თბილისი. 17 ნოემბერს, სახალხო დამცველმა და ბულგარეთის საელჩოს წარმომადგენელმა ზუგდიდის ადგილობრივი თვითმართველობის და არასამთავრობო ორგანიზაციის წარმომადგენლებს სამეგრელო-ზემო სვანეთის რეგიონში განხორციელებული პროექტის შედეგები გააცნეს. პროექტის მიზანია მართლმსაჯულებაზე ხელმისაწვდომობისა და კანონის უზენაესობის კუთხით ცნობიერების ამაღლება. სრულად... წყარო: www.ombudsman.ge

თბილისი. საერთაშორისო გამჭვირვალობა – საქართველო აქვეყნებს ახალ ბლოგს: „სასამართლოს ავტორიტეტის დაცვის მიზნით, გამოხატვის თავისუფლების დაუსაბუთებელი შეზღუდვა დაუშვებელია". „საქართველოს იუსტიციის უმაღლესი საბჭოს არამოსამართლე წევრებმა 2015 წლის 9 ნოემბერს გავრცელებულ განცხადებაში გამოთქვეს შეშფოთება სხვადასხვა საზოგადოებრივი ჯგუფების გამოხმაურებებზე, რომლებიც „რუსთავი 2”-ის საქმეზე სასამართლოს გადაწყვეტილებას მოყვა. განცხადებაში აღნიშნულია, რომ სასამართლოს გადაწყვეტილებაზე და კონკრეტულ მოსამართლეზე გამოთქმული შეფასებები, მათ შორის არასამთავრობო სექტორის მხრიდან, განუზომლად დიდ ზიანს აყენებს არა მარტო სასამართლოს დამოუკიდებლობას, არამედ დემოკრატიის სხვა ძირითად პრინციპებსა და სახელმწიფოებრივი ინსტიტუტების მდგრადობას. ... საქმის კონკრეტული გარემოებებიდან გამომდინარე მიგვაჩნია, რომ არათუ დასაშვები, არამედ აუცილებელია აღნიშნულ საქმეზე მიმდინარეობდეს საჯარო დებატები, რომელიც უზრუნველყოფს საზოგადოებრივი კონტროლის განხორცილებას მთლიან პროცესზე. ამასთან, თემის მნიშვნელობიდან გამომდინარე, თითოეული მოქალაქის უფლებაა, მიიღოს ამომწურავი, მათ შორის კრიტიკული, ინფორმაცია სასამართლო განხილვასთან დაკავშირებით. საჯარო დებატებში ასევე გამოხატვის თავისუფლებით დაცულია, იმგვარი განცხადებების გაკეთება, მათ შორის სასამართლოს გადაწყვეტილებას მიმართებით, რომლებიც გაზვიადებული ან თუნდაც პროვოკაციული შინაარსის მატარებელია. შესაბამისად, მიგვაჩნია, რომ სასამართლოს ავტორიტეტის დაცვის ინტერესი არ უნდა გახდეს გამოხატვის თავისუფლების დაუსაბუთებელი შეზღუდვის საფუძველი", ნათქვამია ბლოგში. სრულად... წყარო: www.transparency.ge

თბილისი. საქართველოს სახალხო დამცველის პირველმა მოადგილემ მონაწილეობა მიიღო აშშ–საქართველოს სტრატეგიული პარტნიორობის ქარტიის ფარგლებში დემოკრატიისა და მმართველობის სამუშაო ჯგუფის შეხვედრაში. „შეხვედრაზე მხარეებმა საქართველოში ადამიანის უფლებების დაცვის მდგომარეობა, კანონის უზენაესობისა და მმართველობის, ასევე დემოკრატიული ინსტიტუტების განვითარების საკითხები განიხილეს", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. სახალხო დამცველი მოსამართლეთა უკონკურსოდ დანიშვნა/დაწინაურების შესახებ განცხადებას ავრცელებს. „მართლმსაჯულების შეუფერხებელი განხორციელების უმთავრეს ღერძს თავად მოსამართლე წარმოადგენს და შესაბამისად, აუცილებელია სათავეშივე უზრუნველყოს სახელმწიფომ კადრების ეფექტური ფორმირება. საქართველოს სახალხო დამცველს მიაჩნია, რომ მოსამართლეთა კომპეტენტურობის შეფასებასთან დაკავშირებით მნიშვნელოვანია საერთო სასამართლოების მიერ საქმეთა განხილვის შესახებ სახალხო დამცველის მონიტორინგის შედეგების გათვალისწინება. მასში იგულისხმება კონკრეტულ მოსამართლეთა მიმართ სახალხო დამცველის მიერ წლების განმავლობაში წარდგენილი რეკომენდაციები დისციპლინური სამართალწარმოების დაწყების შესახებ და საპარლამენტო ანგარიშები, ნათქვამია სახალხო დამცველის განცხადებაში. სრულად... წყარო: www.ombudsman.ge

თბილისი. „ადამიანის უფლებების სწავლებისა და მონიტორინგის ცენტრმა (EMC)" თბილისის საქალაქო სასამართლოში საჯარო ინფორმაციის მიღების მოთხოვნით, რელიგიის საკითხთა სახელმწიფოს სააგენტოს წინააღმდეგ, სარჩელი წარადგინა. „სარჩელი შეეხება სააგენტოს ინიციატივით დაფუძნებული კომისიის საქმიანობას, რომელიც შეისწავლის ადიგენის მუნიციპალიტეტის სოფელ მოხეში მდებარე, თვითმმართველობის საკუთრებაში კლუბის სტატუსით რეგისტრირებული, სადავო საკულტო ნაგებობასთან დაკავშირებულ გარემოებებს", ნათქვამია ორგანიზაციის განცხადებაში. სრულად... წყარო: emc.org.ge

თბილისი. ორგანიზაცია „ახალგაზრდა ადვოკატები" თბილისის საქალაქო სასამართლოს 2015 წლის 5 ნოემბრის განჩინების მიღებისთვის წინასამართლებრივ გარემოებებზე საუბრობს. „მიმაჩნია, რომ ტელეკომპანიის კანონიერი ინტერესების დამცველებმა მნიშვნელოვანი შეცდომა დაუშვეს, როდესაც 3 ნოემბრის სასამართლო გადაწყვეტილების შემდგომ, საკონსტიტუციო სასამართლოს არ მიმართეს და არ იდავეს საქართველოს სამოქალაქო საპროცესო კოდექსის 198-ე მუხლის კონსტიტუციურობის საკითხზე. ჩემი აზრით, სასამართლო გადაწყვეტილების უზრუნველყოფის ნორმა არავითარ კონსტიტუციურ პრინციპებს არ ეწინააღმდეგება, მაგრამ საკონსტიტუციო სასამართლო, როგორც მოიქცა დაუყოვნებლივ აღსრულების მუხლის შეჩერების ნაწილში, ამ შემთხვევაშიც, იგივე გადაწყვეტილებას მიიღებდა. შედეგად მივიღებდით დროში გახანგრძლივებულ დავას და არა ტელეკომპანიაში დროებითი მმართველის დანიშვნას", აცხადებს ახალგაზრდა ადვოკატების ხელმძღვანელი. სრულად... წყარო: barristers.ge

თბილისი. საქართველოს ახალგაზრდა იურისტთა და ადვოკატთა ასოციაცია პროკურატურას მოუწოდებს დაუყოვნებლივ გამოიძიოს ადვოკატ გიორგი მდინარაძის მიმართ სავარაუდოდ შსს-ს თანამშრომლების მხრიდან განხორციელებული ფიზიკური ძალადობის ფაქტი. „საია უკიდურეს შეშფოთებას გამოთქვამს 8 ნოემბერს ადვოკატ გიორგი მდინარაძის მიმართ სავარაუდოდ შსს-ს თანამშრომლების მხრიდან განხორციელებული ფიზიკური ძალადობის ფაქტზე. საია მოუწოდებს პროკურატურას სწრაფად, სრულყოფილად და ობიექტურად გამოიძიოს აღნიშნული შემთხვევა და პასუხისგებაში მისცეს ყველა შესაბამისი პირი", ნათქვამია ორგანიზაციის განცხადებაში. სრულად... წყარო: gyla.ge

თბილისი. სახალხო დამცველი ეხმაურება ადვოკატ გიორგი მდინარაძის მიმართ განხორციელებულ ძალადობის ფაქტს. „საქართველოს სახალხო დამცველი მოუწოდებს საქართველოს პროკურატურას, დაუყოვნებლივ, ობიექტურად და ეფექტურად გამოიძიოს იურიდიული დახმარების სამსახურის ადვოკატის, გიორგი მდინარაძის მიმართ განხორციელებული ძალადობის ფაქტი, განახორციელოს დანაშაულის სწორი სამართლებრივი კვალიფიკაცია და გამოავლინოს დამნაშავე პირები", ნათქვამია ომბუდსმენის განცხადებაში. სრულად... წყარო: www.ombudsman.ge

თბილისი. საია აქვეყნებს ინფორმაციას, რომლის თანახმად „საქართველოს სახელმწიფომ ევროპული სასამართლოს წინაშე 2009 წლის 15 ივნისის აქციაზე სახალხო დამცველის წარმომადგენლის უფლებების დარღვევა აღიარა. 2010 წლის 18 იანვარს საქართველოს ახალგაზრდა იურისტთა ასოციაციამ პარტნიორ ორგანიზაციასთან - ადამიანის უფლებათა დაცვის ევროპული ცენტრი (EHRAC) - თანამშრომლობით, საჩივრით მიმართა ადამიანის უფლებათა ევროპულ სასამართლოს, ვახუშტი მენაბდის სახელით, რომელიც, საქართველოს სახალხო დამცველის მანდატის ფარგლებში, 2009 წლის 15 ივნისს საპროტესტო აქციის მიმდინარეობას აკვირდებოდა. 2015 წლის 13 ოქტომბერს, საქართველოს მთავრობის მიერ წარდგენილი ცალმხრივი დეკლარაციის საფუძველზე, ევროპულმა სასამართლომ გამოიტანა განჩინება, რომელიც სასამართლოს ვებგვერდზე 2015 წლის 5 ნოემბერს გამოქვეყნდა. მიღებული განჩინებით ევროპულმა სასამართლომ განსახილველ საქმეთა სიიდან ამორიცხა საჩივარი... ", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. საქართველოს სახალხო დამცველი უკრაინული გამოცემით გავრცელებულ ვიდეო-ჩანაწერებთან დაკავშირებით მთავარ პროკურატურას მიმართავს. „საქართველოს სახალხო დამცველი მოუწოდებს საქართველოს მთავარ პროკურატურას, დამოუკიდებელი გამოძიების ფარგლებში მოხდეს აღნიშნული აუდიოჩანაწერების მოპოვების კანონიერებისა და გავრცელების შესწავლა, რათა უზრუნველყოფილ იქნას საქართველოს კონსტიტუციითა და სისხლის სამართლის კანონმდებლობით დადგენილი პრინციპების აღსრულება", ნათქვამია განცხადებაში. სრულად... წყარო: www.ombudsman.ge

თბილისი. ახალგაზრდა იურისტთა ასოციაციამ ოქტომბრის თვის საქმეების შესახებ ინფორმაცია განათავსა ვებგვერდზე. საიას დახმარების რამდენიმე დავა ბენეფიციარების სასარგებლოდ დასრულდა. სრულად... წყარო: gyla.ge

თბილისი. 28 ოქტომბერს, საქართველოს სახალხო დამცველმა ბრალდებულ ო.რ.-ს მიმართ განხორციელებული შესაძლო არასათანადო მოპყრობის ფაქტზე გამოძიების დაწყების წინადადებით მიმართა საქართველოს მთავარ პროკურორს. „საქართველოს სახალხო დამცველი მიიჩნევს, რომ დაკავებული პირის ნებისმიერი განცხადება/ინფორმაცია, რომლის თანახმად, მის მიმართ სამართალდამცავების მხრიდან ადგილი ჰქონდა ძალადობას, წარმოშობს სახელმწიფოს ვალდებულებას – დაიწყოს გამოძიება", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. საერთაშორისო გამჭვირვალობა საქართველო პარლამენტის მიერ მეორე მოსმენით განხილულ საკანონმდებლო ინიციატივას ეხმაურება. „კანონპროექტის მიღებას უარყოფითი შედეგები მოჰყვება საქართველოში მოქმედი კომერციული ბანკების, მიკროსაფინანსო ორგანიზაციების, საკრედიტო კავშირების, სალიზინგო და დეველოპერული კომპანიებისა და უძრავი ქონების ბიზნესში ჩართული მოქალაქეებისათვის", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. „საერთაშორისო გამჭვირვალობა საქართველო" საქმის განაწილების ელექტრონული წესის შემოღებასთან დაკავშირებით იუსტიციის მინისტრის კრიტიკას ეხმაურება. „იუსტიციის მინისტრმა საყვედური გამოთქვა იმასთან დაკავშირებით, რომ „საერთაშორისო გამჭვირვალობა - საქართველო" და საქართველოს უზენაესი სასამართლო თანამშრომლობენ ელექტრონულ საქმეთა განაწილების წესის დანერგვის კუთხით. ვწუხვართ, რომ საქართველოს იუსტიციის მინისტრი აკრიტიკებს „საერთაშორისო გამჭვირვალობა - საქართველოს" მეშვეობით დონორების ძალისხმევას, ხელი შეუწყონ სასამართლო სისტემის გამჭვირვალობის ზრდას, ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) განმარტებას აქვეყნებს საკონსტიტუციო სასამართლოს გადაწყვეტილებაზე „ბექა წიქარიშვილი საქართველოს პარლამენტის წინააღმდეგ”. „სასამართლომ მიიჩნია, რომ პირადი მოხმარების მიზნით მარიხუანას შეძენა-შენახვისათვის დაუშვებელია სასჯელის სახით, ნებისმიერი ვადით, თავისუფლების აღკვეთის გამოყენება. აღსანიშნავია, რომ მოცემულ საქმეში სასამართლოს არ უმსჯელია მარიხუანას უშუალოდ მოხმარებაზე და აღნიშნული ქმედების დეკრიმინალიზაციაზე, რადგან ეს საკითხი არ წარმოადგენდა დავის საგანს". ნათქვამია ორგანიზაციის განცხადებაში. სრულად... წყარო: emc.org.ge

თბილისი. სახალხო დამცველი ბოლოდროინდელ მოვლენებს ეხმაურება. „უპირველეს ყოვლისა, მნიშვნელოვანია, რომ დღეს არსებულ დაძაბულ ვითარებაში ყველა მხარემ იგრძნოს პასუხისმგებლობა და თავი შეიკავოს ისეთი განცხადებებისა თუ მოქმედებებისაგან, რომელმაც შესაძლოა ვითარების კიდევ უფრო მეტი დაძაბვა, ძალადობა და აგრესია გამოიწვიოს. მაღალი თანამდებობის პირები განსაკუთრებული პასუხისმგებლობით უნდა მოეკიდონ საკუთარ როლს ამ პროცესებში", ნათქვამია სახალხო დამცველის განცხადებაში. სრულად... წყარო: www.ombudsman.ge

თბილისი. „ადამიანის უფლებათა სწავლების და მონიტორინგის ცენტრი" მიიჩნევს, რომ ახლადშექმნილ სახელმწიფო უსაფრთხოების სამსახურში მნიშვნელოვანი ინფორმაციები გასაიდუმლოებულია. „EMC-მ ასევე სცადა ინფორმაციის მიღება ახლადშექმნილი სამსახურის მიერ დაწყებული გამოძიების რაოდენობისა და შესაბამისი დანაშაულების შესახებ. თუმცა, სამსახურმა ინფორმაცია არ მოგვაწოდა და მიგვითითა შინაგან საქმეთა სამინისტროს ვებ-გვერდზე არსებულ სტატისტიკურად დამუშავებულ მონაცემებზე", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საქართველოს სახალხო დამცველის აპარატი მსჯავრდებულთა განცხადებების შესწავლის შედეგებს აქვეყნებს. „საქართველოს სახალხო დამცველის აპარატის მიერ მსჯავრდებულთა განცხადებების შესწავლის შედეგად იკვეთება, რომ გორის რაიონული სასამართლო განხილული სისხლის სამართლის საქმეების განაჩენების ასლებს მსჯავრდებულებს სისტემატიურად არ გადასცემს კანონით დადგენილ ვადაში. ასევე, არაგონივრულ აჭიანურებს თბილისის სააპელაციო სასამართლოში სააპელაციო საჩივრისა და საქმის გადაგზავნას", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. ინფორმაციის თავისუფლების განვითარების ინსტიტუტი (IDFI) სასჯელაღსრულების დეპარტამენტის წინააღმდეგ სასამართლო დავის შეჯამებას აქვეყნებს. „აღნიშნული დავა კიდევ ერთხელ ადასტურებს საქართველოში ისეთი ქმედითი მექანიზმის შემქნის აუცილებლობას, რომელიც დააწესებს მეტ გარანტიას საჯარო ინფორმაციის ხელმისაწვდომობაზე და მინიმუმამდე დაიყვანს ისეთ შემთხვევებს როდესაც ადმინისტრაციული ორგანოების მიერ ხდება პროცესის ხელოვნურად გაჭიანურება", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. ორგანიზაცია „ახალგაზრდა ადვოკატები" შეწყალების მორიგი აქტის მომზადებასთან დაკავშირებით პრეზიდენტს მიმართავს. „შეწყალების მორიგი აქტის მომზადების დროს, ყურადღება დაეთმოს უვადო პატიმრობაში მყოფი ქართველი სამხედრო მოსამსახურის, გივი დუმბაძის საქმეს, რომელიც პირდაპირ წარმოადგენს წინა ხელისუფლების მსხვერპლს და მის მიმართ განხორციელებულია პოლიტიკური ნიშნით თავისუფლების უკანონოდ აღკვეთა", ნათქვამია განცხადებაში. სრულად... წყარო: www.barristers.ge

თბილისი. ახალგაზრდა ადვოკატები უკრაინული მედია-საშუალებით გავრცელებულ სამალავებში აღმოჩენილ წამების და არაადამიანური მოპყრობის კადრების გავრცელებას ეხმაურება. ორგანიზაცია, თვლის რომ „2003-2012 წლებში დანაშაულის ჩამდენ პირთა პოლიტიკური და სამართლებრივი პასუხისმგებლობის საკითხი უნდა დადგეს... ახალგაზრდა ადვოკატები საქართველოს პარლამენტს სთავაზობს, კანონმდებლობაში გაჩნდეს „სისტემური დანაშაულის" რეგულაციასთან დაკავშირებით ჩანაწერი. ორგანიზაცია საკანონმდებლო დონეზე საკითხის დარეგულირებას აუცილებლად მიიჩნევს", ნათქვამია ორგანიზაციის ვებ-გვერდზე. სრულად... წყარო: www.barristers.ge

თბილისი. 19 ოქტომბერს, სახალხო დამცველმა ადამიანის უფლებათა აკადემია გახსნა. „ადამიანის უფლებათა აკადემია სახალხო დამცველის სტრუქტურული ერთეულია, რომელიც მიზნად ისახავს ადამიანის უფლებების სფეროში სამართლებრივი და სხვა ასპექტების შესახებ სამიზნე ჯგუფების ცოდნისა კვლევითი და ანალიტიკური უნარების გაღრმავებას", ნათქვამია სახალზო დამცველი ვებ-გვერდზე. სრულად... წყარო: www.ombudsman.ge