მცხეთა-მთიანეთი. 14 სექტემბერს, ყაზბეგის მუნიციპალიტეტის სოფელ გაიბოტენში ყაზბეგის ადგილობრივი განვითარების ჯგუფის, საზოგადოებრივი ორგანიზაცია “ლომეკის” და სტეფანწმინდის ისტორიული მუზეუმის ორგანიზებით გაიმართა ფესტივალი -„გაიბოტნობა“, რომელიც ისტორიული სოფლის - გაიბოტენის აღდგენა−რეაბილიტაციის იდეას მიეძღვნა. ფესტივალზე მოსულმა სტუმრებმა დაათავლიერეს ფოტო-გამოფენა, სადაც წარმოდგენილი იყო გაიბოტენის სიძველეების შესახებ სტეფანწმინდის ისტორიულ მუზეუმში დაცული ვიზუალური მასალა და მოხეური ყოფის ამსახველი საარქივო ფოტოები; მოუსმინეს ქალთა ფოლკლოლურ ანსამბლ „დიდებაის“, გოგონათა ანსამბლ „მზე შინასა“ და ბავშვთა ფოლკლორულ ანსამბლ „კარიბჭეს“; გაიმართა შეჯიბრი მკლავჭიდსა და ბაგირის გადაწევაში, ხატვაში - ბავშვებს შორის. ფესტივალზერ წარმოდგენილი იყო ძველი კუთხური თამაშობები, კუთხური სამზარეულო და ხინკლის მასტერკლასი, მოეწყო ხელნაკეთი ნივთების გამოფენა-გაყიდვა. სრულად  წყარო: გვერდი სოციალურ ქსელში

თბილისი. თავისუფალ ჟურნალისტთა სახლი აქვეყნებს მასალას ცნობილი ქალი მოგზაურის, კარლა სერენას საქართველოში მოგზაურობის შესახებ, რომელიც ერთ-ერთი პროექტის ფარგლებში, „ფონდ ღია საზოგადოება – საქართველოს“ მხარდაჭერით მზადდება.  „1881 წელს კარლა სერენა მეორედ ეწვია საქართველოს და სწორედ მაშინ მოამზადა ფოტოები და ჩანახატები, რომლებიც მოგვიანებით ფრანგულ ჟურნალ – „Le Tour du Monde“-ში გამოქვეყნებულ სტატიებს დაერთო თან. მთლიანობაში თერთმეტი სტატია გამოქვეყნდა, რასაც ათეულობით ილუსტრაცია ერთვოდა. შეიძლება ითქვას, რომ კარლას სტატიების მთავარი ღირსება არის სწორედ ეს ილუსტრაციები, რომლებიც არანაკლებ მნიშვნელოვან ამბებს გვიამბოს, ვიდრე თავად სტატიები. თემატიკის თვალსაზრისით, ილუსტრაციები მოიცავს როგორც ციხეებს, ეკლესიებს, ქალაქების ხედებსა და პეიზაჟებს, ასევე სხვადასხვა წარმომავლობისა თუ სოციალური ფენის ადამიანებს, ოჯახური წვეულებებისა და ყოველდღიური ცხოვრების ამსახველ სიუჟეტებს“, ნათქვამია პუბლიკაციაში.  სრულად... წყარო: media.org.ge

სამეგრელო. ხაბუმეს თემის ქალთა საინიციატივო ჯგუფმა „ერთობა”, სოფელში კულტურულ-საგანმანათლებლო სივრცე მოაწყო. პროექტის მთლიანი ბიუჯეტი იყო 16 457 ლარი, საიდანაც ჩვენს მიერ გაცემული საგრანტო თანხა შეადგენდა 7 757 ლარს. აღნიშნული პროექტი დაფინანსდა, საქართველოს სტრატეგიული კვლევების და განვითარების ცენტრის (СSRDG) თემის განვითარების პროგრამის ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. ციხე-სოფელი მუცოს რეაბილიტაციის პროექტი ევროკავშირის პრიზი კულტურულ მემკვიდრეობაში/ევროპა ნოსტრას გამარჯვებული გახდა მისი განსაკუთრებული მიღწევისთვის. „პროექტმა საშუალება მისცა ოჯახებს დაბრუნებულიყვნენ სოფელში და შექმნა საქართველოს მაღალმთიან რეგიონებში ისტორიული დასახლებების გაცოცხლების პრეცედენტი”, ნათქვამია ევროკავშირის გვერდზე სოციალურ ქსელში. სრულად... წყარო: ევროკავშირის გვერდი სოციალურ ქსელში

შიდა ქართლი. 18 მაისს, „კეთილდღეობისა და განვითარების ცენტრთან" არსებულმა გორის სამოქალაქო აქტივიზმის ცენტრის მოხალისეებმა მონაწილეობა მიიღეს აქციაში „ღამე მუზეუმში". „აქცია მუზეუმების საერთაშორისო დღეს ეძღვნებოდა და მისი მიზანია ახალგაზრდებს შორის მუზეუმების პოპულარიზება. ახალგაზრდებმა მოაწყვეს გამოფენა-გაყიდვა და შემოსული თანხით დაეხმარებიან მათ თანატოლს, რომელიც გადაუდებელ დახმარებას საჭიროებს", ნათქვამია ორგანიზაციის გვერდზე სოციალურ ქსელში. სრულად...  წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ირინე ბერიძის ბლოგპოსტს: ცხრა მთას იქით. „ეს წერილი ერთგვარი მცდელობაა, საკითხს არა ქართული თვითინსცენირების პერსპექტივიდან მივუახლოვდეთ, არამედ გავაანალიზოთ ის საპროექციო განზომილება, რომელსაც, სწორედ რომ, დასავლეთი – კონკრეტულად კი, გერმანულენოვანი კულტურული დისკურსი ­– გვთავაზობს მკაფიოდ ჩამოყალიბებული ფორმით. მართალია, თანამედროვე საქართველოს თვითიდენტიფიკაცია მუდამ დასავლეთისკენ იყო მიმართული (რეგიონში რუსულ გეოპოლიტიკურ გავლენათა არეალის მუდმივი გაფართოების პარალელურად), მაინც მნიშვნელოვანია, რომ ცენტრიდან გადმოვხედოთ პერიფერიას და ამ ჩვენთვის უჩვეულო პერსპექტივიდან დავფიქრდეთ იმაზე, თუ რა ლოგიკით და რა ჩარჩოში მოქმედებს ცენტრი", ნათქვამია ბლოგპოსტში. სრულად... წყარო: emc.org.ge

თბილისი. 12 მაისს, Civil Pitch-ის შერჩეულმა კანდიდატებმა საკუთარი პროექტები კინოინდუსტრიის საერთაშორისო პროფესიონალებს წარუდგინეს. ყოველწლიური პროექტს Civil Pitch „ღია საზოგადოების ფონდი" წელს მესამედ აფინანსებს. ეს არის პლატფორმა, რომელიც ქართველ რეჟისორებსა და სამოქალაქო საზოგადოების წარმომადგენლებს შემოქმედებითი თანამშრომლობისთვის უნიკალურ შესაძლებლობას სთავაზობს.  "პროექტი კინორეჟისორებს და სამოქალაქო საზოგადოების წარმომადგენლებს ერთმანეთთან აკავშირებს და, კინოს მეშვეობით, საზოგადოების ყურადღებას მიმართავს იმ აქტუალური საკითხებისკენ, რომელიც, ხშირ შემთხვევაში, ჩრდილში რჩება. ეს, შეიძლება, იყოს ადამიანის უფლებების საკითხები და სოციალური სფერო”,- ამბობს არჩილ ხეთაგური, კინოფესტივალის დირექტორი.  სრულად... წყარო: ორგანიზაციის ვებგვერდი

საქართველო. „ასოციაცია ათინათი", პროექტის - „ახალგაზრდების ჩართულობა და განვითარება" - ფარგლებში, ორდღიან ფოტოკონკურსს აცხადებს. „დაიწყე და შეცვალე" - ასეთია კონკურსის სახელწოდება. მისი ორგანიზატორების განცხადებით, გამვლინდება 3 გამარჯვებული, რომელიც პრიზებითა და სერტიფიკატებით დაჯილდოვდება.  სრულად... წყარო: გვერდი სოციალურ ქსელში

საქართველოს ადგილობრივ თვითმმართველობათა ეროვნული ასოციაციის (NALAG) წარმომადგენლები, ბუქარესტში, ევროკავშირის პროექტის „მწვანე ტურიზმი და ისტორიული მემკვიდრეობა" ფარგლებში გამართულ ტრენინგებში იღებენ მონაწილეობას. „შეხვედრები 16-17 აპრილს ეწყობა და მათი მიზანია ბენეფიციარების შესაძლებლობების გაზრდა, ტრენინგის მონაწილეებისთვის პროექტის განხორციელების, შიდა და გარე კომუნიკაციის, პროექტის ფინანსური მენეჯმენტის, პროექტის მონიტორინგისა და საგრანტო ხელშეკრულების მოდიფიკაციის შესახებ ინფორმაციის მიღება წარმოადგენს", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

<div style="text-align: justify;"><span style="font-weight: bold;">გურია. </span>„ახალგაზრდა პედაგოგთა კავშირის" ოფისში, ახალციხის ახალგაზრდული ცენტრის წევრებმა, გაცვლითი პროგრამის ფარგლებში ჩაატარეს ტრენინგი კულტურათაშორისი დიალოგის თემაზე.</div> <div style="text-align: justify;">„ტრენინგის პირველი ნაწილი საინფორმაციო ხასიათის იყო, რომელიც მოიცავდა გაცნობით აქტივობებს, ენერჯაიზერებს, დისკუსიას და ჯგუფურ სამუშაოს. ცენტრის წევრებმა გაუზიარეს ერთმანეთს ინფორმაციები და ისაუბრეს კულტურათაშორისი დიალოგის შესახებ", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/apk.ge/photos/pcb.1719617948138867/1719602524807076/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>ტოლერანტობის და მრავალფეროვნების ინსტიტუტი - TDI-ის პროექტის „მრავალფეროვნების სახეების" ფარგლებში, ეთნიკურ სომხებზე ახალ ვიდეოს აქვეყნებს.</div> <div style="text-align: justify;">„ვიდეოში გამოყენებულია კორნელი კეკელიძის სახელობის საქართველოს ხელნაწერთა ეროვნული ცენტრისა და საქართველოს ეროვნული მუზეუმის კოლექციებში დაცული ხელნაწერები, საარქივო დოკუმენტები და ნამუშევრები. საქართველოს ეროვნული ბიბლიოთეკის, თბილისში ოვანეს თუმანიანის სახელობის კულტურული ცენტრისა და სახლ-მუზეუმის საარქივო მასალები და გურამ მურადოვის ფოტოები", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/images.of.diversity/videos/293316518005797/" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> 14 მარტს, საქართველოს ახალგაზრდა იურისტთა ასოციაციამ და ტფილისის ჰამქარმა, ერთობლივი პროექტის „კულტურული მემკვიდრეობის დაცვა თბილისში” ფარგლებში, გამართეს ორი კვლევის პრეზენტაცია.</div> <div style="text-align: justify;">„საიას კვლევის „თბილისის განვითარების ფონდის გამჭვირვალობა და ანგარიშვალდებულება" შედეგად გამოიკვეთა, რომ თბილისის განვითარების ფონდში გამჭვირვალობისა და ანგარიშვალდებულების კუთხით, მნიშვნელოვანი გამოწვევებია.</div> <div style="text-align: justify;">ტფილისის ჰამქარის კვლევა „თბილისში კულტურული მემკვიდრეობის ძეგლების რეაბილიტაციის შეფასება" კი, ეხებოდა უშუალოდ ორბელიანისა და გუდიაშვილის მოედნების რეაბილიტაციის შეფასებას, რის შედეგადაც, ასევე, გამოვლინდა მნიშვნელოვანი ხარვეზები", ნათქვამია საიას ვებგვერდზე.</div> <div style="text-align: justify;"><a href="http://gyla.ge/ge/post/kvlevebis-prezentacia-kulturuli-memkvidreobis-temaze#sthash.Fl4dio4h.dpbs" target="_blank" style="font-weight: bold;">სრულად...</a></div> <div style="text-align: justify;">წყარო: gyla.ge</div> <div><br /> </div>

<div style="text-align: justify;"><span style="font-weight: bold;">სამეგრელო. </span>5 მარტს, ასოციაცია „ათინათის" ახალგაზრდული ცენტრისა და ხანდაზმულთა კლუბის წევრების ინიციატივით, სოციალურ კაფე „მეგო-ბარში" გაიმართა შემოქმედებითი საღამო.</div> <div style="text-align: justify;">„ღონისძიების ფარგლებში, ქალთა თვესთან დაკავშირებით, ახალგაზრდებმა წარადგინეს პრეზენტაციები წარმატებული ქართველი ქალების, მარო მაყაშვილის, ნატო ვაჩნაძისა და ბარბარე ერისთავი-ჯორჯაძის შესახებ.</div> <div style="text-align: justify;">ასევე, მათ ისაუბრეს ქალთა წარმატებებზე სხვადასხვა სპორტის სახეობაში და გაგვიზიარეს საკუთარი გამოცდილება რაგბისა და კალათბურთის შესახებ", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/PitaAtinati/photos/?tab=album&album_id=2127944463938592" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ჰაინრიხ ბიოლის ფონდის სამხრეთ კავკასიის რეგიონული ბიურო აქვეყნებს ნანა მდივანის ბლოგპოსტს: მხატვრობა და ქალის იდენტობა: ფაღავა, იანქოშვილი, კვესიტაძე, ხიზანიშვილი.</div> <div style="text-align: justify;">„ამ სოციალურ-ეკონომიკური ძვრების პარალელურად, ქართველი ქალები თანდათანობით მაინც ახერხებენ ხელოვნების სფეროში თავიანთი ინტერესების წარმოჩენას და საკუთარი იდენტობის ძიებაში წარმატებული ნაბიჯების გადადგმას. დღესდღეობით, გლობალური ფემინისტური ხელოვნების აღორძინების ფონზე, ქართველი ხელოვანი ქალები აქტიურად იკვლევენ და გამოხატავენ თავიანთ ფემინისტურ შემოქმედებით იდენტობას", ნათქვამია ფონდის ვებგვერდზე.</div> <div style="text-align: justify;"><a href="http://feminism-boell.org/ka/2019/02/25/mxatvroba-da-kalis-identoba-pagava-iankoshvili-kvesitaze-xizanishvili?fbclid=IwAR078OEumYcWIbabHt5PQ_q7zrINAl1u_FPUnnGIlIjMM1VTSir4hmVbwvM" target="_blank" style="font-weight: bold;">სრულად...</a></div> <div style="text-align: justify;">წყარო: feminism-boell.org</div> <div><br /> </div>

<div style="text-align: justify;"><span style="font-weight: bold;">თბილისი.</span> აღმოსავლეთ-დასავლეთის მართვის ინსტიტუტის (EWMI) ACCESS-ის მიერ მხარდაჭერილი პროექტის - „თბილისში კულტურული მემკვიდრეობის დაცვა" - ფარგლებში, საინფორმაციო კვირეული იმართება.</div> <div style="text-align: justify;">პროექტის მიზანია თბილისში კულტურული მემკვიდრეობის დაცვისა და მართვის გაუმჯობესება და ააიპ „თბილისის განვითარების ფონდის საქმიანობაში" შესაძლო კორუფციის და საჯარო ფინანსების არარაციონალური ხარჯვის შემცირება. ამ თემების ირგვლივ, საქართველოს ახალგაზრდა იურისტთა ასოციაციისა და „ტფილისის ჰამქრის" წარმომადგენლები 26, 28 თებერვალსა და 1 მარტს ისაუბრებენ, ასევე, მოაწყობენ „ტურს გუდიაშვილზე".</div> <div style="text-align: justify;">კვირეულზე დასწრების მსურველებმა, 2019 წლის 22 თებერვლამდე, რეგისტრაციის ელექტრონული ფორმა უნდა შეავსონ.</div> <div style="text-align: justify;"><a href="http://gyla.ge/ge/post/sainformacio-kvireuli-kulturuli-memkvidreobis-shesakheb#sthash.OdfOfRDY.dpbs" target="_blank" style="font-weight: bold;">სრულად </a></div> <div style="text-align: justify;">წყარო: https://gyla.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საზოგადოება ბათომი მიმართავს საქართველოს პრემიერ მინისტრს, განათლების მინისტრსა და საქართველოს კულტურული მემკვიდრეობის დაცვის ეროვნული სააგენტოს გენერალურ დირექტორს ნიკოლოზ ანთიძეს.</div> <div style="text-align: justify;">„ქალაქ ბათუმის ისტორიული ნაწილის – ძველი ბათუმის დამცველები საქართველოს მთავრობისგან მოვითხოვთ უსწრაფესად მოითხოვოს თვითმმართველობის ორგანოსგან კულტურული მემკვიდრეობის დამცავი ზონების დადგენისთვის აუცილებელი, მეთოდოლოგიურად სწორად შემუშავებული და კვლევებით გამყარებული დოკუმენტაცია და დაამტკიცოს ის.</div> <div style="text-align: justify;">სხვა შემთხვევაში თქვენ, ისევე როგორც ბათუმის მუნიციპალიტეტის თვითმმართველობა და აჭარის ავტონომიური რესპუბლიკის მთავრობა თანამონაწილენი და პასუხისმგებელნი იქნებით ჩვენი უმნიშვნელოვანესი კულტურული მემკვიდრეობის განადგურებაზე", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/permalink.php?story_fbid=365836974237297&id=271903283630667" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div style="text-align: justify;"><br /> </div>

თბილისი. თავისუფალ ჟურნალისტთა სახლი ახალი პროექტის ფარგლებში, წარმოგიდგენთ სულხან სალაძის დოკუმენტურ ჩანაწერებს. მათში ვიზუალური მასალის თანხლებით, გაეცნობით XVII საუკუნიდან XX საუკუნის 20-იანი წლების ჩათვლით იმ მოვლენებს, რომლებიც ცხადად ადასტურებს საქართველოს ისტორიულ, ევროპულ არჩევანს და ევროპის ინტერესს საქართველოსადმი. „შარდენის „მოგზაურობის" ათი ნაწილიდან ორი სწორედ საქართველოსთან არის დაკავშირებული. თუმცა ეს არ არის ერთადერთი დამსახურება, რის გამოც შარდენი დღემდე რჩება ქართველებისთვის საინტერესო მოგზაურად. ცნობილია, რომ შარდენის სახელს, მის მოგზაურობას უკავშირდება შავი ზღვის რუკის შედგენა [აღმოსავლეთ სანაპიროს მნიშვნელოვანი ნაწილი, რომელიც დღევანდელ დასავლეთ საქართველოს წარმოადგენს]. ამ ჩანაწერებში ასევე ნახავთ, მაგალითად, ჩანახატს მეგრელ მამაკაცზე თუ ქართლის მეფის, ვახტანგ V-ის სასახლეში გამართულ ნადიმზე. და, რა თქმა უნდა, თბილისის პირველ გრაფიკულ ჩანახატს", ნათქვამია ორგანიზაციის ვებგვერდზე. სრულად... წყარო: media.org.ge

თბილისი. ბრიტანეთი/საქართველო 2019: ახალი კულტურული ჰორიზონტი არის ჩვენი ღონისძიებებისა და აქტივობების პროგრამა 2019 წლის სექტემბერიდან დეკემბრამდე და რომელიც ეძღვნება ბრიტანეთსა და საქართველოს შორის კულტურული კავშირების გაღრმავებას. „ბრიტანეთი-საქართველო 2019: ახალი კულტურული ჰორიზონტის მიზანია ახალი აუდიტორიის მოზიდვა, ჰორიზონტის გაფართოება და კულტურისა და იდეათა ნაკადის ურთიერთგაცვლის ხელშეწყობა. ბრიტანული სეზონის ფარგლებში წარმოდგენილი იქნება სხვადასხვა სახის გამოფენები, ფესტივალები, კინო-ჩვენებები, უნარების განვითარების ვორკშოპები, მასტერ კლასები, პანელ-დისკუსიები და ლექციები მუსიკის, კინოს და საშემსრულებლო ხელოვნების შესახებ. ჩვენს აქტივობებში მაქსიმალურად ბევრი ადამიანის ჩართვის მიზნით ჩვენი აქტივობების კონტენტს შეძლებისდაგვარად გავაზიარებთ ონლაინ სივრცეში", ნათქვამია საბჭოს ვებგვერდზე.  წყარო: www.britishcouncil.ge

აჭარა. 19 იანვარს, „თავისუფალ ჟურნალისტთა სახლის” ორგანიზებით, ქობულეთის მუნიციპალიტეტის სოფელ ქობულეთში გაიმართა ბენდი „ერთად” მუსიკალური პერფომანსი. „აპრილის თვიდან, პროექტის „მულტიკულტურული ინტეგრაცია აჭარაში” აჭარის მუნიციპალიტეტების (ხულო, შუახევი, ქედა, ხელვაჩაური და ქობულეთი) 10 სოფელში ჩატარდა10 მუსიკალური პერფომანსი, რომელსაც სკოლის მოსწავლეები და სოფლის მოსახლეობა ესწრებოდა. აქტივობის ერთ-ერთი მიზანია, პროექტის ფარგლებში შექმნილი მუსიკალური პროდუქტის პოპულარიზაცია რეგიონის მაშტაბით, რათა ვაჩვენოთ საზოგადოებას რამდენად მცირეა განსხვავება სხვადასხვა ეროვნების ადამიანებს შორის. ასევე აჭარაში მცხოვრები სხვადასხვა ეთნიკურ/ეროვნული და რელიგიური უმცირესობების ტრადიციების, კულტურისა და ღირებულებების უკეთ წარმოჩენა”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „შემოქმედებითი ევროპის" საქართველოს დესკი ევროპული კინოს კონკურსის შესახებ ინფორმაციას ავრცელებს. „უყურებ ევროპულ ფილმებს, გიყვარს და იცნობ მას? გადაამოწმე შენი ცოდნა და მოიგე 2019 წლის კანის საერთაშორისო ფესტივალზე დასწრების უფლება #EuFilmContest". ტესტის გასავლელად მიჰყევი ბმულს... წყარო: ორგანიზაციის ვებგვერდი სოციალურ ქსელში

<div style="text-align: justify;">„ადამიანის უფლებები დოკუმენტური ფილმებით” პროექტის ფარგლებში მეგობრობის ხიდი ქართლოსის ორგანიზებით რიგით მეოთხე დოკუმენტური ფილმის ჩვენება გაიმართა გორში არტ კაფეში.</div> <div style="text-align: justify;">„ახალგაზრდებმა ასტრიდ ბუსინსკის ფილმი „ჯიოვანი და წყლის ბალეტი” ნახეს რომლის ძირითადი თემები: გენდერული სტერეოტიპებს, დისკრიმინიაციას და ადამიანის უფლებებს ეხება.</div> <div style="text-align: justify;">ფილმების ჩვენებების მიზანი მუნიციპალიტეტებში ახალგაზრდებთან მომუშავე არასამთავრობო ორგანიზაციების შესაძლებლობის გაძლიერებაა, რათა მათ პრაქტიკაში გამოიყენონ დოკუმენტური ფილმებით ადამიანის უფლებების სწავლე­ბის მეთოდოლოგია”, ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/132075396835077/photos/pcb.2429039220472005/2429020463807214/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

აჭარა. 23 დეკემბერს, ტოლერანტთა კლუბის წევრები „ქართველ მუსლიმთა კავშირის" წარმომადგენლებს შეხვდნენ და ისაუბრეს საქართველოში მცხოვრები სხვადასხვა ეთნიკურ/ეროვნული და რელიგიურ უმცირესობების წინაშე არსებულ პრობლემებსა და გამოწვევების შესახებ. „რამდენად ხშირია რელიგიურ/ეროვნულ და ეთნიკურ ნიადაგზე დისკრიმინაციის ფაქტები და როგორ რეაგირებს სახელმწიფო კონკრეტულ შემთხვევებზე. მუსლიმთა კავშირის წევრებმა ისაუბრეს მათ ირგვლივ არსებულ ყოველდღიურ პრობლემებზე და როგორც აღმოჩნდა საკმაოდ ხშირია რაიმე ნიშნით ადამიანების დისკრიმინაციის შემთხვევები", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში