თბილისი. სოციალური სამართლიანობის ცენტრი გთავაზობთ ინტერვიუს ცირა ელისაშვილთან, ხელოვნებისმცოდნე და სამოქალაქო აქტივისტთან, რომელიც დეტალურად აღწერს ხელოვნების მუზეუმის გარშემო მიმდინარე პროცესებსა და პროტესტს. „კომუნიკაციის ფორმა, ენა, რომელიც არჩეული აქვს კულტურის მინისტრს, სრულიად მიუღებელი და ძალიან მძიმეა ჩვენთვის, მაგრამ ჩვენ ამ ბრძოლაში შევედით და საზოგადოება ამ ბრძოლაში გაიმარჯვებს“, ამბობს რესპონდენტი. წყარო: socialjustice.org.ge

თბილისი. „საერთაშორისო გამჭვირვალობა-საქართველომ” წლის მთავარ ლიტერატურულ პრემიაზე „საბა“ სპეციალური პრიზი დააწესა. ნომინაციაზე „საბჭოთა და პოსტსაბჭოთა ისტორიის რეფლექსია ქართულ ლიტერატურაში“ პრემია გადაეცა ორ გამარჯვებულს: ბიძინა მაყაშვილს წიგნისთვის „ბლუზი მტკვირს პირას“ ივა ფაზუაშვილს წიგნისთვის „ბუნკერი“ სრულად... წყარო: ორგანიზაციის გვერდი სოციალურ ქსელში

გურია. მაკ ჯორჯიას თეატრალური ფესტივალი 2021 ოფიციალურად დაიწყო. „ფესტივალის ფარგლებში, პირველი სპექტაკლი ჩოხატაურში ჩატარდა, სადაც შუა ამაღლების საჯარო სკოლის თეატრალურმა დასმა ითამაშა სპექტაკლი „რა გითხრათ? რით გაგახაროთ?“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის ინფორმაციით, 9 დეკემბერს, 14:00 საათზე, თბილისის საერთაშორისო კინოფესტივალის ფარგლებში, კინოთეატრ ამირანში გაიმართება თეკლა ასლანიშვილის და გიორგი გაგო გაგოშიძის ფილმის პრემიერა. „„ჯოჯოხეთის ქვა” - ექსპერიმენტული ესეისტური დოკუმენტური ფილმია, რომლის ამოსავალი ადგილი საქართველოს რესპუბლიკის პატარა ქალაქი - ჭიათურაა. ფილმი ფეხდაფეხ მისდევს მანგანუმის ნედლეულს, ადგილზე მოპოვებიდან შემდგომი გადამუშავების ეტაპების გავლით და მის კვალს საბოლოოდ ქალაქ ფოთში გემზე დატვირთვის შემდეგ კარგავს. ფილმი, სხვებთან ერთად, სოციალური სამართლიანობის ცენტრის და ჰაინრიხ ბიოლის ფონდის მხარდაჭერით მომზადდა“. სრულად... წყარო: ორგანიზაციის გვერდი სოციალურ ქსელში

თბილისი. გაეროს განვითარების პროგრამისა და დიდი ბრიტანეთის მთავრობის ხელშეწყობით, მე-12 საუკუნის დინასტიური ქორწინების, სიყვარულის, შუღლისა და შერიგების ამბავი თეატრალურ სცენაზე გაცოცხლდა. „თამარ მეფისა და დავით სოსლანის კავშირი ქართულ-ოსური ურთიერთობების ერთ-ერთი მნიშვნელოვანი ისტორიული სიმბოლოა. პროექტის განხორციელებაზე იზრუნა არასამთავრობო ორგანიზაციამ „კავკასიური მოზაიკა“ გაეროს განვითარების პროგრამისა (UNDP) და დიდი ბრიტანეთის მთავრობის მხარდაჭერით. სპეკტაკლში მონაწილეობენ ეთნიკურად ქართველი და ოსი მსახიობები - თინათინ კობალაძე, მანანა ცინცაძე, ლილი ხურითი, ნანა ხურითი, ვაჟა ფუხაევი, ვიქტორია იუსოევა და მეგი თედეევა. მუსიკალურ გაფორმება ეთნიკურად ქართველ და ოს კომპოზიტორებს ეკუთვნის, ხოლო ტექსტში გამოყენებულია ციტატები „ვეფხისტყაოსნიდან“ ქართულ და ოსურ ენებზე“. სრულად... წყარო: www.ge.undp.org

თბილისი. მაკ ჯორჯია წარმოგიდგენთ გიორგი მრევლიშვილის ფილმს „თორმეტი გაკვეთილი“. „ფილმი მოგვითხრობს გურიაში მცხოვრებ ვალერი ბაბუზე, რომელიც სხვადასხვა გზით ცდილობს მისი აუტისტური სპექტრის მქონე შვილიშვილის ინტეგრაციას საზოგადოებაში. დიდი გამოწვევების და ადგილობრივად რესურსების უქონლობის პირობებში, ვალერი ცდილობს ვაკოს ის გაკვეთილები ასწავლოს, რომელიც ცხოვრებისეული გამოწვევების დამოუკიდებლად დაძლევაში დაეხმარება“. ფილმი... წყარო: ორგანიზაციის გვერდი სოციალურ ქსელში

თბილისი. ჰაინრიხ ბიოლის ფონდის ინფორმაციით, 2021 წლის 6 და 8 ნოემბერს „დინამო არენაზე” ყველა დროის 15 საუკეთესო პიესაში შესული, თანამედროვე ბრიტანელი დრამატურგი ქალის - კერილ ჩერჩილის პიესის „ყველაზე მაგარი გოგოების“ პრემიერა გაიმართება, დამოუკიდებელი თეატრალური პროექტის ფარგლებში. სრულად... წყარო: ge.boell.org

თბილისი. რონელის ფონდი აქვეყნებს სალომე აბრამიშვილის სტატიას: ოქონის ტრიპტიქონი: ვის ეკუთვნის ხატი? „ოქონის ტრიპტიქონი ბიზანტიური ხატწერის ადრეული სკოლის გამორჩეული ნამუშევარია, რომელიც XI საუკუნით თარიღდება. იგი სპილოს ძვლისგანაა დამზადებული და მასზე გრავირების მეთოდით მაცხოვარი და წმინდანები არიან გამოსახული. ხატი მარგალიტითა და ოქრო-ვერცხლითაც იყო შემკული, თუმცა დღეს იგი გაძარცვულია და ძვირფასი ქვები აღარ ამშვენებს. ცხინვალის რეგიონის დე ფაქტო ხელისუფლება უკვე რამდენიმე წელია აქტიურად განიხილავს უნიკალური ხატის, ოქონის ტრიპტიქონის დაბრუნების საკითხს. აღნიშნული ქმნილება 1990-იანი წლების დასაწყისში, „ქართულ-ოსური კონფლიქტის საომარი ფაზის“ მიმდინარეობის დროს გაქრა ცხინვალიდან და ამჟამად თბილისში, საქართველოს ეროვნულ მუზეუმში ინახება“. სრულად... წყარო: kremlin-roadmap.gfsis.org

აჭარა. პროექტის „თავისუფალ ჟურნალისტთა სახლის ინსტიტუციური გაძლიერება“ ფარგლებში, სოფელ ჭვანაში, მცხოვრები ახალგაზრდებისთვის ფილმის “Rabbit Jojo” ჩვენება მოეწყო. „ფილმი 2019 წელს არის გადაღებული და ამერიკის კინო ინსტიტუტის მიერ შერჩეული წლის ათი საუკეთესო ფილმიდან ერთ-ერთია. ასევე, ოქროს გლობუსის 77-ე დაჯილდოებაზე ორ კატეგორიაში იყო ნომინირებული. ჩვენების შემდეგ გაიმართა დისკუსია, სადაც ერთმანეთს გაუზიარეს საკუთარი შეხედულებები“. სრულად... წყარო: ორგანიზაციის გვერდი სოციალურ ქსელში

სამეგრელო. 30 ივლისს, 16:00 საათზე, ზუგდიდის ბოტანიკურ ბაღში გაიმართება ფოტოების გამოფენა „ურთიერთობის პერსპექტივები“. „გაისეირნეთ ზუგდიდის ბოტანიკურ ბაღში და დაათვალიერეთ ახალგაზრდების მიერ ზუგდიდსა და სოხუმში გადაღებული ფოტოები“. პროექტს ახორციელებს ორგანიზაცია „ათინათი“ ევროკავშირის დაფინანსებით.                                               წყარო: ორგანიზაციის გვერდი სოციალურ ქსელში

თბილისი. ქალთა მოძრაობა და ადამიანის უფლებებზე მომუშავე ორგანიზაციები ეხმიანებიან სოციალურ ქსელში გავრცელებულ ინფორმაციას ქართველი მოდელების გაუსაძლისი შრომითი პირობების შესახებ და სოლიდარობას უცხადებენ ამ სფეროში დასაქმებულ ყველა ადამიანს. „სამწუხაროდ, ქვეყანაში კვლავ უდიდეს გამოწვევად რჩება შრომითი უფლებების სისტემური დარღვევა და უგულებელყოფა, გამონაკლისი არც მოდის ინდუსტრიაა. მიუხედავად იმისა, რომ სამოდელო სფეროში საქმიანობა სტანდარტული შრომითი საქმიანობაა, რაც გულისხმობს დასაქმებულთა აღნიშნულ კატეგორიაზე შრომის კანონმდებლობის სრულად გავრცელებას, ფაქტია, რომ საქართველოში მოდელები ვერ სარგებლობენ ბაზისური შრომითი უფლებებითაც კი: მათ ძირითად ნაწილს არ აქვს შრომითი ხელშეკრულებები და მუშაობენ არანორმირებული სამუშაო გრაფიკით არაადეკვატური ანაზღაურების სანაცვლოდ, რიგ შემთხვევებში კი - ყოველგვარი ანაზღაურების გარეშე. ...მიგვაჩნია, რომ მოდის ინდუსტრიაში დასაქმებულთა შრომითი უფლებების დაცვის უზრუნველყოფა საჭიროებს სახელმწიფოს მხრიდან სისტემურ მიდგომას. აუცილებელია, აღნიშნული საკითხის სიღრმისეულად შესწავლა და სფეროში შრომის კანონმდებლობის აღსრულებაზე მკაცრი ზედამხედველობა“, ნათქვამია ორგანიზაციის ვებგვერდზე. სრულად... წყარო: ქალთა მოძრაობის გვერდი სოციალურ ქსელში

გურია. გურიაში ქალთა ისტორიის თვე #WomensHistoryMonth აღინიშნა. „ღონისძიებების ფარგლებში, შეხვედრა გაიმართა გურიაში სახელმწიფო რწმუნებულს, გიორგი სახოკიასა და გაეროს მოსახლეობის ფონდის UNFPA საქართველოს ოფისის ხელმძღვანელს, ლელა ბაქრაძეს შორის. ოზურგეთის #1 საჯარო სკოლაში გაიხსნა ფოტოგრაფ დინა ოგანოვას გამოფენა „გოგონები მომავლიდან“. ამავე პროექტის ჩვენება შედგა ჩოხატაურის #1 და ლანჩხუთის მუნიციპალიტეტის სოფელ ჩოჩხათის საჯარო სკოლებში. ამავე სკოლების ბიბლიოთეკებში, Palitra L Publishing • გამომცემლობა პალიტრა L -თან და Silknet - სილქნეტი -თან პარტნიორობით, „თანასწორობის კუთხეები“ გაიხსნა. „თანასწორობის კუთხეები“ მწერალმა, საქართველოს პარლამენტის ეროვნული ბიბლიოთეკის დირექტორმა და UNFPA-ს მეგობარმა, გიორგი კეკელიძე • Giorgi Kekelidze-მ გახსნა. მან მოსწავლეებთან გენდერული თანასწორობის იდეისა და მნიშვნელობის შესახებ ისაუბრა“. სრულად... წყარო: georgia.unfpa.org

აჭარა. 26 მარტს აჭარის ავტონომიური რესპუბლიკის განათლების, კულტურისა და სპორტის სამინისტრომ არ დააკმაყოფილა „სოციალური სამართლიანობის ცენტრისა“ (ყოფილი EMC) და „ბათომის“ საჩივარი, რომელიც ბათუმის ბულვარში 19 სართულიანი სასტუმროს მშენებლობის უკანონობასა და კულტურული მემკვიდრეობისა და არქიტექტურულ-სამშენებლო კანონმდებლობის მძიმე დარღვევაზე მიუთითებდა. შესაბამისად, ორგანიზაციები უმოკლეს ვადებში მიმართავენ სასამართლოს სააგენტოს მიერ გაცემული აღნიშნული ნებართვის და აჭარის ავტონომიური რესპუბლიკის განათლების, კულტურისა და სპორტის მინისტრის უკანონო და დაუსაბუთებელი გადაწყვეტილების გასასაჩივრებლად. ასევე, სარჩელით მოითხოვენ ბულვარის ტერიტორიაზე მიმდინარე სამშენებლო სამუშაოების დაუყოვნებლივ შეჩერებას, რომ საქმის განხილვის პარალელურად ბულვარის მიმართ არსებული საზოგადოებრივი ინტერესი დაცული იყოს. სრულად... წყარო: socialjustice.org.ge

ქვემო ქართლი. სამოქალაქო საზოგადოების ორგანიზაციები ეხმიანებიან მარნეულში, 21 მარტს განვითარებულ მოვლენებს, სადაც „მოძრაობა საქართველოსთვის“ აქტივისტებმა ადგილობრივ მოსახლეობასთან ერთად 21:00 საათზე დემონსტრაციულად დაარღვიეს გადაადგილების შეზღუდვა. „არაერთხელ აღგვინიშნავს, რომ საზოგადოებრივი ჯანმრთელობის დაცვის საბაბით ხელისუფლება არაკონსტიტუციურად ცდილობს გამოხატვის თავისუფლების შეზღუდვას, ამჯერად კი განსაკუთრებით საგანგაშოა, რომ საქმე გვაქვს მოქალაქეთა ფიზიკური თავისუფლების შეზღუდვის და სისხლისსამართლებრივი პასუხისმგებლობის საფრთხესთან. აღსანიშნავია, რომ აქტივისტებმა აქციის გამართვა მას შემდეგ გადაწყვიტეს, რაც ხელისუფლებამ ეთნიკურად აზერბაიჯანელი მოქალაქეების თხოვნა არ გაითვლისწინა და ნოვრუზ ბაირამისთვის ერთი ღამით გადაადგილების შეზღუდვა არ მოხსნა. მიგვაჩნია, რომ აღნიშნული გადაწყვეტილება არათანმიმდევრული და მეტიც, დისკრიმინაციულია ეთინკური უმცირესობების მიმართ. მთავრობას შეეძლო ამ შემთხვევაში დაეწესებინა გამონაკლისი, მითუმეტეს იმ ფონზე, როდესაც დაგეგმილია რეგულაციათა შემსუბუქება 2021 წლის 28 მარტს საფეხბურთო მატჩთან დაკავშირებით და შეზღუდვები მოხსნილი იყო მაგალითად, 1 იანვრის ღამითაც“, ნათქვამია ერთობლივ განცხადებაში. სრულად... წყარო: www.gdi.ge

ბათუმი. აჭარის ავტონომიური რესპუბლიკის განათლების, კულტურისა და სპორტის სამინისტრომ არ დააკმაყოფილა EMC-ისა და „საზოგადოება ბათომის“ მოთხოვნა, შეჩერდეს 19 სართულიანი (3 მიწის ქვეშ) სასტუმროს მშენებლობა კულტურული მემკვიდრეობის ძეგლის ტერიტრიაზე ბათუმის ბულვარში. „ამ გადაწყვეტილებით სამინისტრომ არ გაითვალისწინა, რომ მშენებლობით შეუქცევადი ზიანი ადგება კულტურული მემკვიდრეობის ძეგლს, რომელის მნიშვნელობა და ღირებულება ქალაქისთვის შეუფასებელია. ხელოვნებათმცოდნეები თამარ ამაშუკელი და თათია ღვინერია საუბრობენ ბათუმის ბულვარზე, როგორც კულტურული მემკვიდრეობის ძეგლზე“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრმა (EMC) საზოგადოებრივი ორგანიზაცია „ბათომის“ სახელით, სახალხო დამცველს მიმართა ბათუმის ბულვარში 19 სართულიანი სასტუმროს კომპლექსის მშენებლობაზე გაცემული ნებართვის კანონიერების შესწავლისა და სათანადო რეკომენდაციის გაცემის თხოვნით. ბათომი და EMC მიიჩნევენ, რომ აჭარის კულტურული მემკვიდრეობის დაცვის სააგენტოს („სააგენტო“) მიერ მიღებული გადაწყვეტილება ცალსახად უკანონოა და შეუქცევად და არსებით ზიანს აყენებს კულტურული მემკვიდრეობის უძრავ ძეგლს - ბათუმის ბულვარს. სრულად... წყარო: emc.org.ge

აჭარა. ადამიანის უფლებების სწავლებისა და მონიტორინგის ცენტრი აქვეყნებს ვიდეოს, რომელშიც საუბარია იმაზე, თუ რა სამართლებრივი დარღვევებით შენდება სასტუმრო „ამბასადორი“, მეორე მხრივ კი, რატომ არის ეს მშენებლობა დამაზიანებელი ბათუმის ბულვარის, როგორც კულტურული მემკვიდრეობის ძეგლისთვის. „ბათუმის ბულვარში 16 სართულია სასტუმროს მშენებლობით, შეუქცევადი ზიანი ადგება კულტურული მემკვიდრეობის ძეგლს - ბათუმის ბულვარს, რომელის მნიშვნელობა და ღირებულება ქალაქისთვის შეუფასებელია“. სრულად... წყარო: emc.org.ge

თბილისი. აჭარის ავტონომიური რესპუბლიკის განათლების, კულტურისა და სპორტის სამინისტრომ არ დააკმაყოფილა EMC-ისა და “საზოგადოება ბათომის” მოთხოვნა, შეჩერდეს 19 სართულიანი (3 მიწის ქვეშ) სასტუმროს მშენებლობა კულტურული მემკვიდრეობის ძეგლის ტერიტრიაზე ბათუმის ბულვარში. უახლოეს პერიოდში EMC, “საზოგადოება ბათომის” სახელით, სასამართლოს მიმართავს მოთხოვნით, დაუყოვნებლივ შეჩერდეს მშენებლობა და ძეგლის ინტერესების ხელყოფა. 22 საზოგადოებრივი ორგანიზაცია, რომელიც კულტურული მემკვიდრეობის, გარემოს დაცვისა და სოციალურ საკითხებზე მუშაობს, უერთდება მოთხოვნას ძეგლის ხელყოფის შეწყვეტასთან დაკავშირებით... სრულად... წყარო: emc.org.ge

აჭარა. საზოგადოებრივი ორგანიზაციები და სამოქალაქო მოძრაობები აჭარის ავტონომიური რესპუბლიკის განათლების, კულტურისა და სპორტის სამინისტროსგან ბათუმის ბულვარში 19-სართულიანი სასტუმროს კომპლექსის მშენებლობის დაუყოვნებლივ შეჩერებას მოითხოვენ. „ბათუმის ბულვარში, რომელსაც საბაღე-საპარკე კულტურული მემკვიდრეობის ძეგლის სტატუსი აქვს, კომპანია „ამბასადორ ბათუმზე” 19-სართულიანი (3 მიწისქვეშა სართული) სასტუმროს მშენებლობის ნებართვა 21 იანვარს აჭარის კულტურული მემკვიდრეობის დაცვის სააგენტომ, კულტურული მემკვიდრეობის კანონმდებლობისა და ბულვარის მიმართ საჯარო ინტერესების უგულებელყოფით გასცა“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC), საზოგადოებრივი ორგანიზაცია „ბათომის“ სახელით, ბათუმის ბულვარში 19 სართულიანი სასტუმროს კომპლექსის მშენებლობაზე გაცემულ ნებართვას ასაჩივრებს. ბათომი და EMC მიიჩნევენ, რომ აჭარის კულტურული მემკვიდრეობის დაცვის სააგენტოს მიერ მიღებული გადაწყვეტილება ცალსახად უკანონოა და შეუქცევად და არსებით ზიანს აყენებს კულტურული მემკვიდრეობის უძრავ ძეგლს - ბათუმის ბულვარს. სრულად... წყარო: emc.org.ge

აჭარა. საქართველოს ახალგაზრდა იურისტთა ასოციაციის ინფორმაციით, ორგანიზაციამ 2021 წლის 22 იანვარს სასამართლოში სარჩელი შეიტანა „ბათუმი რივიერას“ საქმეზე. „სასამართლოში მშენებლობის ნებართვის ბათილად ცნობასთან ერთად, მოთხოვნილი იყო გასაჩივრებული აქტის მოქმედების შეჩერება. სასამართლომ სარჩელი წარმოებაში მიიღო და არ დააკმაყოფილა მშენებლობის ნებართვის მოქმედების შეჩერება დავის საბოლოო გადაწყვეტამდე. აშკარაა, რომ სასამართლო განხილვის დასრულებამდე სამშენებლო სამუშაოების არ შეჩერების შემთხვევაში დავა სრულად ილუზორული გახდება და შესაძლოა გამოუსწორებელი ზიანი მიადგეს მთლიანად ქალაქს. თბილისის საქალაქო სასამართლოს განჩინება საიამ სააპელაციო სასამართლოში გაასაჩივრა“. სრულად... წყარო: gyla.ge

თბილისი. ხელოვნების საკომუნიკაციო პლატფორმა წარმოგიდგენთ ევროკავშირის დაფინანსებების პროგრამებს კულტურის დარგში. „ეს არის ფინანსური გეგმა (MFF), რომლიც მოიცავს 2021-2027 წლის მიმართულებებსა და პრიორიტეტებს. AI Georgia აქტიურად მუშაობს აღნიშნულ პროგრამებში ქართველი არტისტების და ორგანიზაციების ჩართულობის გაზრდაზე“. Online კონსულტაციის დასანიშნად, მისწერეთ პლატფორმას. სრულად... წყარო: პლატფორმის გვერდი სოციალურ ქსელში