იმერეთი. 2024 წლის 1 მარტს, უფლებები საქართველოს ჭიათურის სამართლებრივი დახმარების ცენტრში, ჭიათურის სხვადასხვა სკოლის უფროსკლასელებთან საინფორმაციო შეხვედრა გაიმართა.  შეხვედრა დისკუსიის რეჟიმში წარიმართა.  მონაწილეებმა ხაზი გაუსვეს ქალთა მიმართ ძალადობის პრევენციასა და კვალიფიციური სამართლებრივი დახმარების მნიშვნელობას, ასევე ისაუბრეს ოჯახში ძალადობის მსხვერპლი არასრულწლოვანების დაცვასა და მათთვის ფსიქო-ემოციური მხარდაჭერის საჭიროებაზე.  განსაკუთრებული ყურადღება დაეთმო დისკუსიას ფემიციდის გამომწვევი მიზეზებისა და გენდერული სტერეოტიპების შესახებ.  შეხვედრა USAID სამართლის უზენაესობის პროგრამის მხარდაჭერით გაიმართა.  სრულად...   წყარო: უფლებები საქართველო

თბილისი. გაეროს ქალთა ორგანიზაციისა და საქართველოს განათლების, მეცნიერებისა და ახალგაზრდობის სამინისტროს ორგანიზებით, გენდერული მეინსტრიმინგის თემაზე სამუშაო შეხვედრა გაიმართა.  შეხვედრის მიზანია გენდერული მეინსტრიმინგის პლატფორმის მუშაობის გაუმჯობესება.  შეხვედრა ნორვეგიის საგარეო საქმეთა მხარდაჭერით ტარდება და მასში მონაწილეობენ სამინისტროს გენდერული მეინსტრიმინგის პლატფორმის წევრები და გაეროს ქალთა ორგანიზაციის წარმომადგენლები.  სრულად...  წყარო: ქალთა სიანფორმაციო ცენრი

თბილისი. 8 მარტი ქალთა უფლებებისთვის ბრძოლის საერთაშორისო დღეა. ქალები საერთაშორისო მომავლისთვის და გაეროს განვითარების პროგრამა 7 მარტს კვლევის „ქართველი შრომითი მიგრანტი ქალების სოციალურ-ეკონომიკური სტაბილურობა“ ონლაინ პრეზენტაციას გამართავს. კვლევა მოამზადა არასამთავრობო ორგანიზაციამ „ქალები საერთო მომავლისათვის (WECF) – საქართველო“ გაეროს განვითარების პროგრამის (UNDP), შვედეთისა და ევროკავშირის მხარდაჭერით.  სრულად... წყარო: ქალები საერთაშორისო მომავლისთვის

თბილისი. 9 თებერვალს, თბილისში გაიმართა საკრებულოს წევრ ქალთა პოლიტიკური ფორუმი, რომელსაც 150-ზე მეტი დელეგატი დაესწრო.  ფორუმის მუშაობაში ჩაერთნენ საკრებულოს წევრი ქალები საქართველოს ყველა მუნიციპალიტეტიდან.  განსაკუთრებული ყურადღება დაეთმო ქალთა პოლიტიკური მონაწილეობის გაზრდას საპარლამენტო და ადგილობრივი არჩვენებისათვის მზადების პერიოდში.  ღონისძიება გაიმართა გაეროს განვითარების პროგრამისა და შვედეთის მთავრობის ხელშეწყობით, საქართველოს პარლამენტის გენდერული თანასწორობის საბჭოსთან თანამშრომლობით. სრულად...  წყარო: გაეროს განვითარების პროგრამა

თბილისი. 11 თებერვალს, მეცნიერ ქალთა და გოგონათა საერთაშორისო დღესთან დაკავშირებით გაიმართება ღონისძიება.  შეხვედრაზე დაგხვდებათ: Საქართველოში ტექნოლოგიების სფეროში მომუშავე ქალების ინსპირაციულ გამოსვლები; დისკუსია, რა შესაძლებლობები და სირთულეები არსებობს ქალებისთვის ტექნოლოგიებისა და მეცნიერების სფეროში; პარალელურ ვორკშოპები; და ა.შ  ღონისძიებაზე დასასწრებად უნდა გაიაროთ რეგისტრაცია...  ღონისძიება ორგანიზებულია ფორსეტის მიერ და მისი პარტნიორები არიან DataFest Tbilisi, საქართველოს ბანკი, გაეროს ქალთა ორგანიზაცია, სმარტ აკადემია და საქართველოს ინოვაციებისა და ტექნოლოგიების სააგენტო.  სრულად...   წყარო: გაეროს ქალთა ფონდი საქართველოში

იმერეთი. უფლებები საქართველომ ჭიათურის მუნიციპალიტეტში გენდერული ნიშნით და ოჯახში ძალადობის საკითხებზე ცნობიერების ამაღლების მიზნით, საინფორმაციო შეხვედრა გამართა. შეხვედრის ფარგლებში „უფლებები საქართველოს“ იურისტმა მონაწილეებს მიაწოდა ინფორმაცია ორგანიზაციის საქმიანობის შესახებ და ესაუბრა ამბროლაურის სამართლებრივი დახმარების ცენტრში უფასო იურიდიული კონსულტაციისა და სამართლებრივი დახმარების ხელმისაწვდომობაზე. საინფორმაციო შეხვედრა გაიმართა პროექტის ,,გენდერული და ოჯახში ძალადობის მსხვერპლთა მხარდაჭერა“ ფარგლებში, რომელიც ხორციელდება უფლებები საქართველოს“ და ოთხი არასამთავრობო ორგანიზაციის მიერ ევროკავშირისა და ASB საქართველოს პროგრამის მხარდაჭერით. სრულად... წყარო: უფლებები საქართველო

თბილისი. სოციალური სამართლიანობის ცენტრი ეხმიანება ფემიციდის მზარდ შემთხვევებს და მთავრობას მოუწოდებს ქალთა მიმართ ძალადობის სისტემურ პრევენციაზე მიმართული პოლიტიკის გაძლიერებისკენ.  „ქალთა მიმართ ძალადობისა და ოჯახში ძალადობის საკითხებზე მკაცრი სისხლისსამართლებრივი პოლიტიკის მიუხედავად, ქალთა მკვლელობებისა და მკვლელობის მცდელობების მაჩვენებელი მაინც მაღალია. 2024 წლის დასაწყისში ფემიციდის მძიმე შემთხვევები დაფიქსირდა. მედია წყაროებით ცნობილი გახდა, რომ ახალი წლის ღამეს ბათუმში, 36 წლის ქალი მოკლა მეუღლემ, ხოლო 9 იანვარს, თბილისში ქმარმა 27 წლის ცოლი მოკლა.  მივმართავთ ხელისუფლებას  გააძლიეროს ქალთა მიმართ ძალადობის პოლიტიკის პრიორიტეტულობა და გააორმაგოს საკუთარი ძალისხმევა, რესურსები და სამუშაოები შემდეგი მიმართულებებით: 1. ქალთა მიმართ ძალადობის შემთხვევების დროული იდენტიფიცირება და პრევენცია; 2. პოლიციის მიმართ ძალადობის გამოცდილების მქონე ქალების ნდობის გაზრდა; 3. გამოძიების დროულობა და ეფექტიანობა და გენდერულად მგრძნობიარე მართლმსაჯულება; 4. ძალადობა გამოვლენილი ქალების გრძელვადიანი სოციალური და ეკონომიკური გაძლიერება; 5. მოძალადე პირების ქცევის კორექციის ეფექტიანი და გრძელვადიანი პროგრამები“.  სრულად...  წყარო: სოციალური სამართლიანობის ცენტრი

თბილისი. სოციალური სამართლიანობის ცენტრი ძალადობაგამოვლილი ქალებისთვის მხარდამჭერი სერვისებისა და მექანიზმების შესახებ ანალიზს ავრცელებს.  ანალიზში განხიულია არის თუ არა საკმარისი მხარდამჭერი სერვისები ძალადობაგამოვლილი ქალებისათვის საქართველოში.  „არასაკმარისი გეოგრაფიული დაფარვა, რესურსების ნაკლებობა, სერვისების შესახებ ინფორმაციის არქონა და უნდობლობა სახელმწიფო ინსტიტუტების მიმართ მხოლოდ მცირე ნაწილია იმ ხარვეზებისა, რაც ჩვენმა კვლევამ გამოავლინა“ - აღნიშნულია ორგანიზაციის ვებ გვერდზე  იხილეთ კვლევა ვრცლად... წყარო: სოციალური სამართლიანობის ცენტრი

აჭარა. ხულოს მუნიციპალიტეტის დიდაჭარის საჯარო სკოლიოს მოსწავლეებმა ლუკა წულუკიძე, ცირა წულუკიძემ და ანა წულუკიძემ წარმოადგინეს პრეზენტაცია და პოსტერები გენდერული ნიშნით სელექციის პრაქტიკებზე თემში.  ასევე, დამსწრე საზოგადოებას გადასცეს ფლაერები გენდერულ თანასწორობასთან დაკავშირებით. პროექტი ხორციელდება ევროკავშირისა და კონრად ადენაუერის ფონდის მიერ დაფინანსებული პროექტის "სამოქალაქო საზოგადოების ინიციატივა" ფარგლებში. სრულად...  წყარო: საინიციატივო ჯგუფი მაღალმთიან სოფლებში მცხოვრები ქალების მხარდასაჭერად

თბილისი. გაეროს ქალთა ფონდი, ქალთა მიმართ ძალადობის ეროვნულ კვლევას ავრცელებს.  იგი სწავლობს, თუ როგორია ქალთა მიმართ ძალადობის სხვადასხვა ფორმის გავრცელება, რა გავლენა აქვს მას ქალების ჯანმრთელობასა და კეთილდღეობაზე. ასევე, რამდენად ფლობენ ქალები ინფორმაციას ძალადობის მსხვერპლებისთვის არსებული სერვისების შესახებ და სარგებლობენ თუ არა ამ სერვისებით.  კვლევა ყურადღებას უთმობს თუ როგორია საზოგადოების დამოკიდებულება ქალთა მიმართ ძალადობის, მისი მიზეზების, შედეგებისა და აღკვეთის გზების მიმართ. ქალთა მიმართ ძალადობის ეროვნული კვლევა 2022 გაეროს ქალთა ორგანიზაციამ საქსტატთან ერთად, ევროკავშირის მხარდაჭერით, პროექტის „ქალებისა და გოგოების მიმართ ძალადობის წინააღმდეგ საქართველოში“ ფარგლებში განახორციელდა. კვლევის მხარდამჭერია გაეროს ქალთა ორგანიზაციის რეგიონული პროგრამა „ქალებისა და გოგოების ხმა მნიშვნელოვანია“  სრულად... წყარო: გაეროს ქალთა ფონდი

სამცხე-ჯავახეთი. ქალთა მიმართ ძალადობის შესახებ ცნობადობის ამაღლების დღესთან დაკავშირებით, ახალციხის ახალგაზრდულ ცენტრის წევრებისთვის საინფორმაციო შეხვედრა (დისკუსია) გაიმართა, თემაზე: ქალთა მიმართა ძალადობა ლიტერატურაში.  ღონისძიება დაიგეგმა USAID-ის პროგრამა, ერთიანობა მრავალფეროვნებაშია ფარგლებში, რომელსაც ახორციელებს საქართველოს გაეროს ასოციაცია, USAID-ის ფინანსური მხარდაჭერით.  სრულად...  წყარო: დემოკრატ მესხთა კავშირი

თბილისი. მსოფლიოში სულ უფრო იზრდება ონლაინჩაგვრის, კიბერბულინგისა და დისკრიმინაციის შემთხვევები, რაც ქალებისათვის მეტად უსაფრთხო ციფრული გარემოს შექმნის საჭიროებას აჩენს, ნათქვამი ევროკავშირის წარმომადგენლობის გვერდზე სოციალურ ქსელში. „ადამიანის უფლებების საერთაშორისო დღესთან დაკავშირებით, წაიკითხეთ ის პრაქტიკული რჩევები, რომლებსაც პრობლემების წინაშე მდგომი ადამიანების გაძლიერება, ონლაინსივრცეში ურთიერთპატივისცემისა და ინკლუზიურობის წამახალისებელი გარემოს და ისეთი ციფრული სამყაროს შექმნა შეუძლია, რომელიც თანასწორობისა და ადამიანის უფლებების დაცვის პრინციპებზე დგას“ .  სრულად...  წყარო: ევროკავშირის წარმომადგენლობა საქართველოში

კახეთი. „უფლებები საქართველოს“ და „ლელიანის ზრდასრულთა განათლების ცენტრის“ ორგანიზებით, ლაგოდეხის მუნიციპალიტეტის სოფელ კაბალის №1 საჯარო სკოლაში, არადომინანტური ეთნიკური ჯგუფების ახალგაზრდების მშობლებთან, თანასწორობის საკითხებზე, საინფორმაციო შეხვედრა გაიმართა.  საინფორმაციო შეხვედრის ფარგლებში, იურისტები ახალგაზრდების მშობლებს გენდერული თანასწორობისა და დისკრიმინაციის საკითხებზე ესაუბრნენ. გაიმართა დისკუსია ნაადრევი ქორწინების გამომწვევ მიზეზებზე და შედეგებზე. მოსწავლეთა დედებმა ღიად ისაუბრეს იმ კულტურულ ნორმებზე, რომლებიც ქალებს ხელს უშლის პიროვნულ და პროფესიულ განვითარებაში.  საინფორმაციო შეხვედრა ჩატარდა პროექტის - „ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში“ - ფარგლებში, რომელსაც „უფლებები საქართველო“, „ლელიანის ზრდასრულთა განათლების ცენტრთან“ და „ახალსოფლის ახალგაზრდულ ცენტრთან“ პარტნიორობით, და „ომისა და მშვიდობის გაშუქების ინსტიტუტის“ (IWPR) მხარდაჭერით ახორციელებს.  სრულად...  წყარო: ორგანიზაციის გვერდი სოციალურ ქსელში

სამეგრელო. ორგანიზაცია „ათინათის“ პროექტის – „ახალგაზრდების ჩართულობა და განვითარების" ფარგლებში გაიმართა გაცვლითი ვიზიტი კახათის და დარჩელის საჯარო სკოლებს შორის. გაცვლითი ვიზიტის ფარგლებში დაიგეგმა დებატები გენდერის თემაზე.  დებატების მიზანია ახალგაზრდებში კრიტიკული და ლოგიკური აზროვნების ჩამოყალიბება. დებატების დროს გამოვლინდა სამი საუკეთესო სპიკერი, რომელიც დასაჩუქრდა სიმბოლური პრიზებით.  პროექტი „ახალგაზრდების ჩართულობა და განვითარება” – ხორციელდება აშშ–ის საერთაშორისო განვითარების სააგენტოს პროგრამის ფარგლებში.  სრულად...  წყარო: ორგანიზაცია „ათინათი“

აჭარა.28 ნოემბერს, სოლიდარობის თემის ორგანიზებით გაიმართა „ქალთა ფორუმი“ სადაც მომხსენებლებმა ისაუბრეს ისეთ მნიშვნელოვან საკითხებზე როგორიცაა: ქალთა სოციალური და სამართლებრივი საკითხები და გამოწვევები (მომხსენებელი ნესტან ანანიძე); აჭარაში ქალთა ეკონომიკური გაძლიერების მნიშვნელობა გამოწვევები და გადაჭრის გზები (მომხსენებელი ლია ფუტკარაძე); ქალთა რეპროდუქციული ჯანმრთელობა, მუნიციპალიტეტებში სერვისების მიწოდების საკითხი და ადგილზე არსებული გამოწვევები (მომხსენებელი თამარი ბოლქვაძე) მუსლიმი ქალების დასაქმების საკითხი და პირადი გამოცდილებები(მომხსენებელი სოფიკო ხოზრევანიძე).  ფორუმის ჩატარება შესაძლებელი გახდა Embassy of the Netherlands in Georgia მხარდაჭერით.  სრულად...   წყარო: სოლიდარობის თემი

თბილისი. გენდერული ნიშნით ძალადობის წინააღმდეგ 16-დღიანი აქტივიზმის ფარგლებში საჯარო დისკუსია გაიმართა.  საჯარო დისკუსიების დასკვნით შეხვედრაზე, ცნობილ მწერალთან, თამთა მელაშვილთან ერთად, განხილეს ფემინისტურ მოძრაობა, რომელმაც საგრძნობი გავლენა მოახდინა ქართული საზოგადოების ჩამოყალიბებაზე.  დისკუსიების ორგანიზატორები არიან ევროკავშირი და გაეროს განვითარების პროგრამა, თბილისის მუზეუმების გაერთიანება - ილია ჭავჭავაძის ლიტერატურულ-მემორიალურ მუზეუმთან პარტნიორობით.  სრულად...  წყარო: გაეროს განვითარების პროგრამა

არბაითერ-სამარიტერ-ბუნდი (ASB) საქართველომ, პარტნიორ ორგანიზაციებთან ერთად, ბიზნესის დაწყების მსურველი ქალებისთვის გადამზადების კურსი ჩაატარა, რომელშიც 60 ქალი მონაწილებდა.  კურსის ფარგლებში მათ ინფორამცია ბიზნესის დაწყების საფუძვლების, მარკეტინგული სტატეგიისა და ფინანსური დაგეგმვის შესახებ მიიღეს. კურსის მიზანია, ქალების სტიმულირება, წამოიწყონ ბიზნეს საქმიანობა და/ან გააძლიერონ საკუთარი შესაძლებლობები დამატებითი სტაბილური შემოსავლის გამომუშავებისთვის.  სწავლება ევროკავშირის მიერ დაფინანსებული პროექტის PASS-ის (გენდერული და ოჯახში ძალადობის მსხვერპლთა მხარდაჭერა) ფარგლებში ჩატარდა პროექტის სამიზნე რეგიონებში: რაჭა-ლეჩხუმი-ქვემო სვანეთი, ზემო იმერეთი და კახეთი.  სრულად... წყარო: არბაითერ-სამარიტერ-ბუნდი (ASB) საქართველო

თბილისი. 29 ნოემბერს, 15:00 საათზე, ილია ჭავჭავაძის ლიტერატურულ-მემორიალურ მუზეუმში (ივანე ჯავახიშვილის ქ. 7, თბილისი) გაიმართება ევროკავშირისა (EU) და გაეროს განვითარების პროგრამის (UNDP) საჯარო დისკუსიათა ციკლის „საუბრები უფლებებსა და თავისუფლებებზე“ დასკვნითი შეხვედრა იგი საქართველოში ქალთა უფლებებისთვის ბრძოლის საკითხებს მიეძღვნება, განხილული იქნება ისტორიული და თანამედროვე კონტექსტი.  მომხსენებელი: თამთა მელაშვილი, მწერალი.  დასწრება თავისუფალია. დარბაზი ადაპტირებულია შეზღუდული შესაძლებლობის მქონე პირებისთვის. ღონისძიების მსვლელობაში უზრუნველყოფილია თარგმანი ქართულ, ინგლისურ და ჟესტურ ენებზე.  სრულად... წყარო: undp.org

თბილისი. გაეროს ქალთა ფონდის მონაცემებით, საქართველოში საჯარო მოსამსახურეების მხოლოდ 31%-ია ქალი (შინაგან საქმეთა სამინისტროს ჩათვლით). "აღსანიშნავია ისიც, რომ მათი წარმომადგენლობა მაღალ, გადაწყვეტილების მიმღებ პოზიციებზე კაცების მაჩვენებელს მნიშვნელოვნად ჩამოუვარდება. გენდერული დისბალანსი ვლინდება როგორც პირველი რანგის (სამსახურის უფროსი), ისე საჯარო დაწესებულებების ხელმძღვანელებისა და ხელმძღვანელების მოადგილეების დონეზე".  სრულად ... წყარო: გაეროს ქალთა ფონდი

თბილისი. საერთაშორისო ორგანიზაციები ქალთა და გოგოების მიმართ ძალადობის წინააღმდეგ ბრძოლის საერთაშორისო დღესთან დაკავშირებით ერთობლი განცხადებას ავრცელებენ. ,, მოვუწოდებთ საერთო ქმედებისკენ ქალთა და გოგოების მიმართ ძალადობის ყველა ფორმის აღმოსაფხვრელად.” განცხადებას აქვეყნებენ გაერთიანებული ერების ორგანიზაცია საქართველოში, ევროკავშირის წარმომადგენლობა საქართველოში, ევროპის უშიშროებისა და თანამშრომლობის ორგანიზაცია, ნატოს სამეკავშირეო ოფისი და ავსტრიის, ახალი ზელანდიის, ბელგიის, გაერთიანებული სამეფოს, გერმანიის, დანიის, ესპანეთის, ესტონეთის, ირლანდიის, იტალიის, კანადის, ლატვიის, ნიდერლანდების, ნორვეგიის, პორტუგალიის, რუმინეთის, საბერძნეთის, საფრანგეთის, სლოვაკეთის, სლოვენიის, ფინეთის, შვედეთის, შვეიცარიის და ჩეხეთის საელჩოები საქართველოში.  განცხადება...  წყარო: გაეროს განვითარების პროგრამა

აჭარა.სოლიდარობის თემი, 28 ნოემბერს ქალთა ფორუმს გამართავს. ფორუმზე განხილული იქნება აჭარაში მცხოვრები ქალთა გამოწვევები რეგიონის კონტექსტში, სხვადასხვა გამოცდილების მქონე ქალების მიერ დანახული რეალობა და იდენტიფიცირებული გამოწვევები.  პროეტის ახორციელებს სოლიდარობის თემი ნიდერლანდების საელჩოს მხარდაჭერით.  სრულად... წყარო: სოლიდარობის თემი

თბილისი.29 ნოემბერს, ლიტერატურის მუზეუმში, სოციალური სამართლიანობის ცენტრის მიერ გაიმართება კონფერენცია:„სად ვართ დღეს - ქალთა მიმართ ძალადობის წინააღმდეგ პოლიტიკის სისტემური გამოწვევები“.  სოციალური სამართლიანობის ცენტრის მიერ ქალთა მიმართ ძალადობასთან ბრძოლის კვირეულში ორგანიზებულ კონფერენციაზე მოწვეულ ექსპერტებთან, მკვლევრებთან და აქტივისტებთან ერთად განხილული იქნება ქვეყანაში ქალთა მიმართ ძალადობის აღმოფხვრის მიზნით დღემდე გატარებულ ღონისძიებები, ძალადობის მსხვერპლთათვის სერვისებზე წვდომის კუთხით არსებულ გამოწვევები, ადრეული ქორწინების პრაქტიკა და მასთან ბრძოლის ეფექტიან გზები და ა.შ.  კონფერენციაზე ასევე წარდგენილი იქნება ახალი კვლევა, რომელიც სიღრმისეულად შეისწავლის და აანალიზებს ძალადობის მსხვერპლთა მხარდაჭერის სხვადასხვა სერვისებს, რომლებიც საქართველოში ძალადობის მსხვერპლი ქალებისთვის ფუნქციონირებს.  სრულად...  წყარო: სოციალური სამართლიანობის ცენტრი