თბილისი. მითების დეტექტორი აქვეყნებს ბლოგპოსტს: 3 დეზინფორმაცია სოჭზე, სტალინურ რეპრესიებზე და დემოგრაფიაზე. მასალაში საუბარია მწერალ გივი ბერძენიშვილის ინტერვიუზე საქართველოს მიმართ სტალინის დამსახურებებზე. ბერძენიშვილის მტკიცებით, სოჭი არასდროს ყოფილა საქართველოს ნაწილი, ხოლო სტალინის რეპრესიები არ მომხდარა და მისი მმართველობის დროს საქართველოს მოსახლეობა 5.5 მილიონს გაუტოლდა. „გივი ბერძენიშვილის ინტერვიუ 3 დეზინფორმაციას შეიცავს: 1. სოჭი საქართველოს ტერიტორიას არასდროს ეკუთვნოდა. 2. სტალინურ რეპრესიებს ადგილი არ ჰქონია და 3. მისი მმართველობის პერიოდში საქართველოს მოსახლეობა 5.5 მილიონამდე გაიზარდა. რეალურად 1. 1918-1919 წლებში სოჭს საქართველოს დემოკრატიული რესპუბლიკა აკონტროლებდა. 2. 1936-1938 წლებში სტალინური რეპრესიები 750 000 მსხვერპლს ითვლის, გულაგებში გადასახლებულთა რაოდენობა 1 მილიონზე მეტია. 3. საქართველოს მოსახლეობა 5.5 მილიონს მხოლოდ 1989 წელს მიუახლოვდა“. სრულად... წყარო: www.mythdetector.ge

თბილისი. საქართველოს ახალგაზრდა იურისტთა ასოციაციამ, განცხადებით მიმართა საქართველოს პროკურატურას და მსოფლიო კულტურული მემკვიდრეობის ნუსხაში მყოფი გელათის სამონასტრო კომპლექსის დაზიანების ფაქტზე, გამოძიების დაწყება მოითხოვა. „პროკურატურის სახელზე წარდგენილ განცხადებში, საია გამოძიების დაწყებას საქართველოს სისხლის სამართლის კოდექსის ორი მუხლით ითხოვს. საუბარია სსკ-ის 2592 მუხლსა (კულტურული მემკვიდრეობის დაზიანება ან განადგურება) და ამავე კოდექსის 342-ე მუხლზე (სამსახურებრივი გულგრილობა)“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ჩართულობის და განვითარების ცენტრის (CPD) ინფორმაციით, ვიტალი საფაროვი, გრეტა ტუნბერგი და ბერტა კასერასი, ჰააგაში, გამოყენებითი მეცნიერებების უნივერსიტეტის კედელზე დახატეს. „15-მეტრიანი მურალი პატივს მიგებს ყველას, ვინც თავისუფლების, თანასწორობის, სამართლიანობის, გარემოს დაცვის, სიმშვიდისა და უკეთესი მსოფლიოსთვის იბრძვის. ვიტალის დანახვა ამ შესანიშნავ მურალზე, თანაც ასე შორს ჩვენი ქალაქიდან, განსაკუთრებით მაშინ, როდესაც არ შეგვიძლია ჰააგაში ჩავიდეთ, ჩვენში წინააღმდეგობრივ ემოციებს აღვიძებს. ძალიან გვიხარია და ვამაყობთ, რომ ვიტალი, რომელმაც საკუთარი ცხოვრება სამართლიანობისა და თანასწორობისთვის ბრძოლას მიუძღვნა, რომელსაც მრავალფეროვნების, სოლიდარობისა და მიმღებლობისა და ადამიანების დახმარების სჯეროდა და რომელიც სიძულვილის წინააღმდეგ ბრძოლას შეეწირა კიდეც, იქცა იმედისა და შთამაგონებელი ცვლილებების სახედ, თუმცა, ამავე დროს მისი მონატრება საოცრად გვიტეხს გულს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს 1978 წლის 14 აპრილის თბილისის მოვლენებზე, რომელიც ამ პროცესებზე დასავლური პრესიდან (New York Time და The Times) ამონარიდებსაც შეიცავს. „1978 წლის 14 აპრილს, თბილისში ხამხმრავალი დემონსტრაციები გაიმართა. საბჭოთა საქართველოს მოქალაქეები აპროტესტებდნენ კომუნისტური პარტიისმცდელობას, რომ ქართული ენის კონსტიტუციური სტატუსი შეცვლილიყო. 1977 წელს ახალი საბჭოთა კონსტიტუცია მიიღეს, საქართველოს სსრ-ის უზენაესი საბჭო კი განიხილავდა ახალ კონსტიტუციურ გეგმას, რომლის მიხედვითაც ქართული აღარ იქნებოდა სახელმწიფო ენა საქართველოს ტერიტორიაზე, რამაც დიდი ვნებათაღელვა გამოიწვია საზოგადოებაში. საპროტესტო ტალღამ კი კულმინაციას 1978 წელის 14 აპრილს მიაღწია”. სრულად… წყარო: idfi.ge

თბილისი. გაეცანით, საქართველოს სტრატეგიისა და საერთაშორისო ურთიერთობების კვლევის ფონდის ბლოგპოსტს თუ როგორ შეცვალა უკეთესობისჯენ თურქულმა სერიალებმა თურქეთის სახელმწიფოსა და თურქული კულტურის იმიჯი მსოფლიოს მრავალ ქვეყანაში და საქართველოში. სრულად... წყარო: www.gfsis.org

შიდა ქართლი. კეთილდღეობის და განვითარების ცენტრთან არსებული გორის სამოქალაქო აქტივიზმის ცენტრის პროგრამა PITA-ში ჩართული ახალგაზრდებისათვის გაიმართა ანიმაციური ფილმის „9“ ჩვენება და დისკუსია, რომელსაც ფასილიტაცია გაუწია ცენტრის მოხალისე გიორგი კობალაძემ. „ფილმის ჩვენების მიზანი უკავშირდება ზოგად საგანმანათლებლო მიზნებს. მასში ნაჩვენებია ხელოვნური ინტელექტის შექმნის დადებითი და უარყოფითი მხარეები, ასევე, ლიდერული თვისებების გამოვლენა და განვითარება, ფილმის დასასრულს ახალგაზრდებმა გამართეს დისკუსია, რომლის დროსაც ყურადღება გაამახვილეს სტივენ ჰოუკინგის და ელონ მასკის მოსაზრებებზე ამ თემასთან დაკავშირებით”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

გურია. 29 იანვარს, ლიტერატურულ კაფე „რვას+1“-ში „ახალგაზრდა პედაგოგთა კავშირთან“ არსებული ახალგაზრდული ცენტრის წევრებისთვის ფილმის „ცხოვრება მშვენიერია” ჩვენება და განხილვა მოეწყო. „შეხვედრის დასაწყისში ორგანიზაციის გერმანელმა მოხალისემ გააკეთა პრეზენტაცია ჰოლოკოსტის ისტორიულ ასპექტებზე, როდის დაიწყო, რამ გამოიწვია, იყო თუ არა ეს მიზანმიმართული გენოციდი ებრაელი ერის მიმართ და რას ფიქრობს გერმანელი ხალხი. შეხვედრის მეორე ეტაპზე ახალგაზრდული ცენტრის წევრებმა ნახეს ჰოლოკოსტის თემატიკაზე გადაღებული ფილმი, რომლის შემდეგაც მოეწყო განხილვა და მცირე დისკუსია“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. 26 ნოემბერს ასოციაცია „ათინათში“ ახალგაზრდული ცენტრის ორგანიზებით მოეწყო ფილმის „დამალული ფიგურების“ ჩვენება. „დოკუმენტური ფილმი ასახავს განსხვავებული ასაკის, პროფესიისა და ინტერესების ქალთა ისტორიებს, რომლებმაც საკუთარი ცხოვრება და ირგვლივ არსებული გარემო უკეთესობისკენ შეცვალეს. შეხვედრის მიზანი იყო ქალთა და ადამიანების უფლებების შესახებ ცნობიერების ამაღლება“, ნათქვამია პროგრამის გვერდზე სოციალურ ქსელში. სრულად... წყარო: პროგრამის გვერდი სოციალურ ქსელში

შიდა ქართლი. 17 ნოემბერს, გორის სახელმწიფო სასწავლო უნივერსიტეტში, CineDoc-Tbilisi on Tour-ის ფარგლებში ნაჩვენები იქნა ფილმი „მოლენბეკის ღმერთები“. „ფილმის ჩვენებისა და დისკუსიის შემდეგ კი მოხდა ესეების კონკურსის დაჯილდოება, რომელიც ეხებოდა ადამიანის და ქალთა უფლებებს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

პრატფორმა European.ge აქვეყნებს ირაკლი ჭედიას ბლოგპოსტს: ლიბერალური ტოტალიტარიზმი – რატომ ცდილობენ ჩვენს გამარტოსულებას? „საზოგადოებისა და ინდივიდების ატომიზირებისთვის დღეს საკმარისია, მათ უბიძგოთ კონფორმიზმისკენ, გადამეტებული მომხმარებლობისაკენ და ამავდროულად განუწყვეტლივ აწარმოოთ მათი ინდოქტრინაცია პროპაგანდის ყველა იმ თანამედროვე საშუალებით, რომლებიც ფრიდრიხ გებელსს არც კი დასიზმრებია. პარალელურად, გავლენის ქვეშ მყოფი მედია და ფსევდოინტელექტუალთა ჯარი განუწყვეტლივ ცდილობს არამეინსტრიმული და არაპოლიტკორექტული ხედვების, ასევე არასასურველი პიროვნებების მარგინალიზაციას; დასცინის და ამცირებს მათ. არასასურველი შეხედულებების მქონე ადამიანებს ფიზიკურად აღარ ხვრეტენ და არც ასახლებენ, თუმცა ხდება მათი იზოლირება სოციუმიდან გარიყვის გზით. ტოტალიტარული რეჟიმებისთვის დამახასიათებელი ფიზიკური განადგურება ჩანაცვლდა არანაკლებ ეფექტური ვირტუალური განადგურებით“, ნათქვამია ბლოგპოსტში. სრულად... წყარო: european.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ლევან აკინის ფილმის „და ჩვენ ვიცეკვეთ“ პრემიერის წინააღმდეგ ქართული მარშის ლიდერებისა და ლევან ვასაძის მიერ ორგანიზებულ ძალადობრივ აქციას. ორგანიზაცია მოუწოდებს ხელისუფლებას მიიღოს დროული სამართლებრივი ზომები ძალადობის ორგანიზებაზე პასუხისმგებელი პირების მიმართ. „ამასთან, არსებითი შეცდომა, რომელიც ხელისუფლებამ დაუშვა პრემიერამდე გაკეთებული მუქარის შემცველი განცხადებების იგნორირება და მათზე გამოძიების დაწყებისგან თავის შეკავება. გამოძიებას და შეკრების ორგანიზატორების დაკითხვას პრევენციული ფუნქცია ექნებოდა და მათ ძალადობრივ ინიციატივებს შეზღუდავდა“, ნათქვამია ორგანიზაციის განცხადებაში. სრულად... წყარო: emc.org.ge

აჭარა. შუახევში სახალხო დღესასწაული „შუახევობა“ გაიმართა. „საგარეო საქმეთა სამინისტროს საინფორმაციო ცენტრი, ნატოსა და ევროკავშირის შესახებ მაღალმთიანი აჭარის შუახევის ბიურო, 19 ოქტომბერს, შუახევში სახალხო დღესასწაულს „შუახევობა“ შეუერთდა. საინფორმაციო ცენტრის მიერ წარდგენილ სპეციალურ სტენდთან, ვიზიტორებს და ადგილობრივ მოსახლეობას, საშუალება ჰქონდათ გაცნობოდნენ ნატოსა და ევროკავშირის შესახებ თემატურ მასალებს და „ნატოს დღეები 2019 „-ის ფარგლებში ცენტრის მიერ განხორციელებულ და დაგეგმილ აქტივობებს. საინფორმაციო ცენტრის სტენდთან გაიმართა მცირე ვიქტორინა, მონაწილეებს საშუალება ჰქონდათ ეპასუხათ შეკითხვებზე ნატოსა და ევროკავშირის შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

31 ოქტომბერს, მოძრაობის თეატრის და Company E-ს ერთობლივი მუსიკალური სპექტაკლის პრემიერა „თამადა მანჰეტენზე“ გაიმართება.  ეს არის „ქართულ ტრადიციულ სადღეგრძელოებზე აგებული სევდიანი ამბავი, სადაც ტრადიციების მატარებელი თამადა 60-იანი წლების ნიუ იორკში ხვდება და ცდილობს შეინარჩუნოს ტრადიციები მანჰეტენის ქაოტურ ყოფაში”. პროექტი ხორციელდება ამერიკის საელჩოს მხარდაჭერით. სრულად... წყარო: სოციალური ქსელი

შიდა ქართლი. 12 ოქტომბერს „გორის დღე 2019“ გაიმართა, რომელიც ძალიან ბევრი საინტერესო აქტივობით გამოირჩეოდა - გორი თავისი ძველი ტრადიციებითა და კულტურით გაცოცხლდა. „მოეწყო სოფლის მეურნეობის პროდუქციისა და ხელნაკეთი ნივთების გამოფენა - გაყიდვა. სტუმრებს შეეძლოთ ადგილზე დაეგემოვნებინათ ხილი, ღვინო, ჭაჭა და მონაწილეობა მიეღოთ ყურძნის წურვის, ჩურჩხელებისა და ხელნაკეთი ნივთების მომზადების პროცესში. მთელი დღის განმავლობაში დღესასწაულის ფარგლებში უწყვეტად მიმდინარეობდა კულტურული, სპორტული და შემეცნებითი ღონისძიებები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს მარიამ შალვაშვილის ბლოგპოსტს: დმანისობა - გადაწერილი დღესასწაული და კულტურული დომინაციის მექანიზმი.  „საკუთარი კულტურის აღნიშვნისა და წარმოჩენის მაგივრად, ამ დღესასწაულზე, მათივე თქმით, ადგილობრივი ხელისუფლება ირიბად ეუბნებოდა, რომ მათი კულტურა საქართველოს კულტურაში არ მოიაზრება. თემის რამდენიმე აქტივისტი დმანისობას დიდი ხანია აპროტესტებს და ამბობს, რომ ეს დღესასწაული შექმნის დროიდან პრობლემურია. თემის სხვა წევრების თქმით, ეს დღე აზერბაიჯანული კულტურის გარიყვის, საქართველოში საქართველოს აზერბაიჯანელების მეორეხარისხოვნობის და ქართული კულტურის დომინაციის ჩვენების დღედ იქცა და ეს მათი თქმით, ყველაზე მძაფრად წელს იგრძნობოდა“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ლუკა ნახუცრიშვილის პუბლიკაციას: ნინო ხარატიშვილი: საქართველოს ალაგის ძიებაში III. „„მერვე სიცოცხლეს“ ერთმა გერმანელმა კრიტიკოსმა, უნებლიე ორაზროვნებით, „დიდი ქართული რომანი“ უწოდა. ნაწარმოებს ერთ-ერთ მთავარ დამსახურებად ეთვლება, რომ, დოკუმენტურობისა და უწყვეტი მელოდრამატული სასპენსის ნაზავის მეშვეობით, უამრავ გერმანულენოვან მკითხველს საქართველო ‘აღმოაჩენინა’. მაგრამ მაინც რა არის ამ რომანში ქართული, გარდა ავტორის წარმომავლობისა და სიუჟეტისა?“  სრულად... წყარო: emc.org.ge

მცხეთა-მთიანეთი. 14 სექტემბერს, ყაზბეგის მუნიციპალიტეტის სოფელ გაიბოტენში ყაზბეგის ადგილობრივი განვითარების ჯგუფის, საზოგადოებრივი ორგანიზაცია “ლომეკის” და სტეფანწმინდის ისტორიული მუზეუმის ორგანიზებით გაიმართა ფესტივალი -„გაიბოტნობა“, რომელიც ისტორიული სოფლის - გაიბოტენის აღდგენა−რეაბილიტაციის იდეას მიეძღვნა. ფესტივალზე მოსულმა სტუმრებმა დაათავლიერეს ფოტო-გამოფენა, სადაც წარმოდგენილი იყო გაიბოტენის სიძველეების შესახებ სტეფანწმინდის ისტორიულ მუზეუმში დაცული ვიზუალური მასალა და მოხეური ყოფის ამსახველი საარქივო ფოტოები; მოუსმინეს ქალთა ფოლკლოლურ ანსამბლ „დიდებაის“, გოგონათა ანსამბლ „მზე შინასა“ და ბავშვთა ფოლკლორულ ანსამბლ „კარიბჭეს“; გაიმართა შეჯიბრი მკლავჭიდსა და ბაგირის გადაწევაში, ხატვაში - ბავშვებს შორის. ფესტივალზერ წარმოდგენილი იყო ძველი კუთხური თამაშობები, კუთხური სამზარეულო და ხინკლის მასტერკლასი, მოეწყო ხელნაკეთი ნივთების გამოფენა-გაყიდვა. სრულად  წყარო: გვერდი სოციალურ ქსელში

თბილისი. თავისუფალ ჟურნალისტთა სახლი აქვეყნებს მასალას ცნობილი ქალი მოგზაურის, კარლა სერენას საქართველოში მოგზაურობის შესახებ, რომელიც ერთ-ერთი პროექტის ფარგლებში, „ფონდ ღია საზოგადოება – საქართველოს“ მხარდაჭერით მზადდება.  „1881 წელს კარლა სერენა მეორედ ეწვია საქართველოს და სწორედ მაშინ მოამზადა ფოტოები და ჩანახატები, რომლებიც მოგვიანებით ფრანგულ ჟურნალ – „Le Tour du Monde“-ში გამოქვეყნებულ სტატიებს დაერთო თან. მთლიანობაში თერთმეტი სტატია გამოქვეყნდა, რასაც ათეულობით ილუსტრაცია ერთვოდა. შეიძლება ითქვას, რომ კარლას სტატიების მთავარი ღირსება არის სწორედ ეს ილუსტრაციები, რომლებიც არანაკლებ მნიშვნელოვან ამბებს გვიამბოს, ვიდრე თავად სტატიები. თემატიკის თვალსაზრისით, ილუსტრაციები მოიცავს როგორც ციხეებს, ეკლესიებს, ქალაქების ხედებსა და პეიზაჟებს, ასევე სხვადასხვა წარმომავლობისა თუ სოციალური ფენის ადამიანებს, ოჯახური წვეულებებისა და ყოველდღიური ცხოვრების ამსახველ სიუჟეტებს“, ნათქვამია პუბლიკაციაში.  სრულად... წყარო: media.org.ge

სამეგრელო. ხაბუმეს თემის ქალთა საინიციატივო ჯგუფმა „ერთობა”, სოფელში კულტურულ-საგანმანათლებლო სივრცე მოაწყო. პროექტის მთლიანი ბიუჯეტი იყო 16 457 ლარი, საიდანაც ჩვენს მიერ გაცემული საგრანტო თანხა შეადგენდა 7 757 ლარს. აღნიშნული პროექტი დაფინანსდა, საქართველოს სტრატეგიული კვლევების და განვითარების ცენტრის (СSRDG) თემის განვითარების პროგრამის ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. ციხე-სოფელი მუცოს რეაბილიტაციის პროექტი ევროკავშირის პრიზი კულტურულ მემკვიდრეობაში/ევროპა ნოსტრას გამარჯვებული გახდა მისი განსაკუთრებული მიღწევისთვის. „პროექტმა საშუალება მისცა ოჯახებს დაბრუნებულიყვნენ სოფელში და შექმნა საქართველოს მაღალმთიან რეგიონებში ისტორიული დასახლებების გაცოცხლების პრეცედენტი”, ნათქვამია ევროკავშირის გვერდზე სოციალურ ქსელში. სრულად... წყარო: ევროკავშირის გვერდი სოციალურ ქსელში

შიდა ქართლი. 18 მაისს, „კეთილდღეობისა და განვითარების ცენტრთან" არსებულმა გორის სამოქალაქო აქტივიზმის ცენტრის მოხალისეებმა მონაწილეობა მიიღეს აქციაში „ღამე მუზეუმში". „აქცია მუზეუმების საერთაშორისო დღეს ეძღვნებოდა და მისი მიზანია ახალგაზრდებს შორის მუზეუმების პოპულარიზება. ახალგაზრდებმა მოაწყვეს გამოფენა-გაყიდვა და შემოსული თანხით დაეხმარებიან მათ თანატოლს, რომელიც გადაუდებელ დახმარებას საჭიროებს", ნათქვამია ორგანიზაციის გვერდზე სოციალურ ქსელში. სრულად...  წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ირინე ბერიძის ბლოგპოსტს: ცხრა მთას იქით. „ეს წერილი ერთგვარი მცდელობაა, საკითხს არა ქართული თვითინსცენირების პერსპექტივიდან მივუახლოვდეთ, არამედ გავაანალიზოთ ის საპროექციო განზომილება, რომელსაც, სწორედ რომ, დასავლეთი – კონკრეტულად კი, გერმანულენოვანი კულტურული დისკურსი ­– გვთავაზობს მკაფიოდ ჩამოყალიბებული ფორმით. მართალია, თანამედროვე საქართველოს თვითიდენტიფიკაცია მუდამ დასავლეთისკენ იყო მიმართული (რეგიონში რუსულ გეოპოლიტიკურ გავლენათა არეალის მუდმივი გაფართოების პარალელურად), მაინც მნიშვნელოვანია, რომ ცენტრიდან გადმოვხედოთ პერიფერიას და ამ ჩვენთვის უჩვეულო პერსპექტივიდან დავფიქრდეთ იმაზე, თუ რა ლოგიკით და რა ჩარჩოში მოქმედებს ცენტრი", ნათქვამია ბლოგპოსტში. სრულად... წყარო: emc.org.ge