწარმეთა ბიზნეს უნარ-ჩვევების განვითარებას, მათ ეკონომიკურ გაძლიერებასა და ბიზნეს გეგმის წერის უნარჩვევების გამომუშავებას. დაინტერესებულ ქალ მეწარმეებს ეძლევათ საშუალება, შეავსონ საგრანტო განაცხადი და წარმოადგინონ ბიზნეს გეგმა. საუკეთესო იდეა დაფინანსდება 1000 ლარამდე ოდენობის გრანტით". ორგანიზაცია მუშაობს საქართველოს 4 ქალაქში და დაგეგმილი აქვს 8 მცირე საგრანტო პროექტის დაფინანსება. პროექტი ხორციელდება შვეიცარიის საელჩოს ფინანსური მხარდაჭერით.