თბილისი. არასამთავრობო ორგანიზაციები „ტაბულას" ჟურნალისტებზე თავდასხმას ეხმაურებიან. „უკიდურესი შეშფოთებით ვეხმაურებით 2016 წლის 12 იანვარს ტელეკომპანია "ტაბულას” ჟურნალისტებზე განსხვავებული შეხედულების გამო, სიძულვილის მოტივით თავდასხმის ფაქტს და მოვუწოდებთ სამართალდამცავ ორგანოებს, სწრაფად და ეფექტურად გამოიძიონ მომხდარი. ასევე, მნიშვნელოვანია, ქმედებას მიეცეს სათანადო კვალიფიკაცია და შს მინისტრის 2014 წლის 23 დეკემბერის N47 მითითების შესაბამისად, გამოძიებამ, დანაშაულის გარემოებების აღწერის დროს, მიუთითოს საქმეში სისხლის სამართლის კოდექსის 53-ე მუხლის 31 ნაწილით გათვალისწინებული სიძულვილით მოტივირებული დანაშაულის ნიშნების არსებობის შესახებ", ნათქვამია ორგანიზაციის ვებ-გვერდზე. სრულად... წყარო: www.tdi.ge

თბილისი. „ადამიანის უფლებების სწავლებისა და მონიტორინგის ცენტრი” (EMC) საკონსტიტუციო სასამართლოში სამი მოსარჩელის ინტერესებს დაიცავს. „კონსტიტუციური სარჩელი „ზიანის შემცირების საქართველოს ქსელისა" და EMC-ის ერთობლივი პროექტის ფარგლებში მომზადდა. სარჩელში სადავოდ არის გამხდარი „ნარკოტიკული დანაშაულის წინააღმდეგ ბრძოლის შესახებ" საქართველოს კანონის ის ნორმები, რომლის საფუძველზეც, ნარკოტიკულ დანაშაულში მსჯავრდებულ პირებს ავტომატურად, წინასწარ განსაზღვრული ვადით ეზღუდებათ რიგი უფლებები, მათ შორის ავტოსატრანსპორტო საშუალების მართვის, საჯარო სამსახურში საქმიანობის, საგანმანათლებლო დაწესებულებაში საქმიანობის და სხვა უფლებები", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. სამოქალაქო საზოგადოების ინსტიტუტმა დაასრულა ონლაინ სასწავლო პროგრამის „საარჩევნო სამართლის" კურსი. სასწავლო პროცესში მონაწილეობდნენ კვალიფიციური და არაკვალიფიციური პარტიების 200–ზე მეტი წარმომადგენელი. 100–მა წარმატებულმა მონაწილემ მიიღო სერთიფიკატი. პროგრამის ფარგლებში პარტიების წარმომადგენლებმა აიმაღლეს ცოდნა საარჩევნო საკითხებში ვიდეო ლექციების, საკითხავი ლიტერატურისა და ტესტირების გზით. ონლაინ პლატფორმა საშუალებას იძლევა სასწავლო პროცესში საქართველოს სხვადასხვა რეგიონის წარმომადგენელი იყოს ჩართული, შესაბამისად, „საარჩევნო სამართლის" კურსი სხვადასხვა რეგიონში მცხოვრებმა მოქალაქეებმა, სამუშაოსგან მოუწყვეტლივ გაიარეს. სამოქალაქო საზოგადოების ინსტიტუტმა „საარჩევნო სამართლის" სასწავლო პროგრამა სსიპ „საარჩევნო სისტემების განვითარების, რეფორმირებისა და სწავლების ცენტრის" ფინანსური მხარდაჭერით შექმნა. მათ, ვისაც აინტერესებს საარჩევნო სამართალი, თავისუფალი მსმენელის რეჟიმის საშუალებით შესაძლებლობა აქვს მოისმინოს სპეციალურად ამ საკითხებზე შექმნილ 13 ვიდეო ლექციას. ვიდეო ლექციები...

თბილისი. ინფორმაციის თავისუფლების განვითარების ინსტიტუტი (IDFI) "სტრატეგიული გეგმა საქართველო -2020"-ის ფარგლებში აქვეყნებს სტატიას: „რა აზრი აქვს პრეტენზიას?". „საქართველო 2020" თანახმად ეფექტიანი საჯარო მმართველობის სტრატეგიის წარმატებით „განხორციელების მიზნით საჭიროა სახელმწიფომ ხელი შეუწყოს ადამიანური რესურსების მართვის სისტემის განვითარებასაც, რათა საჯარო სამსახური გახდეს სტაბილური და მოიზიდოს კვალიფიციური კადრები შესაბამისი მატერიალური და კარიერული მოტივაციის საფუძველზე", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საერთაშორისო გამჭვირვალობა საქართველო აქვეყნებს სტატიას: „სასამართლო გადაწყვეტილებათა ხელმისაწვდომობა EBRD-ის ბენეფიციარ ქვეყნებში". „კვლევამ ცხადყო, რომ სასამართლო გადაწყვეტილებათა ხელმისაწვდომობის მხრივ საქართველოში არსებობს მნიშვნელოვანი გამოწვევები. განსაკუთრებით პრობლემურად არის შეფასებული ის, რომ გადაწყვეტილებათა ონლაინ გამოქვეყნება ხდება მხოლოდ ზემდგომი ინსტანციის სასამართლოთა შემთხვევაში. ნაშრომში აღნიშნულია, რომ აუცილებელია საზოგადოებისთვის ხელმისაწვდომი იყოს პირველი ინსტანციის სასამართლოთა გადაწყვეტილებები. აღნიშნული განსაკუთრებით ყურადსაღებია თუ გავითვალისწინებთ, რომ მსგავსი მიდგომა არსებობს აღმოსავლეთ ევროპის თითქმის ყველა ქვეყანაში", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის მოსამართლეთა შერჩევა/დანიშვნის მიმდინარე პროცესის შეჩერებას მოითხოვს. „გვსურს შევაჯამოთ და კიდევ ერთხელ ხაზი გავუსვათ იმ მნიშვნელოვან ხარვეზებს, რომლებიც კანდიდატებთან გასაუბრებების დროს გამოიკვეთა. აღნიშნული ხარვეზები ერთი მხრივ, ნდობას უკარგავს მოსამართლეთა შერჩევის პროცესს და მეორე მხრივ, აჩენს სერიოზულ კითხვებს პროცესის ობიექტურობასა და აპოლიტიკურობასთან დაკავშირებით. ჩატარებულმა გასაუბრებებმა დაადასტურა მოსამართლეთა შერჩევა/დანიშვნის მოქმედი სისტემის ხარვეზიანობა და პროცესის პრობლემურობა. ქვეყანაში არსებული მოსამართლეთა დანიშვნის სისტემა ვერ უზრუნველყოფს პროცესის სათანადო გამჭვირვალობას, საბჭოს ანგარიშვალდებულებას, მიღებული გადაწყვეტილების დასაბუთებულობასა და სასამართლო სისტემაში გამორჩეული კვალიფიკაციისა და არასადავო რეპუტაციის მქონე პირების დანიშვნას", ნათქვამია კოალიციის განცხადებაში. სრულად... წყარო: idfi.ge

თბილისი. 22 დეკემბერს პარლამენტმა გენდერული თანასწორობის კანონში ცვლილებები დაარეგისტრირა. „გენდერული თანასწორობის კანონში ცვლილებათა პაკეტი გულისხმობს, ადგილობრივი თვითმმართველობის დონეზე გენდერული თანასწორობის ინსტიტუციური მექანიზმის დანერგვას. საკრებულოს დონეზე გენდერული თანასწორობის საბჭოს ჩამოყალიებებას, ხოლო გამგებლის დაქვემდებარებაში გენდერული თანასწორობაზე პასუხისმგებელი პირის არსებობას”, ნათქვამია ორგანიზაციის ვებ-გვერდზე. სრულად... წყარო: www.ginsc.net

თბილისი. 21 დეკემბერს, კოალიცია დამოუკიდებელი და გამჭვირვალე მართლმსაჯულებისათვის ორგანიზებით, საქართველოს სასამართლო სისტემის გამოწვევების შესახებ, საზოგადოებრივი ფორუმი გაიმართა. „ეს კოალიციის მიერ ორგანიზებული რიგით მე-13 საზოგადოებრივი ფორუმია. კოალიცია აერთიანებს 30-ზე მეტ უფლებადამცველ არასამთავრობო ორგანიზაციას. კოალიცია მიზნად ისახავს დამოუკიდებელი და გამჭვირვალე მართლმსაჯულების მხარდაჭერას სასამართლო პრაქტიკის მონიტორინგისა და რეფორმების ადვოკატირების გზით", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ახალგაზრდა ადვოკატები" წამებასა და არაადამიანურ მოპყრობაზე გამართულ კონფერენციას დაესწრო. „კონფერენციის თემა „სისხლის სამართლის კანონმდებლობაში წამებასა და არაადამიანურ მოპყრობასთან დაკავშირებული კანონმდებლობის ხარვეზები და პრევენციის მექანიზმები, საერთაშორისო პრაქტიკა და გამოცდილება" გახლდათ. განხილულ იქნა ,,წამებისა და არაადამიანური მოპყრობის სისტემური დანაშაულობების ანალიზი და ახალი საკანონმდებლო ინიციატივები", „წამებასა და არაადამიანური მოპყრობასთან ბრძოლის საკითხებზე საქართველოს კანონმდებლობის შედარებითი ანალიზი ევროპული ქვეყნების საუკეთესო პრაქტიკასთან’’ და სისხლის სამართლის კოდექსში შესატანი ცვლილებებისა და დამატებების შესახებ საქართველოს კანონის პროექტი", ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. ორგანიზაცია „ახალგაზრდა ადვოკატებმა", ბიზნესმენ რამაზ ახვლედიანის მიმართ ლისის ტბის დათმობის ფაქტებზე კვლევის შედეგები წარმოადგინეს. „ახალგაზრდა ადვოკატების" შეფასებით, რამაზ ახვლედიანი ქონებაჩამორთმეულია, რომლის მიმართაც ხელისუფლების ცალკეულმა უწყებებმა განახორციელეს იძულება, მუქარა, გამოძალვა, სამსახურეობრივი უფლებამოსილების გადამეტება, ნამდვილი იურიდიული ნების საწინააღმდეგოდ, პირადი განცხადების საფუძველზე, უარი ათქმევინეს ბიზნესსა და ქონებაზე, რაც ცალსახად, საქართველოს სისხლის სამართლის კოდექსით, დასჯადი ქმედებაა. ორგანიზაციამ კვლევის ფარგლებში აღმასრულებელი, საკანონმდებლო და სასამართლო ხელისუფლების მიმართ, სარეკომენდაციო წინადადებებიც შეიმუშავა, რომელიც საქმეზე სწრაფი და ეფექტური გამოძიების, სამართლიანი სასამართლოს უფლების უზრუნველყოფას ეხება", ნათქვამია ორგანიზაციის განცხადებაში. სრულად... წყარო: www.barristers.ge

თბილისი. 7 დეკემბერს, საქართველოს სახალხო დამცველმა რეკომენდაციით მიმართა ლ. გ.-ს ქირავნობიდან გამომდინარე სახელშეკრულებო ურთიერთობებში თავი შეიკავოს ნებისმიერი სავარაუდო ნიშნის გამო დისკრიმინაციული მოპყრობისაგან. „მესაკუთრემ, როგორც კი შენიშნა, რომ ბავშვი აუტისტისტური სპექტრის მქონე იყო, ლ.ბ.-ს მოსთხოვა მისი ბინის დაცლა. სახალხო დამცველი მის ხელთ არსებული მტკიცებულებების ობიექტური შეფასების შედეგად, მივიდა იმ დასკვნამდე, რომ მესაკუთრის მიერ ქირავნობის ხელშეკრულების მოშლის რეალური მიზეზი ბავშვის შესაძლებლობის შეზღუდვა იყო”, ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. არსამთავრობო ორგანიზაციები ეხმაურებიან შეწყალების კომისიის მოქმედი და ყოფილი თავმჯდომარეების განცხადებებს, სადაც ისინი პოლიტიკოსების მხრიდან განხორციელებულ ზეწოლაზე საუბრობენ. „ცხადია, რომ ამ ტიპის ზეწოლის შესახებ გაკეთებული განცხადებები წარმოადგენს ინფორმაციას განსაკუთრებით სახიფათო ბუნების მქონე შესაძლო სამოხელეო დანაშაულის შესახებ და მოითხოვს, რომ გამოძიება წარიმართოს შემჭიდროვებულ ვადებში და დროულად გაეცეს პასუხი საზოგადოებაში არსებულ კითხვებს. თუმცა, ამ საქმეში ჩვენს განსაკუთრებულ შეშფოთებას იწვევს მაღალი თანამდებობის პირების და პოლიტიკოსების არაჯანსაღი რეაქცია კომისიის ყოფილი ხელმძღვანელის მიერ გაკეთებულ განცხადებებზე. …აუცილებელად მიგვაჩნია, რომ სწრაფი, ეფექტური და სრულყოფილი გამოძიების პარალელურად, სამართალდამცავმა ორგანოებმა სრულად უზრუნველყონ განმცხადებლების, მოწმეებისა და მათი ახლობლების უსაფრთხოება და ხელშეუხებლობა”, ნათქვამია ერთობლივ განცხადებაში. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაციის საჩივრის საფუძველზე, სახელმწიფომ ევროპული სასამართლოს წინაშე, პატიმარ კ. თედლიაშვილის გარდაცვალებასთან დაკავშირებით წარმოებული გამოძიების არაეფექტურობა აღიარა. „მოცემული საჩივარი შეეხებოდა 2011 წლის 30 აპრილს სასჯელაღსრულების #6 დაწესებულებაში პატიმრის, კახაბერ თედლიაშვილის გარდაცვალების ფაქტს. ამავე დაწესებულების თანამშრომლებმა იგი სამარტოო საკანში ჩამომხრჩვალი იპოვეს. #6 დაწესებულებაში ყოფნის პერიოდში კ. თედლიაშვილი სისტემატურად განიცდიდა არასათანადო მოპყრობასა და მუქარას ციხის თანამშრომლების მხრიდან. კ. თედლიაშვილი თავის წერილებში, რომელთა ადრესატები შესაბამისი სახელმწიფო ორგანოები იყვნენ, პირდაპირ ამხელდა #6 დაწესებულების რამდენიმე თანამშრომელს მის მიმართ განხორციელებულ ზეწოლაში და მისი ჯანმრთელობისა და სიცოცხლის დასაცავად რელევანტური უწყებებიდან სათანადო ზომების მიღებას ითხოვდა", ნათქვამია ორგანიზაციის განცხადებაში. საია იმედოვნებს, რომ „გამოძიება ევროპული სასამართლოს მიერ დადგენილი კრიტერიუმების შესაბამისად წარიმართება და მომჩივნები ეფექტურად იქნებიან ჩართულნი მიმდინარე გამოძიების ფარგლებში". სრულად... წყარო: gyla.ge

თბილისი. 17 ნოემბერს, სასამართლომ ცესკოსა და „საარჩევნო სისტემების განვითარების, რეფორმებისა და სწავლების ცენტრის" მიმართ, „ახალგაზრდა ადვოკატების" პრეცედენტულ დავაზე, ოთხივე შუამდგომლობა დააკმაყოფილა. „სასამართლომ საქმეს დაურთო, მათ შორის მტკიცებულება - სახელმწიფო აუდიტის სამსახურის მიერ 2013, 2014 და 2015 წლებში, საქართველოს ცენტრალური საარჩევნო კომისიის „საარჩევნო სისტემების, რეფორმებისა და სწავლების ცენტრში" ჩატარებული ფინანსური აუდიტის ანგარიშები. საქმეზე მეოთხე შუამდგომლობა მდგომარეობდა სასამართლო სხდომებზე ფოტოგადაღების განხორციელების ნებართვასთან დაკავშირებით”, ნათქვამია ორგანიზაციის ვებ-გვერდზე. სრულად... წყარო: www.barristers.ge

თბილისი. საქართველოს პარლამენტმა არასრულწლოვანთა ქორწინების რეგისტრაციის შეზღუდვის შესახებ კანონი მესამე მოსმენით მიიღო. „ცვლილების თანახმად, 16 წელს მიღწეული არასრულწლოვანი პირის ქორწინება დაიშვება მხოლოდ სასამართლოს თანხმობით და ისეთი მიზეზის არსებობისას, როგორსაც წარმოადგენს ორსულობა და ბავშვის დაბადება. განმარტებით ბარათში წერია, რომ კანონპროექტის მიზანია, საკანონმდებლო ცვლილების საფუძველზე ხელი შეეწყოს 16-დან 18-წლამდე არასრულწლოვან პირთა არასასურველ და იძულებით ქორწინებათა პრევენციას, რასაც ხშირად ადგილი აქვს მშობლების მიერ გაცემული ნებართვის საფუძველზე", ნათქვამია ორგანიზაციის ვებ-გვერდზე. სრულად... წყარო: www.ginsc.net

თბილისი. ახალგაზრდა ადვოკატები სასამართლოს მიერ დაუყოვნებლივი აღსრულების შესახებ შეჩერებული ნორმების სამართალწარმოებაზე უკვე არსებულ გავლენაზე განცხადებას ავრცელებს. „სასამართლოს გადაწყვეტილება, უკვე ნეგატიურ შედეგებს იძლევა სახელშეკრულებო დავებიდან წარმოშობილ ურთიერთობებზე. ...სასამართლოს მიერ მიღებული გადაწყვეტილება უარყოფით გავლენას ახდენს სამართლებრივ დავებზე, ვინაიდან შეჩერებული ნორმები, ერთიანობაში შეეხო, სასამართლოებში მიმდინარე, როგორც სამოქალაქო, ასევე ადმინისტრაციულ საქმეებს. გადაწყვეტილება უარყოფითად მოქმედებს, მათ შორის ხელშეკრულებებიდან გამომდინარე დავებზე", ნათქვამია ორგანიზაციის განცხადებაში. სრულად... წყარო: barristers.ge

თბილისი. „ახალგაზრდა ადვოკატების" ხელმძღვანელი, არჩილ კაიკაციშვილი, თბილისის საქალაქო სასამართლოს თავმჯდომარე მამუკა ახვლედიანთან შეხვედრას მოითხოვს. „არჩილ კაიკაციშვილის მიერ თბილისის საქალაქო სასამართლოს თავმჯდომარე მამუკა ახვლედიანის მიმართ გაგზვანილ ოფიციალურ წერილში, 9 დეკემბერს, სასამართლოს ეთხოვა რეზონანსული საქმე განსახილველად არ გადასცემოდა წინა გადაწყვეტილებების მიმღებ მოსამართლეს. 14 დეკემბერს, სასამართლომ დაადასტურა, რომ საქმე კვლავ იმავე მოსამართლეს გადაეცა განსახილველად. არჩილ კაიკაციშვილი, მართლმსაჯულებისა და მოქალაქის კანონიერი ინტერესებიდან გამომდინარე, რომელსაც სამართლიანი სასამართლოს უფლება ჩამოერთვა, მოითხოვს სასამართლოს თავმჯდომარესთან შეხვედრას, გარკვევას, თუ არ გაითვალისწინა სასამართლომ, წერილის არსებობის პირობებში, მხარის კანონიერი მოთხოვნა და დამატებითი ინფორმაციის წარდგენას. სასამართლოს აღნიშნულის შესახებ უკვე მიემართა", ნათქვამია ორგანიზაციის ვებ-გვერდზე. სრულად... წყარო: www.barristers.ge

თბილისი. ახალგაზრდა ადვოკატები შეწყალების კომისიისა და 2012 წლის დეკემბერში, ამნისტიის შედეგად გათავისუფლებულთა საქმეებზე მიმდინარე საჯარო დისკუსიას ეხმაურება. „შეწყალების კომისიის საქმიანობის გამჭვირვალობა მუდმივად წარმოადგენდა საზოგადოებრივი განხილვების საგანს, ვიანიდან ცალკეული საქმეების მიმართ, არ არსებობს დასაბუთებული და განმარტებული გადაწყვეტილებები, თუმცა კამპანია, რომელიც პატიმართა საქმეების ანგარებით ლობირების არსებობას ეხება, ცდება საკითხის მიმართ ჯანსაღი კრიტიკის საფუძვლებს და მოითხოვს სამართლებრივ და პოლიტიკურ შეფასებას", ნათქვამია ორგანიზაციის განცხადებაში. სრულად... წყარო: www.barristers.ge

სამცხე-ჯავახეთი. დემოკრატ მესხთა კავშირის იურისტები, პროექტ „უფასო იურიდიული დახმარების შეთავაზება, სამცხე-ჯავახეთის მოსახლეობას" ფარგლებში, სოფელი ურაველისა და მუსხის მოსახლეობას შეხვდნენ. შეხვედრის მიზანია მოსახლეობაში არსებული იურიდიული პრობლემების ადგილზე შესწავლა და მოსახლეობისთვის, უფასო იურიდიული დახმარების აღმოჩენა. სრულად... წყარო: ორგანიზაციის ვებ-გვერდი სოციალურ ქსელში

თბილისი. ორგანიზაცია „ახალგაზრდა ადვოკატებსა" და ქალაქ თბილისის საკრებულოს იურიდიულ საკითხთა კომისიას შორის ურთიერთანამშრომლობის მემორანდუმი გაფორმდა. „წარმოდგენილი მემორანდუმის ფარგლებში, ორგანიზაცია იღებს ვალდებულებას, რომ დამისამართებულ ყველა მოქალაქეს უფასო იურიდიულ კონსულტაციით უზრუნველყოფს. მისივე თქმით, ორგანიზაცია ამჟამად ახორციელებს ორ პროექტს, რომელიც ეხება სამშობლოში დაბრუნებულ მიგრანტთა იურიდიულ მომსახურებას და 2015 წლის 13 ივნისის სტიქიით დაზარალებულ ოჯახებში ქალთა ადვოკატირებას", ნათქვამია ორგანიზაციის განცხადებაში. სრულად... წყარო: www.barristers.ge

თბილისი. კოალიცია ეხმაურება საკონსტიტუციო სასამართლოსთან დაკავშირებით მმართველი პოლიტიკური ძალის წარმომადგენლების განცხადებას. „აღნიშნული განცხადებები გაჯერებულია ზედაპირული პოლიტიკური შეფასებებით, რასაც საერთო არ აქვს სასამართლო აქტების დასაბუთებულ სამართლებრივ კრიტიკასთან. ცალკეულ შემთხვევებში კი შესაძლოა მსგავსი განცხადებები სასამართლო ხელისუფლებაზე ზეწოლის მცდელობასაც წარმოადგენდეს, რაც განსაკუთრებით სახიფათოა სასამართლოში ამჟამად მიმდინარე და განხილვის მოლოდინში მყოფი საქმეების მიმართ", ნათქვამია ორგანიზაციის ვებ-გვერდზე. კოალიცია მოუწოდებს პოლიტიკოსებს სიფრთხილით მოეკიდონ სასამართლოებში განხილვაში მყოფი საქმეების შეფასებას. სრულად... წყარო: www.isfed.ge

თბილისი. ორგანიზაცია „ახალგაზრდა ადვოკატები" საქართველოს სასჯელაღსრულებისა და პრობაციის სამინისტროსთან შექმნილი საკონსულტაციო საბჭოს წევრი გახდა. „სამინისტროს საკონსულტაციო საბჭოს პირველი შეხვედრა 2015 წლის 11 დეკემბერს გაიმართება და შეხვედრა სიმბოლურად მიეძღვნება ადამიანის უფლებათა დაცვის საერთაშორისო დეკლარაციის მიღების წლისთავს. საკოორდინაციო საბჭოს პირველ შეხვედრაზე სამინიტრო წარმოადგენს მოკლე მოხსენებას უახლოესი ერთი წლის განმავლობაში სამინისტროს პრიორიტეტების შესახებ", ნათქვამია ორგანიზაციის ვებ-გვერდზე. სრულად... წყარო: barristers.ge