თბილისი. გაეროს ბავშვთა ფონდი საზოგადოებას მოუწოდებს კარგად გადაამოწმოს ის წყაროები, რომლიდანაც ინფორმაციას იღებენ კორონავირუსთან დაკავშირებით. „კორონავირუსთან დაკავშირებით ინტერნეტში უამრავი მითი და მცდარი ინფორმაცია ვრცელდება ... დაუკვირდით წყაროს, რომელსაც კითხულობთ ან ეცნობით“, ნათქვამია ბავშვთა ფონდის გვერდზე სოციალურ ქსელში. ორგანიზაცია სანდო წყაროების ბმულებზე აწვდის ინფორმაციას საზოგადოება. სრულად...  წყარო: გაეროს ბავშვთა ფონდი

კორონავირუსული ინფექციის გავრცელების პრევენციისთვის „საერთაშორისო გამჭვირვალობა-საქართველოს" იურიდიული დახმარების ცენტრი მარტის ბოლომდე დისტანციურ რეჟიმში იმუშავებს - მოქალაქეთა მიღება ოფისებში დროებით შეჩერდება.  „თუ დაგჭირდებათ სამართლებრივი დახმარება, სამუშაო საათებში (ორშაბათი-პარასკევი, 10:00-18:00) მოგვწერეთ ონლაინ ან ტელეფონის/ელექტრონული ფოსტის მეშვეობით მიმართეთ ჩვენს იურისტებს...“ ელ-ფოსტა: alac@transparency.ge სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრის (EMC) ინფორმაციით, 10 მარტს, ქალაქ ტყიბულში, ძიძიგურისა და მინდელის შახტების დამაკავშირებელ სავენტილაციო გვირაბში, იქ დაგროვილი მხუთავი აირებისგან მოწამვლის გამო სამი მეშახტე ქალაქ ქუთაისის საავადმყოფოში გადაიყვანეს. „ორგანიზაციები მთავრობისგან მოითხოვენ უსაფრთხო სამუშაო გარემოს უზრუნველყოფამდე ტყიბულის შახტების დახურვას და სამუშაოების განახლებამდე მეშახტეებისთვის ხელფასების სრულად ანაზღაურებას“. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: კორონა ვირუსი, ეკონომიკური კრიზისი და ადამიანის უფლებები. „ის რომ კორონა ვირუსი მსოფლიო ეკონომიკაზე ნეგატიურად ზემოქმედებს და მისი ფართოდ გავრცელების შემთხვევაში შესაძლოა ქვეყნების უმრავლესობა ეკონომიკურ კრიზისამდე მიიყვანოს აზრს მოკლებული მსჯელობა ნამდვილად არ არის. ამ პროცესში კი განსაკუთრებით საინტერესოა იმის გაანალიზება თუ რა შედეგები შეიძლება იქონიოს ეკონომიკურმა კრიზისმა ადამიანის უფლებებზე და როგორი შეიძლება იყოს სახელმწიფოს გონივრული ქცევა აღნიშნულ პროცესში. 2008-2009 წლებში ევროკავშირის წევრმა სახელმწიფოებმა გამოცადეს ყველაზე მძაფრი ეკონომიკური კრიზისი 1930-იანი წლების დიდი დეპრესიის შემდეგ. წარსულ გამოცდილებებზე დაკვირვებით, ეკონომიკური კრიზისი წარმოშობს მწვავე პრობლემებს ადამიანის უფლებათა დაცვისა და აღსრულების ნაწილში. თავს იჩენს ისეთი მწვავე საკითხები, როგორიცაა: გაზრდილი უმუშევრობის დონე, შემცირებული სახელმწიფო ხარჯები და ასევე ქსენოფობია და რასიზმი. ეკონომიკური კრიზისის დროს მოწყვლად ჯგუფებად მიიჩნევიან ბავშვები, მოზარდები, მოხუცები, მიგრანტები და ეთნიკური უმცირესობები“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ღია საზოგადოების ფონდი, Covid-19-ის გავრცელების პრევენციასთან დაკავშირებით, ჯანდაცვის უწყებების მუშაობას განცხადებით ეხმიანება. „განსაკუთრებულ მადლიერებას გამოვხატავთ ექიმების, ექთნების, მთელი სამედიცინო პერსონალის და მესაზღვრეების მიმართ, რომლებიც უდიდესი პასუხისმგებლობით და ძალისხმევით ეკიდებიან დაავადების გამოვლენას, პაციენტების მკურნალობასა და მათზე ზრუნვას. მადლობას ვუხდით საქართველოს ჯანდაცვის უწყებებს, განსაკუთრებით დაავადებათა კონტროლის ეროვნული ცენტრის ხელმძღვანელებს ამირან გამყრელიძეს და პაატა იმნაძეს და ყველა თანამშრომელს, რომელთა პროფესიონალიზმის დამსახურებით დაავადების გავრცელების პრევენციის ურთულესი პროცესი კოორდინირებულად მიმდინარეობს. სასიხარულოა, რომ მათმა საქმიანობამ საერთაშორისო აღიარება და დადებითი შეფასება მიიიღო მსოფლიო ჯანდაცვის ორგანიზაციისგანაც. ამ მეტად კრიზისულ ეტაპზე ფასდაუდებელი აღმოჩნდა ლუგარის სახელობის საზოგადოებრივი ჯანდაცვის კვლევითი ცენტრის როლი, რომელიც რამდენიმე საათში ადგენს ინფიცირების შემთხვევებს. ოპერატიულობა უმნიშვნელოვანესი ფაქტორია ვირუსის გავრცელების პრევენციისა და ჩვენი მოსახლეობის დასაცავად.  დიდი იმედი გვაქვს, რომ საქართველოს მოქალაქეები განსაკუთრებული პასუხისმგებლობით მოეკიდებიან საქართველოს დაავადებათა კონტროლის ცენტრის რეკომენდაციებს, გაუფრთხილდებიან საკუთარ თავს და გარშემომყოფთ, რათა თავიდან ავიცილოთ ვირუსის გავრცელების ყოველი ახალი შემთხვევა და მისით გამოწვეული შედეგები“, - ნათქვამია განცხადებაში. სრულად...  წყარო: https://osgf.ge

9 მარტს, საქართველოს წითელი ჯვრის საგარეჯოს ფილიალის მოხალისეებმა პარტნიორი ორგანიზაციის მხარდაჭერით (საგარეჯოს მოსწავლე-ახალგაზრდობის სახლი) ქუჩის საინფორმაციო აქცია ჩაატარა. „საინფორმაციო აქციის მიზანი იყო თემის წევრებში ახალ კორონავირუსთან დაკავშირებით რეკომენდაციების გავრცელება. საქართველოს წითელი ჯვრის საგარეჯოს ფილიალი მადლობას უხდის მოხალისეებს ქუჩის აქციაში აქტიური მონაწილეობისთვის“, ნათქვამია წითელი ჯვრის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

შიდა ქართლი. 6 მარტს „კეთილდღეობის და განვითარების ცენტრთან“ არსებულ გორის სამოქალაქო აქტივიზმის ცენტრის მოხალისეებისათვის მოწვეულმა ექსპერტმა ქეთევან ბიძინაშვილმა ჩაატარა სემინარი „რეპროდუქციული ჯანმრთელობა ახალგაზრდებში“. „სემინარზე ისაუბრეს ასევე ადრეული ქორწინების მავნებლობაზე, რისკებზე და თავდაცვაზე. სემინარი საკმაოდ საინტერესო და ინტერაქტიური აღმოჩნდა. ასევე სემინარის ბოლოს გოგონებმა ანონიმურად დაუსვეს მათთვის საინტერესო კითხვები მოწვეულ სტუმარს და მიიღეს პასუხები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვრის საზოგადოება ახალი კორონავირუსის (COVID-19) შესახებ ჩანაწერს ავრცელებს. „ახალი კორონავირუსი (COVID-19) გაციების მსგავსი დაავადებაა. ის ვლინდება სურდოს, სიცხის, ყელის ტკივილის, ხველების და სუნთქვის უკმარისობის ფორმით. რისკ-ჯგუფებს განეკუთვნებიან: ხანდაზმულები; სხვადასხვა ქრონიკული დაავადების მქონე პირები. ახალი კორონავირუსის შემთხვევების 81% მსუბუქად მიმდინარეობს, ანუ სრული გამოჯანმრთელებით მთავრდება. დაავადება იშვიათ შემთხვევაში, 2,3%-ში - ისიც მხოლოდ ქრონიკული დაავადებების მქონე ადამიანებში შეიძლება დასრულდეს ლეტალურად. ახალი კორონავირუსით დაინფიცირება იმაზე რთულია, ვიდრე თქვენ ფიქრობთ. გადაცემის გზები: ვირუსი გადადის ინფიცირებულთან ახლო ფიზიკური კონტაქტის შედეგად, ჰაერწვეთოვანი გზით (ხველება, ცემინება, ნერწყვი და ა.შ.). უსაფრთხოების ზომები: მოერიდეთ ახლო, უშუალო კონტაქტს ინფიცირებულ ან გაციების სიმპტომების მქონე ადამიანებთან (ან ნივთებთან, რომლებსაც ისინი იყენებდნენ); ხშირად დაიბანეთ ხელები საპნითა და წყლით, ხოლო მათზე ხელმისაწვდომობის არქონისას გამოიყენეთ ალკოჰოლის შემცვლელი სადეზინფექციო საშუალებები; დაცემინების ან დახველებისას, ცხვირი და პირი დაიფარეთ მოხრილი იდაყვის შიდა მხრით ან ხელსახოცით; მოერიდეთ ცხვირის, თვალის და პირის ხელით ხშირ შეხებას; დროულად მიმართეთ სამედიცინო დახმარებას, თუ თქვენ და თქვენს ოჯახის წევრს გაქვთ სიცხე, ხველება ან სუნთქვის სირთულეები”, ნათქვამია პოსტში. სრულად... წყარო: ორგანიზაციის გვერდი სოციალურ ქსელში

სამეგრელო. 25 თებერვალს ასოციაცია „ათინათის“ ახალგაზრდული ცენტრის წევრებისთვის მოეწყო შეხვედრა რეპროდუქციულ ჯანმრთელობასთან დაკავშრებით. "სემინარი მოიცავდა ისეთ საკითხებს, როგორიცაა: რას ნიშნავს რეპროდუქციული ჯანმრთელობა და რატომ არის მნიშვნელოვანი ამ საკითხის განხილვა და სწავლება ახალგაზრდებისათვის; სსგი- სქესობრივი გზით გადამდები ინფექციები და მისი ძირითადი ტიპები; რა გართულებები შეიძლება მოყვეს სსგი-ს და სხვა. შეხვედრის დასასრულს, ახალგაზრდებმა შეასრულეს სავარჯიშო „მითი თუ რეალობა“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ვიდეოს: „შეჩერებული რეფორმა - მოქმედი ნარკოპოლიტიკის მძიმე შედეგები“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ნარკოპოლიტიკის 2019 წლის ტენდენციებს. „2019 წელს, ნარკოპოლიტიკის სფეროში, საკანონმდებლო ცვლილებები არ განხორციელებულა. ამდენად, EMC-ის ანგარიშში გაანალიზებულია გასულ წელს ნარკოტიკულ დანაშაულებზე მართლმსაჯულების სფეროში არსებული მდგომარეობა, საერთო სასამართლოს პრაქტიკა და საკონსტიტუციო სასამართლოს 2019 წლის გადაწყვეტილების აღსრულების პრობლემები“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს წითელი ჯვრის საზოგადოება აქვეყნებს ინფოგრაფიკას კორონავირუსის ინფექციის გავრცელების რისკების შემცირების შესახებ. „2019 წლის 31 დეკემბერს ჩინეთის ჰუბეის პროვინციაში გამოვლინდა ახალი კორონავირუსით (nCoV) გამოწვეული ინფექცია. რა არის კორონავირუსის სიმპტომები? • ცხელება • ხველა • ქოშინი სუნთქვის გაძნელება "მძიმე შემთხვევაში ვირუსმა შეიძლება გამოიწვიოს პნევმონია, მძიმე მწვავე რესპირატორული სინდრომი, თირკმელების უკმარისობა და სიკვდილიც კი. თუ ბოლო ორი კვირის განმავლობაში იმყოფებოდით ჩინეთში და აღგენიშნებათ ზემოთ აღნიშნული სიმპტომები დაუკავშირდით ჯანდაცვის სამინისტროს ცხელს ხაზზს 1505 რომელიც მუშაობს 24 საათიან რეჟიმში”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 20 იანვარს ახალი კვლევა გამოქვეყნდა, რომელიც გამოძიების ეტაპზე დაზარალებული და მოწმე ბავშვების გამოკითხვისას ფსიქოლოგთა ჩართულობას ეხება. კვლევა ორგანიზაციამ „ინიციატივა მოწყვლადი ჯგუფების რეაბილიტაციისათვის“ საქართველოს ღია საზოგადოების ფონდის მხარდაჭერით ჩაატარა. „კვლევის შედეგები მოწმე და დაზარალებული ბავშვებისთვის ფსიქოლოგის მომსახურების გაწევის პრაქტიკის და ადგილობრივი კანონმდებლობის ანალიზს გვთავაზობს, რომელიც საერთაშორისო სტანდარტებსა და პრაქტიკასთან არის შედარებული. კვლევის შედეგად გამოიკვეთა, რომ გადაწყვეტილების მიღების პროცესი ფსიქოლოგების ჩართვის თაობაზე ბუნდოვანია, მათ არ იციან კონკრეტულად რა არის მათი ფუნქცია ამ პროცესში. მიუხედავად საჭიროებისა, ფსიქოლოგის მომსახურება ყველგან ხელმისაწვდომი არ არის და ფსიქოლოგთა კვალიფიკაცია არ პასუხობს არსებულ საჭიროებებს. იშვიათი გამონაკლისის გარდა, გარემო არ არის მორგებული ბავშვზე (ინფრასტრუქტურა, ინვენტარი) და ბავშვების კონფიდენციალობა დაკითხვის პროცესში სისტემატიურად ირღვევა“, ნათქვამია ღია საზოგადოება - საქართველოს ვებგვერდზე. სრულად... წყარო: osgf.ge

თბილისი.კავკასიის გარემოსდაცვითი არასამთავრობო ორგანიზაციების ქსელი (CENN) ავრცელებს ანიმაციას, რომლის მიზანია ჯანმრთელობის პროპაგანდა. იმისთვის, რომ ჯანმრთელი ვიყოთ პირველ რიგში ხშირად უნდა დავიბანოთ ხელი სწორად. თუ როგორ ამას ორგანიზაციის მიერ შექმნილი ანიმაციის ან ინფოგრაფიკის საშუალებით გაეცნობით. ინფოგრაფიკა... ანიმაცია... წყარო: ორგანიზაციის გვერდი სოციალურ ქსელში

თბილისი. ღია საზოგადოების ფონდმა, დღეს, წარმოადგინა ანგარიში კვლევისა, რომელიც ასახავს თუ როგორ იგეგმება და ნაწილდება სახელმწიფო ბიუჯეტი შეზღუდული შესაძლებლობების მქონე პირთა საჭიროებებზე საქართველოს 5 მუნიციპალიტეტში.  დოკუმენტი აღწერს შშმ პირებისა და მათი წარმომადგენლების მონაწილეობას ადგილობრივი ბიუჯეტისა და პროგრამების შედგენის პროცესში; აანალიზებს ბიუჯეტის ხარჯვის, შშმ პირთათვის დაფინანსებული დახმარებების, მომსახურებისა და პროგრამების ეფექტურობას.  ხარვეზების აღწერასთან ერთად, დოკუმენტი სახელმწიფოს სთავაზობს რეკომენდაციებს, თუ როგორ უნდა გაუმჯობესდეს ბიუჯეტის და პროგრამების დაგეგმვა და გაიზარდოს შშმ პირების მონაწილეობა ამ პროცესში.  სრულად...  წყარო: https://osgf.ge

თბილისი. ადამიანის უფლებათა ცენტრის ინფორმაციით, გორის მუნიციპალიტეტის სოფელ ხიდისთავის სასმელი წყალი ჯანმრთელობისათვის რომ უსაფრთხო არ არის. ამ ფაქტს, ადასტურებს ადამიანების მოწამვლა და ლაბორატორიული კვლევებიც.  „ადამიანის უფლებათა ცენტრმა ხიდისთავის სასმელი წყლის ვარგისიანობის გადამოწმების მიზნით, სახელმწიფო უწყებებს მას შემდეგ მიმართა, რაც ორგანიზაციას სასმელი წყლით მოწამლული მცირეწლოვანი ბავშვების მშობლებმა მიმართეს. ადგილობრივები მიუთითებდნენ, რომ სასმელი წყლით მოწამვლის შემთხვევები ბოლო ერთი წლის განმავლობაში განსაკუთრებით გახშირდა“, ნათქვამია განცხადებაში. სრულად... წყარო: www.humanrights.ge

გაეროს მოსახლეობის ფონდის აღმოსავლეთ ევროპისა და ცენტრალური აზიის რეგიონულმა ოფისმა, საქართველოს ოფისთან ერთად, ორდღიანი სამუშაო შეხვედრა გამართა. შეხვედრის თემა იყო ჯანსაღი და აქტიური დაბერება. შეხვედრაში ასოციაცია „ღირსეული სიბერის“ ხელმძღვანელი ნანა კალანდაძეც მონაწილეობდა. სრულად... წყარო: ორგანიზაციის გვერდი სოციალურ ქსელში

თბილისი. კონსულტაციისა და ტრენინგის ცენტრი (CTC) აქვეყნებს გზამკვლევს მუნიციპალიტეტებისათვის, რომელიც წარმოადგენს ინსტრუქციების ერთობლიობას ჯანმრთელობისა და ზრუნვის მუნიციპალური პროგრამების დაგეგმვის შესახებ.  გზამკვლევი... მოცემული მასალა განთავსებულია CTC - რესურსების ბაზაში ბმულზე... სრულად... წყარო: ორგანიზაციის გვერდი სოციალურ ქსელში

თბილისი. 24 ნოემბერს „ახალგაზრდა პედაგოგთა კავშირის“ ბაზაზე არსებული „ლიდერთა სკოლის“ თბილისის ფილიალის მოსწავლეები მეწარმე მარიამ ჭუმბურიძეს შეხვდნენ და ხილის „ცუმბო პოპსი“ დააგემოვნეს. შეხვედრა მოზარდების მაღალი ჩართულობით, საინტერესოდ წარიმართა. საუბარი შეეხო შემდეგ საკითხებს: რა პროდუქტია ხილის პოპსი, რატომ გადაწყვიტა მან ამგვარი პროდუქტისა და სამეწარმეო საქმიანობის დაწყება და ა.შ. სრულად... წყარო: ორგანიზაციის გვერდი სოციალურ ქსელში

აჭარა. შიდსთან ბრძოლის მსოფლიო დღე (World AIDS Day) ყოველწლიურად 1 დეკემბერს აღინიშნება. საქართველოს წითელი ჯვრის საზოგადოების ბათუმის ფილიალი შეუერთდა ამ დღეს და მოხალისეებთან ერთად პროექტ „მზად ვართ რეაგირებისთვის“ ფარგლებში, საინფორმაციო შეხვედრა ჩაატარა. „შეხვედრის დროს განხილულ იქნა შემდეგი თემები: აივ/შიდსი და მისი გავრცელება. აივ/შიდსი და მისი პრევენცია. აივ/შიდსი და სტერეოტიპები. აივ/შიდსი და ადამიანის უფლებები. შეხვედრის დასასრულს დარიგდა საინფორმაციო ბუკლეტები და მოხალისეები გაეცნენ აივის სწრაფი ტესტის გაკეთების მეთოდს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

„ქალთა მზერა“ შეგახსენებთ, რომ მსურველებს, ყოველი თვის 1-7 რიცხვამდე შეგეძლებათ ფორმის შევსება და ერთჯერადად, როგორც გინეკოლოგიური კონსულტაციის, ასევე საჭირო გამოკვლევების ჩატარება სრულიად უფასოდ. „თითო თვეში მომსახურებას მიიღებს 20 გოგონა. უპირატესობა მიენიჭებათ სოციალურად დაუცველის სტატუსის მქონეებს. ნოემბრის თვეში მომსახურების მისაღებად, გთხოვთ გადადით ჩვენს საიტზე, იხილეთ დამატებითი ინფორმაცია და შეავსეთ ფორმა”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 30 ოქტომბერს, ბათუმის №11 საჯარო სკოლის მოსწავლეებისთვის ჩატარდა თანატოლგანმანათლებელთა ტრენინგი თემაზე: „სურსათის უვნებლობა და ეტიკეტირების ახალი რეგულაციები“. „მომხსენებლებმა ისაუბრეს პროდუქციის ვადებზე, პროდუქტის სუფთა წონაზე და ზოგადად განიხილეს ეტიკეტირებასთან დაკავშირებული ახალი რეგულაციები. ამას გარდა, მოსწავლეებს გააცნეს სურსათის უვნებლობის სააგენტოს მუშაობის პრინციპი და მიაწოდეს ინფორმაცია სააგენტოს ცხელი ხაზის შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში