თბილისი. 14 აპრილიდან ღია საზოგადოების ფონდის მხარდაჭერით უფასო ფსიქოლოგიური მომსახურება იმუშავებს: სატელეფონო ფსიქოლოგიური დახმარება - 2 911 000; დისტანციური ფსიქოლოგიური მომსახურება ტელეფონის და ვიდეოზარის მეშვეობით. „Covid-19 გავრცელებით შექმნილ კრიზისში ფსიქიკური მდგრადობის შენარჩუნება ფიზიკურ ჯანმრთელობაზე არანაკლებ მნიშვნელოვანია. 14 აპრილს, 18:00 საათზე, ფსიქოლოგიური დახმარების ინიციატივების შესახებ პირდაპირ ეთერში ისაუბრებენ ფონდის დირექტორი ქეთი ხუციშვილი და ფსიქოლოგები: ჯანა ჯავახიშვილი, ნანა აღაპიშვილი, ქეთევან აბდუშელიშვილი“. სრულად... წყარო: ორგანიზაციის გვერდი სოციალურ ქსელში

თბილისი. წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT) აქვეყნებს რჩევებს თუ როგორ გავუადვილოთ მოზარდებს იზოლაციაში ყოფნა და რა უნდა გავითვალისწინოთ მათთან ურთიერთობისას. „მოზარდებისთვის იზოლაცია, დისტანცირება, სახლში დარჩენა განსაკუთრებულ გამოწვევას წარმოადგენს. ამის მიზეზი ასაკთან დაკავშირებული თავისებურებებია, რომელიც მოკლედ შეიძლება ასე ჩამოყალიბდეს: მოზარდისთვის ამ პერიოდში ყველაზე მნიშვნელოვანი არის სოციალური კავშირები თანატოლებთან და სახლისგან და მშობლებისგან ავტონომია“. სრულად... წყარო: ორგანიზაციის გვერდი სოციალურ ქსელში

თბილისი. პროექტი „სამოქალაქო საზოგადოების განვითარების ინიციატივა“ ევროკავშირის დაფინანსებით იწყებს საინფორმაციო კამპანიას COVID-19-ის პრევენციის მიზნით საქართველოს 10 რეგიონის 647 ლოკაციაში მცხოვრები მოსახლეობისთვის. ▪️ სხვა აქტივობებთან ერთად, გამოყენებული იქნება ინფორმაციის გადაცემის არატრადიციული მეთოდები. - 173,760 პურზე განთავსდა საინფორმაციო სტიკერები, რომელიც გავრცელდება სამიზნე მოსახლეობაში. - 22,500 ცალი სურსათის ჩანთა, რომელზეც განთავსებულია შესაბამისი ინფორმაცია უფასოდ გავრცელდება სოფლის თემებში მოქმედი სასურსათო მარკეტების მეშვეობით. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: კორონავირუსის პანდემიის გავლენა ოჯახში და ქალთა მიმართ ძალადობაზე. „კრიზისების პერიოდში, მათ შორის, ეპიდემიის დროს, არსებობს ქალთა მიმართ ძალადობის ზრდის ტენდენცია. ოჯახში და ქალთა მიმართ ძალადობის წინააღმდეგ ბრძოლა როგორც მთავრობის, ისე საქართველოს პროკურატურის ერთ-ერთ პრიორიტეტულ მიმართულებას წარმოადგენს. ამ სახის დანაშაულების პრევენციის მიზნით ბოლო წლებში გატარებული ღონისძიებების მიუხედავად, არსებული სიტუაციის ანალიზი ისევე, როგორც საერთაშორისო და ადგილობრივი ორგანიზაციების შეფასებები ცხადყოფს, რომ პროკურატურისთვის მნიშვნელოვან გამოწვევად რჩება ამ კატეგორიის დანაშაულებზე ეფექტიანი და სრულყოფილი სისხლისსამართლებრივი დევნის განხორციელება“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: ღია მონაცემების მნიშვნელობა პანდემიასთან ბრძოლაში: საერთაშორისო მაგალითები და საქართველო. „უახლოეს მომავალში, ვირუსის შიდა გავრცელების დაწყებასთან ერთად, მიზანშეწონილია საერთაშორისო საუკეთესო პრაქტიკის გამოყენება და შესაბამისი მიდგომების დანერგვა. მაგალითად, აუცილებელია მოქალაქეებს მიეწოდოთ დამატებითი ინფორმაცია ინფიცირების დადასტურების ადგილების შესახებ, რათა უფრო ფრთხილი ზომები მიიღონ. გადაადგილების წესების გამკაცრებასთან ერთად, მნიშვნელოვანია მოქალაქეებს ჰქონდეთ წვდომა სხვადასხვა ონლაინ სერვისზე, განსაკუთრებით კი სამედიცინო დახმარებისა და რჩევების მიღების თვალსაზრისით. ასევე, დიდი მნიშვნელობა ექნება დაანონსებულ აპლიკაციას“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT) აქვეყნებს ფსიქოლოგის რჩევებს: როგორ დავეხმაროთ ბავშვებს პანდემიისგან გამოწვეული სტრესის დაძლევაში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: პანდემია და კორუფციული რისკები. „ახალი კორონავირუსის (COVID-19) წინააღმდეგ ბრძოლის ფარგლებში 2020 წლის 21 მარტს საქართველოში საგანგებო მდგომარეობა გამოცხადდა სამწუხაროდ, საერთაშორისო გამოცდილება ცხადჰყოფს, რომ ამგვარი კრიზისის პირობებში იზრდება კორუფციის რისკები, რამდენადაც ზოგიერთი პანდემიას განიხილავს, როგორც საგანგებო სიტუაციით სარგებლობის შესაძლებლობას, რომ გამოიყენოს საკუთარი ძალაუფლება პირადი სარგებლობისთვის. მნიშვნელოვანია, რომ ხელისუფლებამ უზრუნველყოს სამედიცინო სფეროში კორუფციული რისკფაქტორების იდენტიფიცირება და შესაბამისი ზომების მიღება, რომ ამ მიმართულებით გამოყოფილი თანხები რაციონალურად და მიზნობრივად დაიხარჯოს. მნიშვნელოვანია, ხელისუფლებამ უზრუნველყოს მაქსიმალური გამჭვირვალობა სასიცოცხლოდ მნიშვნელოვანი ვაქცინების, ტესტებისა და აღჭურვილობის შესყიდვისას ღია და გამჭვირვალე პროცედურის საშუალებით“. სრულად... წყარო: idfi.ge

თბილისი. ქალთა საინფორმაციო ცენტრმა, საგანგებო მდგომარეობის პერიოდში, ქალთა მიმართ და ოჯახში ძალადობის პრევენციისა და სწრაფი რეაგირების მიზნით, მარნეულისა და ბოლნისის მუნიციპალიტეტებში დაიწყო საინფორმაციო კამპანია. „კამპანიის მიზანია ქალთა უფლებებისა და სახელმწიფოში არსებული სერვისების შესახებ ინფორმაციის მიწოდება ქალებისთვის მისაღები ფორმით“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი აქვეყნებს ფსიქოლოგ ქეთევან თავართქილაძის რჩევებს თუ როგორ უნდა დაეხმაროთ თქვენ შვილებს პანდემიის შედეგად გამოწვეული სტრესის და ემოციების მართვაში. „ჩვეულებრივ, ბავშვები მშობლების ქცევების და ემოციების შესატყვისად რეაგირებენ. ამიტომ მნიშვნელოვანია, რომ საკუთარი ემოციური მდგომარეობა ვაკონტროლოთ. ბავშვების თანდასწრებით არ გამოვხატოთ უიმედობა, შფოთვა. სიმშვიდის შენარჩუნებით ბავშვებს ვაჩვენებთ, რომ მდგომარეობას ვაკონტროლებთ და ისინიც უფრო მშვიდად იქნებიან“. სრულად... წყარო: www.unicef.org

თბილისი. ადამიანის უფლებების სწავლებისა და მონიტორინგის ცენტრი (EMC) კიდევ ერთხელ მოუწოდებს საქართველოს საზოგადოებრივ მაუწყებელს, უზრუნველყოს ტელეეთრით საქართველოს არაქართულენოვანი მოსახლეობის რეგულარული ინფორმირება COVID-19 პანდემიასთან და მის პრევენციასთან დაკავშირებით. „პირველი არხის გუნდი მნიშვნელოვან შრომას უკვე წევს იმისთვის, რომ ინფორმაცია სხვადასხვა ენაზე იყოს ხელმისაწვდომი, თუმცა ის ვებ პლატფორმის ფორმატს თითქმის ვერ სცდება. დამაფიქრებელია, რომ იმ პირობებში, როდესაც ტელევიზია მარნეულისა და ბოლნისის სოფლებში ხშირად ინფორმაციის ძირითადი წყაროა, მთავარი ყურადღება მიპყრობილი უნდა იყოს სწორედ იმ მედიუმებზე, რომლებიც არადომინანტური ჯგუფების ყველაზე სწრაფ და მასშტაბურ ინფორმირებულობას უზრუნველყოფს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოსთვის ევროკავშირის დახმარება ნიშნავს 20 მილიონ ევროზე მეტი თანხის გამოყოფას. „ასევე, მოხდება უკვე არსებული პროგრამებისთვის გამოყოფილი 70 მილიონ ევროზე მეტი თანხის გადამისამართება კრიზისის დასაძლევად და არაერთ რეგიონულ ფონდზე წვდომის უზრუნველყოფა. ეს არის ნაწილი აღმოსავლეთ პარტნირობისთვის გამიზნული დახმარების დიდი პაკეტისა, რომელიც მოიცავს 140 მლნ ევროს ოდენობის ახალ დახმარებას და აღმოსავლეთ პარტნიორობის ქვეყნებისთვის გამოყოფილი 700 მლნ–მდე ევროს დახმარების გადამისამართებას. ევროკავშირი საქართველოს ასევე უწევს მაკროფინანსურ დახმარებას, რომლის ფარგლებშიც თანხები ხელმისაწვდომი გახდება, როგორც კი კონკრეტული ერთობლივად შეთანხმებული ქმედებები განხორციელდება. ევროკომისია მზად არის საქართველოს ტექნიკური დახმარებისა და ინფორმაციის გაცვლის ინსტრუმენტის (TAIEX) მეშვეობითაც დაეხმაროს, ევროკავშირის წევრი ქვეყნების ექსპერტული ცოდნის, გამოცდილების და კარგი პრაქტიკის მაგალითების გამოყენების საშუალებით, საგანგებო სიტუაციებზე რეაგირების მზადყოფნის სქემებისა და ჯანმრთელობის სისტემების შესაფასებლად“, ნათქვამია ევროკავშირის ვებგვერდზე. სრულად... წყარო: eeas.europa.eu

თბილისი. ამერიკის შეერთებული შტატების მთავრობა ამერიკის USAID-ის საშუალებით 1,1 მილიონ დოლარს გამოყოფს გადაუდებელი სამედიცინო დახმარებისთვის. „USAID ამ თანხებს მსოფლიო ჯანდაცვის ორგანიზაციის, წითელი ჯვრისა და წითელი ნახევარმთვარის საერთაშორისო ორგანიზაციის საშუალებით გაანაწილებს იმ პროგრამებზე, რომელიც ყველაზე მეტად სჭირდება ქვეყანას პანდემიის - COVID-19 შესაკავებლად. ახალი მხარდაჭერის ფარგლებში შესალებელი იქნება: ინფექციის პრევენცია და კონტროლი, დაავადებების შემთხვევების გამოვლენა და ჯანმრთელობისთვის საშიში ფაქტების ზედამხედველობა, ტექნიკური დახმარება სწრაფი რეაგირებისა და მობილიზაციისთვის, რისკ ფაქტორების შესახებ გაძლიერებული კომუნიკაცია და სხვა“. სრულად... წყარო: ორგანიზაციის გვერდი სოციალურ ქსელში

თბილისი. წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრის ინფორმაციით, Covid -19-ის ეპიდემიასთან დაკავშირებული საფრთხეებისა და ყოველდღიური აქტივობების რადიკალური ცვლილების გამო ადამიანების დიდ ნაწილში მატულობს სტრესის, შფოთვისა და დეპრესიის ნიშნები. იზრდება ოჯახში ძალადობის და კონფლიქტების ალბათობაც „აღნიშნულ პრობლემებთან გასამკლავებლად GCRT გთავაზობთ უფასო კვალიფიციურ ფსიქოსოციალური დახმარების სერვისს“. სრულად... წყარო: ორგანიზაციის გვერდი სოციალურ ქსელში

EWM ACCESS-ის და CTC-ის მხარდაჭერით სტრესთან გამკლავების შესახებ ფსიქოლოგ მაია ცირამუას ლექცია-რეკომენდაციები გრძელდება. ამ ვიდეოში ფსიქოლოგი საუბრობს თუ როგორ უნდა გავუმკლავდეთ ახალი კორონავირუსის შედეგად გამოწვეულ სტრესს. სრულად... წყარო: ორგანიზაციის გვერდი სოციალურ ქსელში

თბილისი. საქართველოში ამერიკის შეერთებული შტატების ელში, კელი დეგნანი მიმართვას ავცელებს. „რთული დროა და ვცდილობთ, გავუფრთხილდეთ ჩვენი და ჩვენი ახლობლების ჯანმრთელობასა და უსაფრთხოებას. ამერიკის საელჩოში განსაკუთრებით მადლიერები ვართ საქართველოს მთავრობის, მათ შორის, დაავადებათა კონტროლის ეროვნული ცენტრისა, მათი პროაქტიული ძალისხმევისთვის. პრემიერ-მინისტრი, პრეზიდენტი, თითქმის ყველა სამინისტრო, პარლამენტი და მუნიციპალიტეტები ძალისხმევას არ იშურებს, რომ შეაკავოს COVID-19 ვირუსის გავრცელება და მინიმუმამდე დაიყვანოს მის მიერ გამოწვეული ზიანი“, ელჩი კელი დეგნანი. სრულად... წყარო: საელჩოს გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: ინფექციური დაავადებების სტატისტიკა საქართველოში. „ინფექციური დაავადებების სტატისტიკური მონაცემების ანალიზი აჩვენებს, რომ ბოლო წლებში მსგავსი დაავადებების გავრცელების კონტროლის თვალსაზრისით ქვეყანას მნიშვნელოვანი შეფერხებები არ ჰქონია და ცალკეულ გამოწვევებს, მაგალითად წითელას ეპიდემიოლოგიური აფეთქებები, წარმატებით ართმევდა თავს. მიუხედავად იმისა, რომ დღეის მდგომარეობით ახალი კორონა ვირუსის პანდემიის შედეგად ქვეყნის წინაშე არსებული გამოწვევების მასშტაბები მნიშვნელოვნად აღემატება სტატიაში განხილულ საკითხებს, IDFI იმედს გამოთქვამს რომ, ქვეყანა შეძლებს არსებული კრიზისული მდგომარეობიდან ეფექტიან გამოსვლას“. სრულად... წყარო: idfi.ge

თბილისი. არბაიტერ სამარიტერ ბუნდი (ASB Georgia) აქვეყნებს COVID-19 გავრცელების რისკის შესამცირებლად ეპიდემიის დროს მუშაობის სპეციფიკის გზამკვლევს.  სახელმძღვანელო განსაკუთრებით მნიშვნელოვანია მათთვის, რომლებიც ჰუმანიტარულ-არასამთავრობო ორგანიზაცებიში საველე სამუშაოებში არიან ჩაბმულნი. სრულად... წყარო: ორგანიზაციის გვერდი სოციალურ ქსელში ჯანდაცვა

თბილისი. პანდემით გამოწვეული ახალი რეალობიდან გამომდინარე, ქალები საქართველოდან Women of Georgia იწყებს ისტორიების ახალ სერიას. პალტფორმა გაგვიზიარებს იმ ქალების გამოცდილებებს, რომლებიც თვითიზოლაციისა და საგანგებო მდგომარეობის პირობებში მძიმე გამოწვევების წინაშე დგანან და დამხმარე სერვისებს საჭიროებენ. პლატფორმა ფუნქციონირებას კვლავ EWMI ACCESS-ის მხარდაჭერით აგრძელებს. სრულად... წყარო: Ewmi Access-ის გვერდი სოციალურ ქსელში

თბილისი. გაეცანით, ევროკავშირის ელჩის, კარლ ჰარცელის მიმართვას, თუ როგორ აფასებს იგი კოვიდ-19-ის წინააღმდეგ, საქართველოს ეფექტურ ძალისხმევას და მოუწოდებს ყველას გაუფრთხილდნენ ერთმანეთს. „ეხლა მე სახლიდან გესაუბრებით. დღეს ნამდვილად უპრეცედენტო პერიოდია როგორც საქართველოსთვის, ისე მთელი მსოფლიოსათვის. კორონა ვირუსით გამოწვეულმა პანდემიამ სამყარო თავდაყირა დააყენა. მინდა გამოვიყენო ეს შესაძლებლობა და აღფრთოვანება გამოვხატო სამედიცინო სფეროს მუშაკების, ექიმების, ექთნების, სამართალდამცველების, მესაზღვრეებისა და ყველა იმ ადამიანის მიმართ, რომელიც ამ დღეებში დაუღალავად შრომობს მოქალაქეთა უსაფრთხოებისათვის. ეს კრიზისი არამხოლოდ ადამიანების ჯანმრთელობას შეეხება, არამედ უდიდესი გამოწვევაა ეკონომიკისთვის. ჩემთვის დიდი პატივია, ვიმუშავო სხვა საერთაშორისო პარტნიორებთან ერთად – საქართველოს მთავრობის ხელმძღვანელობით – საჭიროებებისა და სამომავლო გზების გამოსავლენად. ევროკავშირი საქართველოს გვერდითაა. ევროკავშირი საქართველოს ყველაზე მსხვილი დონორი და ყველაზე ძლიერი პარტნიორია და ეს მომავალშიც გაგრძელდება...“ სრულად... წყარო: საქართველოში ევროკავშირის გვერდი სოციალურ ქსელში

თბილისი. საქართველოს საზოგადოებრივი ორგანიზაციების ნაწილი მოუწოდებს სახელმწიფოს და მედიებს, საინფორმაციო პოლიტიკაში უმცირესობების ენები გაითვალისწინონ. „ხელმომწერი ორგანიზაციები მივმართავთ საქართველოს მთავრობას, საზოგადოებრივ მაუწყებელს, კერძო ტელევიზიებს ხელი შეუწყონ COVID-19 ვირუსთან და მის პრევენციასთან დაკავშირებული ინფორმაციის გავრცელებას სომხურ და აზერბაიჯანულ ენებზე და მიიღონ პოზიტიური ზომები სიძულვილის ენის და დისკრიმინაციული შინაარსის მქონე ინფორმაციის, მიდგომების გავრცელების პრევენციისთვის“, ნათქვამია ერთობლივ განცხადებაში. სრულად... წყარო: emc.org.ge

ახალი აზროვნების ინსტიტუტის ოჯახმა და ორგანიზაციის აქტივისტმა მეგობრებმა გადაიღეს ვიდეორგოლი, რომლის მიზანია მეტი ინფორმაცია მიეწოდოს მარნეულის და ბოლნისის მოსახლეობას კოვიდ-19-თან დაკავშირებული სიტუაციის სიმძიმეზე. სრულად... წყარო: ორგანიზაციის გვერდი სოციალურ ქსელში

თბილისი. საქართველოს საზოგადოებრივი ორგანიზაციების და დამოუკიდებელი იურისტების ნაწილი სახელმწიფოს და რელიგიურ გაერთიანებებს განცხადებით მიმართავს.  „აღსანიშნავია, რომ საქართველოში რიგი რელიგიური გაერთიანებები უკვე ითვალისწინებენ სოციალური დისტანციის რეკომენდაციას და სხვადასხვა ფორმით ზღუდავენ ან დროებით აჩერებენ კოლექტიური ღვთისმსახურებებისა და რელიგიურ რიტუალების აღსრულებას. სამწუხაროდ, საქართველოს მართლმადიდებელი ეკლესია დღემდე არ იჩენს სათანადო ყურადღებას იმ სასიცოცხლოდ მნიშვნელოვანი რეკომენდაციების მიმართ, რომელთა დაუცველობაც რეალური საფრთხის ქვეშ აყენებს, როგორც უშუალოდ მის წევრებს, ასევე, მთლიანად საზოგადოებას. რელიგიურ რიტუალებს ესწრებიან და ჩართულები არიან ბავშვებიც, რაც განსაკუთრებულ საფრთხეს უქმნის არასრულწლოვანებს“, ნათქვამია განცხადებაში. სრულად... წყარო: gyla.ge