თბილისი.ომისა და მშვიდობის გაშუქების ინსტიტუტის კავკასიის პროგრამა ფოტოკონკურსს აცხადებს – „ქალი და კონფლიქტი". კონკურსი ხორციელდება ინიციატივის – „ქალები ერთიანდებიან მშვიდობისათვის – ცვლილებათა ხმა" – ფარგლებში. აღნიშნული ინიციატივა გაეროს ქალთა პროექტის  – ქალები თანასწორობისათვის, მშვიდობა და განვითარების – ინიციატივას წარმოადგენს. დეტალური ინფორმაცია წყარო:  media.gehttp://media.ge

აჭარა. ბათუმის დემოკრატიული ჩართულობის ცენტრში, საერთაშორისო განათლების ცენტრის ორგანიზებით იმართება ფილმების ჩვენება. პროექტის „კავკასიური ფილმების" ფარგლებში მაყურებლები ნახავენ მიგრაციის, გენდერისა და დემოკრატიის განვითარების თემატიკაზე გადაღებულ ფილმებს. 13 აგვისტოს მოეწყო ფილმის ჩვენება – „ღარიბი საქრთველოდან"  (რეჟისორი– ლევან კოღუაშვილი). ფილმში ასახულია ამერიკაში სამუშაოდ წასული ქართველი ქალების ცხოვრება. ჩვენების შემდეგ გაიმართა დისკუსია, დარბაზში მყოფმა საზოგადოებამ პარალელები გაავლო რუმინეთში არსებულ მსგავს სიტუაციასთან.

კახეთი. 11 და 12 აგვისტოს „ქალთა კლუბმა" გურჯაანის მუნიციპალიტეტის 3 სოფელში შეხვედრები გამართა. ,,ქალთა კლუბის" წევრებმა სოფლებში - ახაშენი, კალაურისა და ვაჩნაძიანის მცხოვრებ ქალებთან ქალთა აქტიურ ჩართულობასა და მის როლზე ისაუბრეს. შეხვედრებს  60-მდე ქალი ესწრებოდა. ,,ქალთა კლუბის" მიზანია, ადგილობრივ სოფლებში მცხოვრები ქალების ჩართვა-გაწევრიანება. ამ ეტაპზე კლუბში 70-ზე მეტი ქალბატონია გაწევრიანებული. „ქალთა კლუბის" დამფუძნებელი ქეთევან გელიტაშვილი: ,,მინდა ავღნიშნო, რომ შეხვედრები საკმაოდ წარმატებული აღმოჩნდა. წინა წლებთან შედარებით ქალთა აქტივობა გაზრდილია და გვინდა, რომ პროცესებს ხელი შევუწყოთ.  ჩვენი მიზანია, კლუბში რაც შეიძლება მეტი ქალბატონის გაწევრიანება, მათთვის სხვადასხვა ტიპის ტრენინგების ჩატარება და საბოლოოდ მათი აქტივობის გაზრდა".

თბილისი.საზოგადოებრივი ორგანიზაცია „იდენტობა" ჰომოფობიის შესამცირებლად და საზოგადოებაში ტოლერანტულობისა და განსხვავებულობისადმი მიმღებლობის ასამაღლებლად კიდევ ახალი პროექტს იწყებს. პროექტის მიზანია გეი–სთრეით ალიანსების ორგანიზება და მისი საშუალებით საზოგადოების წევრების ჩართვა ჰომოფობიასთან ბრძოლაში. პროექტის ავტორების აზრით ეს საზოგადოებას ჰომოფობიიის დამარცხებაში დაეხმარება. წყარო: identoba.ge სრულად

  თბილისი. საზოგადოებრივი ორგანიზაცია „კონსტიტუციის 42–ე მუხლი" ქალთა შესახებ ცნობიერების ამაღლების კამპანიას იწყებს. ცნობიერების ამაღლების კამპანიები ქალთა უფლებების შესახებ საქართველოს 14 ქალაქში ჩატარდება. კამპანიის ფარგლებში ორგანიზაციის ტრენერები უფასო სემინარებს ჩაუტარებენ დაინტერესეულ ქალბატონებს და ასევე უფასო იურიდიულ კონსულტაციასაც გაუწევენ მათ.  „პროექტის სამიზნე ჯგუფს წარმოადგენს საქართველოს რეგიონებში მცხოვრები ქალები, რომლებიც აქტიურად არიან ჩართულები საზოგადოებრივ ცხოვრებაში და საკუთარ რეგიონში ქალთა უფლებების რეალიზაციის პროცესში გარკვეული წვლილის შეტანა შეუძლიათ." – ნათქვამია ორგანიზაციის ოფიციალურ ვებ–გვერდზე  სხვადასხვა ღონისძიებები პროექტ "ქალთა გაძლიერება სოციალური განვითარებისათვის” ფარგლებში ხორციელდება, რომელიც დაფინანსებულია გერმანიის საერთაშორისო თანამშრომლობის საზოგადოების (GIZ) მიერ. წყარო: article42.ge  

ქვემო ქართლი. რატევანის ქალთა საბჭომ სოფელ რატევანის მოსახლეობისათვის ჩაატარა ტრენინგი თემაზე: თემის მობილიზაცია და თემის ჩართულობა გადაწყვეტილების მიღების პროცესში. ტრენინგის მიზანს წარმოადგენდა ადგილობრივი მოსახლეობის ცნობიერების ამაღლება გადაწყვეტილების მიღების პროცესში ადგილობრივი მოსახლეობის ჩართვის მნიშვნელობისა და გზების შესახებ. საბჭო მსგავსი ტრენინგებისა და კონსულტაციების გამართვას კვლავ გეგმავს.  აქტივობა პროექტ „სამხრეთ კავკასიის ქვეყნებში სოფლად მცხოვრებ ქალთა უნარ-შესაძლებლობების გაძლიერება და მათი ჩართვა ბუნებრივი რესურსების მდგრად მართვაში" ფარგლებში ხორციელდება  ფონდის EED-ის ფინანსური მხარდაჭერით.  წყარო: CENN

სამცხე–ჯავახეთი. 6 და 8 ივნისს, ახალციხეში, დემოკრატ მესხთა კავშირის საკონფერენციო დარბაზში, ქალთა მიმართ დისკრიმინაციის აღმოფხვრის კომიტეტის (CEDAW) მიერ შემუშავებული რეკომენდაციის გაცნობის მიზნით,  გაიმართა შეხვვედრა. შეხვედრას ესწრებოდნენ ახალგაზრდული ჯგუფის წევრები, საზოგადოებრივი ორგანიზაციების წარმომადგენლები და ადგილობრივი საჯარო სკოლების და უმაღლესი სასწავლებლების  პროფესორ-მასწავლებლები. შეხვედრა საინფორმაციო ხასიათის იყო. კომიტეტის წარმომადგენელმა, ფსიქოლოგიის მეცნიერებათა დოქტორმა გულიკო ბექაურმა, მსმენელებს დაწვრილებით გააცნო კომიტეტის მიერ შემუშავებული რეკომენდაციები.

თბილისი. საქართველოში თურქეთის საელჩოსთან საზოგადოებრივმა  ორგანიზაციამ „ლგბტ საქართველომ" საპროტესტო აქცია გამართა.  ისინი ამ აქციით თურქეთში ბოლო პერიოდში მოკლული ტრანსგენდერი ადამიანების ფაქტებს გამოეხმაურნენ და გამოძიების დაწყებას მოითხოვეს. აქცია ჰომოფობიის წინააღმდეგ ბრძოლის საერთაშორისო დღესთან დაკავშირებით გაიმართა. ორგანიზაციამ ოფიციალური წერილიც მოამზადა თურქეთის საელჩოში გადასაცემად. სრულად დოკუმენტი

კახეთი. სათემო განვითარების ცენტრი „ლელი" ლაგოდეხის მუნიციპალიტეტის 6 სოფელში ქალთა უფლებების შესახებ სემინარებს მართავს. „ამჟამად ვახორციელებთ პროექტს, რომელიც ეხება ქალთა უფლებებს. ლაგოდეხის მუნიციპალიტეტის სოფლებში, თითქმის ყოველდღიურ რეჟიმში, ვატარებთ ტრენინგებს", აცხადებს გელა თედეევი, სათემო ორგანიზაცია „ლელის" დამფუძნებელი. სათემო განვითარების ცენტრი „ლელი" ლაგოდეხის მუნიციპალიტეტის სოფელ ლელიანში 2007 წლიდან ფუნქციონირებს და მუშაობს როგორც ზდასრულთა განათლების, ქალთა უფლებების, ასევე სოფელში არსებული პრობლემების მოკვლევის, მისი გადაჭრის გზების ძიებისა და თემის განვითარების მიმართულებით.

თბილისი. სასტუმრო „თბილისი მარიოტში" საერთაშორისო ორგანიზაციამ „ნიდერლანდების ინსტიტუტმა მრავალპარტიული დემოკრატიისთვის" (ნიმდ) პუბლიკაციის პრეზენტაცია გამართა. ნარკვევი სამ თემატურ მიმართულებად იყოფა: შიდა პარტიული დემოკრატია გენდერულ ჭრილში, ახალგაზრდების პოლიტიკური საქმიანობა და ადგილობრვ თვითმართველობის საქმიანობაში მოსახლეობის ჩართულობა. მომზადებული ნარკვევის მიხედვით,  ქალთა როლი და ჩართულობა გადაწყვეტილების მიღების პროცესში სულ უფრო და უფრო მცირდება. ასევე მცირდება, ახალგაზრდების როლი პოლიტიკურ ცხოვრებაში. პუბლიკაცია ასევე გვთავაზობს სხვადასვა რეკომენდაციებს, მათ შორის,  როგორ გაიზარდოს ადგილობრივი მოსახლეობის ჩართულობის ხარისხი თვითმართველობის საქმიანობაში. ნაშრომში ასევე ნაკლვევია მოსახლეობის ჩართულობა ადგილობრივი თვითმმართველი ერთეულის საბიუჯეტო პროცესში. „ჩატარებული კვლევა ცხადყოფს, რომ ადგილობრივი თვითმმართველობა ცდილობს უკეთესი კავშირი დაამყაროს მოსახლეობასთან და ბიუჯეტი მოარგოს მათ საჭიროებებს. თუმცა, აღსანიშნავია, რომ მოსახლეობის ჩართულობა ძირითადად პასიურ ხასიათს ატარებს და მხოლოდ ინფორმაციის მიწოდებით შემოფიარგლება. მოსახლეეობა არ არის გადაწყვეტილების მიმღები მისაღები სერვისების თაობაზე, იგი მხოლოდ აქტიური მომხმარებელია. დაბალი სამოქალაქო განათლებისა და კულტურის ქონასთან ერთად გადაწყვეტლების მიღებაში ნაკლები ჩართულობა უბიძგებს მათ, იყვნენ პასიურები" .  - ნათქვამია ნაშრომში.

კახეთი. გასულ კვირას გურჯაანში „ქალთა კლუბი" დაარსდა. მისი მიზანია ადგილობრივ სოფლებში მცხოვრები ქალების ჩართვა–გაწევრიანება. ამ ეტაპზე კლუბში 50–მდე ქალბატონია გაწევრიანებული. „უნდა აღინიშნოს, რომ ყველა მათგანი აქტიური და სადაქმებულია", – აცხადებს ქეთევან გელიტაშვილი. საზოგადოებრივი ორგანიზაციის – „ახალი თაობა დემოკრატიისათვის" – დამფუძნებელი. სწორედ ამ ორგანიზაციის ხელშეწყობით დაარსდა „ქალთა კლუბი". საზოგადოებრივი ორგანიზაცია „ახალი თაობა დემოკრატიისათვის" გურჯაანის მუნიციპალიტეტში 2008 წლიდან ფუნქციონირებს, ბოლო ერთი წელია ორგანიზაცია გენდერულ საკითხებზე მუშაობს. ქეთევან გელიტაშვილის თქმით, გენდერულ საკითხებზე მუშაობა ქალების პასიურობამ გამოიწვია – „კლუბში მუნიციპალიტეტში მცხოვრები ცნობილი ქალბატონების გაწევრიანებას ვგეგმავთ, რათა მათ თავიანთი წარმატებული გამოცდილება გაუზიარონ საზოგადოებას".

თბილისი. 10 მაისს, ილიას სახელმწიფო უნივერსიტეტში გენდერის თემაზე სემინარი გაიმართა. გენდერული კონცეფცია, გენდერული როლები,  სტერეოტიპები, გენდერული თანასწორობა  და თემები განიხილეს სემინარზე. შეხვედრის ორგანიზატორი საზოგადოებრივი ორგანიზაცია „ჰელფინგ ჰენდი" იყო, რომელიც „სამოქალაქო საზოგადოების განვითარების ცენტრთან" ერთად ახორციელებს პროექტს „ჩვენ გვაქვს ძალა, რომ საკუთარი უფლებები დავიცვათ". „არასდროს, არასდროს არ აწყენინოთ ქალებს" ამ პათოსით დასრულდა სემინარი სტუდენტებთან, თუმცა იმავე თემაზე შეხვედრებს ორგანიზატორები სხვა უნივერსიტეტებშიც გეგმავენ. პროექტის დამფინანსებელია "ქალთა ფონდი საქართველოში".

იმერეთი. ქალები მშვიდობის ძიებაში – ამ სახელწოდების პუბლიკაციის პრეზენტაცია გაიმართა ქუთაისში, დემოკრატიული ჩართულობის ცენტრში. პუბლიკაცია  ქართულ აფხაზური პროექტის ერთობლივი შემაჯამებელი დოკუმენტია საქართველოში მცხოვრებ ქალთა მშვიდობიან მომავალზე. პუბლიკაცია  ხუთი ნაწილისაგან შედგება და ის ქართულ, რუსულ და ინგლისურ ენებზე გამოიცა. ერთობლივი ქართულ-აფხაზური პროექტის გრძელვადიანი მიზანია გენდერული მიდგომის დამკვიდრება ქართულ-აფხაზური კონფლიქტის მოგვარებაში. პროექტი განხორციელდა კულტურულ-ჰუმანიტარულ ფონდ  „სოხუმისა" და აფხაზეთის ქალთა ასოციაციის მიერ, შვედეთის საერთაშორისო ქალთა ფონდის Kvinna ill Kvinna-ს მხარდაჭერით.

სამცხე–ჯავახეთი. საზოგადოებრივმა ორგანიზაციამ „დემოკრატ ქალთა საზოგადოებამ", ახალციხის დემოკრატიული ჩართულობის ცენტრში საინფორმაციო შეხვედრა გამართა და დამსწრე საზოგადოებას მიაწოდა ინფორმაცია ტრენინგების შესახებ. იგი პროექტის „დემოკრატიის სკოლის" ფარგლებში გაიმართება და მისი მიზანია ხელი შეუწყოს ქალების ჩართულობას დემოკრატიულ პროცესებში. აღნიშნული პროექტი გასულ წელს დაიწყო და მიმდინარე წლის ივნისში დასრულდება. პროექტს „დემოკრატიის სკოლა" საქართველოში ამერიკის შეერთებული შტატების საელჩო აფინანსებს. პროექტის ფარგლებში სხვადასხვა ასაკის 60–მდე ახალციხეში მაცხოვრებელმა გაიმარა ტრენინგი ისეთ საკითხებზე როგორიცაა – დემოკრატიის არსი, არჩევნების მნიშვნელობა დემოკრატიის განვითარებისთვის, საერთაშორისო ურთიერთობები, ქალი პოლიტიკაში, ქალთა ლიდერობა, გენდერული საკითხები, ოჯახური ძალადობა და სხვა.

თბილისი. საზოგადოებრივი ორგანიზაცია „ჰელფინგ ჰენდის" პროექტის ფარგლებში ქალთა ძალადობის წინააღმდეგ კიდევ ერთი ფლეშმობი გაიმართა. ორგანიზაციის მოხალისეებმა ილიას სახელმიწიფო უნივერსიტეტის წინ ქალთა მიმართ ძალადობის სხვდასხავა ფორმის დემონსტრირება მოახდინეს და ამგვარად გამოხატეს პროტესტი. პროექტის ერთ–ერთი მიზანი საზოგადოების ინფორმირებაა. აღნიშნული პროექტის დონორია „ქალთა ფონდი საქართველოში", პროექტის ფარგელბში სულ 16 ფლეშმობია დაგეგმილი. ყველა მათგანი ქალთა ძალადობის თემაზეა აგებული.