რაჭა. 12 თებერვალს, ონის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა გამართა. პროექტის „მოქალაქეები ადგილობრივი განვითარებისთვის“ მიზანია ონისა და ტყიბულის მუნიციპალიტეტის ორ თემში (საკაო და ცუცხვათი) არსებული მწვავე პრობლემების გადაჭრის ხელშეწყობა, ადგილობრივი თვითმმართველობის, კერძო და სამოქალაქო სექტორის პარტნიორობით და სოფლის თემის აქტიური ჩართულობით. პროექტი „მოქალაქეები ადგილობრივი განვითარებისთვის“ USAID-ის ადგილობრივი თვითმმართველობის პროგრამის მხარდაჭერით ხორციელდება, რომელსაც განათლების განვითარების და დასაქმების ცენტრი ფონდ აფხაზინტერკონტთან ერთად ახორციელებს.  სრულად...  წყარო: განათლების განვითარების და დასაქმების ცენტრი

თბილისი. საია ეხმიანება ბაღდათის, ხულოსა და ქედის მუნიციპალიტეტებში განვითარებულ სტიქიურ მოვლენებს, რომლებმაც 11 ადამიანის სიცოცხლე შეიწირა.  „მოვუწოდებთ საქართველოს პროკურატურას დააფიქსიროს პოზიცია მიმდინარე მოვლენებზე, კერძოდ, აიდენტიფიცირებს თუ არა შესაძლო დანაშაულის ნიშნებს. ბუნებრივ კატასტროფებთან დაკავშირებით გამოძიების წარმოება არსებითია უპირველესად სწორედ ფაქტების დადგენის მიზნით.“ - ნათქვამია განცხადებაში  სრულად... წყარო: საქართველოს ახალგაზრდა იურისტთა ასოციაცია

კახეთი. თელავში გრძელდება უფროსი თაობის „60+ ბებია-პაპების კლუბის“ მხარდაჭრა.  კლუბის მიზანია წვლილი შეიტანოს ღირსეული დაბერების, სოციალიზაციისა და არაფორმალური განათლების ხელშესაწყობად.  ხანდაზმულთა სიღარიბე, უფლებრივი მდგომარეობა და საჭიროებები - ეს ის საკითხებია, რაზეც „60+ ბებია-პაპების კლუბის“ წევრებთან და კახეთში სახალხო დამცველის წარმომადგენელთან ერთად ვიმსჯელეთ. სახალხო დამცველის წარმომადგენლის თქმით, მნიშვნელოვანი პრობლემაა ასაკის ნიშნით დისკრიმინაცია, მათ შორის დასაქმების ადგილებზე.  ასევე, ოჯახის წევრების მხრიდან ხანდაზმულებზე ფიზიკური და ეკონომიკური ძალადობა. განვიხილეთ 60+ კლუბების მნიშვნელობა და მუნიციპალიტეტების ჩართულობის საჭიროება.  უფროსი თაობის წარმომადგენლებმა ისაუბრეს ჯანმრთელობის დაცვისა და პენსიებთან დაკავშირებულ გამოწვევებზე.  სრულად... წყარო: დემოკრატიული ჩართულობის ცენტრების ქსელი

თბილისი. უფლებები საქართველო ინფოგრაფიკას აქვეყნებს.  რა სერვისებს გთავაზობთ საზოგადოებვირი ცენტრი?  ინფოგრაფიკის მომზადება შესაძლებელი გახდა - „ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში“ - ფარგლებში, რომელსაც „უფლებები საქართველო“, „ლელიანის ზრდასრულთა განათლების ცენტრთან“ და „ახალსოფლის ახალგაზრდულ ცენტრთან“ პარტნიორობით, და „ომისა და მშვიდობის გაშუქების ინსტიტუტის“ (IWPR) მხარდაჭერით ახორციელებს.  იხილეთ ინფოგრაფიკა  წყარო: უფლებები საქართველო

მცხეთა-მთიანეთი. 8 თებერვალს, ადგილობრივი თვითმმართველობის განხორციელებაში დევნილთა ჩართულობის მნიშვნელობაზე სასაუბროდ დევნილი და მასპინძელი მუნიციპალიტეტების მონაწილეობით სამუშაო შეხვედრა გაიმართა.  შეხვედრაზე დევნილთა სათემო საბჭოს წევრებმა, თვითმმართველობების წარმომადგენლებმა და სფეროს ექსპერტებმა ერთობლივად განიხილეს მოქალაქეთა ჩართულობის არსებულ მექანიზმებში დევნილთა მონაწილეობის გაზრდის შესაძლებლობები.  მცხეთა-მთიანეთის რეგიონული ჰაბი, ესტონეთის ლტოლვილთა საბჭოსთან თანამშრომლობით და ესტონეთის საერთაშორისო განვითარების ცენტრის (ESTDEV) ფინანსური მხარდაჭერით ახორციელებს პროგრამას “სამოქალაქო საზოგადოების გაძლიერება - დევნილთა და ლტოლვილთა ხმა საქართველოში”.  სრულად... წყარო: მცხეთა-მთიანეთის რეგიონული ჰაბი

თბილისი. ორგანიზაცია „აუტიზმის კვლევისა და ხელშეწყობის ფონდმა“ USAID- ის მხარდაჭერით შეიმუშავა 18 წლის ზევით ასაკის აუტიზმის მქონე პირებისთვის რეაბილიტაციის პროგრამა. პარალელურად, ორგანიზაცია სხვა რესურსების მობილიზებაზეც მუშაობს. მეტი ინფორმაციისთვის ნახეთ მოკლე ვიდეო. USAID-ის სამოქალაქო საზოგადოების ჩართულობის პროგრამა მხარს უჭერს აქტიურ ადამიანებს, რომლებიც ცდილობენ, გარემო უკეთესობისკენ შეცვალონ. სრულად... წყარო: სამოქალაქო საზოგადოების ჩართულობის პროგრამა

25-26 იანვარს, ინფორმაციის თავისუფლების განვითარების ინსტიტუტი ქუთაისსა და ბათუმში კერძო სექტორთან ჩაატარა სამუშაო შეხვედრები ღია სამთავრობო მონაცემების ხელმისაწვდომობის საკითხებზე. ღონისძიებები ჩატარდა The USAID Economic Governance Program - ის მხარდაჭერით განხორციელებული პროექტის - ღია სამთავრობო მონაცემების (OGD) კვლევა - ფარგლებში ღონისძიების მიზანია გამოავლინოს რა საჭიროებები, შესაძლებლობები და პოტენციალი გააჩნიათ კერძო კომპანიებს მონაცემების გამოყენებით შექმნან ახალი სერვისები, გაზარდონ საქმიანობის ეფექტურობა და ხელი შეუწყონ ეკონომიკურ ზრდას.  სრულად... წყარო: ინფორმაციის თავისუფლების განვითარების ინსტიტუტი

თბილისი. ღირსეული შრომის პლატფორმა გამოსახლებების შეჩერებას და დაკავებული აქტივისტების გათავისუფლებას ითხოვს.  ღირსეული შრომის პლატფორმა ეხმაურება მიმდინარე კვირის განმავლობაში ჩანიშნული გამოსახლების შემთხვევებს, სოლიდარობას უცხადებს გამოსახლების წინაშე მდგარ ოჯახებსა და დაკავებულებს და სახელმწიფოსგან გამოსახლებაზე მორატორიუმს ითხოვს. როგორც ღირსეული შრომის პლატფორმა აღნიშნავს მორატორიუმის დროს შესაძლებელი გახდებოდა შესაბამისი კანონმდებლობისა და პოლიტიკის ძირფესვიანი ცვლილება.  სრულად...  წყარო: სოციალური სამართლიანობის ცენტრი

თბილისი. სოციალური სამართლიანობის ცენტრი ბლოგს „ბრძოლა დემოკრატიისთვის: სოციალური კონფლიქტები წიაღისა და ენერგეტიკის სექტორში“ აქვეყნებს.  ალექსანდრა აროშვილის ბლოგში განხილულია საქართველოს წიაღის და ენერგეტიკის სექტორში არსებული გამოწვევები, სოციალური წინააღმდეგობები და ამ ტიპის პროექტებიდან მისაღები ეკონომიკური სარგებლის საკითხები.  იხილეთ ვრცლად... წყარო: სოციალური სამართლიანობის ცენტრი

სამეგრელო. საქველმოქმედო ჰუმანიტარული ცენტრმა „აფხაზეთი“ (CHCA) 18 იანვრიდან მედდებისა და მზრუნველობის კვალიფიკაციის ამაღლების კურსი დაიწყო.  ტრენინგი 10 დღის განმავლობაში გაგრძელდება. ტრენინგს ატარებს ორგანიზაცია "ადამიანი და ბუნება". სასწავლო კურსი შეთანხმებულია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან.  ინიციატივის მხარდამჭერია გაეროს განვითარების პროგრამა (UNDP).  სრულად... წყარო: საქველმოქმედო ჰუმანიტარული ცენტრი „აფხაზეთი“ (CHCA)

თბილისი. სოციალური სამართლიანობის ცენტრი ეხმიანება ფემიციდის მზარდ შემთხვევებს და მთავრობას მოუწოდებს ქალთა მიმართ ძალადობის სისტემურ პრევენციაზე მიმართული პოლიტიკის გაძლიერებისკენ.  „ქალთა მიმართ ძალადობისა და ოჯახში ძალადობის საკითხებზე მკაცრი სისხლისსამართლებრივი პოლიტიკის მიუხედავად, ქალთა მკვლელობებისა და მკვლელობის მცდელობების მაჩვენებელი მაინც მაღალია. 2024 წლის დასაწყისში ფემიციდის მძიმე შემთხვევები დაფიქსირდა. მედია წყაროებით ცნობილი გახდა, რომ ახალი წლის ღამეს ბათუმში, 36 წლის ქალი მოკლა მეუღლემ, ხოლო 9 იანვარს, თბილისში ქმარმა 27 წლის ცოლი მოკლა.  მივმართავთ ხელისუფლებას  გააძლიეროს ქალთა მიმართ ძალადობის პოლიტიკის პრიორიტეტულობა და გააორმაგოს საკუთარი ძალისხმევა, რესურსები და სამუშაოები შემდეგი მიმართულებებით: 1. ქალთა მიმართ ძალადობის შემთხვევების დროული იდენტიფიცირება და პრევენცია; 2. პოლიციის მიმართ ძალადობის გამოცდილების მქონე ქალების ნდობის გაზრდა; 3. გამოძიების დროულობა და ეფექტიანობა და გენდერულად მგრძნობიარე მართლმსაჯულება; 4. ძალადობა გამოვლენილი ქალების გრძელვადიანი სოციალური და ეკონომიკური გაძლიერება; 5. მოძალადე პირების ქცევის კორექციის ეფექტიანი და გრძელვადიანი პროგრამები“.  სრულად...  წყარო: სოციალური სამართლიანობის ცენტრი

თბილისი. საბჭოთა წარსულის კვლევის ლაბორატორია განცხადებას ავრცელებს და გმობს სტალინის განმადიდებელი შინაარსის შემცველი ხატის - „წმინდა მატრონა მოსკოველი აკურთხებს სტალინს“ ქართული ვერსიის სამების საკათედრო ტაძარში განთავსებას.  „მოვუწოდებთ საქართველოს მთავრობას, იმოქმედონ კანონის შესაბამისად და შეასრულონ მათზე დაკისრებული მოვალეობა, რაც საბჭოური და ნაცისტური ტოტალიტარული სიმბოლოების საჯარო სივრცეში დემონსტირების აღკვეთაში მდგომარეობს“, ნათქვამია განცხადებაში. სრულად... წყარო: საბჭოთა წარსულის კვლევის ლაბორატორია

იმერეთი. 21 დეკემბერს, წყალტუბოს რაიონში სოციალური სერვისების ცხელი ხაზის საინფორმაციო კამპანიის შეხვედრა გაიმართა.  დამსწრეებს ინფორმაცია მიეწოდათ პროექტისა და სოციალური სერვისების ცხელი ხაზის ოპერირების სტრუქტურის შესახებ. მოხდა სერვისებისა და ინფორმაციის მიწოდების საფეხურების დეტალური განხილვა.  თემის ლიდერების ჩართულობით, ცხელი ხაზის გუნდი მიზნად ისახავს მეტი საჭიროების მქონე ადამიანისათვის ინფორმაციის მიწოდებას ეფექტურად, თემის წარმომადგენლების ჩართულობით. პროექტი ხორციელდება გაეროს განვითარების პროგრამისა (UNDP) და ევროკავშირის (EU) ფინანსური მხარდაჭერით, პროექტის EU4Dialogue ფარგლებში. სრულად... წყარო: ჰუმანიტარული ცენტრი „აფხაზეთი“

თბილისი. სოციალური სამართლიანობის ცენტრი წარმოადგენს კონფლიქტების მკვლევრის, ედუარდ აზარის სტატიას - „გაჭიანურებული სოციალური კონფლიქტი: ანალიტიკური ჩარჩო“.  სტატიაში ავტორი კონფლიქტების კომპლექსურობის ახსნას გვთავაზობს და აანალიზებს ფაქტორებს, რომლებიც შეიძლება უწყობდნენ ხელს კონფლიქტების წარმოშობას და მათ ესკალაციას.  იხილეთ სტატია ვრცლად... წყარო: სოციალური სამართლიანობის ცენტრი

შიდა ქართლი.26 დეკემბერს, სოციალური სამართლიანობის ცენტრი წეროვანში და შავშვებში მცხოვრები მოსახლეობისთვის სამართლებრივი კონსულტაციისთვის შეხვედრას გამართავს. შეხვედრაზე მოხდება მოსახლეობის სოციალური პრობლემების იდენტიფიცირება და გაზიარებული პრობლემების შესახებ ინფორმაციის მიწოდება შესაბამისი სახელმწიფო უწყებებისთვის. შეხვედრა ტარდება შვედეთის საერთაშორისო განვითარების თანამშრომლობის სააგენტოს (SIDA) და კვინა ტილ კვინას მიერ მხარდაჭერილი პროექტის, „კონფლიქტების ტრანსფორმაციის წახალისება კონფლიქტებთან დაკავშირებული ისტორიის კრიტიკული გადააზრების და ქალთა პერსპექტივების გაძლიერებით“, ფინანსური მხარდაჭერით. სრულად... წყარო: სოციალური სამართლიანობის ცენტრი

თბილისი. თემურ კაკაბაძე ნიდერლანდების საელჩოს ადამიანის უფლებათა ჯილდოს - „ტიტას“ 2023 წლის ერთ-ერთი მეორეადგილოსანია.  თომა სამოქალაქო აქტივისტია, რომელიც თავის გარშემო შემოკრებილ ახალგაზრდებთან ერთად ცდილობს, დადებითი ცვლილებები შეიტანოს საზოგადოებაში.  თომა ყოველდღიურად დაუღალავად შრომობს აჭარაში შშმ პირების უფლებების დასაცავად.  ის მრავალ აქტივობას ატარებს იმისთვის, რომ ბათუმი ეტლით მოსარგებლეებისთვის უფრო კომფორტული გახადოს.  სრულად... წყარო: ნიდარლანდების საელჩო საქართველოში

მცხეთა-მთიანეთი. 15 დეკემბერს გაიმართა კონფერენცია - იძულებით გადაადგილება საქართველოს კონტექსტში.  კონფერენცია მიზნად ისახავდა, იძულებით გადაადგილებულ პირთა და საქართველოში მცხორებ უკრაინელ ლტოლვილთა მულტისექტორული და გრძელვადიანი მხარდაჭერის ხელშეწყობას.  კონფერენციის ფარგლებში მოეწყო დევნილი და უკრაინელი ლტოლვილი მეწარმეების გამოფენა, მათი პროდუქციისა და საქმიანობის პოპულარიზების მიზნით.  მცხეთა-მთიანეთის რეგიონული ჰაბი, ესტონეთის ლტოლვილთა საბჭოსთან თანამშრომლობით და ესტონეთის საერთაშორისო განვითარების ცენტრის (ESTDEV) ფინანსური მხარდაჭერით ახორციელებს პროგრამას “სამოქალაქო საზოგადოების გაძლიერება - დევნილთა და ლტოლვილთა ხმა საქართველოში”.  სრულად... წყარო: მცხეთა-მთიანეთის რეგიონული ჰაბი

თბილისი. 12 დეკემბერს, ეროვნული ბიბლიოთეკის საგამოფენო დარბაზში, რიგით მეორე "იდეების აუქციონი" გაიმართა.  „იდეების აუქციონი“ მცირე ზომის ჯგუფებს საკუთარი პროექტების პოტენციურ დონორებთან წარდგენასა და ფინანსების მოზიდვაში ეხმარება.  წელს, იდეების აუქციონზე სამმა გუნდმა წარადგინა სოციალური პროექტი. ესენია: ორგანიზაცია „ჰოუფი“, ორგანიზაცია „ამო მეოთხეზე“, ორგანიზაცია „გზა მშვიდობისკენ“.  სამივე სოციალურმა პროექტმა აუდიტორიის დიდი ინტერესი გამოიწვია. ამ პროექტების წარსამართად სულ 22 300 ლარი შეგროვდა ღონისძიებაზე. ღონისძიებას ესწრებოდნენ საერთაშორისო დონორი ორგანიზაციების, სამოქალაქო სექტორის, მედიის, სახელმწიფო სტრუქტურებისა და ბიზნეს სექტორის წარმომადგენლები. საქართველოში ქრაუდფანდინგში, ანუ სახალხო დაფინანსების პრაქტიკაში სულ უფრო მეტი ადამიანი, ჯგუფი, თუ ორგანიზაცია ერთვება.  სხვადასხვა სოციალური თუ გარემოსდაცვით პროექტებისთვის, მსგავსი ფინანსური მხარდაჭერა უმნიშვნელოვანეს და ხშირად გადამწყვეტ როლს ასრულებს.  აუქციონი გაიმართა პროექტის “სამოქალაქო საზოგადოების ინიციატივის” ფარგლებში, ევროკავშირისა და კონრად ადენაუერის ფონდის (KAS) მხარდაჭერით.  სრულად...   წყარო: საქართველოს სტრატეგიული კვლევებისა და განვითარების ცენტრი

იმერეთი. 12 დეკემბერს, ქუთაისში, განათლების განვითარების და დასაქმების ცენტრის ორგანიზებით, პროექტის „სამოქალაქო საზოგადოების ინიციატივა“ ფარგლებში ახალგაზრდების განვითარების და მოხალისეობის ხელმშემწყობი პროგრამების საჯარო განხილვა გაიმართა.  ღონისძიების მიზანი იყო, იმერეთის რაჭა-ლეჩხუმი-ქვემო სვანეთის ახალგაზრდებისთვის სახელმწიფოს 2023-2026 წწ. ახალგაზრდული სტრატეგიის წარდგენა და მის ფარგლებში გაწერილი სამოქმედო გეგმისა და დაგეგმილი აქტივობების გაცნობა.  შეხვედრა ორგანიზებული იყო ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში.  პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად – საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).  სრულად... წყარო: განათლების განვითარების და დასაქმების ცენტრი

თბილისი. სოციალური სამართლიანობის ცენტრი აქვეყნებს 2023 წელს, მართლმსაჯულებისა და დემოკრატიის მიმართულებით უფლებრივი მდგომარეობის შეფასებას.  „აღსანიშნავია, რომ არსებითად არის გაუარესებული უწყებების მიერ საჯარო ინფორმაციის და სტატისტიკური მონაცემების წარმოების პრაქტიკა. საჯარო უწყებები მხოლოდ გამონაკლის შემთხვევებში უზრუნველყოფდნენ გამოთხოვილი ინფორმაციის მოწოდებას კანონით დადგენილ ვადებში. უწყებების დახურულობა და მათ საქმიანობაზე ინფორმაციის მოუწოდებლობა არსებითად შეუძლებელს ხდის დემოკრატიულ საზოგადოებრივ კონტროლს და მნიშვნელოვნად ამცირებს მათ მიმართ ნდობას.“ - ნათქვამია განცხადებაში სრულად...  წყარო: სოციალური სამართლიანობის ცენტრი

ფონდი „აფხაზეთი“ ჯანდაცვის პროგრამების, სოციალური სერვისების, განსახლებასა და ერთჯერად დახმარებების საკითხებზე საზოგადოებას სათავაზობს ცხელი ხაზის მომსახურებას. დაინტერესების შემთხვევაში დაუკავშირდით - 032 2 152 911. Whatsapp/Viber - +995 577 960 444. ელ–ფოსტა - hotline@chca.org.ge  სრულად...  წყარო: ფონდი „აფხაზეთი“

გურია. ახალგაზრდა პედაგოგთა კავშირმა გამოაქვეყნა ახალი კვლევა – „ბავშვზე ზრუნვის მომსახურებათა ეფექტიანობის“ შესახებ. კვლევის მიზანი იყო ბავშვზე ზრუნვის მომსახურებათა ეფექტიანობის შესწავლა საქართველოში.  აღნიშნული კვლევის ფარგლებში შესწავლილ იქნა შემდეგი მომსახურებები: მიტოვების რისკის წინაშე მყოფი 6-18 წლის ასაკის ბავშვების დღის ცენტრი; არასპეციალიზებული მინდობით აღზრდა; მცირე საოჯახო ტიპის სახლი. კვლევა ...  წყარო: ორგანიზაციის გვერდი სოციალურ ქსელში