სვანეთი. საქართველოს წითელი ჯვრის საზოგადოების პრეზიდენტი ნათია ლოლაძე და წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის ოფისის ხელმძღვანელი სამხრეთ კავკასიაში, ოლგა ჯუმაევა მესტიის მუნიციპალიტეტს სამუშაო ვიზიტით ესტუმრნენ. ისინი COVID19-თან დაკავშირებით შექმნილ ვითარებას და ადგილობრივი მოსახლეობის საჭიროებებს გაეცნენ. „საქართველოს წითელი ჯვრის საზოგადოებამ, USAID-ის მხარდაჭერით, მესტიის მოსახლეობას 672 სასურსათო და 672 ჰიგიენური ამანათი გადასცა“. სრულად... წყარო: ორგანიზაციის გვერდი სოციალურ ქსელში

საქართველოს წითელი ჯვრის საზოგადოებამ USAID-ის მხარდაჭერით მესტიის მოსახლეობას 270 სასურსათო და 270 ჰიგიენური ამანათი გადასცა. ასევე, ადგილობრივებს ინფექციის რისკის შემცირების მიზნით მიეწოდათ ინფორმაცია ჰიგიენის წესებისა და პროფილაქტიკური ზომების შესახებ. ჰუმანიტარული დახმარება გათვალისწინებულია 70 წლის და უფროსი ასაკის მარტოდ მცხოვრები ადამიანებისთვის. საქართველოს წითელი ჯვრის საზოგადოებამ უკვე 100 000-ზე მეტი ამნათი დაარიგა ქვეყნის მასშტაბით. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო (TI) აქვეყნებს მასალას ახალციხის მინიციპალიტეტის ჯანდაცვის ზედამხედველობის სფეროში არსებული ვითარების შესახებ.  ორგანიზაციის ინფორმაციით, - „ახალციხის მუნიციპალიტეტის ააიპ “საზოგადოებრივი ჯანდაცვის ცენტრის” დირექტორი ნაირა ხაბულიანი რამდენიმე ანაზღაურებად საქმიანობას ითავსებს. მათ შორის ერთ-ერთი „ახალციხის კლინიკა იმედში“ ეპიდემიოლოგის პოზიციაა. იგი, როგორც ააიპ-ის ხელმძღვანელი, ეპიდზედამხედეველობას საკუთარ თავსაც უწევს. გარდა ამისა, კორონავირუსის დროს სამცხე-ჯავახეთში შექმნილ ცხელების ორივე ცენტრში ხაბულიანი ეპიდემიოლოგად ერთდროულად მუშაობდა, რასაც კანონი კრძალავდა. სამსახურს კი, რომელიც ეპიდზედამხედველობას მთელ რეგიონში ახორციელებს, ნაირა ხაბულიანის შვილი ხელმძღვანელობს - ნინო ზედგინიძე დაავადებათა კონტროლის ეროვნული ცენტრის სამცხე-ჯავახეთის განყოფილების უფროსია“.  სრულად...   წყარო: ორგანიზაციის ვებგვერდი

დღეისთვის, ევროკომისიამ (ევროკავშირის სახელით) რვა პარტნიორ ქვეყანასთან მაკროფინანსური დახმარების პროგრამებთან დაკავშირებული ურთიერთგაგების მემორანდუმები შეათანხმა. ეს შეთანხმებები კორონავირუსის პანდემიით გამოწვეული სოციალურ-ეკონომიკური შედეგების შესარბილებლად ევროკავშირის გაფართოების კანდიდატი და სამეზობლო ათი პარტნიორი ქვეყნის მხარდაჭერის მიზნით 3 მილიარდი ევროს ოდენობის მაკროფინანსური დახმარების პაკეტის შემადგენელ ნაწილს წარმოადგენს.  ურთიერთგაგების მემორანდუმები უკვე შეთანხმებულია ალბანეთთან, იორდანიასთან, კოსოვოსთან, მოლდოვასთან, მონტენეგროსთან, საქართველოსთან, უკრაინასა და ჩრდილოეთ მაკედონიასათან. ოთხ ქვეყანასთან – კოსოვო, მოლდოვა, ჩრდილოეთ მაკედონია და უკრაინა – მემორანდუმები უკვე ოფიციალურად გაფორმდა, ხოლო ბოსნია და ჰერცეგოვინასა და ტუნისთან მოლაპარაკებები ჯერ კიდევ მიმდინარეობს.  საქართველოსთვის 150 მილიონი ევროს ოდენობის მაკროფინანსური დახმარების პროგრამის პირობები პოლიტიკის სფეროში უკავშირდება სახელმწიფო ფინანსების მართვის გაძლიერებას, მმართველობის გაუმჯობესებას, სექტორულ რეფორმებს და შრომის ბაზართან დაკავშირებულ პოლიტიკას. სრულად...  წყარო: eeas.europa.eu

თბილისი. COVID-19-ის წინააღმდეგ ბრძოლის საუკეთესო პრაქტიკების გამოცდილების გაზიარების მიზნით, საქართველოსა და აზერბაიჯანის მუნიციპალიტეტებს შორის ონლაინფორუმი გაიმართა. ვიდეოშეხვედრა საქართველოს ადგილობრივ თვითმმართველობათა ეროვნულმა ასოციაციამ, გაეროს განვითარების პროგრამის (UNDP), ასევე ავსტრიის განვითარების და თანამშრომლობის ორგანიზაციისა და შვეიცარიის განვითარებისა და თანამშრომლობის სააგენტოს ხელშეწყობით მოაწყო.  ფორუმეზე, საქართველოსა და აზერბაიჯანის ადგილობრივი თვითმმართველობების წარმომადგენლებმა, საკუთარ მუნიციპალიტეტებში არსებული ვითარების შესახებ ისაუბრეს და, პანდემიასთან ბრძოლის გამოცდილების გაზიარების გარდა, COVID-19-ით შექმნილი ეკონომიკური გამოწვევების ფონზე გატარებული და დაგეგმილი ღონისძიებების თაობაზე იმსჯელეს. სრულად  წყარო: გვერდი სოციალურ ქსელში

დაუნის სინდრომის საერთაშორისო ორგანიზაციამ დაუნის სინდრომის მქონე მოსწავლეებთან მომუშავე სპეციალისტებისთვის ახალი გზამკვლევი შექმნა. ინფორმაციას ამის შესახებ საქართველოს დაუნის სინდრომის ასოციაცია ავრცელებს.  „ჩვენი ასოციაცია საერთაშორისო ორგანიზაციის წევრია და მოხარულები ვართ, რომ მოგვეცა საშუალება ჩვენი წვლილიც შეგვეტანა გზამკვლევის შექმნაში“. - ვკითხულობთ ინფორმაციაში, - „აღსანიშნავია, რომ სახელმძღვანელო იქნება პირველი, საერთაშორისო გამოცდილებაზე დაყრდნობით შექმნილი გზამკვლევი, რომელიც აერთიანებს სხვადასხვა ქვეყნების საუკეთესო პრაქტიკას“.  სრულად   წყარო: გვერდი სოციალურ ქსელში

თბილისი. საქართველომ COVID-19 პანდემიასთან ეფექტურად და უსაფრთხოდ ბრძოლის ხელშეწყობისათვის დიდი ოდენობით სამედიცინო დამცავი საშუალებები მიიღო. 1.5 მილიონამდე ერთეული პირადი დამცავი საშუალების შეძენა შესაძლებელი გახდა ევროკავშირის დაფინანსებით და ჯანმრთელობის მსოფლიო ორგანიზაციის ძალისხმევით. ეს მოიცავს 5,000 სახის საფარს, 13,200 დამცავ სათვალეს, 30,000 საიზოლაციო ხალათს, 1,000,000 სამედიცინო ნიღაბს და 328,000 რესპირატორს.  ეს ტვირთი ერთ-ერთი ყველაზე დიდია, რომელიც ქვეყანამ დონორების მხარდაჭერით მიიღო. ის განკუთვნილია იმ ადამიანების დასაცავად, რომლებიც COVID-19 პანდემიის წინააღმდეგ უშუალოდ, წინა ხაზზე იბრძვიან. ეს დახმარება ჯანდაცვის სისტემას საშუალებას მისცემს უფრო კარგად მოემზადოს გამოწვევების საპასუხოდ.  სრულად  წყარო: https://eeas.europa.eu/delegations/georgia

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება უსახლკარობასთან ბრძოლის საკითხებზე პარლამენტის თემატური მოკვლევის დასკვნას და მოუწოდებს მთავრობას, შემჭიდროვებულ ვადებში, შეასრულოს დოკუმენტით გაცემული რეკომენდაციები. „უსახლკარობის სფეროში ქვეყანაში არსებული მძიმე მდგომარეობის გათვალისწინებით, მივმართავთ საქართველოს მთავრობასა და მუნიციპალიტეტებს: უმოკლეს ვადაში შეასრულონ თემატური მოკვლევის ფარგლებში გაცემული რეკომენდაციები და უზრუნველყონ საერთაშორისო სტანდარტებთან შესაბამისი საცხოვრისის პოლიტიკის დაგეგმვა და განხორციელება; ზემოაღნიშნული რეკომენდაციების შესრულების პარალელურად, გადადგან ნაბიჯები იმ ძირეული პრობლემების აღმოსაფხვრელად, რომელიც არსებითია საცხოვრებლის უფლების გარანტირების მიმართულებით. მათ შორისაა, გამოსახლების ყველა ეტაპის მარეგულირებელი კანონმდებლობისა და პრაქტიკის სრულყოფა და საერთაშორისო სტანდარტებთან შესაბამისობა. ასევე, საცხოვრისის პოლიტიკაში სხვადასხვა მოწყვლადი ჯგუფის ინტერესებისა და გამოწვევების ეფექტიანი ასახვა. საქართველოს პარლამენტს: განახორციელოს ეფექტიანი ზედამხედველობა აღმასრულებელი ხელისუფლების მიერ თემატური მოკვლევის ჯგუფის რეკომენდაციების შესრულებაზე“, - ვკითხულობთ EMC-ის მიერ გავრცელებულ განცხადებაში. სრულად  წყარო: ორგანიზაციის ვებგვერდი

თბილისი. ადამიანის უფლებათა ცენტრმა, საქართველოში ნიდერლანდების საელჩოს მხარდაჭერით, 1 ივლისს დაიწყო პროექტი „უფასო იურიდიული ადვოკატირება და ადამიანის უფლებების მონიტორინგი კორონავირუსის პანდემიის შემდეგ“, რომელიც 2021 წლის 30 ივნისამდე გაგრძელდება.  პროექტის მიზანია კორონავირუსის გავრცელების პრევენციის მიზნით გამოცხადებული საგანგებო მდგომარეობის და პანდემიის შემდგომ პერიოდში სავარაუდო ადამიანის უფლებების დარღვევის ფაქტების იდენტიფიცირება და ცნობიერების ამაღლება მათზე თბილისსა და საქართველოს ხუთ რეგიონში - შიდა ქართლი, კახეთი, ქვემო ქართლი, იმერეთი და სამეგრელო.  სრულად  წყარო: ორგანიზაციის ვებგვერდი

თბილისი. საზოგადოებრივმა ორგანიზაციამ ,,ჰელფინგ ჰენდი’’, გაეროს ბავშვთა ფონდის, UNICEF Georgia, მხარდაჭერითა და ახალგაზრდობის სააგენტო მონაწილეობით, დაიწყო მასშტაბური მოხალისეობრივი პროექტი ახალგაზრდებისთვის, COVID19 პანდემიის გამოწვევების საპასუხოდ. პროექტის ფარგლებში გამოცხადებული კონკურსის შედეგად, უკვე შეირჩა 150 ახალგაზრდა მოხალისე საქართველოს სხვადასხვა რეგიონიდან, რომლებიც წლის ბოლომდე საინტერესო აქტივობებს დაგეგმავენ და სხვადასხვა საგანმანათლებლო ღონისძიებაში ჩაერთვებიან. 24 ივლისიდან 4 სექტემბრის ჩათვლით კი, პროექტის მონაწილეთათვის გაიმართება ვებინარები მოხალისეობის საკითხებზე. ვებინარებს ჩაატარებენ საერთაშორისო ექსპერტები, რომლებიც ამჟამად ევროპის სხვადასხვა ქვეყანაში საერთაშორისო და არასამთავრობო ორგანიზაციებს წარმოადგენენ და აქვთ მოხალისეობის საკითხებზე მუშაობის მრავალწლიანი გამოცდილება. სრულად  წყარო: გვერდი სოციალურ ქსელში

თბილისი. COVID19-ის პანდემიის შედეგად შექმნილ ახალ რეალობასთან დაკავშირებით, საქართველოს სტრატეგიული კვლევებისა და განვითარების ცენტრი და ფონდი აურესი ერობლივ განცხადებას ავრცელებენ.  „COVID19-ის პანდემიამ საქართველო და ზოგადად მსოფლიო ახალი გამოწვევებისა წინაშე დააყენა. გარდა თვითონ COVID19 ინფექციისა და მასთან დაკავშირებული რისკებისა, დღის წესრიგში დადგა მისი პრევენციისთვის მიღებული ზომებით, კერძოდ პირბადეების და სხვა დამცავი (ხელთათმანი, ხალათი და სხვა) საშუალებებით და ფიზიკური დისტანცირებით გამოწვეული ნეგატიური შედეგი, ისევე როგორც ამ ნეგატიური შედეგების შემცირების საკითხი“, - აღნიშნულია განცხადებაში.  სრულად  წყარო: ორგანიზაციის ვებგვერდი

თბილისი. ადამიანის უფლებებზე მომუშავე ორგანიზაციებმა სექსუალური და რეპროდუქციული ჯანმრთელობისა და უფლებების შესახებ გაეროს უნივერსალური პერიოდული მიმოხილვის 37-ე სესიის ფარგლებში საქართველოს შესახებ კოალიციური ალტერნატიული ანგარიში წარადგინეს. „ანგარიში სექსუალური და რეპროდუქციული ჯანმრთელობისა და უფლებების ჭრილში 2015 წლიდან დღემდე საქართველოს მიერ მიღებულ ზომებს აფასებს და განიხილავს სახელმწიფოს მხრიდან კონკრეტულ ჯგუფთა და უფლებათა დაცვის საკითხებს“. სრულად... წყარო: emc.org.ge

თბილისი. ილიას სახელმწიფო უნიევრსიტეტის ადიქციის კვლევების ინსტიტუტი და ფსიქიკური ჯანრმთელობის რესურსცენტრი, საქართველოს ფსიქოტრავმის საზოგადოება და ფსიქოსოციალური და სამედიცინო რეაბილიტაციის ცენტრი GCRT ატარებს კვლევას: კეთილდღეობა და გამკლავება კორონავირუსის პანდემიის დროს. „გამოკითხვა შეისწავლის, თუ როგორ უმკლავდებით სტრესსა და ყოველდღიურ პრობლემებს კოვიდის პანდემიის დროს და არის საერთაშორისო კვლევის ნაწილი, რომელსაც ახორციელებს ევროპის ტრავმული სტრესის კვლევის საზოგადოება“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი, დაავადებათა კონტროლის და საზოგადოებრივი ჯანმრთელობის ეროვნულ ცენტრთან თანამშრომლობით, საქართველოში აღრიცხვაზე მყოფ დაახლოებით 26000 ორსულ ქალს სთავაზობს გინეკოლოგებთან ვირტუალურ კონსულტაციებს. „2020 წლის ივნისიდან დღემდე, წამყვანმა ექიმებმა ონლაინ კონსულტაციები ჩაუტარეს 5000-ზე მეტ ორსულს. გაეროს ბავშვთა ფონდი მოუწოდებს ორსულ ქალებს, დარეგისტრირდნენ და სატელეფონო ზარით მოწვევის შემდეგ გამოიყენონ სეანსებში მონაწილეობის შესაძლებლობა. ვირტუალური სეანსების მიზანია კორონავირუსთან დაკავშირებული რისკების შერბილება. დისტანციური ონლაინ კონსულტაციების ფარგლებში ექიმი თითოეული ქალის შეკითხვას პირადად გამოეხმაურება. ვირტუალური პლატფორმების გამოყენებით სეანსებში 25-მდე ორსული ქალი ჩაერთვება და ისინი შეძლებენ ორსულობასთან დაკავშირებული საკითხების გარშემო ახალი და მათთვის საინტერესო ინფორმაციის მიღებას ექიმისა და სხვა ორსულებისაგან“, ნათქვამია გაეროს ბავშვთა ფონდის ვებგვერდზე. სრულად... წყარო: www.unicef.org

თბილისი. ქალთა მოძრაობა ეხმიანება COVID 19 -თან დაკავშირებით მთავრობის მიერ მიღებულ საკარანტინე ზომებს, რომელიც არღვევს ბავშვების და ბავშვიანი ოჯახების ფუნდამენტურ უფლებებს. „მიუხედავად იმისა, რომ მთავრობის 322-ე დადგენილებით არასრულწლოვნების შემთხვევაში სსიპ საგანგებო სიტუაციებისა და გადაუდებელი დახმარების ცენტმა უნდა დააკმაყოფილოს ბავშვიანი მშობლის მომართვა თვითიზოლაციაში განთავსების თაობაზე, უგულვებელყოფს ბავშვიანი ოჯახების მიმართვებს. სახელმწიფო დისკრიმინაციულია ოჯახებთან მიმართებაში: გაუგებარია მისი შეფასების კრიტერიუმები რომლითაც ზოგიერთ ბავშვს ათავსებს თვითიზოლაციაში და ზოგს არა“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს დემოკრატიული ინიციატივა (GDI), სამართლიანი არჩევნებისა და დემოკრატიის საერთაშორისო საზოგადოება (ISFED) და ადამიანის უფლებათა ცენტრი (HRC) მოუწოდებენ საქართველოს მთავრობასა და პარლამენტს დროულად მიაწოდონ საზოგადოებას ინფორმაცია პანდემიასთან დაკავშირებით, რა სამართლებრივი რეალობა იარსებებს 15 ივლისის შემდგომ. „მიგვაჩნია, რომ პანდემიასთან დაკავშირებული შეზღუდვების არსებობა/არ არსებობის თაობაზე საზოგადოების დროულ ინფორმირებას განსაკუთრებულ მნიშვნელობას საარჩევნო წელი და პროცესები ანიჭებს, ვინაიდან საარჩევნო პროცესის სრულფასოვანი წარმართვა და ამომრჩევლის ნების თავისუფალი გამოვლინების უზრუნველყოფა მნიშვნელოვნადაა დამოკიდებული პანდემიასთან ბრძოლის საკანონმდებლო მოწესრიგებაზე“, ნათქვამია ორგანიზაციის ვებგვერდზე. სრულად... წყარო: gdi.ge

თბილისი. საერთაშორისო გამჭვირვალობა - საქართველო აქვეყნებს ხელისუფლების ქმედებების შეფასების ანგარიშს: COVID-19 ინფექციის გამოწვევების მართვა. „ხელისუფლების ქმედებებით თავიდან იქნა აცილებული ქვეყანაში ახალი კორონავირუსის მასობრივი გავრცელება. გაუმართლებელი იქნება იმის თქმა, რომ ამ შედეგების მიღწევა ხელისუფლებამ ადამიანის უფლებების მასობრივი დარღვევის ხარჯზე მოახერხა, თუმცა პროცესში გარკვეული ხარვეზებიც იყო“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. მაკლეინის ასოციაცია ბავშვებისთვის აქვეყნებს ბლოგპოსტს: როგორ ვმართოთ ბავშვის მიერ ეკრანთან გატარებული დრო. „თანამედროვე ეპოქაში ვირტუალური რეალობა განსაკუთრებით დიდ მნიშვნელობას იძენს. ზოგიერთ შემთხვევაში ეკრანთან გატარებული დრო საგანმანათლებლო დატვირთვის მქონეა და ბავშვის სოციალური განვითარების ხელშემწყობიც კი შეიძლება იყოს, თუმცა ეკრანთან გატარებული უკონტროლო დრო შესაძლოა უარყოფითად აისახოს ბავშვის ფიზიკურ და ფსიქიკურ ჯანმრთელობაზე და გამოიწვიოს შემდეგი სირთულეები: ჭარბწონიანობა, ძილის რეჟიმის დარღვევა და უძილობა, ქცევითი სირთულეები, სოციალური უნარების დეფიციტი, თამაშზე და ურთიერთობებზე უარის თქმა ან ძალიან მცირე დროის გამოყოფა მისთვის და სხვა“. სრულად... წყარო: ორგანიზაციის გვერდი სოციალურ ქსელში

თბილისი. მედიაჩექერი აქვეყნებს ნინო ნარიმანიშვილის ინტერვიუს ჯანდაცვის თემებზე მომუშავე, „კაქტუს-მედიის“ დამფუძნებელთან ცირა გვასალიასთან. „როდესაც ვწერთ სტატიას ჯანდაცვის საკითხებზე, სულ წარმოვიდგინოთ, რომ ჩვენმა მკითხველმა არაფერი იცის: არა იმიტომ, რომ მათ პატივს არ ვცემთ. მაგალითად, როდესაც ვამბობთ, რომ საქართველოში ამდენი და ამდენია თანმხლები დაავადებების სტატისტიკა, მაგალითად, გულის დაავადებები, იქვე განვმარტოთ რა არის გულის დაავადება, 1-2 წინადადებით, ძალიან მარტივი ენით. სტატია, რომელშიც ეს ახსნილია მოვლენები და ტერმინები, არის მაღალი ხარისხის და ადვილად გასაგები. ეს ნიშნავს, რომ შენ პატივს სცემ შენს მკითხველს. ალბათ, ძალიან სასარგებლოა ვიკითხოთ სანდო საერთაშორისო გამოცემები, განსაკუთრებით იმ სფეროში, რომელშიც ვმუშაობთ. ასევე ძალიან კარგი იქნება, რომ ჟურნალისტები კონკრეტულ მიმართულებებზე მუშაობდნენ. ეს იმიტომ, რომ ხანდახან ინფორმაცია იმდენად სწრაფად იცვლება, ვერ ეწევი“, ამბობს რესპონდენტი. სრულად... წყარო: www.mediachecker.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თამუნა ქებურიას ინტერვიუს თენგიზ ვერულავსთან: ჯანდაცვის პოლიტიკა კრიზისის დროს. „პანდემიასთან ბროლის წარმატება დაკავშირებულია თითოეული ქვეყნის ეფექტურ ჯანდაცვის სისტემასთან. როგორც მსოფლიო პრაქტიკა გვიჩვენებს, მხოლოდ კერძო სამედიცინო სექტორის უპირატესად განვითარება არაეფექტურია. კერძო სამედიცინო სექტორს თავისი ადგილი აქვს, მაგრამ მხოლოდ მისით არ შემოიფარგლება ჯანდაცვის სისტემა. აუცილებელია, სახელმწიფო, საზოგადოებრივი კერძო სამედიცინო ორგანიზაციების დაბალანსებული განვითარება. სათანადო ხარისხის საავადმყოფოების გარდა, მნიშვნელოვანია ქვეყანაში პირველადი ჯანდაცვის სისტემის არსებობა. პირველადი ჯანდაცვა ოჯახის ექიმის ინსტიტუტი მნიშვნელოვან როლს თამაშობს ინფექციური დაავადებების წინააღმდეგ ბრძოლაში“. სრულად... წყარო: emc.org.ge

თბილისი. კონსულტაციისა და ტრენინგის ცენტრი (CTC) მიიჩნევს, რომ საზოგადოებრივ ორგანიზაციებს გააჩნიათ დიდი პოტენციალი დახმარება აღმოუჩინონ მოწყვლად ჯგუფებს პანდემიის შედეგებთან გამკლავებაში. „სამოქალაქო საზოგადოებას შეუძლია მოქალაქეებს შესთავაზოს სერვისები, ხელი შეუწყოს ნდობისა და სოლიდარობის განმტკიცებას, თემის ფართო ჩართულობას და ამით მნიშვნელოვანი წვლილი შეიტანოს შედეგების მართვასა და ზიანის შემცირებაში. ამ მიზნით საზოგადოებრივი ორგანიზაციების იდეების მხარდაჭერისათვის კონსულტაციისა და ტრენინგის ცენტრი (CTC) აცხადებს კონკურსს საგრანტო განაცხადების მიღებაზე პროექტის „ჯანმრთელობის, ზრუნვისა და სოციალური უფლებებისათვის“ ფარგლებში. პროექტი ხორციელდება გერმანული ფონდის Bread for the World (BfdW) ფინანსური დახმარებით“. სრულად... წყარო: www.ctc.org.ge

ევროკომისიის 10 ივნისის ანგარიშის თანახმად, კოვიდ 19-ის პანდემია ცრუ და შეცდომაში შემყვანი ინფორმაციების მასობრივი ტალღის თანხლებით მიმდინარეობს. ჯანდაცვის საკითხებთან დაკავშირებით შეცდომაში შემყვანმა ინფორმაციებმა, სახიფათო, ცრუ მტკიცებებმა, კონსპირაციის თეორიებმა და სამომხმარებლო თაღლითობამ მნიშვნელოვანი საფრთხე შეუქმნა საზოგადოებრივ ჯანმრთელობას. ყალბი ან შეცდომაში შემყვანი ინფორმაციები კორონა ვირუსის შესახებ, აზიანებს სოციეტალურ ერთობას, თუმცა უპირველესად ჯანდაცვას. ცრუ და შეცდომაში შემყვანი ნარატივები სხვადასხვა ფორმით შეიძლება გავცელდეს, ისინი ვარირებს მიზანმიმართული, წინასწარ განზრახული დეზინფორმაციიდან არასწორ ინფორმაციამდე და განსხვავებულ საპასუხო ქმედებებს მოითხოვს. ევროკომისიის განცხადებით, გარეშე აქტორები, კონკრეტულად, რუსეთი და ჩინეთი მონაწილეობენ მიზანმიმართულ, გავლენის გამავრცელებელ ქმედებებში და დეზინფორმაციის კამპანიებში ევროკავშირში, მის სამეზობლოში და მთელ მსოფლიოში. დეზინფორმაციების მაგალითებად ევროკომისიას მოჰყავს ისეთი მცდარი მტკიცებები, როგორიცაა „ძლიერი ქიმიური საყოფაცხოვრებო ხსნარების და სამედიცინო (ეთილის) სპირტის დალევა კურნავს კორონავირუსს“, რა თქმა უნდა, ეს მტკიცება არასწორია და საზიანოა ჯანმრთელობისთვის. Belgium’s Poison Control Centre-ზე დაყრდნობით, ამ პერიოდში, ქიმიურ საყოფაცხოვრებო ხსნარებთან დაკავშირებული ინციდენტები 15%-ით გაიზარდა. კონსპირაციის ერთ-ერთი თეორიის მტკიცებით: კორონავირუსი „არის ინფექცია, რომელიც მსოფლიო ელიტების მიერ მოსახლეობის ზრდის შესამცირებლად გავრცელდა“. სამეცნიერო მტკიცებულება კი ცხადყოფს, რომ კოვიდ 19 მიეკუთვნება ცხოველური წარმოშობის ვირუსების ოჯახს, რომელიც მოიცავს SARS და MERS ვირუსებსაც. მტკიცება, რომ თითქოს „5G ინსტალაციები ავრცელებს ვირუსს“ შორსაა მეცნიერული დასაბუთებებისგან და ანძებზე თავდასხმისთვის გამოიყენეს. ევროკავშირი გააგრძელებს დეზინფორმაციასთან ბრძოლას, ხელს შეუწყობს მოქალაქეების გაძლიერებას, ცნობიერების ამაღლებას და სოციეტალური მედეგობის ზრდას. ევროკომისია მხარს დაუჭერს მედია-წიგნიერების პროექტებს, კრიტიკული აზროვნების, ციფრული უნარების განვითარების შესაძლებლობების გაზრდას. კომისია ასევე, ყურადღებას გაამახვილებს ისეთ ჯგუფებზე (ბავშვები, ახალგაზრდები), რომლებიც უფრო მოწყვლადები არიან ცრუ, შეცდომაში შემყვანი ინფორმაციების მიმართ. სრულად... წყარო: ec.europa.eu