აჭარა. ხანდაზმულთა ასოციაციაში 19–27 აგვისტოს საქველმოქმედო კვირეული გაიმართა. აქციის მიზანი იყო მარტოხელა მოხუცების დახმარება. ღონისძიების ფარგლებში ახალგაზრდა მოხალისეებმა შუშშშის ყულაბებით შემოწირულობა შეაგროვეს, გამართეს ხელნაკეთი ნივთების გამოფენა–გაყიდვა. შეგროვებული თანხით ნაყიდი საკვები პროდუქტები და მედიკამენტები მოხალისეებმა ცენტრის ბენეფიციარებს 28 აგვისტოს, მარიამობას გადასცეს.   წყარო:ორგანიზაციის გვერდი სოციალურ ქსელში

სამეგრელო. პროექტის – „საზოგადოების ჩართულობა დემოკრატიული თვითმმართველობისთვის" – ფარგლებში  25 აგვისტოს შეხვედრები გაიმართა ზუგდიდის მუნიციპალიტეტის სოფლების - შამგონისა და ახალაბასთუმნის მოსახლეობასთან. შეხვედრაზე მიმოხილულ იქნა ადგილობრივი თვითმმართველობის, მოქალაქეთა ჩართულობისა და თვითმმართველობის დაგეგმილი რეფორმის ძირითადი საკითხები. ასევე მოკვლეულ იქნა კონკრეტულ თემში არსებული პრობლემები. "საზოგადოების ჩართულობა დემოკრატიული თვითმმართველობისათვის ხორციელდება ასოციაცია „ათინათის", „სამოქალაქო მონიტორინგისა და კვლევების ცენტრის" და „საერთაშორისო გამჭვირვალობა-საქართველოს" ზუგდიდის ოფისის მიერ. პროექტი მხარდაჭერილია „ევრაზიის თანამშრომლობის ფონდის" მიერ. წყარო: სამოქალაქო მონიტორინგისა და კვლევების ცენტრის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა ახალი ვიდეო მასალა განათვსა, რომელიც საჯარო სკოლებიდან გამოსახლების შემდეგ, თავშესაფრის გარეშე დარჩენილი რამდენიმე სოციალურად დაუცველი უსახლკარო ოჯახს ეხება. ვიდეო მასალის შესავალში ნათქვამია, რომ „თბილისში ყოფილი 142–ე და მე–13 სკოლებში შესახლებული სოციალურად დაუცველი უსახლკარო ოჯახების საცხოვრებლის გარეშე დარჩენილი ზოგიერთი ოჯახის სოციალური და ეკონომიკური მდგომარეობის ანალიზი აჩვენებს, რომ ისინი უკიდურესად მძიმე სოციალურ მდგომარებაში იმყოფებიან". ვიდეო მასალა წყარო: ორგანიზაციის გვერდი სოციალურ ქსელში

თბილისი.ცვლილებები შევიდა საგადასახო კოდექსში, რომელიც არასამეწარმეო იურიდიული პირებისა და საქველმოქმედო ორგანიზაციების დაბეგვრას ეხება. სამოქალაქო საზოგადოების ინსტიტუტისა და საქართველოს ფინანსთა სამინისტროს ერთობლივი მუშაობის შედეგად საქართველოს პარლამენტმა საგადასახადო კოდექსში შემდეგი ცვლილებები შეიტანა: განიმარტა ტერმინი „შემოწირულობა", როგორც ,,ორგანიზაციის მიერ უსასყიდლოდ მიღებული საქონელი/მომსახურება, მათ შორის, ფულადი სახსრები". ახალი რედაქციით ჩამოყალიბდა საგადასახადო კოდექსის 117–ე მუხლი. აღნიშნული დებულების თანახმად, ბიზნეს ორგანიზაციებსა და მეწარმე ფიზიკურ პირებს საშუალება ეძლევათ ერთობლივი შემოსავლიდან გამოქვითონ საქველმოქმედო ორგანიზაციებზე გაცემული თანხა, ასევე უსასყიდლოდ მიწოდებული საქონლისა და უფასოდ გაწეული მომსახურების საბაზრო ფასი. სრულად

ქვემო ქართლი. საქართველოს ახალგაზრდული პარლამენტი აგრძელებს შეხვედრებს რეგიონებში გლობალური გამოკითხვის – „ჩემი სამყაროს" – ფარგლებში. 13 და 14 აგვისტოს სამუშაო შეხვედრები გაიმართა ქვემო ქართლის ორ ქალაქში: რუსთავსა და ბოლნისში. გამოკითხვის შედეგების მიხედვით უნდა შეირჩეს ის მნიშვნელოვანი 6 საკითხი, რომელიც მსოფლიოში მდგომარეობის გაუმჯობესებისკენ იქნება მიმართული. წყარო: ორგანიზაციის გვერდი სოციალურ ქსელში

აჭარა.ორგანიზაცია „ღირსეულმა სიბერემ" საქველმოქმედო კვირეული დაიწყო. მისი მიზანია მარტოხელა და ხანდაზმულ ბენეფიციარებს მარიამობის დღესასწაული ღირსეულად მიულოცოს. აქცია დღეს დაიწყო და 27 აგვისტომდე გაგრძელდება. სრულად წყარო: ორგანიზაციის გვერდი სოციალურ ქსელში

თბილისი. პროექტ „დამოუკიდებლობა 4"– ის ფარგლებში საქართველოში, 18–23 აგვისტოს, პოლონელი სპეციალისტები ჩამოვლენ. პროექტს ორგანიზაციები „მარიანი", ასოციაცია „სათავე" და პოლონური არასამთავრობო ორგანიზაცია „არი არი" ახორციელებენ. პოლონელი სპეციალისტების მიზანია სუპერვიზია გაუწიონ ქართელ ჰიპოთერაპევტებს, ისინი შეაფასებენ მათ მუშაობას და მათთან ერთად დაისახავენ რეაბილიტაციის სისტემის განვითარების გზებს. ასევე დაგეგმილია შეხვედრები ჰიპო და დოგოთერაპევტებთან, ფსიქოლოგებთან, უსინათლოთა სივრცეში ორიენტაციის ინსტრუქტორებთან, ბენეფიციარებთან და მათი ოჯახის წევრებთან. ივნისში ამავე პროექტის ფარგლებში საგარეჯოს სარეაბილიტაციო ცენტრში მოეწყო ჰიპოთერაპიის ბანაკი უსინათლო და მცირემხედველი ბავშვებისთვის. წყარო: „მარიანის" გვერდი სოციალურ ქსელში

თბილისი. 16 აგვისტოს არასამთავრობო ორგანიზაცია „ადამიანის უფლებების დაცვისა და ანტიკორუფციული კავშირის" და საჯარო რეესტრის ეროვნული სააგენტოს ორგანიზებით, თხუთმეტმა რუსთაველმა მზრუნველობამოკლებულმა მოზარდმა სააგენტოში ერთი სამუშაო დღე გაატარა. საჯარო რეესტრის თანამშრომლებმა მოზარდებს გააცნეს სამსახურის ფუნქციები, მუშაობის სპეციფიკა, უპასუხეს მათ შეკითხვებს სამუშაო პროცესთან და მუშაობის პრინციპებთან დაკავშირებით. ბავშვებმა დაათვალიერეს ტექნიკური ინფრასტრუქტურა, სკანირების ცენტრი, ელექტრონული და ქაღალდის არქივები. სტუმრობის მიზანი იყო მზრუნველობამოკლებული მოზარდების სოციალური ინტეგრაცია, მათი მოტივაციის ამაღლება და პროფესიული განვითარების სტიმულირება. წყარო: საჯარო რეესტრის ეროვნული სააგენტოს გვერდი სოციალურ ქსელში

მცხეთა–მთიანეთი.  15 აგვისტოს, დუშეთში საქართველოს წითელი ჯვრის საზოგადოების კატასტროფების მართვის დეპარტამენტმა ჰუმანიტარულ დახმარება სტიქიით დაზარალებულებს გადასცა.  ორგანიზაციამ პირველადი მოხმარების ნივთები და სურსათი 130 ოჯახს დაურიგა. დუშეთის მუნიციპალიტეტის მოსახლეობა 19 ივლისს, ძლიერი წვიმების შედეგად დაზარალდა.  წყარო:ორგანიზაციის გვერდი სოციალურ ქსელში

აჭარა. ასოციაციამ „ღირსეულმა სიბერემ" ტრადიციული საქველმოქმედო კვირეული – „ჩვენც დავბერდებით" დაიწყო. მისი მიზანია საზოგადოებაში ქველმოქმედების და მოხალისეობის კულტურის განვითარება. ახალგაზრდული მოხალისეთა ჯგუფები სპეციალური მაისურებით და შუშის ყულაბებით ქობულეთის თითქმის ყველა ხალხმრავალ უბანს ეწვევიან, გავრცელდება საინფორმაციო მასალა, გაიმართება ხელნაკეთი ნივთების საქველმოქმედო გამოფენა -გაყიდვა. შეგროვებული თანხა მოხმარდება უმწეო ხანდაზმულთათვის საკვები პროდუქტების და მედიკამენტების შეძენას, რომლებსაც მოხალისეები ბენეფიციარებს მარიამობის დღესასწაულზე გადასცემენ. სრულად  წყარო: ორგანიზაციის გვერდი სოციალურ ქსელში

„ველფეარ ფაუნდეიშენმა" და თამბაქოს კონტროლის ალიანსმა აგვისტოს დასაწყისში განათლების, გავნითარებისა და დასაქმების ცენტრის მოხალისეებთან ერთად თამბაქოს კვამლისაგან თავისუფალი გარემოს მხარდასაჭერი აქციები გამართეს. აქციის ფარგლებში შეგროვდა ხელმოწერები პეტიციაზე: „აიკრძალოს მოწევა საზოგადოებრივი თავშეყრის ადგილებში". პეტიციებზე ხელმოწერების შეგროვება და აქციები გაიმართა ქუთაისში, ზუგდიდში, ბათუმსა და ქობულეთში. წყარო: კამპანიის ფარგლებში შექნილი გვერდი სოციალურ ქსელში

თბილისი. ორგანიზაცია „იდენტობა" დედოფლისწყაროს რაიონის სოფელ სამრეკლოში, ერთ–ერთი მრავალშვიალიანი ოჯახის დასახმარებლად აქციას იწყებს. „სერაფიმე საროველის ეკლესიის შესაწირი ყუთის გაქურდვის ბრალდებით, სამართალდამცავებმა 21 წლის აკაკი ფოცხვერაშვილი დააკავეს. ...ინტერნეტ გამოცემა "ქიზიყის” მეშვეობით ცნობილი გახდა, რომ ბრალდებული სოციალურად დაუცველი ოჯახიდანაა, ოჯახს 7 შვილი ჰყავს, მათ უმრავლესობას ჯანმრთელობასთან დაკავშირებული სერიოზული პრობლემები აქვს, არ აქვთ საკუთარი სახლი და სოფლის ყოფილი აბანოს ამორტიზებულ შენობაში ცხოვრობენ”, ნათქვამია „იდენტობას" ვებ–გვერდზე. ორგანიზაცია აქციას იწყებს რათა  მოხდეს უშუალო სამართლებრივი დახმარების გაწევა დაკავებული პირისათვის; სოციალური მომსახურების სერვისების მოძიება და გრძელვადიანი ინვესტიციისათვის ოჯახის მომზადება; გადაუდებელი ჰუმანიტარული და სამედიცინო დახმარების გაწევა ოჯახისათვის, რომელიც ამ დროისათვის შიმშილის ზღვარზე იმყოფება. „იდენტობა" იწყებს ოჯახისათვის ფინანსების შეგროვებას. სურვილის შემთხვევაში, თანხის მიწოდება შეგიძლიათ ორგანიზაციის მისამართზე – რუსთაველის გამზირი #37 (ელბაქიძის აღმართის მხრიდან, პირველი სართული, ბინა #1. ტელეფონი: 2 30 56 14; სრულად წყარო: identoba.com

თბილისი. 10 აგვისტოს, ფემინისტების დამოუკიდებელი ჯგუფი საბჭოთა წარსულის კვლევის ლაბორატორიის მიერ შედგენილ მაჩაბლის ქუჩის ტურს დაესწრო. ღონისძიებით ორივე ჯგუფი სანდრო ახმეტელის სახლ–მუზეუმს დაეხმარა, რომლის ეზოსაც შემოღობვა ესაჭიროება. წყარო:ორგანიზაციის გვერდი სოციალურ ქსელში

თბილისი. საქართველოს წითელი ჯვრის საზოგადოება ეძებს მოხალისეებს, რომლებიც 10–11 აგვისტოს ჰუმანიტარული დახმარების გადანაწილებაში და დაფასოვებაში მიიღებენ მონაწილეობას. მოხალისეები გაემგზავრებიან ზუგდიდში წყალდიდობით დაზარალებული მოსახლეობის დასახმარებლად. მსურველები დაუკავშირდით ორგანიზაცის ნომერზე – 2 96 10 92 წყარო:ორგანიზაციის გვერდი სოციალურ ქსელში

აჭარა. 8 აგვისტოს, ბათუმის დემოკრატიული ჩართულობის ცენტრში, ახალგაზრდულმა ორგანიზაცია „არტ ვეიმ" და „ცვლილებები თანაბარი უფლებებისათვის" შეხვედრა გამართეს. სადაც „არტ ვეის" ინიციატივით შექმნილ, შშმ პირთა საკითხებზე მომუშავე საკონსულტაციო საბჭოს წევრებს შეხვდენენ. შეხვეხდრის მიზანი საბჭოს სამომავლო სამოქმედო გეგმის დასახვა და აჭარის რეგიონში შშმ პირთა პრობლემების განხილვა იყო. საკონსულაციო საბჭო სამომავლოდ აჭარის  მთავრობასთან შეხვედრას გეგმავს. 

თბილისი. ადამიანის უფლებათა ცენტრმა ანგარიში – „საქართველოს ფსიქიატრიული დაწესებულებები – პრობლემები, საჭიროებები, რეკომენდაციები" – გამოაქვეყნა. ანგარიში ეყრდნობა ადამიანის უფლებათა ცენტრის წარმომადგენელთა მიერ საქართველოს რიგ ფსიქიატრიულ დაწესებულებებში განხორციელებული ვიზიტებისა და კვლევის შედეგებს. ჯგუფის შემადგენლობაში იყვნენ:  ორი იურისტი, პათოფსიქოლოგი, უფლებადამცველი (ამავდროულად, სერვისის მომხმარებელი) და ჟურნალისტი ოპერატორთან ერთად. პროექტის ფარგლებში მომზადდა ასევე  დოკუმენტური ორსერიანი ფილმი - „გარიყულები". კვლევა დაფინანსებულია Pro Viqtimis Fundations-ს მიერ. ანგარიში ფილმი – გარიყულები (ნაწილი  1) ფილმი – გარიყულები (ნაწილი 2) წყარო:humanrights.ge

სამცხე–ჯავახეთი. ღია გარემოსდაცვითმა სამოქალაქო ინიციატივამ (OECI), სსიპ ეროვნული სატყეო სააგენტოს სამცხე-ჯავახეთის სატყეო სამსახურის თანამშრომლებთან "ტყის მდგრადი მართვის" პროექტის ფარგლებში მორიგი სამუშაო შეხვედრა გამართა. შეხვედრაზე სამცხე-ჯავახეთის რეგიონში 2013–2014 წლების ზამთრის სეზონისათვის მოსახლეობის საშეშე მერქნით უზრუნველყოფის საკითხები,  რესურსების გამოყოფა-მოხმარების შესახებ სიახლეები  და სახელმწიფო გეგმები განიხილეს. „ინიციატივის მიზანი ტყის რესურსების მოხმარებასთან დაკავშირებით მდგომარეობის გაუმჯობესება, პირველ რიგში კი, ზამთრის სეზონისთვის დროული მომზადებაა. ამისთვის მნშვნელოვანია შეიქმნას რეალურად განხორციელებადი მოდელი, რომელიც მოსახლეობას სასიცოცხლო მნიშვნელობის რესურსით გარანტირებულად უზრუნველყოფს, ყველა დაინტერესებული მხარისთვის მისაღები იქნება, რეგიონის ტყეებს კი იმ სერიოზულ ზიანს ააცილებს, რაც ყოველწლიურად შეშის უსისტემო მოპოვებასთანაა დაკავშირებული. მართვისა და მონიტორინგის ორგანოების გარდა მნიშვნელოვანია პროცესში ადგილობრივი მოსახლეობის ჩართაც – ინფორმაციის დროულად მიწოდებისა და ადგილობრივი საჭიროებების გამოვლენა–გათვალისწინების მიზნით" – აცხადებს ხათუნა ხმალაძე, OECI–ის კოორდინატორი სამცხე–ჯავახეთში. წყარო: cenn

სამცხე–ჯავახეთი. მოსახლეობისათვის უფასო იურიდიული კონსულტაციის შეთავაზების მიზნით, დემოკრატ მესხთა კავშირის იურისტებმა, შეხვედრები გამართეს ახალციხის მუნიციპალიტეტის სოფელი გიორგიწმინდის მოსახლეობასთან. შეხვედრა ჩატარდა პროექტ ,,უფასო იურიდიული დახმარება სამცხე-ჯავახეთის მცხოვრებლებს" ფარგლებში, რომელიც დაფინანსებულია ევრაზიის თანამშრომლობის ფონდის მიერ. პროექტის ფარგლებში ახალციხის, ახალქალაქისა და ნინოწმინდის მუნიციპალიტეტებში მოქმედებს სამი სამართლებრივი დახმარების ცენტრი, რომელიც სამცხე-ჯავახეთის მოსახლეობას სთავაზობს: უფასო სამართლებრივ კონსულტაციებს; წერილების და განცხადებების მომზადებას სხვადასხვა სამსახურებში წარსადგენად; ნებისმიერი სახის სარჩელის მომზადებას; სამოქალაქო და ადმინისტრაციულ საქმეებზე სერთიფიცირებული იურისტის, უფასო, წარმომადგენლობას სასამართლოში, კერძო და საჯარო სამსახურებში; სატელეფონო კონსულტაციებს ON-LINE კონსულტაციას დემოკრატ მესხთა კავშირის გვერდზე სოციალურ ქსელში (www.facebook.com/UDMGeorgia ) ვებ-გვერდის (www.udm.org.ge) მეშვეობით. წყარო: დემოკრატ მესხთა კავშირის გვერდი სოციალურ ქსელში

თბილისი. „სოციალური დაცვის ლიგამ" დაიწყო პროექტი, რომლის მიზანია შექმნას ინტერნეტ რუკა ეტლით მოსარგებლე შშმ პირებისთვის, რათა ხელი შეუწყოს ხელმისაწვდომი გარემოს შექმნას. ორგანიზაცია თანამშრომლობას სთავაზობს ყველას, რათა მიაწოდოს ინფორმაცია თბილისში, რუსთავში, ქუთაისსა და ბათუმში განლაგებული პანდუსების შესახებ. „სოციალური დაცვის ლიგა" 15 ივლისიდან 15 დეკემბრის ჩათვლით შექმნის ინტერნეტ რუკას, რომელიც პროექტის – საქართველო ბარიერების გარეშე – ფარგლებში ხორციელდება. პროექტის ფინანსური მხარდამჭერია შვედეთის საერთაშორისო განვითარების და თანამშრომლობის სააგენტო და ევრაზიის თანამშრომლობის ფონდი.

სამცხე–ჯავახეთი.  CENN, ღია გარემოსდაცვითი სამოქალაქო ინიციატივასთან ერთად (OECI), სამცხე ჯავახეთში იწყებს საჯარო შეხვედრების ორგანიზებას შეშით უზრუნველყოფის მდგომარეობის შესასწავლად 2013–2014 წლების ზამთრის სეზონისთვის. პირველი ასეთი შეხვედრა დღეს, 1 აგვისტოს, აბასთუმნის მოსახლეობასთან გაიმართება.  საქართველოს ეროვნულ სატყეო სააგენტოში ამჟამად მიმდინარეობს ახალი მიდგომების შემუშავების პროცესი მოსახლეობის შეშით უზრუნველყოფასთან დაკავშირებით, რამაც ამ მიმართულებით წლების განმავლობაში არსებული მნიშვნელოვანი ხარვეზების აღმოფხვრა უნდა უზრუნველყოს. იგეგმება სპეციალური პროგრამის მომზადება და ამოქმედება, რამაც პროცესი ორგანიზებული და მართვადი უნდა გახადოს. OECI–ის მიერ დაგეგმილი შეხვედრების მიზანი სწორედ ამ პროცესის მონიტორინგი, მასში ადგილობრივი საჭიროებების ასახვა, ადგილობრივი თემების ინფორმირება და მათი სრულფასოვანი ჩართვაა. აბასთუმანში გამართულ შეხვედრაზე კითხვებს ეროვნული სატყეო სააგენტოს სამცხე–ჯავახეთის სატყეო სამსახურის წარმომადგენლები უპასუხებენ. შეხვედრას ადიგენის მუნიციპალიტეტის შესაბამის სამსახურის წარმომადგენლები დაესწრებიან. ინიციატივა ხორციელდება ავსტრიის განვითარების სააგენტოს (ADA) ფინანსური მხარდაჭერით, პროექტ „ტყის მდგრადი მართვა საქართველოში" ფარგლებში. წყარო: cenn

შიდა ქართლი. ორგანიზაციამ „უკეთესი მომავლისათვის", საქართველოში ქალთა ფონდის  ფინანსური მხარდაჭერით შავშვების დევნილთა დასახლებაში შეხვედრების ადგილის რეაბილიტაციის პროექტი განახორციელა.  სარეაბილიტაციო სამუშაოებზე ადგილობრივი დევნილები დასაქმდნენ.  ვიდეო    წყარო:  „ქალთა ფონდი საქართველოში" გვერდი სოციალურ ქსელში

თბილისი. „ლეიკემიით დაავადებულ ბავშვთა საერთაშორისო ასოციაციამ" იაშვილის სახელობის ბავშვთა ცენტრალური საავადმყოფოს ტერიტორიაზე,  გახსნა სოციალური საწარმო კაფე „დოქტორ ჰაუსი" . კაფეში შემოსული თანხა სრულად „მშობელთა სახლის" ექსპლუატაციას მოხმარდება. „მშობელთა სახლი" 2010 წელს ჩეხეთისა და ამერიკის შეერთებული შტატების საქველმოქმედო ორგანიზაციების მხარდაჭერით აშენდა. ცენტრი რეგიონებიდან ჩამოსულ იმ მშობლებს ემსახურება, რომელთა შვილებიც ლეიკემიით არიან დაავადებულნი და ხანგრძლივ სტაციონარულ მკურნალობას საჭიროებენ. წყარო: სოციალურ მეწარმეთა ცენტრის გვერდი სოციალურ ქსელში